رواية شرع ربي ولا اعتراض -89
بندر/قصي عليّ بها الحكي الحلو وخليني اصدقك ياقمر؟
جواهر/وليش ماتصدقني وانت عارف اني مااقص عليك واني اقول لك الصدق!!
بندر/ماعلينا.....كيف الدوام عندك؟
جواهر/ماشي الحال...
بندر/وكيف نفسيتك استعدادا لزواجنا؟
جواهر/اه...
بندر/هاذي شحقه بالضبط ها التنهيدة؟
جواهر/مدري..كثر تفكيري بذاك اليوم مخليني مرتبكة حيل يابندر...تصدق ساعات احس ان ها اليوم مابيجي؟
بندر/ليه عاد ها الكلام اللي ماله داعي؟
جواهر/هواجس تمر في بالي من الخوف والربكة؟
بندر/وش له الخوف والربكة انا ابغي افهم؟؟تعرفني ولاماعرفيني؟تعرفين اهلي ولاماتعرفينهم؟خلاص ليش بعد ها الاحاسيس اللي تجيك وتربكك؟
جواهر/مدري...يمكن علشان انه انتقال من مرحلة لمرحلة ثانية.....
اخر الليل في بيت السبيعي,,,
ابو علي/علامك انت رايح جاي...عندك شي قوله؟
ناصر كان مرتبك حييل ومو قادر حتى يقعد بمكانه..
ام ناصر/ناصر...علامك يمه...
ام علي/شفيك؟
هيا/ترى راسنا داخ من روحتك وجيتك...
نورة/انت ليش مجمعنا بالله؟
ابو علي/لايكون على سالفة العرس؟ قلت لك نخلص سالفة مضاوي وتتيسر مع زوجها وبخطب لك ..مو دقت في بالك سيرة العرس وبتلجنا فيها اللحين..
ناصر تنهد بقوة وبعدها قعد قبالهم وتكلم بصوت متقطع...
ناصر/كان بيني وبين نجود اتصال قبل شوي....
ام ناصر/خير..اختكك فيها شي يا ناصر؟
ناصر تنهد/لايمه مافيها الا العافية...بس في موضوع مايحتمل التاْجيل ولازم تعرفونه؟
ام علي بحزن/اكيد يخص عبير؟
ناظرها وعيونه كانت تقول أي يخصها..
ابو علي بهدوء/تكلم ياناصر كلنا نسمعك..
ناصر/يبى...ياليت انك ماتنفعل وتسمع الموضوع طبيعي..
ام ناصر بخوف/ناصر؟تراك نشفت دمنا؟قول يمه تكلم شصاير؟
ناصر/شرع الله وصار....ومحد له عليه اعتراض...مانقدر نقول غير شرعك اللهم ولااعتراض....
كان يتكلم وكلهم يناظرون فيه.....
كمل كلامه وهو يناظر في مابينهم/علي طلق عبير..........
ساد الجو شهقات من الكل ماعدا ابو علي اللي ناظر بالارض وبان الضيق عليه..
ام علي بحسرة/استغفر الله ربي العظيم..ليش ياعلي.. ليش يايمه هاذي بنت عمك ..دمها دمك ولحمها لحمك؟ليش يايمه ليش؟؟
ام ناصر/اعوذ بالله من الشيطان ..هذا ابليس دخل بينهم...
هيا/علشان كذا هي راحت مع نجود الرياض؟
ناصر/أي..نجود قالت لها تروح عندها.....يبى..كيف بنوصل الموضوع لعمي؟
ابو علي بنفس الهدوء/اللي صار رجال وطلق..هو اللي يبلغ ابوها بالخبر؟
قالها وقام من مكانه وراح لغرفته وسكر وراه الباب يعني لااحد يجي ماابي اتكلم مع احد....
ام علي بحسرة/ياحسرتي على ها البنية,,,,ماشافت معه يوم حلو...عيشها بنكد واخر شي رماها..لاولد ولاتلد...
ام ناصر/اذكري الله ياام علي ياختي..هذا شرعه ومن يقدر يرده؟
ام علي/كلنا نعرف عبير ياام ناصر كلنا..وكلنا ندري انها مثل النسمة على القلب....شمعنى اهو مو متقبلها بحياته؟
عبير/تتوقعين كلهم دروا اللحين؟
نجود لفت لها /مدري...بس الاكيد ان ناصر بلغ بيتنا على الاقل...لاني وصيته يبلغهم الليلة ومايترك الموضوع لبكرة؟
عبير/بس انا خايفة على عمي لايصير له شي؟
نجود/لاتخافين مافيه غير العافية ان شاءالله..بس الموضوع لازم يعرفونه وماينكتم اكثر من كذا؟
عبير تنهدت وسط الظلام اللي سايد الغرفة..
نجود/نامي ياعبير نامي......كل اللي بيصير مكتوب ومقدر لك من رب العالمين ومحد بيغير شي من نصيبه وقدره؟
عبير/نجود.....تفكرين اني بقدر اشوف امي وخواتي مرة ثانية؟
نجود/شها الكلام ياعبير؟اكيد بتشوفينهم؟
عبير بالم/انا حلمت البارحة ان ابوي مارضى ادخل بيتي وحرمني من شوفتهم ....
نجود/حلم ياعبير حلم...ماهو بواقع.....قومي صلي لك ركعتين ورقدي ولاترى الوساوس بتاخذك وبتجيبك.....وبعدين تعالي.....انتي ماسويتي شي يخليك تتبرين ولاتخافين من نفسك...انتي انظلتي ماظلمتي؟
عبير/بالنسبة لك ها الشي...بس بالنسبة لاابوي بظل انا الغلطانة ولو وقف العالم كله بصفي!!!
اليوم الثاني في بيت ام مصعب.....
ابو مشاري/خير يافهد ليش مجمعنا ان شاءالله..
ابو مصعب/فهد..فيك شي...
ام مصعب/خير ياخوي...ابيكم بسالفة وابيكم بسالفة...عسى ماشر؟
فهد تنهد وطفى سيجارته وتكلم بهدوء/انا بتزوج.....
ابو مصعب هو الوحيد اللي تفاجاء طبعا من السالفة وقال بصدمة/تتزوج؟؟على ام فيصل؟
فهد/أي..
ام مصعب علشان لاتبين قدام زوجها انها عارفة الموضوع/ليش؟
فهد بنرفزة/لاني مليت...تعبت,,,انهميت,,,بتزوج,,بغير حياتي..بشوف حياتي بمعنى اصح؟
ابو مشاري/أي بس ياخوي انت مو قاصرك شي...
فهد/بلى يابو مشاري...انا قاصرني كل شي....قاصرني اكون رجال مع زوجتي؟قاصرني اكون محط اهتمامها ورعايتها...قاصرني وحدة تكون جنبي اشاورها وتشاورني,,تهتم فيني,,في بيتي ,,في عيالي!!!انا ادري ان انت ماراح تتقبلها مني يابو مصعب...بس صدقني انا واختك وصلنا لمرحلة منتهية...مافي بينا أي تفاهم لابتربية العيال ولا بالبيت ولاحتى بحياتنا الخاصة...انا اسف بس صار لازم اشوف حياتي...
ابو مصعب/وهي تدري...
فهد/بقول لها الليلة؟
ام مصعب/ومنهي اللي بتاخذها يافهد؟
فهد/مااعتقد ان ها السؤال اجابته مهمة كثير....الاهم اني ارتاح بحياتي.....
سكتوا وماعلقوا بشي......وظلوا يناظرون في بعض وفهد استاْذن منهم ومشى,,,
علي/شنو يعني؟
ام علي/يعني انت تروح تقول لعمك انك طلقت بنته؟
علي بضيق/وليش انا اللي ابلغه بالله!!
ابو علي من وراه/مو انت الرجال اللي طلقتها!!خلاص...اكيد ماعندك مانع تروح تقول لاابوها ها الحكي؟
علي سكت مرة وحدة..
ابو علي بلؤم/شي واحد ابي افهمه...شسوت لك بنت عمك علشان تستاهل منك ها المعاملة القاسية...والنهاية الماسوية هاذي؟؟؟بس لانها انفرضت عليك وماكانت باختيارك؟
علي بصوت عالي/انا من حقي اختار حياتي بكيفي وبدون تدخل احد؟
ام علي/علي!!
ابو علي/خليه.....اصلا انا بعد ماطلق بنت عمه ماعدت اترجى منه شي....وياليت تروح تقول لعمك اللحين انك طلقتها وبعدها تطلع من بيتي لاني ماابي وجودك معي...كنت متحملك علشانها ومدامك تركتها ماعاد لك وجود بها البيت؟؟؟
عبير/شكرا..
رياض/على شنو؟
عبير/على سؤالك واهتمامك...
رياض/شدعوة يابنت عمتي انتي ناسية ان احنا اهل ومابينا ها الرسميات؟
عبير تنهدت//شلون حمود؟
رياض/يسال عنك....طول الوقت يناديك..
عبير/صحيح..
رياض/أي...
عبير/..........
رياض/عبير..والله علي مايستاهل تزعلين نفسك علشانه...الف غيره يتمنونك يابنت عمتي؟
عبير/رياض....انا مو زعلانة لاني تطلقت..
رياض/..........
عبير/اصلا المفروض من زمان كان لازم نتطلق....
رياض/عبير..
عبير بالم/انا زعلانة لاني كنت انجرح وموقاوية اسوي شي وارد جرحه عني....
رياض بحزن/عبير...
عبير/شرعك اللهم ولااعتراض.......
نجود/والله حبيبي ماعندي وقت حلفتني!!
فهد/كذا عاد قاطعتني قطعة وحدة وحارمتني من صوتك اللي يجنني؟
نجود/انت اكثر واحد عارف اللي قاعد يصيرفي بيتنا..
فهد/شلونها اللحين؟
نجود/اللي جاي اكثر صعوبة من اللي راح؟
فهد/عرف ابوها...
نجود/أي...
فهد/من خبره؟
نجود/المهم من خبره ولاالمهم وش قال؟
فهد/ليش شقال؟
نجود/شتتوقع؟
فهد/عمك ..اتوقع منه كل شي على اللي قلتيلي عنه؟
نجود تنهدت/مايبيها ترد البيت؟
فهد/شلون يعني؟
نجود/اتصل لها وغسل شراعها.....عمي بالنسبة له ان عبير هي السبب وانها هي ماقدرت تحتوي علي لان علي بالنسبة له شي عظيم ورجال مايتبدل....بس عبير ضيعته من يدها....
فهد/أي...
نجود/تصور قال لها عرس اختك ماتحضرين وماابي اشوفك بالبيت..دبري حالك وين مابتروحي روحي بس بيتي لاترجعين له وانتي مطلقة؟
فهد/معقولة؟
نجود/أي..
فهد/طيب....وبتظل عندك فترة طويلة يعني(قالها بتردد وخوف)
نجود/ابوي مصر انها تقعد عنده لاتخاف..يعني ها الاسبوع اذا نزلنا بتروح عند ابوي معززة مكرمة..
فهد/نجود انتي ليش ماكذبتي عليها وحليتي صورة علي بعيونها بدل ماتقولين لها أي زوجك يحب وحدة ثانية وها الخرابيط؟
نجود/فهد...عبير ماهي غبية وفاهمة وعارفة ان علي يحب وحدة ثانية,,وتعبت نفسيا من ها السالفة,,,
فهد/وتقومين انتي تزيدينها؟تحلين الغلط بغلط يانجود؟
نجود/لايافهد مو صحيح...اللي لازم تعرفه عبير اني واقفة معها بحل مشكلتها مو اني اكذب واداري عليها وهي شايفتني واقفة مع علي نسولف بها الشي,,,لو انكرت علاقة علي بوحدة ثانية ممكن ماتوثق فيني وتعتبرني قاعدة اجاريها وبس!!لكن اني اتواجه معها بالحقيقة هذا هو عين العقل يافهد...
فهد/والله مدري يانجود....
نجود/مو لازم تدري..اهم شي اني ادري...ويعدي ها الاسبوع على خير,,,
فهد/يعني الاسبوع الجاي....بنكلم بعض على راحتنا؟
نجود/انت وش تبي؟
فهد بترجي/ابي نفطر مع بعض بالمزرعة؟؟
شمايل/درى؟
لبنى/شعنه؟
شمايل/عن عرس مضاوي؟
لبنى/لا ولالي نية اقوله بعد؟
شمايل/ليه؟؟؟
لبنى بزعل/بيزعل لو قلت له وانا ماابيه يزعل واحتمال انه يجي البيت يخطب بعد وانتي عارفة موقف ابوي شنو؟
شمايل/أي بس انتي عارفة شنو موقف ابوك...من زمان...
لبنى/وليش تبيني احرج نفسي واحرجه وانا عارفة رد ابوي؟
شمايل/والى متى ان شاءالله بتظلون معلقين نفسكم كذا؟
لبنى تنهدت بقوة/اظل معلقة فيه ويظل معلق فيني ولاانه يجي يخطبني وابوي يقول لا...ساعتها بيتركني هو قايل...وانا مافيني اتحمل تركه وفراقه ياشمايل...بموت...
شمايل/الموت انكم تظلون متعلقين كذا بسراب وتطول المدة في مابينكم يالبنى...لازم اللحين تشوفون هل لكم نصيب في بعض ولالا؟
لبنى/واذا ماكان لنا نصيب في بعض شنسوي بالله؟نترك بعض؟؟؟مستحيل ها الشي انا مقدر اسويه لو شيصير انا روحي متعلقة فيه بجنون واذا تركته بموت اكيد؟
شمايل/انا مو معك يالبنى...اخذي السالفة من اللحين لاتطولونها وتعرضونها وتتعبون بعدين؟
سارة/بابا...انت قايل للمى انك تبينا؟
فهد سكرالكتاب اللي عنده وناظرها/أي بابا ..وين اخوانك..
سارة/كاهم جاين وراي....
دخلوا لمى وفيصل وقعدوا جنب سارة وقعد فهد بوسطهم مثل ماوصته نجود يسوي حتى قال كلامها حرفيا كان يقوله..
فهد/انا مجمعكم علشان اقولكم شي...
سارة/خير بابا...
فهد بهدوء/خير ان شاءالله...
لمى/شصاير بابا؟
فهد ناظرهم وقال بنفس الهدوء/انا بتزوج؟
فيصل/شنو يعني؟
لمى/ليش؟
سارة/وامي؟
فهد/انا وامكم وصلنا مرحلة مسدودة والاتفاق بينا صار صعب شوي...
لمى/مافهمنا يعني شنو؟
فهد /يعني في وحدة ثانية بتكون موجودة بينكم هنا في البيت..
فيصل/منهي؟
فهد/بتعرفونها بوقتها...
لمى/بتجي معنا البيت شبتسوي بابا؟
سارة/وبتاْخذ مكان امي؟
فهد/امكم بتظل مكانها معززة مكرمة لو حبت....
سارة/شلون يعني لو حبت؟
فهد/انا لسه ماقلت لها وقلت بخبركم انتوا بالاول....لو تقبلت امكم الفكرة بتظل موجودة معنا لو ماتقبلتها..انتوا بتظلون هنا معي وخالتكم اللي بتجي...بتكون جنبكم بكل وقت تحتاجونها فيه وماراح تقصر في شي معكم...
لمى/منهي بابا؟
فهد/حبايبي اذا جت البيت بتشوفونها وبتعرفونها وبتحبونها طيب....انا بس ماابيكم تاخذون فكرة غلط عن وضعها بالبيت هي بتكون زوجتي واختكم الكبيرة اعتبروها مثل رحاب ولامنال ولافوزية..وتراها تحبكم مرة,,,
سارة/هي قالت لك انها تحبنا مرة؟ليش وين شافتنا علشان تحبنا؟
فهد/هي شافتكم كذا مرة وحبتكم.....بس انا ابي اعرف رايكم انتوا ماعندكم مانع انها تجي؟
فيصل/يعني هي ليش بتجي؟
فهد/بتجي علشاني وعلشانكم....
ناظروا في بعض وسكتوا,,,
فهد/شنو معنى ها النظرة؟
لمى بخوف/يمكن هي ماتحبنا بابا بس تقص عليك؟
فهد/لايابابا هي تحبكم....حتى هي شارية لكم هدايا وقالت لي اعطيكم اياهم بس انا قلت لها اذا جيتي عندهم البيت عطيهم الهدايا؟
فيصل/اوووف ليش ماخليتها تجيب الهدايا بالاول علشان نشوفهم؟
فهد/ماقلتوا لي رايكم شنو؟
ام علي بحسرة وهي تناظر علي شايل اغراضه وبيطلع ودموعها فوق خدودها,,,
علي بعصبية/لاتبكين.....انا اصلا من زمان ابي اطلع من ها السجن؟
ام علي بدموع/حرام عليك يايمه,,,وانت شلي صار لك؟
علي بعصبية/انا شلي صار لي ولازوجك؟انتي عمرك شفتي ابو يطرد ولده من البيت علشان بنت اخوه؟؟لاويقولها بصراحة انا كنت متحملك علشانها يعني بانت نيته وعواطفه اتجاهي شنو؟
ام علي بذهول/انت مو بصاحي!!احد يتكلم عن ابوه بالطريقة ذي ياعلي؟؟؟زوجك,,تقولي زوجك بدل ماتقول ابوي؟
علي سكت ومارد عليها,,,,,
ام علي/ياحسرتي عليك...مدري لمتى بيضل قلبي يحاتيك,,,,
علي/ماني صغير علشان تحاتيني انا بكون بخير,,,
ام علي/اكيد بتكون بخير,,,,,
علي/مدام اني بطلع من هالبيت اكيد بكون بخير,,
ام علي/يمه اقعد انا بكلم ابوك وبترجاه يخليك تظل هنا,,لاتروح,,
علي/ماني قاعد يمه,,,باذنك سمعتي..قالي انا تحملتك علشانها؟
ام علي/أي مو زعله على بنت اخوه خلاه يقولها؟
علي/ومن الاهم بنظرك ولده ولابنت اخوه؟بعدين انا ماعادت تشكل عندي,,,انا بطلع ,,اساسا قريب بتسمعين خبر زواجي واستقراري؟
نجود/في ناس غيرانة وتبي تجي معنا تغير جو؟
عبير كانت سرحانة,,
نجود بصوت اعلى خلت عبير تلتفت لها/اقول في ناس تبي تجي عندنا وماكلتها الغيرة؟
عبير ابتسمت/اكيد جواهر,,
نجود/وهو في غيرها بنت الهاجري ها الغيورة,,,,
عبير سكتت ورجع الهم بوجهها,,
نجود/علامك,,
عبير بالم/خايفة...ماابي ارد,,,,ماابي بكرة يجي يانجود..
نجود/ليش؟
عبير ناظرتها وسكتت,,
نجود/علشان عمي,,,,,مدام ابوي موجود تاْكدي انه مابيرضى لك بالمذلة ياعبير,,,
عبير/عمي والنعم فيه,,,بس انا فعلا خايفة من ابوي,,,,
نجود/بلا ها الخوف حبيبتي,,,,قلت لك ابوي معك وكلنا معك,,وبعدين هو شبيسوي يعني,,,قال لك بيتي لاتعتبينه وانتي ماراح تروحين بتظلين عندنا بالبيت,,,
عبير/وامي وخواتي؟ماراح اشوفهم؟
نجود باحتقار/مايقدر ,,مو على كيفه اصلا!!!بعدين طول عمرنا رابين مع بعض وداخلين طالعين على بعض...شبيسوي بالله علشان يفصلنا ويمنعنا من شوفة بعض؟
عبير/,,,,,,,,,,,,,,,,,
نجود/خلصنا من ها الموضوع نجي للي بعده؟
عبير بذهول/ليش في غير ها الموضوع بعد؟
نجود/طبعا فيه..
عبير/شنو؟
نجود بثقة/رياض ولد خالك,,,وش سالفته وسالفة ها المكالمات اللي يتطمن عليك فيهم ويتحجج فيهم بولده؟؟؟؟؟؟
ام ناصر/طلبتك يابوعلي,,
ابو علي/لا
ناصر بترجي/يبى ترى ماهي حلوة ابدا ان علي يطلع من البيت,,
ابو علي/قلت لكم ماابيه,,
ناصر/يبى مهما صار يضل علي ولدك واخونا,,
ابو علي/انا اسمي بو ناصر مو بوعلي,,ومن اليوم ماابي احد يسميني بو علي ابدا؟؟
ام ناصر/ياولد الناس هذا الكبير,,,مايصير تطرده وتفطر قلب امه عليه,,
ابو علي بالم/يكفي ياام ناصر يكفي,,كم سنة وانا عايش عقوقه عليّ وساكت!!لمتى ,,,طلعته من بيتي واجد ارحم من قعدته معي وانه ينحسب عليّ ولد كبير,,
انا مو ماخذ منه غير الهم والغم وتكديرة الخاطر ياام ناصر,,
ام ناصر/طيب وامه وش ذنبه ياولد عمي,,,,امه خاطرها مكسور عليه؟
ناصر/يبى....يمكن علي عنده شي ومايبي يكلمنا فيه ولاهو حاب يكدرنا,,,علي طول وقته ساكت وماندري وش اللي يدور في باله,,,لاتظلمه يبى,,
ابو علي/لاياناصر,,,,انا ماابيه خلاص,,,,لاتقعدوا تحنون على راسي,,خلاص مو مغير راي مهما صار؟
فوزية بغرفتها ومحمد ذابح نفسه مكالمات ومسجات وهي مطنشته,,
محمد/(احبك فوز ردي عليّ),,(حبيبتي مو قادر افكر بشي وانتي قاطعة صوتك عني)(معقولة اهون عليك وماتفكيرن فيني كثر ماافكر انا فيك) (افهميني,,,انا يوم سمعت بالخبر حسيت بالغيرة تاكلني,,وكيف ان غيري ممكن يكون مكاني,,,افهميني الله يخليك)(اذا يهون عليك زعلي لاتردين عليّ وخليني كذاحاير بشهر الله ومو عارف شسوي,,,,)
(طيب بس اسمعي اللي بقوله ولاتتكلمين اذا ماتبين)(ترى والله بجي وبوقف عند باب بيتكم وبصارخ باعلى صوتي وانا اناديك لين تردين عليّ)
قررت بالاخير انها ترد عليه,,,
دقت عليه ورد عليها بمجرد شاف اتصالها..
محمد بلهفة/حبيبي,,
فوزية مسوية جدية/محمد وش تبي؟
محمد تنهد بقوة وهي سكتت,,,
محمد/اهون عليك؟
فوزية/لاماتهون...بس انت لازم تفهم ان موقفك وكلامك ماهم..
محمد قاطعها/فهمت والله فهمت,,,,بس لاتصيرين قاسية كذا عاد...
فوزية/والمطلوب مني اللحين؟
محمد/احبك....وبظل احبك لااخر يوم بعمري,,,,
فوزية/سالتك عن المطلوب مني؟
محمد/بلاش ها القطاعة عاد...وخليني اسمع صوتك؟
فوزية/بس انا عند كلمتي؟
محمد/وانا مااتحمل ياعمري....
فوزية/مو ذنبي...
محمد/ولاهو ذنبي...انتي قاعدة تحاسبين اذني وهي ماغلطت عليك..قلبي ولساني هم اللي قالوا لك وتكلموا معك هي مالها ذنب تحرميها من صوتك؟؟؟
باخر الليل بغرفة فهد ..
نجلاء/خير..وش الموضوع اللي بغيتني فيه؟
فهد ناظرها من فوقها لتحتها وبعدها حط رجل على رجل وطلع سيجارته وشغلها وقال بهدوء وثقة/بتزوج,,
دايما بصماتكم في صفحتي تجعلني اكثر سعادة وتالق من مامضى فلاتحرموني من هذه البصمات الرائعة,,,
البارت السابع والستين
باخر الليل بغرفة فهد ..
نجلاء/خير..وش الموضوع اللي بغيتني فيه؟
فهد ناظرها من فوقها لتحتها وبعدها حط رجل على رجل وطلع سيجارته وشغلها وقال بهدوء وثقة/بتزوج,,
نجلاء/تتزوج!!!عسى ماشر ان شاءالله!!
فهد/ليش..انا قايل شي خارج عن المالوف؟
نجلاء/انت من صدقك تتكلم؟
فهد/أي طبعا..
نجلاء بتردد وخوف/فهد..
بنرفزة قال لها/خير...قلت لك بتزوج,,
وقفت مكانها مصدومة وماتحركت حتى عينها مارمشت,,,
فهد بثقة وحرقة/عطيتك نص عمري فرص وانا احاول اغيرك ولاتغيرتي..حياتنا مع بعض انتهت من زمان واعتقد من حقي اشوف حياتي..
مجنون../قالتها بلاتردد وهي تناظر فيه بقوة,,
بشماتة قال لها/أي..معك حق ..انا مجنون...من اول يوم ماكان فيه اتفاق بينا كان لازم اسويها واتزوج بس مدري ليش صبرت ها الفترة كلها؟؟
نجلاء قعدت منهارة على اول كرسي صادفها ولف فهد بوجهه عنها للجهة الثانية وحاولت تكلمه باستعطاف/فهد....انت اكيد ماتتكلم من جد,,
فهد بقوة وصرامة/الا من جدي احكي ومن قال لك عاد ان ها السوالف فيها مزح اصلا؟
نجلاء اشرت بيدها على صدرها/وانا؟؟؟وعيالي!!
فهد/عيالي بيظلون هنا ,,مكانهم هنا..هذا بيتهم يانجلاء ولاتنسين ها الشي...وانتي اذا حبيتي تكونين قاعدة معزةة مكرمة قعدي ماحبيتي ماعندي لك خيارات ثانية؟
نجلاء حست بالنار تسري بكل جسدها وقالت بعصبية/انت على بالك انك مراهق علشان تتزوج بعد ماطلع الشيب براسك؟
فهد بسخرية/لا مني مراهق بس على الاقل مازالت شباب وفيني اتزوج؟
نجلاء بنفس العصبية/ومن قال لك اني برضى انك تتزوج؟
فهد بنفس الشماتة/ليش انا انتظر منك موافقة على زواجي اخت نجلاء؟
نجلاء/منهي؟
فهد/وحدة...من زمان ادورها وزين اني لقيتها..
نجلاء بنفس العصبية وحرقت الدم/منهي ذي بنت ابليس اللي ناوية على عمرها وتبي تاخذك؟
فهد/قلت لك ..وحدة من زمان كنت ادورها تحتضني,,,تسمعني,,,تفكر قبلي وعلشاني,,,
نجلاء/هاذي اكيد وحدة مسوية لك سحر؟
فهد يجاريها/انا بعد قلت كذا بالبداية..بس بعدين يوم فكرت بالسالفة قلت ومالها خلها تسوي اللي السحر اللي تبيه وبكيفها مدام انها بالنهاية مريحتني,,,
نجلاء بعصبية/مستحيل انا ماراح اتركك تهز اسمي وسمعتي بين العرب بزواجك....
فهد/لاوالله!!واذا قلت لك اني مو قادر اصبر عنها وابيها الليلة قبل بكرة؟
نجلاء/تزوجها مسيار...وبدون محد يدري...بس لاتفضحني بزواجك؟
فهد شال السيجارة من فمه مصدوم وقال لها باحتقار/يعني انتي مو فارقة عندك زواجي!!فارق عندك مركزك الاجتماعي وبس!!!!
لبنى/مضاوي اسم الله عليك..علامك..
كانت تبكي بحرقة وبدون توقف,,,
لبنى/اسم الله عليك..
مضاوي وهي تبكي/عبير ماراح تحضر عرسي....تخيلي اختي ماتحضر عرسي يالبنى...ومابنشوفها بعد؟
لبنى/ابوي مايقدر يمنعها من شوفتنا..يمكن يمنعها من حضور العرس بس شوفتنا ماراح يقدر..
مضاوي/وين بتروح اللحين...ابوي مايبيها توطى البيت؟
لبنى/مدري...بس امي تقول ان عمي يبيها تروح عنده....
مضاوي/وش ها الفال اللي مو زين..هي تطلق وبعد اسبوعين زواجي؟
لبنى/مضاوي...بلا ها التفكير يابعد عمري..هذا شرع الله..وبعدين يمكن يكون خيرة لها..كلنا ندري انها ماهي مرتاحة مع علي....
مضاوي/ولو الزوج يضل ستر وغطا للبنت...وانتي تشوفين الناس ماعندهم سيرة الا الحكي في الناس وش بيقولون بكرة لاعرفوا ان ولد عمها مطلقها؟؟؟
لبنى بعصبية/يقولون اللي يقولون..الناس ماعندهم شي غير فلان سوا وفلان فعل...خلهم يولون.. يكفي ان احنا ندري عن حالها...والله بيعوضها خير بدل علي؟
مضاوي/مدري ليش خايفة يالبنى..حتى زواجي احسه انه ماراح يتم..
لبنى/لاتخافين عمي قال ان موضع طلاقهم بيضل طي الكتمان لبعد زوجكم واستقراركم,,,,
مضاوي/............
لبنى/خلاص لاتبكين..يكفيني اللي فيني والهموم اللي قاعدة على قلبي يامضاوي لاتزيدونها عليّ!!
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك