رواية رجولتي تقدر تسميها النخيل -4
سـحرلفت مفجوعه وبنفس الوقت ارتاحت لمن شافت صاحب الصوت تركي
تركي نزل من سيارته توه جاي من الدوام وين كنتي
سحر ماعرفه بس ذها جابني
لف تركي علي وقال بشك ولد خلف
نواف بأدب اي نعم
تركي ينعم بحالك والله مهوب غريبتن على ولد خلف يعطيك العافيه ماتقصر تفضل
نواف لا مستعجل الأهل ينتظروني
تركي لا والله ماتمشي الا بفنجال قهوه
نواف اكرم ياشيخ لكن
تركي قطعه ادخل بس..سحر اهلك ببيتنا تعالي
دخلت سحر قبلهم وبالأحضان وقومو صياح على كيفكم
نواف كان واقف منحرج واللله ياعم عندي امي بالها مشغول علي ابي اروح لها
لبو سحر لاماتمشي نبي ناخذ علومك
نواف خلاص بأصلكم بكره لكن اليوم مقدر
ابوسحر بتعب معذور يلا نحتريك باتسر
نواف ابشر ان شالله
"""""
دق الجرس للمره الثانيه حط يده على عيونه وسحب يده على جنب التفت وشاف ربعه الثلاث واقفين جنب بعض بس متبعدي ومتكتفين يحترونه وكل واحد على وجهه علامه ..غضب..استغراب..بهلجه..تهاوش معهم بخصوص ياسر ليش جايبينه يامال البحص.. وهم ماخذو عليه لأن على قولهم لو الله ثم هو كان مادرينا عنك انت وخشتك..كيفي ابي اموت انتو مالكم دخل اهم شي لاتجيبون ذا النجس ..عجزو يلقون مني اي تفسير للي يحصل مع ان كانت علاقتي فيه مثل علاقتي بهم بس على سطحيه..ولا راح ابين ليش انا كذا لأن اخاف يوم يجي علي استغفرالله ياربي اكررررررهه حتى ماجاب طاري لأبو دلول ولا راح ياخذها لزوم حد يتحرك يأنا ياهي ماودي السالفه تهدا ثم مره وحده تتنتشر وتقب في المدينه..أوووهووه وش بلا ذلاه مافتحو..رجعت نظري لهم وأنا عارف انهم زعلانين بسبب الألفاظ الي تلفظتها على ياسر وبعضها عليهم.. اهلي مافتحو
ناصر بعبيه دخل بيتهم قلعتك هماك تقول مالكم دخل فيني لاعاد تهذر معنا اشوف ولا تاخذ براي احد خلك تنفع نفسك بنفسك
نواف تأأفف عاد ناصر لازعل وش الي بيرضيه غير حب الخشوم وسوالف رياجيل مهوب انت قلت لي كل واحد واسبابه طيب انا واسبابي
جاسم بعقل طيب الرجال ماقصر معنا تقوم وتطيح وجهينا يالي ماتستحي
فواز وهويدخل لبيتهم آآآهـ..على فكره نسيت اقولك ان مسفر هو الي داق علينا يسألنا وينك فيه وحنا ماقلنا له قلنا لأبوك انك منتب موجود يمكن محد بالبيت طلع وودى اهلك ببيت مسفر ومسفر طلع معه يدورونك
نواف توك تحكي!!!!!
راح نواف للجهه الثانيه للباب الخلفي<<بيت مسفر ودق الجرس كثيــــر..
جا لعند جاسم الي مابقى الا هو على رغم من كثرة اغلاطهم الا ان جاسم قلبه كبيــــــــــر ومايحب يزعل أحد..
نواف مسك خده وباسه تقفى جاسم لاتضيق خاطرك ترا والله انا ماسويت ذا الشي الا من قهر اعذرني وانت اكثر واحد تعرف ماسوي شي الا بسبب
جاسم تأأفف وفك يده زين بس تراك طيحت وجهي عنده رايحين له ومتعنين وقلعة وادرين ودق الصدر بيفزع لنا تدري ان كل ربعه رفضوو بقوه يودونا له لأنهم قاطعينه راعي بلاوي وتدري محد فزع غيره كثر الله امثاله
نواف رص على كلامه خيــــــــــره خله يســـــــــــويه لنفسه
جاسم فتح عيونه نــــــــــــواااف
نواف خلاص خلاص..وحب خشمه..ولا تزعل والله ثم والله مانيب رابط لساني عليه الا لجل عيونك
جاسم تسلم..ولا تعودها..بزران سبحان الله وانا اقول نواف جا بيساعدني على تأديبهم اثاريك انت اول الخطا
نواف افهم اسبابي ارجوك
جاسم وش اسبابك
نواف اعذرني ياخوك مقدر
جاسم بكيفك بس ذلا اهلك فتحوا الباب
لف عالباب شاف امه تصايح من بعيد ومطلع نص راسها تناديه
ركض ودخل امه وسكر الباب تشبثت فيه بقوووه وخوف عليه يمه وليدي وينك فيه..أهئ
نواف اسمحيلي يالغلا والله غصب عني
سعاد ححححححححححـ نواااااااااااااف وينك
نواف بررائه وش فيكم .. كنت قريب
وينك يمه
دخل مسفر هلكان مالقيــ....نواف وين كنت
نواف بعدين..اهم شي اني بخير
قرب مسفر يشوف الي بوجهه وش ذا الدم والمشوخ
مسك خده كان شي بسيط ولا شي ياخي قلنا بعدين افهم
ابو مسفر طيب.. يالله البيت
مسفرمسك نواف وسحبه.. وش عندك
نواف منصور
مسفر وش تسوي عنده
نواف خاطفني والله مدري وش كان بيسوي لي
مسفر وش السالفه كيف خذاك
نواف بودرة مخدر..
مسفر الله يبحصه وليــ...
قطعه نواف ارجوووووك مسفر أبعد عنه تقفى خل الي صار بيني وبينه لاتدخل نفسك ترا والله لو يحط احد براسه ماخلاه
مسفر!!!! وان شالله اسكت..
نواف وعلى بالك انا بسكت وترا هو الي خاطف بنت عبدالعزيز الرجال الي يشتغل عنده ابوي
مسفر ارتكز احلف بالله..
نواف والله والي فهمته انه يبي ينتقم لأخوه الي انطرد من الشركه وكان يبي مرت أمممم...وش سمااااه
مسفر بسرعه تركي
نواف ايوه تركي
مسفر الي سمعته من ابوي ان البنت انخطفت بيوم ولدت فيه مرته كيف
نواف رفع كتوفه مدري والله بس يمكن خذاها بالغلط
مسفر طب وسوا لها شي اذاه
نواف لا ماتوقع لأن الي عرفت منها انها اول مره تشوف احد بالمكان الا انا طبعا ثم جا ذا المهبول منصور
مسفر وش بتسوي معه
نواف بعدين انا قدها
مسفر انتبه على نفسك وبس ترا امي بغت تموت يوم قلنا مالقينا ولدك ويوم شافت اجهزتك طايحه عند الباب انهبلت الا شوي
نواف ازهله
"""""
ياسر ضرب بيده عالدركســـــــــــــــون كيف تجيه الجرأه يتكلم عني كذا النتفه البزر..هه ذا نتفه لايغرك صحيح كان بنيه بس والله محدن يتحداه وأنا أشهد برجولته ..صحيح أصغر مني سن لــــــكن أكبر مني عقل ولا وش دراه عني ..قال ايش صلح علطتك وتزوج..هذا عنده علم كيف يعني وليه وصلته المعلومه ..وهو صادز ياياسر بتقعد كذا كل يوم تقول بكره لين مر شهرين وناسي الموضوع والبنت عايشه بحالة رعب وخوف..وأنت من متى مهتم بالمشاعر ياسيد عواطف..هه كبر عقلك خلاص ماعاد به لعب مبزره عمرك بيصقع الثلاثين وتو عقلك تستعمله بالخبث<<يصقع..يوصل..أو يصك..>>تحرك لي متى وانت تقول مني متجرأ اكلم ابوي اليوم يالله بس وخر عنك الشبهات وتوكل على الله..الله يعين الجميع..
"""""
قام من النوم على صوت المنبه ..مدد جسمه وسوا تمرين سريع ينشطه وتوضا عشان صلاة الفجر لاتفوته..لبس ونزل والغتره على كتفه والطاقيه بيده يلبسها بعدها الغتره ورفعها كلها فوق لأن بدون عقال أخذ جواله ودق على فواز وعطاه مشغول ونفس الشي ناصر وجاسم هذا تنبيه للصلاه اغلب الأيام هو الي يقومهم بهالطريقه شاف أمه صاحيه وجالسه تدعي بالصلاه وصوتها واضح بالخشوع اللهم تقبل منا صالح الأعمال يارب ..وفقنا ويسر دروبنا ولا تعسر لنا الله يكون بعونك يامويمتي شايله هم الجميع..وقف عند باب البيت حق ربعه يحتري واحد يطلع ماطلع غير ناصر باليالله يمشي والغتره على كتفه وحايس شكله صبحك الله بالخير
ناصر صبحك بالنور
نواف وش ذا كل ذا نوم وين الفسق ذول
ناصر ناظره بنص عين وهو يلبس الطاقيه بركاتك يالأخو مارقدنا الا وانت ببيتك
نواف ببتسامه حلوه الله لايخليني من ذا الخشش
ناص اعطاه اشكل واضح زعلان مازال نواف محافظ على الأبتسامه المشرقه..الله يعيني عليك اليوم وعلى زعلك..مصيرك ترضى مشى ناصر اقام امش بس
دق عليهم للمره الأخيره وسوو مشغوول طلع فواز قبل يدخلون باب المسجد ولحقهم لكن بقي جاسم ماجا الا بالركعه الأولى هذا طبعه نومــه ثقـــــــــــــــيـــــــــــــــيل..
بعد الصلاه..لف عليهم المطوع وكالعاده شاف نفسهم الأربع مايطلعون الا سوا ومايدخلون الا سوا..
الشيخ ها شباب..اليوم تسجيل ناويين
نواف ببتسامته ان شالله
الشيخ بوقار وبأي قسم ان شالله
نواف عني انا هندسه
ناصر بنفس الكسل محامي
جاسم ببلاهه ماتجتمع محامي على عصبيه
فواز بغباء ظني اول مايحل قضيه من أول مايشوفونه بيهجون
نواف ضحك اشكالهم هههههههه..اوص بس..اقول ياشيخ متى نبدا الحلقه
الشيخ مبتسم على حبهم بعد الأجازه ان شالله
نواف خلاص باقي لنا 11 جزء نختم مراجعه
الشيخ بارك الله فيكم ونفع بكم البلاد جعلكم ذخر لوالديكم ويفقكم الباري ..
نواف وياك..قومو يالله ظني اليوم منتوب صاحين كل واحد يرقد عالثاني
قامو وصحيح كل واحد يقول يافراش وينك والشيخ يدعي لهم الله يحفظهم من كل سوء..
بالطريق للبيت..
نواف يتميلح نصـــــــــــور
ناصر خـــــــــــــير
نواف نصـــــــور بلا مصاخه
ناصر قلنا خير مع اني من يوم شفتك ماشفت خير
نواف افأأأأياذا العلم وش ذا العلوم يارجاااال
ناصر كل حطبه اشوف
نواف بخفة ماعندنا حطب اصلا منب بدو
ناصر أجـــــــــــل لك........
نواف ضحك يعرف انه لازعل يقول هالكلمه
ناصر اصكت بس ترا فيني نوم
نواف هاوالله ماتعدي الا وانت راضي
فواز طالعه بنص عين وقفى عنهم وجاسم يناظرهم بنفس البلاهه وش السالفه من الي مزعل الثاني
نواف نصـــــــور زعلان من سالفة البارح
جاسم بغباء اي سالفه..الجهاز
نواف لاااااااا..وانت كالعاده بصلاة الفجر تبلم رح رح لفراشك لاشبعت نوم بدك تتذكر
جاسم بنفس البلاهه طب يالله
ولحق فواز الي مسكه نواف امشو يالله ترا مارقدت البارح>>نصاب
فواز فك يده وخر زين مانيب زعلان ولا شايل بخاطري اهم شي وخر برقد وبس
نواف فكه زين طاح حسابك
لف على ناصر وانت ترا مافي نوم
ناصر يارجال اقسم انك غثايبو جرح
نواف بس غثتي حلوه
ناصر ابك فارق عني هناك
فك يده وحط رجله على بيتهم ومالحق نواف لأنه جلس يضحك عليه
""""""
نواف تربع ومن الطفش شباب وش ذا اليوم
فواز متعنز عالمركى وش تبي يعني لازم كل يوم تتونس يبو جرح
نواف لا يعني بلوت ورق اونو كيرم شي يهز
ناصر بهباله يهز..يالمصريه تبين تنكسين وتونسينا
ضحك جاسم بخفه ههههههههه وهز ياوز..ورأصني ياقدع..ومن قدعه هنا
فواز يهز كتفه أنـــــــــاا..يالله أومي يابت
نواف ببتسامة مسخره الله يرجكم..يعني يقالكم استخفيتو دمكم يالثقاله
ناصر وواضحه رواقته اليوم ثقيل ولا يمصع
جاسم هههههههههههه الله يمصعك قل امين وش جاب مصع عند ثقيل
ناصر مسوي يتفلسف ياغبي لأنك لاشلت ثقيل تمصع يدك
فواز الله مير يسلمك بزر يمصع
ناصر تورط معهم ياخي سلك لزوم يعني تدقق
جاسم ماينمزح معنا صح
ناصر بدون ابتسامه يقاله زعل
نواف أقوول يبو زعييل انت كل ماطراك تقوم تطنقر علينا
ناصر طنقر ولا عصب خخخخخخخخخ
نواف أقول رح عني هناك بخشمك ذا الي تقل كنه كوسه محفوره
ناصر اقول يبو جرح كنك ززودتها
نواف بسخافه زودتها ولا قصرتها كككككككككككك
ناصر محد قد قالك انك ماصخ
نواف ماصخ ولا مالح ككككككك
ناصر يلعن ام خفة الدم ياشيخ
نواف شيخ ولا مطوع
ناصر طفش من سخافته أقوووول حسبي يالله على مزارع الصافي
نواف وعارف رده وببراءه ليـــــــــــه وش سولك ..تبي لبن اجيبلك
ناصر بانفعال يستهبل لأنهم جمعوا ثيران العالم ونسووك..مع ربعك
جاسم فواز هههه
نواف مسوي برئئ وأنت أول ربعي
ناصر أوووصكت بس
نواف والله مهوب منك..صدقني مهوب منك
ناصر وليه انشالله منهو منه
نواف مني انا معطيك وجهه بزياده
فواز ميت ضحك خلاااااااااااااااااص بيتلاقطون الحين بالقشش
ناصر بتسامه بريئه حمدلله محلق عالصفر نواف الي ببرد تسبدي فيه يإني بحت شعره حت
جاسم اجتمعت راجح وحويله
نواف التفت على جاسم والله لو ماتهجد انت وياه لأبطحك بذا البرحه وسط السكه>>ويشر على وسط السكه
جاسم تموووون يبو جرح..هههههههه>>ومن كثر مايضحك آجعه بطنه وانسدح على ورا
نواف منقهر منهم يضحكون عليه كل يوم أصلا يتهزأ من ناصر لو ماتنثبر وتنطم لاتصير علوم ثانيه
فواز علوم ولا جغرافياههههه
نواف الظاهر تبيني أسوي خريطة المملكه بوجهك
ناصر طلع من مخباته فصفص ويعطيه>>الي هو الحَب خذ خذ قشم لك حَب يروقك
خذا نواف منهالحَب وجلسو يكملون سهرتهم وهبالهم ورجتهم الي ماينمل منها..
الشوكه السادسه
سبحان الله..
قد يتألم ويحزن الإنسان لأمور تحصل له وستحصل له!!
لكنه لا يدرك في الحقيقة، أنه يسير على نهج رباني مقدر له، وطريق يحفه الخالق بالخير الذي يفوح رحمةً وإكراماً.
ابو ياسر هذي الساعه المباركه بس من الي البنت الي تقول
ياسر بشوية احراج أأأأأمم..بنت هادي
عقد نواظره يتذكر وفجأه ابتسم برحابة صدر اي والله والنعم ..أبشر من بكره تلقاها لك
ياسر ياليت تستعجل عشان اذا جيت اسافر فرنسا آخذها معي منها أقضي شغلي ومنها شهر عسل
ابو ياسر اي بس الرحله بتكون بعد اسبوعين عشان عقد الأوراق نبيها بدري والبنت يبي لها وقت تقضي أغراضها
ياسر باسلوب يقنع كالعاده مع ابوه كل مابغى شي معليه يايبه تتقضى هناك مهو انا بقعد شهر الا كم يوم خلها تتقضى مناك
ابو ياسر بس انت منتب فاضي لها طول الوقت
قبض يدينه :هذا وش يقنعه ذا الشايب: لا يايبه بفضى أجل بجلس طول الشهر كله عندهم يوم ايه ويوم لا واذا كنت بطول فيه مجمعات جنب الفنادق وجنب الشغل الي انا فيه
رفع عيونه بتفكير بس ياسر ماخلى فرصه عشان يجيب عذر ثاني خلاص قل تم وتوكل على الله انا أستأذن عشان أقضي الي بالشركه خبرك كل معاملات حقت عمال وحاجات يالا سلام
وطلع..
أما ابو ياسر مستغرب من طلب ولده الي جا فجأه قبل كان أبوه يحن ويزن عليه ألحين جاه وقال له ولا مصر يخليه بدري والله مايندرى عنك خبيث مخبث ..هه طالعن لأبوك والله ان هالعيون تقول تحتك بلا بس خلاص نقول تم ونشوف أخرتها أنا وش الي بيضرني كلها كلمتين وندفع كم قرش وكم قطعة ذهب والبيت والم أأوقصد الجناح لأن قال مايحتاج بيت البيت واسع من بيقعد فيه..
""""""
طلع من البيت الفخم مصـــــــــــــــــــــــــــــــــــــــدوووووووو وم مفجوع..ركب سيارته الي ماله من كم اسبوع شاريها من مصروفه..>>ملحوظه:يدرس بالتحفيظ القرآن عان كذا يصرفون لهم فلوس و يجمع فلوسه لين جا كميـــــــــــه كبيره وشرا سياره على قده متواضعه تو قابلينه بالجامعه>>
صدمه صدمه غير متوقعه يانواف انت مستوعب الي انقال لك صحيح مهوب أول مره أدخل ذا البيت دخلته مرتين لحالي وأكرموني وضيفوني عشاني ساعدت بنتهم ولا مدري شسالفه أو من حبهم لأبوي وهذي ثالث مره أدخل بها مع أبوي ومسفر لأن العم عبدالعزيز حلف على أبوي يجي العزيمه هذي حقت أكابر وناس هاي هاي وحنا على قدنا جايين ..يـــــــااااوجهك يانواف شلي انقالك بالمجلس قدام الرياجيل شذا الكلام ..جلس بسيارته ونفس التنفس ينزل ويرقى صدره بربكه وصدمه وأنتو تعرفون نواف اذا انصدم ماعرف يحكي..ناظر شكل بالمرايه وجهه قااااالب وشفايفه مايل لونها للأزرق صحيح الكلام الي انقال له له مــــــــــــده وعقب نغزه ابوه وقال تم من غير لايفكر عشان مايطيح وجهه قدام العرب ..ياللموقف المحرج حط يدينه على وجهه يـــــــــــــــــــــــع يــــــــــع من الموقف تذكر الرياجيل كيف يناظرونه أول ماقال له عبدالعزيز والله وشهامه من شاب مثلك مالقيتها بهالزمن كثر مالقيتها فيك يابو خلف
ابتسم نواف بعذوبه تسلم والله تربية الوالد الله يخليه
عبدالعزيز ياجماعه..يقول المثل اخطب لبنتك قبل ولدك..وأنا ماكنت أتقيد بذا المثل لأني ماشوف رجاجيل على حق وحقيق مثل هاشاب مشالله عليه وأنا واليوم بطبقه على ذا الذيب الي جالس بوسطنا شقلت
ابو مسفر بلع ريقه مبتسم ويخفي ربكته الي سببها له نواف يوم فتح فمه وعيــــــــــــونه على وسعهم..وحاس بشعوره الي داخله..اما مسفر ساعد الموقف والله والنعم من ناسبكم ياعم..ونواف وين بيلقى مثلكم
عبدالعزيز انا ابي جوابه هو..وش قلت ترا مافي زعل قل رايك
نغزه ابوه بخفيف وهمس وهو يميل فمه بدون محد يناظره قل تم لاتفشلنا
نواف ببتسامه ربكته تم ياعمي..
توالت أصوات الرياجيل والتبريكات ونواف ماعليه الا انه يجاوب بصمت أما تركي يناظر بنواف وحاس بشي يصير غبي عمه دوم كذا يحب هالمواقف يسويها بغيره ..ليه ياعم عيونه تقول مبي ذا الزواج ليه تفشله تؤ وش هالوهقه لزوم يتخلص نواف من هالربطه
بعدها بنص ساعه استأذن نواف وطلع..
.......
حس بيد تفك يده عن وجهه بهدوء يالطيب
ارمش بعيونه وبلع ريقه ولف عالصوت لأنه عرفه وبنفس هدوءه هلا تركي
تركي مازال محافظ على هدوءه عارف انك تورطت بهالربطه تبي نفزع لك
نواف بمجامله لا يالأخو مابه ورطات
تركي بنظره تشكك متأكد
نواف هز راسه قوه ايــــــه..ولا ليش أوافق لو مبي كان قلت
تركي هز راسه لا وعيونه مازالت معلقه بعيونه وسكت فتره وبهمس ماظن..الي اشوفه عكس
نواف بلع ريقه الجاف لا ياخي..ما..عادي
أخذ المويه الي بالمرتبه الثانيه وشرب يبلل ريقه وهز راسه يأكد له عادي ..قد شفت رجال مايبي يعرس
تركي مسك من فكه<<لحيته>> نواف وسحبه للمرايه شف لونك كيف
نواف ارمش بعيونه::..وش ذا الضعف عندك يانواف تجرأ انطق اي كلمه اي زفت هذا مـلـع,,,,,بعرف حتى الي احكيه داخلي..::لف نواف عليه يتهيألك
تركي نظره على جنب وبنفس الهمس بس انت قبل كذا ربيت بجنس غير جنسك
ارتبــــــــــــكـ نــــــــــــــواف أكثر ..:هذا الملعـ,,,وش دراه عني..نسيت هو مدير ابوي:..وبثقه مهزوزه وش فيها..كنت عايش معهم بس من داخل فيني تمرد عيال
تركي هز كتفه ماأتوقع
نـــواف تنهد أنت شتبي مني بالضبط
تركي بثقه بساعدك
نواف ..:وش بيسوي يعني يالله خل يفكك منها أحسن:..الله العالم وش البنيه مسويه من وراي شكلها بنت مهبهبه نشوف يالله وش بتسوي يالرجال
تركي هز راسه ازهله
نواف بسرعه وش بتسوي
تركي ببرود هز كتفه قلت ازهله
نواف ورجعت له القوه ماني مخليك تسوي شي الا بعلمي قل وش بتسوي
تركي ببرود تصدق ..أحييك على قوة شخصيتك..وجرأتك..وصرامتك..واصرارك..بس موب علي يابابا انا تركي
نواف بغرور رفع يده وأشر على نفسه وأنا نواف..وعلى كل الناس شخصيتي ثابته..
تركي قلت موب علي
نواف عليك وعلى الي اعلى منك بعد
تركي الزبده تبي اساعدك
نواف بقوه وجرأه ماأحتاج مساعده من حد ::..وبعناد..::وذا الزواج يتم يعني يتم..
تركي غمز بعينه هنيأ لك هالقوه حافظ عليها..ومبروك عليك بنت عمي::..وببتسامه على جنب::..تدري ليش انا طالع..::واشر بصبعه السبابه وغمز..::أجيب المملك هه
وراح وخلاه بحيرته::..لا ناوين يقضون علي هالعائله عمى خطبه ثم ملكه علطول يامال الفقر يالحمى بعد شذا وابتسم بغرور يشجع نفسه يعني ماقالو على الله يلقون واحد مثلي مزيون وكل الصفات الحلوه فيه..::
نزل من السياره بعد ماشجع نفسه أكثر وأكثر..بعد ربع ساعه..و لازم المواجهه شرط أساسي عشان تعيش تذكر أبوه لاترفض يانواف وجه أبوك بيطيح..طب يالثور تركي طلب يساعدك ليه مالبيت له..لا هذا أحس داهيه مع نظراته ..ضبط ثوبه العودي ومسك طرف الغتره ورفعهم بتنسيق وراقي
لف ويسمع سياره تطرق له..تركي جنبه واحـــ,,,,مملك حححـ الا شف لحيته كيف
دخل نواف وهو مايعاين الدرب من الربكه الله يبحصكم ياذا العيله وجع بعد شايفين نفسكم علشان فلوس آآآآآآآآهـ
دخل وسلم بأدب وجلس جنب أبوه وبهمس يبه ..مملك
هز ابوه راسه يبتسم يشجعه خيـــــر لعله خير يابوك..وبعدين وين بتلقى زي البنيه ذي
نواف وش دراك عنها..يبه خايف
قاله بصوت مهزوز
ابو مسفر لا يانواف ماتعودت عليك تسذا انت رجال وقدها وقدود
رص على شفايفه ومابها الا وقت ا ودخل المملك
وكله كم بطاقه وكم ورقه وكم شخطه بالقلم وأبوها وقع عنها لأنها تو ماتدري بالسالفه ولا حد يدري الا امها لأن قايلها عبدالعزيز عن الي بيسويه ..الا وقامت التبريكات من جدومن قلب لف نواف على مسفر وشافه مبتسم مع تركي::جعلها تتكسر ذا السنون بعد ورايح تجيب المملك::..انتبه له تركي والتفت عليه وزادت ابتسامته اما نواف ماعطاه اي ابتسامه ماغير نظرات استحقار وتركي ضحك عليه ..ياحرام أجل انا السبب قلت له بساعدك تستاهل يالنتفه مسوي رجال..
راح له تركي وهمس له باذنه مبـــــــــــــــــــــــــرووووكـ يالمعرس..
نواف بثقه زايده الله يبارك بعمرك
تركي ضربه على كتفه يالله تكون رجال وقدها لو تنجز مهمتك بالزواجه
نواف فتح عيونه وفهم قصده الوصخ من ابتسامته وضحكته الي محليته..
ماعطاهم أي اهتمام هالي يضايقونه..وطنش كلها ساعه ساعتين وجابو عشاء وحركات كله عشان ملكه..
"""""
قمر يبه وش سالفة هالعزايم
ابو سحر ببتسامه فرحه ان شالله
ام سحر بشر
ابو سحر كل خير ان شالله
سحر وش السلفه يبه فرررحنا
ابو سحر بعدين..يلا سلام ترا العشاء بيجي
سمر بس انت قلت انه قهوه بس
ابو سحر حصل ظرف
سحر بلقافه وش ذا الظرف
ابو سحر نواف وأبوه جاو هنا
كان يبي يشوف تأثير على وجهها وفعلا شاف تعديله جلستها وتلتهي بالتلفزون تخفي الي بداخلها من اعجاب بهالأنسان
ابو سحر زين..::وهمس لأم سحر بعدها ابتسمت وراح::..
"""""
هناااااااااااك بزاوية المجلس البعيده جالس بأدب وذوق ويناظر الكم رجال الباقي ابوه ومسفر طلعو ماعدا لو لا حلف عبدالعزيز كان طلع بدل هالكتمه ربكه +تركي=ماتجتمع ..خوف والله كرههتتتتتتتتتك من قلبي مدري ليه..
لف تركي علي واشر بيده..على قلـــــــــــبك بجلس..إنقهــــر نواف من أسلوبه يعني دري انه مربكني وأكثر واحد عارف الي بداخلي..تجرأ نواف رح لحبيبتك تنتظرك لاتموت علينا
ضحك الرجال الي مع عبدالعزيز ومعه عبدالعزيز وتركي رص على شفايفه الكل يعرف اني اموت بترابها اجل بسم الله عليها جعلك قبلها
نواف لا فيك انت رح شف ورعك بس
تركي عقبالك ان شالله..ماتموت في تراب رجلها
نواف احبها بس ماموت فيها ليه ثور انا الاحق لي حرمه
تركي جعلك تذوق مرارة الحب
نواف تقفى يام كلثوم
على رغم من تبدل ابتساماتهم الا ان كل واحد داخله نار تشب والشياب كلهم يضحكون مايدرون عن البليه
دخل ابو تركي الي توه جاي من عند البنات وججه قالب بس محد لاحظ تركي مشينا
تركي يبه شفيك
ابو تركي ولا شي ماغير وحده من البنات طاحت عليهم
قام عبدالعزيز من الي طاح..قمر
قام الرجال انا استأذن
نواف مايدري شسالفه ومتايعرف اصلا انهم خاطبينه دون علمها..
قام نواف وانا........
تركي قطعه انثبر انت ماغيرها سحر تتدلع..صح يبه
نواف اممممم حيوان اقل كلمه اقولها لك
عبدالعزيز جلس اوف وش بها
اغمى عليها بس
عبدالعزيز قامت..
اي الحمدلله
تركي دلع ومالقيتو الا تصدقونها
نواف من القهر ومن نصدق يعني مرتك بس
تركي رفع حواجبه وضحكو الشياب..
ابو تركي شسالفه هههههههه تستاهل تركي محدن يسلم من لسانك ..جا من يداويك
تركي اي استانسو علي
عبدالعزيز والحين جلسه عائليه
نواف الا قولو استجواب اجتمعو علي العائله الكريمه
عبدالعزيز هههههههههههه ترا انا عمك مهوب تركي
سكت نواف من القهر ماعاد يدري وش يقول
ابو تركي ودك تشوفها
نواف بسرعه يبي يطلع لا مايحتاج
تركي من وراااااااانا تتقابلووون
نواف كشر وبقرف ليــــــــــه مثلك راعي بنات..كلن يشوف الناس بعين بطبعه
ابو تركي قصده شافها بالصدفه تركي فارق لمرتك ازعجتنا انت
تركي كشر شفيكم علي
عبدالعزيز صه
وصارو يسولوفون مع نواف اكثر يعروفونه اكثر قد قابلوه قبل بس من حلاة سوالفه طلب منه عبدالعزيز يجلس
"""""
خلاص يمه تم كل شي
سحر تبكي بقهر هئهئهئهئهئهئه ليش يمه كذا يقولها علني قدام الناس لهالدرجه انا رخيص
يابنتي مهوب على الرخص ابوتس شاف الرجال عجبه وخطبه لبنته شفيها
سحر هئهئهئهئهئهئهئهئهئ لاااااااااااااا مبيه فكوني منه هئهئهئ
قمر عصبت مب انتي تقولين يازينه ويازين الي يحبه وومدري ايش ومن كلام الحريم الي مايخلص
سمر احمدي ربك زيه خطبك ولا وش يبي بك تلوعين الكبد
سحر هئهئهئهئهئهئهئهئهئهئ مبغى انتو اسكتوووو مبغى احكيكم
سمر بهبال غير وقته حوليه علي
قمر والله انه مزيون مايصلح الا لي
سحر رجعت تستهبل على كيفكم لي انا ::..وحطت يدها على عيونه عبرتها عيت تخلص من الفجعه..::وتروح تكمل صياحها بغرفتها أحسن لها
"""""
مسفر شفتوا الخيانه
فواز تنهد آآآآآآآآآهـ الله يهنيه ياحظه الملـعـ,,,,,,,,ماخلانا نصف معه
مسفر حرام عليك حطوه بموقف محـــــــــــــــرج جدا
ناصر لو اني به متابغى العرس رفضت بوجهه
جاسم اسكتو انتو بتحليلاتكم...هو وينه الحين
مسفر مابعد جا مسكه عمه شكله ناوي عليه نيه قشر
جاسم بسم الله على خوينا لايستفرد فيه
ناصر انا مانيب صابر ابي اعرف من طقطق لسلام عليكم
فواز فرك يده بببعض بحماس ونااااسه
""""
ها يبه بشـــر
وش أبشر
وافقوا يابوك بس ناقص البنيه ..لأنه حكى لي عن بنته يقول نفسيتها ماعد هي زي أول صارت تكتم وتحبس نفسها بالغرفه حتى جاها رجالين يخطبونها وانفزعت كانت البنيه خايفة من شي بس والله العالم مايندرى
ياسر بلع ريقه وهو فاتح عيونه العاده مايبين شي بس نظرة أبوه الي ماتخفى عليه يبه يعني ماراح توافق
أبو ياسر بدا يلعب لعبته تصدق عاد جاها رجال غيرك ووافق عليه ويبي يزوجها غصب
ياسر بسرعه طب خل يسألها عني أو يغصبها علي
أبو ياسر مستمر ماظن يابوك..حتى هي مره ماودها بأحد عاد أنا قلت اسألها عن ياسر كودها توافق
تسند ياسروبثقه اي وليش لا
ابو ياسر بنظره على جنب وهو ساكت هو يبغى يعرف وش سالفته مع هالأصرار الغريب الي صار له هالأيام فقال لأبو دلال من غير لايدري ولا يحس أسألها عن ياسر يمكن يلقى اجابه شافيه عليه وفعلا ماأمداه يومين الا وقال انها موافقه شك بأنها تحبه بس لللأسف طلع شكه بغير محله لأن الي شافه اليوم غير هذا ياسر ذراعه اليمين ونسخته الثانيه ليش مايعرفه
ابو ياسر أقول ياسر أنا أبوك وكلنا رجاجيل ونعرف بعض
ياسر خاف من هالمقدمه وبنص عين وش فيه
ابو ياسر تسند على الكرسي وحط الجريده على جنب وبنظره تشلل أنت بينك وبين البنيه شي..لاتقول أحبها ولا تحبني لأن هذا مهوب مقصدي
ياسر لا يبه مافي شي وليش يكون فيه
ابو ياسر مسويلها شي
ياسر بثقه أفا عليك يبه مافي ثقه
ضحك ابوه على جنب خل كذبك بعيد عني ..أنا يانفسي ماثق فيها عند بنيه..وانا ابوك وانت ولدي
ياسر لا يروح بالك بعيد يبه خل عنك ظنون الشين
ابو ياسر متأكـــــــــــــــــــــد
ياسر حط رجل على رجل وبثقه غرور أكيــــــــــــد أنا ماعودتك أكذب
ابو ياسر هز راسه بنص اقتناع طب بكيفك ماتبي تقول
ياسر شدعوى مب قلت حنا رجال وعارفين بعض
ابو ياسر الأيام توضح لي والكذب حبله قصير
ياسر هز راسه ومن داخل فيـــــــــــــــــــــه خوف لايدري عنه أبوه
"""""
نزل من سيارته هلكـــــــــــــــــــــــــــان تعب وبعدين وش بيصير بحياتي بتعب أكثر من كذا أهئ لا يانواف أنت مو ضعيف
شاف ربعه جالسين كالعاده وكلهم ركضوا عنده مبــــــــــــــــــروووك
جاسم خاين يبو جرح خاين
ناصر كان خليتنا سوا نصف معك
فواز أقول ماعندهم زيادة بنات أروح أسوي لهم حركة نخوه زي ابو جرح
تنهد نواف ومكشر بوجهيهم فاااارقو عن ابو جرح موب رايق
جاسم اختفت ابتسامته تدريجي ليه وش بك ترا كلها زواجه احمد ربك ماجاك اليوم الي يجيك الهم متى ومتى
ناصر ضربه على صدره وســــــــــــــــــــــع صدرك يبو جرح
فواز الحياه حلوه
نواف حلوه بس مب زواج وهم ياخي وش ذه تخيل قال الزواج بعد شهر يعني الأجازه هذي الصغيره..مايمدي أتهنى بالمكافأه
فواز طب ليه ماقلت بعد سنه 3شهور انت حدد مهو هم
نواف على اساس خاطبيني..وبعدين انلجم لساني والله احس ذا العايله ماتقدر تقول الي بصدرك صدق يخلونك تجامل بشكل والله انحرج منهم
جاسم وش الي يخليك تنحرج
نواف راح وجلس على العتبه وهم قدامه وجاسم جنبه كلامهم يخليك تستحي
فواز كيف يعني
نواف من الآخر عسل ينقط سكر وجههي يقلب أحمر حتى روميو يضحك علي لاانحرجت
ناصر من روميو لاتقول تركي
نواف وفيه غيره
ههههههه
نواف بس والله نكفت أبو الي جابه..ماخليت فيه شي سليم
فواز مهوب منك
ناصر من ذا الخشه المعفنه
ههههههه
نواف ههه يقطع شكلك..وش فيها خشتي شب زينها
فواز قم بس ضبط لك سكسوكه
نواف لمس ذقنه لا أحلى كذا عوارض
جاسم اي أحلى ماعليك منه
ناصر لاااااااااااا والله معفنه توك على عوارض قم كلنا نسكسك
نواف نسكسك نسكسك..::وقام يسوي سكسوكه وراح للحلاق وهم معاه وسوالف..::
"""""
دلال آآآآآآآآآخ متى بفتك بس ياربي متى بتمر بس سنه عالأقل أفتك حتى تلفون ماتجرأت أكلمه..يوه الحمدلله على كل حال على الأقل بتستتر
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك