رواية شرع ربي ولا اعتراض -92
خلاص يافهد...شكلي بقولك الفراق ,,,
حبيبي والله ابيك بس مو قاوية اسوي شي...امي معندة ومدري اكيف اقنعها انت قولي شلون؟؟؟
اكيد انك قاعد تفكر بنار مثلي ومو قاوي تنام ولاتسوي شي لاني ماكلمتك ولاعطيتك خبر,,ادري فيك وعارفتك,,,بس شسوي حبيبي انت ماتدري عن معارضة امي...حتى ناصر معارض...بس امي لو توافق كانت السالفة كلها انحلت ونويصر مقدور عليه وبيتفهمني بس هي ..الصعوبة كلها عندها..هي مارة بها التجربة وماتبيني اطيح فيها,,ماتدري حبيبي اني وياك تواعدنا بان ولاشي بها العالم ممكن يغير من حبنا لبعضنا!!!
صارت دموعها تنزل بحرارة وهي مو شايفة شي قدامها,,,
وكل اللي حسته ان في احد جنبها حضنها بقوة وبحرارة,,,
رفعت عيونها ولقت هيا متاْثرة حييل وهي تشوفها تبكي,,,
هيا بانفعال/حبيبتي لاتبكين والله مافي شي يستاهل دموعك الغالية؟
نجود من بين دموعها/ماابي احد يوقف بطريق حياتي اللي رسمته ياهيا...ماابيهم يفرقوني عنه؟انا اخترت فهد ومقتنعة فيه؟
هيا بحنان/حبيبتي,,,هدي شوي الله يخليك....ترى وقسم بالله ماكو شي يستاهل دموعك يانجود..انتي نجود وبتظلين طول عمرك نجود اللي اعرفها..قوية وماتهاب شي....
نجود/................
هيا بتاْثر/معقولة الحب يسوي كذا في الواحد يانجود ويخليه ضعيف؟؟؟؟
انفجرت لحظتها تبكي بدون ماتقول أي شي,,,,,وخلت دموعها تتكلم عنها بكل بساطة,,,
الله يسامحك ماخليتي لي حاجة,,,
اذكرك فيها ولو بالخير في غيابك,,,
تركتلي جرح انا ماكنت محتاجه,,
ليتك خذيته مع فراقك وثيابك,,,
هالشي بس اللي كانت تفكر فيه عبير ,,,,
وش اللي عطاها اياه علي بها السنتين اللي قعدتهم معه؟؟
غير الجرح والاهانة وضيقة الخلق والزعل,,مالقت شي يستاهل انها تتذكر علي فيه؟؟؟؟
اساسا كل حياتهم ماكان فيها شي ينذكر بجد,,,كل حياتهم كانت ماْساة في ماْساة وكانهم عدوان عايشين مع بعض مو عيال عم وازواج!!!!!
صارت تتذكر صدوده لها من البداية واحتقاره الدايم وكانها حشرة واقفة قدامه,,,لين شيئا فشيئا صارت الجارية اللي تلبي طلباته وليش لا وهي قاعدة بالبيت لاشغلة ولامشغلة ومحسوبة عليه زوجة,,,,!!!
اه ياعلي اه,,,اه منك ومن عشرتك اللي ماعطتني غير الهم والغم وضيقة البال والخلق؟؟؟
مثل ماظلمتني ياولد بيجيك يوم وتنظلم...البنت ماتبيك وتبي زوجها وهي حلفت بها الشي,,,بس مدري ليش مقنع نفسك انك بتكون لها,,,,
بيجيك يوم ياظالم وبتشوف اللي ظلمتني فيه يرد لك وتعاني منه صدقني,,,هي الدنيا كذا ماتخلي الظالم يرتاح لازم يجيه يوم ويعرف انه ظلم وان الله حق ويرد الظلم لظالمه بيوم من الايام!!!!
تحسرت وهي تشوف صورة ولد رياض بجوالها....لو هي جابت لها ولد بعد من تزوجت كان اللحين كبره ويلعب معه ويسليها بضيقتها ويخفف عنها بس علي ماكان راضي وكان رافض الفكرة نهائيا..هي صحيح كانت ماتبي تجيب بالبداية مع ظروفهم السيئة وعيشتهم اللي مافيها يوم حلو... بس بعدين غيرت رايها..وقالت ان علي ماراح يتغير واذا بتنتظره يتغير بتطول كثير,,,,وانها لازم تفكر بالمسالة بشكل جدي وفعلا قطعت المانع وظلت تنتظر فترة طويلة انها تحمل بس رب العالمين ماكان كاتب لها ...يمكن لان ربها عالم بظروفها وبللي ممكن يجرى على ها الولد لو طلع للدنيا وشاف ابوه وظلم ابوه,,,,
الحمد الله ياربي على كل شي,,,,,الحمد الله,,,
اليوم الثاني,,,
ابو مصعب/امك وينها يافيصل؟
فيصل بلامبالاة/مدري عنها...هي من امس شابة كبريت؟
ابو مصعب/ليش؟؟؟
فيصل/مدري يمكن انها طلعت بدون ماتقول لاابوي...لانه يوم رجعت البيت هاوشها وقاموا يتخانقون مع بعض؟
ابو مصعب/اممم..طيب هي قاعدة ولانايمة...
فيصل/اوووف وانا بالله كيف بدري اذا هي قاعدة ولانايمة...انا مااشوفها الابوقت الفطور اذا حطوا السفرة ونادونا....
نجلاء/انت من قاعد تكلم...
ابو مصعب/نجلاء...انا عبدالرحمان...
نجلاء/هلا اخوي....
ابو مصعب/ادري جيتك بدون موعد وبدري شوي بس انا متعمد اجيك وفهد بمكتبه ومايكون هنا؟
نجلاء بدون نفس/فكرت بالموضوع؟
ابو مصعب بهدوء/نجلاء..وش ها الحكي يااختي ,,,يااتزوج على اخته يااطلقها؟؟؟هذا وانتي وام مصعب ربع وشايلتها شيل من على الارض؟
نجلاء بشدة/بس اذا بيتي بيخترب خل يخترب بيتها بالاول علشان يفكر اخوها الف مرة ياعبد الرحمان...
تنهد ابو مصعب/انا كلمت فهد...وهو مصر على السالفة ومقتنع فيها..ومو راضي يغير رايه..
نجلاء بحدة/وقلت له انك تبي تتزوج على اخته ولاتطلقها؟؟
ابو مصعب بهدوء/اولا انا لاابي اتزوج على مرتي ولااطلقها!!!
قاطعته نجلاء/ساحرتك !!!اي معلوم ساحرتك ولا ليش للحين باقي عليها وانت كل يوم بمكان وهي قاعدة هنا,,,لو واحد غيرك كان مطبق الشرع وعندك اربع ؟؟؟بس من سحورها ام السحور ؟؟
ابو مصعب بدا يعصب/انا مااسمح لك تتكلمين عن ام مصعب بها الطريقة يانجلاء...هاذي مرتي وام عيالي واللي شالتني وشالتهم وهي ساكته,,,,اصلا انتي ماتجين نصها...قولي لي لو كنتي مكانها وانا بعيد عنك كنتي بتربين عيالك مثل ماهي ربت وكبرت عيالي؟؟عيال يرفعون الراس والكل يمدح فيهم؟؟
نجلاء بحدة/انت شتبي؟؟؟جاي تواسيني ولاتعايرني؟
ابو مصعب/نجلاء انتي اختي...وبقولك شي...انتي مقصرة بحق فهد من البداية وهالشي مو وقت حساب...بس حاولي انك تتغيرين وتورينه انك بتكونين الافضل بدل مانتي شابتها حرب عليه و...
نجلاء بحدة/انا مقصرة بحقه؟؟؟؟زين يابوصعب زين....
ابو مصعب/لاتاخذينها بحساسية.....حاولي تتغيرين مافيها شي يااختي...كلنا نغلط بس مو شرط نعرف غلطنا بالبداية وحلو ان احنا نعرفه حتى لو بالوقت الضايع ونحاول نصلحه....فهد كنز لو تلفين العالم مابتلاقين ربعه...ورغبته بالزواج من حقه..ومع هذا انا راح اكلمه مرة ومرتين وثلاث وبخلي اخته تكلمه...يمكن يعدل من رايه بس بعد انتي حاولي تغيرين من نفسك شوي وتنتبهين عليه وعلى بيتك وعلى عيالك,,
كان الجو بالمطبخ يسوده الهدوء الشديد بينهم,,,,نجود كانت بعالم ثاني...ومالها بالعادة تكون كذا وهي اللي تتدخل بكل كبيرة وصغيرة...
وام علي سارح فكرها بولدها اللي ماتدري وش قاعد يسوي اللحين ..شارب وماكل ولاجوعان!!نايم ولاسهران...متغطي ولابردان؟؟؟
نورة وهيا تفكيرهم بنجود وبرفض امها وبللي ممكن يصير..خصوصا ان نجود وامها اليوم ماتكلموا مع بعض اصلا!!!!
ام ناصر بعد كانت شاردة بفهد اللي تقدم لبنتها وماتقدم الا بعد مااخذ موافقة نجود اكيد!!!
هالبنت اللي طول عمرها عاقلة وثقيلة ورزينة وافكارها اكبر من عمرها...توافق تحط نفسها بها الموقف وتتزوج من واحد اكبر منها بالعمر وفوق هذا كله متزوج وعنده عيال!!!ياربي شسوي انا بها البنت..كيف اقنعها انها بتدخل نفسها بمشاكل هي ماهي قدها,,,,
اهديها ياربي انت الهادي...
قطع عليهم صمتهم ناصر وهو داخل بفرفشته وضحكته المعهودة منه كل يوم برمضان وبغير رمضان,,,,
ناصر/اشم رائحة طيبة...ترى ماهي؟
هيا بنرفزة/وانت وش شغلتك غير تتشمم بها الروايح؟؟
نورة/هههههه
ناصر/وانتي وش عليك مني.....وش طابخين لنا اليوم...
ام علي بهدوء/كل خير ياولدي كل خير.....
ناصر/اامممممم المهم قبل الاذان بساعة يكون الاكل جاهز...
هيا باستخفاف/عسى ماشر.....
ناصر/والله انا سمعت فتوى تقول ان الواحد اذا شم ريحة الاكل في بيتهم وعجبته عادي يفطر قبل الاذان بساعة..والله اعلم بشؤؤن المسلمين...
ام ناصر /وين ابوك؟
ناصر/بالديوانية...بغيتي منه شي...
ام ناصر/معاه احد؟
ناصر/مااعتقد.....
ام ناصر/طيب انا جاية اكلمها شوف لي اذا كان في احد...
ناصر/اممم الا عبير وينها ماهي معكم؟عسى مافيها شي؟
ام علي/لا يبى مافيها الا العافية بس انا حاستها تعبانة شوي..قلت لها تروح ترتاح..ولو انها اصرت تقعد وماتروح بس قلنا لها بنزعل لو كملت اليوم معنا وماارتاحت,,,
ناصر/زين سويتي ياخالتي,,,,,نجود وش فيك يابنية ساكتة مالك بالعادة؟
نجود وكانها تمثال من بشر ولاحتى جفن واحد يتحرك لها,,,,
ناصر/نجود علامك في شي مضايقك؟
ام ناصر بحدة/لاتشغل بالك يايمه,,,,,
امشي نروح عند ابوك....
ماتدري ليش لحظتها حست بان امها قوية ولايمكن تلين ولاتتنازل وتتفههمها...تنهدت بقوة لدرجة انهم كلهم ناظروها وهي مااهتمت ولاحتى لفت لهم راسها تشوف وش صاير.....
تركت كل شي في يدينها وطلعت من المطبخ وراحت لغرفتها او بالاحرى صومعتها اللي صارت ماتفارقها لحظة من بدا الموضوع,,,,,
منال بهمس/فوزية تقول ان بيت عمي فهد مقلوب فوق تحت..
رحاب/على سالفة العرس...اكيد وش تتوقعين نجلاء تسكت..انتي شفتيها من اول يوم دقت على ابوي وعمتي يروحون لها وكانها المسكينة,,,
منال/الله يعينك ياعمي فهد...
رحاب/تدرين...استغفر الله ماهي شماتة بس زين مايسوي عمي فهد خل يشوف حياته لاهي له ولاهي لبيتها ولا لعيالها,,,همها باللبس والطلعة والوناسة والحكي بفلان وعلان!!!!
منال/هي مصدومة من ردة فعل عمي ..يمكن لانها ماتخيلت بلحظة انه يفكر بها الموضوع...وهو بيني وبينك كلنا ماتخيلنا لان كلنا نشوف عمي فهد رافع عينه عن كل الحريم خصوصا بعد تجربته الفاشلة مع نجلاء ولو كان سالم صاحبه بيعديه كان عاداه من زمان,,,,بس انا مو هذا اللي خايفة منه..
رحاب/شنو؟
منال/اخوها بو مصعب...مدري ليش احسه ممكن يتخذ خطوة يوقف فيها معها؟
رحاب/اذا كان حقاني وعادل مالازم يتخذها ها الخطوة....
منال/تظل اخته ويظل خايف عليها يارحاب وتهمه مصلحتها....
رحاب/يعني فكرك مشروعه هو وعمي فهد بيوقف؟
منال/والله مدري بس يمكن نجلاء توقفه ليش لا؟
رحاب/بس حتى اذا وقف عمي فهد ماراح يرضخ لها ...مو عمي اللي يرضخ لااي كان وحنا شايفين وعايشين معه من زمان لو بيرضخ كان رضخ في امور كثيرة..لا عمي فهد ماهو سهل بعد عنيد واللي براسه يسويه...
منال/والله يصير اللي يصير اهم شي عمي فهد يطلع من السالفة مرتاح باله ومبسوط والباقي مايهمونا,,,
وبعدين ياعلي بتقعد كل يوم بها المطاعم اللي مافيها من ريحة اهلك ولامن ريحة رمضان أي شي!!!!!!
الله يرحم السنتين اللي مضوا معك ياعبير,,,صدق كنتي بنت اصل وشاطرة وكان رمضان معك مميز ومااتمناه ينتهي,,,كل اللي اشتهيه ومااشتهيه الاقيه قدامي وكاني امير,,,
سكوتك بس كان عندي شي غالي....كنتي مثل الجارية وانا سيدك وش ماامر تنفذين بدون ماتحاججين ولاتعترضين,,,
وين ايامك ياعبير ووين حنيتك وطبخ يدك...وينك ياام علي ..يللي كل يوم تدقين عليّ تترجيني امر اخذ لي فطور من البيت بدل تسكعي بها الشوارع بليالي رمضان اللي صايرة باردة وثقيلة من بعدكم,,,,
حتى بندر كلمته يجي يفطر معي وتعذر انه الليلة يفطر عند اهل مرته مايقدر,,,,
لمتى بيكون حالك كذا ياعلي,,,تايه ,,ووحيد,,,ولاونيس ولاجليس,,,لمتى بتظل بروحك تمشي من شارع لشارع بدون هدف ولافايدة,,,حتى العمل عطوني انذارين وباقي الثالث والسلام!!!!!
كل دنيتي صايرة كئيبة ومو عارف شسوي,,,الوحدة ذابحتني ومقطعتني,,,,
ابي احد يفكر معي,,,يسولف معي,,,افضفض له عن اللي بخاطري وشنو ابي اقولك يسمعني,,,,,
لمتى بيظل حالي كذا لمتى,,,,,
ياربي ينتهي ها الشهر بسرعة وتجي لمياء ونقدر نتفاهم على كل شي واخلص من ها الهم اللي حطيت نفسي فيه ,,,,,ياليتني ماتسرعت وطلقتك ياعبير لين ازبط باقي اموري مع لمياء,,,,,بس شتفيدني اللحين كلمة ياليت شتفيد؟؟؟
على سفرة بيت السبيعي,,
ابو علي وهو يناظر كرسي نجود الفاضي..
ابو علي/وينها نجود ماجت تفطر ؟
ساد الهدوء المكان وقالت نورة/تقول مالها نفس.تاْكل؟
ناظر بو علي في ام ناصر اللي مااهتمت,,,
ورجعوا سكتوا من جديد..
ابو علي/هيا قومي نادي اختك تجي تفطر طول يومها صايمة واللحين مالها نفس؟؟تبي تموت روحها من الجوع؟
هيا/أي...بس ,,
ابو علي/بس شنو؟
هيا/نجود دقت على جواهر تجيها وكاهم قاعدين بالحديقة.....
ابو علي يكلم ام ناصر/اذا هي لها خاطر فيه ياام ناصر ليني لاتوقفين بطريقها؟
ام ناصر بحدة/لا...مو لازم نطيع عيالنا بكل اللي يبونه ياابو علي؟
ابو علي/الله يهداك بس ياام ناصر..يعني عاجبك حالها كذا لاتاكل ولاتشرب ولاتتكلم مع احد بالبيت,,,,,هي قعدت معي وموافقة مية بالمية عليه خلاص عاد ياام ناصر لاتصيرين بطريقها,,,,,,
في الحديقة,,,
نجود بعصبية/انا جايبتك تخففين عني همي ..الاقيك سرحانة حضرة جنابك؟؟؟
تنهدت جواهر وقالت/شسوي يانجود اللي عندك مو اقل من اللي عندي...
نجود/وش فيك؟
جواهر ببراْة/وشنو اللي مافيني؟؟؟؟انا احس اني قاعدة اشوف بندر ثاني,,,غير عن اللي حبيته,,,,
نجود/يش..شفيه بعد هذا!!
جواهر بتنهيدة حارة/مو هذا بندر اللي حبيته ياجواهر ولاحتى نصه ولاربعه,,,بندر اناني,,,تصوري انه مايفكر بخواته ابدا!!
نجود بضحكة شماتة/ووين المشكلة عاد,,بندر من يوم يومه نسخة عن علي واهم شي هم وبس!!
جواهر/انتي تتصورين شنو معناة اقوله عن اخته عبير وسالفة طلاقها ومايهتم!!!واقوله كلم ابوك مايصير تظل في بيتك عمك وبيت اهلها مفتوح يقعد يتهرب من الموضوع!!!!
ابدا ماتصورته كذا,,,ليش,,,ماهم خواتك,,,ليش ماتشيل همهم وهم اللي يشيلونك بعيونهم ويخافون عليك من نسمة الهواء...صدقيني موقفه صدمني وجرحني,,,حسيت من تهربه وانا اكلمه اني قاعدة اتعامل مع انسانن ثاني غير عن اللي عرفته قبل سبع سنين يانجود...معقولة ممكن يكون بها البرود؟؟؟؟ممكن مشاكل خواته ماتهمها؟؟طيب اذا خواته وهم خواته ومن لحمه ودمه ماهموه..معقولة انا الغريبة بكرة بيهتم فيني لو وقعت بمشكلة كبيرة؟؟؟؟
مدري ليش تمنيت اتصالك اليوم يكون ومااقعد معه بسفرة وحدة ووجهي قبال وجهه وانقذتيني يوم اتصلتي....حاسة نفسي تعبانة يانجود..افكار قاعدة توديني وافكار قاعدة تجيبني..
نجود/من قبل كلمتيه وقلتيليه يتدخل بينها وبين علي بما انه صاحبه تذكرين؟
جواهر/أي اذكر...
نجود*/طيب وش سوى حضرة جنابه...ولاشي...بندر يسمع ولا كانه يسمع....يدخل من اذن ويطلع من الثانية,,,,,يالله...شبنقول بعد.....شوفي نفسك لوين تبين توصلين قبل لايطيح الفاس بالراس....
جواهر/هنا ماينفع ولاالوقت يسمح بس يعديزواج مضاوي على خير بعد اسبوع صدقيني بيكون تفاهمي معاه بشكل ثاني ومو هنا...لا بجدة,,بروح له هناك وبحل كل القضايا اللي شاغلة بالي منه......
سكتوا فترة وبعدها دق جوال نجود مسج من فهد,,,,
قرته وغرقت عيونها بالدموع وهي تتنهد بحسرة,,,,
جواهر/شفيك...
نجود/أي حبيب يافهداي حبيب...تعال وشوفني وش حالي من طلعت من بيتنا وانا منقلبة ومو قادرة اركز بشي من اللي حواليني,,,
سحبت منها جواهر الجوال وقرت مسج فهد اللي دازه(عرف الحبيب مكانه فتدلل,,,ياليتك تنصفيني شوي من ها التغلي والثقل يانجود وتتعطفين على قلبي بمكالمة تسمعيني فيها صوتك لاني بجد حياتي متوقفة ومو قادر افكر بشي )
معليش يالغلا انا ادري قلوبكم كبيرة وبتتحملني حييل ,,انا ظروف حملي شوي متعبتني لاني توني بالبداية وصدقوني اني اضغط علةى نفسي علشان اتواصل معكم بس لوماقدرت اتمنى ماتزعلون واعرفوا ان ظرف فوق طاقتي..وابيكم تدعون لي ان حملي يثبت ان شااءلله وانه يعدي على خير
ومشكورين حبايبي,,,
مشكورين ياعمري على روعة مشاعركم وتقديركم وتواصالكم الرائع عساني منحرم منكم ابدا,,
البارت السبعين
سارة/ماما وين ابوي ...
نجلاء بلامبالاة/وش تبين فيه؟
سارة/ليش مافطر اليوم ومااكل شي...فيه شي مزعله ومضايقه صح؟
فيصل/أي اكيد ولا ليش قاعد بوحه,,,
نجلاء بحدة/وين ابوكم؟؟
لمى/قاعد عند البركة..
نجلاء/قعدوا ابيكم...
فيصل/شتبين..
نجلاء/حبيبي اقعد بقولكم سالفة,,,
قعدوا قبالها وقالت باستعطاف/تعرفون ان البيت خلاص بيصير كله مشاكل وخناق وزعل...وانكممابتكونو بمكانكم عند ابوكم ولابيحكم مثل اول....
سارة/ليه؟؟؟
نجلاء بنفس الاستعطاف/لانه بيتزوج..
لمى/أي هو قال لنا بيتزوج....
نجلاء/وهل اللي بيتزوجها بتحبكم؟؟طبعا لا,,,بتقعد تسوي بينكم وبين ابوكم مشاكل كثيرة مالها حلول..
فيصل/أي بس البابا قال انها شرت لنا هدايا وكانت بتجيبهم بس البابا قال لها اذا جت تجيبهم بنفسها يعني هي تحبنا؟
نجلاء/لايافيصل هي ماتحبكم والهدايا انا اصلا شريتهم والبابا اخذهم مني علشان يعطيهم اياها علشان تقولكم انها تحبكم,,,
لمى/يعني البابا يكذب علينا هي ماتحبنا؟طيب ليش بيتزوجها اذا يدري انها ماتحبنا؟
نجلاء/طبعا يكذب عليكم...شوفوا انتوا سووا اضراب ولاتتكلمونه ولاتاكلون ولاتشربون واذا سالكم عن السبب قولوا له مانبيك تتزوج لان زوجتك اللي بتجيبها لنا ماتحبنا...
سارة/واذا هو اصر انها تحبنا وان اللي قال لنا ماتحبنا يكذب علينا شنقول له؟
نجلاء/في ها الحالة قولوا له هي ماتحبك حتى انت هي تحب فلوسك ومتزوجتك علشان فلوسك..واذا منت مصدق خلي البيت لنا ولاامي واطلع اقعد معها بشقة واكتب كل شي لنا ولاامي وبتشوف انها مابتكمل معك؟
فهمتوني ,,,لازم تقنعونه باي طريقة لازم.....قعدوا ابكوا واستعطفونه ولاترى ابوكم بيروح وحلاله بيروح لها وانتوا لابتشترون اللي نفسكم فيه وبتقعدون على بساط الفقر هي بتلهف ابوكم وبتلهف اللي وراه واللي قدامه؟؟؟؟؟؟
بندر بصرامة/ممكن افهم وش معنى ها الحركة؟
جواهر ببرود/أي حركة....
بندر/انا جاي افطر عندكم وانتي تروحين بيت عمي؟؟؟؟شتسمينها هاذي بالله!!!
جواهر/اولا انت موغريب عن البيت وبعدين انت ماتجي تفطر علشان يانا بس تجي علشان ابوي وامي ولانسيت ها الشي؟؟؟
ثانيا انت عارف ان نجود متتضايقة وان الموضوع مصيري وشاغلها كثير يعني ملزومة اوقف مع صديقتي للنهاية ومالازم اعيد لك مدى علاقتنا كل يومين يابندر؟
بندر/............
جواهر/........
بندر باستعطاف/بس انتي واحشتني مووت....وبكرة ماراح اكون معك ياعمري....
جواهر بضيق مابينته/شسوي حبيبي انت عارف الظروف.....
بندر/شفتي الثوب اللي جبته...قايستيه ,,ولا مو مهم طالما ان اللي جايبه بندر؟
جواهر/حبيبي شفته..وتسلم يمناك عليه جعلني مااعدمك....بس والله مخي مشغول بامور كثيرة ومو قادرة اركز بشي......
بندر/ياللله عاد خلي كل شي من بالك وصيري انتي ملكة الجمال الاسبوع الجاي ابيك تغطين على مضاوي وعلى نورها...ابيهم يقولون الليلة دخلة جواهر مو مضاوي...طيب...
جواهر/طيب....وش بعد...
بندر قربها منه وقال بهدوء /وش فيك...حاسك متضايقة حييل...قولي لي وش اللي مضايقك؟
جواهر حست نفسها مخنوقة وتبي تبكي بس ماتدري ليش عاندوها دموعها انهم يطيحون قدام الرجال اللي حبته طول عمرها...وقال بصوت بايح ومقرب يبكي/حبيبي ولاشي لاتشغل بالك.......
بندر/اكيد...
جواهر/اكيد بس يمكن كنت متضايقة لاني حاسبة ان العيد هذا اول عيد بيمر علينا واحنا مع بعض بس مالي نصيب فيك...
بندر/ياعمري وش ها الحكي...تنهد بقوة بعدها وقال/كل ايامنا بتكون اعياد مع بعض ياجواهر وانتي عارفة بها الشي ولامنتي واثقة من بندر؟
جواهر/بلى حبيبي.....عارفة ومتاْكدة بس يمكن ضيقي ماْثر عليّ لاتواخذني....
مرت الليلة سريعة بدون ماتقعد نجود مع اهلها وام علي وابو علي يحاولون يقنعون في ام ناصر تلين وتوافق علشان نجود...
ناصر/وينها بنتاْخر على الرحلة كذا اذا ماطلعنا اللحين؟
نورة/كاهي جاية.....
ناصر/يالله استعجليها....
هيا/امسك عطيها ها السلة لاوصلوتا ماكلت شي طول اليوم...
ناصر/يصير اكل منها شي؟
هيا بنرفزة/نويصر..
ناصر/هههه امزح وش فيك انتي ماتتحملين مزح ابدا....
نزلت بها اللحظة نجود بهدوء وكانها انسانة ثانية.....ويادوب سلمت عليهم بصوت واطي ومشت مع ناصر لعند الباب وناداها ابوها....
ابوعلي/نجود...
لفت له وماقالت شي بس تمت تناظره...
ابو علي بتاْنيب/طالعة من بيت عزاء؟؟؟؟؟مو بيت اهلك اللي يحبونك...علامك ها الكشرة مالية وجهك......
ماقالت شي بس حست ان دموعها خانوها وبدوا ينزلون وانها متضايقة حييل وماودها تتكلم مدام انهم بيرفضون حبيبي القلب اللي بنظرها ماينعاب لمجرد العمر ولا العيال...
حاولت تمسح دموعها بس لقتهم يزيدون بدل مايقلون ومالقت الا خالتها ام علي بوجهها وضامتها لصدرها بقوة وهي تمسح عليها وتهديها..
ام علي بحنان/مابيصير الا كل خير والا اللي كاتبه رب العالمين يابنتي....انتي بس لاتشغلين بالك وتشغلين بالنا معك وعليك.......استهدي بالله ولاتخلين الشيطان يوقف براسك...كله اسبوع بتقضينه بالرياض وبتنزلين بعدها باجازة معنا لين العيد وبنتكلم بالموضوع بجدية اكثر وبنحط النقاط على الحروف طيب يايمه,,,,
نجود هزت راسها وقالت بهدوء/طيب خالتي...
ام علي/مااوصيك على نفسك.....وخلي جوالك مفتوح لاتقفلينه تشغلينا بالنا...
نجود/طيب.....يالله مع السلامة......
بمجرد طلعت نجود وناصر معها من باب البيت التفت ام علي الى ام ناصر وكلمتها ودموعها ماليين وجهها.../ام ناصر يااختي ..خليها على هواها لاتوقفين بطريقها....
ام ناصر باعتراض/بس ياام علي..
قاطعتها ام علي وهي تبكي/ماابيك تنحرمين منها وتكون نسخة ثانية من علي اللي انا انحرمت منه ومنش وفته بها الشهر الفضيل!!!!ماابي قلبك يقطعك على حياتها وفراقها وزعلها مثل ماانا متقطعة على علي اللحين!!تكفيني ااختي حسي فيها من اللحين لايجي يوم تعيشين ماْساتي مع علي اللي انا عايشتها واللي مو قادرة انام الليل بسببه ومن خوفي على اللي ممكن يكون جرى له,,,فكري عدل,,,ترى سعادتهم بيدهم وبختيارهم يااختي,,,واحنا مو باقيين لهم بها الدنيا,,,,,
خليها تشوف طريقها وتقرر هي وش تبي......
عبير كانت قاعدة بغرفتها مع هيا في بيت عمها وهي سارحة بفكرها لبعيد,,,
لمتى ياترى بظل قاعدة هنا؟؟؟؟
ومتى برد بيت اهلي ,,بيت ابوي,,,,وليش اصلا طلعت منه وانا مالي ذنب بلللي صار؟؟؟
ليتك ياعمي كنت انت ابوي وتفهمني وتفهم اللي قاعدة اعانيه واللي كنت اعانيه مع علي وماتلومني على حياتنا المرة اللي كنا عايشينها؟؟
لمتى بظل منحرمة من شوفة اهلي وخواتي وامي مثل العالم والناس مو اشوفهم بالسرقة وهم طالعين لمدارسهم الصبح ولا اذا جت امي عند نسوان عمي تتفق معهم على اللي بيطبخونه,,,
لمتى بظل حبيسة ها الغرفة واهلها معتبريني اميرة ومالازم اقوم بشي لين اكون بخير ...وماهم عارفين ان الخير مابيجيني ابدا!!
ياترى وش قاعد تسوي ياعلي...مبسوط اني ماراح احضر عرس اختي الاسبوع الجاي ولاقادرة افرح معها.....
فرحان يوم اخذت حريتك مني...ولا بعدك ماضبطت امورك وسمعت رد لمياء عليك...
اترى وش بيكون موقفك اذا عرفت ان لمياء ماتبيك وتبي زوجها وعيلتها وبنتها....
بترتاح...ولابتعصب؟؟؟بتتندم انك عفتني وتركتني ولاماظني يجيك الندم لانك ماتعرفه ولاتدل طريقه حتى؟؟؟
بنشوف ياعلي وش يكون بينا....وكيف بتعيش حياتك بعد ماتركت ها البيت اللي فاتح قلبه للكل وللغريب قبل القريب واللي انت رفسته ورفست نعمته برجلك بنشوف,,,
قطع عليها تفكيره صوت الباب وبسرعة قالت/تفضل..
دخل عليها عمها وقامت من فراشها بسرعة ووقفت له/هلا عمي...
ابو علي/ليش قاعدة بروحك؟
عبير/ولاشي...بس قلت يمكن عندكم جلسة عائلية؟
ابو علي/وش ها الحكي يابنت!!!ليش انتي مو عضو من ها العائلة ولالازم تزعليني؟؟؟
عبير/لاعمي انا موقصدي...بس قلت يمكن ناصر قاعد ومابياخذ راحته....
ابوعلي/لا ناصر راح يوصل نجود المطار وماهو راد بيتسحر مع ربعه ومابيجي الا اخر الليل,,,,,نزلي انتي قعدي مع نسوان عمك وبنات عمك بدل قعدتك هنا...واابشرك...
عبير بفرح/شنو؟
ابو علي/هم بشارتين بس وش بتعطيني عليهم؟
عبير /عيوني ياعمي...
ابو علي/لا ماابي عيونك ابي ابتسامتك ورضاك يالغالية.....
عبير/...............
ابو علي/روحي نزلي كاهم امك وخواتك قاعدين تحت يتناقشون بالعرس وبللي يسوونه وانا اصريت على ابوك انهم يجون هنا لان ام ناصر متضايقة ومابتقدر تطلع من بيتها وطلع روحي لين وافق وباخذه اللحين وبطلع معه يعني بتقعدين معهم على راحتك...
ابتسمت له عبير..
ابو علي/والبشارة الثانية خالك بو رياض يسلم عليك....اتصلت امك تعزمه على العرس وبيجي ان شاءالله قبل العرس بليلتين ووصاني عليك يقول كل شي ولابنيتي عبير وانا قلت له انك بخير عاد لايشوفك وتطلعيني عنده كذاب..
عبير/افا ياعمي افا....عساك سالم ومانعدمك يارب... بس اقول عمي ياريت تقوله يجيب معه حمود ولد رياض والله مشتاقة له خله يقعد معي كم يوم يسليني ..
ابو علي/خلاص انا اكلمه ولايصير خاطرك الاطيب...
عبير/عساني منحرم منك ياالغالي,,,,
كانت عيونه تدور بالمطار وهو ينتظرها تجي... يبي يلمحها على الاقل مو كفاية لااتصال منها ولامرسال؟؟؟
يومين وهو حاس ان الدنيا ماهي ملكه ولاهو قادر يعيش بجوه...
يومين حس ان العذاب اللي قاعد يعيشه يتزايد ساعة بعد ساعة...هذا وهو بس تقدم لها كيف لو عرف انها ماراح تكون من نصيبه شبيصير بدنيته؟؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك