رواية قلوب تجرعت الحب -15
فاطمه/لا رحت قلت لشغاله تشوف قالت ما في احدفي المستشفى
كان الكل حول عبدالملك
عبدالملك/قام حس بدوخه بسيطه وشاف وميض الوان قدامه سكرا عيونه مره ثانيه ورد فتحها لقا الوان قاعده تتوضح وخيال اجسام واقفه قدامه سكرها مره ثانيه وفتحها وانصدم لما لقى نفسه يشوف
بندر/ها يخوك عساك احسن
عبدالملك/بفرحه/احسن بكثير يا بندر بكثير
الكل كان في وجيهم علامات تعجب من فرحته الزايده قرب منه ولدعمه وصديق عمره سلطان
سلطان/عبدالملك انت
عبدالملك/ايه ايه يا سلطان انا اشوف
قام الكل منا لفرحه يحضنونه
زياد/ بدق على الاهل اخبرهم العنود ذبحتني اتصالات
العنود/تتكلم من جدك اخوي عبدالملك
الله يبشرك بالخير يلا مع السلامه بروح ابشر الاهل
جتهم ركض لصاله وهي تصارخ اماني امانييي
يمه
فاطمه/بسم الله وش فيك
العنود/زياد دق علي يقول انهم مع عبدالملك في المستشفى
اماني/ليه وش فيه وش صار
العنود/لاتخافين عبدالملك تعب شوي ونقلوه المستشفى يمه عبدالملك رد يشوف اخوي رد يشوف يا اماني
ام بندر/وش تقولين اخوس الحمدالله ياربي الحمدالله
اماني كانت في حالة صدمه من الفرحه
ابتسام/امون وين رحتي
اماني/ابي اروح اشوفه الحين
فاطمه/خلاص انا بدق على نواف يجي يودينا
في المستشفى جوا خواته وامه واماني يشفونه
اماني كانت وافقه جنمبه وهوا ماسك ايدها وهوا يكلم خواته وامه ويضحك معهم
العنود/بنات يمه تعالوا برا شوي ابيكم بموضوع
رغد/موضوع شنوا
العنود/اشرت لهم عشان يخلونهم بالحالهم وطلعوا
عبدالملك/شله هالدموع الحين انا قلت ما احب اشوف دموعك الغاليه
اماني رمت نفسها بحضنه وصارت تبكي من الفرحه
اماني/ماني مصدقه مبسوطه بالحيل
عبدالملك/الله لايحرمني منكم قولي امين
اماني/منكم تقصدمين
عبدالملك/نسيتي انتي و حمد
اماني/الله لايحرمنا منك
عبد الملك/اقول امون اثاري الحمل يحلي انا كنت اسمع كذا الحين صدقت حليانه
اماني/ميته من الحيا وتبي تصرف/متى قالوا بتطلع
عبدالملك/هههههههه يا ذا الحيا على العموم قالوا انشالله يومين واطلع
بيت بندر غرفة بندر وابتسام
ابتسام/بندر ممكن طلب اذا ما يضايقك
بندر/طلب انتي تامرين
ابتسام/ما يخالف سيف ينام عندي اليوم
بندر/شنوا وانا انشالله
ابتسام/مستحيه/عادي ينام بينا
بندر/يعني لازم ينام هنا اليوم
ابتسام/بتموت من الحيا/حبيبي بس اليوم تعرفني شكثر احبه
بندر/ايه الظاهر تحبينه اكثر مني انا بعد
ابتسام/لاتقارن نفسك بأحد انت غلاك غير
بندر/يا حظي اعتراف خطير
ابتسام/ها شقلت
بندر/امري لله بس الليله بعدين اذا رغود ماجت خذته انا بنفسي بروح اوديه
والله بيشاركني بزوجتي ماصارت
ابتسام(قلبها طبول من الحيا)/وفي طلب ثاني
بندر/الظاهر اليوم يوم الطلبات أمري
ابتسام/بما انه حنا في العيد طول عمري اسمع عن الملاهي بس ولا عمري رحت ابيك توديني العب سيف هناك شرايك
بندر/تامرين امر اي اوامر ثانيه
ابتسام/لاء سلامتك
بندر/اقدر الحين اتكلم
ابتسام/تفضل
بندر صار يقرب منها حيل ومسكها من خصرها/وش كل ذا الحلا اليوم صراحه كل يوم تصدميني بجمالك
ابتسام/خدودها وردة من الحيا/بندر سيف نايم
بندر/وانا وش سويت
طبع بوسه على خدها خلا قلبها يدق طبول
على الجوال
اميرة الورد/وانت وش تبي باسمي يكفي اني رضيت اكلمك
وليد/عادي يعني وش بيصير اذا قلتيلي اسمك بما انه شريحتك من غير اسم
اميرة الورد/موالحين خلها بعدين
وليد/اهم شي تقولين لي من نفسك ماراح اضغط عليك مصيرك راح تقولين لي
اميرة الورد/واثق اني بقولك هذا اسمه غرور
وليد/ليه ما تسمينه ثقه بالنفس
اميرة الورد/هههههههههههههههههههههههههههههه
وليد/تسلم لي الضحكه وراعيتها
اميرة الورد/يلا تصبح على خير
وليد/بتكمليني مره ثانيه
اميرة الورد/اوكي بكلمك يلا باي
وليد/باي
بعد العصر
الجده/طالعين يا بنيتي
ابتسام/ايه يا جدتي بنودي سيف الملاهي يعيد
بنطلع عقب نص ساعه
الجده/بغيتكم توصلوني بيت ولدي ناصر(ابوا سلمان)
بندر/حاضر كم شخوشخه عندنا وحده
الجده/استح وش شخشوختك مره شكبري عيال عيالي اطول مني تقول عني كذا
بندر/للحين شباب يا قمر
الجده/ادري اني شباب ما يحتاج تقول بس الاحترام واجب
ابتسام وبندر/هههههههههههههههههههههههههههههههههههههههه
ابتسام/والله انك عسل يا جدتي الله لايحرمنا منك
ودا جدته بيت عمه وراح ودى سيف وابتسام (حكير لاند)
وعقبها وصلوا سيف بيت راكان
(عند الباب)
بندر/هذا ولدك ورديناه ومع الفوايد بعد
راكان/وش فوايده
بندر/وديناه الملاهي يعيد وخليناه ينبسط اعتبروها دين ترا بتردها بعيالي
راكان/هههههههههههههههه رددد يالليل ما اطولك
بندر/بدينا نتهرب من الحين
راكان/اعتبرها حسنه في ولد اختك عشان يتذكرك بالزينه
بندر/يلا بايوا بمر على جدتي تأخرت عليها
راكان/بايوا وسلم على الاهل
بندر/يوصل
(اتفقوا على طلعة البر يوم الخميس)
يوم الاربعا في الليل بيت بندر
في الصاله
هند/مابي اروح البر
فاطمه/وليه انشالله
هند/حر وغبار وقرف ما اقدر استحمل القعده هناك ها الدور انام هناك
بروح بيت اهلي وانتوا روحوا
فاطمه/ياليت طبعا انتي مرت اخوي واحب راحتك بس الوالده الله يسامحها ويهديها عزمت اهلك معنا وبيروحون
هند(انقهرت منها وصعدت فوق)
ابتسام/فقعة ضحك/حرتم عليك فطوم
فاطمه/تضحك/خل تولي مسويتلي فيها من بنات بيروت ما تعودت على البر
(الجرعه الثالثه والعشرين)
في البر
كانوا الحريم ام سلمان وام بندر وام سلطان وام هند يسولفون والبنات مع الجده فارشين جنمب الخيمه
العنود/اقول جدتي انت شلون خذيتي جدي
رغد/انبلتي انتي وش ها السؤال
فاطمه/عادي
الجده/شلون خذيته يعني خطبة اهل امه شافتني وخطبتني
فاطمه/يعني ما خذيتيه عن حب
روعه/والله انك مهبوله
الجده/والله انكن ما تستحن قوموا قوموا ما يسر خاطري الا مرت ولدي
فاطمه/كلنا حريم عيالك اي وحده فينا
الجده/بنيتي ابتسام
مها/افا يا جدتي يعني حنا ما نسرك
الجده/كلكم لكن معزه بس ابتسام غير
اماني تستاهل بسوم
ابتسام/تسلمون اشرايكم بنات نروح انتمشى مليت من القعده ابي اتمشى
روعه/فكره حلوه من يقوم معنا
نوره/انا بقوم معكم دام اريام نايمه داخل عند خالتي
ابتسام/فطوم منتي قايمه
فطوم/لا بظل معهم انتوا روحوا
خيمة الرجال
كانوا يسولفون ومحمد وسيف عندهم
دق جوال فهد
فهد/هلا مها
مها/حبيبي هات محمد
فهد/ليه خليه قاعد معي
مها/حرام بنومه شوي مانام زين البارح
فهد/خلاص قابليني ورى خيمة الحريم
جواهر/يا الخبله بعدنا
امل/صراحه اخاف انا برد بتردون معي
هند/وش فيكم خوافات
جواهر/بعدنا عن مكانا انا برد مع امول وانتي كيفك
هند/كيفكم انا بقعد هنا شوي عقب الحقكم
مها/يا حياتي شوفه نام
فهد/صراحه بديت اغار منه ها المحمد
مها/(تناظره بنص عين)وليه انشالله
فهد/كل شي عندك محمد يعني ابوه ماله رب ولا موا مالي عينك
مها/ لوا موا مالي عيني كان ما خذيته وضحيت بكل شي عشانه
فهد/يعني تحبيني
مها(بحيا)يعني وش رايك
فهد/حاب اسمعها منك
مها/ما راح اقولها الحين لين ردينا اقولك
فهد/ش يصبر قلبي لين نرد البيت عقب يومين
مها/شالت منه محمد وراحت عنه وهي وجهها يعطي الوان من الحيا
بندر/انا بروح اقنص من بي خاويني
سلمان وراكان/ بناخويك للقنيص
ابوا سلطان/هالله هالله بالصيد الزين
بندر/لا توصي
كانت قاعده على الرمل شافت المكان مافي احد فشالت عنها الشيله
شافوها من بعيد شلة شباب جوا قربوا عندها وهي سرحانه ما حست فيهم
واحد منه/وش ها القمر الي نازل على الارض
خافت وقامت ومن الربكه نست تحط الشيله على وجهها
واحد ثاني/ على وين يا قمر خلينا قاعدين
خافت وصارت تمشي بسرعه بس واحد منهم حجر لها وحوطوها
راكان/تشوفون الي اشوفه
سلمان/هذولا مالهم خوات يوم يزعجون بنات خلق الله
بندر/خل انروح لهم
راكان/بعد هي وين عقلها يوم تبعد عن اهلها ولحالها بعد
ابتسام/بصراحه حدي مستانسه بحياتي ما طلعت البر
نوره/عاد بر السعوديه غير
روعه/ايه صدقتي فديت ترابها
ابتسام/اقول بنات خل انرد تأخرنا عليهم اخاف يحاتونا
نوره/ايه خل انرد الحين تلقين اريام عافستهم
ابتسام/يا حياتي تهبل
نوره/ازعجتنا روعه بتطلع علي بتطلع علي وطلعت عليها وانا الي ابتلشت
ابتسام/هههههههههههههه
روعه/لا اقول سكتي لكم الشرف يوم تطلع علي
نوره/ههههههههههههههه امزح وش فيك يلا نمشي
قرب بندر وقدر يتعرف عليها وانصدم كانت هند ومن غير غطى على وجهها تمالك نفسه وراح لهم مع راكان وسلمان
سلمان/هي انتوا شفيكم
واحدمنهم/وانت وش عليك
راكان/ياخي استحوا وانت يا اختي اغطي وروحي لهلك
تغطت بسرعه وركضت
بندر/انت وش جابكم وشوله تتعدون على محارم غيركم ما تستحون(بعصبيه)
واحد ثاني/وانت وش حارك ليكون البر باسمك
بندر عصب وراح عنده وعطاه بوكس بوجه وقامت هوشه بيناتهم في الاخير بندر خذا الشوزن واطلقه بالهوى خافوا وراحوا بسرعه بسيارتهم
فاطمه/حمدالله والشكر وش فيها ذي تركض كنه احد لاحقها ودشت داخل ولا سلمت
اماني/ش عليج منها خليها تولي
ابتسام/اقول جدتي حابه تعلميني خبز ارقاق خاطري اتعلمه
الجده/منجدك ما طلبتي شي اعلمك
فاطمه/وش لك بدوخة الراس
الجده/ما عليك منهن انا انشالله باجر اعلمس
ابتسام/باست راسها/تسلمين يا جدتي
جواهر/هند وش فيك ترجفين كذا
امل/هنودا شفيك تكلمي
هند(بخوف)/عيال تحرشوا فيني
جواهر/وبعدين
هند/لا تخافون ما لمسوني
امل/اجل اشفيك خايفه
هند/بندر شافني هوا وعيال عمه تركتهم وهم يتهاوشون معهم انا خايفه من بندر شكله كان يخرع عمري ما شفته كذا
جواهر/الله يستر بس انتي اهدي لا العجايز يلاحضون ربكتك
راكان/هدي هدي يا خوك ما صار الا الخير وهم راحوا في طريقهم
سلمان /خلن انرد
بندر/ماعاد لي خاطر للقنص خل انرد
عبدالملك/اشوف يدكم فاضيه وين راحت مهاراتكم ولا توصي يا عمي
سلطان/شكلهم كبروا على القنص
نواف/وش فيكم وش صار وش فيكم اثوابكم مشققه
راكان/ابد بس وحنا رايحين نقنص شفنا شباب يتحرشون ببنت فا تدخلنا وبعدين الي تشوفه
ابوا سلمان/لا حول الله حتى في البر ما يخلون بنات الناس بحالهم
ابوا سلطان/عسى البنت ماصار فيها شي
سلمان/لا ما صار فيها شي ردة لهلها
فهد/هي بندر وين رحت شفيك معصب روق يا خوك عدة على خير
في الليل كانوا البنات والحريم قاعدين داخل الخيمه دق جوال هند وكان بندر بس ما ردة دق كذا مره ومن الخوف ماردة
عقبها دق على ابتسام
ابتسام/هلا بندر
بندر(بعصبيه)/هند معكم
ابتسام/وش فيك
بندر/جاوبيني هند معكم
ابتسام/ايه
بندر/قوليلها انتظرها برا خل تطلع بكلمها
ابتسام/حاضر
......................
رغد/وش فيك وش يبي بندر
ابتسام/يبي هند وشكله كنه فيه شي
فاطمه/الله يستر
ابتسام/هند
هند/نعم شتبين
ابتسام/موا انا الي ابيك بندر يبك يبي يكلمك قاعد برا ينتظرك روحي شوفيه
هند/ها بندر يبيني
ام هند/روحي شوفي رجلك شيبي منك
العنود/شفيك خايفه
جواهر/تهمس لها/قومي لايتشمتون فيك
هند/قامت وهي ميته رعبه خذت شيلتها وطلعت
...........................
جته هند وهي منزله راسها من الخوف
هند/بغيتني
ماحست الا ويجيها ذاك الكف من بندر من قوته حمر خدها
هند/بنظرة قهر ودموع/تمد يدك علي يا بندر
بندر/واكسر راسك بعد المره الي ما تحافظ على نفسها وعلى سمعة زوجها واهلها تستاهل الي يصير لها حمدي ربك ما قلت لبوك عن الي صار انقلعي داخل انقلعي
دخلت الخيمه وهي مغطيه نفسها بالشيله عشان محد يشوف مكان الكف وقعدت عند خواتها وهي بتموت من القهر
امل/وش قالك
جواهر /تكلمي
هند/تعالوا برا شوي عشان اقولكم
جواهر/ها الله يوقفه
امل/جعل يده الكسر ها القروي
هند/على بالكم بسكت ان ما رديتها له وخليت راسه بالارض ماني هند الكف الي عطاني اياه بدفعه الثمن غالي
في الصبح كانوا كلهم نايمين
صحت ابتسام وصلت عقبها راحت شافت الجده تسوي خبز الرقاق وجت قعدت تساعدها
..............
صحى وصلى ولبس بنطلون جينز وبلوزه نص كم رمادي طلع شاف جدته وابتسام قاعدين
بندر/صاح الخير
ابتسام والجده/صباح النور
بندر/ميت جوع ابي افطر
ابتسام/ههههههههههههههههه سلامتك من الجوع تفضل هاك الفطور مجهزته لك
بندر/يسلموا
الجده/اقول كل وانت ساكت
بندر/شفيها الحلوه اليوم
الجده/الحلوه مشغوله قاعده تعلم زوجتك خبز الرقاق وانت مشغلنا
بندر/كفوا والله ابتسام صراحه حرمتي خطيره
الجده/اقول كل واسكت اشغلتنا
جتهم فاطمه/والله قاعدين ها القعده الحلوه من غيري
بندر/تفضلي اقلطي افطري معي
ابتسام/بالعافيه شبعتوا
فاطمه/انا عن نفسي ايه بس التفخ الي قدامي ما يندرى
بندر/ماتفخ الي انتي انا شبعت بس ودي بقهوه
فاطمه/انا ابي نسكفيه
ابتسام/تفضل القهوه وانتي بتلقين المويه الحاره بالترمس الابيض والنسكفيه تقلينه بالسله الي جنمبك
فاطمه/يسلموا بسوم
بندر/فطوم وين مرام ودي العب معها
فاطمه/مع الوالده داخل الحين اروح اجيبها لك بس يادوب اتشوفها لانه الشمس الكثير موا زين لها
عند خيمة الرجال
عبدالملك/اقول سلطان شرايك نروح نلعب بالباني نسترد ذكريات العزوبيه
سلطان/فكره حلوه يا الربع تخاونا
نواف/قدام اكيد بخاويكم
الشباب/اكيد
في الليل كانوا كل البنات مجتمعين بالخيمه صوب عن الحريم الكبار
نواف دق على فاطمه عشان تتمشى معه
نواف/مشتاق لك بالحيلللللللللللللللللللللللللللللل
فاطمه(بحيا)/وانا بعد
نواف/ها عفوا بس ما سمعت زين
فاطمه/وانا بعد
فاطمه/صدق لعبتوا بالبانشي اليوم
نواف/ايه انا والشبباب
فاطمه/قهر خاطري اركبه
نواف/مايصير الناس وش يقلون عني وهوا مركب حرمته بانشي في البر يكفي تركبين بالمزرعه
جواهر/هند افردي وجهك
امل/خلصنا هند عدة على خير
هند/اي خير يعطيني كف والله لخلي قلبه يتقطع والله لخليه يندم
جواهر/وش ناويه عليه
هند/كل شي بوقته حلوا خلن انرد وبتعرفون وش الي براسي
نواف/فطوم حطي الشال على راسك واحد من الشباب جاي صوبنا
بندر/بصوت عالي/حركات يا قيس واقف لي مع ليلى في ها الجوا الشاعري
نواف/يا خي انت وش قطك علينا الواحد ما يعرف يقعد مع حرمته شوي
طبعا فاطمه ميته من الحيا وهم ولا على بالهم
فاطمه/عن اذنكم
نواف/على وين يالغلى
فاطمه/بروح برجع
بندر/ناديلي ابتسام الحين دورنا نلعب قيس وليلى
نواف/هههههههههههههههههههههه خذ راحتك هذاني رايح
جت شافت الحريم الكبار مسوين قعده برا والبنات بالخيمه دخلت عليهم
فاطمه/اقول قومي بندر يبيك
هند/ماابي اروح
فاطمه/الحين انتي من كلمك كنه ماعنده زوجه غيرك اخوي يبي حبيبة قلبه بسوم
رغد/تهمس للعنود/عزتالله بتقوم حرب داحس والغبراء
هند/خله يشبع فيها
فاطمه/اكيد ما يبيلها كلام انت لوا تشوفين وجه اخوي اشلون ينور وهوا يقول ناديلي ابتسام كان عرفتي انه ذايب فيها لدرجة انه موا شايف غيرها
ابتسام/خلاص فطوم بروح بروح بس خلصينا
فاطمه/يلا ترا مبين عليه ولهان
قعدة فاطمه
العنود/كليتيها
نوره/والله منت بسهله سكتيها
اماني/صراحه ينخاف منج
فاطمه/هههههههههههههههههه فزعه ولا شي انا عند وجهك بس دقي علي واخلصك الموضوع
اماني والبنات/هههههههههه
العنود/امسكي بنتك تعبت من العب ونامت
.............
هند/شفتوا شفتوا بعينكم ميتين على ها البسوم مدري ليش مع انها قرويه
امل/لاتحرين نفسك عشانهم
جواهر/انسي واحقريهم
ابتسام/طلبتني
بندر/ايه اقعدي بسولف معك شوي مشتاقلك
ابتسام/وهاذي قعده
بندر//(تنهد بضيق)
ابتسام/حبيبي وش فيك شكلك متضايق
بندر/لاتحطين في بالك
ابتسام/شلون ما احط في بالي وحبيبي متظايق وباله مشغول
بندر/بسوم ابي انسى واقعد معك
ابتسام/براحتك دام ماتبي تقول
بندر نام على رجولها وصار يطالع السما وعقبها صار يطالعها وهي تعلب بشعره ومستحيه من نظراته
في الصبح
رغد/خساره بنرد العصر
ابتسام/بنات شرايكم نتسابق لفوق
روعه/ موافقه
العنود وفاطمه/ واحنا بعد
صارت تعد/123
وصاروا يركضون زي المجانين
ولي ربحت ابتسام
فاطمه/اه خلاص تعبت انسدحت على الرمل وانسدحت جنمبها روعه
ابتسام/لا وتقولون علي مشفوحه وما ابطل اكل صرت انا ذات لياقه عاليه
العنود/اقول لايكثر خلن نرجع قبل ما احد ما الشباب يشوفنا
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك