رواية شرع ربي ولا اعتراض -30
جواهر/طيب وين الحل؟
نجود/ماشفتيه كيف كان متضايق وتعبان ياجواهر؟؟؟
جواهر/اذا تبين راي البعد عنهم اريح!!انتي ماشفتي محمد اخوهم امس كيف كان يناظرني؟
نجود/محمد؟
جواهر/أي...تذكرين يوم اجيك الرياض ونروح جرير واقولك اني غسلت شراع واحد كان يناظرني؟؟؟
نجود/أي...
جواهر/طلع ها الواحد نفسه محمد اخو منال...امس شفته بالجبيل ونفس الشي كان يناظرني ولو ماكان فهد قريب منه وعبير معي كان غسلت شراعه بعد !!!
نجود/حاسة راسي بينفجر ياجواهر مو قادرة افكر بشي ابدا!!!
جواهر/متى بيرجعون الرياض؟
نجود/فهد بيرجع الليلة؟
جواهر/ماهو مبيت هنا؟
نجود/لا...يقول تعبان ومو قادر يقعد اكثر....
جواهر/ونجلاء رضت تروح والباقي قاعدين؟
نجود/وشدعوة عاد فهد بياخذ بشورها؟؟؟هو الرجال واللي يبيه يسويه؟؟؟
كان فهد يمشي وهو ساكت طول الطريق والعيال نايمين ونجلاء بعد ..بعد مااعترضت على رجعتهم الرياض بها الوقت وهذرت لين شبعت نامت وظل هو وطيف نجود وسيجارته بس اللي سهرانين!!!
كل ماحاول يشيلها من باله مايقدر.....وهو يتذكر كلامها عنه ..اي كانت نجود تقصده ...بس ياليتها قالتها صراحة..كان محتاجه منها بقوة!!!
جاه مسج بجواله واسثقل يفتحه بها الوقت لانه حس انه واحد غلطان ولا منو اللي بيرسل له مسج والساعة داخلة على ثلاث الفجر!!
فتح المسج وكان من نجود صار يقرا شوي ويناظر بنجلاء شوي..
(البنت اللي قلت لي عنها تقولك انتبه على نفسك وانت تسوق,,,وتاكد ماشغل بالها وافكارها غيرك لابا الوقت ولابوقت الطيش!!انت الوحيد اللي كانت تنتظره من زمان!!
ريح لك شوي بالطريق ولاتكمل المشوار علطول خذ لك بريك كل نص ساعة وقوم ريح ومشي شوي..
وقلبها وتفكيرها بيكونون معك لين توصل بالسلامة وتطمنها)
تنهد بقة ووقف السيارة على جنب وكانه ينصاع لااوامرها...
مايدري ليش حاس بانجذاب لها...هل لاانها قاعدة تدخل من الجوانب اللي اهملتها فيه نجلاء!!!ولا لانها فعلا قاعدة تحرك فيه مشاعر اندفنت فيه وثارت يوم حركتها بلمساتها!!!!
ليش يامصعب ليش؟؟؟تمنيتك ماصارحتني ولاقلت لي ولاتخليني بها الحيرة اللي انا فيها!!!!
يوم الاربعاء بغرفة بندر...
كانت جواهر فيها من الضهر بعد مارتبتها له وبخرتها وحطت فيها شموع بكل جهة وجهزت له حمام ساخن وموسيقى كلاسيك ومزلت تجهز له العشى مع خالتها......
دخل بعد ماسلم على ابوه ومامر المطبخ لانه توقع يشوفها هنا مثل ماقالت له...
شاف الاضاءة والشموع وابتسم وماقاوم يدخل الحمام الساخن ويسبح فيه وهي مجهزته وحاطة له فيه ورود ورغاوي وكل اللي يفتح له نفسه...
,,,,,,,,,,
هنوف/مو كانه طول؟كل اسبوع يكون وصل بها الوقت!!
جواهر/لاتخوفيني!!!
لبنى/تلاقين الطريق زحمة ولا ..
جواهر/انا يوم اكلمه من شوي قال لي انه طلع من المطار؟
ام بندر رفعت جوالها ودقت عليه/مايرد؟
جواهر/ياربي ...
مضاوي/مافي الا الخير ياجواهر...
هنوف/طيب وين ابوي؟
ام بندر/ابوك معزوم مع عمك في بيت الشامسي وطلع توه ...
جواهر/بركب اجيب جوالي وبدق عليه بشوف...
طلعت جواهر..
ام بندر بخوف/ياربي احفظه....
لبنى/انا هاذي الحركة مااحبها انهم يطنشون ومايردون؟طيب في ناس هنا تحتري وقلبها بيوقف ردوا طمنونا!!
مضاوي/الله اعلم بللي هو فيه يالبنى!!
دخلت الغرفة وهي قلبها بيوقع من الخوف ..المفروض انه يكون وصل من بعد المطار عاد!!!صار له ساعة من قال لها انه طلع من المطار!!
ماانتبهت على اغراضه الموجودة لانها كانت تدور جوالها وين حطته....
اخر شي كانت تشتغل فيه شنو...اي الحمام يوم تحط الرغاوي بالماي الساخن ..
فتحت باب الحمام وكان بندر مبسوط بالماي ولاف وجهه على الجهة الثانية وهو عارف انها هي اللي جاية لان خواته مايعتبون غرفته بعد بيدخلون حمامه!!وقف قلبها يوم شافت جسم متمدد بالحمام اللي مجهزته لبندر وصرخت صرخة قوية خلت بندر يلف وجهه لها وهو يضحك..
بندر/كل شي يخوفك يالبزر؟
جواهر بخوف/بندر انت من متى هناّ!!!احنا قالبين الدنيا عليك وانت تسبح؟؟؟
بندر/ماقدرت اقوم شكل الماي وريحته....تعالي معي!!
جواهر/كذاا وقفت قلبي....!!ياويلك مني؟؟؟
بندربخبث/ههه تعالي عاقبيني اللحين؟
جواهر وقفت وطلعت..
بندر/تعالي...
جواهر/بنزل اقول لاامك وخواتك انك هنا!!تراهم كلهم ينتظرونك ويحاتونك؟
بندر/وتجين بسرعة!!!علشان تجهزين لي ثياب!!
جواهر/جهزت لك ماانتظرك؟
بندر بعناد/اذا ماجيتي ماراح انزل !!بظل بالماي اللي بيبرد وبمرض؟؟؟
جواهر ابتسمت ونزلت....
سارة/صراحة انا ماانبسطت اصلا!!!
فهد/منو قال لك لاتنبسطي؟
سارة/وديتونا الفناتير والسباحة ممنوعة بس انتوا سبحتوا!!
فهد/عندك مزرعة فيها بركة روحي سبحي منو ماسكك؟
سارة/والمجمع اللي رحنا له هناك مو حلو ماعجبني!!!
لمى/أي بس رحتي يوم ثاني مع امي مجمع الضهران لليل وتسوقتي على راحتك!!
سارة/ومنو قال لك ان شاءالله تروحين معهم بيت نجود ولابيت اهل لمياء؟
لمى/أي بس انبسطنا!!
سارة/انا ماانبسطت ..ليش ماقعدنا مع بيت عمتي وبيت عمي هم الليلة بيرجعون؟
فهد/معليش بابا مرة ثانية بوديكم وبخليكم تنبسطون اكثر؟؟؟
لمى/بابا قول لها توريني الاغراض اللي شرتهم لها!!
فهد/انا ماورتني اغراضها؟؟؟
سارة/امي تقول خلاص انتي صرتي كبيرة وماتوريني اغراضك احد!!
فهد/حتى البابا!!!انتي تكبرين على الناس اللي حواليك بس مو على البابا ياسارة!!
سارة/هي قالت كذا!!
فهد/وانتي وش رايك ياسارة؟تكبرين على البابا؟
سارة/لا..بروح اجيبهم علشانك بس مو علشان لمى؟؟
فهد/سارة!!!تعالي قعدي بقولك شي قبل لاتجيبن اغراضك؟
قعدت سارة..
فهد/لمى بابا وين اخوك؟
لمى/مدري.
.فهد/كيف ماتدرين؟؟قومي شوفيه حبيبتي!!
قامت لمى وفهد كان بس يبي يصرفها..
فهد /انتي ليش تكرهين اختك!!
سارة/لانها ثقيلة دم!!!
فهد/حرام عليك اللحين لمى ثقيلة دم!!
سارة/أي وملقوفة بعد!!!
فهد/لا ياباا عيب...
سارة/هي دايم تتدخل باشياء ماتعنيها!!وتسال عن كل شي؟؟
فهد/طيب مو انتي اختها الكبيرة فهميها يابابا ان الشي اللي تسويه غلط!!علميها كيف تتصرف هذي مهمتك انتي,,انتي الكبيرة وهم مسئوليتك؟
سترة/يعني انا اللي اعلمها هي وفيصل كل شي؟
فهد/أي...علميهم الصح والغلط وخلهم يكونون مثل عيالك..انتي ترضين لعيالك يتعلمون شي غلط وانتي تدرين انه غلط؟؟
سارة/لا
فهد/خلاص..علميهم الاشياء اللي انتي عارفة انها صح والاشياء اللي انتي محتارة فيها تعالي ساليني عنها بدون مايشوفونك وانا اقولك اذا كانت غلط ولاصح زين بابا؟
سارة/طيب.....بس امي دايم تقول انك تحب لمى اكثر صحيح ياباب؟
فهد/انتي شتشوفين ياسارة؟
سارة/.........
فهد مسك برواز صورة كانت وراه فيه صورته مع سارة ولمى وفيصل وعطاها اياه/شفتي ضحكتكم كلكم بها الصورة ووقفتكم جنب بعض!!انتوا عندي كلكم بنفس المعزة ياسارة كلكم قطعة مني يابابا!!ومااحب احد اكثر من الثاني ياسارة....مو كل شي تسمعينه تصدقينه.انتي كبيرة تعالي اسالي وقولي انا سمعت كذا صح ولالا؟
ناصر/ياسلام قهوتك تجنن يانجود..
نجود/طبيعي بتجنن مو انا سويتها؟
ناصر/الواحد مايمدحك ولايجاملك ابدا!!!ذكرتيني بمنو؟
نجود/بمنو..
ناصر/ابو فيصل عم صاحبتك...مدري وش عليه شايف الناس!!يادوبه يتكلم ولايضحك!!غير عن اخوه تماما!!
نجود بارتبك/تقصد فهد؟
ناصر/أي ابو فيصل....مع ان مصعب روعة ومحمد كذلك وابو مشاري رجال وقور وهيبة ويعجبك...بس هو مدري وش عليه شايف نفسه ..درينا انك محامي وكداد!!
نجود بعصبية/صل على النبي!!
ناصر/وانا بحسده؟؟
نجود/تسويها ؟؟عيونك حارة!!!!!
ناصر/ولنفرض سويتها..انتي وش ضارك عاد!!!
نجود/لاتهذر واجد....وين اخوك؟
ناصر/وانا شدراني عنه!!!حالف لساني مااحطه بلسانه؟
نجود/..........
ناصر/شلون عبير؟
نجود/نص ونص...
ناصر/والله محد رايح فيها غيرها المسكينة!!!
نجود/ادعي له الله يصلحه!!بس تدري في شي لازم اعرفه منه..وينه هو؟
ناصر/سيارته مو هنا شكله طالع!!
جيب التلفون بدق عليه....
دقت عليه وكان مقفل..
نجود/خسارة كنت اتمنى اروح وانا منتهية من سالفته بس شكلها مطولة مع علي!!!!
بغرفة بندر..
كانوا حاضنين بعض بعد ماتعشوا وسهروا مع امه وخواته ..
جواهر/تعرف انك لازم تعتذر لي بماانك خوفتني!!
بندر/حلضرين,,,كيف تبيني اعتذر لك ياقلبيي!!احضنك ولا ابوسك؟
جواهر دفنت راسها بصدره وقالت له/تقعد معي اطول وقت ممكن..
بندر حط يده على شعرها/وانا ويني ..كاني بحضنك؟
جواهر/حبيبي...
بندر/قولي ياقلبي..
جواهر/الليلةمالك مفر ..بتقولي متى بتنتهي دورتك لاصدقني انا بعرف بنفسي!!
بندر/هههه وكيف ذي بتعرفين بنفسك؟
جواهر/وانت شعليك كيف بعرف اصلا!!!قول..
بندر/انتي ماودك تتركين التدريس هنا وتجين معي جدة؟
جواهر/تمزح ولاتتكلم جد؟
بندر/انتي وش رايك؟
جواهر/اكيد تمزح!!!!
حضنها بقوة وماعلق باي شي.......
يوم الخميس مر بسرعة واهل الرياض رجعوا لرياضهم وبندر وجواهر كانوا مع بعض طول الوقت وعلي وعبير ماتغير حالهم ونجود مالتقت بعلي ابدا بها اليومين ياهو نايم وهي تنتظره ياهو قاعد وسهران وهي نايمة!!!وسالفته ماعرفتها رغم انه عرف انها جاية عن طريق نجود ومو عارف كيف يفتح معها الموضوع؟؟؟
ليلة السبت...بالمطار....
جواهر/بندر؟؟
لف بندر للصوت اللي ناده واللي تاكد انه جواهر..
بندر/هلا ياقلبي وش ها المفاجاْة؟؟؟وينك طول اليوم حاقرتني وانتي بجمعة المعلمات وكانه بندر ماستاهل يشوفك؟
جواهر/........
بندر بهمس/عارف ان ضميرك انبك وجيتي تبوسين قبل لاامشي وانا زعلان لاني ماشفتك طول اليوم؟
اعلنت الرحلة توجهها لجدة ووقف بندر ويده بيد جواهر اللي ماقالت ولاشي من قعدت جنبه لف لها وكانت عيونها تبكي..
بندر بهمس/حبيبي خلاص...ليش جيتي يوم انك مو قد وداعي ها!!!
جواهر بحدة/اذا وصلت تفتح جوالك وتدق علي بسرعة ماابي انتظرك كثير زين؟؟؟
بندر/وش فيك؟
جواهر/روح لاتتاخر....
مسك اغراضه بعد مامشت وهو مستغرب منها ومن دموعها كان مفكر انها دموع لهفة وحب من فراقه ..بس لهجتها كانت شوية قاسية...ياترى وش فيك ياجواهر!!!
توها وصلت من المطار وركبت سيارتها وجاها مسج من فهد(نورت الرياض والله)
ردت عليه(منورة بوجود الغالي فيها)
فه(بتظلين تغلبيني بكلامك ومنو قد انه ينافس ابلة لغة عربية)
نجود/(لاتحاول تلف وتدور...اصلا محد شاطر باخفاء مشاعره كثرك يامحامي!!)
فهد(فيني اكلمك اذا وصلتي)
نجود(اول ماارجع الشقة وارتب اموري بدق عليك)
فهد(بكون بنتظارك)
رجعت الشقة بسرعة وقبل لاتفتح الباب كانوا فيه باقات ورد عند باب غرفتها وكيس بخوروعلب شوكلاته وهدايا...
والورد شكله فريش يعني مو من زمان هو هنا..
فتحت الباب ودخلت الاغراض وقفلت الباب...
الاكيد انهم مو من فهد كيف بيوصلون لهنا لو كانوا من فهد؟؟؟
شالت الكرت اللي بكيس الشكولاته(نورت رياضنا باحلى شرقاوية والله...مجنونتك ملاك)
أي كذا وضحت الصورة ...ملاك....ها المجنونة ...
ملاك بعد وراها سالفة وماهي طبيعية ,,تصرفاتها بالمدرسة كوم ويوم قعدت معي هنا كانت كوم ثاني!!!
فيها شي متعبها ومخليها تتصرف كذا!!!
حطت كرت ملاك بكيسها ورتبت اغراضها ولبست بيجامتها وغسلت ودخت فراشها علشان تكلم فهد وتنام,,,,,
بندر/هلا حياتي...توني واصل نزلت من الطائرة وهذا انا باخذ اغراضي وبمشي...
جواهر بثقل/حمد الله على السلامة!!!
بندر/جواهر ,,,ليه تكلميني كذا!!
جواهر/ليه كذبت علي يابندر!!!!
بندر بقلق/كذبت عليك بخصوص شنو؟
جواهر/تعرفني مو من بنات ها اليومين اللي يقتنعون باي كلام يجيهم!!لايابندر..انا اسال واروح واجي في سبيل حياتي وسعادتي واستقراري!!
بندر/انا مو فاهم عليك ياقلبي؟
جواهر بدت تبكي/بندر انت وش تسوي بجدة؟؟؟
بندر بارتباك/شها الكلام بس ياجواهر!!!انا جاي دورة مع الشركة,,
جواهر بانفعال/أي شركة؟؟؟؟؟؟؟؟؟؟
بندر/...............
جواهر كملت بنفس الانفعال والدموع/ليش ماقلت لي انك انفصلت من الشركة من قبل ثلاثة شهور يابندر؟؟؟؟؟؟
بندر/...................
جواهر/ممكن اعرف انت وش تسوي بجدة؟؟؟؟؟؟؟؟؟؟
بندر تنهد بقوة/منو قال لك؟
جواهر بحدة/انا ماانتظر احد يقولي!!انا بنفسي اسال واعرف!!!!لمتى كنت ناوي تكذب علي!!!لمتى بتعيشني بكذب واوهام !!ليه ماقلت لي وصارحتني ليه!!!
بندر/...........
جواهر/انت وش تسوي هناك بجدة؟؟؟؟
بندر بحدة/انا توظفت!!لقيت لي شركة وتوظفت انا مو قاعد العب!!!!!
رسلت له رسالة(بعدك تنتظر ولاغيرت رايك؟)
كان فهد قاعد مع فيصل اللي يرسم ويشخبط بالالوان وجاه المسج وانقلبت حالته..
فهد/خلاص بابا قوم كمل بغرفتك؟
فيصل بعناد/امي ماترضى الون بغرفتي!!
فهد/طيب وليش انا بالله مجهز لك غرفة العاب!!!
فيصل اللي كان منبطح على بطنه/خليني اكمل هنا...
فهد/طيب انا طالع اكلم شوي عند البركة طيب...
فيصل/براحتك...بس ليش ماتكلم هنا؟
فهد/ها..علشان هاذي قضية جديدة ولازم اسمعها وتسمعني على رواق ونفهم وش الحل؟
فيصل/بابا..انت كم تاخذ فلوس على القضية؟
فهد/وليش تسال؟
فيصل/اذا كانت الفلوس محزة بصير مثلك محامي لاكبرت!!!
فهد/انت تعلم اول وبعدين لكل حادث حديث!!فيصل لاتوسخ ثيابك زين يابابا!!!
قام عنه وطلع لمكانه المفضل البركة اللي كانت اصلا بجهة قسم بومشاري اكثر منها بجهة بيته....
سحب له كرسي وفكر يقعد عليه بس من التوتر ظل واقف..
دق عليها باصابع مرتجفة....
فهد/مرحبا..
نجود/اهلا وسهلا..
فهد/كيف الحال..
نجود/ممكن بلا ها الرسميات!!احسها تزعجني كثير وتوترني بعد!!وتضيع الوقت على مايجي حدث مهم تكون المكالمة ضاعت بسببهم!!
فهد/مشاءالله!!!
نجود/أي...
فهد/من زمان وصلت؟
نجود/لا ..تقريبا ثلث ساعة..
فهد/وش قاعد تسوي؟
نجود/معك احد!!
فهد/لا..
نجود/وليش تكلمني بصيغة المذكر!!!اكره احد يكلمني كذا!!
فهد/مضطر..انا برى ولو احد مر وسمعني!!
نجود بحدة/معناته ليش مكلمني!!!
فهد تنهد
نجود/...........
فهد/........
نجود/......معليشش بس انا بجد مااطيق ها الحركة!!!لاتشغل بالك...انت كيفك وش اخبارك؟
فهد/عايش....لسه مامت!!
نجود بتفاؤل/طيب خبر مفرح انك مقاوم للحين!!والاسباب؟؟؟
فهد تنهد/تتشمتين؟
نجود/وليش لااتشمت!!انا فاهمة شنو يعني انك تعيش بوسط جمع مايحس فيك ولايفهم شعورك بعد!!!افهم كيف تتجمد مشاعرك بداخلك ولا في من يطلعها ويحركها!!!افهم شلون يعني انت ودك تصرخ وتكلم أي احد قدامك ويظل يسمعك ويسمعك ويخفف عنك ويواسيك..بس بالنهاية هذا حلم لانك عايش بوسط ناس مابيحققون لك ها الرغبة!!!مقاومتك الموت لحد الحين وعدم انهيارك خمس عشرة سنة انا اعتبرها مقاومة رائعة جدا انك قدرت تصبر ها المدة هاذي كلها!!
فهد/...................
نجود/من تزوجت ماعمرك اقمت علاقة مع غيرها؟
فهد بحدة/طبعا لا!!
نجود/ولا عن طريق التلفون؟
فهد/لا....
نجود/وش فيك معصب...مصدقتك..وعارف انك مو من ها النوع ولاراح تكون بس شي بداخلك اوشك على الانفجار صح ولا انا غلطانة!!!
فهد/ليش طلعت بطريقي!!!
نجود/مدري بس اللي انا عارفته ومتاكدة منه انه لنفس السبب اللي خلاك تطلع انت بعد بطريقي!!!
فهد/.........انا مزاجي صعب أي احد يرضيه و..
قاطعته نجود/لحظة لحظة لحظة!!كيف صعب أي احد يرضيه يعني !!!يعني نجلاء ..
قاطعها فهد/ممكن ماتجيبين سيرة أي احد من اهلي لو سمحتي!!
نجود باحتقار/طيب ...
فهد/فيني اعزمك بكرة على غذى؟
نجود/وتظل مثل المرة اللي قبلها انت بجهة وانا بجهة وخايف ومرتبك لايشوفك احد معي!!لابطلت اقبل منك أي عزيمة؟
فهد/بس انا ابي اتكلم معك؟
نجود/عندنا التلفون؟
فهد/........................طيب اعزمك بالمزرعة لو ماعندك مانع!!!
نجود بعد تفكير/موافقة بس بحالة اني انا اللي اطبخ الغذى واجيبه معي!!!
فهد/على ها الحساب بيطلع عشى مو غذى اذا انتي بتطبخينه!!!متى تجين من الدوام اصلا علشان يمديك تطبخين؟الا اذا بتاكليني بايت؟
نجود/مو مشكلة نخليها عشى ....انت متى تطلع من مكتبك بالليل؟
فهد/مالي وقت ثابت حسب الشغل اللي عندي؟
نجود/ها وش قلت؟
فهد/خلاص...نلتقي بكرة...
نجود/طيب اشوفك بكرة..تصبح على خير...
جواهر كانت متضايقة وقاعدة بغرفتها...وافكارها تروح وتجي براسها؟؟
هل فعلا شاف له وظيفة؟؟ولا انه يكذب علي!!!
طيب ليش ماقال لي ولاصارحني بها السالفة ليش؟؟؟؟
ياربي راسي بينفجر من العصر للحين وانا رايحة فيها من كثر التفكير؟؟؟؟؟
قطع عليها صوت جوالها وكانت نجود..
ردت بسرعة وبزعل/هلا...
نجود/لاتقولين متضايقة علشان اللي مايسوى؟؟؟وش سويتي؟؟ وين رحتي؟؟ انتظرتك تدقين؟؟؟
جواهر بتنهيدة/لو ماكنتي دقيتي كنت بدق لك!!متضايقة حدي وحاسة الدنيا بتدور فيني؟
نجود/ليش؟
جواهر/بندر..
نجود/وش فيه بعد!!!
جواهر/قلت لك اني رحت سالت عنه بالاول كلمته على السركة وقالوا لي ان ماعندهم احد بها الاسم ورجعت كلمت المسؤل عن الموظفين وقال لي نفس الحكي سالت بعدها السكورتي اللي عند باب الشركة وقال لي بلى كان يشتغل بس فصلوه من قبل شهرين؟؟؟بالنهاية كلمت مديره واكد لي ها الشي؟؟؟انصدمت يانجود انصدمت!!!ليش يكذب علينا يعني!!!!!وش قاعد يسوي هناك؟؟
نجود/واجهتيه؟؟
جواهر/أي وقال لي انه لقى هناك وظيفة واشتغل وبس قفلنا وكل واحد شايل على الثاني!!!
نجود/طيب لاتزعلين نفسك كذا!!انتي ماتدري شنهي ظروفه ياجواهر ولا هو هناك وش قاعد يسوي ولا ليش فصلوه ؟؟يعني لاتظلمينه..
جواهر/انا ماظلمته!!انا بس ابي افهم ليش ماصارحني!!عرفت ليش كان يتهرب من الاجابة اذا قلت له متى بترد؟
نجود/طيب وهذا انتي عرفتي خلاص انه اشتغل بمكان ثاني !!بلاش ها الزعل...بعدين هو يمكن يبي يشوف ظروفه ووضعه وبعدها يقول لك!!!بطلي زعل ياحلوة ترى مااحبك كذا!!!
جواهر بزعل/المشكلة مو هنا يانجود ,,المشكلة انه بدا حياته معي بكذبة!!!ليش مدري!!احنا ماتزوجنا وكذب علي تتوقعين لو تزوجنا وش...
نجود/جواهر لاتقعدين تفكرين وتتعبين راسك انسي السالفة مو تقومين تكبرينها؟
كان بندر قاعد مع دلع بالكافي وه ساكت وشارد ومتضايق من اللي صار بينه وبين جواهر..
دلع/افردها عاد؟
بندر بضيق/ماتوقعت انها تعرف؟؟؟ولاحسبت حساب انها بتعرف ولا شبيكون موقفنا من بعض؟
دق جواله وناظر بالرقم بذهول وشاله بعد تردد..
بندر/هلا..
نجود بحدة/اهلا...
بندر/......
نجود/مكالمة غير متوقعة صح؟
بندر/تقريبا!!
نجود/شوف بندر بدون مقدمات ولا شي!!اذا فكرت تزعل جواهر مرة ثانية لاتلوم الا نفسك!!
بندر/انا..
نجود/انا مادافعت عنك ها المرة علشان سواد عيونك ولا علشانك ولد عمي لا!!دافعت عنك لاني اولاواخيرا عارفة انها تحبك وان أي شي منك ممكن يضايقها ويزعلها!!وانا بساطة ماابيها تزعل وتتضايق وانا بعيدة عنها ومقدر اواسيها بكل وقت مثل لو كنت هناك!!مايهمني وش موقفك ولا ليش انت تصرفت كذا!!
بندر/
....اي بس..
نجود/اسمع بندر هاذي اخر مرة تفكر انك تزعلها ولا تكذب عليها ؟؟والله المرة الثانية بعريك اكثر من دفاعي عنك !!!
بندر/........
سكرته نجود بدون ماتقول شي زيادة بوجه بندر ورمى الجوال على الطاولة وهو يتنهد..
دلع بابتسامة شماة/مني هاذي الحلوة اللي غسلت شراعك وانت مو قاوي تتكلم بكلمة وحدة؟؟
رفع عيونه والتقت بعيونها..
دلع بنفس الشماتة/اخت جواهر ولاصديقتها؟؟؟شكلها بتذبحك علشان زعل جواهر؟؟؟؟
اليوم الثاني....
بوقت الفسحة....
بنت من البنات/ملاك..
ملاك/نعم وش بغيتي؟
البنت/ابلة نجود السبيعي تبيك؟
فزت من مكانها بسرعة وراحت لعندها...
سارة/شلونكم بنات؟
مزنة/هلا وغلا...
سارة/وين ملاك؟
مزنة/راحت لنجود السبيعي!!
سارة/اووووف هاذي ماتنتهي سالفتها ابدا!!!مطولة عندها؟
مزنة/توها رايحة؟
عند غرفة المعلمات...
ملاك/نورت الرياض والله وحشتينا اربعة ايام ماشفناك؟
نجود/الحركة اللي سويتيها ماعجبتني اصلا!!!
ملاك ببراءة/أي حركة؟
نجود/كنت بجيبهم معي اليوم!!بس اللي وداها هو اللي يجيبها؟
ملاك/لا بالذمة خليهم واللي يعافيك؟
نجود/انا ماحب احد يحرجني ولا
ملاك/وين الاحراج؟؟
نجود/كنتي عطيتني خبر قبل انك بتجيبن لي شي مو تفاجيئني؟
ملاك/طيب المرة الجاية اعطيك خبر؟
نجود /ومن قال لك اني بخلي فيها مرة ثانية عاد!!يالله روحي كملي فسحتك؟
ملاك/بلاش الفسحة خلينا واقفين ومروقين؟
نجود/لا..
ملاك/انتي شلونك؟
نجود/الحمد الله...
ملاك/وحشتيني..
نجود/شكرا...في شي بعد؟
ملاك/ليش مستعجلة؟كنت بطلب منك طلب؟
نجود/بروح افطر بعدين ماعندي حصص فاضية يالله ..بعدين ياملاك طيب؟
ملاك/عوافي على قلبك ياقمر؟؟؟؟
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك