رواية تعال جنبي وابتسم لي واسامح -28
منصور بداخله ذايب ذوبان اخيرا حلمه قدام عيونه .. وكل الكلام اللي قاله مو صدق بس على شان يكسر فيها غرورها .. ولكن مافي احلى من جسمها ولا احلى من شعرها اللي كانت كل ما تتحرك يتحرك معاها بغى عقله يطير ولا عيونها الذباحه .. كانت عالم ثاني ماقد شافه منصور .. وللمعلومه فقط منصور كان برضوا جميل .. حتى تهاني صدمت لما شافت جماله
كانت متوقعته قبيح من كثر ما تخيلته في عقلها وحش وجاي يعذبها هههههههههه
راحت غرفتها ركض وهي تبكي جوها ريم وعبير ونوف وحتى نورة وحاوطوها ويهدون فيها ويستفسرون منها ليه تبكي بس هي ماترد عليهم جتهم سارة وقالت لنورة ان ابوها يناديها
نورة بدت رجلينها تصبخ ببعض من الخوف
نزلت تحت ودخلت هي وابوها على ثامر اللي كان مايقل عنها توتر
وكل العاده الابو طلع يتركهم على راحتهم
ثامر: شلونك نورة
نورة منقهره من نفسها ومن ابوها اللي حاطها بهالموقف انه عرضها على ثامر وطبعا هو مايقدر يرد لابوي كلمه .. وهي ماسكه دموعها بالغصب:.........
ثامر قرب منها بهدوء : وش فيك
هنا على طول استسلمت دمعات نورة بالنزول
مد يده ثامر ومسح دموعها وقال بحنان : الله معقوله في ملاك يبكي
نورة نزلت راسها وهي تكتم شهقاتها
ثامر: نورة وش فيك ..؟؟ انتي مغصوبه علي ..؟؟
نورة هنا ماقدرت تتحمل رفعت راسها وقالت بصوتها اللي متقطع من البكي: اي .. حتى انت مغصوب .. ليه تسوي فيني كذا يا ثامر .. ليه توافق على كلام ابوي .. ليه ماقلت له لا ورحت لحبيبتك .. حرام تخليني انا الظالمه اللي فرقت ثنين عن بعض
ثامر فاتح فمة من الصدمه مو فاهم شئ : اي حبيبين ووش كلام ابوك وش هالخربطه ..؟؟
نورة وهي تبكي : ثامر لو سمحت انا اعرف كل شئ .. عارفه ان ابوي هو اللي جا لك وقال تزوج بنتي لان مالقى غيرك بالعايله نواف ومتزوج وريان ريم مسمى ياله وكمان على شان عارف مستحيل بترفض له طلب .. بس انا مابي افرق بينك وبين حبيبتك مابي
وقامت تركض طالعه من المجلس وهي تمسح دموعها
ثامر موقف مصدوم من اللي سمعه وبعدين ضحك على هبالتها .. لانها تحسب ان ثامر مغصوب على زواجه منها ماعرفت ان هو اللي مترجي ابوها وابوه وقانعهم ان يتزوج من نورة لانها سيطرت على عقلة وقلبه .. بس مافهم هي وش تقصد بـ مابي افرق بينك وبين حبيبتك .. لا يكون سامعه عني اني احب ..
ثم طلع من المجلس وتناسى الامر
في الليل على الساعه 3 الفجر
كانت نورة وتهاني يتفرجون على التلفزيون ومتحمسين مع فلم
الا يقطع عليهم صوت نغمة جوال تهاني
تهاني ماتعبت نفسها وشافت الرقم على طول ردت
تهاني : الوو
...: ما شاء الله .. ما شاء الله .. وتردين على ارقام غريبه بعد
على طول شالت السماعه تهاني وطالعت الرقم لقت رقم غريب
تهاني : من معي ..؟؟
....: ابي افهم اللحين ليه تردين على رقم غريب باخر الليالي
تهاني عصبت : لا يكون اخوي وانا مدري .. صدق قليل ادب وماتستحي
وقفلت بوجهه السماعه
منصور بينه وبين نفسه .. " وهـ يازينها لا عصبت "
ورجعوا البنات يتابعون الفلم الا بعد دقايق في لقطه مرة محمسه باخر الفلم كانت البنت راح تختار بين اثنين مين اللي راح تتزوجه وهم مرة متحمسات ومركزات ومن زود التركيز شوي ويدخلون بالشاشه رن الجوال من جديد
تهاني وهي معصبه ناظرت الرقم ورجعت ناظرت التلفزيون الا المقطع راح وماعرفت وش النهايه ومن اللي فاز بحبها انقهرت وشوي وتبكي سالت نورة وقالت لها مادري مانتبهت كنت مركزة معك بشوف من اللي متصل عليك .. حقدت على اللي متصل
رجع ورن من جديد ردت وهي ناوية تمسح فيه بلاط الارض
تهاني وبصوت عالي : ياكلب ياحقير ياللي ماتربيت .. الله ياخذك ان شاء الله .. جعل ربي يبلاك بمرض مامنه شفا .. جعله ان شاء الله اهلك يبحلون فيك ويلفلفون فيك على كل الدكاترة بالبلد ومافي ولا واحد منهم يلقى لك علاج .. جعلي ان شاء الله بيوم اشوفك مسدح قدامي واتشمت فيك .. جعلك للـ
منصور بصراخ : بـــــــــــــــــــــــــــــــــــس .. وجع بالعه راديو .. كل هالسب والدعاوي على شاني دقيت
تهاني : ياحمار انت ضيعت علي نهايه الفلم اللي متراهنه عليه انا واختي يا سافل يا منحط .. "توها تسوتوعب " الا ياقليل الادب ياللي ماتستحي انت وش عندك مستحليها كل شوي داق .. خيير قالوا لك ما يطلبه المستمعين
منصور كاتم ضحكته: اولا اسمه مايطلبه المستمعون وثانيا كيفي داق على زوجتي في شئ
تهاني طلعت عيونها لبرا : وجــع ان شاء الله .. هذا انت !!
منصور وهو خلاص بيفجر من الضحك : لا خياله
تهاني عصبت : انت من وين جبت رقمي ؟؟
منصور: جبته من مصادري الخاصه
تهاني : الله واكبر يامصادر .. حدك راعي البقاله الافغاني
منصور: عن الغلط .. الا تعالي انتي ليه تردين على ارقام غريبه .. صدق قليلة ادب
تهاني طيرت عيونها: نعم نعم نعم .. وش قصدك ان اهلي ماعرفوا يربوني .. هي انت اسمعني كل شئ ولا اهلي والله لا افرشك اللحين واتوطى ببطنك .. قلت ادب
منصور عشى من الضحك عليها : يلا كان فيك خير تعالي وضربيني
وقفل السماعه بوجهها
تهاني تناظر السماعه: وجع يوجعه ان شاء الله سكر بوجهي
نورة وهي مستغربه : من هذا اللي من الصبح تتهاوشين معه
تهاني : منصوروه الزفت
نورة وعيونها ناطه لقدام: زوجك ؟؟
تهاني: زوجوك من بعير ان شاء الله .. لا تقولين زوجك ..
نورة: مهبوله انتي .. اول مرة اشوف وحده تتكلم مع زوجها كذا
تهاني : لحوووول رجعت وقالت زوجها
نورة: خلاص خلاص موب قايله مرة ثانيه زوجك
تهاني قامت من عندها معصبه : وجع يوجعك ان شاء الله
نورة وهي تضحك : زوجك غصب عنك ههههههههه
تهاني وهي رايحه اخذت مخده ورمتها عليها وراحت
..........
وليد وهو جالس بالصاله سرحان
جت بجنبه امه ام خالد
ام خالد : عسى ماشر ياوليدي .. وش فيك سرحان
وليد: ابد يمه بس افكر
ام خالد: بوشو وانا امك قول لي ..؟؟
وليد انسدح على رجلينها وغمض عيونه وهي بدت تمسح على شعره
وليد: يمه تتوقعين ينفع احب واتزوج ..؟؟
ام خالد وهي تبتسم لان تشوف ان في امل ولدها يرجع يفكر بموضوع الزواج: اكيد ياوليدي منت رجال لازم تحب وتنحب
وليد:بس كل الحريم خاينات
ام خالد : لا وانا امك موب كلهم .. هذا انا
وليد: انتي غير ياست الحبايب
ام خالد: طيب اتركني انا .. هذا عندك خواتك .. بنات اخوانك .. هذا نوف وريم ونورة
وليد كشر يوم تذكر فعلت نورة وحاول ينسى: لا يايمه .. وش يضمنك ان اللي باخذها مابتطلع مثل أسـ....... وسكت
ام خالد تغريت ملامحها : لا وانا امك موب اصابعك مثال بعضها .. في من الحريم الصالح وفي منهم الطالح
وليد: طيب شلون اعرف اذا هي صالحه ولا لا
ام خالد ابتسمت : من هي وانا اقولك اذا صالحه ولا لا
فتح عيونه وليد وعرف ان تكلم زيادة عن اللزوم وفضح نفسه قام من على رجلين امه وابتسم وقال : تصبحين على خير يايمه
وراح لغرفته
.........
سديم : اسمع زين .. بكرة نفذ اللي اتفقنا عليه .. سامع
...: طيب انتي تامرين امر
من بكرة على الظهر الكل بره بالحديقه بيتغدون مع بعض والرجال جالسين يشوون والبنات يسولفون والحريم يسون السلطات
كان الجو مرة حلو
ريم : ماما ترى اليوم بطلع للسوق بجيب شويه حجات ابغاها على شان زواج عبورة ونواف
ام نواف: طيب بس خذي معاك وحده من البنات
ريم: بنات من فيكم فاضيه تجي معي للسوق اليوم
ولا احد رد عليها
لفت على امها : شفتي
امها ميلت ذقنها :طيب روحي .. بس ياويلك لو تاخرتي
راحت ريم ونطت على امها وخمتها وباست خدها : شكرا شكرا شكرا
وليد : يلا وين الغدا والله لو تصلحون ذبيحه
ابو نواف : انطم بعد قاعد تحلطم بدل ماتقوم وتساعدنا بالشوي
وليد : لا انا اليوم ماخذ اجازة .. بجلس مع حبيبي ابو خالد ونحش في شويكم
وينط جنبه نواف : وانا بعد .. ترى اجازة معه
ثامر تخصر: لا والله .. احلف انت وياه .. وش حيتي انا اللي جالس اساعدهم .. اقول خل نجرب اليوم طباخ الشيبان وانا بجلس مع الشباب المراهقين هاللي يهبلون
ابو خالد : حياك معانا وخل هالشيبان .. هم اللي يستلمون الطباخ
وليد: ياعيني ياعيني على الشباب يابوي ..
نواف: لا عاد يا وليد .. ابوي اشب مني ومنك وهـ بس فديتك ياقميل انتا
ثامر: الا يابوي دامك ماشاء الله عليك بعز شبابك وش رايك نزوجك
مامداه قال هالكلمه الا وتجيه هذيك العصا من ام خالد
ام خالد : قم قامت عظامك بلا .. جالس بجنب رجلي تبيه يعرس علي
ثامر : لا ياامي انا بس كنت اختبره لان لو قال اي بعلمك وانتي تتفاهمين معاه
الكل : هههههههههههههههههههههه
وليد: عاش مصرف
ام خالد وهي تضربه بالعصا: قم بس قم عنه لا تلف له راسه ..
ابو خالد: يخسى من يغيرني عليك .. انتي راس المال .. هو انا اقدر اعيش بدونك يوم واحد >>قالها وهو يقلد المصاريه .. انتي الحب الاول والاخير يام خالد
الشباب يصارخوون ويصفرون: ياهووووووووووو عاش ابو خالد ..
وليد: مقدر مقدر على الرومنسيه .. شكلك كنت مغزلجي يوم انك صغيير
ابو خالد وهو يهمس للعيال: افا عليكم كنت مذوب كل بنات الديرة
الشباب فقعوا ضحك : ههههههههههههههههههه
نواف: وانا اقول .. اتاري هذا الشبل من ذاك الاسد >>وهو ياشر على وليد
عند البنات
ريم : ها يالعروس جهزتي اغراض الزواج
عبير: اي كل شئ جاهز .. الحمد لله
نورة: انا اللي باقي لي .. اهئ اهئ
نوف: لا انا الحمد لله .. مجهزة كل شئ
سديم كانت جالسه معاهم وهالايام العلاقه هاديه بينها وبين ريم : طيب متى الزواج بالضبط
عبير: بعد اسبوع
سديم: على البركه ان شاء الله
عبير: الله يبارك فيك
في المطبخ كانت سارة مع الحريم تساعدهم بالسلطه
سارة : خالتي خلصت تقطيع الخيار
ام نواف:خلاص حطيه عندك وروحي استانسي مع البنات مانبي نتعبك معانا .. بناتنا ماجوا يساعدونا وانتي اللي مفروض ترتاحين جالسه تساعدينا
سارة: ولو .. مو انا بنتكم بعد
ام نواف: اكيد بنتنا وربي يشهد علي .. ان ماحسك الا مثل ريم
سارة : تسلمين ياخاله .. يلا عن اذنك
طلعت سارة من المطبخ اللي في بيت ابو خالد وطلعت فوق للصاله تجيب شنطتها وجوالها لانها تاركتهم فوق
وهي تمشي في الصاله شافت جناح بابه مفتوح وشكله جناح وليد
ماتدري ليه جاها فضول تدخل الجناح
دخلت للغرفه كانت مرة انيقه مع انها حوسه لازم حوسة العزابيين
جلست على سريره وفتحت درج الكومدينا تعرفون لقافه البنات .. لقت دفتر
فتحته اول مافتحته طاح منه ورقه .. فتحت الورقه ولقته كاتب
لا ردك الله لا ولا اطلـب تـرديـن..ادعي عليك بعثـرة فـي صلاتـيعثره تشلـك مـا بعدهـا تقوميـن..يا قاتلتنـي يـوم صرتـي حياتـيخدان لـك بالقلـب كانـت بساتيـن..وريضان وغصونـا بهـا يانعاتـيكنتي مناة القلـب والـروح والعيـن..واليـوم عينـك يعلهـا مـا تباتـيكنت أحسبك للعهـد والحـب توفيـن..قلتي الغدر بالحـب ماهـي بسواتـيوحلفتي يمين الله مـا منـك اثنتيـن..وانـك مـلاك دون كـل البنـاتـيوانك على عهـد المـودة تسيريـن..ولا تسمعين أهل الحسـد والوشاتـيوصار اليمين ستار خلفـه تواريـن..ورماح غـدرك بالخفـا مشرعاتـيوبان الغدر سـم جـرى بالشراييـن..الله عسـى يسقيـك سـم الفعـاتـيكلي سقيتـك حـب واليـوم تنسيـن..تقوليـن حلـم ايـام واليـوم فاتـيخذتي الهوى لعبه على مـا تحبيـن..لين عصفـت بالهـوى عاصفاتـيمن زينك يا بنـت بالشعـر تزييـن..مـن صـورك بابياتـه الطايلاتـيانا من غرامي قلت كانـك تذكريـن..قلت الخجل صاب البدر مـن مناتـيوصرتي! بشعري في العذاري تباهين...تقولين انا شمس العصر في حلاتـيزينتك بشعري ولا غربـك الزيـن..ما زانتك صبغـات حمـر الشفاتـيصورتك بالشعر حـزام ورياحيـن..واثرك هضاب وشوك ما به هداتـيرسمتك سحابه خيـر قطـر تنفيـن..فزت لك الصحراء زهـور ونباتـيرسمتـك مهـاه للجميلـه تقوديـن..واثرك قطيعه وضيعتهـا الرعاتـيواثرك غراب يوم سـدل الجناحيـن..كنت احسب اني شايف لـي قطاتـيبالشعر غليتك علـى كـل غالييـن..واثـرك دنيـه وتعشقيـن الدناتـيوبالشعر عاتبتـك عتـاب المحبيـن...انا من يسوم الروح لك يـا غناتـيتوسلت لك خايف على حب عاميـن..عامين لكـن فـي حسابـي مئاتـيناديت لكن لـي ابـد مـا تسمعيـن..عمري وروحي فكري فـي ثباتـيحذراك للشينـات عمـري تماشيـن..عديمات اصـل اخلاقهـن دانياتـيغاب الولي عنهـن ولعبـن بحبليـن..يا خـس واليهـن وخـس الولاتـيما همهن في الناس زيـن ولا شيـن..وقلوبهـن مـن حقدهـن مظلماتـيوقلتي وربـك لـو يكونـا ملاييـن..ما غيرن بالطباعهن مـن ! سماتـيتحسبيـن انـك بالمهافـه ترقـيـن..كيـف الصعـود يكـون للهاوياتـيوخنتي وبعتي كـل عهـد واياميـن..ما عاد يفرق بيـن ماضـي واتـيوصرتي مثل غيرك برخص تبيعين..يا مرخصتني ما بقى لـك غلاتـيصبري نفذ واليوم ثـارت براكيـن..مظلوم انا وباكـر تحـل ادعواتـيسمعي عسى من بعدها مـا تسمعيـن..سمعي دعا من صار قلبه حصاتـيادعي عسى من ناضرك ما تشوفيـن..وتطحن بك الايام طحـن الرحاتـيوعساك عوق منه ما عـاد تبريـن..عوق تشافـق لـه قلـوب العداتـيويالله عسى يحتـار فيـك المداويـن..تبين الممـات ولا يجيـك المماتـيويالله عسى كـف الندامـه تعضيـن..تندمين يـوم انـه يفـوت الفواتـيوتبكين دم يسيل مـن مقلـة العيـن..وتحتار امك عـن عنـاك وتحاتـيعسى ما تلاقي من له القلـب تهديـن..وان حصل ادعي عسـاك الشتاتـييا بلوة اللـي وسـط بيتـه تعيشيـن..ساهي وحوله شب جمـر الغضاتـيعسى بعمرك ساعـه مـا تهنيـن .....وتمضي حياتك بين هـم وشقاتـييا بنت قلبـي ويـن مثلـه تلاقيـن..قلبا عطاك الحـب مـا قـال هاتـيجيتك وروحي شلتهـا لـك بكفيـن....وفي التاليه رمح الخيانـه جزاتـييالله عسـاك النـار يـا أم وجهيـن..كله انكشـف لا مـا تفيـد العباتـيويالله عسى تلبسك جن وشياطيـن.. .وتكونين مدعـاة الحكـي والشماتـييـا حيـة رقطـا تقـود الثعابيـن..باكـر تحـن ايامـك المعتمـاتـيوباكر على فعلـك بمثلـه تجازيـن..ظلم المشاعر مـا تحكمـه قضاتـيبيني وبينـك تحكـم ايـام وسنيـن..وانا شاهدي قلبا مـن الغـدر ماتـيويـا دمعـة التمسـاح لالا تذرفيـن...العيون رغـم ادموعهـا كاذباتـيلا ما عرفتي الحب لا ما تحسيـن ..وغدرك تعدى غدر ذيـب الفلاتـيالذيب يعوي قبـل يغـدر بمسكيـن..وانتي غدرتي خافقـي فـي سباتـيلو كان غدرك في كفوف الموازيـن..لكـان رجـح كـل غـدر البناتـيانتي السبـب سقتـي علـى القلـب..جرحين غدر الغرام وموجع الذكرياتيوانتي السبـب واليـوم لالا تلوميـن..وان جاك باكر شوفي اشلـون يأتـيوالله لاكتب وافضحك فـي دواويـن..وارقص ! واغني يوم خبر الوفاتـيوارسم لاهل العشق قلبـا وسهميـن...وقصة خيانه ما روتهـا الرواتـيويمين لانشر فوق اسمـك عناويـن...واشهرك من قاصي اليمن للفراتـيومن غرب هالدنيا الى قاصي الصين...ديـوان غـدر فيـه كـل اللغاتـيوالبادي اظلم سنـة العيـن بالعيـن..والا فـذي لا عادتـي ولا صفاتـيويا شبه انسانـه بـرأس ورجليـن..اعـوذ بالرحمـن منـك بصلاتـي
سارة رجعت الورقه بسرعه بالدفتر: اعوذ بالله .. يمه وش هالشعر
جلست تقلب في الاشعار حقاته ووقفت يوم قراءت هالابيات
وبدأت تقرا بصوت مسموع
" كنت احسب اني عرفت الحب قبل اعرفكوعشقت قبل اعشقك واشتقت قبل التقيـكوكنت احسب اني لقيت احباب قبل اوصلكواثري توهمت في غيرك وانا كنت ابيكتعال نعطـش وتشربنـي وانـا اشربـكتعال قبل الوعد اجلـس معـي نحتريـكتعال شفني وانـا استنـاك كـم اشبهـكيطري علي الف راي و راي واحتار فيكاجي مكان الوعـد والا اسبقـه انطـركوالا آخذ الموعد اللي يحتريـك واجيـكيا آخر الحب ذقـت الحـب فـي اولـكويا اول الشوق اقصى الشوق ما ينتهيـكعلمتني كيف اعرفك لين صرت اجهلـكضيعتني في متاهاتـك وكنـت ارتجيـكحبيـب الاحـلام يابعـدك ويامقـربـكحرام يكفـي تبعثرنـي وانـا احتويـكان شفتك بحلم صدقتـه وانـا اتوهمـكوان شفتك بعلـم كذبتـه اليـن انتشيـكاخاف اغمض عيوني ......."
قطع عليها صوت وليد وهو يقول "... وان رمشت افقـدك
واخاف افتح وتصبـح حلـم ولا التقيـك "
لفت للصوت وشافت انه وليد وقفت من على السرير وطاح منها الدفتر ووجهها حمر من الخجل
سارة بصوت يتقطع من الفشلة : آسفـ .. ـه
وليد وهو مبتسم : لا عادي ماصار الا الخير .. بس ... (سكت شوي همن كمل ) ماتبين تعرفين هالقصيده مكتوبه لمين
هنا سارة ماقدرت تظل معاه بمكان واحد وبسرعه اتجهت للباب وطلعت
راح وليد للمكان اللي كانت جالسه فيه ونزل يجمع الاوراق اللي طاحت من الدفتر وشاله وحطه بالدرج وطلع
الكل جالس على الغدا ووليد عيونه على سارة اللي مو قادره ترفع عيونها من الفشيله
بعد ما خلص الغدا الكل تجمع في بيت ابو نواف
وعلى الساعه 6 المغرب ريم طلعت للسوق مع السواق
وهم بالطريق
ريم مولعه اغاني هاديه وداخله بالجو
انتبهت على نور سيارة وراهم يكبس لهم
لقت وشافت السيارة مليانه شباب خافت
الا شوي شوي بدات السيارة اللي وراهم تتقدم وصارت موازيه لهم الشاب اللي من الشباك ياشر للسواق انه يلبق على جنب
ريم وهي ميته خوف : عاصم اسرع ابعد عنهم
عاصم : حاظر .. بس هم مو تاركين لي مجال
الا فجاه يحدوونه فيطر عاصم يدخل يمين فكمل طريقه طوالي .. ما يبي يوقف على شان ما يستفردون هالاولاد فيهم .. دخلوا بوسط حارة وهم يمشون وصلوا لطريق مقطوع والسيارة اللي وراهم حجرتهم من ورا
ريم وهي تبكي : عاصم كلم ابوي قله يجي .. بسرعه
عاصم : طيب طيب
ريم لفت على ورى شافت 4 شباب نازلين من السيارة ومتجهين لهم
ريم وهي تصارخ : عـــــــــــــــــــــاصم اقفل البيبان
عاصم: طيب طيب .. طال عمرك ادق على المعزب بس ما يرد
ريم وعيونها مليانه دموع : طيب دق على اي احد اي احد
وهي من الخوف جالسه ترتجف
الا شوي يجي واحد من الشباب ويضرب على قزازت السواق
الشاب: انزل من السيارة
عاصم مالتفت له وهو يحاول يدق على نواف بس الجهاز مغلق
ريم طلعت جوالها ودقت على اول رقم شافته .. رقم ريان
بعد رنه .. ثنتين .. ثلاث
ريان : الو
ريم وهي تبكي: ريان الحق علي
ريان خايف: وش فيك .. الووو ريم .. قولي لي انتي وين
ريم عطت الجوال لعاصم وعاصم وصف لريان المكان
لما سكر منهم
الشاب اللي برا السيارة كسر شباك السواق وفتح الباب
وجر السواق لبرا وريم تصارخ
ثنين من الشباب جالسين يضربون في عاصم .. وثنين ثانين راحوا لريم واحد فتح الباب اليمين والثاني الباب اليسار
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك