رواية بعلمك درس -8
فجر :ابغرفت المكتب
او راحت ام فيصل لغرفت المكتب
ام فيصل:مساء الخير!!!!
بو فيصل: مساء الخير
ام فيصل :بو فيصل خالد اشفيه طالع مثا الصاروخ ومعصب
ابو فيصل :ابد مافيه الا العافيه.......اقول ام قيصل ..........زهبى عمرج راح نملج لخالد الاسبوع الجاى
ام فيصل وهو مصدومه :اشلون ومنو هذى
ابو فيصل اشلون انروح ومع المملج نملج ..........ومنو هذى بنت اخت رفيجى صالح.....
وبلغى البنات وحنان مرت فيصل ودقى علا اختى دلال بلغيها ابيكم كلكم اتروحون .....مابى ولا وحده تقعد...
ام فيصل وهى مازالت مصدومه انزين مايصير جذيه اتغصب خالد وتظلمه ....وهى تبلع ريقها ........
وبعدين احنا ما نعرف البنت ..........خن اشوفها بالاول
ابو فيصل :انا اعرفها وشايفها وخلاص خطبتها والملجه الاسبوع الجاى او الاى بعده بالكثير .........
((((((((الجزء السابع))))))))))
اطلعت ام فيصل من الغرفه واهى مو بعيده من ولدها بالزعل والقهر ......وقعدت علا اول كرسى واجهها بالصاله
ولتفتو البنات علا امهمه ..........
فجر وفرح :يمه اشفيج ؟؟؟؟؟؟؟؟؟؟؟؟؟
فجر: يمه وجهج اصفر شالسالفه .....
فرح :يمه اسم الله عليج اشفيكم انتى وخالد .....احد فيه شى اخوى فارس فيه شى؟؟؟؟؟؟؟؟؟؟؟
ام فيصل: التفتت عليهم اسم الله علا اولدى ؟؟؟؟بس ابوكم مادرى الظاهر يبى يذبحنى قهر!!!!!!!!!!
فجر :ليش يمه شالسالفه؟؟؟؟؟؟؟
ام فيصل: يافشلتى من اختى فشلنى فيها شقولها الحين ؟؟؟؟؟؟ انا ادرى انه يبى يفرق بيننا باى طريقه ؟؟؟؟
ام فيصل شخصيتها ضعيفه عند اختها وما تقدر ترفض لها طلب ......بس شخصيت ابو فيصل اقوى ومو مخليلها
مجال اتدخل بعيالهم كان اى حاول يبعد اعياله عنهم ....بس ماكو فايده ....وصار اللى خايف منه لما حب
خالد ريم بنت خالته؟.........................
فجر : عسى ماشر يمه شالسالفه؟؟؟؟؟؟
ام فيصل :وهى تلتفت علا فجر وكانها تبد اتحط الحره فيها ............اشفينى ؟؟؟تسالينى اشفينى .....
فينى ان ابوكم يبى يذبحنى ويلغى وجودنا ....بهالبيت .....وصار الى تبينه يا فجر .....يا بنت ابوج ......بس عاد
تدرين ريم بنت اختى مو كفو اتكون بهالبيت الزفت ....حسبى الله عليك يا منصور!!!!!!
حرمت اوليدى من البنت اللى يحبها ....لاء وبيزوجه من هالهيلق اللى اختارهم علا ذوقه .....
حتى شكلها ما ندرى اشلون صاير .......استانسى استانسى يا فجر انتى وبوج ؟؟؟؟؟؟؟؟؟
((فجر انصدمت من رد فعل امها وما بغت ادجادل امها لانها منفعله حيييل فسكتت وصعدت علا طول فوق ....
مع انها كانت فى نفس الوقت فرحانه ان خالد ماراح يتزوج ريم ......اما فرح فكانت العكس متضايقه علا ريم
لانها اتحبها ولانهم نفس الشى ونفس الطينه))
فرح: يمه ياقلبى لا تعصبين عاصابج يمه .......الله ايهده ابو ليش ايسوى جذيه فيه احد بالدنيا ايزوج اولده وحده
عمره ما شافها وهو بعد مايدرى ابصراحه ....مصخره وبعدين شهالبنت اللى اتوافق علا واحد ما شافته ولا حتى
اتعرفه
ام فيصل :سكتى يا فرح والله انى منقهره حدى ومادرى شسوى
فرح :شتسوين بعد يمه ؟؟؟؟؟
ام فيصل : هذا يبى ايضيع هالولد منى لا ومادرى شقول لاختى والناس كلها تدرى ان خالد خاطب ريم بنتها
فرح :والله مادرى يمه صج الموقف محرج؟؟؟؟؟؟؟؟
اما فجر اللى انفجرت من البكى فوق (((ليش امى اتسوى معاى جذيه يعنى الواحد اللى يقول كلمه الحق يزعلون
منه وبعدين انا شكو فيهم بالطقاق تزوجها ولا بكيفه ....بس زين سوى ابوى فيهم))
اما خالد كان فى عالم ثانى وكان بسيارته يفر بالشوارع ......كان كل ما بغى شى ايسويه محد اى عارضه وابوه
يعاملهم بديمقراطيه ...اما يقنعهم ....او يقنعونه ....لاكن هالمره ......غير صار اكبر دكتاتور وهالشى صدم
خالد ........اشوى الا فيصل يتصل عليه ......
خالد:الو
فيصل:ويتك يا ولد
خالد : اشعندك اشتبى ؟؟؟؟؟؟
فيصل وينك انت ؟؟ابى اسولف معاك يا اخى ؟؟؟
خالد : مالى خلق اسولف مع احد
فيصل :اشدعوه يبه كلها كلمتين بس
خالد :قولها وخلصنى بالتلفون ترى مالى خالقكك
فيصل ان زين انت وينك الحين؟؟؟
خالد :ااافففففففف انا عالخليج يم فرايديز
فيصل : خوش انا قريب منك الحين جايك.... وسكر علا طول قبل لا يسمع الرد
خالد:هاه اشعندك انت بعد .؟؟؟؟؟؟
فيصل : خالد اليوم ابوى قالى عن خطبتك
خالد :وانت شرايك بالموضوع عجيييب صح ابذمتك لو انت اب مكانى اش بتسوى يا فيصل ؟؟؟؟؟؟؟
فيصل :ادرى يا خالد انا بعد انصدمت ببوى بهالموقف بس هو له قصد فيها تر ابوى ما يبى الا مصلحتنا يا خالد
ادرى بتقول الا الزواج بس ترى والله ياخالد ان ابى همه مصلحتكم
خالد :انت ياخالد اشعليك ترى الكلام سهل ....انت ترضى اتزوج عميانى علا ذوق ابوى ....اشمعنا انت اخترت حنان
عن حب واقتناع ....اهو رفض زواجى من ريم وطاوعته .....ماكفاه هالشى راح خطبلى وحده مدرى عنها
يعنى حتى ما شاورنى
فيصل : خالد انزين تسمع نصيحتى ؟؟؟؟؟
خالد:قول اش عندك مع ان السالفه ما اترقع
فيصل : خالد انت تدرى ان احنا ندرى اب زواجاتك اللى برا
خالد: ............
فيصل :الحين انا ابيك اتفكر معاى بالعقل مو بقلبك .......خالد انت ما ترضى انك اتصغر ابوى جدام الناس
اللى خطب منهم فانت ياخالد اعتبرها وحده من الحريم اللى تزوجتهم ان اعجبتك خلها علا ذمتك ....وتكون خيره لك
وان ما اعجبتك ......عادى طلقها وفهم ابوى انكم مو متفقين ......
خالد:فيصل من قالك انى ابى اتزوج انا مابى الزواج كله خلاص.....
فيصل :انا قلتلك راىى وانت كيفك ....بس تكفى يا خالد لا اتصغر ابو جدام الناس انا ادرى ان اللى صار غلط بس
\
خلاص صار وانتها .........تذكر ان ابوى عمره ما بخل علينا ابشى ودرسنا باكبر الجامعات واشهرها وخلانا فوق
الناس ......لايكون جزائه منن ان احنا انصغره ونفسله ونصدمه فينا تكفى يا خالد
خالد:...............
فيصل : انا بخليك الحين وترى السالفه لو اتفكر فيها مثل ما انا فكرت فيها تلقاها سهالات ............ونزل من
السياره وتركه لهمومه محتار
خالد : ((لا يمكن انى اتنازل عن راىى مهما كان ...............بس ابوى ما ودى اكسر كلمته واصغره جدام الناس
\
واهو اللى طول عمره كلمته عند الناس مثل السيف .............ااااااااه الله يهداك يبه شالموقف اللى انحطيت فيه)))
فيصل وهو راد ابسيارته ويفكر : (ليش ابوى سوى جذيه معا خالد وهو يدرى انه عنيد ما خاف يفشله ويكسر كلمته
ابصراحه ابوى غريب )
ريم :الو
خالد: هلا والله
ريم : وهى تبجى خالد صج اللى سمعنه
خالد:..........
ريم :ليش يا خالد ترى........ انا من غيرك اموت
خالد :ياقلبى لا تبكين ترى والله ما اتحمل .....
ريم :حرام عليك اتعلقنى فيك وبعدين تتركنى واتخلى عنى عشان ابوك
خالد:والله ما تخليت عنج ولا راح اتخلا عنج وحتى لو تزوجت انتى اللى بتكونين ابقلبى وانتى اللى بتكونيين
زوجتى
ريم: يعنى شنو؟؟؟؟؟؟؟؟؟
خالد :بعدين راح افهمج بس تاكدى انى ما راح اتخلا عنج مهما صار
ريم: خالد ترى والله لو اتزوج اذبح نفسى
خالد :قلت لج بعدين راح تفهمين
ريم :خالد
خالد:قلبى انتى
ريم :احبك
خالد:ااااااااااااااااه وانا بعد احبج
(((((الجزء الثامن)))))))
ريم : يمه ايقول لا تخافين ماراح اتخلا عنج ؟؟؟؟؟؟
ام على :ماراح ايتخلا عنج ...انشوف عاد ؟؟؟؟
ريم : الله ياخذ ابوه مادرى اش شايف نفسه عليه .......
ام على : ما تدرين حبيبتى اى حقله دكتور جراح قلب وفلوس ومنصب
مو ابوج ياحظى خريج السجون !!!!!!!!!!!!!
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك