رواية شرع ربي ولا اعتراض -82
عبدالعزيز/وش فيك يالبنى؟
لبنى/ ولاشي,,
عبدالعزيز/ علامك صايرة كبريت حبيبة قلبي,,
لبنى وهي قريب بتبكي وبعبرة قالت له/ مليت!!!
بحنان سالها/ من شنو؟
بعصبية ردت عليه/ من وضعنا!!! ها الظروف دايم واقفة لنا بالمرصاد متى بس بنكون لبعض ومابضطر اذل نفسي على شوفتك!!
عبدالعزيز بانفعال هادىء/ وليش تقولين انك تذلين نفسك عاد!!
قالت بعصبية/ لانك ماتبي تشوفني وانا اللي ذابحة عمري,,, عليك سكرت وهي زعلانة وحاسة انها بتنفجر باي لحظة ,,,,
نجود/انتوا اللحين لمى بتجون؟
نور/ليوم الاثنين
نجود/ياسلااام يعني ماتبون مراجعة!!
سكتوا كلهم,,,
نجود بلا مبالاة/اليوم مراجعة ادب وبكرة امتحان فيه واللي بعده مراجعة نجو واللي بعده امتحان فيه واللي بعد بلاغة والسبت امتحان فيه... واللي مايبي بكيفه انا بحط لكم طريقتي وبعرفكم على اسلوبي حبيتوا تفضلوا ماحبيتوا منتوا مجبروين,,,
ملاك/ اكيد نحب..الا انتي اسئلتك صعبة؟
نجود بنحاسة/والله طلوبني بالوزارة احط معهم الاسئلة؟؟
مروة بانفعال/اوووف يعني صعبة!!!
نجود/مدري والله يالله طلعوا الادب...
الجازي/انتي ممكن تجيبين لنا اشرحي الابيات..
نجود/اكيد بجيب مو يمكن؟
ملاك/أي بس مانحب احنا نشرح شي...
نجود/مو منتظرة منكم تحبون ولالا؟وابيها باسهاب بعد؟
شما/طيب عطيني فكرة عن الشرح اللي تبينه؟
نجود/ياسلاااام!!طول الوقت انا شسوي بالله بالفصل العب معكم؟؟ماتعرفون حتى شلون تشرحون بيت شعري؟
الجازي/نعرف بس نبي نشوف انتي شلون تبينه؟
نجود/ابيه مثل ماهو ..مثلا...بتقولهم لاتفشلوني الترم الثاني مع ابلة غادة لاني بتركم بالترم الثاني وبتمسككم هي؟
نص الفصل اعترض,,
نور/ليش ابلة؟
نجود/كذا صار التغير؟
مروة/أي تغيير؟
نجود/انا الترم الثاني امسك اولى رابع وابلة غادة تاخذكم,,,
الجازي/أي بس احنا تعودنا عليك وعلى اسلوبك ابلة نجود ومانبيك تتركينا؟
طالعوا البنات في ملاك اللي كانت قاعدة بكرسيها وهدوء وناظرتهم وهي تضحك..
نجود/ها..عسى ماشر ملاك انتي واللي معك وش فيكم؟
ملاك/ولاشي ناظروني ناظرتهم؟
نجود/نور...شما ..ريم...شفيكم معها؟
نور بتردد/نبيها تقول كلمة الفصل بينا وبين قرارك بتركنا؟
ملاك بهدوء/مابتتركنا..مستحيل انا مابرضى انها تتركنا...وانا بنت ابوي؟
نجود بحدة /ملاك طلعي برة؟؟
تلاشت ابتسامة ملاك اللي كانت مرسومة على وجهها من حدة نجود معها وبانت دموعها.....
نجود بتاْكيد وصرامة/سمعتيني ..طلعي برة بسرعة لاتعطليني عن الحصة؟
ام علي /شفيك يمه سرحان ومالك خلق..
علي بشرود/ها ,,مافيني شي..
ام علي/شلون عبير,,
تردد اسمها في باله و تذكر انه مادق عليها الا يوم تدق هي امس الصباح تصحيه من نومته وقال بارتباك /بخير..
ام علي بحزن/ يمه متى بشوف عيالك؟
تنهد بقوة وقال بعصبية وهو يفكر بلمياء/ كل شي حلو بوقته ياالغالية..
ام علي بتاْثر/أي لمتى عاد !!صار لك سنتين من تزوجت واللي كبرك عندهم اثنين وثلاثة وانا مو قادرة اتحمل اكثر ومااشوف عيالك؟
علي بنرفزة/يمه خلاص..
براحتك يمه/ قالتها بحزن,,وبعدها قالت بحنان/ احط لك شي تاكله؟
علي/ لا ماابي اكلت بالعمل,,
سكتوا شوي وبعدها قالت له/
يمه قوم اقعد مع ابوك شوي كاهو قاعد بالديوانية روح سولف معاه مايصير مبعد حالك وانت الكبير بين خوانك,,
قام وهو متضايق من ها السيرة وقال بعصبية/ انا نعسان وتعبان اذا قعدت من نومي رحت اسولف معه,,
طلع وتركها بروحها تجر حسراتها عليه وتدعي من الله انه يغير حاله لالااحسن بفضله ورحمته../ياربي ياحبيبي...هذا ولدي الكبير وحشاشة جوفي,,,ياربي اهديه واصلحه وابعد عنه الشياطين والاباليس,,,
الله يهديك يارب ياولدي ياعلي الله يهديك,,,
بوقت الفسحة,,,
هاجر/بنات وش رايكم نطلع السوق اليوم؟
منال/فكرة ممتازة..انا ودي اروح لي كم غرض لازم اشتريهم وافتك منهم هامين قلبي...
خافت نجود تقول أي وفهد مايرضى قالت بهدوء/ بشوف وضعي كيف لاني لسه ماخلصت الاسئلة وقت اللي بتروحون عطوني خبر وبشوف,,
هاجر/يو لاتقولين..
منال/بدونك ماراح يكون للسوق والتسوق أي طعم..
نجود/لا ان شاءالله اخلص قبل لاتطلعون...لازم اسلم الاسئلة بكرة..وبعدين السوق موجودة واي وقت بنروحها مع بعض ماهي طايرة؟
دخلت مها وقالت بحدة لنجود/ملاك الفايز تبكي؟؟
ناظرتها نجود وماتكلمت بس اخذت فنجان من الصينية وصبت لها قهوة وقامت تشربه وهي تناظرها..
مها بعصبية/تدرين منو اللي مبكيها؟
نجود بهدوء/أي ادري....انا...
مها/ياسلااام!!وتقولينها بكل وقاحة بعد!!
نجود حطت الفنجان بقوة وكان بينكسر وكل اللي بالغرفة ناظرها وهي معصبة/احترمي نفسك واحترمي الفاظك!!على مااعتقد ان احنا قاعدين بمدرسة مسؤلة عن تربية وتعليم مو بقهوة ؟؟؟
مها قالت بتهديد/قلت لك من البداية لاتقربين صوبها بس انتي ماتسمعين الكلام,,مدري شعليه شايفة نفسك؟
نجود باحتقار/مااعتقد انها جت وشكت لك الحال واني مزعلتها !!بس مدري ليش عاطية نفسك اهمية...عمومااللي يحشر نفسه بين البصلة وقشرتها ماياخذ الا ريحتها؟
مها بنرفزة/وش تقصدين؟
نجود/هي قالت لك اني مزعلتها وتبيك تكلميني؟
سكتت مها شوي وبعدها قالت/انا مسؤلة عنها هنا بطلب من ابوها الله يخليه؟
نجود باحتقار/ويخلي فلوسه اللي تشتري الكل؟الا صدق...جابت لك طقم العطور بالاسوبع اللي فات..لانها عطتني اياه وانا قلت لها ان نفسي عزيزة وماانشرى بهدايا من احد؟؟؟فقالت مالي الا ابلة مها؟؟؟؟؟؟؟
سكتت مها والكل كان يناظرها وجت ملاك وهي زعلانة ووقفت عند باب غرفة المعلمات ودقت الباب وانتبهت على مها اللي واقفة قبال مكتب نجود وحست ان السالفة بخطر..
سعدى/ملاك..تبين شي؟
ملاك بهدوء وهي تناظر بنجود/ابلة نجود..مشغولة ولافاضية؟
نجود بحدة/لامشغولة؟اصحح دفاتركم ..تبين شي مهم؟
ملاك بتردد/لا خلاص برجع لك بوقت ثاني,,,,
العصر,,,,
جواهر/تدري اني قررت قرار حاسم,,
نجود/الا ,,وهو,,,
جواهر/اني اترك الدنيا هنا واروح مع بندر جدة؟
نجود بسخرية/هذا الجنون بعينه!!!
قلبي مايطاوعني ابدا يانجود اني اخليه متغربل هناك وحتى بعد الزواج يظل عزابي لامن اكل ولامن شرب ولامن لبس ولامن...انا ماارضاها له ابدا !!
نجود/وقلتيله!!
جواهر/ لابعدين وماارح اقوله الا بليلة زواجنا ولابعد مانرجع من شهر العسل,,,
نجود/ انا اشوف انك تفكرين عدل بالسالفة,,,
جواهر /انتهيت منها ,,,هذا حبيبي اللي مااستغني عنه وعن وجوده بحياتي,,, لو تدرين وش قد حاسة اني صغيرة بوجه نفسي بعد سالفة القاعة وهو يراكض من هنا وهنا ومايبيني احس بشي كبر مقداره بعيني مرات يانجود؟
نجود باصرار/ولو,,, راجعي حساباتك ياجواهر هذا مصير مو تبيعين كل شي علشانه الا اذا...
جواهر قاطعتها بتاْكيد/ واثقة منه و من حبه ومومحتاجة اعيد حساباتي يانجود..مو كل يوم بلاقي لي حبيب,,وبندر انا عايشة معه اكثر من سبع سنين,,عرفنا بعضنا زين وفهمنا بعض...
مضاوي/شفيك
لبنى بضيق/ولاشي...
مضاوي/أي بس اللي يشوفك يقول في شي,,,
لبنى بضيق/مدري حاسة اني متضايقة,,
مضاوي/من شنو؟
لبنى بتنهيدة طويلة/الله اعلم,,,
مضاوي بهمس/قولي ,,انا اختك واسمعك..
لبنى/صدقيني مافي شي محدد..حاسة اني مخنوقة بس من شنو مدري,,,,,,,,,,,,,,,,,,,,,
صحيح السالفة اللي خبرك..نجود كلمتني امس وقالت لي ان ناصر فاتح ابوي انهم يبون يجون يخطبون رسمي....
مضاوي بفرح/أي..وبعدين..
لبنى/مدري..الخبر ناخذه اذا جت امي؟
مضاوي بتردد/لبنى..متاْكدة مابتزعلين؟
لبنى بضيق/لاتصيرين غبية وتساليني ها السؤال كل شوي!!قلت لك انا سجن ابوك هذا مابطلع منه الا اذا عطوني الشي اللي انا اختاره مو هم يفرضونه عليّّّ!!وبعدين انا مو مستعجلة على الزواج صدقيني..وبفرح لك اكثر من فرحتي لنفسي يامضاوي واقسم لك,,,
في بيت الفايز..
كانت قاعدة بغرفتها ودخل ابوها عليها..
ابو رائد/ملوكتي..
رفعت راسها/يبى..
ابو رائد/علامك زعلانة حبيبتي..منهي هاذي اللي مزعلتك؟
ملاك/محد؟
ابو رائد/وليش ماتبين تقولين لي عنها علشان ااْدبها لك؟
ملاك بنرفزة/يبى مها تكذب عليك!!وبعدين انا ها مااواطنها بعيشة الله ومدخلة نفسها بكل خصوصاياتي وكانها هي اللي مسؤلة عني مو انا مسؤلة عن نفسي؟
ابو رائد/شلون يعني!!
ملاك بنرفزة/يعني انا مو طايقة مها..
ابو رائد/واللي اسمها نجود؟
ملاك/يبى...انت مو تبي الشي اللي يرضيني انا!!
ابو رائد/اكيد..
ملاك/خلاص ماعليك من مكالمات مها ولا من اللي تقوله لك ..هي بس مقهورة لان يدي صارت شحيحة عليها ها الايام؟
ابو رائد/الخير موجود واذا هي خادمتك لاتبخلين عليها؟
ملاك بضيق/يبى انا مليت منها..مو قادرة اتنافس الا وبعدت الكل من طريقي!!
ابو رائد/وش تبين في الكل وانتي بنت الفايز؟
ملاك/أي بس انا ابي افرض شخصيتي انا مو هي تقولي شسوي؟
ابو رائد/اللحين خلصيني لاني ماعندي وقت شتبين اسوي لك...في نجود؟
ملاك/ولاشي..نجود انا اتفاهم معها ومها ياليت تكلمها وتقولها لاتتكلم بلسان حالي!!
ابو رائد/بس هذا اللي تبينه؟
ملاك/أي بابا..وسلامتك...
نجود/وليش لا
فهد/سالتيني وانا قلت لك لا؟
نجود/مو كاْنك ها الايام صارم معي شويتين؟
فهد/لا..
نجود باصرار/ بلى.. حتى اذا قلت لك ابي اغراض من السوبر ماركت ولا الصيدلية تقول لي خلي السايق يجيبهم ولاكتبيهم لي وانا اجيبهم لعندك انتي مالك لزمة تطلعين!!
فهد/وانا الصادق اذا مالك سالفة لاتطلعين..
بحرارة قالت/ ليش تغار عليّ!!
ماجاوبها وتنهدت بحرقة وقالت بزعل ليه دايم تقصر معي يافهد وتبخل بمشاعرك وماتطلعها,,,
فهد بهدوء/وش اللي تبينه اللحين؟
نجود/انت ليه كذا!!
فهد/مافيني شي,,
نجود بنرفزة لحقرانه وانه مسوي روحه مايدري هي وش تبي/طيب بنشوف احقر وانا بعد بحقر..
سكت وسكتت بس بعدين قالت بلهفة/ شخبار فيصلوه اللحين ماصار احسن؟
فهد/الا.. لو ماصار احسن ماشفتيني جيت المكتب؟
أي بعد هذا ولي العهد واللي ساكن بالقلب؟ قالتها بغيرة ,,
مارد عليها بس كان يبتسم بينه وبين نفسه وهو يتخيل شكلها كيف صاير وهي معصبة,,,
كملت بنفس الغيرة وقالت/الله يرحم بحالك يانجود انتي ولمى وسارة مالكم مكان مثله!!
فاجائها سؤاله/انتي تحبين عيالي يانجود؟
بس تداركت الموضوع وجاوبت بطريقة ثانية/انت التجارة الرابحة بها العالم بالنسبة لي...وكل مايخصك معتبرته من ارباح ها التجارة؟
بحيرة رجع يسالها علشان تجاوبه/وانتي تحبينهم ولاتكرهينيهم؟
قالت له ها المرة بصراحة/اغار منهم!!!من قربهم منك طول الوقت؟؟؟من حملهم لااسمك,,,من البيت اللي يجمعكم مع بعض ,,من كل شي يافهد كل شي,,,بس يظلون لمى وفيصل قطعة منك ومااملك الا اني اخاف عليهم كثر خوفي عليك وحبي لك....
بضيق قال/لمى وفيصل؟؟؟؟؟بتطولين وانتي شايلة على سارة بقلبك؟
نلا مبالاة قالت/ومن قال اني بشيلها من بالي وارضى عنها اصلا!!!سارة انا لها يافهد وياهي ياانا!!!!وصدقني بربيها من جديد؟؟؟
هنوف/ ممكن توصلني بيت صاحبتي باخذ منها غرض؟
ناصر/للحين؟
هنوف/أي.. ليش عندك شي...
ناصر/لا..خلاص بس اجيب مفتاح سيارتي واجي...
طارت من الفرح....واول مارجع وبيده المفتاح وشغل السيارة وقعد فيها
ركبت معه وجنبه وماعلق لانه كان يعتبرها مثل نورة بس هي كان غرضها شي ثاني غرضها انها تكون بقربه وتحسسه بوجودها قالت تلفت نظره
هنوف/ متضايق من قعدتي؟
ناصر/لا
هنوف/مالك حق تتضايق,, انت موسايق علشان اقعد وراك!!! انت ولد عمي ورابيين مع بعض صح ولالا؟
ابتسم لها بهدوء وقال/صح..
هنوف بتردد/وش فيك مو على بعضك؟
تنهد ناصر بحزن وقال/سوالف وهموم ماتخلص...
تنهدت وقالت/ شايل هم منو ها المرة ؟
لف لها وشافها زعلت قال بمرح/ وليش مضيقة خلقك؟
بتاْثر وعصبية قالت /علشانك انت!!انت ماترحم نفسك وشايل هم الللي حوالينك كلهم وماقاعد تفكر بنفسك؟
ناصر ابتسم/لاتخافي انا قاعد افكر بنفسي وبتسمعون خبر حلو قريب ان شاءالله
بفضول اسئلت/ شنو ها الخبر ياترى؟
بمرح قال/ مابقولك ياملقوفة,,,,
بندر/سمعي كلام حب ماكلام حب ماكلام غزل مافيه زين,,,
جواهر باستسلام/ان شاءالله...
بندر/أي لين العرس...
جواهر بضحكة/ولايهمك..
انفجر فيها بمرح وقال/ طبعا حاضرة لها الاشياءوالتقصير بحقوقي؟
جواهر/هههههه مو لازم اطيعك بكل شي...
بدون مقدمات قال لها/احبك,,,
جواهر بدلع/والمطلوب!!
بندر بامر/تقولينها طبعا...
جواهر بعناد/واذا ماقلتها؟
بندر بمسكنة/كيف اعرف انك تحبيني!!
جواهر/بتعرف ..قريب بتعرف..
بندر/ليه يعني؟
جواهر/في شي بتعرف لمعزتك عندي وان مافي شي بالدنيا يساويك بقلبي,,
بندر/صحيح ياجواهري,,,
جواهر/طبعا..تدري ليه..لانك شي نادر بها الكون بالنسبة لي..شي مامنه اثنين يابندر,,كان فيه واحد بس هاا لواحد انقرض قبل مليون سنة ومابقى غيرك حبيبي عسى الله لايحرمني منك...
كانت قاعدة بهدوء تشاهد توم جيري مع مريم ومشاري دخل ينام بدري الليلة علشان عنده مشاوير بكرة للشركة من بدري..
كانت منسجمة حيل مع الكرتون وهي تضحك لضحك مريم وتتاْثر بمقالب الفار للقطو,,,,
لين دق جوالها معلن ان رسالة وصلت لها وشالته فتحته بهدوء وجمدت عينها..
ماصدقت ان حالتها تهدا من بعد شوفة علي الا وعلي بكبره راسل لها ورجع لها حالتها الكئيبة مرات(متى ممكن اكلمك)
شتقوله اللحين ولاشلون ترد عليه؟
مستحيل انها تقوله أي شي ومستحيل انها تحقره تخاف لايسويها له شي..
بدت دقات قلبها تقوى وتتسارع وبداْ العرق يصببها من كل جهة وتنمل جسمها وتجمدت اطرافها وحست بحر وبرد متداخلين مع بعض يشلون حركاتها ويخنقون انفاسها....وظلت ماهي قاوية تتحرك ولاتفكر باي شي؟؟؟
لان اللي جاي لها بالقريب مصيبة ماتدري كيف تطلع منها!!!!!
في مطعم لفانا بالدمام...
هنوف/اول مرة اجي هنا..
ناصر/لاجيت انا من قبل مع ربعي..
هنوف بحسد مرح/وانت شغلتك بس بالمطاعم؟
ناصر بضحكة/يبى علشان اعرف الزين منهم من الشين وماارجع للشين من جديد؟
برومنسة قالت/معناته بتطلب لي على ذوقك اليوم!
بنحاسة قال لها/ بس تدفعين لي ولك!!!
كشرت ملامحها وحمد ت ربها انها متلثمة وقالت بدون نفس لانه دايم يخرب رومنسيتها معه/مو مشكلة؟
ناصر/ههههههه
كانت تتامله من تحت لثامها وهي ودها تشيل اللثام لين قال لها بهدوء
يكون ماشفتك قبل وانتي كاشفة وجهك؟؟يبى فتحي,, بس مدري شلون بتاكلين؟
فتحته وهي بقمة الارتباك يمكن لانه هو بنفسه طلب ها الشي منها
كانت عيونها تاكله وين يروح وشلون يتكلم وماهي مركزة بغيره فجاءة قال لها وش فيك ليه ماتناظرين وتطلبين لك من القائمة شي؟
انتبهت له يناديها وابتسمت وقالت/كنت اسمي عليك من عيون اللي بتحسدك؟
بمرح قال /واحد غيرك بيحدسني!!!
قطع عليهم جوال ناصر وكانت نجود المتصلة رد بفرح وقال/ هلا بالغالية ...اي دقيت عليك كنت ابيك بسالفة..ماوصلك المسج !!طيب ماعطيتيني رايك..لاني بقول لاابوي,,وتكلمينه انتي اذا نزلتي يوم الاربعاء.. حلو ..ماتقصرين عسى عمرك طويل عمتي نجود.ماننسى افضالك علينا...طيب حبيبتي توصين على شي..يالله شكرا...
سكر ولف لهنوف بيتكلم لقاها غطت وجهها وشكلها كان متنرفز..
بهدوء ساْل/علامك!!
بعصبية واضحة كانت تحاول تخفيها قالت/ولاشي.....
ناصر/هنوف..فيك شي...
هنوف تنهدت/لا...بس ابيك تتعشى علشان نقوم نروح مالها لزمة قعدتنا اكثر بها المكان!!!
ظل ساكت فترة طويلة وهو يناظر فيها والف سؤال بداْ يداخله لين قال بعفوية/انتي تكرهين نجود؟
بحدة قالت/لا..وليه اكرهها وهي بنت عمي!!
ناصر بنفس العفوية/وماتلاحظين ان بمجرد يجي طاريها ولاسيرتها تتغيرن؟
بانكار قالت/لا... انت تتخيل!!!
كانت قاعدة بغرفتها وهي حاسة بالضيق والقهر من شنو ماتدري؟؟
كل اللي تعرفه انها من قعدت من النوم ونفسيتها قالبة على كل شي,,,,
لمتى بتظل تكذب على عبدالعزيز وبتقوله ان عندها ظروف ماتدري!!!وكاْن ها الظروف ماتتحسن ولاتتغير؟؟؟بس ماهي عارفة شتقوله...تعال انت واهلك وانا عارفة ان ابوي لابيعبرك ولابيعبر اهلك وبنروح فيها كلنا؟؟ويمكن اخسرك للابد بعد!!!
بس شسوي...والله تعبت..هذا ابوي وهذا تفكيره..وعبدالعزيز مو راضي يجاريني ويقولي تعالي نتزوج بالسر ويخليني حتى اعيش بها الحلم ومسكرنها بوجهي!!!!
شسوي يادنيتي شسوي..عيشة بدونه مقدر اعيش!!!
وحياة من بعده ماعندي!!!
قطع افكارها صوت مسج وهي اللي توها قبل ربع ساعة بس فتحت جوالها من يوم تقفله الضهر بالكلية وكان من عبدالعزيز(أحتميت بظل قلبك عن متاهات الليالي
وقت فرحي .. وقت همي
صرت لي ظهري وعوني
من يعوضني غيابك
لو خذاك البعد عني
أمة آدم في غيابك
كلهم ما يعوضوووون,,,
///حبيت اسمع صوتك لاني من الضهر قلقان عليك ومن تقفيلتك الجوال بكبره ومن اسلوبك معي!!عمري اذا انا مضايقك بشي قوليلي يمكن اني ماعرفت ابين مشاعري بالطريقة الصحيحة وفهمتيني غلط بس وحياتك انا احبك واموت فيك وانتي عارفة ها الشي عدل يالبنى,,,سمعيني صوتك وريحيني لاني عايش بعذاب وقاعد افكر فيك)
بانت الدموع بعيونها وحست بندمها على تعاملها معه كذا,,هو يحبها واللي فيه يكفيه تجي بعد هي والدنيا وتصير ضده!!
مسحت دموعها باصبعها ودقت على رقمه بسرعة وهي فعلا مخنوقة ومو عارفة تقول أي شي,,,,
جاها صوته بسرعة ولهفة/عمري..شلونك ,,طمنيني عليك..
جاها صوته بسرعة ولهفة/عمري..شلونك ,,طمنيني عليك..
لبنى بضيق/بخير لاتخاف علي!! انا بس حبيت اقولك اني اسفة على اللي صار اليوم كنت متضايقة ومنفعلة وانت اللي صرت قدامي وبجهي؟
عبدالعزيز باصرار/لبنى شفيك ياحياتي!!صوتك مو طبيعي ابدا!!احد مزعلك ولامضايقك,,,قولي ياعمري والله لااذبحه واخذ فيه مؤبد ومايهمني يكفي اني اكون جنبك واخذ لك حقك من ها العالم!!!
كلامها بس هو اللي قدر يترجم مشاعرها المكبوتة المتراكمة وفجر فيها براكين من الدموع والشهقات....
عبدالعزيز بخوف/لبنى...لاانتي فيك شي...قولي شفيك؟
لبنى من بين دموعها وبصوت ضعيف/ولاشي...بس انت قولي لااي مدى تحبني!!
عبدالعزيز/للمدى اللي بيريحك....انتي زعلانة لاني مااعارف اعبر عن مشاعري ناحيتك؟
بضعف قالت/لاطبعا..انت اصلا من يقدر يضاهي شعورك ياحبيبي بس انا فعلا كنت متضايقة..
عبدالعزيز/وانا مصر اعرف ليش؟
لبنى بارتباك/لاتشغل بالك..
عبدالعزيز/ابي اشوفك اللحين اقدر؟
لبنى بذهول/جنيت انت!!!قالوا لك ماعندي اهل اطلع بها الوقت؟
عبدالعزيز بنرفزة/وانا شيصبرني علشان اعرف وش فيك ومن شنو متضايقة؟
بضعف قالت/خلاص مافيني شي صدقني..
عبدالعزيز باصرار وبدون مناقشة/بكرة تطلعين للكلية وبمرك هناك ماني رايح الدوام وباخذك من على باب الكلية اتفقنا!!
بارتباك قالت/بس!!
عبدالعزيز/انا متاْكد ان فيك شي وماتبين تقولينه...بس اذا شفتك بتقولينه لي وبعرف كيف اخليك تتكلمين!!!!
ناصر/اقول يبى..
ابو علي/قول ياناصر شعندك؟
ناصر/شقال عمي؟
ابو علي/سكت ماقال شي..
ناصر/وانت شرايك؟
ابوعلي/خليه يومين يهداْ وبرد اكلمه بالسالفة...ومايصير الا الخير؟
ناصر/طيب انا شقول لخالد اللحين ماابيه يحس اني اتهرب منه اذا سالني؟
ابوعلي/صرفها يااخي قوله عن العزاء اللي عندهم وانك مو معقولة تفتح ها الموضوع معهم اللحين ودبر نفسك..
ناصر/طيب .....
ابوعلي/انت عندك شي ثاني تبي تقوله..انا اسمعك؟
ناصر/لهدرجة انا مفضوح ومبين من عيوني؟
ابوعلي بحب/انت ولدي ياناصر ومافي ابو بالدنيا مايدري عياله شيبيون يقولون؟
ناصر/عسى الله يخليك لنا يالغالي ولايحرمنا منك..
ابوعلي بمرح/اختصر كم بغيت!!
ناصر/هههههه بغيت رضاك عني اولا واخيرا,,
ابوعلي/انا راضي عنك دنيا واخرة ياولدي ياناصر؟
ناصر/يبى انا ....
ابوعلي بخوف/علامك ياناصر خوفتني؟قول يبى شفيك؟
ناصر بخجل/ابي اتزوج يبى؟واكمل نص ديني,,,,,
في الصباح ومثل مااتفقوا تماما كان عبدالعزيز بسيارته الكامري القديمة واقف قبال الكلية عند باسكن روبنز تماما وهي بمجرد نزلت من الباص لفت يمين بسرعة علشان لاتلحق على الشرطي ولاالمطوع ومايشوفونها..
كانت تمشي بسرعة لين حست انها بتطلع روحها من كثر الارتباك والقلق...وهذا حال اللي يسوي الشي وهو خايف منه وبس ركبت سيارته تنفست الصعداء وقالت بسرعة وانفاسها تتلاحق/امشي بسرعة..
كان يناظرها بشكلها وا نفاسها المتسارعة كيف صايرة والاهم من هذا كله انها قعدت جنبه مو وراه!!!
حرك سيارته وبعد صمت طويل وبمجرد ابتعدوا عن شارع الكلية كلمها..
عبدالعزيز بهدوء/صباح الخير..
لبنى انتبهت انه يكلمه ولفت له وقالت/ليش انا نمت علشان تصبحني من الاساس!!!
عبدالعزيز/وين تبين نروح؟
لبنى/حبيبي انا خايفة؟
عبدالعزيز/اذا انتي خايفة مرة فاانا خايف مليون صدقيني!!!بس انتي فيك شي ومالازم تخبين عني صح ولا انا غلطان!!!
تنهدت بقوة وقالت/مافيني شي بس انت ليش مصر ماادري!!!
انتبهت بعد ثواني انها جالسة جنبه وحست بالارتباك وسكتت...
عبدالعزيز/تبي نروح نفطر؟
لبنى بضيق/انا مالي نفس.....اذا تبي روح وانا بجلس معك لين تخلص..
عبدالعزيز/انا ماابي اكل ابي اسمعك,,,,
وصلوا بها اللحظة لعند الكورنيش وكان فاضي مرة ومافيه غيرهم ...
عبدالعزيز/تبين ننزل نمشي على البحر شوي..
لبنى/لا...
لف لها وقال بحنان/لبنى شفيك....مليتي مني؟؟؟
تنهدت وبكت وقالت له بسرعة/معقولة تفكر ها التفكير حبيبي...
قال بحنان اكثر/طيب طمنيني والله مارقدت طول الامس وانا افكر فيك....
حطت يدها على فمها علشان تكبت صوت شهقاتها بس عيون عبدالعزيز عليها وما راح عن باله انها قاعدة تبكي بصمت..
سالها بهمس/ليش تبكين؟
بقوة قالت/بس انا ماابكي!!!!!!
مدر يده بدون مقدمات وشال طرحتها اللي كانت مغطية وجهها وانفجرت تبكي بقوة يوم شافته يناظرها,,,,
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك