رواية بنات النت -26
وتفـــاجأت يوم شــافته فيصـــل ..
ضمت بنتها بصدرها على طــول وفيصل يقتـــرب منها
جلــس جنبها ع السرير / كيفك
سـاره بخوف / وش تبـ تبي ..؟
فيصل وهو ماد يده ببتسامه / ابـي اشوف بنتي
ساره / لاااء مستحيــل هذا بنتــي أنا حملتها وانا اللي جبتها
فيصل / بس حبيبتي هذي بنتي انا وانتي بتعيشين بنتك يتيمه وأبــوها موجود حرام والله عليك
نزلت ساره نظاراتها على بنتها وأهي تفكــر ..{ كــلامه عــدل أنـا شلون احرمه من بنته واحرمها من أبـوها
بس هذي بنتــي أنـا ابيها مابي احد ياخذها منــــي
قطع افكارها فيصل وهو يقول / ماراح احرمك منها بس انتي بعد لا تحرميني منها انتي بتربينها بس انا لي حق اشوفها صح ولا لا ..؟
ساره بتردد / بـ بـس .!
قاطعها فيصل / شنــو بس ...؟! أنا الحين بس بشوفها وبسجلها بـاسمي وعلى فكـره توني رحت المحكمـه وطلقتك وهذي ورقة طلاقك
ابتسمت ســاره ابتسامه كبيره وخذت الورقه ..
فيصل / الحين ممكن أشــوف بنتي واسجلها باسمي ولا مو ممكن
سـاره / الا ممكن
مـــدت بنتها الملفــوفه بالفاف وردي وأخذها فيصــل
/ راح اسجلها بـاسمي وراجع
ساره / أنتبه عليها لا تطيح
فيصل / تطمنــــي
طلــع من الغـــرفه ببتسامــــه خبيثــــه ..
وبعدهـــا طلع من المستشفى ودخـــل السيــــاره اللي كانت وســـن موجوده فيها ..
وسن / وأخيـــــــــــرا طــولت مـــره
فيصل / إيي كنت معاها ومســوي نفســي طيـب وحنـــون على بنتي ههههه
وسن / ههههههه احســن تستاهل بس سجلتها باسمك ولا ..؟
فيصل / لا ماسجلتها باسمي بخليها كذا بــدون هويـــــه
وسن / احسسن ههههه
.
مـــر الصبــــاح بســـــرعه الســـاعه تســـع الصباح
صحـــت ساره بعد التخديـــر
اللي خدرتها السستر اللي كانت متفقه مع فيصــــل ..
صحــت واهي تتلفت يمين ويســـار تــدور على بنتها
صـــرخت بأعلى صـــرخه / بنـــــــتـــــــــــــــــــــــــي فـــــيصــــــــــل
تجعــو عليها النــاس والدكاتره ..
ساره / ويـــــــن بنتـــي جيبوهــا لــــي أبـــي بنتــــي
صــارت ضجــه في المستشفــى يدورن عليها..
دخــلت ام اياد ومعاها صنيــة أكــل حق بنتها ..
شــافت ساره متسدحــه ع السرير ووجهها أحمر وفاتحه عيونها بشكل مخــيف
ام اياد بخوف / يمــا سااره حبيبتي فيك شــئ
قطت ســاره نفسها في حضن أمها / يمـــاه فيصل أخذ بنتــــــي الحقــير يمــاه أبــي بنتي جيبوها لي
انــا حتى الاسم مافكرت شنو اسميها يحرمنـــي منها كذا لــيش لـــــــيش أنـا شنو سويت له
ام اياد / بس يابنتي قطعتي قلبــي ان شاء الله ابوك يتصرف ماراح يقدر ينحــاش
ساره / انـــــا اخـــاف يســــوي فيهاا شــــيء يمـــاه تكفوووووون تصـــرفـــوو
تكملـــة البارت التاسع عشــر
بــو اياد / شنـــو أخــذ البنت وحتى ماسجلها باسمــــه ....!!
اياد / يبـــه أنــا بروح السفـــاره بتأكد إذا سافر ولا لا وانت روح مركز الشرطـــه وبلغ عنـــه
ام اياد / إييي يـلا عجلو والله ماشفتو ساره قطعـــت قلبــــي ..
بالمستشفى ..
منار و ريتال ودانه عنـــد ســاره يحاولون يهدونها ..
ريتال / صدقــيني بتشوفينها ماراح تضيع عنك
ساره واهي تصارخ / أنـــا وش سوويت له علشــان يســـوي لي كذا ويحرمنـــي من بنتـــي قولو لـــه يرجعها
والله العظيم ماراح أحرمـــه من بنتــــه بس أنـا ابي اربيها
منار / حبيبتي أنتي هـــدي والحين ابوك واياد راحو يبلغووون عنـــه
.
.
جـود واهي شايله صينية الاكل حــق رنيم ..
/ اليوم انا عازمتـــك على طبخي ..
رنيم / هههههه صرتــي تطبخين الحين
جود / افا عليك اعجبك في الطبخ وسألي أخـــوك بعد ..
رنيم / صار فطـــور الحين ..؟
جود / اييي صــار من خمس دقايق قــــومي فطــري ونصلي
عدلت رنيم جلستها وهي متألمـــه من مكان الحرق مسكت الملعقه واهي تقول / ساره ولدت جابت بنت
جود / اييي أدري بس فيصل أخذ البنت
رنيم / والله ....؟! من جدك
جود / اييي كلمت منار من اشــوي وقالت لي بس مافهمت الســالفه منها
رنيم / طيب ليه مابلغووني ..؟ ولا خــلاص صارو مايبوني
جود / رنــوم حبيبتي لا تتحسسين يمكن ماقدرو ولا شــيء
اسكتت رنيـــم اشوي وقالت / جــود تدرين يحيى خــلاص ماعاد يبيني
نزلت جود راسها وأهي تدري ان بـ يجي يوم تنصدم فيه رنيم من يحيى ..
بس ماتحب تنصـــح رنيم علشـــان لا تعصب عليها
رنيم / أنــا من احترقت وانا منبوذه ماحد يبيني بــس انتي وعذاري بس تتصل من احترقت مازارتني
جود / ياحياتي لا تزعلين نفســك عذاري تدرين مشغووله زواجها بالعيد يعني مابقى عليه شئ ولازم تتجهز
.
.
راح راكان العمــاره اللي كان فيصل ساكن فيها وكلم الحــارس ..
/ لو سمحت فيصل وين اشووفه
الحارس / فيصـــل طلع من هــون
راكان / ماتدري وين سكــــن
الحــارس / والله ماعلم أنـا عن شئ
راكان / طـــيب شكرا
طلع من العماره وركب ســيارته بعصبيه وضرب السكان بأقوى ماعنده
...{ الحقــير وربـــي ماخليه يتهنى فـــي عيشتــــه ومـــاكون أنـا راكان اذا ماساعدتك ياساره مثــل ماساعدتيني
أرجــع لك بنتك غصـــب عنــــه وأخليه يجـــي يعتذر لـــــك وهو منــــزل رااااسه
.
.
الســـاعه تســـع في الليل .. الكـــل طالع واهي جالسه الحالها ..
أبــوها وأخوانها بالشغل
وامها بيت جدتها أم تــركي وأهي مالها خـلق تروح
ماتبي تشــوف ساره ويتقطع قلبها عليها
ودانه مع أمهــا
طلعت غرفتها وأهي زهقـــانه مافي أحد ..
سمعت جــرس الباب ..
راحت الخدامه بتفتح الباب
ريتال / ارتااحي انا بفتح الباب ..
طلعت ريتــال علشان بتفتح الباب ..
ونصدمت يــوم شافت رواف ..
رواف ببتسامه / سلام عليكم
ريتال واهي مازلت منصدمه / وعليكم السلام ..!
رواف / وش فيك
ريتال / هــا ..؟! لا مافي شئ بس أنت وش عندك هنا
رواف / جــاي ابي اســلم على فراس ونطلع
ريتال / مو هنــا فراس
رواف / آممم طيب وفارس ..؟
ريتال / مافي احد
رواف / بس انتي ..؟
ريتال / اييي
رواف / طيـب خليني ادخل مو حلوه كذا واقف عند الباب ..
ريتال / لا لا مافي احد غيري ماقدر ادخلـــك
رواف / يابنت ماراح اسوي لك شئ بس خليني ادخــل
ريتال / لا رواف خـلاص قلت لك ماقدر
رواف / طــيب تحبيني ..؟
ريتال / يعني حتى لو كنت أحبــك بترجع تخطبني ..؟
رواف / لا مستحيل خــلاص انتي خسرتيني
ريتال / اجل خـلاص مايحتاج السؤال
رواف / لا بس كنت أبــي اعرف
.
.
بـــالسووق ..
جـود / شوفــي هذا عذاري حلــو
عذاري / لا هذا الأصفر احلى
جود / شنــو اصفر بعد انتي الناس احمر واهي اصفر
عذاري / إيي طيب بشتري هذا وبشتري شئ ثاني لونه أحمـر بس هذا عاجبني
جود / طــيب اللي تشــوفينه ..
خلصـــت عذاري تجهيزاتها حـــق الزواج
وتنتظر الحـــين بـــس مــوعد الزوا’ج ولا أتصـــال من ايمن ..!
فــي مركز الشــرطه ..
/ إحنا رحنا بيتهم وقالـــو إن له خمس شهور غايب بسبب موت ولد خالته ومايدرون وينه
بو اياد / يعنـــي شلـــــــون والبنت تضـــيع
/ والله مو بيـدنا شئ بس ان شاااء الله راح نحـــاول نطلعه
.
.
/ اليــــــــــاس ...! من يكون هذا ..؟
رواف / ولد خـــالة فيصل
فارس / إيـــوا ذكرته انت وش عرفك فيـــه ؟
رواف / أعـــرفه وبـــس أنت اسأله وان شااء الله يحنن قلبـــــه
فارس / خــلاص بقـــول حق إيـــاد بس أخــاف الياس يكـــون نذل
رواف / مــدري أنتو حــاولو وان شااء الله خــير
فارس / بعد قلبـــي ولد عمي
رواف / أحم بــعد هــذي ســوير لازم أساعدها
فارس / ليه انت تعرفها
رواف بضيقه / إييي يوم اني كنت خاطب اختك كــانت رجــه ويعني بينا ميانه
فارس / اهاا الله يوفـــقك ..
راح فـــارس عند ايــــاد اللي جالس بالمجلس بضيقه ..
فارس / اياد
رفع اياد راسه من غير مايتكلم
فارس / جبت لك رقم اليـــاس ولد خــالة فيصل اسأله
اياد / يعني تتوقع راح يدلنا على شـــئ ..؟
فارس / حـــاول وإن شـــاء الله خير
اياد / عطنــي الرقم ...!
من الجهه الثـــانيه ..
راكان في السياره راح عند بيت وســــن ووقف في مكــان بعيد اشــوي عن البيت ..
جلـــس يــراقب البــيت للـ فجر ونــام بـ سيــــاره ..
فـــي صباح الســاعه 9 ونص تــاريخ 20 من رمضــان ..
صحــى راكان من نـــومه تـــوه بـيتنهد بــس شاااف وسن وأهي تــركب سيارة الســايق
ابتسم بـخبث ولحـــقهم
.
.
ايمـــن / أقــولك مو قادر اصــدق اني بتزوجها مابيها ماحبها بعدين هي لها سوابق
خالد ( صديق ايمن ) / يــمكن هي تغــيرت
ايمن / حتـــى لو تغيرت أنـا مابيها أنت ماتحـــس اني احب شهد وشهد تحبنــي ليه يحرمونا من بعض
خالد / شهد عرفت إنك خطبت
ايمن بضيقه / إيـــوا عرفت وقطعت العــلاقه
خالد / حلـــو علشــان تتأقلم مع عذاري
ايمن / يــارب مايتم هـــالزواج
خالد / هههههههه حرام عليك يمكن البنت تحبك
ايمن / حتى لو كانت تحبني انا وش ذنبــي اعيش مع وحده مابيها و مو واثق منها والأهم اني ماحبها واحب غيرها ..!
خالد / والله حـــــــــالتك ميأوس منهـآ
ايمن / دعـــــــواتك خلـــود والله مو حـــاس فيني مــــــابيها مــابــــيــــها .....!
.
.
فــي بيت أم تـــركي ..
ريتـــال ودانه وســاره ومنـــار .... اياد و فارس وراكان وفراس وتــركي
كــلهم نايمين في بيت ام تـــركي
صحـــت منار أول وحـــده ونزلت المجلــس بعد ماغسلت وجهها ولبســت الشيله
شافت الاولاد جالسين ع الكنــب ويســالفون وكالعاده راكـان أخــوها بعيد عنهم
منار بـ حيا / صباح الخير
تـركي / ههههههههه أي صبــاح مع وجهك المنتفخ الحين الساعه اربع
منار / والله ..! الساعه أربـــع
اياد بـ ميانه مو من عادته / صليتي ..؟
منار برتبـاك / لـ لا الحين بقـوم اصلي
تركي وهو يغمز / بتصلــين *_^
منار مازالت مرتبكـــه / إيي بصلـي وش رايك يعنـــي
ســكت تركي بعد ماشاف نظرات فــراس له .. وطلعت منار الدرج واهي مشتحنــــــــه ع الاخر ..
البارت الاخير
منار بـ حيا / صباح الخير
تـركي / ههههههههه أي صبــاح مع وجهك المنتفخ الحين الساعه اربع
منار / والله ..! الساعه أربـــع
اياد بـ ميانه مو من عادته / صليتي ..؟
منار برتبـاك / لـ لا الحين بقـوم اصلي
تركي وهو يغمز / بتصلــين *_^
منار مازالت مرتبكـــه / إيي بصلـي وش رايك يعنـــي
ســكت تركي بعد ماشاف نظرات فــراس له .. وطلعت منار الدرج واهي مشتحنــــــــه ع الاخر ..
فــراس كان يراقب منار اللي تصعد لما اختفت من انظاره
التفت على تركي بعصبيه وهو ناسي وجود راكان / أنت وبعدين معاك ليه تحرجها
اياد اللي حتى اهو ناسى وجود راكان / ههههههههه المسكينه شفت كيف نحرجت
تركي وهو يطالع فوق و واضح عليه التوتر رفع صبعه السبابه وهو يلعب بشعره وقال بتلحين / التفتو خلفكم
التفت اياد مع فـــراس على راكان اللي رافع حواجبه ويطالعهم وهو مستغرب ..
اياد / آآآحم شغل التلفزيـــون تركي بـ يجي الحين مسلسل يحبه قلبك
فارس بهمس / هههههههاي ماتعرف ترقع ..
وقف راكان وهو نــاوي يحط حـــد حق فــراس اللي كل مــره يدافع عن منار
فــي سالفة الصـور مع فيصل والحين مع تــركي واياد اللي قاصدين يحرجونها / فراس ممكن اشــوي
بلع فــراس ريقه وهو يناظر تركي نظرات يطلب منها المساعده
ابتسم تركي بنذاله وهو يرفع كفــوفه يعني مـالي شغـــل
ناظره فــراس بنظرات تهديد
طــلع راكان وفـــراس لحقــــه ..
فارس / ههههههههههه عيـــوني مــاناسب إلآ راكان
اياد / ههههههاي من قرادة حظــــه ..
عند فراس وراكان ..
راكان / أنت تعرفني ماحب المقدمات
فراس / ؟؟
راكان / ابي اعرف وش بينك وبين منار اختي ...!
فراس / مابينا شــئ والله
راكان بحده / فـــراس قــولي وش العلاقه اللي بينك وبين منــار وياليت ماتحلف بــا الله كذب
فراس عصـب / قــلت مابيني وبينها شئ أنت وش تبي توصله بالضبط
راكان / اذا بينك وبينها شئ يـــاليت تقــولي احسن من أخلي منار تعترف بنفسها
فراس / تعترف على شنـــو ..؟
راكان / بعلاقتكم
فراس / أي عـــــــــلاقه اللي تتكلم عنها صـــاحي أنت ...!
راكان / واللي اشوووفه قدامي بس منار تشوووفك اشوفها مستحيه منك وأنت كل مره صاير لها سوبر مان
فراس غصب عنـــه ابتسم " منار تستحي مني يالبى قلبها "
راكان وهو رافع حواجبه / وش عندك مبتسم ..!؟
رجع فراس على وضعه / مــاعندي شــئ وقلت لك مابيني وبين منار اي شــئ وإذا مو مصدق بكفيك
ومشـــــى ودخــــل البـــيت ..
راكان / حيــــــــــــوان أنـا بس اخلص والقى بنت ســـاره وريــــتك شغـــلي ..
سكـــت اشووي وقال / يـــوو نسيت خلني أروح الحـــق عليهم قبـــل لا يطلعــــون ..
ركب سيـــارته ومشــــى بســــرعه في المكان اللي شـــاف وسن تدخـــل منـــه ..
انتظر ربـــع ســـاعه وماصار شــئ / باقي نص ســاعه ويصير فطــور أكيد ماراح يطلعـــون الحـــين
.
.
/ هــلا رنيم
رنيم / هلا والله يحيى
يحيى بدون نفس / أهلين
رنيم / ليه تقولها بدون نفـــس ...!
يحيى وهو يتأفف / أخلصي وش تبين ..؟
رنيم واهي مصدومه / مـابي شئ بـ
قاطعها / دام ماتبين شــئ بـــاي وبليز لا تتصلين علي وانسي رقمــــــي
وسكـــر الجـــوال وهو مابعد يسمع ردها ..
خالد ( صاحب يحيى ) / الحين مو هذي اللي كل يوم تبي تساعدها وتخليها تتوب
يحيى / ايوا هي
خالد / اجل ليه تكلمها كذا ..؟
يحيى / لاني خـــلاص عدلتها وأخذت جزاها
خالد / كيف خذت جزاها
يحيى / رنيم احتــــرقت
خالد بتأثير / لاحوول الله ، الله يكون بعونها وانت وش سويت
يحيى ببرود / ماسويت شئ اللي علي اني عدلتها وخـــلاص
فتح خالد عيونه بصدمه / يعني راح تتتركها ...!؟
يحيى / ليه انا مره قلت لك بتزوجها ولا احبها ...!؟
خالد / لا ماقلت لي بس البنت حبتــــك
يحيى / مشكلتها مو مشكلتي ..؟!
.
.
/ أقـــولك ياجود قال انسيني ولا تتصلين يعني شنـــــــو اكيد كان يلعب علي
جود / انتي قلتي لي من قبـــل ليه تتصلين عليه مره ثانيه
رنيم / ماقدرت ياجوود والله أحبــــــــــــــــــه تدرين هــو اللي خــلآني اترك الشباب كلهم صرت ماكلم غيـــره ووالحين يبتعــد عني كـــذا ..!؟
جود واهي تبي تغير السالفه / طيـــب خلينا منــــه عندي لــك بشــاره
رنيم / قـــولي من زمان ماسمعت خبر حلــــو حتى يوم عرفت ان ساره ولدت فرحـــت بس فيصل خــرب فرحتي
جود وأهي ماتبي تخــرب حماسها / أنــا حـــامل يعني بتصيرين عمـــه ياحلوه
رنيم بفرحه / جــــــــد جــــود انتي حــــــــامل ؟
جود بخجل / إيــوا
رنيم / طــــيب وش قال بشــار
جود / مابعد قلـــت له أنتي أول وحـــده
رنيم / جــد حتى امي وامك مايدرون ..؟
جود واهي تلف راسها يمين ويسار / لاااا ماقلت لـ حد
رنيم واهي تصارخ تنادي / يمــــــه خـــــالتي يمـــــــــه بسرعـــــــــــه تعالو
دخلو بخـــوف من صراخ رنيم / خيـــر وش صااير ..
رنيم الفرحه مو ساعيتها / جـــــــود حـــامل مبروووووووك عليكم يــاجدات
الكـــل فـــرح بخــبر حمـــل جود
من احترقت جود واهم عمرهم ماسمعوو خبـــر حلو ..
طلعت ام بشــار تخبـــر ولدها بشار عـــن حمــل زوجتــــه ..
اللي زعـــــل وســـوه سالفه كبـــيره لــيه هو أخر واحد يدري بحمـــل جود ..
.
.
الســــاعه ثمـــان ..
ســاره بالغرفه ومقطعه نفسهــا بكــي وريتال ومنار يحــاولون يواسونها
ويحطـــون لها أمـــل إن بنتها راح تـــرجع لها ..
راكـــان مازال يراقب الشقــه اللي دخلت منها وسن ومـــاطلعت
اياد يحـــاول يتصل بالياس اللي اخذ رقمــه عن طريق رواف
بـــس للأسف اليــاس غير رقمـــه وماقدر اياد يـــوصل له ..
مـــرت الأيـــام بســــرعه
وأنتهى رمضــــان ..
وللأســـف راكان مــاقدر يـــوصل حــق شئ والشـــرطه بعد ..!
طبعا لــو راكان بلغ الشرطه عن مكان فــيصل يمكـــن قدرو يقبضـــون عليه
بس راكان ماحب يخــبر أحد عن مكـــانه لانه يبي بـ نفســــه يساعــــده ..
تـــاريخ واحد من شــــوال .. أول ايــــام العيـــد
البعــض حـــس بوجود العـــيد وفرحـــان فـــيه
والبعـــض العيد مـــاله طعم عندهم أو مــاحسو بالعيـــد
في بــيت بــو فارس ..الـســاعه 10 صبــاح
فــارس متحمــس حق العيد / يــلا عــاد قومو نروح بــيت جــدتي
فراس / وش هــالحزن ولا كـــأن عــيد
ريتال واهي لما الحين بـجامتها / من وين يجــي العيد وســـاره لما الحين بحــالتها
فارس مايبي يتــذكر أي شئ علشــان لا تخرب فرحتـــه بالعيد / لاحول خـــلاص عــاد كل ماجيت اتحمــس خربتو فرحتي وذكرتــوني في اشيــاء
طــلع بــو فارس من غــرفته وهو لابس وكــاشخ وعطــره انتشــر بكــل مكــان
فارس / اوووه ياعيني وش هالكشخه يا بو فارس
فراس / لا يبـــه أنــا ماقدر اطلع معاك كذا يعني بصراحه لا تزعل
بو فارس عقد حواجبه / وليه ماتقدر تطلع معاي كذا ..!
فراس / اخــاف الناس يجرحوون مشاعري وعلى بالهم أني انا الابو وأنت الولد
الكـــل ضحك على تعليـــق فــراس ..
ودانه وريتال دخلــو غرفهم وتحمســـو حق العــيد مع أخوانهم وابوهم
بــس قلبــهم شــايل هـــم ســـاره اللي صار لها أسبـــوع ونص بالغرفه مو راضيه تطـــلع منها الا بـ بنتها ..
بــو فارس / فـارس روح البــس لك ثــوب بتروح المسجد كذا ..؟!
فارس / اي مسجـــد
بو فارس / ليه مانت رايح تصــلي ..؟
فارس / اووه صح نسيـــت
بو فارس / وحتـــى لــو مافي مسجــد مابيك تلبـــس هاللبس خلك مثــل اخوك فـــراس ثــوب وشماغ مانت جاهل علشان اعلمك
التفت فارس حق فراس وهو مــاد بوزه ويحك شعـــره
فراس / خــير وش دخلني
فارس / ياخي زهقت منك يـــاليت أيــاد أخوي مو أنت كل أشــوي خلك مثل فــراس وفراس وفراس فراس اصغر منك ويســوي كذا وانت الكبـير لا
فراس / هههههه
.
.
فــي بــيت بــو أيــاد مــاحد حــاس بطعم العـــيد ..
وبــ هذا الوقـــت الكـــل نــايم
في غــرفة اياد جـــواله يـــرن ..
فتح عيـــونه بصعوبــــه وأخذ الجـوال ورجع يغمــض
اياد وصوته كلها نـوم وتعب / هلا
فارس / هــلا والله وغــلا ياصباح الخير
اياد / صباح النور
فارس / نــايم ..؟!
اياد / اي
فارس / ههههههه قوم بــس اليــوم عيـد وانت نايم
اياد / أنت تدري ماعندنا عــيد وساره بـ هذا الحــال
فارس / إيـوا عـارف بس انت لازم تقوم نروح نصـلي بالمسجد
اياد / فـارس والله مالي خلق شــئ واصلا ماعندي ثــوب البســـه
فارس / على طــاري الثــوب من اشوي حصلت تهزئـــه من ابوي
عــدل اياد جلســـته النـــوم طار من عيـــونه / ههههه احسن تستاهل واحنا الحين مو متفقين ان نلبـس ثـوب
فارس / نقــول ماله نفعــل
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك