رواية شهد الفهد -8
في المـــــــزرعه
الوقت:الساعه 1الظهر
شهد صحت من النوم وقامت ماشافت نور جنبها خافت عليها لبست شيلتها وطلعت
شهد شافت نور جالسه مع البنات وتسولف معاهن:انتي هنا وانا قلقت عليك
الريم:يعني وين بتروح الا هي معانا مسكينه تصدقين كل شوي تقول بروح لشهد خالتي لا تقلق كانها تعرف انك بتقليقين عليها
شهد:اكيد اقلق عليها هاذي نور مو أي احد
نور جت وسلمت على خالتها وباستها:صباح الخير خالتي
شهد:صباح النور.....شخبارك؟؟
نور:بخير وانتي؟؟
شهد:بخير
سارة:يحليلها ولله بعد وتسلم
شهد:لازم لاني معلمتها من تشوفني ولا تشوف وحده من خالاتها ولا اقرباها تسلم عليه وتسأل عنه
فرس:ايوه انا من اروح لهم لازم تسلم علي واول ماصحت وشافتني جت سلمت
الريم:مشاءالله عليها
شهد:لازم هاذي تربية بنات الحربي
فرس:قصدك شهد الحربي صح؟؟
شهد:ههههههه........يعني مثل ماتقولين.....على العموم اني الحين بروح اصلي ماصليت وبتروش وجايتكم.... طالعت في نور وقالت لها:نور يلا علشان اسبحك اوكي
سارة:مشاءالله اشوف كانك امها
شهد:ومن قالك اني مو امها البدور والعنود وانا وامي امهاتها
الريم:حشى اجل كم اخو بيصر عندها اذا خوالها وخالاتها خوانها؟؟؟
شهد:ههههه......بالتربيه لا تخافين
الريم:هههههه
شهد:يلا انا بروح اصلي اشوفكن بعدين
البنات:الله وياك
نرجـــــــــع للنــــــــــــــــــــــدن
فهد كان توه راجع من الجامعه بعد ماقدم اوراقه وقدم المقابله والحمدلله حس انه قدم فيها زين وعطى الدكتور فكرة عن الي بسويه بعدها قرر يروح الشركه حقت ابوه الله يرحمه الي حصل عليها من الورث لانه يشتغل فيها وهو رئيسها وهذا مايعني ان عمامه مايساعدونه ويشاركوه المسؤوليه ومع ذلك رابط بين دراسته وشغله
فهد في السيارة وحاط اغنية تفارق لعبد المجيد عبدالله
ويغني معاها ويتخيل معاها اهله وخصوصا شهد
ياربي رجع كل حبيب لحبيبه
ياااااااااااااااااااارب
أذا تفارق شخص عادي مصيبه
وشلون لو فارقت منهو تحبه
ياربي رجع كل حبيب لحبيبه
دام الحياة في بعدهم حيل صعبه
ياربي رجع كل حبيب لحبيبه
دام الحياة في بعدهم حيل صعبه
ياااااااارب
طبع الوفي لو راح شوقه يجيبه
على حبيبه معتقد يقسى قلبه
وبالدنيا محدن ياخذ الا نصيبه
وياليت قلبي ياخذ الي احبه
ياربي رجع كل حبيب لحبيبه
دام الحياة في بعدهم حيل صعبه
يااااااارب
انا تعبت وفرحتي مو قريبه
واحيانا اقول الحب ياناس كذبه
لكن قلبي يرجع وهذا عيبه
يشتاق للي معبد حيل دربه
ياربي رجع كل حبيب لحبيبه
دام الحياة في بعدهم حيل صعبه
ياااااااارب
وانتهت الاغنيه وفهد يحس ان هالاغنية تحكي الي فيه دون مايتكلم .......وصل الشركه وطبعا ثلاث ارباع موظفي الشركه عرب واكثرهم سعوديين
السكرتيره:مساء الخير استاذ فهد....الحمدلله على السلامه
فهد بكل احترام وود:مساء النور.....الله يسلمك.....اتمنى انك تجيبين لي كل بريد هذا الاسبوع وملف مشروع الفندق الي في السعوديه
السكرتيرة:انشاءالله استاذ.......شي ثاني
فهد:أي مكالمه من هلي حوليها ومن غيرهم لا الا اذا كان ضروري
السكرتيرة:حاضر
فهد:مشكوورة
السكرتيرة وهي راجعه مكتبها:العفو........وطلعت
فهد جلس يخطط حق كل شي جابت السكرتيرة البريد وملف المشروع
فهد:لو سمحتي اتصلي لي على الاستاذ صالح وحوليلي المكالمه
السكرتيره:انشاءالله
بعد دقايق
السكرتيره:استاذ فهد الاستاذ صالح معاك على الخط
فهد:اوكي
فهد:السلام عليكم
صالح:وعليكم السلام....شخبارك؟؟؟
فهد:الحمدلله انت شخبارك؟؟
صالح:بخير الله يسلمك
فهد:كنت ابي اتاكد منك على الي قريته اليوم في البريد واتمنى انه مايكون صح
صالح: بخصوص المشروع الي بلبنان؟؟
فهد:أي نعم.....شلون يكون بهالشكل وانا طلبته غير تماما؟؟
صالح:ادري يااستاذ فهد انا بعد تفاجات مثلك بس كلمت الشركه الي تعاونا معاها علشان تبني المشروع وقالت ان هذا لسه البدايه ولسه ماخلصوا المشروع كله
فهد:يااستاذ صالح انت تعرف شقد هالمشروع مهم بالنسبه لنا صح؟؟؟....وهذا شغل شهور وتعب مو شغل يوم ولا يومين
صالح:ادري يااستاذ فهد وانا عطيتهم مهله شهر علشان يسون التعديلات والشكل الي نبغاه يكون
فهد:اتمنى ان مايخيب ظني فيك يااستاذ صالح
صالح:انشاءالله مايخيب وامسحها بوجهي يااستاذ فهد
فهد:حصل خير ونستنى شهر ونشوف الي بصير
صالح:يلا اشوفك على خير.......تامرني بشي؟؟؟
فهد:سلامتك وبلغني بكل جديد يصير معك
صالح:انشاءالله...يلا مع السلامه
فهد:في امان الكريم
وسكر فهد السماعه وهو خايف انهم يخسرون المشروع الي هم مسوينه وهذا مو بس شغله عمامه مشتركين معاه ومعتمدين عليه في تنفيذ المشروع
وطلع من الشركه بعد ماخلص باقي شغله ومر بيت خالته علشان ياخذ امه ويرجع للمزرعه
فهد يفتح باب فيلا خالته
فهد دخل وشافهم كلهم بالصاله يتقهون:السلام عليكم
الكل:وعليكم السلاااااااااااام
مشاعل:هلا بالطش والرش هلا بخوي الغالي
فهد:تسلمين يالغاليه....شخباركم ربكم بخير؟؟؟
الكل:بخير بشووفتك
فهد:ها مشااااااعل شخبار الدراسه؟؟؟؟....تراها اخر سنه ولازم تركزين على مذاكرتك والدراسه هنا مهي سهله
مشاعل:افا عليييييييك كلو اوكي قدها وقدود مشاعل
فهد:الله يوفقك يارب.......ويللتفت لامه:يمه ها مانويتي نرجع بعد ساعه للمزرعه؟؟؟
ام فهد:الا يولدي هذاني جهزت اغراضي ومعزمه اجي معك ابي اشوف حريم اعمامك من زمان ما شفتهم اخر مرة من خمسه شهور يمكن
فهد:يلا يايمه انا بروح بيتنا اجيب اغراضي وارجع الاقيك جاهزه
ام سعد:اجلس شوي ياولدي معنا الا كل مستعجل على الطفره
فهد:ماقدر يايمه .."فهد ينادي خالته يمه لانها مربيته"....لازم اخلص باقي شغلي وارجع لاني مواعد عيال عمي اني اكون عندهم على صلاة العشاء
ام سعد:الله يسهل عليك ياولدي
مشاعل بصوت واطي:ولاد عمك حلوين مثلك؟؟
فهد ابتسم وبنفس الصوت:واحلى بعد
مشاعل:ولله خلاص بجي معكم
فهد مسوي نفسه معصب:اقول انثبري هذا الي ناقص بعد بعدين عيال عمي ماعندهم هالحركات
مشاعل مسويه زعلانه:طيب ...هم ماعندهم خوات ابي اتعرف عليهم؟؟؟
فهد تذكر شهد وتنهد بصوت خفيف سمعته مشاعل:اااااه عندهم وعندهم احلى خوات
مشاعل سمعته:هااا فهيييييييد......... اشوووف الاخ معجب لايكون بوحده من بنات عمك؟؟؟
فهد:اقوووول كاني عاطيك وجه زياده يلا قلبي وجهك
مشاعل تضحك عليه وفي قلبها:شكله الولد طايح طيحه...ههههههههه
وراح فهد بيتهم الي جنب بيت خالته الجدار بالجدار وجاب اغراضه ومر على امه ومسك خط الرجعه
الساعه:8 الا ربع
دخل فهد المزرعه مع امه وماشاف احد في الصاله الرئيسيه استغرب وبدا ينادي
ام فهد:وين اهلك يايمه؟؟؟
فهد:مدري خلني انادي الخدامه واسالها
فهد بصوت عالي:مــــــــــــــــــــــــــــــــــــاري
ماري جت بعد ماسمعت صوت فهد:نعم بابا فهد
فهد:وين الباقين بابا عبدالله وناصر ومحمد؟؟؟؟؟؟؟
ماري:كلوا رووح مستشفى
فهد:مستشفـــــــــــــــــــــــــــــــــــــــــ ــــــــــــى؟؟؟؟؟؟؟؟!!!!!
شيسون عيلة فهد في المستشفى؟؟
ومنو المريض فيهم؟؟؟
**الجزء 17**
الساعه:8 الا ربع
دخل فهد المزرعه مع امه وماشاف احد في الصاله الرئيسيه استغرب وبدا ينادي
ام فهد:وين اهلك يايمه؟؟؟
فهد:مدري خلني انادي الخدامه واسالها
فهد بصوت عالي:مــــــــــــــــــــــــــــــــــــاري
ماري جت بعد ماسمعت صوت فهد:نعم بابا فهد
فهد:وين الباقين بابا عبدالله وناصر ومحمد؟؟؟؟؟؟؟
ماري:كلوا رووح مستشفى
فهد:مستشفـــــــــــــــــــــــــــــــــــــــــ ــــــــــــى؟؟؟؟؟؟؟؟!!!!!
ام فهد:عسى ماشر منو المريض؟؟؟
فهد كان حاس في داخله انها شهد مايدري ليه:.......
ماري:هذا ماما شهد امس في تعب واجد وودي مستشفى اليوم الصبح
فهد ااخ ياقلبي شهد........ فيني ولا فيك يالغاليه:وهم وينهم في أي مستشفى؟؟؟
ماري:مادري بابا
فهد وهو متوتر ويحاول يخفي توتره:خلاص روحي ادق اللحين على محمد واشوف هم وين؟؟؟
ام فهد:شفهم ياولدي خلنا نروح نطمن عليها
فهد دق على محمد وهو يحاول يضبط اعصابه لا ينفضح:الووووو
محمد:هلا وغلا
فهد:وينكم انتم في أي مستشفى؟؟؟
محمد:هد اعصابك......حنا في المستشفى (........) تعال لنا هنا
فهد:زين زين جايكم
وطلع فهد واخذ معاه امه وطول الطريق وهو يدعي ربه انها تكون بخير
فهد دخل ودق على محمد
فهد:انتم في أي غرفة؟؟؟
محمد:غرفه رقم 227
فهد:اوكي
صعد فهد وامه لقسم التنويم ووصلوا للغرفه
فهد عند الباب ويحس ضربات قلبه تزيد ويحاول يهدي نفسه ويذكر الله
فهد يتنحنح:احم احم
ابو سالم:هلا ولدي حياك
فهد وعينه تدور شهد:السلام عليكم
الكل:وعليكم السلام
فهد:شفيكم وشفيها شهد؟؟؟
فارس:لا بس ارهاق وتعب وهي معاها فقر دم حاد فاثر عليها كثير وهذا كل الموضوع
فهد طلعت منه تنهيده خفيفه:الحمدلله على سلامتها
فارس:الله يسلمك
الا ويدق الباب وكان طبيب شهد يبي يفحصها
الدكتور كان مصري فكان يتكلم معاهم عربي
الدكتور:لو سمحتوا اتمنى انكم تتفضلوا شويه بره علشان اادر افحصها كويس بس عايز حد يبى هنا
فارس:انا بجلس هنا دكتور
الكل:يلا حنا ننتظر بره
وفحص الدكتور شهد وفارس كان قلقان عليها كثير لانه مو تعب بسيط وخاف انه يتعلق بمرض شهد......طلع الدكتور ولحقه فارس عشان يسال عن حالة شهد
في عيادة الدكتور
فارس:بشر يادكتور شفيها اختي؟؟؟؟
الدكتور:اخ فارس بعتاد انك بتعرف بموضوع التهاب الرئه الي بتعاني منو اختك صح؟؟؟
فارس:ايوه يادكتور عسى ما تطور المرض
الدكتور:والله مابعرفش حاليا سوى انها اهملت نفسها هاليومين دول وادى لحاله الاغماء اللي صابتها........ استاز فارس اتمنى منكو انكم تريحوها واهم شي تتغزى كويس
فارس:انشاءالله يادكتور........تعبناك معانا
الدكتور:لا متاولش كده دا واجبي وبس معمالنا اكتر من الازم
فارس:فيك الخير يادكتور....بس متى بتطلع؟؟؟
الدكتور:انشاءالله بكرة بازن الله
فارس:مشكووور يادكتور ومع السلامه
الدكتور:مع السلامه
"بعـــد يوم"
كل الحريم عند شهد بالجناح حقها
ام فارس:شخبارك يايمه؟؟.....عسى مايالمك شي؟؟؟
شهد:مافيني شي يايمه بس ارهاق وعدى
ام فارس:ماعليك شر يالغاليه
شهد:الشر مايجيكم....يمه الا وين نور؟؟؟
ام فارس:يحليلها فديتها طول الامس وهي تسال عنك وتحاتيك وهي الحين مع فارس بالمزرعه
شهد:يمه لا تتركينها وحدها
ام نواف:وين تتركها وحدها يايمه كلنا معاها وبعدين هي مع خالها
شهد:ماقلت شي ياخالتي بس انا اعرفها ماتحب تجلس من دوني
ام فارس:أي ولله
الا بضرب الباب
ام نواف:يمه فرس روحي شوفي من عند الباب؟؟
فرس:انشاءالله يمه
فرس عدلت شيلتها:منو؟؟؟
نواف:حنا سوي درب
فرس:لحظه بس......(وتلفت على بنات عمها)الي بتعدل شيلتها تعدلها؟؟؟
وكلهن عدلوها
فرس عند الباب:حياكم
ام فارس:اقلطوا
الاولاد:السلام عليكم
الكل:وعليكم السلام
الاولاد:سلامات ياشهد
شهد وعينها تدور على شخص ناقص بينهم:الله يسلمكم .....تفضلوا حياكم
الاولاد:الله يحيك
محمد:ها شخبار ام الدلع شهد؟؟؟
شهد تسال نفسها وينه؟؟؟...اصدق رجع لندن بس امه هنا:ولله ام الدلع شهد بخير
نواف:ها يبنت العم لازم هالحال كل شهر بالمستشفى؟؟؟
شهد:شسوي هاذي حال الدنيا......الا وين عمامي؟؟؟
علي:عندهم كم شغله يخلصونها ويجونكم
ام سيف(الجده):ويلي على ولادي وهذول وين ماراحوا عندهم شغل....يابوكم اعمارهم بتخلص وشغلهم مابيخلص
علي:شيسون بعد لازم هاذا شي غصب عنهم
اما سالم كان في عالم اخر عينه بس على سارة وفرس والريم لا حظوا هذا الشي وسارة ميته حيا من نظراته كانت جريئه ومفضوحه وكانت تحاول انها ماتلتفت لعيونه
وعلي كمل جراة سالم على الريم وابتسم لها لما طاحت عينها بعينه ابتسامه تعق الطير من السماء واحمر وجهها وفقدت توازنها وبدت تترنح والله رحم ان جنبها فرس تمسكها
ومحمد بعد ماقصر لما شاف الاجواء مع ولاد عمه كذا كملها على فرس ولاحظ انشغال الحريم عنهم بالسوالف
طلع الجوال واشر لها يعني الحين بدق عليك اطلعي عنهم
وشهد وسط هذا كله شافت كل شي وكانت كاتمه ضحكتها لان اشكال بنات عمها تموت ضحك كل وحده محمرة وترتجف وحالها مقلوب
نواف شافهم وضحك وحب يخلص بنات عمه من هالاحراج الي سووه ولاد عمه لهم
نواف:يلا حنا نستاذن الحين ماتشوفين شر شهد
شهد:الشر مايجيك
وطلعوا كل الشباب
ومجرد طلعوا من الجناح نقع نواف عليهم ضحك على اشكالهم كيف كانت
محمد وعلي وسالم:ايييييييييييييييييييييه اضحك وشعليك مرتاح
نواف ومهو قادر يوقف ضحك:ههههههههههههههههههههههههه....ههههههه......لو.. ..هههه......لو تشوفون اشكالكم........ههههههههههه......كان لازم اصوركم وانشرها بلوتوث....هههههه...كح كح
محمد وعلي وسالم مسكوه وماخلوه وهو ضاع بينهم
باااااااااااقي شخص ماندري عنه وينه؟؟؟؟...اظنكم عرفتوا من اقصد.....فهد وينه؟؟؟؟؟؟؟؟
ليش ماجى يشوف شهد؟؟؟
هو رجع لندن ولا لسه موجود؟؟؟
بيزورها ولا لا؟؟؟
وباقي عيال العم
محمد وفرس
علي والريم
سارة وسالم
بتستمر علاقتهم؟؟؟؟؟؟؟ ولا بصير شي ماهو بالحسبان؟؟؟؟؟
وانشاءالله اليوم اخلص البارت 18
واحطه اذا مو اليوم متاخر
بكـــــــــــــرة الصباح
شسووووووووووووووووووووووووووووووووووي قلبي طيب تكسروووون الخاطر
بنزله وامري لله اخليكم مع البارت الجديد
**الجزء 18**
باااااااااااقي شخص ماندري عنه وينه؟؟؟؟...اظنكم عرفتوا من اقصد.....فهد وينه؟؟؟؟؟؟؟؟
فهد كان مايبي يشوف شهد اكيد بتسالون ليش؟؟؟
كان يحس انه سبب التعب الي أهي فيه بعد الي سواه فيها وشلون حس انه قسى على بنت وكان خايف يروح وتقابله بالرفض حتى لو ماقلته وبان في عينها......... قرر انه يجلس بالمزرعه وينتظر رجعة عيال عمه يسال عنها منهم
فهد بينه وبين نفسه:ياربي شسويت بدنيتي علشان تجي بنت وتضوي راسي بعد ماكنت اظنها اشين بنات العالم....(ناظر ايده بعتب) بعد مامتدت يدي على انعم خد واطهر وجه....بعد ماحبيت اجرح اجمل احساس..... بعد ماقسيت على شخص مريض ........مريض (تكررت هالكلمه براسه) لا شهد تعبانه مو مريضه.... اه يافهد ياليتك مت قبل لاسويت كل هذا....(كان يحس بشي ينذره بداخله بحلول كارثه بتهدم حياته وحياة البنت الي عجبته ........وحبها دخل في قلبه بطريقه غير غريبه ماصارت في تاريخ الحب.....حب بعد الم وجروح....وكان كل هذا شي بخاطر فهد بس)
دخلوا عيال عمه وهم يتطاققون ولقوه سرحان بعالم ثاني
محمد جى قدام فهد واشر بصبعينه رافعهم:كم هذا استاذ فهد؟؟؟
فهد انتبه واكتفى ببتسامه تخفي تعب:متى جيتوا؟؟؟
علي يناظر الساعه:اوووه صار لنا ساعتين وانت خبر خير
فهد:عاد هاذي اكبر كذبه لو ساعتين كان شفت محمد ميت الا يعرف ليش سرحان
محمد بخبث:سرحان هااا....اعترف بمنو؟؟؟؟.....اعترف اعترف
فهد بخبث اكبر منه:لما تقولي انت سرحان بمنو؟؟؟؟؟؟........ الحين بقولك انا سرحان بوشو وحط تحت وشو 10 خطوط حمره
سالم:هههههههه.....غلبك يامحمد ......اقول لقط وجهك
محمد:خخخخخخ...اقول انت مالك خص.....اقول فهيد شله ماجيت معانا المستشفى؟؟؟
فهد ارتبك شقوله هذا الحين:اممممم مادري حسيتها مو حلوه اروح لها وانا كذا وبعدين انا ماصحيت الا متاخر
نواف:ماعلينا شسويت بالشغل والتقديم؟؟؟
فهد:كل شي ماشي زين
وظلوا يسولفون عن التقديم وغيره
نرجـــــــــــــــــــــــــع للمستشفى
شهد:اقووووول بنات عمي كأن جناحي صار ملتقى عشاق؟؟؟
ساره والريم وفرس سكووووت وكل وحده في داخلها الحين وش يفكنا من طنازه شهد وتعليقاتها:...
شهد:اقول مو كأن على رؤوسكن الطير تكلموا ترى شفت كل شي بعيني......هههههه...واعلي عليه نواف مسكين حب يطلعكم من هالموقف والظاهر حصله كمن ضربه سنعه
فرس:انزين درينا......... ياربي متى اشوفك مكانا؟؟؟
شهد:هههه بتبطين......رددي رددي ياللييييييييييييييل مطولك.......وانتي ساره اشوف طلعوا معجبين....... الا شكلك مطيحه راس سالم.......هههههههه......الله يعينه عليك ويعينك عليه.....وانتي الريم مشاءالله الخدود مورده والراس بالارض....... مايسوى عليك هالحب مفشلك وفاضحك
فرس:اوووووووف منك الحين وش يسكتك؟؟؟؟.......اوووووووه صحيح ليش ماجى معهم فهد؟؟؟
شهد:مو لانك ياغبيه قلتي بيرجع بعد اسبوع
ساره:لا الامس شفته مع محمد بره وهو الي جايب امه
شهد:يمكن مشغول وحنا شعلينا ...المهم اني ابي اطلع خلاص مليت
فرس:سمعت من امك انك اليوم بتطلعين العصر
شهد:يلا عيل كل وحده تعطيني عرض اكتافها وتطلع
الريم:افا ليش نطلع؟؟
شهد:ولله يالريم حاسه بدوخه ونعس من الامس مانمت زين
ساره:اجل حنا نطلع ونخليك ترتاحين ومتى ماقالوا بيطلعوك بنجي نقولك
شهد:اوكي
الســــــــــــــــــــاعه 3:30 بتوقيت لندن
الدكتور رخص شهد علشان تطلع وقالها (طبعا بينه هو وفارس وهي علشان محد يدري)
الدكتور:اتمنى انك ماتهمليش نفسك وتداومي على الدوى الي معاك علشان مايتطور المرض لا سمح الله وتراجعين الدكتور الي الك عليه اخوك
شهد:انشاءالله دكتور
الدكتور:يلا اجر وعافيه
فارس وشهد:الله يعافيك
في المــــــــــــــــــزرعه
فهد يفكر ويفكر شلون رح يقابل شهد وهو الحين لازم يقابلها ليل نهار قدام عينه فكر انه يشتري لها ورد ويحطه في غرفتها
وشرى لها وقال لماري تحطه على فراشها وكان شكل الباقه ناعم والورود مرتبه احمر ووردي بطريقه حلوه وحط معاهم كرت وكتب فيه
شهد وصلت من المستشفى والكل طبعا كان موجود وجالس معاها وبعدين قالولها ترتاح الين وقت العشاء وبعدين يصحونها
شهد مع البنات دخلوا القسم
فتحت شهد غرفتها والبنات معاها
فرس شافت الباقه لان محد انتبه لها:هييييييييييي بنات تعالوا شوفوا
الكل التفت لها
شهد:هييي انتي لا تصرخين طميتي طبلة اذني
فرس:روووحي زيييين تعالي بس شوفي منو المعجب الي جايب لك باقه
شهد باستفهام:أي باقه؟؟؟
فرس:هاذي ....ياويلي على الفراش بعد وورد احمر ووردي وداخلها كرت وحاله..........ماقدر انا على الرومنسيه
شهد:أي رومنسيه أي خرابيط؟؟؟
شهد اخذت من فرس الباقه وشافت الكرت ابتسمت لانها عرفت الخط
الريم وساره:شنو مكتوب؟؟
شهد:اخذوا واقروا
مسكوها الثلاثي المرح وبصوت عالي:
الحمدلله على السلامه يالغاليه
اسف لاني ماجيتك بالمستشفى
بس تبين الصراحه كنت خايف عليك
والمزرعه مالها معنى بدونك
نورتي المكان
ولد عمك:فهد الحربي
فرس وساره والريم:ياااااااااااااااااااااااااااااااااويليييييي يييييي.....ماقدر اناااااااااااااا
شهد:ههههههه......شفيكم؟؟؟
فرس:ولله وطيحتي راسه يابنت العم
الريم:عاد فهد مايتطوف ياليت منه اثنين كان تزوجته........وااااااااااااااااااااااااي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك