رواية احضنيني بقوة اخاف منك اضيع -8
الرجال: هي الشغلات لألكون؟
ملاك:ايوا ثنكس تقدر تحطها وتمشي
الرجال:امرك
وحطها وراح
دخلت ملاك الجناح
ملاك:خالتي
ام رائد:ايوا ياملاك انا داخل تعالي
ملاك:في واحد جاب الاغراض حقت جناح رائد
ام رائد:ملاك الله يسعدك خذيها هناك
ملاك: ان شالله
وراحت وشافت الجناح مقفول وتذكرت ان الكرت عند طلال
ملاك في نفسها: يالليييييل الوهقه الحين لازم ادق على طلال يجيب الكرت
طلال اول ماشاف الرقم اللي بالجوال رد وهو مو مصدق
طلال بلهفه: الوو
ملاك:طلال انا عند جناح رائد جيب لي الكرت
طلال:الحين جاي
وصل طلال عند ملاك
طلال: في شي ثاني تبين تحطينه؟
ملاك: لا مناديتك اتفرج عليك
فتح طلال الباب وهو متضايق من كلام ملاك: تفضلي
ملاك :طيب ممكن تطلع وتخليني ارتب الاغراض على كيفي
طلال وهو متحطم:طيب
الحين الساعه 10 بالليل والكل بالقاعه
ملاك واقفه مع ام رائد وعماتها وامها فالاستقبال
رن جوال ام رائد:هلا طلال
طلال: يمه جبت الكيك حق رائد
ام طلال:خلاص الحين اخلي احد يجي ياخذه منك
وسكرت
ام طلال: ملاك حبيبتي روحي خذي الكيك من طلال وطلعيه جناح رائد
ملاك وهي ماودها: حاضر
وراحت عشان تلبس العبايه وهي ماتدري ان طلال دخل خلاص
طلال في نفسه: لاااا مستحيل هذي اللي مرت تكون ملاك ياربي معقول ملاك حلوه كذا معقول هي فعلا" ملاك ايييييه صح انا شلون نسيت اني شايفها بالمزرعه ذاك اليوم جد كنت عمي ويني عن ذا الحلا يقطع القلب مرتين اشوفك بدون حجاب ياملاك
ملاك:طلال
طلال:.......
ملاك:هي انت اكلمك
طلال انتبه: هانعم تكلميني؟
ملاك:لا أكلم جدتي أعطيني الكيك ابي ادخله
طلال:ايه تفضلي
وهو يعطيها الكيك لمس يدها بالغلط
طلال تنح شوي وماوخر يده ويقول بنفسه:حشى ولا نعومة الاطفال أهـ بس ياملاكي
ملاك:طلال لوسمحت
طلال انتبه :اوه اسف وربي اسف
ملاك وهي رايحه:ياربي ليه صاركذا
ودت الكيك ورجعت
وهي راجعه شافت وحده واقفه مع طلال عند الباب كانت لابسه العبايه ومفتوحه وعليها فستان احمر وصدرها كله طالع
نزلت ملاك من الدرج وقامت تطالع بطلال والبنت باحتقار من فوق لتحت ومشت
طلال:الله ياخذك ان شالله الحين ملاك تفهم الموضوع غلط
عاليه:حرااام عليك تقولي كذا وبعدين هالقد تهمك ملاك
طلال:اييه ياوجه المصايب تهمني انتي قليلة ادب وخري عن طريقي خليني امر
عاليه وصدرها لاصق بصدر طلال وهو وراه جدار يعني مو قادر يوخر
عاليه بمياعه وهي تلعب بأزرار ثوبه:بس ملاك ماتستاهل انك تحبها
طلال وهو يبعد يدها بقوه:وانتي مين اصلا"عشان تحددين تستاهل ولالأ وبعدين اذا ملاك ماتستاهل من يستاهل بالله
عاليه:انا استاهل يكفي اني احبك وهي تكرهك
طلال ومستغرب من وقاحة هالبنت:يابنت الناس وخري لاحد يمر ويشوفنا ويفهم الموضوع غلط
عاليه:أحسن عشان تجي تخطبني غصب عنك
طلال:أخطب مين؟
عاليه:أنا عاليه
طلال:والله وماقالت من مفكره نفسك انتي
عاليه بقهر ومياعه وهي لسه لاصقه فيه:انا عاليه وبعدين ترا مره شفت ملاك واقفه مع واحد بوضع استغفر الله العظيم
طلال ماقدر يمسك اعصابه أعطاها كف قوووي على وجهها خلاها توخر عنه لاإيرادي
طلال:وربي لوتكلمتي على ملاك مره ثانيه لاتلومين غير حالك
ومشى وخلاها
يوم جات الساعه12 قالوا العيال يبون يدخلون يرقصون
ودخلوا وطلال معهم ويدور بعيونه على ملاك
والبنات خاقين عند طلال وطلال ولامعبراحد
وطلعوا البنات كل وحده ترقص مع اخوها وفلوها وطلال يتمنى ملاك تعبره لو بكلمه
ومارجعوا البيت الا الساعه6الصباح من الرقص والوناسه الكل نااام وماقاموا الا العصر
البارت الثامن
العصر البنات نايمات عند رغد
ملاك:غيدا فيني النوووم تكفيييين شوي بس
غيدا:يااااربي منكم رغييييد ريووووم ملاكووو شوق لينووو لمى قوووووموا جننتوني
رغد: تكفين ياغيدا
شوق :وربي امس تعبنا
غيدا:اقول قوموا الناس بتجي تبارك وانتوا خامدات
ريما:ياغيوود تعالي نامي معنا ريحي شوي عن هالعصبيه اللي انتي فيها
ملاك:الحين انتي كلا نايمه معنا وماتقومين الا معنا وعمتي هديل هي اللي دايم تقعدنا شمعنا هالمره جايك نشاط؟
غيدا:ترا وربي لااخلي امهاتكم الحين يجون يقومونكم ولا هديل هي اللي تعرف لكم
لينا: ياااااربيه خلاص خلاص نص ساعه ونقوم
غيدا بقلة حيله:اوووف منكم انتوا ماتسون الا اللي براسكم وطلعت وهي معصبه
نروح لرائد وزوجته هبه شوي
في فرنسا
رائد فتح عيونه:ااه فديت هالعيون وربي
هبه وهي ع السرير:صباح الخير
رائد: احلى صباح مر علي بحياتي
هبه: يوووه رائد ترا استحي
رائد: فديت اللي يستحون وربي
هبه:يلا عااد قووم
رائد وهو يغمز لها : والله ماودي
هبه استحت وقامت تاخذ لها دوش
فالسعوديه
تركي: طلااااااال يلا عاااد قووووم
طلال بعصبيه وهو نايم:ياربي منك ياتريييك انقلع برا الغرفه وطف النور وسكر البااااب
تركي: انت هي انا اول مره اشوف شركه المدير فيها اخر واحد يداوم
طلال:بكيفي شركتي وكيفي
تركي:وربي لو ماقمت لااكب كاس الماي على راسك
طلال وانزعج من تركي:خلاص خلاص ياخي قمت انقلع برا خلني اخذ لي دوش
تركي يلعب بحواجبه :ماينفع معك الا التهديد
(طلال مع صغر سنه الا انه شاطر بالتجاره وقدر يكون له شركه مستقله عن شركات ابوه وعمانه)
شوق :لينا شرايك نروح مع هشام البحرين نحضر الفلم الجديد حق احمد حلمي
لينا:اوكي وفواز؟
شوق: لافواز ماعنده اجازه خوالي مخلين العيال يشتغلون صح
لينا:ياحياتي يافواز يتعب
شوق :بلا غرامياتك تبين نروح ولا لأ؟
لينا:بما ان فواز مو رايح انا بروح لان بصراحه انا ارتبك لمااكون معه بنفس المكان
شوق:اجل خليني ادق على هشام واقوله
دقت شوق على هشام وراحوا اليوم اللي بعده البحرين حضروا الفلم وتعشوا ورجعوا
لمى جالسه لحالها وتتذكر
لمى:سعود حبيبي وربي اني مو ناسيتك بس انشغلت هاليومين
سعود: لالا انا زعلان وفوق هذا بتسكرين الحين وتخليني
لمى: حبيبي مو بكيفي لازم اروح البنات كلهم متجمعات ولا نسيت اليوم جمعتنا
سعود:خلاص بكيفك روحي
لمى: وربي مايهون علي اسكر وانت زعلان
سعود:يعني يهمك زعلي؟
لمى:اكيييد وبدليل اني ماراح اسكر لين ترضى قولي الحين شاللي يرضيك؟
سعود:امممم خلاص قولي لي كلمه حلوه قبل ماتسكرين
لمى:امممم طيب حبيبي انا لازم اسكر الحين صدقني بتوحشني
سعود:خلاص كذا رضيت بس قبل اسكر بسألك متى تبين نحلل؟
لمى:اللي تشوفه الله يستر قلبي مو مرتاح
سعود:ان شالله مافي الا الخير وان شالله هالاسبوع نسويها
لمى: مع السلامه
سعود:مع السلامه ياقلب سعود
لمى ترجع للواقع
لمى:يوووووه كيف كنت معه ليييه سوا كذا الله لايرده والله اني محيتك من قلبي وعقلي ياسعود
بس ومعتز والله انه ينحب ويني عنه من زمااان
البارت التاسع
ملاك: مااعتقد طلبتي مني اسكر التلفزيون عشان تسكتين كذا
رغد: ملاك انا...انا...انا انخطبت
ملاك: طيب ادري ان هشام خاطبك شالجديد؟
رغد: الجديد انه مو هشام واحد ثاني
ملاك ومو قادره تستوعب: شلون يعني
رغد: انتي تدرين ان هشام خطبني وانا وافقت وعشنا احلى ايام
بس بعد تدرين انه لسى ماتقدم رسمي يعني امي وابوي مايدرون
ملاك: طيب عادي ارفضيه واذا قالوا لييه؟ قولي استخرت وماارتحت
رغد: المشكله انه عاجبني
ملاك: نعم شنو يعني عاجبك؟ وهشام؟
رغد وهي بدت تبكي:يعني انا فكرت واستخرت وارتحت لهم اثنينهم واثنينهم مافي زيهم
بس الفرق بين هشام وبندر ان بندر ملتزم وهشام لا
ملاك:وهشام يحبك وبندر مايعرفك
رغد: بس انا قلت لاابوي اني خلاص موافقه على بندر
ملاك والكلام مو عاجبها: براحتك
ورجعت فتحت التلفزيون
شوق ولينا درو عن السالفه ومالهم الا انهم يباركون لرغد خلاص كل شي قسمه ونصيب
سبحان الله رغد ماصار بينها وبين بندر نصيب يمكن خيره الواحد مايدري وين ربي كاتب له نصيبه
هشام عاف كل البنات وقرر انه ابد مايحب ولا يتزوج بعد اللي صار له
بعد شهر رائد وهبه رجعوا من شهر العسل اللي كان مابين دول اوروبا وسوو لهم احلا استقبال
تركي: طلال انت متأكد من قرارك؟
طلال: اكييييد مليون بالميه
هشام :معقول ياطلال بتترك اهلك وناسك وشغلك هنا وبتروح لبريطانيا
طلال: اللي يسمعكم يقول بهاجر كلها كم سنه اوسع اعمالي اللي هنا ببريطانيا وارجع
تركي:بتستحمل الغربه لحالك؟
طلال: لأ طبعا" ماني برايح لحالي وبعدي العيال هناك ولا نسيتوا
هشام: والله ياطلال ماني قادر افهمك
طلال:لاتستعجلون كل شي بوقته حلو
طلال: يمه تكفين لاتبكين
ام رائد: وشلون ماتبيني ابكي وانت تقول بتروح وتخليني؟ مايكفي رائد بعد انت بتروح
طلال: يمه الله يهداك اللي يسمعك يقول بروح وماني براجع
ابو رائد: ياام رائد الله يهداك تعوذي من ابليس الولد بيروح يوسع اعماله وهذا هو فرحك يوم قال بيخطب بنت عمه
طلال: يمه يعني ماتأمنين علي عند ملاك؟
ام رائد: وهذا اللي مهون علي بس عساها توافق
طلال: ان شالله ان شالله بتوافق
ابو طلال: ومتى ودك نروح نخطبها؟
طلال: الليله يبه الليله
ام رائد:هو علامك مستعجل يمه خلها الخميس
طلال: الله شيصبرني للخميس واليوم الاحد
ابورائد:خلاص صار الليله
فالليل
ابو رائد:والله ياخوي يابو زياد احنا جايين نخطب بنتنا ملاك لولدنا طلال
ابو زياد:والله ياخوي هذي الساعه المباركه وطلال ولدي زي ماملاك بنتي بس انت عارف لازم اخذ شور البنت
ابو رائد:حقك ياخوي وماطلبت شي
طلال:عمي انا ناوي اوسع تجارتي اكثر وامدد اعمالي الى بريطانيا ومسافر الشهر الجاي
وودي املك على ملاك قبل اسافر واول ماارجع اتزوجها ونروح بريطانيا لين اخلص شغلي ونرجع ان شالله
ابو زياد: علامك يابوك اصبر اشاور البنت
البارت العاشر
ابو زياد: هايابنتي ياملاك وش قلتي
ملاك:بابا هذي حياة طول العمر والسالفه فيها غربه انا ماأقدر اترك أهلي وناسي
ابو زياد: بس انتوا بترجعون يعني مو طول العمر هناك
ملاك:يعني زياد ببريطانيا وتبوني اروح انا بعد بريطانيا وش رايكم العيله كلها تهاجر
بو زياد:بس يابنيتي هذا ولد عمك
ملاك:تكفى بابا هذا قراري وماراح اتنازل عنه وولد عمي هذا ماابيه مو انا اللي اروح لواحد عافني من الاول
بوزياد :براحتك . لا حول ولا قوة الا بالله
اول ماطلع بوزياد من غرفة ملاك. ملاك انفجرت بالبكي لانها رفضت حلم حياتها بس كبريائها مايسمح لها توافق
,,
فالمجلس
طلال: ها ياعمي وافقت صح؟
ابو رائد:طلال استح على وجهك فشلتنا عند عمك
طلال: يبه وانا شقلت؟
ابو زياد وهو متوهق شيقول:والله ياخوي يابورائد الظاهر مافي نصيب البنت ماودها بالسفر والغربه
طلال وتحطم كل شي داخله:عن اذنكم
بوزياد:والله اني متفشل منك ياخوي
بورائد: مافي داعي هالكلام البنت مو مجبوره هذي حياتها وكل شي قسمه ونصيب
بوزياد:وطلال؟
بورائد:يومين وينسى
في شقة العيال
تركي:هشام ممكن تحط اللي بيدك وتسمعني شوي
هشام:أصبر أخلص
تركي:لا الحين
هشام:طيب قول أسمع
تركي:هشام قلت لك حط اللي بيدك وركز معي
هشام يحط السيديات اللي بيده:يلا يامزعج أخلص علي وقول
تركي بجديه:هشام ليمتى وانت على هالحال
هشام:أي حال
تركي:حالك بعد أي حال لاتفكر اني طول الوقت ساكت يعني مو حاس فيك
هشام:موعارف عن أيش تتكلم
تركي:لاعارف وفاهم زين
هشام ينزل راسه:يعني شتبيني أسوي؟
تركي:ياهشام ياخوي الموضوع صار له فتره وانت مو قادر ترجع زي اول
هشام:شلون يعني زي أول
تركي:هشام انت قبل كنت غير والحين غير الحزن اللي بعيونك فاضحك وين الضحكه والسوالف واللعب وين كل هذا؟
هشام:طيب هذاني اضحك واللعب واسولف عاادي
تركي:على الكل ياهشام الا على تركي اللي فاهمك حاس ان كل شي تسويه من ورا قلبك يبين ترا ياهشام
أحسك صرت تمشي ورا اللي يقول تعلمت ازيف ضحكتي والقلوب اسرار على اني بخير بعين من يجهل احزاني وانا وربي مو جاهلها لو الكل يجهلها
هشام:جرحي كبير ياتركي
تركي:اللي صار مكتوب ياهشام وصار له فتره
هشام:شتبي توصله ياتركي؟
تركي:اللي ابي اوصله وابيك تفهمه زين ان الوقت اللي فات كان كافي انك تفكر وتعيد حساباتك يعني ياهشام انت ماتدري وش كانت الظروف اللي مرت فيها البنت وقتها وحتى لو مامرت بظرف انت ماتدري هي وش حست فيه مايصير كل واحد فيكم شايل همه وساكت انت صحيح انجرحت بس لاتخلي كبرياء جرحك يطغي على حياتك مو معقول شاب بعمرك وبكل مؤهلاتك يقضي عمره عازف عن الزواج بسبب تجربه وحده
هشام:شلون يعني مؤهلاتي انا شاب حالي حال اي شاب ثاني وعادي خلاص انا جربت حظي وعرفته ليه تبيني انجرح ثاني مره وانا مابرا جرحي الاولي
تركي:لا مانت بشاب عادي واحد بجمالك واخلاقك وخفت دمك وحنيتك وطيبتك الف بنت تتمناك ولاتقول هذا حظي ليييه لهجة اليأس تطغي على كلامك ياهشام انت لازم تشوفلك واحد من الحلين ولا لك ثالث ابد
هشام:طيب وش الحلين؟
تركي:إذا كان سبب عزفك عن الزواج والحب هو لانك للحين تحب رغد فانا انصحك انك تكلمها هي شخصيا" وماتقولي عيب ولا أخلاقنا ماتسمح ولاتقاليد العايله ومن هالكلام ترا لازم تتكلمون لو بالتيلفون وتتوصلون لحل بعدها يريحك ولا يخليك تنسى وتكمل حياتك طبيعيه زي اول ويمكن احسن بعد شوفني انا ماارتحت الا لما كلمت ريما بنفسها وعرفت غلاتي عندها وصدقني لو سمعت منها انها ماتبيني كان ارتحت صدقني الشي لما تسمعه منها شخصيا" اريح واحسن من لما تسمعه من غيرها او انك تحكم بسبب مو قف صار انت ماكنت معها وقتها,,,وإذا كان عزفك هو لانك تعقدت بسبب هالموقف ترا الناس مو واحد وكلن يختلف بطبعه وارجع واقول لاتحكم على رغد من الموقف وانت ماسمعت منها عيش حياتك ياهشام طبيعيه واللي فات كافي انك عدت حساباتك فيه وبعد اقول لاتخلي كبرياء جرحك يهدم حياتك وارجع بعد واكررها لك واعيدها وخلها ببالك كبرياء الجرح ياهشام كبرياء الجرح لايهدم حياتك ويخليك معلق لاطايل سما ولا طايل ارض لاانت طايل رغد ولاطايل غيرها انت اكثر من اخو ياهشام ومافي داعي اشرح لك هالشي لانك اكيد عارف تهمني مصلحتك وسعادتك ارجوك فكر بكلامي ولاتقول شي الحين بس فكر
هشام:أشكرك ياتركي فتحتلي جرحي
تركي:جرحك ماتسكر عشان افتحه احبك ياهشام وابي مصلحتك ووضعك مضايقني
هشام:انت شعليك انا مرتاح كذا
تركي:لا منت بمرتاح ومايحتاج اعيد اللي قلته ممكن تقول للعالم كلهم هالكلام ويصدقون بس انا لا انا تركي ولانسيت ياهشام
هشام بأنفعال:لامانسيت بس بعد مايحق لك تتدخل
تركي بهدوء:مقدر موقفك وماألومك على ردة فعلك بس بعد فكر بكلامي
هشام وهو يوقف:انا رايح السور
تركي:الله معاك ولاتنسى تفكر بكلامي عشان ترتاح مو عشاني
هشام وهو طالع:انا مرتاح وماعليك مني
في الحديقه الرئيسيه للفلل
كانت رغد قاعده لحالها تفكر الا هشام داخل
هشام وهو مار ولا معبرها:السلام
رغد:وعليكم السلام
صحيح السالفه اللي بين هشام ورغد صار لها شهر بس من يومها وهشام يتحاشى رغد لانه للحين يحبها ويخاف يشوف بعيونها انها ماتحبه
رغد وهي تلحق هشام:هشام
هشام من دون مايلتففت لها:نعم
رغد:ممكن نتفاهم شوي؟
هشام:مافي بينا شي نتفاهم عليه
رغد:هشام لوسمحت لاتردني
هشام:قلت لك مابينا شي نتفاهم عليه
رغد وبدت تبكي:تكفى ياهشام انا اترجاك لاتردني هالمره بس
هشام التفت لها وشاف دموعها وماقدر يردها:طيب تعالي نقعد عالكراسي
قعدوا رغد وهشام عالكراسي اللي بالحديقه
هشام:نعم يارغد قولي اللي عندك
رغد:هشام لاتفكر بيوم اني كرهتك او تغيرت نظرتي لك او قل حبك بقلبي
هشام يقاطعها:انا مافكرت انا شفت بعيني
رغد:وربي ياهشام اني ماحبيت غيرك لييييه موراضي تصدق
هشام وبدا ينفعل:من اللي شفته يارغد من اللي شفتتته
رغد:هشام انا احبك
هشام بستهزاء:ليييييه يوم تركك بندر رجعتيلي؟
رغد وهي تبكي:هشام انا احبك
هشام:لاتقولين احبك اخاف اصدق
رغد:لازم تصدق ياهشام لازم لان هذي الحقيقه
هشام:لايارغد لو ان هذي الحقيقه مثل ماتقولين ماكان تركتيني ورحتي لبندر
رغد:غلطه ياهشام وربي غلطه وماراح تتكرر
هشام وهو يوقف:اكييييد ماتتكرر لانك الحين ماعندك هشام يحبك
رغد:هشام اجلس انا ماخلصت كلامي
هشام وهو يتحاشى يناظر عيونها:ماعندي شي اقوله وماعندي وقت اسمع اخر كلامي يارغد انسي هشام لانه نساك
راح هشام وخلى رغد منهاره بالبكي لحالها
شوق تكلم ملاك ع التلفون: تدرين ملوكه خلاص حددنا الخميس اللي بعد الجاي بنملك لينا على فواز
ملاك بفرح:لااااا احلفي ونااااسه ياحبي لك ياليوون وربي انها تستاهل فواز وفواز يستاهلها
شوق: يوووه ياملاك لوتشوفين فواز شلون محتاس من الوناسه مو عارف شيسوي
ملاك:ههه من قده بيملك على حبيبته
شوق : الله يعيني ع الحوسه كل شي فوق راسي
ملاك:بعد مو ذنبك انك اختهم الوحيده انا شكلي بحتاس نفس حوستك بعرس زياد
شوق واستحت من طاري زياد والعرس:عاد زياد عنده ريما بعد ولا نسيتي
ملاك : لا والله مانسيت بس بعد الله يعيني الا اقول شوق وش رايك نطلع اليوم نقضي بعض الشغلات
شوق بفرح: جد بتساعديني؟
ملاك: افااا عليك كم شوق عندي وبعدين هذي لينا لازم نجهز لملكتها تمام التمام
شوق: طيب شتبين نسوي اليوم؟
ملاك: شوفي اليوم نروح نشوف محلات الكوشات والديكورات وهالاشياء
واذا امدانا نوصي ع الحلويات والكيك
شوق: هشام قاللي ان هو بيوصي ع البوفي
ملاك: حلو اجل يلا الساعه 5 العصر نلتقي عند البوابه الكبيره وبقول لريما بعد
شوق: شرايك ملاك ناخذ لمى بعد
ملاك: والله فكره خلاص 5 نطلع
طلال وهو ضايقه فيه الدنيا:اقولكم رفضتني
تركي: ياخي شفيك قلت لك مابتنسى بهالسهوله
طلال:السالفه صار لها اكثر من شهرين وهي موقادره تنسى
هشام:انت استعجلت ياطلال كان صبرت لين ترجع من السفر
طلال:بس انا مايأست
تركي:شبتسوي يعني
طلال:بعدييييين وبتسامحني
هشام:اتمنى
طلال:يوووه مااتخيل متى اليوم اللي ملاك توافق علي فيه انا الغبي من اول ولا احد يرفض ملاك
تركي:الله كريم ياطلال
طلال:تدرون لوملاك توافق اباخذها احلى شهر عسل لامو شهر طووول المده اللي تبيها وبلف فيها العالم كله
هشام:ان شالله ياطلال
طلال يكمل:وبنعيش سنتين ببريطانيا وبخليها تكمل دراستها هناك بأحسن الجامعات وبنعيش أحلى حياه
تركي:طلااااال تراك بلارض وش ذا الاحلام؟
طلال:ماعليك فيني.اسمع أبشتريلها فيله كبيييره بأرقى أحياء لندن لالالا ابخليها تصممها لانها مهندسه بتكون وتبنيها زي ماتبي وبخليها قريبه من اخوانها عشان ماتحس بالوحده وانا بالشغل
تركي:الله يكون بعونه اخونا فالله
هشام:مدري شلون بيكون لو ملاك ردت ورفضته
تركي:والله اني موفاهم لهم ملاك وطلال
هشام: الله يعينهم
البارت الحادي عشر
اليوم يوم ملكة لينا وفواز والكل مشتط ومحتاس
ملاك:شووووق وين وديتي الدخون؟
شوق من بعيد: عندك ياملاك ع الطاوله
لينا: ريوووم بالله كيف شكلي ؟
ريما: ولا مليوون مره سألتيني وربي تجننين
لينا: خاااايفه
ريما: هذا وهو مابعد يجي ويلبسك الشبكه والدبل وسوالف المتملكين
لينا: هذا بدال ماتهونين علي تزيديني
ريما: شنو اهون عليك انتي بتولدين
لينا وهي معصبه من ريما: اقول اذلفي عساني اشوف فيك يووم
شوق: ملاك حبيبتي جيبي الاغراض من هشام عند الباب
ملاك: اوووكي
طلعت ملاك والا طلال بوجهها
طلال: ملاك
ملاك مشت ولا كأنها تسمعه
طلال عصب ومسكها من يدها
طلال: اسمعي لما اكلمك تسمعيني مو كافي اني كل ماادق عليك ماتردين
ملاك من بين اسنانها:طلال فك يدي احسن لك
طلال: واذا مافكيتها
ملاك: انا متأكده انك بتفكها
وابعد عني بروح لهشام اخذ منه الاغراض وانا مشغوله مو فاضيه لسوالفك
طلال: اوكي بس اسمعي بدق عليك وردي لازم احكي معك
ملاك:مابينا حكي وبعدين يااخي انت ماتستحي من بعد المنظر اللي شفتك فيه بزواج رائد وانا كارهتك زود
طلال:وربي هذي هي انتي تعرفين اخلاقها وربي هي اللي جاتني وحاولت ابعدها بس لصقت فيني وماقدرت اتحرك وربي مااكذب
ملاك:مطلوب مني اصدق يالصايع
طلال:قولي اللي تقولينه لاتحاولين تستفزينني انا قابل منك كل شي وبعدين انا حلفت بالله ملزومه تصدقيني
ملاك:طيب وخر عن وجهي وجهك يجيب لي الضيقه
طلال بقلة حيله:طيب بوخر بس ملاك تكفين طلبتك بس ردي واسمعيني
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك