رواية شرع ربي ولا اعتراض -87
ابو خالد/ماعليك قصور ياخوي يابو بندر..اصيل...واللي ربي كاتبه بيتم ان شاءالله...
ابو علي/ها يبى احمد ماسمعتنا صوتك...
احمد/المجلس لك ياعمي ولاعاش من ياخذ مكانك ولايقاطعك بكلامك...
ابو بندر/كفو ياولدي كفو...متى الملكة تبيها؟
احمد/باقرب وقت؟
ابو بندر/خلاص نملك ليلة الجمعة؟
ابو خالد/طيب والعروس ماعندها مانع؟
ابوعلي/لاطبعا بنعطي العروس خبر بالاول..
ابو بندر/أي عروس أي خرابيط!!احنا كلامنا كلام رجال وماعمرهم الحريم مشوا كلامهم علينا؟؟
ابوعلي باحراج/معناته شفوا وش يناسبكم...
خالد يهمس لناصر/شكله عمك متعصب حييل؟
ناصر/يعني ماتعرف عمي,,اقولك مارضى يزوجها اخوك واختها ماتزوجت الا بعد مانشف ريق ابوي؟
خالد/زين ان الله فك بنته منه وبيعطيها اخوي وبيخليها تبعد عنه..
ناصر/الله يسهل على الباقييين..
خالد/شفيه علي؟ليه ساكت كذا؟
ناصر تنهد/وش تبيه يقول؟علي لاله شغل فينا عشنا ولامتنا ولاهم يحزنون؟
خالد/اقلها يجلس جنب احمد ويسولف معه بيصيرون نسبة مع بعض؟
ناصر/لاتطمن احمد لابيشوف علي ولابيعرف اخباره بعد؟
فهد/حمد الله على سلامتك....
نجود وهي تدخل المزرعة وراه/الله يسلمك..تصدق ماحسيت بتعبها ولابالتكسيرة ابدا وانت جنبي....
فهد/أي كثري منها ..
نجود مشت لداخل/ولا تشيل هم بكثر منها..بس بمزاجي!!!
دخلت وكان المكان شوي مكركب..
نجود بتردد/فهد..في احد؟
فهد/لا..بس مصعب كان جاي هنا الصباح ويوم قلت له يروح يزبط لبنت عمك الحجز طلع وراح المطار يستقبلها...
نجود/فديتك انا....
تقربت من الكنبة اللي كانت ملايانة اوراق وجرايد,,وقعدت..وشالت الورقة اللي كان فوقها قلم وقامت تقراْ اللي مكتوب فيها,,,
سكن قلبي قبل مااشوفه,,
قبل مااعرفه واعرف وصوفه,,
وكل اللي عرفته بس,,
عليه الروح ملهوفة,,,
اشتاق له ومدري ليه اشتاق,,
واخاف من ضيم الاشواق,,
من كثر خوفي,,,اعاتب ظروفي,,
ودوم اترجى ظروفه..في غيابه وفي حضوره,,
يطل النور من نوره,,
في قربه عذابي,,وان شكيت البعد معذور,,
ان غاب عذبني غيابه,,وشوقني لتعذيبه,,
وان حضر ذوقني غيابه ,,واحتار شسوي به,,
ماقد شفته او لمحته,,بس لو غمضت عيني ماتفارقني طيوفه,,,
بعيوني ساكن خياله,,وبقلبي ساكن لحاله,,
وبالروح حفظت اسمه,,كل هذا و عيني ماتشوفه,,
اجل وشلون لو اشوفه وشلون لو عيني تنظر عيونه واشوف ابتسامته واسمع كلامه وكفي يلامس كفوفه!!!!
غريبة حالتي ,,والاغرب احساسي,,
ماعرفته,,بس هو اغلى ناسي والله,,
والله سكن بقلبي قبل مااشوفه..قبل مااعرفه واعرف وصوفه,,وكل اللي عرفته بس,,عليه الروح ملهوفة!!
تنهدت بصوت عالي وهي تقراْ ورفعت عينها وشافت فهد متضايق,,
سالته بحزن/يقصدها مو؟
فهد بنرفزة/مجنون!!!كل ماقلت له شيلها من بالك البنت ماهي لك ماهو راضي يسمع كلامي...مو مصدق انها ماممكن تكون له وعنده امل بحبها لااخر لحظة بعمره.؟
نجود/هذا الحب يافهد..
فهد/هذا بلى ماهو حب؟؟؟خلاص هو عارف انها مو نصيبه بعد ليش يتعب نفسه كذا!!حرام والله حرام..
نجود/فهد..
كان يناظرها وينتظرها تتكلم وقالت له بطريقة جزينة,,
نجود/لو كنت انا هي وكملت السالفة واعترف لي بحبه انت وش كنت بتسوي؟؟
فهد ماتوقع اصلا بس رد بسرعة وقال/بمنعه عن ها الحب لو اذبحه؟
نجود/ليه!!
فهد/لان...لاني حطيتك براسي...وشغلتي افكاري...والمفروض تكونين لي مو لغيري؟
نجود/هذا احساس مصعب ناحية جواهر يوم شافها؟؟؟يبيها له وحاط في باله انها لازم تكون له...مايبيها تكون لغيره..حياتها واقفة عند نقطة وحدة وكلمة وحدة منها....فهد المفروض تكون اكثر واحد حاس فيه ياحبيبي,,
ركع عند رجلها وقال بترجي/ماابيه يتعلق بوهم يانجود؟جواهر وبندر انتي قايلة لي بنفسك عن حبهم لبعض من سبع سنين صح ولاانا غلطان؟
تنهدت نجود ولامست خده بكفها وقالت بالم/صح حبيبي...بس بعد هو تعبان..مايصير كلكم تصيرون عليه وضده..يكفي انه متعلق بوهم وها الوهم ماهو حاس فيه ولايمكن يحس؟؟؟لاتقسى عليه يافهد..مع الوقت بينساها بنفسه..
فهد/واذا مانساها يانجود وها الشي اللي انا خايف منه..خصوصا لو ارتبطنا مع بعض بيظل تفكيره في انه ممكن يشوفها اكبر واكبر!!فهميني يانجود مصعب ملزوم ينساها اللحين مو بعدين؟
نجود بحسرة/حبيبي انا عارفة ها الشي وفاهمته زين بس والله اني بجد متاْلمة علشانه..يمكن لانك ماتحس باحساسي..
انا احس ان بندر مو صادق بشعوره معها كثر مصعب واحاسيسه ناحيتها,,
بس الواحد شيقدر يسوي يافهد. في شي فوقنا اسمه نصيب...ومانقدر نقول غير ,,شرعك اللهم ولااعتراض,,,,
اوووف كاني نسيت نفسي وانا انزل البارت احسه طويييل مرة هههه
يالله مو مشكلة بارت بكرة ننزله قصير ولاتزعلون هههه
مو تنسون تتركون تعليقاتكم لي علشان اقراْها ياحلوين
البارت السادس والستين
بمجلس ابوعلي بعد ماطلعوا وماظل الا هو واخوه وعياله...
ابوعلي/ياخوك شها الكلام,,حتى اذا بيحط لبنتك قدر وقيمة مابيحط من اسلوبك ؟؟بيقول هاذي ابوها مو مدلعها ليش اوجع راسي فيها؟
ابو بندر/وانا الصادق الشور ماهو شورها الا غصبا عنها...
ابوعلي/أي بس مو قدام الناس ياخوي..خلهم يصونون بنتك مو يذلونها,,
علي قام/تبون شي انا ماشي,,,
ابو بندر/وين مرتك مااشوفها؟
علي ارتبك/ها,,,
ناصر/نجود تقول انها رايحة معها الرياض...
علي وقف وبان عليه الارتباك,,
ابوب ندر/هي ماقالت لك انها رايحة وطلعت بدون شورك؟
علي بنفس الارتباك/ها..لا قالت لي,,,,يالله سلام,,
طلع وبعده قام بوبندر وطلع وراه,,,
ابو علي لف لناصر/شفيه اخوك؟
ناصر/مدري..
ابو علي/هي صدق رايحة مع نجود ولاانت تبي تداري كاللعادة؟
ناصر/بلى يبى..نجود دقت لي قبل شوي وماعرفت اقول لك والجماعة موجودين,,بس شكلها السالفة فيها شي,,,,,
ابوعلي/شي مثل شنو؟
ناصر/مدري..قالت لي بعدين هي بتكلمني وبتقولي....قالت السالفة كبيرة وتحتاج تفكير مو تهور؟
ابو علي بخوف/وش مسوي علي في بنت عمه؟
ناصر/مدري يبى....
ابوعلي/اصلا هو شكله مايدري عنها راحت مع نجود؟
ناصر/الله يسهل ويعدي سالفتهم على خير,,,,,
ام مصعب/لا..هاذي جيبها هنا..
فوزية/اوه ه ه...الوالدة مو قادرة تقعد قالبة البيت فوق تحت للعريس؟
ام مصعب/يالله قلبي وجهك انتي!!
الجازي وفوزية/هههههههه
فوزية/اقول ورى ماتزوجينا جماعي انا واخواني علشان يفضى لك البيت مرة وحدة انتي وهو؟
ام مصعب/قلبي وجهك عني!ترى وراي شغل كثير؟
الجازي/الناس طالعة تتجهز لرمضان بكرة وامي قالبة البيت علشان جيت ابوي...بس تدرين يستاهل الغالي..وحشنا حييل,,
فوزية/احلى مافي السالفة انه بيظل معنا علطول...
سكتت وناظرت فيهم ثنتينهم وهم يناظرون فيها وحست بالارتباك..
ام مصعب/وش تقصدين؟
فوزية/امزح يبى؟؟
ام مصعب بصرامة/لاماتمزحين؟؟قولي شالسالفة بسرعة؟
فوزية/يمه..
الجازي/شصاير..ليش بيقعد معنا علطول؟
فوزية برتدد/انا فيني ها العادة الشينة اللي موقادرة اهون عنها...كل ماقلت بسكت وبنتظر يصير الموضوع ماقدرت وتكلمت؟؟
ام مصعب/شالسالفة؟؟تكلمي نشفتي دمي!!
فوزية بتردد/بس بخرب المفاجاْة؟؟
الجازي/المهم ان دمنا ماينشف؟
فوزية/طيب بس لاتقولون له اني قلت لكم...ابوي تقعد وبيقعد معنا خلاص,,,
ام مصعب/ومنو قال لك؟
فوزية/هو بنفسه؟
ام مصعب/وليش ماقال لي انا!!
فوزية/هو يبي يسويها مفاجاْة لكم,,
الجازي/مصعب عرف؟
فوزية/لا..محد يدري...بس انا عرفت منه بالزور قبل يومين بس,,,,
نجود/بكرة اول يوم برمضان,,,
فهد/رمضان ها السنة غير,,,
نجود/أي....انا مو جنب اهلي....
فهد/وانا شنو؟
نجود/انت كل حياتي!!!
فهد/وليش تبين تكونين جنب اهلك وانا جنبك؟
نجود/وانت بتفضى لي!!انت مع عيلتك ومابتفارقهم علشاني!!يعني بظل وحيدة برمضان وكني يتيمة..افطر بروحي واتسحر بروحي ومحد حواليني!!
فهد/يابعدي..ورى تقولين ها الكلام,,,حتى لو ماقعدنا على سفرة وحدة..انا معك وبظل معك حبيبتي,,,,
نجود/قولها مرة ثانية؟
فهد سوى روحه ماسمع وطلع باكيته علشان يدخن وسحبته منه وهي مقهورة وقالت بعصبية حلوة/بدل ماتعيدها لي وتسمعني اياها؟؟تقوم تدخن!!خلاص ردني بيتنا ماابي اقعد معك بعد!!
فهد تسند وقال لها/اذا تبين تروحين روحي منو ماسكك؟بس عطيني الباكيت قبل لاتمشين لاني مااستغني عنه؟؟؟؟
ناظرته وهي تشوف ابتسامة قاعد يخفيها بعينه وسوت شي ماتخيله,,,حطت رجل على رجل..وشالت شيلتها وفتحت عبايتها وقالت بلهجة امر/قوم شوف وش صار بعشاك ترى جوعتني!!!!وبالطريق جيب لي كاس ماي لاني عطشت,,,وبعدين لاتحط دوبك ودوب العمة نجود لانك مو قد زعلها ولاقد رضاها بعد!!!
فتح عيونه على وسعها وجا بيتكلم ومالت عليه وهي تتكلم بثقة وهي بيدها الباكيت ومادته له/تبي الباكيت!!اخذه اذا تبيه!!بس لازم تحدد هو انت تبيه ولاتبي نجود لان الاثنين مايجتمعون مع بعض؟
امتدت يده لاشعوريا ليد نجود وشال الباكيت ورماه وحط كفها بكفوفها وشد عليها وكانه يجاوب على سؤالها...
وابتسمت ابتسامة نصر وهي قباله وقالت له بقوة/اشوف اخترت بسرعة؟؟؟معناته انت مو قد ي فلا تجاكرني مرة ثانية!!!
ظل يناظرها وكانه قاعد يكتشف فيها شي ماشافه من قبل..ودق جواله...وقطع عليهم جوهم..
فهد/هذا مصعب..اكيد وصلت الرحلة؟
نجود/معناته لازم اقوم؟
فهد/انتظري ارد عليه,,ياربي يقول بتتاْخر الرحلة؟
علي كان طاير بسيارته ومو داري وين يروح..حاس بالارتباك,,,بقلة الحيلة وبالضعف,,,
كان يبي يدق على نجود ويسالها بس ماله وجه ؟؟
ياترى هي نجود فعلا درت وين عبير ولا بس قاعدة تداري على العيلة لين تشوفها!!
طار عقله من ها التفكير..كان المفروض يحسب حساب اللحظة ذي زين ويحسب حساب تصرف عبير لو تطلقوا ؟؟
الاكيد انها مابتروح لاابوها لانها عارفته وعارفة طبايعه...بس ممكن تلجاْ لعمها بما انها مالها احد اصلا؟
بس مستحيل تكون عند ابوه ويسالوه عنها...وليش مستحيل..يمكن ياعلي هم يبون يختبرونك ولايشوفون ردة فعلك..ابوك ونويصر يجي منهم كل شي....
لكن زين هين ياعبير مالقيتي غير ابوي تتخبين ورى ضهره..لكن احلمي تردين ,,قعدي عند ابو علي اللي خباك علشان يباريك ويداريك ,,تهني انتي وهو نوويصير؟؟
طلع جواله يكتب مسج للمياء يتطمن فيها عن حال بنتها وكيف اصبحت اللحين ويبث للمياء حبه وخوفه عليهم ثنتينهم وكاْن مريم قطعة منه وهو ماقد شافها غير مرة ومن بعيد؟
ونسى ولاتناسى سالفة عبير وحط في باله انها عند ابوه واستقر تفكيره عند ها الحل؟؟؟
هي بروحها اول ماوصلت الطائرة الرياض حست باحساس غريب ماتدري شنو...
حست بانها ضعيفة وبانها بدون حول ولاقوة وتمنت انها ماجت ولاطاعت نجود؟؟؟
ماتبي احد يشوفها وهي بها الحالة وبقلة حيلتها وانها مو قادرة تسوي شي وان طلاق علي كسرها,,,
هي صدق تبي ها الطلاق من بداية زواجهم بس يوم جاها حست بانها شي حقير وعايش بها الدنيا..كانت عايشة تحت ظله وتحت رحمته طول الوقت ومتناسية خيانته لها ليش ماتدري؟؟
اول مرة تحس بمرارة الطلاق وصعوبته رغم انها للحين ماجربت شي ومحد درى عنها كيف لو يدرون؟؟
الف سؤال وسؤال كان في بالها وكانت حاطة احتمالية ان نجود تسئلهم قبل الكل بس للحين مو قادرة تفكر بشنو تجاوب,,,,
ولاشنو تقول؟؟؟...تقول لهم نصيب وكلا راح بحاله..ولاتقول لهم هدم حياتي معه بكثرة خياناته وتفكيره فيها؟؟؟
ولاتقول ان علي مو قادر يصبر عن لمياء اكثر وبيجتمعون وماراح يجتمعون الا بطلاقنا؟؟؟
عجزت تلاقي أي حكي تقوله لو سالوها...عجزت تفكر بللي ممكن تسويه ولا ممكن يصير فيها..وماانتبهت الا على صوت نجود يناديها..
نجود/عبير..عبير...
رفعت راسها وكانها انتبهت للواقع المؤلم اول مرة..وماحست بنفسها الاوهي تسابق الخطوة علشان توصل لنجود..
ووقفت قبالها...وكانت نجود بالنسبة لها بها الوقت شي ممكن يكون يساندها ويوقف بصفها..رمت نفسها عليها بدون مقدمات وبكت...بس بكت بحرقة انسانة مظلومة...
نجود بضيق/خلاص ياعبير خلينا نرجع الشقة...
عبير وهي تمسح دموعها/نجود..
نجود/لاتقولي شي اذا رحنا هناك بنتفاهم..
عبير بمرارة/علي طلقني يانجود..طلقني..
نجود بتنهيدة قوية/مو هذا اللي تبينه ياعبير..انه يطلقك؟كاهو طلقك ليش مضايقة عمرك؟
عبير بحرقة /لانه كان يخوني!!!لاني ماكنت مالية عينه...لاني عشت معه مجرد وسيلة اشباع وبس!!!غيري كانت ماخذة تفكيره...بذمتك هاذي ماتقهر؟
نجود/خلاص عبير خلينا نتفاهم بالبيت....
توه علي بيدخل شقته والتقطت اذنه صوت ناصر يكلم بالتلفون وهو عاطيه ضهره يعني هو يشوفه وناصر مايشوفه..
ناصر/نجود..تكفين يااختي قولي وش السالفة؟؟ابوك حاس ان عبير فيها شي ولا ليش بتروح معك الرياض كذا فجاْة بدون حتى ماتقول لاامها ولاتمر تسلم عليها؟هي فيها شي يانجود قولي؟انتي اصلا طلعتي قبلها وقلتي رايحة مع بنات يعني مارحتي معها..تكفين قولي شالسالفة شفيها بنت عمك...اصلا حتى علي ماشكله يعرف انها معك معالم وجهه تغيرت يوم جبنا طاري انها معك...هم متزاعلين مع بعض...يعني شلون هي للحين مارقدت؟طيب امانة عليك يانجود اول ماتنام عطيني خبر او حتى ارسلي مسج ترى ابوي قاعد يحاتي ..بنتظرك نجود طيب....
علي جمد مكانه يعني عبيرماهي عند ابوه مثل ماكان يتصور..هي فعلا راحت لنجود لان على كلامهم نجود طلعت بروحها فكيف عبير بتكون رايحة معها؟؟؟ياترى...هي بخير!!!!!!!!
اول ليلة برمضان هلت بالرياض هالسنة غير على فهد ...
لان ابو مصعب نزل وكان معهم وبيظل معهم علطول...ولان نجود جنبه..
وعاطية حياته رونق خاص.....
كلها اسبوع بس ويروح يخطبها من ابوها وتصير نصيبه وتكمل معه باقي حياته وتعوضه عن اللي راح وعن اللي فقده...
ابو مصعب/فهد...علامك سرحان وصافن ومنت معنا؟
مصعب ابتسم/الظاهر فطورنا الليلة ماعجب خالي!!
فهد/لا..مو كذا..بس عندي سالفة وقاعد افكر فيها..
ابو مصعب/خير ياخوك قول...في شي مضايقك؟
فهد تنهد/بوقتها بتعرف يابو مصعب بوقتها...لاتستعجل ترى قربت تصير...
ابو مصعب/على خير..انا بعد عندي معك سالفة..
فهد/شنو...
مصعب/خل نتقهوى بالاول وبعدين سولفوا مثل ماتبون؟
ابو مصعب/لا مدام المجلس فاضي ومافيه احد خل نسولف على راحتنا ياولدي..
فهد باهتمام/خير وانا اخوك....
ابو مصعب/هم بصراحة سالفتين بوقت واحد...الاولى ان في واحد متقدم لفوزية من عيال الماجد..بعطيك اسمه بعدين واذا قدرت تعرف لي عنه شي خبرني لاني مااعرف ها العيلة ....
فهد/أي...والسالفة الثانية...
ابو مصعب/اني ابي اشاركك بمشروع....
وحتى بالشرقية كانت بعد غير وخصوصا بفندق الكارلتون بين لبنى وعزوز...
لبنى/ماتدري شقد انا فرحانة لاني قاعدة معك باول ليلة وبنفطر مع بعض؟
عبد العزيز بارتباك وهو يتلفت حواليه/انا خايف احد يشوفنا....
لبنى/حبيبي شفيك...هاذي البارفانات حاجزتنا عن الكل....وين بيشوفونه؟
عبدالعزيز/واحنا قايمين واحنا قاعدين..الا مابيشوفنا احد نعرفه؟
لبنى/لاتخاف الناس اول ليلة برمضان تفطر ببيوتهم ماتطلع..ماتشوف الفندق معظمه اجانب مافيه كثير سعوديين؟
عبدالعزيز/ولو..
لبنى/حبيبي...بنقعد متضايقين كذا لين متى بالله!!
عبدالعزيز/لين نطلع ونقعد بالسيارة ساعتها برتاح؟
لبنى/اقول افطر ولاتخرب علينا شوفتنا حبيبي قلبي....
عبدالعزيز/كيف بعدين حياتي....
لبنى/بروح معك؟
عبدالعزيز/وين معي؟
لبنى/على مارينا مول...
عبدالعزيز/ماراح نروح الا بعد التسع ..طول ها المدة وش بنسوي فيها؟
لبنى/نمشي مع بعض على البحر.....
عبدالعزيز/لبنى...كيف وضعك قبل لاتطلعين...قدرتي تطلعين ولا صارت لك تعكيرة.؟
لبنى/لا...اليوم عمي وابوي يفتحون ديوانيتهم ويفطرون فيها ومانشوفهم الا اخر الليل....قلت لاامي اني بفطر مع شمايل لانها مسوية الفطور الليلة علشاني لانها تدري اني ماراح اقدر طول الشهر....وبالموت رضت؟
عبدالعزيز/بعدين انا ماراح ارضى انك تفطرين مع اهلك بتفطرين معي كل ليلة؟
لبنى/متى ياحبيبي متى....تصدق من كثر ماافكر في الايام اللي بتجمعنا مع بعض عشت الجو وقمت اتخيل اني فعلا اخذتك و..
عبدالعزيز/قريب يالبنى قريب.....انتي بس قولي ان شاءالله,,
نجود/ماشكله الفطور عجبك ..
عبير بهدوء/الحمد الله..
نجود/هو صحيح فطور متواضع بس يمشي الحال,,
عبير/الحمد الله شبعت..
نجود/عبير...ممكن نتكلم...انا تعمدت اتركك يومين ومااسولف معك علشان انتي تاخذين راحتك وتتكلمين اذا تبين فماحبيت اضغط عليك...بس صار لازم نتكلم...
عبير ودمعة بعينها/شنقول؟
نجود/مالازم بنظرك نتكلم بالطلاق؟
عبير/............
نجود/ادري ان الموضوع صعب ويجرح بس ملزومين نتكلم فيه؟
عبير تنهدت وسكتت...
نجود/بعد ماتركتكم شلي صار؟
عبير/هو يبيها يانجود واختارها..
نجود/أي...
عبير بحسرة/وسالته يطلقني ووافق بدون تردد!!!كنت هم قاعد على قلب علي يانجود ومو حاسة على نفسي!!!
حتى بعد ماحسيت بتغيره....كان مجرد تغيير زائف ومؤقت لين يضبط اموره معها؟
نجود/لاتظلمينها ياعبير يمكن هي فعلا مالها ذنب بالسالفة...وهو اللي حاط في باله ها الشي....انا بلتقي فيها وبعطيها كم كلمة وبستشف منها اذا هي لها يد بالموضوع ولالا؟
عبير/انتي....تعرفينها صح؟
نجود/تراها موجودة هنا بالرياض؟
اكتفت عبيربانها تناظرها ...
عبير/وبتقولين لي الصدق؟
نجود/لا ياعبير انا ماراح اقولك شي...لانك بتكونين معي وبتسمعين كل شي باذنك سواء كانت على علاقة فيه ولا لا...وبعدها نشوف كيف نوصل موضوع الطلاق للاهل..لانهم مالازم يظلون كذا لازم يعرفون ولاانتي ناسية ان بعد اسبوعين بتكون ملكة مضاوي وعرسها ....
عبير تنهدت بحسرة....
نجود/صار ماصار لازم تكونين قوية....
بندر/هلا بالطش والرش...
جواهر/هلا حبيبي....تقبل الله
بندر/منا ومنكم يالغلا...ها شلون فطوركم اليوم؟
جواهر/اوه ه ه ه كل اللي يحبه قلبك؟
بندر/أي حسرة عليّ توست وجبن ومحسوب عليّ فطور؟
جواهر بحسرة/يابعد قلبي....طيب وراك مارحت تفطر بفندق؟
بندر/ماقعدت الا متاْخر وماقبالي الا ها التوست والجبن..
جواهر/انا بعد غبية كان المفروض اصحيك...اووف ضيقت خلقي....ياليتني مافطرت وانت هذا حالك..
بندر/عمرك وش ها الكلام انا يشبعني صوتك ياقمر...
جواهر/ولو...والله لو بيدي ماتركت الجوع يجيك..
بندر/أي بس انا مو جوعان..
جواهر/ماعليه حبيبي هذا ابوي يبيني بشوفه شيبي وبرجع ادق لك.
بندر/انتظرك ها لاتطولين..
جواهر/طيب....
سكر منها وقالت دلع بشماتة/وهذا وموديتك افخم فندق بجدة كلها تفطر فيه!!!ليش تبي تضيق خلقها عليك؟
بندر/..............
دلع/انت تفرح اذا شفتها مهتمة فيك؟
بندر/طبعا؟؟
دلع/ليش ؟؟
بندر/لانها حبيبتي...
دلع بنفس الشماتة/قلت لي,,,,طيب...بنشوف الايام وش تسوي فيك وفي حبيبتك..
بندر بحدة/صار ماصار احبها وبظل احبها..
دلع بتحدي/وياترى هي بتظل تحبك مثل ماتحبك اللحين بعد مايصير اللي يصير؟؟؟؟
مضاوي/ياربي يالبنى حايسة ومو عارفة شسوي اسبوعين بس,,
لبنى بتاْثر/وبتتركينا...وبظل مقابلة اختك المجنونة...ياليتك بتسكنين هنا يامضاوي وماتروحين مكة..
مضاوي/لبنى لاتخليني اغير راي ..
لبنى بمرح/وشدعوة رايك مهم !!مدام الوالد قال أي خلاص انتي مالك شغل..
مضاوي/ههه على قولتك..
لبنى/تصدقين واحشتني عبير...غريبة انها راحت مع نجود بدون ماتقول لنا ويادوب تكلمنا ....تصدقين حاسة فيها شي؟
مضاوي/شي مثل شنو؟
لبنى/مدري بس موهاذي عبير اختي اكيد..فيها شي متغير...
مضاوي/ان شاءالله مافيها الا الخير...
لبنى/ان شاءالله..
مضاوي/جواهر قالت لي بتروح معي مختارات العبد الواحد بشوف لي ثوب....
لبنى/مابتنتظرين عبير تنزل مع نجود...
مضاوي/الا بنتظرهم طبعا مابنروح الا يوم الخميس بالليل..
لبنى/حلو...علشان مايكون فيه جامعة ولاهم....وادور لي بعد ثوب لعرسك بالمرة...
مضاوي/لبنى...انتي فرحانة لي؟
لبنى بفرح/اكيد يابعد قلبي....صدقيني بشتاق لك موت....بس يالله الحمد الله عبير هنا وبتخفف عني غيابك.....
فوزية/منو؟
مصعب/واحد اسمه سلطان الماجد...
ام مصعب/انا مااعرفهم ..
ابو مصعب/ولاانا بعد اعرفهم..علشان كذا انا كلمت اخوك فهد...
ام مصعب/ليش اخوي فهد يعرفهم؟
ابو مصعب/لا...بس سالم الشبيلي يعرفهم له علاقة فيهم الظاهر احد من اهله مناسبهم...
الجازي/اوووف بيصير عندنا عرسين يعني؟
ام مصعب بحدة/ماصار شي للحين؟
فوزية/ولابيصير بعد؟
ابو مصعب/لا ليه يابنتي عاد؟
فوزية قعدت جنب ابوها/لاني ابي اشبع منك ومن قربك ومن حنانك ولاحقين على العرس.....
ابو مصعب/انا معك يابنيتي وين بروح....وهاذي سنة الحياة واذا هو من نصيبك بتاخذينه يافوزية....
فوزية/وانت ليش تبي تتخلص مني بها السهولة؟عندك ولدك زوجه هو بالاول؟
مصعب بانفعال وبسرعة/لالالالالالا انتي بالاول؟
ام مصعب/حشى لله!!صارت حرب مو زواج!!
مصعب يعدل موقفه/يعني انا لسه باقي عليّ مني مستعجل؟
ابو مصعب/وش اللي باقي عليك بعد!!!مشاءالله حولك وحواليك مو قاصرك شي....
مصعب/أي يبى ماقلنا شي بس العرس لاحقين عليه وين بنروح منه...على قولة خالي فهد الزواج والعيال شر لابد منه؟
ام مصعب/وانت بس هذا اللي اخذته من خالك فهد؟
ام مصعب/ماهو بكيفه بنزوجه يعني بنزوجه..
ابو مصعب/انا الود ودي حتى الجازي اعرسها؟
الجازي باعتراض/يبى حرام عليك انا بعدني صغيرة؟
ابو مصعب/خلاص بعد وش تنتظرين...ودي ازوجكم ثلاثتكم بليلة وارتاح منكم؟
فوزية/زين يابو مصعب....هذا وتوك البارح جاي لنا وبتستقر ايانا من بعد غيبة اربعة عشرة سنة...مليت منا بسرعة...
ابو مصعب/ههههه لاوالله مامليت ودي اقعد معكم العمر كله واسولف واسولف ولااشبع منكم..
الجازي/اجل ليش تبي تعرسنا......
ابو مصعب/علشان اريح امكم منكم؟
يتبع,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك