رواية خفايا الروح -3
وقراء الرساله وتضايق منها .... وارسل لها .....
انا يوسف صالح ولد عمك وابي اقولك شي ممكن كلمه يا وصايف تكفين وربي ابيك في موضووع ظروري
وبعدها سوي اللي يعجبك ///////
..... وصايف انصدمت من الرساله انها من ولد عمها يوسف !!!! يوسف ولد عمي صالح
هو وش يبي مني ونسى وش تصير لي مناير نسى انه مناير اختي واخوه خلف خرب علاقة العائله
انا ما راح احب رجال لو مره بحياتي ......!!!!
وصايف قامت وارسلة له رساله .... وش تبي فيني ؟؟
وقام ودق تلفون وشالته وصايف
يوسف ... السلام عليكم يا بنت عمي كيف اخبارك؟
وصايف ... وعليكم السلام والرحمه .... نعم وش تبي فيني ؟؟
يوسف ... وش نعم تقولينها ومالك نفس
وصايف ... وش تبي اقول لك !!!وثانيا وش تبي فيني ؟؟
يوسف ....... ممكن تسمعيني اشوي ...
وصايف ... تفضل بس لا تكثر الانه الساعه 1 وابي اناام ممكن تعجل في الكلام
يوسف ... ؟؟؟ احسبها طرده
وصاايف .. احسبها اللي تحسبها ما يهمني المهم وش تبي خلصنا ؟؟
يوسف ... انا احبك يا وصايف احبك وابيك تصيرين زوجتي وانتي تعرفين اني احبك
وصاايف ... نعم نعم تحبني !!! هههههههههه (تضحك) وش تحبني تبي تنفذ الخطه الثانيه انت الثاني
العب على غيري اخذتوا اختي وطلقتوها والحين تبيني اخذك حامض على كبدك ...
يوسف ... صدقيني اي خطه اي خربيط انا احبج يا وصايف وادري انج مو مصدقه ولا كلمه بس
انا رااح اثبت لك والاياام بعد راح تثبت لك اني اموووت فيج وما لي شغل بامي رااح اخذك قصب عنها
انا احبك من زمان وخلف مو مثلي وانتي تعرفين ...الا يسمع صوت التلفوون يسكر طوووووووووط طووووووط
وصاايف.... سكرت التلفون الانها ما تصدق اي كلام من اي رجال تعرف انهم يلعبون على الحبلين
بس ما تدري انه يوسف يحبها جد مو كذب... يوسف حاول يغير نظرتها له ولكن يوسف ما ياس اتصل مره ثانيه
وشالته وصايف
وصاايف ........ نعم وش تبي .. ما خلص كلامك لسه
يوسف بعصبيه ........ ليه ما سمعتيني ليه سكرتي الخط بوجهي
وصاايف ....... اظن اني سمعت كلامك ما فيه الكفايه وعرفته.. واحب اقوولك لا تجرب وتتعب نفسك فيني الانك راح
تخسر
يوسف ......... افهميني يا بنت الحلال انا شاريج يا بنت عمي
وصايف ..... وانا اقولك لا تتعب نفسك الاني مخطووووبه لشخص
يوسف تفجاء .... مخطوووبه وما علموني اهلي !!!!
وصايف كانت تكذب عليه ... صحيح قبل كانت تحبه وكانت تتمنى انه تاخذه بس وصايف كل الللي تتمنى يكون حلم
يعني صعب يتحقق ...
وصايف ... اي مخطوبه واهلك ما يدرون حتى عهود ما تدري منو ...
يووسف ........ تكفين يا وصاايف ارفضيه وانا ادري انك مو مخطوبه هذي كذبه منك انا سمعت انه كل
شخص يتقدم لج ترفضينه انا احبك لا تقطعين قلبي انا شاريج يا بنت اسمعيني لا تسكتين
وتجرحيني تكفين انا احبك لا تاخذين واحد ثاني غيري..
وصاايف ... وش تبي اخذتوا اختي وجرحتوها وقالتوا لها كلام يجرح القلب والحين ما تبيني اجرحك اشوي وارد
كرامت اختي ..؟؟ غريب طبعكم والله
يوسف ...... انا كم مره اقولك ما يهمني اهلي وتصرفاتهم انا ابيك لي وحدي ورااح اشتري بيت لنا واخذك بعيد عنهم
ونسكن انا ويااج......
وصاايف تضحك ........ وين في البر ولا في الجواخير رااح تسكني ولا وين تجيب الفلووس حق البيت والعرس
يوسف ....... هههه انتي ما يهمك المهم وافقي علي وانا راح اوقف عظم ببلعوم ابوي ...
وصايف ...... انا ابي ارقد ممكن تخليني انام
يوسف ... ابي اسمع موافقتك ابيك تقولين اي موافقه عليك يا يوسف ..وتقولين انا احبك يا يوسف
وصايف ...... هههههههه اقول ارقد من اصبح افلح الحين ابو لو يدري اني اكلم تلفون في الحزه هذي قطعني
اقوول مع السسلامه الرقد تراني راح اقفل الخط
يوسف ...... لحظه ابي اسمعها لا تخليني معلق بين السما والارض ..
وصاايف ..... الحين خلها باجر وربي تعباانه اليوم مالي خلق انطق اي كلمه
يوسف ...... اوكيه اخليها باجر عشاان تفكرين بكل كلمه قلتها لج بس اماانه يا حبي وصاايف ابي موافقه الاني
جد احبج اجبج ارحميني من حبك ...
وصاايف ... اوكيه مع السلامه
الجزء السادس
وصايف قاعده تفكر بكل كلمه قالها معقووله يحبها ؟؟؟ تفكر كثير وتفكر في الموقف اللي صار لها يعني
انا بخير ما فيني شي ... اااااااااااه ياليتني اصدق بس
وهي قاعده تفكر يرسل لها يوسف مسج
ما ابيك بالقوة ولا ابيك بالطيب
ابيك من كيفك تحس فيني..
اما تجيني تطوي الارض ترحيب
والا على الله ما بقا من سنيني..
ما بيك تقبل باقي العمر وتغيب
ابيك دايم بين رمشي وعيني .
وتقراء وصايف المسج وترسل له هذا المسج
سؤال ...جاوبني عليه ...
أبيع قلبي .. تشتريه ؟؟
لا تنزل عيونك خجل ..
تبيه ولا ماتبيه ؟؟
ضحكت!!
مني تقبله .. صحيح تبغي توصله ؟؟
تعال يالله اشغله ..
ولك حق بس تموت فيه ..
وأوعدك ما تحصل شريك..
ولا أحط مخلوق عليك ..
يوسف فرح كثيير قد ما تتصوروون وقام ارسل لها هذا
ذبحتيني ابي انام تقولينها و اخرتها ترسلين لي مسج يالله انا ابي انام لا تزعجيني ...هههههههه
اضحك وربي فرحت برسلتك اكيد اشتريج بعمري انا ....
****
في بيت ابو فيصل الكل نام ما عد مناير ماقدرت تنام من التفكير والهم
مناير ....... ااااااااه يا ربي وش اخرتها معااي .. الكل قام يتحرش فيني ويحاول يطلع علي غلط لامي ولا ابوي
قاموا معي .. ليه الكل ضدي الاني مطلقه !! وليه ابوي ما عرف السبب لحد الحين ليه .. انا ادري يا شمى سويتي
اللي براسك وانتي وولدك ...... بس مني لله يا خلف جعلك ما تشوف الظنا داامك طلقتني من غير سبب
وش غيرك يا خلف وش غيرك قبل كنت تحبني يوم كنا صغار وتتمناني والحين انقلب الوضع عندك ....
وتقووم تقراء اية الكرسي وتقوم تنام ....
والله يعينك يا مناير حالتك حاله كل يوم الناس ضدك ..... ليه العالم ضد المطلقه ترى المطلقه مثل السجينه البريئه
من غير سبب مسجونه .........
***
في اليوم الثاني قام ابو فيصل وقعد يتفطر الساعه 6 بضبط
وقوم الاعيال على الدوام والمدارس طبعا وصايف معهد... ونوف ثانويه ونواف متوسطه
مناير فاشله دراسيا فيصل يشتغل يوم وراء يوم
ابو فيصل ....... تصدقين يام فيصل نسيت موعد وصاايف للدكتور النفسي
ام فيصل ..... لا ياابو فيصل ما يحتاج البنت تحسنت اشوي وصارت تترك الزفت اللي اسمه الكمبيوتر
ابو فيصل ... هذا كله بفضل الدكتور وتعليماته .....
الراوي___(( لا دكتور ولا بطيخ وصايف تحسنت حالتها الانها اسمعت الجواب اللي يريح قلب )))
ابو فيصل......... انا باجر لازم اخذها لدكتور عشان اتطمن عليها اكثر والسبب مو من الكمبيوتر السبب في بنتك
يقوله الدكتور..
ام فيصل .... سو اللي يعجبك
نوووف ......... وش وش تتكلمون دكتور وصايف شكلي فهمت الموضووع رااح تخلون وصاايف ترجع للمستشفى
المجانين مره ثاانيه
ابو فيصل بصراخ ....... نوف ووجع اختك ماهي مجنونه اختك ما فيها شي بس حبيت اتطمن عليها واذا قلتي
لها اي كلمه يا ويلج مني يا نيووووف
نووف .... خلاص خلاص خيطنا الفم عشاان ما يتكلم غصب عنا وابشر ما راح اقولها الاني عارفه رااح
تعصبون علي
وصاايف ... السلام عليكم
الجميع..... وعليكم السلام والرحمه
ابو فيصل .... وصايف يا بنتي اليوم عندك محاظرات كثيره
وصاايف ..... لا يبه ليه
ابو فيصل .... لا خلاص اجل ابي اخذك للدكتور ماجد
وصاايف بنزعاج .... ليه يبه انا الحمدالله ما احتاجه
ابو فيصل ..... انا قلت رااح اوديج له ورااح اخذ معه موعد بتلفوون وزهبي نفسك على
الساعه 9 رااح اخذك من المعهد
نوف ,,,, ساكته تطالع وصاايف ونظراتها لها ... بس تقول في نفسها ليه الوالد ووالوالده مصرين على المستشفى
النفسي للوصايف.... بس وصاايف طبعها كذا من زمان
ابو فيصل طلع يشغل السياره ....
وصاايف قاعده على الارض تتفطر ,,,,, الحمدالله شبعت
ام فيصل ....... وصاايف يا بنتي ما كلتي شي
وصايف .... وشلوون اكل وانتوا متاكدين اني مجنونه جدامكم ولا لي كلمه عندكم ولا راي
انا مـــو مجنونه تفهمون وللمستشفى والمعهد ماني راايحه اووكيه ارتحتوا """ وراحت حق غرفتها واقفلت الباب
ام فيصل تصرخ .... يابو فيصل الحق وصايف وصايف ...
ابو فيصل ... وش فيها وصايف
نووف .... يبه اصرخت وراحت حق غرفتها واغفلت الباب عليها
ابو فيصل .... يـــــــــــؤه وش اسوي للبنت هذي مره تسمع الكلام ومره ناويه تجنني
ام فيصل ... وصايف يا بنتي افتحي الباب خلاص ما نبي ناخذك للدكتور ماجد
وصاايف قاعده في حجرتها فوق سريرها تبكي تبكي على الكلام اللي نفس السم اللي يجرحها من الكل ...
ايو فيصل ....... صاايف اعد لثلاثه الغاك فاتحه الباب تسمعيني ولا اخذ معج اسلوب ثاني
ورااح تروحي معي لدكتور ماجد تسمعيني
وصاايف .......... ما ابي ارووح خلاص الموت اريح لي منكم ومن تصرفكم معي كاني سجينه عندكم ..
ابو فيصل بصرااخ.... وصااااااااااااااااااااااااايف افتحـــي الباب ولا اكسره
وصاايف وكلها دموووع وتفتح الباب لابوها
وتسرع وتقعد على احد الزوايه في غرفتها وتحط يدها على وجهاا تخاف انه ابوها يظربها
ويسرع ابو فيصل يبي يظرب وصايف على التصرف السخيف منها .,...
ابو فيصل .... وصاايف قومي ولبسي عبادك يالله دام النفس عليك طيــبه
وصاايف ... للدكتور ماجد لا..... ما ابي ارووح انت ما تدري وش يسوي لي
ابو فيصل .......بلا خربيط قومي يالله ويعني وش يسوي كله للمصلحتك ِ
وصاايف ... تكفى يبه افهمني لو يوم انا بخير صدقني
ام فيصل .... يابو فيصل خلاص البنت بخير خلها ليوم ثاني
ابوفيصل .... نوال اقولج برى ولا اعصب عليك انتي الثانيه ووصايف راح تمشي معي يعني رااح تمشي معي
ولا معي لها تصرف ثاني....
وصاايف ......... انا رااح امووووت يمه تكفين ما ابي اروح لدكتور ماجد
وبعد مشاجرات طويله بين وصاايف وابو فيصل اخذ ابو فيصل وصاايف بالقوى الي المستشفى النفسي
الجزء السابع
عند المستشفى الامراض النفسيه
ابو فيصل ......... هلا يا دكتور ماجد كيف حالك اليوم جبت معي وصاايف ابيك تشوفها اليوم حالتها مو
عجبتني في المره .......
وصاايف منزله رااسها ودموعها على حدود عيونها .....
الدكتور ماجد ......... وصايف وش قلنا عن الصراخ ما قلنا لازم نتركه !!!
وصاايف ... ساكته
الدكتور ...... ابو فيصل ممكن تتركنا بروحنا
ابو فيصل ...... انشاءلله يا دكتور ماجد ......... طلع ابو فيصل
الدكتـــور ........ ممكن تناظريني دقايق بس
وصايف بصراخ..... وش تبي فيني انا بخير من دوونك
الدكتور ماجد ........ وصايف ادري ان اعصابك متوتره ابيك تهدي اشوي وتكلميني بهدوء يا بنتي
وصايف ... نــــــعم ... انت تدري اني اكره المستشفى كلــــــه
الدكتور ....ادري ... بس ابوك يبي لك الخير يا وصايف ...
وصاايف ,.... يبي لي الخير وجايبني لمستشفى الامراض النفسيه .... ابوي لو يحبني كان فهمني حتى لو كلمني في
البدايه كان علمته بس ليــــه اختار هذا الطريق لحل مشكلتي ليه يا دكتور ...!!!
الدكتور ..... وصايف لازم مــا تكتمي على قلبك اكثر ,,,, انتي تعرفي انك مريضه في القلب والكتمان خطير لك
ولازم تقولين لاي شخص تحسين له براحه تقولين اللي في قلبك .... بس اذا اصريتي كذا راح تعيشين بوحده و
انطواء صعب انك تعيشين في المجتمع ..... وانتي تعرفين المجتمع هذا القوي يعيش والضعيف يموت بسهوله
وما ابيك تصيرين في المجتمع الحلقه الضعيفه ....
وصايف .... ساكته
الدكتور ...... ابوك وامك يا وصايف خايفين عليك ..... ومستغربين من حالتك ... ومن رفضك الدايم لاي شخص يتقدم لج
ممكن اعرف يا وصايف صدقيني اني ما اعلم اي شخص لك قريب او بعيد ... وتعرفين المستشفى يحتفظ
بخصوصيات المرضى ..
وصاايف ...... ااااااااه يا دكتور ياليتني اقول لك وارتاح وش اقول لك وش اخلي في القلب ثقب يصعب انك تغلقه...
الدكتور ... وصايف .. اذا تبين تتكلمي على راحتك وانا ما ابي اجبرك ... بس احب اقوولك لا تكتمي اكثر
وادري انك ما تثقي باي احد حتى لنفسك معدومه الثقه معك ....
وصاايف .... ممكن اطلع يا دكتور
الدكتور ؟؟...... اووكيه راح اخليج بس بشرط انك تزورينا كل اسبووع عشان نتابع حالتك اوعديني يا وصاايف
انك ما تصرخي مره ثانيه بوجه ابووك ترى ابوك يبي لك الخير.......
وصاايف ....... انشااءالله يا دكتور اوكيه ممكن اطلع
الدكتور ... ممكن يا وصايف .............
اطلعت وصايف ودخل ابوها يتطمن على وصايف ...ووصايف خارج غرفة الدكتور
ابو فيصل....... ها يا دكتور بشــر وش فيها .. وش فيكم صيفتوا ((طولتوا ))
الدكتور ......... لا انشااءاالله خير ياابو فيصل البنت قاعده تتجاوب بالعلاج وانشااءالله تكون بخير
بيت ابو فيصل الساعه 3 الظهر ... بعد ما رجعت وصايف وابو فيصل من المستشفى ورجعت نوف من المدرسه وتغدوا
جلسة نوف بحجرة وصايف كانت وصايف تقراء كتاب اسمه <<طفلي المدلل <<< للدكتوره .. سميحه
نوووف... وصايف وش قال لك اليوم الدكتور ؟؟؟
وصاايف بنزعاج .... هامك الموضوع الدكتور واخباري ؟؟؟
نووف ... لا بس وش اسوي ما اقدر امنعج من ابوي.. وتعرفين ابوي عصبي حيل وانا ابي اتطمن عليك
نووف بضحكه .... الدكتور ماجد مزيوون او لا
وصاايف بضحكه .... هذا اللي هامج هههههههه صج بنت
نوووف ... قلتيها بنت يعني انتي بنت تحبين مثلي !!!
وصايف ... وش جاب موضوع هذا لهذا ؟؟ وتاكدي كل البنات راح تعيش الحب الا انا تدرين ليه ؟؟
نوف .. ليه
وصاايف .... خليها للاياام تعلمك ليه ؟؟
نووف ......... يؤيؤيؤ تكفين علميني ابي اعرف ليه انتي كذا داايما ما الوم اهلي يوم ودوكي لمستشفى
وصايف بضحكه لاول مره تضحك للموضوع هذا ............ الاني مجنونه مثل ما يقولون ههههههههههه
ههههههههه
نوف ............... وصايف اش رايج نلعب اوونو
وصاايف ........... ياللله نلعب ما ورانا شغل
نوووووف .......... هههههههه ما وراج باجر معهد
وصاايف ........... يوووه لازم تذكريني بالمعهد ........ تصدقين نوف باجر علي امتحان ومالي خلق ادرسه طنش تعش
نوووف .............. وامي لو تدري تقطعج
وصاايف ........... وين امي امي من تطلقت مناير وهي معها من بيت لبيت تقوول انها توجب
نوووووووووف ........صالوحي نايم يا حليله تدرين وش يقوول هه يقول ماما وع بابا هلوه
وصاايف ...........هههههههههههه حلوه الولد يطلع لابوه ........... نوووووف طلبتج
نووف ....... وش تبين لا تقوليلي جيبي لي كاست ماي عشان الدواء ترى مالي خلق
وصاايف ........ الالالالا مو ماي ابي كرت منك كرت نت ما عندي تكفين يا نووفه
نووف ....... واذا امي اتصلت
وصااايف ....... لا تخافين تبي تهاوشني وبعدين رااح تنسى
نووف .......... ههههههه ما تبتي انتي من الهوشه
وصاايف .......... وش اسوي امك كل يوم طالعه ولو اقولها طالعيني تقوول ما عندي فلووس
نووف ......... راح اعطيج بس بشرط
وصاايف ,.............. وش الشرط
نوووف ........... تعطيني تلفوونك
وصاايف....... صار خير اخذيه ......... وتقووم وصايف تشبك
كانت وصاايف تشبك لشخص تشكيله كل شي عنها وهو انسان محترم وجاء ايميلها بطريق الصدفه
ومعلومه هو عنده منتدى عن الزواج ((سعودي الجنسيه))
ما حبت وصايف تسال مناير عن السر اللي في قلبها الانه وعدت وصايف ما تقوله لاي احد
الا قبل موتها
وكان هذا الحديث في الماسنجر....
عبد العزيز .......... السلام عليكم يا اختي الصغيره
عبد العزيز كان يسمي وصايف اختي الصغيره وكانت تحب الاسم هذا
وصاايف ..........وعليكم السلام والرحمه
عبد العزيز ............ وينج غريبه لك ايام ما شبكتي .....
وصايف......... ظروف يالغلا
عزيز ........... وكيف حالك الحين
وصايف ... وش اقولك يا اخوي
عبد العزيز ........ وصايف احس فيج شي ؟؟ تبين تقولينه
وصايف ......... وش اقولك
عبد العزيز ........ اكيد اختك نوره ........ وصايف ما حبت تقول اسم اختها الحقيقي له
وصايف ... اي في غيرها
عبد العزيز ........... يا بنت وش اقوولك كم مره اقولك لا تشيلين هم احد في.قلبك..... عبد العزيز يعرف انه وصايف
مريضه في القلب ويعرف انها ضد الرجل بس ما يعرف السر في الاول
وصاايف ... يا اخوي انت مشغوول
عبد العزيز بعد مده رد
عبد العزيز .......... لا ابد فااضي بس قاعد اراقب المنتدى تعرفين الرسايل المخله للادب
عبد العزيز ......... انا متاكد فيج شي
وصاايف كتبت هذي الابيات
مرة أشكر الوقت..........
يوم الوقت لي جابك............
ومره أكره الوقت...........
لا شعرت بكثرة غيابك...........
عبد العزيز ................هههههههه اول مره يطلع لك بيت .. اعرفك شاعره بخيله ما تعطيني كم بيت
اقوول وصوص اختصار دلع يعني
وصايف .......... نعم
عبدالعزيز ........... فضفضي يالغلا اسمعك ....
وصايف......... لا مشغوول انت ........
عبد العزيز ......... لا ابد قوولي
وصاايف .........ز الحمدالله البيت فاضي اقدر اقوولك الحين عن السر اللي تعبت وانا اشيله
........ بس موجوده نوف ...... ونوف عند ولد اختي
عبد العزيز .............تكلمي اسمعك يا اختي
وصايف ............ انت تدري اني مريضه وتدري اني اكره الرجال كلهم بس ما تعرف السبب واتذكر انك
تلح علي اني اقوولك وانا ارفض
عبد العزيز ........ اي اذكر,,,,,,,, بس على رااحتك اذا كان يزعجك ما ابي افتح لك اوجااع
وصاايف .......... يا اخوي علاجي عندك
عبد العزيز ........... عندي ؟؟؟ .......... اشلوون؟؟؟
وصايف .......... ما ادري اشلون ابد.ا.؟؟
عبد العزيز ........وش يخص الموضووع ..... يعني عنوانه
وصايف ............ بخجل ..... وهي مجبوره تقووله عشان تشفي نفسيتها كانت محطمه نفسيا
وكانت تشوف نفسها غير البنات
كانت تشووف كل صديقاتها تزوجوا الا هي كل ما تقدم لها شخص رقفضة ليه ما يدرون اهلها
وصايف .......... ما ادري وش اقول
عبد العزيز .؟؟؟؟؟؟......... يا وص وص منتي مجبوره اذا خجلانه
وصايف ؟؟؟؟يالغلا ابغااك تشفي سؤالي اللي في نفسي ............
عبد العزيز ....... اللي هو ...؟؟
وصايف .... غطاء البكر عند المرا متى يفتــح ومتى يقـــفل
عبدالعزيز انصدم من سؤالها ....؟؟ الانه هي دايما خجوله وصحيح كان معها في كل موقف يصير معها
بس هذا غير
وصايف .......... ممكن تشفي غليلي وتريحني من العذااب اللي انا فيه تكفى يا اخوي
وهي تبكي حييييييل
عبد العزيز ......... ليه
وصايف ............ ولد خالي .... هو الللي دمر حيااتي وانا صغيره صغير يا اخوي لعب بي وانا عمري 9 سنه
هو كبير لعب بي قبل زواجه باسبووع
عبد العزيز ......... تفاجا ء ......... كذا تكرهي الرجال
وصاايف .......... حيييييييييل قد ما تتخيل
عبد العزيز كان يجاوبها بكل سؤال تقووله صحيح كانت خجلانه بس عبد العزيز طمن قلبها
الانه بعد الدوره الشهريه رااح يسكر غطاء البكر يعني عند اذا كانت طفله
عبد العزيز ....... لا تخافين بعدك بنت بس انتي متاكده يا وصايف من كل كلمه تقولينها
وصايف ........ بدموعها اي وربي يشهد
عبد العزيز ........ ليه ما قلتي لاهلك ...... لامك ,,,,,,,,,,, ابوك ....... لاتسكتين
وصاايف ......... تكفى عزيز انا تعباانه .......... ما ابي اكون انا السبب في خراب علاقة امي باخوها
عبد العزيز ........... ليه سكتي في اول .....
وصايف .......كنت جاهل وما اعرف وش اللي كان يسوي فيني
بس بعد فتره من سوالف البنات عرفت وصرت ابعد عنهم يوم وراء يوم ...........
عبد العزيز يحاول يغير الجو ......... الانه عرف ان وصايف تعبانه حيل وهذا ضد حالتها .........
عبد العزيز .......... ها يالغاليه تطمنتي
وصايف ......... يعني
وصاايف ........... يا اخوي وربي ما ادري وش اقوول لك وربي وقفت معي وقفه اشهد لك ما انساها ابد
عبد العزيز .......... ولا يهمج صج وصوص ابي ازوجك ولدي عبود وش راايج
وصايف ........ ههه اي ابيه تكون انت عمي هههههههه
وترتاح وصاايف نفسيا بعد ما تطمنت على نفسها
وتقول
هذي هي الدنيا متاهات وأحزان
كلن يــــــدور راحته ما لقاهـــا
تبي لها صبر مع شوي نسيــــان
مع ضحكة تخفي دموعك وراهـا
يرد عبد العزيز..............
جاني شعور إنك تبيني وجيتك
أحس باحساسك وأنا في مكاني
أبعد ولكن في خفوقي لقيتك
متربع مابين ذيك المحاني
يا قرة عيون الغلا مانسيتك
طيفك يناجيني وشوقك دعاني
إن ضاقت الدنيا بعيني نصيتك
الجزء الثــــامــــن
في بيت ابو خلف ...
يوسف في غرفته وعنده عهود تسوالف مع عبدالله اخوها الاصغر منها
و يلعبون بلاستيشن ... ويوسف غرقاان في كتابة الشعر في دفاتره
ويكتب في كل صفحه اسمها ....اسمها كان يزين كل صفحه من صفحات دفاتره يوسف
وكان الكل مايدرون بقصة حب يوسف لوصايف غير خلف و عهود ساكته من كثر التهديد عليها من يوسف
هههههه مسكينه يا عهود
ونذكر يوسف انه ما ارسل حق وصايف هاليومين مسج .. وقام وارسل لها هذا المسج
يا حبيبي عسى ربي يخليك
ارفق بقلبي وارحمه يا حياتي
ارحم غريق في غرامك يراعيك
بعدك عذاب وشوف زولك غناتي
بين العرب لساني دووم يطريك
وماظن ينسى من يسوي سواتي
متعلق قلبي يودك ويغليك
وعسى غلاك ما يسبب وفاتي
وصايف كانت مغلقه الجوال الانه مافيه شحن .....وانتظر يوسف
يبي الرد لكنه ما لقى رد وتضايق كثير وحاول يتصل لكنه خااف يكون عمه
جنب وصايف او احد جنيها وكذا خاف يدق او ما ارسلة الانه عندها احد ...؟؟
عهـــــــود ....... يوسف وش قاعد تسوي ؟؟
يوسف ... يؤ وش تبين ياالدبه ؟؟
عهود ....يؤ كلكم كذا دبه ... المهم ما ابي ارد عليك .. ابي اعلمك انه باجر راح تكون ملكت اخوي خلف تدري؟؟
يوسف ... اي ادري انه اخذ وحده ما تسوي اظفر بنت عمي مناير ..
عهود ... وش تقصد في قصدك اظفر ؟؟؟
يوسف ... انتي تدرين انه مناير بيضه كانها اللبنه وعيونها وساع وشعرها طويل وناعم وجسمها نحيف
واللي يبي ياخذها اولا عبده ثانيا اكبر منه بسنتين ثالث شعرها شوشه تقول جدتي وانتي سمعتيها ورابع
عهود قطعته .... بس بس بس بس ؤيؤيؤيؤ كل هذا تعرفه ماشاءالله في زوجة خلف الجديده
وهو راضي وما قال شي عنها
يوسف .... وش تبينه يقول جدام امج ؟؟ تبينه يقول انه مناير احلى منها خلف كل شي يعلمني عنه حتى خطيبته اللي
تبي تصير زوجته قالي وش موصفاتها وقال لي انه مناير احلى منها بس خلف ما يعترف بحقيقه انه ندماان كثير
على طلاق مناير ..
عهود ... وانت علمت وصايف انه خلف راح يمالك باجر ؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك