رواية اقسم قسم لادوس قلبك بلقدم -12

جواهر بعصبيه: وشلون ماخاف عليها . انتم مانتم ببشر

محمد ببروووووووود: لا لا . بدينا بالغلط؟ ترى نعرف نغلط حنا . بس مابي ازعلك . انتي ام الغاليه

نوره: يالله انقلعي من بيتي ولاعاد تطبينه

(محمد وساره انصدموا من كلام نوره . وجواهر رجع بها شريط الذكريات لاخر مره شافت فيها نوره يوم طردتها من بيتها وهي جايه زياره لبنتها ام ساره . نفس الموقف يتكرر مره ثانيه )

في غرفة جمانا:

جمانا سمعت الاصوات ومترددة تفتح الباب والا لا . واخر شي فتحته وقابلت محمد قبل توصل الدرج بشوي

محمد: على وين؟
جمانا : امي وين؟
محمد : امك راحت وقالت ابوك بيمرك
جمانا: كذاب (( وهي تحاول تركض باتجاه الدرج بس مسكها بقوه لدرجة انها طاحت على الارض )
محمد وهو ينزل لمستواها ويمسكها مع شعرها: المشكله اني احبك وماودي امد يدي عليك
جمانا وهي توقف وتبعد عنه: امي وينها؟
محمد: راحت . رااااااااااااااااااااااااااااااااحت . راء . الف . حاء . تاء . راااااااااااااحت . ماتفهمين انتي؟
جمانا: طيب انا بروح
محمد بسيطره: لا
جمانا:ليش؟
محمد: كذا . زوجتي وانا حر
جمانا وهي تتجه للغرفه مسكها : خير
محمد: هاتي جوالك
جمانا: ليش؟
محمد: اذا قلت لك شي قولي ابشر بدون اسئله ( وبعصبيه) هاتيه
جمانا وهي تفتح الشنطه وتطلعه له: خذ
محمد بامر: قولي تفضل
(جمانا وهي تفك يدها منه باحتقار راحت تركض للجناح وتقفل على نفسها مع الشغالات وساره وهي تطلع الدرج سمعت اللي دار بينهم )


ساره وهي في غرفة البنات ونوف نايمه اتصلت على خالد

خالد اللي تارك جواله في السياره وشافه يدق وهو توه راكب السياره: الو . هلا ساره . ايش؟
ساره بصوت واطي: وخالي اخذ منها جوالها عشان ماتكلم احد
خالد جن جنونه : طيب طيب . باي الحين
ساره: باي
خالد: ساره ساره
ساره قبل تسكر: نعم
خالد: تكفين خليك منتبهه لها من بعيد لبعيد . وخلي جوالك معك
ساره:ان شاء الله
( وسكر خالد وشاف 6 اتصالات من جواهر و5 من نواف )
خالد: اوف اوف ( ودق على جواهر)
جواهر وهي تمسح دموعها: هلا خالد . هلا ياولدي . وينك ادق عليك وماترد
خالد: لاتشغلين بالك والله لأدبه لك
جواهر: انت دريت باللي صار؟ علمك نواف اجل؟
خالد: لا . علمتني ساره . جوالي ناسيه بالسياره . خلاص لاتهتمين هذا نواف معي انتظار
جواهر: خلك معي على اتصال
خالد: ان شاء الله ( ورد على نواف)
نواف: وينك انت؟
خالد: جايك جايك . انت وين؟
نواف: انا بالطريق جايك . دريت عن جمانا؟
خالد وهو ينزل من سيارته بقهر: ايه ايه . يالله اسرع انا انتظرك

