رواية اقسم قسم لادوس قلبك بلقدم -7

رهام: وووع . شينين الحلايا . نبي القديم مانبي ذولا
ساره وهي تتامل خالد : بالعكس الصور كلها لها ذكرى سواءً قديمه والا جديده
جمانا: صادقه والله . الصوره الجديده هذي بيجيلها يوم وتصير احلى ذكرى
سولاف: ماعندك صورة لزواج امي وابوي؟
وعد: الا لاتستعجلين
ساره ( الله يستر ) : وانا؟
وعد: حتى انتي . كل الصور اللي تتوقعونها عندي
سارة(ياربيه يافشيلتي ) : ورينا طيب ( وفتحت على صوره لام خالد وابو خالد )
سولاف طاحت من الضحك : هههههههههه ااااااااه يابطني ااااه ليت امي تشوفها هههههههههه
وعد وهي ميته ضحك: بس يالدبا عيب عليك هذي امك
سولاف: ههههههههههههههههههههههههههههه غصب عني اشكالهم تضحك . عريسين قدامهم طاوله خشب وعليها عصيرات سن توب هههههه ه والله الرومانسيه من جد هههههههههه ه
ساره تحاول تبعد الفشيله عنها: حاولي توفرين ضحكك لين تشوفين امي وابوي
سولاف: بالله وريني صورة عمي سلطان ( وفتحت وعد على صوره لسلطان وزوجته المكان كان عباره عن بيت شعبي وكانوا جالسين على الارض . وقدامهم دلة قهوة وبريق شاهي وكانت ام سارة متحجبة . بس الغريب انه محد ضحك احتراما لساره لان امها وابوها متوفين )
وعد وهي تسكر الالبوم : اقول وشرايكم تنامون عندي اليوم؟
جمانا: بتنامين هنا؟
وعد: اذا بتنامون عندي اكيد بنام
رهام: والله فكره نغير جو شوي
جمانا: تغيرين جو في البيت
رهام: وش نسوي مادام مافيه طلعه خلينا على الاقل نغير البيت
وعد : زين وحده تسويلنا قهوه نبي نطلب حلويات نبي نفرفش بعد هالكرف اللي كرفناه


في الصالة : كانت جمانا وساره جالسين وجتهم وعد والجوال في يدها

وعد: ليش مقفله جوالك ياساره؟
ساره وهي تبلع ريقها : البطاريه فضت
وعد: اشحنيه طيب
ساره : بشحنه . بس نسيت
وعد وهي تجلس: فارس دق علي
ساره ( وييييييييييه لايكون الغبي فضحني وقال ادق عليها وجوالها مقفل )
وعد وهي تكمل كلامها: يقول ان خالك محمد يدق عليك بس جوالك مقفل
ساره وهي توقف : بروح اشحنه
وعد وهي تاشر لها ترجع : لا لا مايحتاج . خالك يبي يقولك بس انا اخوك رائد جا يسلم عليك وماحصلك
ساره ( ومن متى رائد يسلم علي ) : غريبه . اول مره
وعد: عموماً قلتله يعزمه هو وخواته عندي الليله . ودي اشوفهم . والبنات اكيد يبون يتعرفون عليهم
جمانا: الله يحييهم . نفسي اشوفهم
وعد: فارس بيمرني الحين عشان بروح للبيت اجيب لي ملابس احد بيروح معي؟
جمانا: اكيد كلنا . ماجينا الا بالبجامات . وفشيله لازم نلبس
وعد: تروحين يا ساره؟
ساره : لا . انا معي ملابس عامله حسابي ليوم الجمعه
وعد: اجل ولاعليك امر جهزي القهوة والشاهي لين نجي . واعملي حساب الشباب . ولاتخافين سولاف وكادي موجودات ونايمات في غرفة جوري
ساره: لاياعمتي ماراح اخاف . مافيه الا الامان ان شاء الله

في غرفة رهام:

جواهربازدراء: ماشاء الله عليكم عادانتم تحبون الوصل وماتقطعون الرحم
رهام: الله يهديك يمه . هذي تربيتك لنا
جواهر: وهالتربيه ماشفتها لبنات خالتكم ماغير بنات عمكم
رهام : يايمه بنات خالتي انا على تواصل معهم كل يوم ريم مزعجتني بالمسجات
جواهر: هذا انتي قلتيها. مزعجتني . يعني ماتبينها
جمانا وهي تفتح الباب: انا خلصت وبنزل الصاله
جواهر وهي تناظرها: بنت عمكم وينها؟ ماشفتها جت معكم
رهام وهي ترتب ملابسها في شنطة صغيرة : سارة مجهزة لها ملابس الى يوم الجمعه
جواهر: والله وتمكنت بنت سلطان
جمانا وكلام امها مو عاجبها: بنزل تحت يارهام ترى كلنا خلصنا ماباقي الا انتي

في الصالة

خالد: عمتي . عمه . وعد . ياام سامر . ياهوووووووووووه . ياهل البيت
سارة في المطبخ : ياربيه . اطلعله والا لا؟ . هذي فرصتي . لازم اخليه يشوفني وانا كاشخه . يمكن اقدر اخليه يحبني . ايوى الحين سكت . بطلع للصاله وكاني مدري عنه ( وطلعت )

في سيارة فارس:

وعد: وشوووووووووووو؟ خالد راح لبيتي ؟
فارس: وشفيك مستغربه؟
وعد: ساره هناك
فارس: الله لو انها لحالها . عندها سولاف وكادي
وعد: سولاف وكادي في سابع نومه والله مايدرون عن شي
فارس: تشكين في عيال اخوك؟
وعد: الذيب مايخلا مع الشاة وانا عمتك
جمانا وهي ميتة ضحك على عمتها: عمتي الله يهديك . سارة بنت ناس ومتربيه
وعد( ياخوفي لاتكون ياخويلد انت اللي تكلمها والحين مواعدها في بيتي ) : ساره بنت ناس ماقلت شي . بس خويلد تعرفونه عينه زااااااااااااايغه
فارس: خالد نظراته بريئه مايقصد شي
وعد: أي مايقصد شي . تعلمني فيه؟ ماعنده حيا ولاحشيمه لاحد . اسرع خلنا نوصل للبيت بسرعه
رهام: عمتي من جدك؟ تراها قويه بحقهم

في الصاله:

خالد ( هلا والله ) : احم . العفو ماكنت ادري ان فيه احد غريب ( مطير عيونه ويقول ماكنت ادري )
ساره وهي تلبس طرحتها ( انا احد غريب ) : عمتي راحت تجيب ملابس وبتجي الحين
خالد: انا اسف والله ياساره ماكان قصدي . امي قالت سولاف في بيت عمتك
ساره بدلع: سولاف نايمه تبيني اصحيها؟
خالد: لا لا خليها الدبا هذي لو ينفجر البيت ماصحت
سارة وهي تضحك على خفة دمه: طيب تشرب شي؟
خالد( الله على الذرابه . وش السالفه ؟ ) : ياليت والله كاس شاهي
ساره: من عيوني تامر امر ( وراحت )
خالد بينه وبين نفسه: والله وصارت تعرف تتكلم هالقرويه . علينا يافارس . كل هالدلع والغنج والكلام الحلو . وتقول ماعمرك سمعت منها كلمه حلوه؟ والله البنت شكلها ذايبه معي . نياهاهاها . فرصتي مادام مافيه احد في البيت اسولف معها على راحتي ( ومادرى الا وساره تمد له كاس شاهي )
خالد: تسلمين والله . (وتعمد يحط يده على يدها واللي استغربه انها ماسحبتها منه )

وعد باعلى صوت عندها : خااااااااالد
خالد مرتاع والكاس طاح منه : بسم الله . عمتي؟
وعد وهي تنزل عبايتها وجايه يمه :عمى الدبب
ساره بارتباك راحت للمطبخ ونظرات فارس تلاحقها
خالد: عمتي وشفيك؟ هبلتيني وهبلتي البنت . كنا مسوين جريمه
وعد: لاوالله؟ كني قاعده اتفرج على فلم مصري من هالافلام التافهه
خالد: افا . هذي بحق . انتي تطعنيني بشرفي
وعد: بس عاد . ماعرفك انا . ماتصدق تشوفلك بنت
خالد: صح . بس هذي بنت عمي . واذا ماتثقين فيني اقل شي ثقي فيها
وعد ( المشكله فيها هي ) : جمانا طلعي شنطتي وعباتي لغرفتي

في المطبخ:

سارة: فارس وشفيك؟ تشك فيني؟
فارس: انا شفتك بعيني
ساره: وش شفت ؟ . شفت اني اعطيه كوب شاهي؟
فارس : ماراح ارحمك ياساره لو اكتشفت انك تخونيني ( وطلع وقابلته عمته اللي انجنت يوم شافته طالع من المطبخ )
وعد: وش عنده فارس؟
ساره بخوف: يشرب مويه
وعد بعصبيه وهي ماسكه يد ساره: انتي يبيلك تربيه من جديد وصبرك علي ( وطلعت )

في الصاله:

خالد: فارس انت تشك فيني ؟
فارس: لا . بس مااثق فيك
خالد : ههههههههههههههههههه حلوه النكته
فارس: مصدوم بصراحه
خالد: تعوذ من الشيطان . انا بس طلبت منها شاهي وجابته لي . وفي دخلتكم للبيت
فارس: خلنا نروح للمجلس ألحين رائد بيجي
خالد : يالله مشينا

في الصالة

جمانا: بالعكس أتشرف ياالغاليه هاتي جوالك اخزن رقمي فيه
ساره بقهر مكتوم: انا اختك المفروض تاخذين رقمي
إيمان ببراءة: عندك جوال؟
ساره بكبرياء: أجل عندك أنتي وأنا لا؟
إيمان انحرجت من اسلوب أختها: أنا توني مطلعته مالي إلا أسبوع
سارة: هههههههههههههه عشان كذا تجمعين فيه أرقام
وعد بنظره لساره خلتها تسكت: إيمان ليش ماتنامون عندنا؟
إيمان: والله ودي جمعتكم ماتتفوت . بس الجايات أكثر إن شاء الله
جمانا: وسالي ليش ساكته؟
سالي بحيا: ماعندي شي اقوله

الساعة 12 بعد ماتعشوا:

في المجلس:

وعد: لاتقاطعنا عاد نبي نشوفك على طول
رائد: أكيد . ياليت تنادون لي خواتي
خالد وهو يقوم : ابشر
وعد وهي تمسك يد خالد: ارتاح ياخالد أنا بروح أناديهم
خالد وهو يحك شعره: على امرك

وطلعوا البنات وراحوا لبيتهم

الساعة 2 صباحاً في الصالة :

سارة تكلم فارس : فارس والله أخاف عمتي تقوم وتشوفني اكلم مثل ماشافتني اليوم العصر
فارس: تكفين ياساره والله مشتاق لسوالفك وشفيك صايره تبعدين عني؟
ساره: خلها لين ارجع للبيت
فارس: اذا سمعتي صوت باب للغرفه سكري
ساره باستسلام: امري لله
فارس: وش رآيك في أخوك رائد؟
ساره: ماتوقعته كبر بهالسرعه
فارس: متى اخر مره شفتيه؟
ساره: كان عمري وقتها 12 سنه . بعد وفاة ابوي
فارس: الله يرحمه . يووووووووووه خالد منجن على اختك ايمان . ازعجني من كثر مايتكلم عنها
ساره بقهر: عاد عاديه
فارس: القلب ومايهوى
ساره: فارس فيه صوت باب يفتح باي ( وسكرت )

فارس: غريبه هالبنت . شكلها تموت في خالد وانا لازم اعرف واتاكد بنفسي

راح أوضح لكم بعض الأشياء اللي المفروض تستكشفونها بين أحداث القصه وقبل هذا راح أعطيكم نبذه عن الشخصيات:

ناصر: صاحب مؤسسة كبيرة متزوج جواهر اللي من اصول حجازيه
مهند: اكبر عياله ومتوفي بحادث مع ولد عمه ياسر
فارس: ثاني عياله ويعمل ضابط وعمره 25 سنه فيه وسامه طويل وحنطي البشره له ابتسامه جذابه محبوب من العائله كلها وقلبه طيب
جمانا : 22 سنه اخر سنه بالجامعه تخصص فيزياء مثل فارس قلبها طيب وجميله بشرتها بيضاء وابتسامتها جذابه فيه ملامح كثيره من فارس
رهام: 19 سنه بسنه اولى جامعه تخصص رياضيات جميله نوعا ما وناعمه بشرتها بيضاء وتعتبر دلوعة البيت

عبدالله: تاجر وصاحب مدرسه اهليه يعاني من مرض الربو مايبخل على عياله بشي
ام ياسر: من عائلة راقيه في الرياض تعاني من مرض القلب طيبه وحبوبه
ياسر: اكبر عيالهم وتوفى بحادث مع مهند ولد عمه
خالد: موظف بالاتصالات عمره 26 سنه طويل ووسيم ابيض البشره خفيف دم
سولاف: سنه اولى جامعه تخصص رياضيات جذابه وبيضاء وتحب الطبخ

سعد: مقعد من 10 سنوات بسبب حادث كان يملك شركه واستلمها ولده بعد اعاقته
ام نواف: امراه حكيمه ومكافحه فيها كثير من تصرفات جواهر هي الامره والناهيه في بيتها
نواف: فيه شبه كبير من فارس بس هو ابيض منه مسك شركة ابوه من بعد الثانوية يتميز بالحكمه والعقل رغم خفة دمه
كادي: بنفس عمر سولاف ورهام تخصص علم نفس تعتبر حبيبة اخوها نواف

سلطان : متوفي من سنواااااااات متزوج من بنت نوره واسمها ( مها ) وكانوا اخوانه وامه رافضين زواجه لان نوره امراه تحب السيطره وتحب الفلوس لكنه عاندهم وتزوجها وتوفت بعد ولادتها لساره بسنتين وتزوج وحده ثانيه وجابت له رائد وايمان وسالي وتوفى وعمر ساره 12 سنه اللي كانت عايشه عند زوجه ابوها وبعد وفاة ابوها عاشت عند جدتها اللي بالاصل جدتها مااستقبلتها الا عشانها عارفه ان لها ورث من ابوها
ام رائد: حبوبه نوعا ما بس تصرفات ساره وغيرتها من عيالها خلت بينهم مشاكل مستمره
ساره: عاشت مع ابوها اللي مابخل عليها بشي لكنها كانت تغار من اخوانها وكانت تسبب مشاكل كرهت زوجة ابوها فيها

رائد وايمان وسالي: شخصيات محبوبة ومغلوب على امرهم بس طيبين مره

وعد: البنت الوحيده تزوجت من رجل اعمال تعرف على اخوها ناصر في امريكا وعندها سامر وجوري وتطلقت منه بسبب خيانته لها مع وحده امريكيه
جميله وبيضاء عانت في حياتها بصمت كانت تتعذب ومحد يدري عنها كانت تشغل نفسها بالطلعات والضحك ومشاكسة عيال اخوانها دكتورة جراحة لكنها ماشتغلت الا سنه وتركت الشغل

بندر: اخر العنقود عمره 28 سنه يدرس برى وسيم نوعا ما حنطي البشره وطويل

محمد: انسان مكافح حاول يشتغل من هنا ومن هنا عشان يوفر لقمة العيش لامه وخواته وعيال اخته سعد ونوف وبنت اخته ساره. جذاب نوعا ما

حصه : شخصيتها متذبذبه حبوبه مع الحبوب ونذله مع النذل بنت حلوه ويمكن ملكة جمال شبه مرحه لكن الظروف تمنعها من المرح والفرح احيانا

نوف: بنت قلبها ابيض جذابه وقنوعه وراضيه ماتحب المشاكل وتحاول تتجنبها

سعد: يحاول يكافح في هالحياة معه ثانوية بس وراتبه 1500 انسان اهم شي عنده كرامته ووسيم . لكن لمحة الحزن والقهر ماتفارق عيونه دايم

الجزء السادس عشر

في الصباح :

فارس: وين كاشته على هالصبح؟
جواهر: هذي قهوة وشاهي مسويتها بآخذها معي لبيت عمتك . بتجي الحين تآخذ ملابسها وباقي اغراضها . وبروح معها واتغدى عندهم
فارس: اها
جواهر: اذا طلعت من دوامك مرنا هناك
فارس: وابوي؟
جواهر: ابوك سافر من فجر الله . بيموت وهو ماترك هالسفر
فارس: شغله . الله يعينه . على فكره يمه . ترى عندي دوره بعد شهر تقريبا
جواهر: وش دورته؟
فارس: دورة في القطاع العسكري يعني وش بتكون فيه؟ امور ماتفهمينها
جواهر: ولازم تاخذها؟
فارس: اكيد يمه . يالله انا طالع دعواتك
جواهر: الله يحفظك
فارس وهو يلتفت على امه: على فكره . محمد كلمني اليوم تاخرنا ماردينا عليه
جواهر وهي معصبة: هذا عنده امل للحين؟
فارس: جمانا وش ردها؟
جواهر وهي تلبس عباتها: مدري عنها وان كانها بتاخذه لاهي بنتي ولا امها
فارس وهو يسحب العباة من امه ويجلسها : يمه اجلسي نتفاهم
جواهروهي تجلس بعصبية: وشو عليه؟
فارس: يمه انتي تعرفين اللي صار لجمانا
جواهر وهي توقف: بس هذا انتم كل شوي تتعذرون باللي صار . والله يافارس ان تندم لو تزوجته
فارس: وليش تندم؟
جواهر: ماتعرف نوره مثل ماعرفها انا
فارس: يمه الله يهديك هذيك مشاكل في الماضي وبعدين عندك ساره هذي هي تحب بنات عمها
جواهر وهي تمد يدها بعصبية : بس بس اسكت الله يخليك . وش تبيها تسوي يعني ؟ لها الشرف ان بنات عمها استقبلوها
فارس: وش هالكلام يمه . ترى ماارضاه على بنت عمي
جواهر وهي تناظره بعصبيه: لايكون حاطها في بالك؟
فارس : ايه وشفيها؟ بنت عمي
جواهر : هذي والله المصيبه اللي حلت علينا . حسبي الله عليك يانوره ( وهي تدفه) بعد عن طريقي بعد
فارس: يمه لاتطلعين وانتي زعلانه مني
جواهر وهي تلبس عبايتها: انا ماهميتكم روحوا لامكم نوره عشان تعرفون قيمتي (( وطلعت ))
فارس وهو يجلس: اوووووووووووووف . وشفيها ساره رغم انهم متقبلينها بس شكلهم ماراح يوافقون لو اتزوجها . البنت لازم اشوف وش وراها . ايوووووووى مافيه الا خالد هو اللي يقدر يساعدني

في منزل وعد ( بعد الظهر ):

فارس: تسلم يدينك على هالغداء الحلو
وعد: هههههههههههههههههههه صحه وعافيه اللي يخليلي امك
فارس: هههههههههههههه والله اني عارف كبسة امي
جواهر: خل عنك الحلوف بس وقم جب خواتك
فارس: كان قلتي لي امرهم قبل اجي . الحين ابي اناااااااااااااااام تعبان مره
وعد: ارسليلهم السواق
فارس: بروح انام وصحوني على صلاة العصر( وراح ينام )

وعد وجواهر يشربون الشاهي:
جواهر: اليوم فارس يقول ان محمد يبي راينا
وعد:لاحولولاقوة الا بالله وجمانا للحين موافقه؟
جواهر: زعلت منها صرت اتجاهلها في البيت ابيها تحس ابيها تفهم بس لاحياة لمن تنادي
وعد: اذا جت الحين بجلس معها جلسه وبحاول اقنعها ترفضه
جواهر: تكفين ياوعد حاولي مابي نوره تتشمت بي وغير كذا حياتهم غير حياتنا وماراح تتاقلم جمانا معهم
خالد: السلام عليكم
وعد: بسم الله
خالد وهو يجلس : ههههههههههههههههههههههههههههههههه رد السلام واجب
وعد: هيه انت تمون والله
خالد: افا ياعمه قويه هذي
وعد: اسمع ياخويلد بكره عيالي بيجون مابي ميانتك هذي ترى عندي بنت
خالد: بنت عمتي مافيها شي والا لا يا ام فارس؟
جواهر: هههههههههههههههههههههههه رفعت ضغط عمتك
ودخلوا جمانا ورهام:
خالد: هذولا جمانا ورهام دخلوا بدون استئذان وش معنى انا؟
وعد: هذا اللي بيذبحني ( تعالوا يابنات) وخذت جمانا ورهام وطلعت فوق
خالد: اقول يا ام فارس
جواهر: سم ياخالد
خالد: سم الله عدوك . وش صار على موضوع جمانا مع محمد؟
جواهر وهي تتنهد بالم: فارس يقول انه يبي ردنا اليوم
خالد: والله ياام فارس ماودي اتدخل في خصوصياتكم بس فارس كل مااكلمه فيهالموضوع يسكتني بصراحه جمانا يستاهلها احسن من محمد حرام تضيع حياتها معه
جواهر: وش اسوي البنت عنيده مارضت تسمع كلامي
جمانا: هي تبيه اكيد والا عشان أ .. أ ... اللي صار يعني
جواهر: تحمل نفسها مسئولية خطأ غيرها. كله من ساره ليتنا ماعرفناها قبل نعرفها كانت حياتنا تمام
خالد وهو يتذكر ساره وحركاتها معه وخيانتها لحب فارس: طيب ياام فارس انا والله للحين ابي جمانا انا اولى من الغريب
جواهر بفرح: اكيد انت اولى اخطبها من ابوها عسى الله يهديها
خالد: اخاف عمي يرفضني وخاصه لو سال جمانا وقالتله لا وقتها بسكت وبينتهي كل شي
جواهر: وليه يرفضك؟
خالد: يمكن يقول محمد خطبها وهي موافقه
جواهر وهي توقف: واذا خطبها محمد ؟ انت ولد عمها واولى منه
خالد وهو يوقف ويناظر ساعته: عمي مسافر الحين واخاف فارس يرد على محمد
جواهر : كلم عمك . فارس ماراح يعطي كلمه لمحمد الا بعد مايقول لابوه

في غرفة وعد:

جمانا: رهام لاتتدخلين
رهام وهي توقف: انا بنزل عند امي وخالد افضل
جمانا: ياليت والله ( ونزلت رهام)
وعد: عشانها اصغر منك مااقتنعتي بكلامها؟
جمانا: قلتيها ياعمه . اصغر مني
وعد: احيانا الصغار احكم وافهم من الكبار
جمانا بنفاد صبر: عمه الله يخليك الموضوع انتهيت منه وابيك توقفين معي ساعديني امي ترضى علي
وعد: وشلون انتهينا منه وحنا ماتكلمنا فيه؟
جمانا: انا استخرت وان شاء الله ربي ماراح يضيعني
وعد: استخرتي بس مااستشرتي واهلك مايدورون لك الا الخير
جمانا: امي هي اللي رافضه بس
وعد: امك وانا ورهام وحتى عيال عمك شكلهم مو راضين
جمانا: مالهم شغل عيال عمي بحياتي الخاصه
وعد بازدراء: خلاص ياجمانا؟ ماعاد احد يهمك اقل شي ارفضي عشان امك
جمانا: امي عشان مشكلتها مع ام محمد
وعد وهي توقف : الكلام معك ضايع مع الأسف أمك ماسمعتي كلامها أنا اللي كنتي تاخذين رايي بكل شي ماسمعتي كلامي وش نسوي فيك ياالله سوي اللي تبين وتحملي نتايج اللي بيصير لك

في الصالة

جواهر: سوي شاهي لخالد
رهام: ماراح؟
جواهر: لا . دخل المجلس عند فارس
رهام: يمه وشفيك متضايقه؟ خلاص وسعي الخاطر
جواهر: الله يعيني على اختك هالعنيده والله لو ابوك ماوقف معها كان عرفت اتصرف معها بس وش اسوي ابوك من هنا وفارس من هنا خلاص ماعاد لي كلمه
رهام: افا عليك الكلمه الاولى والاخيره لك يالغاليه
جواهر: كلام ماشفت منكم غير الكلام
رهام: افا عمري ماعاندتك بشي
جواهر: قومي قومي سوي الشاهي
رهام وهي تقوم : ان شاء الله ( جت وعد )
وعد: وين رايحه؟
رهام : بروح اسوي شاهي لخالد ( وراحت)
وعد وهي تجلس: تعبت معها ياجواهر راسها يابس
جواهر: خالد تو خطبها مره ثانيه
وعد بفرح: خالد اولى من محمد
جواهر: بيكلم فارس اذا صحى وبيكلم عمه
وعد: عساها تقتنع عاد

بعد صلاة العصر:

فارس: من متى وانت هنا؟
خالد: حدود الساعة 2 ونص تقريبا
فارس: ابيك بموضوع ياخالد
خالد وهو يشرب الشاهي: حتى انا ابيك بموضوع
فارس: قول موضوعك
خالد: قول انت قبل . موضوعي انا طويل ويبي له جلسه
فارس: اوكيه . اسمع ابيك تراقبلي جوال ساره ابي اشوف لها علاقه مع احد
خالد بازدراء: الحمدلله والشكر بس
فارس بعصبيه: خالد
خالد: يافارس يكفي انها رضت تكلمك وش تبي اكثر؟
فارس: انا غير انا ولد عمها واحبها وغرضي شريف
خالد: كل من كلم قال انا غرضي شريف
فارس: خالد لاتناقشني بتساعدني والا لا؟
خالد: ماتبي مني راي ابد سبحان مغير الاحوال. عموما ابشر راح اراقبلك جوالها


في الصاله:

نواف: ياولد يا اهل البيت
وعد: هذا المحترم اللي مايدخل الا باستئذان
رهام: هههههههههههههههههههه مسكين خالد تشوهت سمعته خلاص
وعد: حياك الله يانواف تفضل
( ودخل نواف وكادي)
نواف: وشلونكم طيبين؟
وعد: الحمدلله . اجلس كنك مستعجل
نواف: بروح عند خالد وفارس بالمجلس وقلت اسلم عليك قبل
جواهر: اذا فارس بيطلع خله يوصلني
وعد: بدري ياجواهر وش عندك في بيتك؟
جواهر : والله صادقه وش عندي
وعد: اجلسي وبنادي ام نواف وام خالد نبي نفلها الليله
جواهر وهي تناظر جمانا: الهم في القلب ومايونسنا الا اللي يريح قلوبنا
جمانا نزلت راسها واخذت تقلب في جوالها وتحاول تتجاهل نغزات امها
وعد: عطيني التلفون يارهام اكلم ام نواف وام خالد

في المجلس

نواف: وشفيكم؟ جوكم متعكر
خالد: وشرايك يانواف خطبت جمانا ومن بعدها وهو معكر
فارس وهو يناظر خالد: خالد انت عارف وش اللي معكرني والا انا ودي انت اللي تاخذ جمانا مو محمد
خالد: اجل ليش واقف معها؟
فارس: هذي حياتها ماقدر اجبرها
خالد: بس انت تعرف مصلحة اختك اكثر منها
فارس: ياخالد انت عارف راي اختي فيك من قبل
خالد: طيب انتم تقولون انها وافقت على محمد عشان تسكت الناس على اللي صار خلاص زواجها مني نفس الشي
نواف: فارس انت ماراح تخسر شي . كلم اختك في الموضوع
فارس وهو يتنهد: راح اكلمها مع اني عارف ردها
نواف: لاتكلمها بس. اقنعها . وضح لها الصح من الخطأ وزواجها من محمد اكبر خطا
فارس يتصل على جمانا: هلا جمانا . فاضيه؟ . ابي اطلع معك برى ابيك بموضوع. اوكيه بنتظرك في السياره
خالد: انا عندي دوام عن اذنكم ( وراح)
نواف: اقنع اختك بخالد يافارس وحاول تضغط عليها شوي
فارس: تبيني اجبرها يانواف؟
نواف وهو يوقف: ماقلت اجبرها . قلت اقنعها مو كلام وبس وبعدين تقول براحتك . بين لها انك تفضل خالد على محمد . واذا رفضت بين لها انك تضايقت
فارس: يصير خير . ساعه بالكثير وراجع . احصلك هنا؟
نواف: لا والله . عندي شغل . بجي بعد العشاء إذا بتكون موجود
فارس: ايه بكون موجود ان شاء الله . فاضي اليوم

جمانا وهي توقف: يمه بطلع مع فارس
جواهر: على وين؟
جمانا: مدري يقول يبيني في موضوع
جواهر تذكرت موضوع خالد: الله يحفظكم (( وراحت جمانا))
رهام: اخاف يبي يشوف رايها النهائي بمحمد
جواهر: رهام . خلي الموضوع للكبار . اذا احتجنا رايك كلمناك
وعد: هدي اعصابك ياام فارس ورهام كبيره وبعذرها ماتدري عن شي ( والتفتت على رهام) رهام خالد خطب جمانا وفارس اكيد بيكلمها في نفس الموضوع
رهام: ليتها توافق على خالد
جواهر: الله يسمع منك


في سيارة فارس:

يتبع ,,,,

👇👇👇