رواية تعال جنبي وابتسم لي واسامح -40
طلع اخوها راكان للشارع وشاف سيارتهم واقفه قدام البيت وبوسطها واحد..
راكان بصوت عالي : لالالا ماصدق .. بدر الرافع عندنا .. وش اللي ذكرك فينا؟؟
بدر: افا والله .. صديقي واعز اصحابي وماذكره اجل اذكر من ؟؟
راكان : الا وش تسوي بسيارتنا ؟؟
بدر: ابد والله جيت ادورك وماحصلت .. الا اشوف سواقكم يصارخ ويلعن بالسيارة .. قلت خل اصلحها وجلست عليها وصلحتها .. وقلت اشيك عليها واخذها بدورتين .. عاد شكلك انت جيت بهالوقت اللي كنت ماخذ السيارة فيه
راكان: اي والله كنت بزواج ولد خالتي وتوني جاي مامداني بدلت..يلا انزل حياك وش موقفك على الباب .. ادخل
بدر: لا والله معليش تاخرتشوف الساعه اللحين 5 الفجر وانا ملطوع هنا من 2 هههههههه .. بس كان ودي اكلمك بسالفه مهمه .. بس دام كذا خلها بكرة على الغدا
راكان: لحووول مشكله هاللي يعزمون نفسهم ..
بدر: افا ياراكان .. ماتبيني اتغدى عندك يعني ؟؟
راكان: لا والله البيت بيتك .. وان ماشالك البيت .. اشيلك بعيوني ؟؟
بدر: كفو والله ولد العالي .. يلا انا استاذن بروح اللحين
راكان : يلا مع السلامه
ودخل وسكر الباب
كانت نوف تراقب كل الموقف من شباك غرفتها واستغربت لما شافت راكان يكلم بدر .. ياويلي لا يكون شافني انزل من السيارة معاه .. بس انصدمت لما شافتهم يضحكون ..وش السالفه ياربي ؟؟
دخلت وسكرة الشباك .. وراحت تبدل ملابسها وهي تفكر معقوله يعرفون بعض ؟؟
فتحت الباب وطلعت كانت لابسه روب سكري بتطريز ذهبي .. وفارده شعرها .. وحاطه روج احمر مشت شوي شوي وهي مستحيه ومنزله راسها
التفت عليها وبدا يذكر الله ويسمي
راحت وجلست جنبه
منصور: تراي طلبت العشا .. ثواني ويجي
هزت راسها تهاني
قام منصور وراح للغرفه يبدل
كلها ثواني وهو طالع لابس بيجاما حلو شكلها .. راح للباب يفتح ..
بعد ماقال لتهاني تدخل جوا
شاف الروم سيرفز وهو يحط العشا وكان معاه قزازة وسكي ...
اشر له منصور بانه يشيلها
الرجال: بس هاذا هديه من الفندق على شانك استاذ منصور انت اكبر زبون عندنا
منصور: لا لا شكرا انا ماشرب هالاشياء
الرجال: اوكي انا اسف
واخذ القزازة وطلع ..
منصور: تهاني يلا العشا
مشت تهاني بخجل وجلست على الطاولة
........
طلعت نورة بعد مالبست روبها اللي لونه بيج وبني .. طالع عليها خيال
دخلت للصاله وانصدمت كان جالس ومتربع وحاط الصنيه قدامه وجالس ياكل
التفت ثامر عليها وطالعها من فوق لتحت ورجع يكمل اكله ..
نورة قعدت تتافف منه وجلست بجنبه
نورة" اوووف ميته جوع ... وياااي شوفوا الهرش وش قاعد ياكل ... اه يمه ابي اكل "
كن ثامر حس فيها : تبين عشا
نورة كابرت : لا ... ولفت وجهها
ترك ثامر الاكل وقام: عموما هاذا الاكل قدامك .. اللي ياكل على ضرسه ينفع نفسه ..
وراح وخلاها
" اه يانورة يانتي معذبتني "
قامت نورة " وجع سديت نفسي عن الاكل "
مشت لين الغرفه دخلت وجلست على السرير شافته وهو يطلع من الحمام ويمشي لين السرير رفع اللحاف وانسدح وتغطى
قامت نورة ومشت تطلع للصالة بتنام فيها وهي عند الباب
ثامر وهو مغمض عيونه: طفي النور وراك
نورة : أوووووووووووووووووووووف ..
وسكرت النور
ثامر مات ضحك عليها : احسن خل تتربين
.......
ام صالح : الوو
ريان: هلا يمه
ام صالح: هلا ريان
ريان: يمه .. كلمي خالتي ام نواف .. وقوليلها نبي نخطب ريم
ام صالح بعصبيه: لا ماكفاك اللي جاك منهم
ريان: يمه الله يخليك لاتخربين علي حياتي .. انا تفاهمة معها وحليت هالمشكله ..
ام صالح: اوووف والله مدري عنكم مخلينا لعبة بينكم
ريان: يمه الله يخليك .. لا تنسين كلميها
ام صالح : خلاص اكلمها بكرة ..
ريان: مواااااااااااااااح احبك ياحلى ام .. يلا مع السلامه
ام صالح: الله يصلحك يارب.. مع السلامه
.........
مر الليل على الكل بهدوء وناموا بسكون من التعب في هاليوم
قام الصباح وهو مقرر انه يسوي اللي قالة عليه ريم طول الليل امس وهو يخطط وينفذ مانام غير ساعه ..
مسك جواله واتصل على ريم
ريم وصوتها فيه نوم: همممم
وليد: الو .. هلا ريم ..
ريم: اي .. هلا
وليد: قومي للحين نايمه
ريم: حرام عليك وليد الساعه 11
وليد: ريم طلبتك قومي شوفي لي .. سارة اليوم بتطلع مكان ولا لا
ريم كنها شوي قامت : ليه
وليد: قررت اسوي اللي قلتي لي عليه
ريم بفرح: والله .. يلا ثواني واجيب لك الخبر الاكيد
قام يتروش ويبدل ملابسه ..
دق جواله وهو جالس يمشط شعره
ريم: هلا
وليد: اخلصي وش صار
ريم: اوف ياشين الاخلاق لا صارت قافله .. اي اليوم بتروح هي وصاحباتها للسوق
وليد: اي سوق
ريم: رياض جالوري
وليد: طيب ماعرفتي متى
ريم: الا على الساعه 3 .. بتروح تتغدى
وليد: طيب شكرا .. باي
........
قامت بعد ساعه .. وبدلت ونزلت تحت عند امها
باست راس امها : صباح الخير
ام نواف: صباح النور .. غريبه قايمه بدري تو الساعه 12
ريم بطفش وهي تغير بالقنوات: اوف هذا ولييدوووه مقومني من صباح الله
ام نواف: عيب عليك هذا عمك .. الا ماقلتي لي وش يبي منك
ريم بخبث: يمه اتركي عنك هاللقافه شوي
ام نواف بعصبيه: ايا قليلة الحيا .. كذا تقولين عني
قامت ريم وحظنت امها : وهـ بس فديت القصمااااان
وتقرصها امها من خصرها : ان ماربيتك
ريم بصراخ: اااااااااي يمه حرام عليك
ام نواف: تستاهلين
ريم: ضرب الحبيب مثل اكل الزبيب هههههههههههههه
ام نواف: اي على سيرة الحبيب .. قبل شوي كنت اكلم ام صالح
ريم بحيا: وش تبي
ام نواف: يعني ماتعرفين هاا
ريم : يماااا
ام نواف: هههههههههه خطبتك لريان .. بس انا رفضت
صرخت ريم على طول : لييييه
ام نواف: ههههههههههههههههههههه لا تخافين .. بس ابي اهبل فيك شوي
ريم استحت وقامت ركض لفوق
ام نواف: الله يسعدك يابنتي .. ويهديك وهـ
........
وقفت البنوراما ونزل منها 3 صبايا كل وحده تقول للقمر قوم وانا اجلس مكانك
جلسوا يتمشون بالمحلات شوي .. وبعدين تعبوا وراحوا يجلسون بمقهى قدام نوافير المويه
وكان التلفزيون قدامهم وموطى على الصوت ومحطوط على قناة اغاني
لفت وجهها لجهت المويه وجا طيفه على بالها بس بسرعه شالت هالفكرة من راسها
مشاعل (مش مش): الا سارة تذكرين وليد اللي قلتيلنا عليه ..
سارة بحزن: وش فيه
جوهرة (جوجو) : قلتيلنا بتورينا صورته
مدت يدها للشنطة وطلعت جوالها بالم وفتحت الاستديو كان اغلبه صورة ..
سارة: خوذي شوفي
مشمش صفرت: وااااااااااااااااااااااااااااو قمر
جوجو: واااااااو من جد خوقاق .. حسافه انه لعاب .. بس دامه بهالجمال مالومه وي وي
مش مش: اسكتي بس انا دخت ههههههههههههه
عصبت سارة وغارت عليه: جيبي الجوال مالت عليك انتي وياها
شوي الا صرخت مشاعل : سارة بالله موب هاذا هو ؟؟
لفت سارة راسها مكان ماتاشر وكان على التلفزيون
فتحت عيونها على الاخر وصرخت للي يشتغل بالكافي يعلي الصوت
كان يلقي شعر ....
مشاعل : ماقلتي لنا انه فنان
سارة بصراخ : اووووووووش بسمع ..
بدأ يلقي قصيده اسمها ( أحبــك ) مع صوت خفيف من الموسيقى الحزينه
أحبك كثر ماقد صار احبك رغم ماقد صارأحبك كثر مادنيا الزعل والصد مهجورهاحبك كثر ماتمطر بصدري من غلاك امطاراحبك كثر ماصارت اراضي العشق ممطورهأحبك كثر ماتفتح شبابيك الربيع ازهاراحبك كثر ماغنت عشان الصبح عصفورهأحبك كثر ماتوقف على جنب الطريق اشجاراحبك كثر مايقسى الشتاء وتهاجر طيورهواحبك كثر ما فالارض بنت تلفت الانظارواحبك كثر مايرتاح عطر بصدر مغرورهاحبك كثر ماجاب للمساكن اعطته زواراحبك كثر ماجانا صباحك يشبهك نورهواحبك كثر ماتهدي كفوف الوصل من تذكارواحبك كثر ماشالت ايدين العاشق زهورهاحبك كثر مانقرا عن الفارس عن المغواراحبك كثر مانسمع ولاشفنا ولا اسطورهاحبك كثر ماتلعب الدنيا بالعاشقين اقداراحبك كثر ما بالحظ دايم يعلن قصورهاحبك كثرماعافت كثر رياحي بحسبة البحارواحبك كثر ما البحار يعشق نسمة بحورهاحبك كثر مايتلحفني من شغل باعذاراحبك كثر مافي الناس ناس بجد معذورهاحبك كثر ماملت قصايدنا من التكراراحبك كثر مالشاعر تمنى حب جمهورهاحبك كثر ماشفنا على وجه الزمان آثاراحبك كثر مافالارض فقر وناس ميسورهاحبك كثر مادارت بذهن الحالمين افكاراحبك كثر مافي الخير ناس بالخير مذكورهاحبك كثر ماانذرني حكايات الحطب للناراحبك كثر ماقلنا عن الاحوال مستورهاح ـبكـ كثر مانجهل متى توقف بنا الاعماراح ـبكـ كثر مانسمع حكايا حب مشهورهاحـبكـ ماضاق السجين بلعنة الاسواراح ـبكـ كثر ماهاج البحر واجتاحته ثورهاح ـبكـ كثر ماننسى واحبك كثرمانحتاراح ـبكـ كثر مايسهر محب وفي ايده صورهاح ـبكـ كثر ماتقطع شفاتك في العسل مشواراح ـبكـ كثر ماخدك يخلي الشمس مبضورهاح ـبكـ كثر ماروج عليك الحسن من اخباراح ـبكـ كثر ماصدرك يدوخ الورد بعطورهاح ـبكـ كثر مافي عينك من السحر اغواراح ـبكـ كثر مافيك الغلا ماوفت قصورهواح ـبكـ والزمن ساكن واحبك لو زماني داراح ـبكـ يامدينة حب وسط الصدر معمورهاحبك والتفت شاعر لعينك وامطرت اشعارحلف مايمسى الليله قبل مايكتب شعورهورتبتك بصدري وانت تستاهل وراعي دارتفضل قلب اوراق الغلا وايديك مشكورهتفضل انت لو مثلك ذكرت تهلت الانواروقمت اجمع من اشواقي قصايد عشق منثورهتلذذ بالجمال وقلت ابهديك القصيدة إجرارغلاك وصدق حبك ماترك لي نفس مكسورهانا عاشق جمال وماخفالي في الجمال اسرارانا لان كتبت اعطيك واعطي العشق بقدورهكتبت في القصيدة ابيات من حسنك عليك تغارحروف العشق طفله في ثياب العيد مسبورهلقيتك والدلع والثقل شله والحسن ثرثارويقول اشياء كثيره للعيون ويثبت حضورهكفايه لو تطل ويفرح بطلتك دار الجاركفاية لو تشوف الناس بنظرتك معسورهغرامك يذري حروفي سقاه الصد منك أمطاركتاباتي تشهد من غلاك وتحفظ عطورهأحــــــــبكثم أحـــبكثم أحــبكثم أحـــبكرغم ماقد صارأحبك حيل مهما صارأحبك دام أنا طيب وأراضي العشق ممطوره
>> منقوله
التفتوا على سارة لقوها تبكي ..
حظنتها مشاعل وهي تمسح دموعها: بس ياقلبي ..
جوجو: اهئ حتى انا بكيت ..
ولكن وقفهم صوت من وراها يقول
أحــــــــبك
ثم أحـــبك
ثم أحــبك
ثم أحـــبك
رغم ماقد صار
أحبك حيل مهما صار
أحبك دام أنا طيب وأراضي العشق ممطوره
وبدا يصرخ بالسوق كله
أحــــــــبك
ثم أحـــبك
ثم أحــبك
ثم أحـــبك
احبك ياسارة والله احبك
أحــــــــبك
سارة خجلانه لان كل اللي بالسوق يناظرونها .. صح انه العصر ومافي ناس كثيرة بس فشله ..
تقدم لها وليد وهو يحمل بيده باقه ورد احمر خيالي ..
وليد برومنسيه : سامحيني ..
سارة وهي تبكي وبحظن مشاعل مو راضيه تقوم
قرب منها وليد اكثر: أحــــــــبك سارة سامحيني
سارة وكلها دموع وكل ماقال احبك كل مازادت بكاها
كان في مصري بالكافي صرخ فيها وقال : ماتسمحيه باقا
وكل اللي كانوا يراقبون الوضع بدوا يضحكون هههههههههههههههههههه
الا سارة ووليد اللي عيونهم مافارقت عيون بعض ..
وليد: سامحيني .. سامحيني ..
سارة غمضت عيونها وهي بحظن مشاعل تهز مو عارفه وش تسوي
همست باذنها مشاعل " حرام عليك عذبتيه .. سامحيه انا اترجاك تسامحينه .. فضحنا بالسوق وسوى لك فلم هندي وبعد هاذا كله ماتسامحينه "
وليد: سارة انا أحــــــــبك
.,
.,
.,
.,
سارة : وانا بعد
وليد صرخ : واخيرا .. هههههههههههههه
بعدها قامت سارة تداري الفشيله والاستعراض اللي وليد سواه قدامهم ..
وليد وهو طالع عطاه الفلبيني السي دي اللي كان فيه الشعر اللي القاه .. اخذه وطلع يلحقها
وليد: سارة ماراح ارتاح لين ماتقولين لي .. اقول لاهلي يجونكم
سارة حمر وجهها من الخجل .. ومشت بسرعه للسيارة
وقف وليد قدامها ..: مافي روحه لين تقولين لي
مشاعل شافت الناس شلون يطالعونهم وحست ان استمر الوضع كذا بينفضحون بكل مكان : ياولد الحلال اي موافقه البنت تخجل افهمها عاد وخل نمشي كافي فضايح
وليد ارسل لها بوسه بالهوا ولا همه اي احد بالشارع يطالعهم
.......
: الووو
ثامر: يارب صبرني .. وش تبين
حنين وهي تبكي : يعني اخذتها هاااااا
ثامر: وغصبن عليك .. اي تزوجتها وهي مرتي وحبيبتي اللحين
حنين بصراخ: طيب والله ماخليك .. والله لا ذبحها قدام عيونك.... واللـــــــــــــــــــــــه تسمع
ثامر بعصبيه : اعلى ما بخيلك سويه
حنين : كلــــــــــــــــب
وسكت بوجهه
دخلت نورة للغرفه وهي منفجعه من الصراخ
ثامر يطالع فيها وبصراخ: وانتي وش تبين بعد .. فارقي خليني انام
طلعت نورة والدمعه على خدها جلست على الكنبه
نورة " الشرهه علي انا اللي خايفه عليك احسن جعلك تحترق "
بعد دقايق طلع لها ثامر وهو مبدل لبسه حن عليها وهو يشوف دمعتها لو الود وده يحظنها ويتاسف منها ولكن لا .. لازم اخليها تعترف لي بحبها لازم
قومي جهزي الشنط بنسافر يومين للشرقيه
نورة : طيب ..
ودخلت الغرفه تتروش .. وتلم الاغراض
.......
قامت تهاني على شئ يمشي على رقبتها وهي كل شوي تحها
فتحت عيونها وتشوف قدامها وردة حمرا ابتسمت له
منصور: صباح الخير
تهاني باجمل ابتسامه: صباح النور
منصور: يلا قومي .. طلبت لنا الفطور اخاف يبرد علينا
تهاني : طيب اللحين بس ابدل
منصور: طيب يلا استناك برا ...........
دخلت اخذت لها شور سريع
وبعدين طلعت للصاله
منصور: يلا جهزي الشنط بنروح لماليزيا
تهاني : والله ..
منصور: اي .. ماعندنا شئ انتي مخلصه جامعه والحمد لله .. وانا ماخذ اجازة من الوظيفه
تهاني بحماس : وااااااااااو .. ياحياتي يانورة بتروح للشرقيه
منصور: بكرة ثامر يعوضها .. لان انتي عارفه مابقى شئ على الدراسه
تهاني: الله يوفقهم
منصور: امين
......
ابو نواف يبوس راس بنته : الف الف مبروك
ريم بخجل: الله يبارك فيك
نواف: طيب ليه بالسرعه هذي يبي الملكه تو الناس
ابو نواف: هو يبي يملك قبل الدراسه .. والدراسه مابقى لها الا كم يوم .. ويقول عاد الزواج خلوها بعد التخرج .. وهاذا انتوا ماباقي لكم الا ترم واحد وتخلصون
نواف: الله يعينا .. ويوفقهم
ام نواف : امين .. يعني بكرة الملكه سكاتي
ابو نواف: اي مافي الا حنا ماله داعي تكبرينها ..
ام نواف: الله يعينا
ابو نواف يهمس لام نواف: بيني وبينك احسن على شان نزوجهم ونفتك
ام نواف : ههههههههههههههه
نواف طب عندهم : وش تقولون ؟؟
ابو نواف: مالك دخل .. شئ بيني وبين زوجتي صدق ملقوف
انقهر نواف ولف على عبير: تعالي بقولك سر مثلهم
الكل: هههههههههههههههههههههههههههههه
......
توهم واصلين للشرقيه ماخذ معاهم الا ساعه بالطيارة
نزلوا وراحوا للفندق ...
اخذ ثامر الجوال ودق على رقم
ثامر: الو ... ها وش سويت .. حلو حلو .. تستاهل اكثر من عيوني لما ارجع للرياض .. تسلم والله .. اي جريده قلت لي ... اها بكرة ... ماشي ماشي .. يلا يالحبيب مع السلامه
ثامر " اخيرا بوقفك عند حدك يا حنين الـ ولا خليني ساكت "
بدت نورة تناظره بفضول .. عطاها نظرة يحبها قلبها وكانه يقول لها خير وش عندك تطالعين
ومشى وخلاها
نورة باه " لي متى هالحال .. انا لازم الحق على نفسي لا بكرة يطلقني ولا يتزوج علي .. ياربي "
قامت وراحت تلحقه على الغرفه
لما دخلت هي طلع هو من الغرفه .. تاففت وراحت تبدل ملابسها ولبست فستان صيفي قصير لحد الركبه وكله الوان صيفيه وكت ..
فردت شعرها الحرير .. وحطت مكياج نور وجهها ختمت مكياجها بقلوس على شفايفها
طلعت لبرا .. رفع عيونه وظل معلقها عليها كانه يبي يملى عينه منها على شان ماينسى ولا تفصيل من شكلها
وبعد فترة طالت شال عيونه وناظر بالتلفزيون
راحت بخفه ودلع وريحة عطرها اللي تسبقها للمكان .. وجلست جنبة على الكنبه ..
حبت تلفت انتباهه .. وبنفس الوقت تعلمه بانها تحببه بطريقه غير مباشرة لان كرامتها ماتسمح لها تعتذر منه وهو الغلطان .. وكمان تبي تاكد له بانها استسلمت بهالحرب
النفسيه اللي مسويها ثامر
بدت تغني بصوت رائع وجميل لحد الهيمان وهي مقصره صوتها وكانها تغني مع نفسها اغنيه والله احبك
والله احبك احبك احبك
ويشهد الله علي
لما أشوفك ابتسم
صدقني ما هو بدي
لا حسد يقدر يبعدنا
انا وانت لو شوي
يالله احفظ حبي لك
يالله ربي يا قوي
ما في غيره سكن روحي
حبيبي وانا احبه
لو قالو تمنى
اتمنى عمري قربه
يعشقني يعشقني يعشقني
من قلبه وقال
انا ادري يحبني
بس شوي أتغلى عليه
وغلاتك وغلاتك وغلاتك
ياعمري تعال
لو يطلب عمري كله
والله عمري بين اديه
يفهمني يفهمني يفهمني
وانا بيدي دوا
هذا اللي أحبه
احبه ومن قلبي يبي
حبيبي حبيبي حبيبي
وكل عمري معاه
لو كل العواذل
تفرق ما تقدر عليه
ثامر مركز معاها .. عليها احساس وهي تغني سحرة ..وكانه سحر الكلام اللي يقولون عنه
التفت عليها وشافها وهي تغني بحماس ولا كانه موجود
فهم قصدها .. وابتسم بداخله .. وبعد شوي قام وخلاها لوحدها
نورة ماسكه الصيحه بالغصب .. ياربي منه هالانسان .. قامت له للغرفه فتحت الباب ودخلت
شافته منسدح صرخت فيه وقالت: احـــــــــــــــــــــــــــبك .. خلاص ارتحت
التفت ثامر لها وابتسم ثم ضحك:هههههههههههههههههههههههه .. قلتيها اخيرا اوووف تعبتيني معاااك
نورة بصياح : حرام عليك ..
قام لها ثامر وحظنها وجلس يمسح على ظهرها : بس لا تصيحين انا اسف لو زعلتك
نورة بدت ترجف بحظنه اول مرة تكون بالقرب منه .. لدرجه انها تسمع دقات قلبه
استانس ثامر وهو يحس برجفتها بحظنه باس على راسها وقال: خلاص لا تبكين .. نورة؟؟
نورة: سم ؟؟
ثامر: سم الله عدوك .. قوليلها لي مرة ثانيه بلييز
نورة خجلت وحمرت خدودها : احبـــك
ثامر: اااااااااااااااااااااااااااااهـ وانا اكثر والله واخذها معاه للسرير
ثامر: عارفه انك طالعه حلوة
نورة خجلانه ومن كثر الخجل مو قادره تتكلم
قرب منها ثامر اكثر......
نورة بخوف: ثااامر
ثامر بحب: اوووووووووووش ...................................
.........
النهايـــــــــــــــــــــــــــــــــــة
بعد 6 سنوات
منصور وتهاني عاشوا مع بعض في بيت كبير يجمعهم مع جدته واخته الصغيره .. وكانوا سعيدين بحياتهم مرة طبعا لا تخلوا حياتهم من المشاكل التافهه كالعاده ولكن كانوا سرعان ما يتصالحوا .. وجابوا بنتين زي القمر وحده تالا والثانيه لانا الفرق بينهم سنتين ... وطبعا جدته تهاوش تهاني دايم على هالاسماء اللي تقول عنها اسامي الغرب .. واللحين تهاني حامل بشهرها الثامن .. ومنصور قاعد يزن على راسها يبي يعرف وش اللي ببطنها وهي رافضه تعلمه ... وتقول خليها مفاجاة
بدر اللي طلع صاحب راكان من ايام المدرسه تقدم لنوف وطبعا اهلها وافقوا ماراح يلاقون لها احسن من بدر .. تزوجوا وهو استقر في الرياض وترك الشغل برا طبعا الينا لما سمعت خبر زواجه انقهرت واستقالت من العمل ... الحين نوف وبدر عايشي احلى حياة بعيد عن النكد والهم والحزن وعوضها بدر عن كل الالم اللي شافته ببعده عنها .. جابت له ولد شيطاني مرة سموه عبدالله على اسم ابو بدر .. بيوم من الايام كانت نوف تهاوش عبدالله لان المدرسه بالمدرسه دقت عليهم وقالت لهم بانه يغازل بنت بالروضه معاه .. وقف قدام امه وقال : كليها تصبر علي والله لا اديب راسها وانا عبدالله بن بدر اللافع ويوم قال هالجمله متات ضحك عليه هي وبدر اللي جالس يسمعه
ثامر ونورة .. بعد هذاك اليوم اللي تصالحوا فيه .. انتشر خبر القاء القبض على سيدة اعمال سعوديه تدير شبكه ترويج مخدرات وفاتحه بيتها للدعارة .. وحكم عليها بالسجن مدة 40 سنه بعد مابلغ عنها ثامر ارتاح منها لانه كان خايف على نورة من تهديدات حنين .. ومن بعد هاليوم عاشوا حياتهم من غير مايعكر عليهم احد صفوا حياتهم .. نورة جابت ولد اسمه سلطان وبنت اسمها ديما
وليد وسارة اول ماتزوجوا وداها وليد لايطاليا بلد الرومنسيه .. زي ماكانت تحلم نوف .. عيشها احلى ايام حياتها .. حقق لها كل امنياتها .. وبعد فترة مرض وليد بسبب رئته وظلت معاه سارة ماتخلت عنه من فترة بسيطه تعالج وصار تمام .. فزاد حبهم لبعض اكثر .. واللحين ساره حامل بالشهر الاخير .. تاخروا شوي لان شرطت سارة زواجهم مايصير الين مايتخرج وليد وبعد فترة من الزواج جامرضه فاخر الحمل زيادة .. ولكن الحب بينهم لحد الان مستمر.. ومقرر وليد ان اول ولد له يسميه نواف على شان يصير ابو نواف
ريان وريم .. واخيرا تكمل حلم الطفوله وتوج بالزواج .. كانت قصتهم ولا قصص روميو وجولييت .. اللي ماتوقعوه ان حبهم زاد اضعاف اضعاف بعد الزواج .. وغيرت ريم عليه للحين مثل ماهي وهاذا يزيد المشاكل بينهم .. ولكن الحياة مستمرة واحلى مايكون .. دايم يلعب عليها ويراضيها بوردة .. لحد ما ملت حديقه بيتها كله ورود ... عندها توأم بنتين وولد .. التوام اسمهم .. لاما ولجين .. اما الولد فسموه سعود
اما نواف وعبير ... اخيرا عبير انحلت عقدتها من نواف بعد ماطلعت له عينه .. وكملوا حياتهم بهناء وسعاده .. ماجمل العلاقه الزوجيه اللي تنبني على حب قوي .. عندهم اللحين ولدين كل واحد اشطن من الثاني واحد اسمه وليد والثاني ثامر >> على شان العلاقه التي كانت بين الاشخاص الكبار هي علاقة اقوى من الاخوة ...
وهكذآ اشرقت شمس البهجة لقلوب اولئك العشاق من جديد
بعد ان ارهبتهم امواج الحياة
جزر لقاء وجزر عذاب وجزر اشتياق!
توحدت قلوبهم..والتقت على مارسموه من احلام صافية..
لم تقف العواقب امامهم
جازفوها حتى وصلوا الى مرادهم
كللوا حياتهم بالسعادة..
وانتصر جنون عشقهم على سراديب الفراق..
تعانقت ارواحهم قبل اجسادهم
ومزقوا صحائف الماضي حتى لايفسدوا صفو ايامهم القادمه
هم اولئك ابطالنا..
توسدهم الحب الخالص
حتى جرى في اوردتهم وانساهم ماكان يوما وماسيكون!
كانت معكم بنت كلاس برواية اذا غرورك يمنعك تعتذر لي تعال جنبي وابتسم واسامح
تمت بحمد الله
يوم الاثنين
22-2-2010 م
8-3-1431 هـ
الساعه 6:09 ص
.
Я Ǿ N A
اللهم لك الحمد حتى ترضى وإذا رضيت وبعد الرضى ,,, اضف تعليقك