رواية مظاهرة نسائية -30
اماني: الحين بس فهمت
ام ريان: شنو؟
اماني: فهمت ليش ابوي يحبنـا كلنـا ويكره خالد...فهمت ليه يعامل فؤاد بحب واضح ويمقت خالد بقوه..
ام ريان: وهذا اللي صـار يمه... ورضع خالد من امك وصار اخوكم..
اماني وهي تبكي: توقعت أي شئ بالدنيا.. بس ان خالد مو اخوي الا بالرضاعه ابد ابد ماخطر على بالي..
طيب وامه مافكرت تسأل عنه؟
ام ريان: الا بعد سنتين قالت تبيه لانها مشتاقه تشوفه امك جن جنونها ورفضت تعطيها الولـد..
لانها خلاص تعلقت فيه وحبتـه..
اماني: بس هو ولدها ومن حقها تاخذه او عاالاقل تشوفه
ام ريان: ولدها اللي رفضته ورمته لولا امك اخذته وربته وكبرته..كان الحين الله عالم بحاله..
ومن كثر خوف امك عليه طلبت من ابوك يشتري بيت ثاني حتى ماتعرفه حصه..
وفي ظرف 4 شهور انتقلتوا لبيتكم اللي ساكنين فيه الحين..
اماني: طيب والحين حصه ماتعرف بيتنا ولا تشوف امي؟
سكتت ام ريان وطالعت اختها نظرات يعني انقذي هالموقف وجاوبي..
ام سعود: يمه اماني خلاص اللي تبين تعرفيه عرفتيه هاالاسئله مالها داعي...وقفلوا هالسيره..
اماني: ااااه ياخالـد..طيب مين يعرف بهالموضوع؟
ام سعود: انا وامك وخالتك وابوريان وابوسعود الله يرحمه...ومساعد
اماني بدهشه: خالي بعد يعرف؟
ام سعود: طبعا..مســـــاعد ماكان صغير هذاك الوقت...وكان يفهم ان اخته ماكانت حامل وان هالولد ولد صديقتها
قامت اماني وتلقائيا فتحت جوالها ودقت على خالد
ام سعود: لمنوو تتصلين؟
اماني: خالد
تتوقعون اماني تفضح هالسر الكبير اللي خالد للحين مايعرفه؟؟
قامت اماني وتلقائيا فتحت جوالها ودقت على خالد
ام سعود: لمنوو تتصلين؟
اماني: خالد
ام سعود وهي تاخذ الجوال وتسكره: ليكون تقولين له يالخبله
اماني: مجنونه انا اقوله...خالد اخوي اللي ماابي اخسره ..بس بخليه يمرني ويرجعني البيت
ام سعود: بس مثل ماوصيتك امك لاتعرف بالموضوع
اماني: ان شاء الله
اتصلـت اماني بخالد اللي حست بشوق غريب انها تشوفـه..
بتشوفه ولاول مره بعيون ثانيه..
كانت تنظر له نظره اخت لاخوهـا
بس هالمره غير..
تحس شعورها اقوى..تحس انها تبي تتقرب من شخص مسكين.. في لحظه امه باعته برخيص وهو مايستاهل..
حست انها تبي تعوضه عن كل شئ
رغم انــه مافقد شئ..
لانه تربى بين ام فؤاد وابو فؤاد..
ولايعرف حقيقته..
انـــه لقيــط..
بس هذا كان شعورهـا..
اتصلت ورد وهم مستغرب: اماني بنفسها مو معقوله
اماني وهي تبعد عن خالاتها وبهدوء: ههههههه هلا بأخوي هلا
خالد وهو يرجع يطالع الشاشه يبي يتأكد انها اماني: يؤ..صرت اشك بنفسي..ليكون يتهيأ لي صوتك وانتي مو اماني
اماني: هههههههه الا اختك اماني شفيك
خالد: سلامتك بس مستغرب اسلوبك..العاده ماتتصلين الا تهاوشين ام تستهبلين وتسكرين
اماني وهي تنزل راسها وتدمع عينها: ادري مقصره في حقك سامحني ياخوي..
خالد استغرب بقوه من اللي صاير بأماني..
وحسها تكرر لفظ اخوي كثير
طاري الاخوه سمعه اكثر من مره منها..
شسالفه؟
خالد: وش صاير اماني؟
اماني: ولاشئ اخوي واحبك عندك مانع؟
خالد: ههههههه توكـ تحسين بهالحب الاخوي؟
اماني: شفت كيف؟
خالد: ههههههه وينك يالخبله؟
اماني: ببيت خالتي احلام...تقدر تمرني؟
خالد: اممممممم اصبري ربع ساعه
اماني: ليش؟
خالد: اووه ليتك معاي جالس بستار بكس واشرب هوت شوكليت ومروووق اخر رواق..لما يخلص بجيك
اماني: يالمفجوع ماصار هوت شوكليت
خالد: والله عاد بشربه ودي فيه
اماني: تعال مرني وبعزمك على غيره
خالد: ماشاء الله على الكرم الحاتمي اللي نزل عليك ليته دوم مو يوووم
اماني: هههههه لايكثر تعال يلا ونشرب سوا
خالد: يلا الحين اطلع واجيك
اماني: فديت يالدب
خالد: اووف تراك ازعجتيني تراني اخوك مو زوجك مناك يلا
اماني: هههههههه الله يرجك
خالد: يلا يلا روحي لايخلص رصيدك وتقولين ارسل رصيد ترى ماعندي الا 6 ريال
اماني : فشلتنا المهم تعال يلا بااااااي
خالد: بايااات
سكرت اماني ودقت على طول لاميره ..
اماني: الووو
اميره: الووين سلامااات يالملقوفه شفيك
اماني: ابد كنت تعبانه شووي..ها وينكم؟
اميره: ونااسه جالسين بجوفريز ناكل تيرا ميسو ونشرب ليمون بالنعناع حبيب قلبك
اماني: لااااااااااا لااا ابي تيرا ميسو
تدرون بجيكم الحين مع خالد
اميره: مع خالد؟ ليش يعني؟
اماني: يؤؤ مافيها شئ
اميره: أي ادري بس غريبه خالد مايحب هالنوع من الطلعات
اماني: بيحبها لاني عازمته على حسابي
اميره: دام كذا حسابنا عليك يالحاتميه شقلتي
اماني: انا اشهد انكم عائله المفاجيع انقلعي من وين لي انا الفلوس لاوتلاقين اختك الطويله املوووه ماخذه لها ميلك شيك وليمون نعناع وكيكتين
اميره وهي تطالع الاكل والمشربات اللي قدام امل بالضبط مثل ماقالتها اختها: هههههههههه شدراك وربي طالبه كل اللي قلتي عليهم
اماني: شفتي اختي واعرفها .. من يومها ملهوفه عاالاكل المهم ماعلينــا الرصيد بيطير انا بجيكم مع خالد ..
اميره: اوووكي ننتظركم..باي
سكرت اميره وهي مبتسمه..
دينـا: شفيها اماني؟
اميره: ابد تقول بتجي مع خالــد بيجلسون معنــا..
جوري: غرييبه
اميره: مو غريب الا الشيطان الاخ شكله يبي يغير جوو..
ديمه وهي تشم ريحة معسل العنب الفاخر: اوووف ودي اعسل .. عادي؟
لفت دينـا تطالع اختها بنظرات يطلع منها شرار
ديمه: اووه دينا ليش شوفي كل البنات هنـا يعسلون مافيها شئ بطلب لي معسل
دينا: اوكي اطلبي بس اذا اخوك كسر رقبتك انا مالي شغل
ديمه: وليش بتقولين له؟
دينا: اكيد بقول له وبقول لابوي وامي..ليش الدنيا سايبه
ديمه: وهذا وانتي دارسه بأمريكا المفروض عقلك يكون متفتح مو كذا
امل: ديمووم اختك خايفه عليك مو مسأله تخلف او تحرر..فوق ان عيب البنت تشرب معسل بمكان عام ..هو ضار بالصحه..
ديمه: لا مو عيب وش العيب اللي فيه؟ يعني بكره اذا تزوجت وشربت معسل في بيتي اطلع مسويه شئ غلط؟
امل: خلاص اذا عرستي سوي اللي تبيت مالنا علاقه فيك
ديمه: اووف الدنيـا تطورت ..
امل: الله يهديك..
مر خـالد على اماني ببيت خالتها دق لها رنه وطلعت .. اول ماصعدت السياره لفت تطالعه وتذكرت كلام خالتها ..
نزلت راسها ودمعت عينها
خالد وهو ينتبه لاخته: اماني شفيك..بعدك تعبانه؟ اوديك المستشفى؟
اماني وهي تبكي : مافيني شئ ..
خالد: اماني انتي فيك شئ اليوم..قولي لي حد مزعلك؟ حد ضايقك بكلمه؟ فهميني
اماني: لالا
خالد: اجل ليش تبكين؟
اماني: ولاشئ خالد..بس احس اني متضايقه شوي
خالد: اوديك البيت؟
رفعت راسها له..
اماني: انت ليش طيب لهالدرجه وتحبني؟
خالد: هههههههههه لانك اختي يالبقره..حرام اذا ابي راحة اختي؟
اماني وهي تمسح دموعها: لا ياخوي مو حرام
خالد: على فكره تراك كررتي كلمة ياخوي اليوم فوق الالف مره..
حست اماني على حالها وسكتت..ماتبيه يحس بشئ..لذلك لازم تتماسك وتطلع قويه ولاتبكي حتى خالد مايشك بشئ..
اماني: يلا مشينـا قبل لانتأخر
خالد: طيب
شغل خالد اغنيه نبيل شعيل ( كذبوا)
اماني: ياااقدمك يالمغبر
خالد: اموت في هاالاغنيه ..
اماني : ليكوون من ورانــا تحب
خالد: هاهاها بايخه..اخر وحده يفكر بالحب انــا
اماني: وليش ؟
خالد: ليش فاضي لهالخرابيط انـا
اماني: وش اللي شاغلك يالمهم؟
خالد:دراستي ..
اماني: الله يوفقك ونشووفك اكبر مدير في اكبر شركه يالدلخ
خالد: هههههههه أي هذي اماني مو اللي من شووي
وصلـوا لقرية جوفريز ونزلوا ودخلـوا..كان المكان اكثر من زحمه
اماني: ياااه كل هذي زحمه
خالد: دقي عليهم وشوفيهم وين
واماني تطلع جوالها حست بخطوات تقرب منها..رفعت راسها وشافت وجه مألوف..
أي أي هذي سمر.. وحده كانت معاي بالمدرسه .. بس علاقتنا مو ذاك الزود الحين..
سمر اللي عرفت اماني رغم ان اماني متلثمه: هاي اموونه
اماني: هلا سمر
خالد لما شاف البنت قربت بعد وهو منزل راسه...
سمر انتبهت له وطار عقلها..من هالمملوح الخجول اللي مع بنت مثل اماني..
سمر بدلع واضح: كل عام وانتي بخير شلونك
اماني وهي تبي تصرف البنت: بخير بخير ...
سمر: هاوين تدرسين الحين؟
اماني : ابد بسعود في كلية خدمه المجتمع..تشخيص اشعاعي
سمر: اووه حركات بالتوفيق ..اقول اماني من هاللي معاك؟
اماني: اخوي خالـد
سمر: ماعرفت ان عندك اخو بهالحلاوه وين خاشته؟
اماني وهي تحس انها تبي تصفع البنت: عالعموم انا رايحه يلا سلام
سمر: بايوو
اتصلت اماني في خواتها وعرفت وينهم وراحت مع خالد .. اما سمر رجعت بسرعه للطاوله اللي كانت جالسه فيها مع خوياتها ...
سمر: لحقوا بنات تتوقعون من شفت
وحده من البنات: منو؟
سمر: اماني اللي كانت معنا بالصف فاكرينها؟
رهف: أي اكيد شفيها؟
سمر: شفتها من شوي ومعاها اخوها ياااااه فديته صاروخ أي صاروخ الا اكثر
رهف بلهفه واضحه: بالله؟ وينهم الحين؟
سمر: ابد بالطاوله اللي مقابلنـا .. لو تشوفيه يارهف وسيم وحليل بشكل
رهف: مو احلى من حبيبي بندوري
سمر: والله من زين بندوري الحين..
وحده من البنات: جد سمور حلو يعني؟ وينه نبي نشووفه
سمر: خساره دخل مع اخته .. شوفوا احنـا نخلي كبينتنا مفتوحـه شوي على اساس لو طلعوا نشوفهم
رهف: اووكي..
وجلست سمر مع خوياتها الفاضيين وفتحوا الكابينه شووي... وبقوا يحترون خروج خالد حتى يشوفوه...
امـا عند البنات...
دينا: حيالله خالد..غريبه يعني جاي مع اماني..
خالد: الاخت عزمتني وتعرفون عيد والناس مفلسه
دينا: ههههههه علشان كذا..خابرتك ماتحب قعدات البنات
خالد: مو أي بنات...دام بنات خالاتي وخواتي مافيها شئ بحاول اهضمكم
امل: ههههههههه
بقوا على سوالفهم حول الساعتين وخالـد طلب له معسل تفاح وقام يعسل وديمه محترقه تبي بس تجربها بس مايصير تطلب هالشئ من خالد...لانها تستحي..
رزان وهي تقوم وتوقف جنب خالد: خالد خالد
خالد: نعم عمتي
رزان وهي تأشر على المعسل: شنو هذا؟ ابي اجربه
خالد: أي هذا اللي ناقص بعد
رزان وهي تبرطم: عادي بابا يشرب مثله في البيت .. ابي اذوقه
خالد: ورا ماتقولين لابوك بذوقه
رزان: بابا مايرضى
خالد: وانا بعد ماارضى
جوري وهي تسحب رزان لحضنها: لاتصيرين مخبوله مثل ديمووو هذا مو زين يسوي قلبك وبطنك سودا مثل الفحم
خلصوا وقاموا حتى يدفعوا الحســاب اول ماالمحتهم سمر يطلعوا لفت بسرعه عالبنات
سمر: بنات بنات طلعوا شوفووه
طلع خالد اللي كان قدامهم وهو يسولف مع امل ويضحك ..
رهف: اويلاااااااه عليه غرشووب
سمر: ههههههه قلبتي اماراتيه
رهف: من هاللي اشووفه بصراحه يجنن
وحده من البنات: من جد وسيييم بس شكله حيل ثقيل مو راعي سوالف مغازل وبنات
سمر: وهذا المطلوب..
وطالعت سمر صاحبتها رهف بخبث..رهف فهمت وضحكت
وحده من البنات: هاها على شنو ناوين يالخبيثين؟
سمر: هههههههه كل خير ياوجه الخير...هذا وينه عنـا من زمان..
رهف: سمر لو يعرف عنـك خويك ذبحك
سمر: اووه ياشيخه لاتجيبين لي طاريه مزهقني بغيرته الماصخه
رهف: يااختي يحبك
سمر: وانا مااحبه وش اسوي في واحد مفلس حالته لله..بس هالخالـد صيدة مرتبه ولا شرايك رهوف؟
رهف: أي والله..
وصل خالـد رزان وجوري لبيتهم وبعدها دينـا وديمه لبيتهم
ورجع هو وخواته لبيتهم..خالد دايركت راح لفراشه ونام اما اماني انسحبت لغرفتها والنوم مجافيها بعد احداث الليله الماضيـه..
اميره جلست شوي مع امل عالتلفزيون بعدهـا نعست وصعدت تنـام..
ومابقت الا امول لوحدهـا
نص ساعه ودخـل مساعد البيت
امل: هلا خالـي
مساعد: ها ناموا؟
امل: أي والله مافي الا انـا
مساعد وهو يجلس جنبها: ورا مانمتي؟
امل: مو نعسانه والله .. تأخرتوا
مساعد:اخذتنـا السوالف بالمطعم بعدها مرينـا القهوه شوي ورجعت سعود البيت..
امل : اهاا
قامت امل تفرفر في التلفزيون .. مساعد شال عقالـه وتذكر فرح..ابتسم ولف لامل
مساعد: اقول اموول
امل وهي تطالع التلفزيون: هلا
مساعد: طالعيني عاد
امل وهي تلف له: لبيه
مساعد: اممم منو هذي فرح اللي شفناها؟
امل: خخخ ردينـا على فرح؟ تذكر خالي مره قلت لك على ابله معاي بالمدرسه وقلت لك بخطبها لك بس انت مارضيت
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك