رواية شفتك ولا اهتميت -15

رواية شفتك ولا اهتميت -15

شيهانه:عشان حسيتكم اكثر من خوات لي انا كنت خايفه انكم ما تتقبلوني بس الحمد الله اللحين احس نفسي مستانسه وطايره فيكم
ريناد ابتسمت وطالعت برانيا:انا من زمان كنت متقبلتك بس فيه ناس زمان كانوا ما يدانونك بعيشة الله ههههه صح؟
انحرجت رانيا وبان على وجهها وضربت ريناد على رجلها
رانيا:شيهانه انا مره اسفه على اللي سويته فيك قبل بس والله كل اللي سويته من حرتي عشان انا بصراحه كنت وما زلت احب نجود الله يرحمها بس اللحين فيه وحده ثانيه دخلت قلوب كل اللي بالبيت بوقت قياسي
شيهانه:مشكوره حبيبتي وما له داعي تتاسفين انا اللحين مستانسه بالحيل فيكم وما ابي أي شي يبعدنا عن بعض ونظل كذا طول العمر خوات للابد
رانيا :اوعدك يا قلبي
وحضنتها لانها كانت جالسه جنبها
ريناد وهي تبعدهم عن بعض ::خلصتوا الفلم الهندي والا باقي مشهد
ضحكت شيهانه وانزلوا للصالون

وصلت شيهانه ورانيا وريناد للبيت الساعه 8 عشاء بعد ما عملت شيهانه مكياج وموديل شعر وكمان رانيا اما ريناد فما شوت شي غير انها سشورت شعرها القصير مره اللي اساسا ما يحتاج سشوار من نعومته
المهم رجعوا البيت وطلعت شيهانه وريناد لجناح شيهانه اما رانيا توجهت لجناحها عشان تلبس الفستان
المهم لبست شيهانه بعد ما طلعت ريناد من عندها فستانها الاحمر الخوقاق كان مجسم على جسمها وخصرها بالذات
ورانيا لبست فستانها الاخضر اللي طلعت فيه كانها ملاك
اما ريناد لبست طقم رصاصي من جورج ارماني مع تيشيرت من تحته احمر واصرت على هاللون عشان تصير هي وشيهانه مثل بعض خخخخخخخ مصرقعه
صارت الساعه 9 ونص وجات المطربه موضي اللي بتحيي الحفل واللي كان من اكبر المعارضين لتواجدها بهالحفله هي ريناد اللي كانت تبي تجيب شيرين عبد الوهاب بس امها رفضت وقالت انها ما تفهم شي من صوتها وان ريناد اذا كانت تبيها تعرس وتجيبها على عرسها ههههههههههههه مما عصب ريناد بقوه وقالت انا ما راح
اتزوج لو اموت (بنشوف يا رنوده)
رجع رائد القصر مع عمه المصرقع بندر وخالد ولد عمه اللي عاندوه وما رجعوه الا اللحين لانه كان يبي يرجع بدري عشان ياخذ شور ويلبس ويستقبل الناس بدري
وصل الساعه 9 ونص مع موضي هههههههههههههههههههه
وطلع على طول لجناحه ودخل

كانت شيشو جالسه بغرفة النوم على السرير من ناحية السريرالثانيه اول ما دخل رائد الجناح كان مستعجل بالحيل دخل الغرفه وكان الضوء بالغرفه خافت مره والسرير كله مغطى بالستاره الحمراء والذهبيه الفخمه
عشان كذا ما شافها كان يحسب ان السرير فاضي والجناح كله فاضي ودخل غرفة التبديل اخذ روب الحمام وخرج وتوجه للحمام وبدا ياخذ شور سريع طبعا شيشو شافته بس هو ما شافها قامت من السرير وجلست على الكنفه اللي كانت عند اخر السرير
واول ما سمعت صوت الدوش وقف بدت ضربات قلبها تعلى وتدق تقولون موضي بقلبها مو بالصاله تحت
خرج رائد واول ما وقعت عينه عليها تجمدت اطرافه وحس الدم تجمع بوجهه وضربات قلبه زادت كان جمالها فتان ظل واقف بمكانه مبهت ولا حتى رمش بعدين رجعت له افكاره انه مو من حقه يقرب منها ويهدم مستقبلها فلف بسرعه ومشى متوجهه لغرفة التبديل لبس ثوب اسود وشماغ وطلع وهو يشخص عند المرايه
:مشاء الله وش هالزين يا شيهانه
وقفت شيهانه وابتسمت بخجل ونزلت عيونها للارض وهي تقول :شكرا
ودب بقلبها شوية امل بس رائد قطع كل الامال اللي عندها لما قال لها وهو يتعطر :العفو بس ياليت تلبسين شي يدفيك عشان ما تتعبين علينا وقابل عليها وهو يقول :البسي الفرير اللي شيريته لك من فرنسا شيهانه نكست راسها وقالت:اوكي
رائد :طيب خلاص انا نازل بس انتي ما تبين تنزلين والا عجبتك غرفتك
شيهانه ببرائه:لا بس بصلح مكياجي وبنزل ....(تبي تنبهه على انها حاطه مكياج)
رائد طالع فيها وهو يفتح الباب :لا لا تكفين كفايه اللي هببتيه بوجهك انتي مين اللي سوالك كذا
شيهانه بنفسها(الله ياخذك يا رانيا انتي وريناد انتوا السبب والا انا ما كنت ابي احط هالمكياج)
بدت دموع شيهانه بالهطول اول ما سمعت صوت باب الجناح يقفل بعد ما طلع رائد
ورمت نفسها على السرير وبدت بالبكى
رائد وهو يصلح الكبك بالمصعد (انا وش قلت للبنت ...ليه كذا حطمتها....هي كانت بقمة الجمال ومكياجها حلو وخفيف بس انا ما ادري وش يصير فيني اول ما اشوفها يمكن كذا اسوي فيها عشان ابعدها عني ااااااااااااه يله كل شي اسويه عشان ما تتعلقين فيني يا شيهانه وتتحطمين بعدين انك عايشه مع واحد عقيم)
دخل الديوانيه وبداء ينسى شوي شوي مع مقالب عمه بندر وسوالف خالد

هاه عسى عجبكم البارت ولا انزل اكثر عشان اراضيكم
انا اللحين بطلع وبدخل بكره واشوف
اذا فيه توقعات كثيررررررررررررررررررررررررره مررره كملت
اما اذا ما فيه توقعات سورري بطول مثل قبل

اسيل

هاي حبايبي مع انو ما فيه توقعات كثيره بس بنزل الليله هالبارت -