في غرفة جمانا

الشغاله 1 : خلاص ماما . ليش يبكي كثير . الله كبير ان شاء الله
جمانا وهي تمسح دموعها: زين انكم معي تونسوني
الشغاله 2 : انتي واجد كويس . والله ان شاء الله يحب انتي . ومافيه مشكله كبير
جمانا وهي تتنهد: الله كريم
الشغاله 1 وهي تطلع جوالها: هذا جوال انا . سوي تلفون ماما
جمانا بفرح: يوووووه وانا وشلون نسيت ان معكم جوالات ( وبأسى ) : يوووووووه ماحفظت رقم امي ولاخالد ولانواف ( وبعد تنهيده) ولاحتى ابوي <<< قالته اخر واحد
الشغاله 2 : سوي تلفون بيت ( وقامت تعد على اصابعها) بيت ماما وعد . بيت بابا ناصر . بيت بابا سعد . بيت بابا عبدالله
جمانا بفرح: صح والله . الخوف سيطر على تفكيري. اكيد امي في البيت ( ودقت على بيت عمتها وعد)
جواهر: الو . هلا جمانا . هلا يا امي . لاتبكين . كلمت عيال عمك وماراح يقصرون
جمانا ( الله يخليهم لي عيال عمي ) : يمه محمد خذ جوالي
جواهر: ادري . كلمتني ساره تطمني عليك وعلمتني بكل شي
جمانا: الله يجزاها خير ساره
جواهر: امين


في سيارة نواف:

نواف يكلم خالد وهو يركب : وش بتسوي؟
خالد بياس: مدري . ان بلغنا الشرطه . مامعنا دليل زوجها . مافيه الا عمي
نواف بازدراء: هه . عمي ناصر؟ والله ان توقف ضدنا هالسوسه ويقلبونها علينا
خالد بقهر: ودي اقتحم بيتهم واذبحه هالحقير
نواف: نروح نتفاهم معه؟
خالد: خلنا نروح . لعل وعسى يستحي على دمه (( ودق جوال خالد)) هذا فارس جاء بوقته ( ورد ) هلا فارس
فارس: هلا بك . اخباركم
خالد: زفت ياشيخ . علوم ماتسرك
فارس: افا
خالد: انت وينك؟ شكلك بسياره
فارس: ايه . توني طالع من بيتنا ماخذ شور . قلت اكلمكم اشو....
خالد يقاطعه : زييييييييييييييييييين رجعت . اشوى . تعال حنا عند ..... اختك في مصيبه


فارس وهو يركب السياره: هالخسيس اللي مايستحي . شايف اختي لعبه
خالد: مادامك معنا والله نوريه شغله ونكسره تكسير
نواف: انا وخالد بنكسره . وانت ادخل خذ اختك
فارس بقهر: بسرعه يانواف بسرعه
نواف: اعصابك علي تراني ما ادل بيتهم اذا وصلت الحي وصفوا لي
فارس بنفاد صبر : وقف وقف . انا بنزل اسوق

عند الباب الخارجي

محمد : خير ؟
فارس وهو يمسكه : وين اختي يالخسيس
محمد وهو يحاول يبعده عنه: اختك زوجتي وماراح تطلع من بيتي الا اذا قاله ابوك
خالد وهو يبعد فارس ويمسك محمد ويطرحه على الارض: مابعد صارت زوجتك يالتعبان


فارس وهو يدخل البيت وبصوت عالي : يا ولد . يا جمانا . جمانا . جمانا (( وطلع الدرج )) جمانا . جمانا

ساره بعد ماسمعت صوت فارس لبست طرحتها وطلعت : جمانا هنا (( واشرت على الجناح ))
فارس وهو يطق الباب على جمانا : جمانا . جمانا افتحي انا فارس
جمانا وهي تفتح الباب وتبكي وتضم اخوها وهو يحاول يهديها : يالله تعالي مشينا للبيت
جمانا : مابي ارجع هنا ابد
فارس وهو يدخل ويكلم الشغالات: رجعوا كل الاغراض بالشناط بسرعه
جمانا بخوف: مايهم مابيها . خلنا نطلع قبل يجي محمد
فارس: لاتخافين محمد تحت يدين خالد الحين . هذا ان كانه حي
( قامت جمانا تساعد الشغالات . وفارس يجلس يتذكر آخر مكالمه بينه وبين ساره)

فارس: جلسة مصارحه؟ مافهمت
ساره: يعني فيه اشياء كثيره بقولها لك
فارس: تفضلي . اسمعك
(ساره قالت لفارس انها ماحبته في البدايه وكانت تفكر تنتقم منه . وحست انها تميل لخالد بس اكتشفت ان فارس افضل بكثير . ورجعت له قبل يضيع منها . وعلمته بقهرها منه يوم تتعطل عليهم السياره في البر ويوم تكلمه وقت ماكانت خالتها تعبانه . وفارس قالها انه مايذكر شي من هذا . وفارس انقهر من كلامها . لو ماصارحته كان افضل . كان بيقولها ان عنده دوره . بس سكت . حب ينسحب من حياتها بهدوء . حس انه كان مغفل معها )

جمانا:خلصنا
فارس وهو يقوم: يالله مشينا



في منزل ناصر:

ناصر وهو داخل معصب : حصه حصه حصه
حصه وهي نازله ركض: هلا ابو فارس
ناصر: لا هلا ولا مرحبا
حصه بصدمه: وشفيك؟
ناصر وهو يرمي الصور بوجهها : من هذا اللي انتي معه؟
حصه مصدومه اكثروهي تناظر صورها مع واحد كلمته قبل ناصر: مـ مـ . هـ . هـ . مدري . هذي صور مفبركه
ناصر: الا تخسين . مدري وشلون وثقت فيك وانتي كنتي تكلميني . انتي طالق ( ورمى في وجهها شيك بخمسين الف) وهذا لك اخذيه . ابي ارجع لبيتي واشوفك خذتي اغراضك وطلعتي منه

في بيت وعد ( في المجلس)

ناصر بعصبيه: ورى ماعلمتوني؟
(خالد ونواف وفارس يناظرون بعض باستغراب)
نواف: ماكان فيه وقت ياعمي
فارس: يبه بصراحه بعد اللي صار المفروض يطلقها
ناصر: غصب عنه ورقبته فوق راسه
خالد بفرح: هذا المفروض
ناصر وهو يجلس ويتنهد : انا طلقت حصه
العيال بفرح: اخيرا
(ناصر وهو يناظرهم بقوه سكتوا ونزلوا روسهم وبعدبن ضحك)
ناصر: هههههه لهالدرجه تكرهونها؟
خالد: لاوالله مانكره احد . حنا بس مقهورين لانك بعتنا على عشانها
ناصر وهو يتنهد: ايييييييييييييييه . غلطه
خالد بفرح: مايهم . اهم شي جمانا تتطلق من محمد . عشان نفتك من شرهم
ناصر وهو يناظر خالد: وانت وش عليك؟ موب خطبت ساره؟
فارس وهو يناظر خالد باستغراب: خطبت ساره؟
خالد بعد ماتذكر: يووووووووووووووه صح نسيت
نواف: ههههههه احد ينسى انه خاطب؟
خالد: هههه . بصراحه ياعمي ساره يبيها فارس . وانا خطبتها عشان اخلصها من هاللي تقدملها وهي ماتبيه
ناصر وهو يلتفت على فارس: انت تبي ساره؟
فارس: كنت
(نواف وخالد مصدومين)
خالد: وش تغير؟
فارس حب يصرفهم: ماتغير شي . بس امي ماتبي واهم شي رضى امي . يكفي المشاكل اللي جتنا من خوالها
نواف: بس هي مالها ذنب
فارس: هي بنت عمنا . وعلى عينا وراسنا . وحياها الله بينا
ناصر وهو يناظر خالد: تبي جمانا انت؟
خالد وهو يقوم ويجلس: وهذا يبي لها سؤال ياعمي؟
نواف: هههههه طيب اركد اركد
ناصر: عندي شرط
خالد: ابشر باللي تبي
ناصر: تجيب لي موافقة ام فارس ترجع لي
خالد وهو يوقف : سهله ( وجلس) بس طلقوها من محمد
ناصر: هههههههه (( وقف )) بروح اتفاهم معه

بعد يوم ( في الصالة )

وعد: يؤؤؤؤؤؤؤؤؤؤؤؤؤؤؤؤؤؤؤؤؤؤؤ . كل هذا يصير وانا مدري؟
جمانا: الحمدلله افتكيت منه
وعد: عرفتي ان الطيبه ماتنفع مع الجميع؟
جواهر: الطيبه زينه . بس لاتثق في اي احد
جمانا: خلاص تعلمت دروس من هالتجربه بتكفيني طول العمر
رهام: ساره الامتحانات الاخيره ماحظرتها . واتصل عليها اليوم جوالها مغلق
جواهر: بقول لناصر يسال عنها . اخاف مسوين لها شي المسكينه
جمانا: الله يستر . ماتستاهل الا كل خير
جواهر: والله ودي ازوجها فارس . بصراحه بنت حلال . وكبرت في عيني بعد وقفتها معنا
وعد: والله ياليت اذا فارس يبيها . خليها تبعد عنهم وعن اذيتهم( وهي تمسك الجوال) بدق على ايمان . جوري اذتني تبي تتعرف عليهم


وعد: وشو؟ . من متى؟ . اها . اييييييييييييه . زين زين . على خير . يمكن اجيكم الليله . سلمي على امك والبنات . مع السلامه( وسكرت)
جواهر: وش السالفه؟
وعد وهي تتنهد: ساره عند مرة ابوها من يومين . طاردها خالها
جمانا: وقح ماله خاتمه . ماقصرت معه . حتى ورثها سلمته له
جواهر وهي تناظرها: وشدراك؟
جمانا: قالتلي هي . والله حرام . ليش رجعت لزوجة ابوها؟. المفروض تجينا حنا
وعد: فعلاً . عشان كذا بروح اخذها الليله . مسكينه . يمكن مالها وجه تجينا
جمانا: مالها ذنب
جواهر: بس موقفها صعب . انا بروح معك ان شاء الله


في المجلس:

نواف وهو داخل: الحمدلله على السلامه جيت؟
بندر بغرور: انا عارف انك جاي تسلم علي
نواف وهو يجلس: لا والله مادريت عنك . جاي اسلم على عمتي توني دريت انها رجعت
خالد: ههههههههههههههههههههههه ( يغمز له) على عمتك اكيد؟
بندر وهو يستغل الموقف: اقول عيال انتم مادريتوا صدق؟
فارس: عن ايش؟
بندر: ابو سامر خذ جوري . جاهم بجده وخذها
نواف وهو يوقف بعصبيه: وليه ياخذها؟
بندر: لانه ابوها هههههه هههه . ياشكلك يضحك وانت معصب
نواف انقهر منه : اروح اسلم على عمتي ابرك (( وطلع وقابلته عمته))
وعد: هلا بنوافوه ( وسلم عليها)
نواف: كنت بجيك بس سبقتيني
وعد: اشوى اني سبقتك ( وجلست ) مين الحلو فيكم اللي فاضي الليله؟
بندر : انا فاضي بس مامعي سياره ههههه
وعد: ماعليه . سيارتي تفداك
بندر: كفو والله . وين تبين؟
وعد وهي تتنهد: بروح لعيال سلطان اخوي . ساره طردها خالها وهي عندهم
بندر: افا
وعد: أي والله . وبجيبها تعيش عندي
فارس بعصبيه: وقح . ليش يطردها؟
وعد: ماشفت منه الا هذا؟ الحمدلله اللي خلص جمانا منه
بندر وهو يوقف: وليش الليله؟ قومي الحين
وعد: اصبر بروح اقول لجواهر تبي تروح معي
بندر: لاتقولين لاحد . والا تدرين . هاتي المفاتيح . لاتروحين انتي . انا بروح اجيبها لحالي
فارس تذكر المسج اللي ارسله لها امس: ( مافيه نصيب بينا والله يوفقك مع غيري)
وعد وهي داخله بالمفاتيح وتعطيها بندر: اخاف ترفض تجي معك
بندر: وليش ترفض؟
وعد: موقفها صعب بعد اللي صار
بندر وهو يطلع: لا ماعليك . هي وش ذنبها؟

في غرفة جمانا

جمانا: مالك حق . المفروض تجينا . او على الاقل تبلغينا باللي صار
ساره وهي تمسح دموعها: الله لايحرمني منكم ( وصلها مسج وفتحته [ اسف على اخر مسج ارسلته . اكتشفت اني ماقدر ابتعد عنك . وابي افتح معك صفحه جديده . ممكن؟ ] )
جمانا تتامل ساره: الله . وش هالمسج اللي خلاك تفرحين؟
ساره بحرج: ههههههههههه الله يديم الافراح
جمانا: امين يارب



جواهر وهي تدخل المجلس:فارس تعال بغيتك
فارس وهو يقوم: ان شاء الله (( وطلع))

في المقلط:

فارس: خير يمه؟
جواهر: كل خير ان شاء الله (( ووصله مسج وفتحه [ اكيد ممكن . حتى انا ماقدر استغني عنك ] وابتسم) جواهر وهي تاخذ منه الجوال وتحطه على الطاولة ) خل الجوال بعدين . وركز معي
فارس باهتمام: تفضلي يمه انا اسمعك
جواهر: يمه انت كبرت ولازم تتزوج
فارس وهو خايف من ردة فعلها لو قال يبي ساره: كلامك صحيح
جواهر وهي تمسك يده وتبتسم: للحين تبي ساره؟
فارس وهو مندهش وفرحان: ماعندك مانع؟
جواهر: وليه امانع؟ والنعم فيها والله . وهذي بنت عمك . ومالها غيركم بعد الله . ياولدي اليوم نواف خطب جوري . وخالد بعد ماتنتهي عدة جمانا بيملك عليها . والعمر يركض . خلونا نفرح فيكم
فارس وهو يحب راسه: الله يخليك لنا ويطول بعمرك يااحلى ام بهالدنيا



في غرفة وعد:

جواهر باندهاش: تملك بدون علم ابوها؟
وعد: سامر كلم ابوها . وقال انا موكلك عليها ومايحتاج اجي
جواهر وهي تجلس: لاحول ولاقوة الا بالله . ملكة بنته ولاهو بجاي على الاقل يشوف اللي بياخذها؟
وعد وهي تكحل عيونها : ياشيخه ابركها من ساعه . اهم شي انه وافق
جواهر وهي توقف: الله يكتب اللي فيه الخير. انا بروح لبيتي توصين شي؟
وعد: سلامتك والله . بفقدك اكيد
جواهر: هههههههههههههه خلاص عاد اشتقت لابوعيالي ولبيتي
وعد: ههههههههههههههههه الله يوفقك . بمرك بكره ان شاء الله
جواهر: الله يحييك


تمت بحمد الله



اخيرا:

ـ فارس تزوج من ساره . وخالد ملك على جمانا . ونواف ملك على جوري
ـ بندر لقى له وظيفة اخيرا . وسامر دخل شريك مع نواف
ـ وفاة كادي ماحبيت ادخل في تفاصيلها عشان ما اسبب ضيقه لاحد . وحاولت اني ماطلعها بالصوره مره عشان محد يتاثر من وفاتها
ـ بعض التفاصيل اللي ممكن تصير من مواقف تحدث بين نواف وجوري او فارس وساره ماحبيت ادقق فيها . حبيت تكون عفويه وبعيده عن الجرأة الزايده اللي اشوفها في بعض القصص
ـ ابو نواف وابو خالد ماكان لهم دور في القصه . وتبون الصراحه نسيتهم وزين ذكرت ام نواف وام خالد اخر شي
ـ احداث القصه حقيقيه . لكن مثل ماقلتلكم رتبت افكارها على كيفي . مثلا شخصية حصه فعلا حقيقيه . واضفت لها شخصيه اخرى حقيقيه واللي هي فتاة معاكسه وتزوجت من واحد متزوج وخربت بيته . لكن انا زدت عليها انها تطلقت بعد ماكشفها زوجها
ـ فارس كنت ناويه اموته في عملية ارهابيه واوهق خالد في ساره . بس ماحبيت تنتهي القصه بماساة
ـ الصراحه موراحه في كل شي . ولكل انسان ماضي . ساره غلطت بمصارحة فارس . اللي ابتعد عنها فتره ومارجع لها الا بعد مواقف معينه.
ـ اقسم قسم لادوس قلبك بالقدم قالتها نوره . بس فرحتها ماتمت والله نصر جواهر عليها


رِمْشْ الْغَ‘ـلآ
منتديآت غرآم