رواية ورود غرقت من دماء الشياطين -23
رياض:يمكن ثم انك توك صغيرة على الحملنوف:انا مب صغيرة رنا اصغر مني
رياض:بكم
نوف:11 شهر
رياض:يعني سنة
نوف:تقريبا
رياض:يانوف انتي لو تبين تأجلينها انا ماعندي مانع
بس تقولين لي ثم لو ربي كتب بيصير المكتوب لا هو
في ايدي ولا في ايدك
نوف:عمرك بيوصل الثلاثين كم بيصير بينك وبين
طفلك الاول
رياض:ماادري لو ميه سنة عادي
نوف:مارح تنسجم معه
رياض............................:اوكي
نوف:تعرف لو انك متزوج وعمرك 20 سنة كان
يصير حلو
رياض.......................................
......................:صكي الموضوع وصلنا
^^^^^^^^^^
راشد:رغد حبيبتي
رغد:برا مابي اسمع صوتك ولا حسك بجنبي
راشد:انتي وش فيج حرام عليج
رغد:ماابيك ماابيك
راشد.....................:اوكي بكيفج جهزي
جنطتج برجعج السعودية
نقزت رغد من مكانها
راشد:اسمعي قبل ماتروحين رغد زعلج ماله داعي
نورة ماتقدر تسوي لج شي ولا انا اقدر امنعج اللي
تبينه بيصير بس لو ولدتي انا اللي باخذه وبحرمج منه
وبتشوفين رغد انا حبيتج من اول ماعرفتج بس
للاسف انتي اصلا ماتبين الزواج كا حطمتيني وقلتي
انج ماتبيني ولا نتعب جذي مع بعض
رغد.................:انا مااسمح لنفسي اكون
عأق بين اثنين ثم لنتقبل الامر ياراشد اهلك مايبوني
هنا وابوك مب راضي عليك لتحسبني حمارة انا
سمعت كل كلمة قالها قلت احاول اعدل شي واكسب
ودهم بس للاسف ماقدرت ثم انها بنت عمك يعني
حطمتها لابعد الحدود انا يكفيني كلام الناس ويتكفيني
نظراتهم لي اللي كلها احتقار مستحيل اقعد في بيت
ناس مايبوني واب مايرضى على ولده رضا ابوك اهم
مني مب انا اللي بدخلك الجنة لا رضى ابوك بيدخلك
مب انا انا ابي ارجع الرياض
راشد........................................
...:تجهزي
نزل راشد تحت كان ابوه وامه جالسين وقف عند
الباب وهو يناظر فيهم
ابو محمد:وش فيك واقف تعال اجلس
راشد بهدوء:لا نبي نروح
ابو محمد:مع زوجتك
راشد:ايه
ابو محمد:وين
راشد:ابي اوديها عند اهلها
ابو محمد:ليش
راشد:لانكم تبون كذا
ابو محمد ببتسامة:حلو تسمع كلام ابوك وش ردها
راشد:ولا شي اللي بينا انتهى
ام محمد:انت مجنون تحبها ليش تتركها
راشد:الحب ينتهي
نزلت رغد:يالله راشد
ابو محمد:ارجع
رغد ببتسامة:مع السلامة عمي وعمتي
ابو محمد بدون ماينظر فيها:في امان الله
رغد:بصراحة انا قعدت هنا شهرين وكانتو طيبين
معي مشكورين على كل شي واسفة لو سويت لكم شي
يزعلكم
ام محمد:حبيبتي ليش تبين تروحين
رغد وهي تناظر في راشد ثم في امه:مااصلح له
يستاهل وحده احسن مني
مسح راشد دمعه نزلت من عيونه
راشد:يالله
طلعت قبله
لف على ابوه:تدري لو صار لي شي في الطريق يبه
لف عليه ابوه:وش تتكلم
راشد بالم وهو ياشر على قلبه:هنا هنا يبه انا قلبي
يكرهك هنا يتمنى موتك والله مااسامحك ولا احللك
ليوم الحساب ماطلبت مني الفراق على على شان
وجهك الشين انت انت تزوجت اللي تبيها انا ليش
حرام عليك ليش تحط عأق في طريق كل ولد من
عيالك تحسبني بمشي على طريقك مثل محمد وحمد
غلطان شوف محمد وشلون حياته مع زوجته اربع
وعشرين ساعة مهاوشات وحمد يتعذر بالسفر عشان
مايشوف وجهها ولا يسمع طلباتها انت انسان بلا قلب
ماهمه الا انه يفرح وبس
طلع راشد ومسك طريق لسعودية
^^^^^^^^^^^^
رهف:لا ليش
ام رياض:بس اسأل يالله
طلعت ام رياض وجاها مسج من هلال
**اسف احبك والله اسف والله احبك والله اسف والله
احبك والله اسف والله احبك والله اسف والله احبك
والله اسف والله احبك والله اسف والله احبك والله
اسف والله احبك والله اسف والله احبك**
مسحت المسج وطنشته دق الجوال شافت **قلبي
طلال**
صكت ومسحت الاسم والرقم كله
دخلت رغد
رهف بصدمة:رغود متى جيتي
ضمتها رغد وهي تبكي
رهف:حبيبتي وش فيك
رغد:تركته تركت راشد
رهف بالم:ليش
رغد:ماادري ليش ابوه مب راضي علي مستحيل اقعد
معه
رهف:رغد يالله لازم تصبرين
رغد:وانتي وش تسوين هنا
رهف بهدوء:ولا شي بس ماابي ارجع عند هلال
رغد.................:عرفتي
رهف:ايه ويليتني ماعرفت
رغد:وشلون
رهف:جاتني ليزا زوجته ام عبدالله وصرخت لي لين
ماملت وطلعت
رغد:اسفه
رهف:لا عادي
رغد:ورياض اخباره مع زوجته
رهف:حلو مشالله تقولين توهم متزوجين راح كل
الخلاف
رغد:الحمدالله اجل وينهم
رهف:سافرو دبي وفرنسا عشان ذكرى زواجهم اليوم
رغد:مشالله صار عليهم سنة مشالله
رهف:ايه ومااحملت تتوقعين ليش
رغد:ايه صح غريبة تعالي انا شاكه اني حامل
رهف:روحي اكشفي
رغد:ماابي خايفة راشد من قهره مني يقول انه بياخذ
الجنين لو ولدته
رهف:ليشششش
رغد:المهم انتي
رهف:انا حامل صار لي اسبوعين
يتبع........
رغد:مبروك
رهف:ماابي هلال ماتفهمين
رغد:حرام عليك هلال طيب
رهف بقهر:تدرين كنت اقول له ليش دوامك كثير
يبتسم ويصرفني والله شكيت انه متزوج علي ثم يطلع
لي دكتور
رغد:هههههه اخوات ونجيب المرض للكل
رهف:ههههه كثري منها ماادري وش فينا
رغد:الله يفرجها
رهف بهدوء:امين
^^^^^^^^
نواف:لا ليش
فرح:سؤال طيب وين بنروح
نواف:مفاجاة
فرح:يالله عاد قول
نواف:لا لحظة
بعد دقايق مسك عيونها وغطاها وقعد يمشيها ثم وقف
فرح:افتح عيوني
نواف:الان ايه
فتحت عيونها وشهقت:نوااااااااااااااااف
نواف:وش رايك
فرح وهي تضمه:مشكور تهبل
كان نواف كاتب لها على سفينة صغيرة**احبك
يافرح**
فرح:وااااو روعة مشكور من قلب
نواف:اكيد من قلب
ضمته وهي فرحانة
نواف:تبينا نركب ولا تبين تقعدين على الشاطي
فرح:اكيد لا انا اموت في السفن ابي اركب
^^^^^^^^^
سارة:من معه
ام ماجد...............:حلا
سارة:اهااا طيب اجل مب مشكلة انا بطلع انام
ام ماجد:سارة عصبي عليه اليوم يومك ويروح معها
وش هذا تكلمي
سارة:بكيفه
دخل ابو ماجد:وين ماجد
سارة:راح مع زوجته
ابو ماجد بعصبية:اليوم يومك خير ياطير
سارة:خالي بكيفه
ابو ماجد:لا مب بكيفه
سارة:خالي وش فيك هذي بنت اخوك
ابو ماجد:ولو من مااعتقد اني اتشرف ان بنت اخوي
ترضى بولدي لما انا امنعها
سارة....................:تصبحون على الف
خير
طلعت وصكت باب الغرفة وهي ميته غيض وغيره
كانت قاعدة وهي ميته طفش سحبت كتاب لماجد فتحته
ثم رمته وطاحت منه صورة سحبتها شافت نفسها في
الصورة في الصالة وماجد جالس بجنبها وهو حط ايده
عليه وضامها وهي مبتسم
كانت تناظر الصورة وهي تتذكر هذيك الايام وتبكي
انفتح الباب حطت الصورة تحت المخدة
ماجد:السلام عليكم
سارة بصوت اقرب من الهمس:وعليكم السلام
ماجد:رد السلام واجب
سارة بطرف عينها:رديت
ماجد...........:ليشت بكين
سارة بطنازة:اشتقت لحبيبي
ماجد...............:احلمي فيه
سارة:مافيها شي لو حلمت عادي احسن من العذاب
ماجد:ايه الاوهام احسن
سارة:وش تبي
ماجد:ابي انام
سارة بطنازة:تحسبني امك ماتتذكرها الا لو جا وقت
النوم عشان اعطيك رضاعتك وانومك في حضني
روح نام عن حلاك
ماجد بهدوء:لا انا ابي ضمتك انتي مب هي
سارة:وش تفرق ضمتها احلى واحن
ماجد:مب اكثر منك
سارة بعصبية:لا صدقني هي احلى يكفي انها بتضمك
بحب بدون ماتفكر في غيرك صدقني لو تروح عندها
احسن ثم ان جسمها احلى وادلع وطباعها احلى
واحسن روح عندها بتعطيك المتعه مثل ماتبي واحسن
حست ان كف ماجد اقوى من أي كف جاها نزلت
راسها وهي ساكته
ماجد:بعض الاحيان تكون البنت اللي مثلك حقيرة
يبيلها اخص من الكف والله لو ماتأدبتي بتشوفين شي
مب حلو
سارة وهي ترفع راسها وهي كارها الدموع اللي
نازلت منها:انت مب رجل ترفع ايدك على بنت انت
حقير مب رجل تستقوي علي روح استقوي على واحد
مثلك مب اضعف منك
ماجد بقهر:كلي تبن انا رجل غصب عنك والله لو انمد
لسانك مره ثانية والله لأرويك وش المستقوي كل تبن
واسكتي الله يأخذك وياخذ الساعة اللي تزوجتك فيها
او خطبتك فيها
سارة بهدوء:لا ياشيخ طيب روح لها روح روح
ماابيك روح عطها الحنان ولما تحس انك عندك قوة
غير الشهوات تعال كافخ فيني والله اني على استعداد
ماجد........................................
.........:بروح
^^^^^
نوف:والله ماادري بس اللي اعرفه اني تعبااااااااااانة
رياض بهدوء:انتي وبعدين معك صار لك يومين كل
مارجعنا تعبااااااااااااانة وبعدين
نوف:والله تعبانة من وصلنا فرنسا وانت تمشيني من
الصباح لين نص الليل
رياض:جزاي اني ابي امشيك ثم في دبي عجبك الجو
نوف وهي تجلس:غير في دبي غير تعرف استمتعت
رياض بقهر: وهنا مااستمتعتي
نوف:اكيد استمتعت والله الجو روعه والاماكن خيالية
رياض:طيب
نوف:تعرف هذي اول مره اسافر خارج السعودية
مبسوطة
رياض:وين كنتي تسافرين
نوف:جدة ...مكة..ابها ...المدينة المنورة...
الطايف بس
رياض:وع وش تبين فيها كلها مب حلوة مارحتي
الشرقية
نوف:امنية
رياض:خلاص اجل نروحها اذا رجعنا بس لو قدرت
اخذ اجازة بدورك فيها كلها
نوف وهي تجلس:والله اقو لانت خلك في شغلك
رياض:لالالا عادي بوديك لو ربي اراد
نوف:اوكي انت تقول بعد بكرا بنسافر وين
رياض:بنروح اليونان اسبوع ثم روما ونختمها في
نيوزلاند
نوف:والله تكاليف
رياض:لا مب مشكلة
نوف:شكلك تاجر مخدرات الدكتور راتبه مب بنك
رياض:ههه ايه تاجر مره وحده
نوف:هههه من جد طيب قول لي وشلون جبت الفلوس
والله تكاليف
رياض:هههههه الله يسلمك التذاكر والفنادق هي
الغالية فانا ماخذ بطاقة تسوي لي تخفيض يعني يوصل
الفندق والتذاكر 300 دولار على الروحه او الليله في
الفندق
نوف:من مين البطاقة
رياض:شركة ابوي
نوف:اهاا بس انت ماتحب ابوك
رياض:ولو انا ولده ولو يموت مايتفك مني
نوف:ممكن سؤال بس بدون ماتزعل
رياض:ازعل من الدنيا كلها ولا ازعل منك تفضلي
نوف....................................:
ابوك ليش يكنوه بأبو رائد مب ابو رياض يعني انت
اكبر
رياض.........:هههه اسمي مب حلو
نوف :والله اتكلم جد رياض اكيد فيه سبب
رياض وهو يوقف:والله مااعرفه عموما يانوف
جهزي الشنط بنطلع بكرا الصباح نفطر ثم نتمشى لين
المغرب ونسافر اليونان
نوف:وش المميز فيها
رياض:اممم مناظرها
نوف:رحت لها قبل
رياض:لا عيوني مارحت بس شفت لها صور عند
واحد من اصدقاي
نوف:اوكي اجل قوم ننام
رياض وهو يناظر الشباك :ايه ننام
نوف :زعلان مني
رياض بدون مايبعد عيونه عن الشباك:اكيد لا
ناظرت نوف مكان مايناظر في الشباك شافت بنات
كثير على الشاطي وكان الوقت صباح يعني البنات
يكثرون وماعليهم الا البكيني
نوف بغيرة وقهر:وش تناظر عيونك عيونك ذبحتهم
وحده وحده
ناظر فيها وهو ساكت ثم مشي وجلس على السرير
رياض:تعرفين يانوف اول مره اكتشف اني حمار
ماادري انا ليش ماسألت ليش اسمه ابو رائد
نوف..........:الحين فهمني تناظر في البنات ليش
رياض بهدوء:كثري منها أي بنات والله عيوني على
الشاطي وتفكيري في شي ثاني ثم ان القمر عندي
اناظر في وشو اجسام عارية وبنت تدهن لخويتها
مناطق مقرفه ولا واحد يسويها مع حبيبته قدام خلق
الله ولا وحده عاريه وواحد يمسكها وهو مايعرفها
اقول اسكتي واللي يعافيك
نوف بصراخ:يعني ناظرت
رياض:لا ياعيوني مانظرت شوفي لو ابي اناظر كان
وديتك الشاطي وناظرت بس وش ابي فيهم
نوف:لاتلعب علي بكلمتين
رياض:نوف لو سمحتي لاتعكرين مزاجي وش ابي
فيهم فهميني من زينهم اففف امشي اقعدي عندي
نوف بغيرة:ماابي روح خل وحده من العاريات تجلس
بجنبك
سكت رياض وهو يناظر السطح
نوف:لاتنسدح قوم روح لهم
رياض.......................................
...........................
......................:تصبحين على خير
نوف وهي تنقز بعصبية:لاتتجاهلني
رياض وهو مغمض عيونه:وش تبين
نوف:ليش تناظر في البنات
رياض................................:ههه
نامي
نوف:مااااابي والله مااقعد معك روح عندهم
رياض:طيب
نوف:لاترفع ضغطي ببرودك هذا
رياض بصوت تحذير:ابي انام اسكتي
نوف بعصبية:ماابي اسكت
رياض:غيرتك المصطنعه مالها سبب حلي عني
نوف:لا ياشيخ تحسب انك تناظر في البنات واسكت
عادي
رياض:لا صرخي لين بكرا مب شغلي بنام
,,,,,,,,,,,,,,,,,,,,,,,,,,,,,,,,,
الجزء 26
هلال:لا يايمة
ام هلال:انزين وش تبي تسوي
هلال:يمه هذي زوجتي واحبها ابيها وتحمل ولدي
ام هلال:تحبها وانت ماكنت تبيها
هلال:ماادري ماادري بس حبيتها حبيتها اناظرها في
كل مكان في الشقة في كل زاوية في كل غرفة اشوفها
اشوف ابتسامتها صوتها نظراتها ضحكتها لمستها
تنفسها كل شي احسه احسها بجنبي بس لو ابي امسكها
تختفي مااشوف شي منها
دلال:والله البنت حلفت ماترجع لك وش نسوي تبي
الطلاق
هلال:مابي انا انتظر رياض يرجع واتفاهم معه
دلال:والله حالتكم حالة
^^^^^^^
راشد:لا ليش
سامي:ماتبي ترجعها
راشد:ودي بس حتى اتصالات ماترد علي وابوي ميت
فرح
سامي:طيب هي حامل
راشد:ماادري ابي اعرف
سامي:انزين تفاهم مع اخوها
راشد:انشالله اليوم يرجع من السفر بروح له بكرا
سامي:اهاا طيب اجل الله يسهل عليك
راشد:لو ماكنت حامل بخسر كل شي بخسرها والله
بخسرها
سامي:ليش لو حملت
راشد:لان ابوي مايحب البنت اللي تربي ولدها بدون
زوجها ويكره الزوج اللي يرمي ولده
سامي:حلو طيب كسبت جوله
راشد:اخاف اخسرها ثم ان ابوي يبي احفاد يبي
اطفال ومستحيل يوافق انها تروح وانا اعرفه
سامي:ومتى قلت بيرجع
راشد:اليوم الساعة 9 الليل
سامي:اهاا اجل روح له
راشد:لا خله يرتاح ثم اروح له اليوم الثاني في الدوام
سامي:اهااا يعني بيرجع بعد ثلاث ساعات
راشد:ايه
سامي:من بيستقبله في المطار
راشد:وانا وش دراني بس يمكن اخوه الكبير
سامي:مب هو الكبير
راشد:تصرفاته تقول بس ابوه اسمه ابو رائد
سامي:وانشالله ماتدري وانت متزوج اخته
راشد:رغد ماتتكلم عن رياض وابوها ابد اللي فهمته
انه متزاعل مع ابوه ويكرهه من هو صغير وبعدها
ماقالت شي ابد
سامي:اهاا كتومة من البداية
راشد:لا عادي تدري يعني انا وش دخلني في عيلتها
سامي:ماادري
راشد:وش صارلك انت وخطيبتك
سامي:والله ماادري ماابيها
راشد:ووش تبي تسوي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك