رواية لا تظن انساك وانت قطعة مني -2
أنزلت تحت لقتهم كلهم قاعدين ما عده بو عزيز طالع زياد وطلال فوق بالصالة يلعبون بلايستيشنفاطمة : صباح الخير
الكل : أي صباح قولي مساء أو قولي تصبحون على خير
فاطمة : ليش الساعه كم الحين
منى : يا حلوه الحين بإذن المغرب
فاطمة : أشوف دانه ذبحتني اتصالات
بشار وهو يتثاوب : يمه
منى : نعم
بشار : أبي فلوس مصروفي خلص على المدرسين كل واحد عشرين وعشرة
منى : وليش ما تقولين أنا أدفع حق المدرسين
بشار : يمه تكونين طالعه فاطر ادفع
منى : خلاص بعد شوي اعطيك
ويا زياد من فوق : بس تعطينه وأنا لا ها ولا أنا ولد البطه السوده
بشار : لا أنت ولد البطه البيضة بس اسكت
زياد : سخيف
منى : والله بشار دفع فلوسه للمدرسين مو لعبك
زياد : طلال يالله نروح الديوانية
منى راحت دارها عشان تروح للبيت العود
فاطمة : مها سارة ولدت
مها : صج
فاطمة : أي أستاذه دانه ذبحتني اتصالات
عزيز : أحسن عشان تقعد كل يوم خل تتصل
ضاري : صار أمي الثانية عزوز
عزيز : أنا حمار أنا أخوك العود
ضاري : اخو أخر زمن
عزيز : هين يا ضوير اوريك
ضاري يبي يرفع ضغطه : يا أخي أنت ولد فهد الراشد تكلم عدل
عزيز : مخلي الكلام العدل لك يا ضب
ضاري : انا ضب يا قرد
عزيز وهو ميت ضحك : قرد مره وحده أصلن انا فهد صقر نسر مو قرد
ضاري : كفوك
فاطمة : عزوز ضاري جاسم
عزيز و ضاري وجاسم : نعم
فاطمة : نبي نطلع
عزيز : طلعي احد ماسكك
فاطمة : نبيكم اطلعونا
عزيز : اها
ضاري جاسم : اها
عزيز : مدام أنتي طلبت من عيوني
فاطمة : تسلم عيونك يا الغالي
جاسم : يالله وين تبون تروحون
فاطمة : ما دري أي مكان
عزيز : أساور وين تبين تروحين
إسراء : ما ادري
فاطمة : اشرايكم روح برج حمود
إسراء : نبي نتمشى قبل ما نتعشى
جاسم : خلاص روح نتمشى بشرق على البحر
عزيز : فكره حلوه أنا موافق الساعة سبع كونوا جاهزين
فاطمة : بس أنا بروح حق سارة رفيجتي بالمستشفى
مها : أي صح
جاسم : يوووه
فاطمة : قومي مها لبسي عشان نروح الحين
جاسم : مو طولون
فاطمة : انشالله
راحت تصعد تبدل
في بيت بو علي :
علي : يــــــــــمـــــــــــه
أشواق : شفيك تصارخ
علي : احمد يبيك على التلفون
اشواق: صج وينه عطني بكلمه
احمد : قوه يمه قوة بسراي بيتنا
اشواق : هلا احمد هلا يمه شلونك
احمد : الحمد الله بخير و الأسبوع الياي عند off راح أيكم
اشواق : صج احمد راح تنور الكويت
احمد : منوره بوجودك يمه
رنا : أحمد أبي صوغه
احمد : قولي حق رنا لو تبي عيوني أعطيها جم رنوه عندنا
اشواق : اقول لو تبي عيوني أعطيها جم رنوه عندنا
رنا : احم احم وحده
علي : حلفي بس
مرام : يمه عطني بكلمه
اشواق : هاج
مرام : الو
احمد : هلا والله بمروم حبيبة قلب أخوها
مرام : تسلم حمود أنت شلونك
احمد : بخير والحمد لله
مرام : عسى دوم انشالله
احمد :شنو تبين مرام ايبلج
مرام : أبي ترجع سالم
احمد : سالم وغانم
علي : بس عاد خلصتوا رصيدي
مرام : يابخلك
علي : الحين انا بخيل
مرام : اخوي من زمان مو مكالمته ابي اكلمه
علي : اخوج بعد أسبوع بي يا أستاذه وكلميه ولا اقولج أكليه
مرام : سخيف وربي سخيف
رنا ميته ضحك
مرام : ضحكت من سرج أستاذه رنا
رنا : مرام انا ومريم وفجر ومي نبي نطلع تطلعين معانا
مرام : لا عند دراسة مو مثلج
رنا : تكلمت المحامية
مرام : محتره <وراحت>
علي : هههههههههههه
رنا : حسبالها نيوتن مع ويها
علي : محتره منها خلصي ثانوية ودش أعلى منها
رنا : حسون تعال
حسين : نعم
رنا: وين ماما
حسين : فوق
رنا : روح لها بسرعه نادها
حسين : طياره <طياره>
رنا : لسانه عوي ههههههههههههههههه
بالمستشفى :
فاطمة : حمد الله على السلامة احلى قدساوية بالوجود
ساره : الله يسلمج
فاطمة حطت بوكيه ورد على الطاوله : ها وين الاموره
دانة : بسرعة أموره شوفيها بالأول بعدين حكمي
فاطمة : هذا الشبل من ذاك الأسد
سارة : أنا أسد
فاطمة : حمدي ربج ما دحين ما دحين بنتج
مها : بسم الله ماشالله قمر
فاطمة : ها بتطلع قدساوية مثل أمها و رفيجاتها ولا لا
سارة : قدساوية غصبن عليها
فاطمة : عاشت والله
سارة : فطوم انا زعلانه منج ومن مها
فاطمة : افا ليش
سارة : انا من أمس والده و انتي ومها توكم تيون حتى ما دقيتوا تلفون
فاطمة : أولا : انتي ولتي 10 بليل ثانيا : انا الساعة خمس العصر قاعدة من النوم وقالتلي دانوه
مها : وانا بعد توني دريت
فاطمة ومها : sorry سارة
سارة : سماح هالمره
فاطمة : يالله سارة نخليج حين لأن إخواني ناطرينا بالسيارة أبلج بوقت ثاني
ساره : تو الناس ما صار لكم 10 دقائق
مها : سارة نيج وقت ثاني وراح تملين من وتقولون روحوا لوعتوا جبدي سامحين يا الغالية
سارة : يالله مع السلامه ولا تقطعون
فاطمة ومها : مع السلامة
نزلوا كانوا رايحن 3سيارات عزيز وجاسم بسيايرهم مع حريمهم وضاري مع فاطمة
ضاري : فطوم جان قعتي أكثر
فاطمة : أصلن انا كان ودي اقعد سنة عند سارة بس انتوا انتوا ما تعرفون شكثر غلاة سارة
ضاري : عن السوالف الزائدة قوليلي متى تبدين الجامعة
فاطمة : بعد شهرين
ضاري : أوف ليش وايد
فاطمة : لان انا كنت ماخذه صيفي و الكورس الي طاف كنت ماخذه مواد وايد
ضاري : اها
عزيز كان مشغل اغنية وحشني موت : اسراء الغنية لج
اسراء : ثنكس حبيبي
عزيز : يا ويل قلبي
اسراء : هههههههههههه
عزيز : تسلم هالضحكه والله
جاسم : بس عزيزوه صاير رومانسي (لان الصوت كان شوي عالي جنه مراهق) وشغل لراشد الماجد
جاسم : على راسي يا رشود
مها : جاسم احنا بشارع عام قصر الصوت
جاسم : قلبي ما لج دخل بالناس مدام انت معاي
ضاري : الحمد الله والشكر انين و اخوانج
فاطمة : تتزوج وتسوي أكثر
ضاري : لا أعوذ بالله
فاطمة :شنو الزواج صار منكر عندك وعند راكان
ضاري : انا ما أبي أتزوج الحين ما أفكر بالزواج
وصلوا ونزلوا على البحر
عزيز : والله الجو ناقص نكون بروحنا انا والقلب
ضاري وهو يغمز عزيز : ليش بو العز من القلب إلي قلتلي عنها هذيك المرة الشقرة البيضة
اسراء عصبت : يا سلام
ضاري : هههههههههههههههههه
عزيز : الله ياخذك قول امين حطيتني بلوه
ضاري بعد يضحك : هههههههههههههههههه
عزيز : مالي غير الغالية أم سعود عند القمر وأطالع النجوم مينيون
جاسم ضاري فاطمة : نحن هنا
عزيز : قلبوا ويوهكم
جاسم : مهاوي تعالي بعيد عن روميو وجوليت
عزيز : وأنت عنتر زمانك
ضاري : الحمد لله ما عندي مره عشان تقول قيص
جاسم يغني: يجيلك يوم تندم على ما سويت
ضاري : لي ذاك اليوم يسير خير
جاسم : اخذ نصيحة من أخوك الزواج حلو لا تضيع عمرك عزوبي وراك عيال ها
ضاري : ما أفكر بالوقت الحالي
جاسم :خلاص جرب أول شهر شهر العسل يعني أن ما ندمت قد شعر راسك لأنك ما تزوجت مبجر تعال طقني
عزيز يطنز : عاد شعره وايد
ضاري : تطنز مع ويهك
فاطمة : جبريت ما يتحمل غشمره
ضاري : غشمره بايخه وقعد يضحك هههههههه
عزيز : بايخه وانت تضحك ها
اسراء : ضاري يوصل الأربعين والخمسين وما أظن يتزوج
ضاري : لا والميه بعد
عزيز : لا انت اليوم مو ضاري إلى اعرفه الي بس ساكت جنه اطرم
ضاري : انا اطرم يا ثور
عزيز : ثور شهل تشبيهات انت ولد فهد عبد الله الراشد
ضاري : رديتها يعن
جاسم : واحد ضرب واحد
فاطمة : قلب مدرس رياضيات الأخ
ضاري : الظاهر عقدت الثانوية العامة بعدهي ما راحت
الكل : هههههههههههه
وراحوا تعشوا ورجعوا البيت
ثاني يوم كان الجمعة عطلة
ضاري وهو يدش البيت شاف أمه وأبوه قاعدين
ضاري : سلام بين ورد الجوري والنرجس والياسمين لأحلى أم وأبو بالدنيا
منى : أوله كل هذا لنا
ضاري : طاير من الفرحه طاير قلبي على نار ناطر باجر اداوم بالشركة الي قدمت عليها
أبوه : صج متى قدمت أوراقك
ضاري : من زمــــــــــــــــان بس ما قلت لأحد
فهد : ضاري تعال اشتغل عندنا بالشركة احسلك
ضاري : لا يبه انا اعتمد على نفسي
فهد : كيفك ماني قاصد
منى : الحين وظيفة وتوظف مو ناقص الا بنت الحلال
ضاري : يمه ما أفكر بالزواج الحين
منى : فهد شوفه كل ما كلمته قال ما أفكر ما أفكر
فهد : يا ولدي نبي نشوف عيالك قبل ما نموت
ضاري : بعد عمر طويل يبه بعدكم شباب بس والله الزواج مسئوليه انا مو قدها الحين
منى : إلا قدها ونص كا أخوك جاسم اصغر منك ومتزوج وعايش حياته
ضاري : يمه جاسم غير وأنا غير
منى : اشلون غير يا شاطر وانتوا خوان
ضاري : يمه عطيني وقت أفكر
منى : تكفه يا ضاري فرح قلبي
ضاري : انشالله يمه بروح أنام
منى : نوم العوافي بس فكر بالموضوع زين ها
ضاري : انـــــــــــــا شالله يمه
فاطمة : يـــــــــــــــمــــــــــــــــــــه
منى : شفيج تصارخين
فاطمة : خالتي اشواق تقول تعالوا اليوم عندنا تيمعوا
منى : وجع خرعتيني حسبالي في شي
فاطمة : سلامات حبيبي مو على بعضك سلامات ( على فكره صوت فاطمة روووعه)
جاسم يها من وره : أشوف الحزن في عيونك سلامات
فاطمة : يا حمار خرعتني
جاسم : انا حمار يا تيمون
فاطمة : جب وان عتها يا ويلك هذا الي ناقص الفقمة ينادين تيمون
جاسم : فقمة ها وراح يركض ورآها وهي تنحاش ليما حكرها بزاوية
جاسم : اليوم والله لأخذ حقي منج
فاطمة صرخت بصوت عالي : يــــــــــــــــــــــــــــــــــــــــــــــمــ ـــــــــــــــــــــــــــــــــــــــــه
منى : فطوم ويع شنو هالصوت
فاطمة : يمه شوفي
منى : الحمد الله والشكر جسوم وخر عنها خل تفكنا من ازعاجها
جاسم : قلت اخذ حقي منها أخذه
منى : خلاص انت قلت لها تيمون بعد خلاص جنكم يهال وكل واحد اكبر مني صاير ( خوش تشبيه)
فاطمة : جاسم ضب تحتك جاسم
جاسم نط : وين
فاطمة انحاشت راحت عند أبوها
جاسم : أيا كلبه يا فطوم
فاطمة : صج انك غبي ومقصه ضب بالبيت ههههههه
جاسم : جب يا تيمون قلم رصاص
فاطمة : يبه شوفه
فهد : هههههههههههه الحمد الله والشكر
جاسم طلع لسانه : ورينا يا دلوعة ابوج منو يبي فكك مني اليوم
فاطمة : بابا شوفه
فهد : جويسم ويع وخر عن فطوم ان يت يمها يا ويلك
فاطمة : حره على العذال حره
جاسم : مردج بتين يا فطوم واوريج منو الفقمة والغبي انا اوريج
فاطمة : الي ما تواصله بيدك واصله بريلك
جاسم : هين
بشار: صباح الخير
الكل : صباح النور
بشار : شهل صراخ الي مساع
فهد : التوأم المختلف تهاوشوا
فاطمة : يبه طالع MBC3 من ورانا
فهد : أي تصدقين ...... جب يا حماره بس جم مره أشوف عيال اخواني قاعدين على MBC3 وأنا أقرأ جريدة
فاطمة : لا لا لا يبيه أثبتت عليك التهمه أطالع MBC3
فهد : فطوم ويع
فاطمة وجاسم وبشار : هههههههههههه
في البيت العود :
ام فهد : بو فهد اليوم بروح لأشواق انا و ام عبد الرحمن
بو فهد : انشالله بس لا يطول السائق يقطعكم بعدين يرجع بروح المسجد
ام فهد : انشالله
راكان نزل من الدري : صباح الخير
ام و بو فهد : صباح النور
راكان : وين حمني (عبد الرحمن) طلع
ام فهد : لا ما أظن يمكن بداره فوق
راكان : نيتا (الخدامة) جبي ريوق
ام فهد : راكان
راكان : نعم يمه
ام فهد : أبي تيبلي كيكه على ذوقك من محل الحلويات
راكان : why??
ام فهد : تكلم عربي راكان
راكان : انشالله ليش ؟؟
ام فهد : جذي يب وبس
راكان : انشالله
عبد الرحمن : ركون
راكان : نعععععععععم
عبد الرحمن : تو الناس جان ما وقعت اليوم مباراتنا يا حظي
راكان : لحظه خلني أتريق البس بعدين نروح
عبد الرحمن : يا برود أعصابك
نزلت نور : صباح الخير
الكل : صباح النور
عبد الرحمن : هلا والله بنور دنيتي وعيني وسماي
نور استحت ونزلت راسها
راكان : نحن هنا ترى ها ولا انت بايعها
عبد الرحمن : والله أظن أنها مرتي على سنة الله ورسوله وأبوها ساكت انت شكواها
راكان : والله انا أخوها
عبد الرحمن : امحق اخو
راكان : جذي يعن يا عبد الرحمن انا اوريك
عبد الرحمن : يله
راكان : يبه انت شلون تسمح لها
بو فهد : ريلها
راكان : إن ما نكت عيشتك يا حمني ما كون ولد الراشد
عبد الرحمن : ههههههه ضحكتني مع ويهك يالله خلص بروح الملعب
راكان بدون نفس : زين
عبد الرحمن : هلا بالغالية هلا بأمي تاج راسي
ام عبد الرحمن : هلا فيك
عبد الرحمن : توصون على شي
الكل : لا سلامتك
عبد الرحمن : يالله مع السلامة وأنت يا الدب لا تنبط ولك 5 دقايق ألاقيك بالسيارة مرتز
راكان : على أمرك شيخ عبد الرحمن
عبد الرحمن : قصبن عليك
بيت بو خالد :
فجر : يمه
لولوه : نعم
فجر : يمه عيد ميلاد رفيجتي قرب وبيب لها هديه
لولوه : يبي احد ماسكك
فجر : أبي ماني
لولوه: لا حول الله انتوا وين تودون المصروف
فجر : نأكله
لولوه : بعد شوي اعطيج
مي : وأنا بعد أبي
لولوه : شحقه بعد
مي : جذي
لولوه : الحمد الله والشكر مي متى تكبرين 4 متوسط السنة الياي ثانوية وبعدج تصرفات يهال
مي : يمه ابي اشتري ساعة عجيبه شفتها عند وحدة من البنات
لولوه : انشالله بعد شوي
مي : إن زين الساعة جم نروح بيت خالتي
لولوه : 6 المغرب
على البحر
زياد : طلال مشعل
طلال ومشعل : نعم
زياد : ابي اطلع مليت من الدراسة
مشعل : انت الحين طالع
زياد : اقصد ابي اطلع برى الكويت
طلال : لا سو بعد مثل الأفلام طق تذكره ومحد يدري وسافر
زياد : ودي أقول حق يدي نطلع المزرعة
طلال : اي عفيه
مشعل : ما راح يرضى لان فترت مدارس
زياد : نجرب وعندنا عطلة العيد الوطني
مشعل : أنزين يالله نرجع البيت أمي ذبحتني اتصالات
في بيت بو عزيز :
ضاري و فاطمة وزياد كانوا يحبون لعب كرة السلة قحاطين ملعب يم حوض السباحة (مصكر)
فاطمة كانت لابسة لبس الرياضة تلعب سلة
اسراء : ها فطوم تلعب سله
فاطمة : أي ملانه تعالي لعب معاي
اسراء : من صجج قلب ويهج
دق تلفون اسراء كانت اسيل اخت اسراء
اسيل عمرها 22سنه من شلة فاطمة
اسراء : الو هلا اسيل
اسيل : هلا اسراء
اسراء : شبكتي
اسيل : مافي بس حاسة بملل
إسراء : طلعي
اسيل : ما لي خلق
فاطمة : سلمي عليها
اسراء : اسيل فطوم تسلم عليج
اسيل : الله يسلمها قوليلها شلونج فطيم
اسراء : تقول شلونج فطيم
فاطمة : قولي لها جب جم مره قايلتلها لا تقول فطيم
اسيل : ههههههه
فاطمة خذت السماعة من اسراء : ضحكتي من سرج يا خايسة
اسيل : فطوم شلونج
فاطمة : الحمد الله انت شلونج
أسيل : الحمد الله بس طاقه جبدي
فاطمة : نفسي *** تطلعين
اسيل : وين نروح بهل قايله
فاطمة : أي قايله بعدهي 12 وبعدين نروح مجمع
اسيل : والله فطوم مالي خلق
فاطمة : طلبتج أسول
اسيل : انا امرج ولا انت تمريني
فاطمة : لا انا أمرج عشان بعدين انزلج وروح بيت خالتي
اسراء : تلفوني خلص رصيده
فاطمة : اختج بخيله بعدين انت الي متصلة
اسيل : ههههههه
اسراء : بعد يطلعون ولا يقولون تعالى معانا حياج الله
فاطمه : بعناد ما راح اقولج وبعدين حتى لو قلنا بتطلعين
اسراء : أي
فاطمة : ما راح اقولج
اسراء : يبي التلفون يا خايسه
فاطمة : اسيل بعد الساعة إيلاج
اسراء : يالله سكري اسيلوه
اسيل : اسراء اعصابج طوط طوط طوط
اسراء : حماره سكرت بوجهي
فاطمة : انت قلتي لها سكري
اسراء : بس تقول مع السلامة
فاطمة : اسراء اليوم شفيج مصخنه
اسراء : روح لعب كرة سلة أحسن
نزل ضاري
فاطمة : ليش ما نمت
ضاري : ما يلي نوم
فاطمة : تلعب سلة
ضاري : امممممم أي
فاطمة : قوم
سعود : عمو بلعب معاكم
فاطمة : ههههههه يا حليلك والله
ضاري : يا روح عمو انت ما يسير بعدك صغير
سعود : لا انا مو صغير انا ريال شوف عند عضلات
ضاري : مبين انت جاكون وأنا مادري
سعود :انا راح أروح الروضة
ضاري : خلاص يا شيخ الريايل تعال العب
سعود : هيا عاش عمو ضاري عمو انا احبك وايد
ضاري : وانا احبك وايد
وراحوا يلعبون سلة النتيجة 1\1
ضاري : اوووف تعبت
فاطمة : أوف نسيت اسيل وراحت تبدل عشان تروح لها
ولما وصلت البيت اسيل
فاطمة : الو اسوله يالله طلعي انا عند الباب
اسيل : انزين
طلعت وركبت السيارة
اسيل : اقول فطوم جان قعتي بعد
فاطمة : لا بس لعبت سلة وضاع الوقت
اسيل : شاطرة والله
وراحوا المجمع تمشوا وتغدوا وفاطمة رجعت اسيل بيتهم وراحت بيت عمها حسين على الساعة 5
فاطمة : السلام عليكم
الكل : وعليكم السلام
كان الكل قاعد شباب وبنات وحريم واليد بو فهد
بو فهد : فطوم تعالي قعد يمي
فاطمة راحت وقعدت يم يدها : شلونك يدي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك