رواية فصول شتاء -19

بسام يضربها على رأسها بخفيف : صباح الخير ..
غصون بابتسامة : صباح النور و السرور و شدو العصفور
سامي جالس على الكوشية إلي في الغرفة : تدرين
غصون بتساؤل : عن شنو
سامي بخبث : فيصل ما بغى .. حددوا أمس الملكة ..!
غصون تغير لون وجهها .. حسبوه حياء و هي بتستوعب السالفة ألحين تزوج و لا زال يبيني .. خييييير .. أبقول لأبوي ما أبيه ..
بسام يستهبل : حرام عليك أحرجتها ..
غصون تصرف : حمود .. كبرتَ من يصدق أنه أنت ذاك الصغير
أحمد ابتسم و هو ساكت ..

سامي يكمل مع بسام : و عقبال ما نشوف عيالك بعد يكبرون زي أحمد و غيره ..

غصون خلاص انحرجت تبي تطردهم .. بس تستحي تقول انقلعوا برى

بدون طق و لا حاجه انفتح الباب دخلت ود طايرة ..

سامي بعصبية : خيييير تدخلين غرفتها كذا .. وكالة بدون بواب ..

ود بملل : أقول سااااااااااامي عاد ..

سامي وقف : حتى ولو .. خلي عندك شوي احترام ..

طلع من الغرفة ..

لفت ود عليهم : وش عنده معصب مع صباح الله

بسام : أنتي تعرفينه أهم شيء عنده الآداب و احترامها ..

ود تتطنز : لو يخلونه مدرس سلوك أحسن من أنه يشتغل في الشركة

معاذ : لا يسمعك بس ..

غصون بابتسامة : تغير سامي و عقل يا عيني عليه .. أول شخص لا مبالي أبداً ..

بسام بمرح : محد يقعد صغير .. مثلاً أنا صار عمري 26 و قريب بأصير معرس بس أخوك يفك عني الأزمة ..

ود بجدية ما تلبق معها : شكله مطول تزوج بس .. يعني مو أن بنت عمي محيرة لك خلاص .. البنت صار عمرها 22 مو صغيره ترى ..

بسام وقف : عشانا و شفنا .. الجدية على من .. ود ما أصدق و مستحيل أصدق أصلاً ..

و طلع و طلعوا معه معاذ و أحمد ..

غصون ماسكة ضحكتها : وش فيهم ماخذين عنك فكره غلط ..

ود بدلع ما يلبق : غايرين إني ألحين دلوعة أبوي

غصون تسوي نفسها شرقت : طول عمري و أنا أعرف أنها دينا وشلون صرتي أنتي ..!؟

ود تصرف : أقول خلي عنك .. صباح الخير

غصون : بدري .. ألا بأسألك ود !

ود تلعب بشعرها : نعم

غصون بتردد : فيصل تزوج ..؟!

ღ..ღ

بعد العصر جلست في صالة الدور الثاني بعد ما عدلت نفسها لعزيمة في بيت أبوها .. سوت مكياج و استشورت شعرها ..

سمعت صوت فتح باب دخل و معه كم كيس : السلام عليكم

جنان : و عليكم السلام

فارس جاء و جلس جنبها : كيفج جنو .؟!

جنان : زينه .. كيف الشغل معاك ..؟!

فارس دخل يده شعره من المقدمة إلين وصلها لرقبته : الحمد لله

جنان وقفت وراحت للكافتيريا و جهزت على السريع قهوة تركية المحببة لفارس ما أخذ منها ألا خمس دقايق ..

جت حطتها قدام فارس : بالعافية عليك

أخذها فارس : الله يعافيك .. زينه العزيمة أمس عساج استانستي ..؟!

جنان بذهن مشتت : زينة ..

فارس حط رأسه على كتفها : جنو .. إيش فيك من أمس مو طبيعية

جنان عدلت جلستها : فارس كم صار لنا متزوجين ..

فارس يحسب : 4 سنين .. ألا كم شهر

جنان خنقتها العبرة : و أنا ما حملت ..

فارس : طيب إيش فيها يا جنان .. متى ما شاء ربي بيجينا إلي يفرحنا

جنان : يعني أنت ما تبغى ..

فارس ابتسم : فيه فرق بين أني ما أبغى و أني أنتظر متى ما شاء ربي

جنان سكتت

فارس وقف : جنو لا تكدرين على نفسك بالطاري .. و إذا تقولين يبغى الولد .. إذا ما جاء منك ما أبيه .. بكره و ألا بعد 10 سنين ..

جنان وقفت معه

فارس : متى تبغين تروحين لأهلك ..؟!

جنان : بعد المغرب

فارس ناظر الساعة : معد إلا خير .. أجل أبخذ لي الشاور ألحين ..

ღ..ღ

نفس الوقت .. شخصيات اندفنت مع الأحداث و هاهي تظهر من جديد

سيف : ها يمه وش قلتي .؟!

أم نايف : و الله يا وليدي أن البنت ما عليها علام و أن أشهد بس أنت من صدقك تبيها ..؟!

سيف : أكيد يمه أجل ألعب .؟!

أم نايف : أنا عارفة أنك ما تلعب بس وش حاطها برأسك ..؟!

سيف في نفسه ( أوب غلط مطبعي كلمة حاطها برأسي ) : ما أدري يمه بس قررت إني أتزوج .. و ما راح ألقى أحسن من بنت عمي ..

أم نايف : أكيد يا أبوي

سيف : يعني موافقة يمه ..

أم نايف : إيه يا ولدي أنا وش أبي غير سعادتكم ..

سيف : يعني خلاص أكلم أبوي

أم نايف : توكل على الله و كلمه

باس رأسها و طلع فرحان ..

ღ..ღ

بعد المغرب

دخلت جنان و هي لابسه فستان ليلكي قماشه استرتش و كريستالات عند الصدر طويل : سلام لمو ..

لمى إلي لابسه فستان تفاحي لنص الساق و مجعدة شعرها و صابغته بلون الشوكلاته .. سلمت عليها : أهلين .. كيفك و كيف فارس ..

جنان : بخير .. أنتي إزيك عامله إيه يا بت ..

لمى تسأل جنان : ألا تعالي .. جو عماني

جنان لفت عليها : لا لسا بس جدتي .. و جدو

لمى تقلدها : جدو ..

جنان تفتح في دروج التسريحة و حصلت شيء : وجع لمى .. الخاتم هذا حقي " و رفعته " خيييييير إيش جابه عندك

لمى بلا مبالاة : سالفة قديمة .. أنزل تحت أحسن لي

جنان بقهر: سارقته .. طسي .. عن وجهي بس

نزلت لمى تلقي نظره على تجهيزهم للقهوة و الحلويات ..

ღ..ღ

تمسح دموعها من كثر الضحك : خلاص روابي بلا استهبال ..

روابي : بكيفك لا تصدقين .. تخيلي و بعدين أحرجوها يوم قالوا من إلي يسدد الفاتورة ..

غلا ما عاد فيها : همم وش قالت .؟!

روابي تتزعل : خلاص بس تتمسخرين علي موب مكملة ..

غلا : أقول بس طسي لبيت رجلك تراك من أمس عندنا ..

روابي بدهشة : يعني ما تبيني ..؟!

غلا باستنكار : أنا أبيك .؟! من قاله ..؟! لا حبيبتي روحي ..

روابي انقهرت : شوف ناكرةٌ الأخوة .. ما تبيني ..

غلا وقفت بمرح : أقول عندي أشغال أهم منك .. تعرفين إني تحسفت إني غيرت قسمي من الشريعة لعلم الاجتماع ..

روابي : ليه .؟!

غلا بملل : ألحين عينوني معيدة و تعب الاجتماع .. و أدرس للماستر

روابي : محد قالك قدمي تكملين دراسة ..

غلا : مالت بس .. المفروض تشجعيني ..

روابي بمزح : ماني بفاضية لك ..

ღ..ღ

اختنق في داخلي حتّى الـ " سكوت "

وذاب فيني ألف " صوت "

وصرت أسألني عليّ !

وأسمع سكوتي " يموت "

أتنهد / و أتصاعد " آهتي" دخان أسود

ممتلي من ضيقتي ويا الجروح ..

وآه" محتاجه أبوح "

بس بعرف[ وين أروح ]..!؟

( ما غبت عن بالي من بعد طول فراق

خجلان أنا من حالي وراجع إلك مشتاق

قديش بحياتي مرء حلوين متلك ما مرء

ندمان والقلب احترق من لوعة الأشواق )

» نغمة جوالها

عقدت حواجبها الرقم غريب

رغد : أهلين ..

مها بحفاوة : أهلين .. رغودة كيفك وحشتيني يا قلبي ..؟!

رغد : أهلا بكٍ .. أنا بخير من معي .؟!

مها تصطنع الصدمة : ما عرفتيني رغودة ..

رغد ما زالت عاقدة حواجبها : لا ذكريني ..

مها : أنا

رغد باستغراب : مها ال" إيش " الصراحة ما أتذكر ..

مها : أفأ عليك شكلي بأزعل .. ما فيه غيري تعرفين

رغد تسلك : ما تهونين .. كيفك أنتي .؟!

مها : بخير دامي أسمع صوتك

رغد : تسلمين ..

مها : الله يسلمك .. ما تصدقين قدّ إيش مشتاقة لك ..

ღ..ღ

لمى بهمس : جنو

جنان نفسها : هلا

لمى : وش عندها مرة عمي جالسة لنا من اليوم ..

جنان بسخرية : حبيبتي تندب حظها من اليوم " تقلد عمتها " جنان خسرانه أنها ما أخذت ولدي ..

لمى بفجعه : الحمد لله و الشكر .. ذي ما تتوب صار لها أربع سنين على ذا الحالة ..

جنان هزت كتوفها : أنا أدري عنها .. خليك منها بس

لمى تتذكر : إيه شسمه معك جوالك ..

جنان رفعت جوالها : أيه

لمى : دقي على ناصر خليه يجي بسرعة لصالة الأكل ..

جنان : همم طيب

......

ناصر : نعم

جنان : هلا ناصر .. همم روح صالة الأكل .. لمى تبغاك هناك

ناصر : وش تبي .؟!

جنان هزت كتوفها كأنه يشوفها: علمي علمك ..

ناصر : خلاص طيب .. مع السلامة

جنان : مع السلامة

ღ..ღ

طق طق » يطق الباب

جاه صوت أبوه : نعم

فتح الباب و دخل و باس رأسه أبوه ..

أبو نايف : هلا يا وليدي وش عندك .؟!

سيف : يبه .. أنا قررت أكمل نص ديني .. إلخ

بعد ما خلص سيف من كلامه سكت عشا يسمع رأي أبوه

أبو نايف بحزم : أنا مو موافق

سيف انصدم : ليه يبه ..

أبو نايف : طبعا العيب مو في البنت بس أنت ما تصلح لها ..

سيف مازال في الصدمه : بس يبه

أبو نايف بإصرار : خلاص لا تقعد تبسبس لي أنا مو موافق و انتهينا

ღ..ღ

انتهى البارت

توقعاتكم يا حلوين

مها منهي هل فيه سبب أو مجرد ذكرى .؟!

سيف و خطبته و رفض أبوه .؟!

سالفة زواج فيصل .. و خطبته لِ غصون .؟!

[ رمش الغلآ & رمش الحلآ ]

.

البارت ( الثامن و الثلاثون )

قام بسرعة يشوف من يطق على الباب

مسعود : مييييييين ..

تركي : أنا تركي .. مسعود افتح الباب ..

مسعود فتح الباب بسرعة : الحمد لله على السلامة تركي

تركي سلم عليه : الله يسلمك .. كيفك و كيف سعيد .؟!

مسعود : كلنا بخير ..

تركي ابتسم : و كيف أبوك إن شاء الله خف تعبه ..

مسعود : إيه خف مره ..

تركي : الحمد لله .. مسعود أنا أبروح ألحين .. أشوفك مره ثانيه

مسعود : مع السلامة

تركي بعد ما شافه أبو أنس و شرح له تركي ظروفه بكل صراحة .. صار يساعد أبو أنس في توزيع الصدقات أسبوعياً فيمر القرية بين كل فترة و فترة ..

ღ..ღ

بعد أسبوع

سلطان شاب سعودي كان يدرس في ( لندن ) قابل هناك أريم و غصون و أعجبته أريم و البنات ما يعطونه وجه إلين جاء اليوم إلي قابل فيه يوسف و تعرفوا على بعض و صاروا أصحاب .. و رجع قبلهم بشهرين ..

اتصل على رقم يوسف

جاه صوت يوسف : يا هلا و مرحبا ..

سلطان : يا هلا بك الحمد لله على السلامة ..

يوسف : الله يسلمك و يخليك .. بشر عنك

سلطان : يسرك الحال .. وين أراضيك ..

يوسف : ندوج في شوارع الرياض ..

سلطان : هههههههه .. أقول يوسف

يوسف : أمر

سلطان : ما يأمر عليك عدو .. بس بغيتك بموضوع شخصي متى فاضي .!

يوسف استغرب : شخصي ! خير إن شاء الله

سلطان : كل خير إن شاء الله ..

يوسف : خلاص بكرة في د.كيف إلي في "......" على الساعة 8:30 تم ..؟!

سلطان : تم ..

ღ..ღ

بيت أبو محمد ..

دخل عليها غرفتها و عورة شكل بنته آخر العنقود ..

أبو محمد : غالية يا بنتي .. الزواج مو بالغصب .. إذا ما تبينه خلاص

غالية بانكسار : ما يأخذون ولدي مني ..!

أبو محمد بضعف : ما بيدي شيء أنا ..

غالية : حرام يا أبوي حرام ..

أبو محمد : وش إلي حرام .. يا بنتي قومي استريحي و استخيري و تأكدي مو صاير إلا كل خير ..

غالية انهارت : يبه و شلون يرضيني و هم بيأخدون ولدي

أبو محمد : استهدي بالله .. و قومي يالله قدامي ارتاحي و عيني من الله خير و بكرة استخيري ..

غالية سكتت و وقفت و راحت لسريرها و انسدحت .. و أخذت تمسح على شعر عزام إلي نايم من فترة على السرير حقها ..

رجعت بها الذكرى لقبل وفاته بأسبوعين لليوم المنتظر بالنسبة له و لها

صحت من النوم : آآآآآآآآآآآآآآآآآآآآآآآآه محمد الحق علي .. بطني أحس إني بأموت .. تكفى محمد ..

بعد عدة ساعات

محمد : كيف غالية ألحين .؟!

غالية بتعب : بخير .. وين ولدي أبي أشوفه

محمد : بخير .. لا تخافين يجنن يشبه لأمه

ابتسمت بتعب و سكرت عيونها .. انتبهت و هو يهزها و بيده عزام

أخذت عزام و باسته بين عيونه صغير و يجنن ..

صحت على الواقع الأليم

: و ينك يا محمد تشوف حالي من بعدك ..

باست رأس عزام .. وينك تشوف ولدك إلي كبر .. ليش تخليني أنا وياه و تلعب الدنيا فينا .. محمد .. تدري أهلك بيأخدون عزام مني .. لو أنك عايش بترضاها علي ؟ " تشاهق "

رمش الغلآ : طبعاً السالفة حوسة و مو مفهومة .. غلاوي قولي السالفة ..

رمش الحلآ : همم .. الله يسلمكم محمد بعد زواجه من غالية اكتشف أن فيه الخبيث .. عانى منه و غالية تعاني معه بعد ولادة غالية لعزام أخذ ربي أمانته .. و أهله طلبوا أنهم يأخذون عزام عندهم عشان يكبرونه و يربونه و يطلعونه زي أبوه .. و كانت كلمة الجد إلي قالها لغالية ( يا تأخذين ولدنا يا نأخذ ولدك )

ღ..ღ

بيت أبو سامي

غصون : ناديتني يبه

أبو سامي : إيه اجلسي يا بنتي ..

غصون : أمرني

أبو سامي بحنان : ما يأمر عليك عدو يا بنتي .. كم صار لك أنتي تماطلين بالملكة .؟!

غصون بمرح : 5 سنين

أبو سامي ضحك عليها : هههههههههههه ما تتركين سوالفك .. طيب ترى حددنا الملكة الربوع الجاي ..

غصون وقفت و باست رأسه : إلي تشوفه ..

أبو سامي : الله يوفقك يا بنتي ..

طلعت و رفعت يدينها : آمين

ابتسمت و هي تتذكر سؤالها السامج في نظرها ألحين

غصون ماسكة ضحكتها : وش فيهم ماخذين عنك فكره غلط ..

ود بدلع ما يلبق : غايرين إني ألحين دلوعة أبوي

غصون تسوي نفسها شرقت : طول عمري و أنا أعرف أنها دينا و شلون صرتي أنتي ..!؟

ود تصرف : أقول خلي عنك .. صباح الخير

غصون : بدري .. ألا بأسألك ود !

ود تلعب بشعرها : نعم

غصون بتردد : فيصل تزوج ..؟!

ود بدهشة : متى طلعت ذا الإشاعة ؟!

غصون سكتت

ود نطت جنبها : تعالي قولي لي من .. جلس يلعب بمخك

غصون : يوم دينا تقول لك تذكرين يومني في لندن ..

ود تتذكر : لا تقولين يوم .. تقول يمكن أصير أنا العروسة

غصون : ألا ..

ود فطست ضحك : هههههههههههههههههه حالتك مستعصية الصراحة .. لا فيصل تزوج و لا هو يحزنون .. هو كان يلعب معها مسوي يفاجئها

غصون تصرف : وش يثبت ..

ود : بعد ما سكرت منك .. قلت لأحمد وش السالفة .. و قال فيصل جالس يلاعب دينا و قال لها ..

غصون : اها

رقت لغرفتها تدق على وتين و أريم و تقول لهم

ღ..ღ

في بيت صاحب الشأن -_^ المغلوب على أمره

بيت أحمد أخو محمد ( زوج غالية ) الكبير .. أحمد متزوج و عنده بنتين و مو راضي على كلام أبوه و أعمامه بس وش بيده ..

أحمد : يا بنت الحلال اسمعيني ..

زوجته : اسمعني أنت ما تتزوجها يعني ما تتزوجها و إذا بتتزوج أنا أبروح لبيت أهلي ..

أحمد : سلمى أنتي عارفه أن السالفة مو بيدي ..

سلمى بعناد : لا بيدك أنت من بيتزوج أنت و ألا هم .؟!

أحمد : بس هذولا أهلي .. و مالي غنى عنهم ..

أحمد يمسكها يدها : اسمعي أنتٍ بس

سكتت صدت عنه

أحمد لف وجهها بيده و قال لها : سلمى أنتٍ عارفة أنه مو برضاي .. و أنتٍ الأولى و الأخيرة و هي بس زوجة بالاسم .. عشان ولد أخوي

الله يرحمه .. لا تخافين ما راح أعاملها زيك أبداً ألا إذا وسكت ..

سلمى ساكته و تنتظره يكمل و هو سوا حركة نذالة و سكت ..

سلمى باندفاع : ألا إذا إيش .؟

أحمد : ههههههههه عرفتِ تتكلمين ألحين

سلمى بإصرار : ألا إذا إيش .؟!

أحمد : إلا لما تسمحي طبعاً

سلمى بسرعة : و من قال إني بأسمح !

ღ..ღ

( ما كسرني الليل لكن ما جبر باقي همومي

ما حزنته بس و الله ما لمحت الفرح فيه ..

: تركي يا ولدي يا أبي أقول لك شيء

تركي عدل جلسته : أمرني يا عم

أبو أنس : أنت يا ولدي عادك تشتغل ألحين في الجمعية ويصرفون لك راتب .. و ألا أنا غلطان

تركي : لا مو غلطان ..

أبو أنس بجدية : أنتي يا تركي منتب صغير .. ما ودك تكون نفسك و تتزوج .؟!

تركي فرك يدينه إلين صار بيضاء : من ما وده يستقر .. بس تتوقع أحد يزوجني بنته .؟!

أبو أنس : وش فيها يا وليدي كلنا عبيد لله .. إذا أنت جازم البنت ميب صعبه ..

تركي سكتت

أبو أنس يكمل : أنا بأقولك .. حالك ميب شينة أبد .. و إذا ربك يسر بتلقى أهلك .. و أذا ما قدر ما نعترض على حكمة .. صح يا تركي

تركي بترقب : صح

أبو أنس : ها أنت جاد بس تبي تستقر ..

تركي سكت شوي و أبو أنس احترم سكوته و هو ينتظر إجابته

تركي بعد فترة سكوت : إيه ..

أبو أنس : شف يا تركي أنت سمعتني و أنا أقول ألحين اسمعني .. أنا لي بنت ميب صغيره بعمرك مرة عطت أخوها جوالها و أخذه لاستراحة شباب و أنت أخبر بحال بعض شبابنا اليوم .. و آخر الليل طلع من الاستراحة و خلاه .. و أخذه واحد ما يخاف ربه و عدل بالصور و نشرها .. و الله أننا عشنا أيام ما يعلم به ألا الله .. فضيحة بنتي .. ألي معروفة بأخلاقها عند الجماعة .. و أنت يا تركي تعرف الناس يحبون القيل و القال .. و انسد باب رزقها .. و ما أبي لبنتي ألا الستر .. و أنا شوف فيك رجال ينشد فيك الظهر .. و تعرف القول إلي يقول اخطب لبنتك و لا تخطب لولدك ..

و حكاية هند تروى من جديد على لسان أبوها ..

ღ..ღ

في اليوم الثاني .. الصباح جالس يتقهوى و يقرأ الجريدة على عجل عشان يطلع للدوام ..

دخل أبوه و بصوت جهوري قال : السلام عليكم ..

نزل نايف الجريدة ووقف و باس رأس أبوه : و عليكم السلام

نايف : يله يبه أنا أستأذن بأطلع للدوام ..

أبو نايف : شوي يا ولدي بغيتك بشيء

جلس نايف : و هذي جلسة عنك ..

أبو نايف : يا نايف أنت كبرت و عاد عمرك 30 و أنت ما بعد أعرست

ودنا أنا و أمك نشوف عيالك قبل ما نموت ..

نايف : الله يطول بأعماركم على طاعته ..

أبو نايف : أنا أبي أخطب لك بنت عمك أريك دلال و جمال و غير كذا ما أبيها تروح للغريب .. وش قلت .؟!

نايف سكت شوي : يبه تأخذ رأيي ..؟ أو قررت و انتهيت ..؟!

أو نايف بحزم : الثانية ..

سيف إلي سمع أول الحوار : السلام عليكم .. " سلم على رأس أبوه و جلس " جن جنونه أبوه يبي يخطبها لنايف .. و هو قايل من أول و رفض ..

نايف : يبه أنا ما أفكر حالياً بالزواج .. و إذا على بنت عمي اخطبها لسيف .. " و لف على سيف إلي يهز الفنجال و يتفرج عليه "

أبو نايف يناظر بسيف : سيف أنا عندي إلي تصلح له ..

سيف تدخل : يبه وش تصلح ما تصلح أنت تقرر مصيرنا بدون مشاوره

أبو نايف عصب : يا ولد لا ترفع صوتك على أنا أبوك و ألا نسيت ..

سيف يهدي نفسه : حقك علي يبه بس طلعت من طوري ..

أبو نايف : خلاص بكرة أبروح أخطب لكم أنتم الاثنين مرة وحده ..

سيف باستهزاء : و من هي إلي تصلح لي .؟!

أبو نايف : سارة بنت هنادي بنت عمك

سيف وقف : آسف يبه ما أقدر أنفذ رغبتك ..

أبو نايف بعصبية : و أنا ولد أبوي تعصي كلامي يا ولد أمك ..

سيف أخذ بعضه و طلع من البيت معصب ما يشوف طريقه

نايف : يبه هد نفسك .. سيف ما يقصد إلي قاله أنت تعرف سيف دائما متهور ..

أبو نايف : عشان كذا ما ودي يأخذ بنت عمك .. عارف يا ولدي بتسأل ليه .. بنت عمك يتيمة و لا ما ودي أنن يأخذها واحد متهور يضيعها بتهوره .. ويد بواحد عاقل و فاهم للحياة ..

نايف : بس يبه هو يبيها لا يمكن تجبره على وحده هو ما يبيها .. و أنا لا يمكن أخذ وحده أخوي يبيها ..

أبو نايف : سيف صغير و بكرة بينسى أريم و يفكر بغيرها ..

نايف بنفسه أي صغير و هو طق 27 : يبه طلبتك لا تكسر بخاطره .. و تحطني بموقف صعب قدام أخوي ..

أبو نايف : توكل بس توكل يله لا تتأخر على الدوام .. كلمتي وحده مالها ثانية بكرة بنروح نخطب و إذا بيجي معناه حياه الله و إذا موب جاي بكيفه بنخطب له .. بنخطب له ..

ღ..ღ

أريم : سوير وجع اهجدي .. غصون هاتيه بسرعة بلا لقافة

غصون تقهرها : لا

أريم عصبت : هاتيه غصون .. مالك داعي ..

غصون سحبت جوال : لا بأفتشه يمكن فيه شيء منا و ألا منا

أريم قربت لها و غصون رمت الجوال من فوق أريم على سارة و صلت حدها أريم راحت تأخذ من سارة إلي رمته على غصون ..

أخذت بعضها أريم و دخلت لغرفتها بعد ما ضربت الباب بقوة ..

سارة بهمس : وينه جبتيه

غصون بنفس الهمس : إيه شوفيه في غرفت أمك ..

سارة تقلدها : أمك .. طيب يله خلونا ندخل الشريحة فيه

غصون : يله

راحوا بسرعة لغرفة هنادي .. و أخذوا منها كيس حاطين فيه مفاجأة لأريم و هي بلاك بيري .. تحلم فيه أريم من يومهم في أمريكا

غصون : جيبي الكرتون إلي جبتيه بسرعة ..

سارة راح تجيب الكرتون ..

غصون غلفت الكرتون الأساسي حق الجوال ..

شوي و جت سارة : امسكي ..

حطوا الجوال في الكرتون الأحمر الكبير شوي و داخله قصاصات ورق مع فلين الدوائر الصغيرة » افلقوني إذا فهمتوا ..

بعد ما خلصوا سارة : أنا بأكتب ..

يتبع ,,,,

👇👇👇