رواية الهوى غلاب وامر الله غالب -9
تركي : السلام عليكم
محمد : هلا والله تركي
ماجد : هلا تركي
الجد حامد : هاه وهذا صالح جاكم
تركي بنظرات ملخبطه : وين ابوي
ماجد بستهبال : انت
تركي فتاح عيونه الاثنين : وش السالفه
محمد : ههههههههههههههههههههههه جدي مضيع
تركي يبتسم لجده : جدي انا تركي
الجد حامد : وشوووووو
تركي بصوت اعلى : تركي تركي
الجد حامد : ماسمعك
ماجد : مافيه فايده سوي نفسك تكلم محمد بصوت واطي
تركي : من جدك انت انا لي ساعه اصارخ مو سامع تبيني اتكلم بصوت اقل
ماجد : انت بس جرب
تركي بهمس : انا تركي
الجد حامد : تركي تعال ياوليدي ودني عند جدتك
محمد : هههههههههههههههههههههه انا قايل يبيله فرمته
تركي : جدي شلون سمعتني
الجد حامد : بتوديني ولالا
تركي حاط يده على فمه: افااا ويهدد بعد ..يالله يالله مشينا
ماجد : تركي وين فيصل
تركي : جاي وراي بس راح يكلم ابوي
ماجد : وش صار
تركي طالع محمد ومحمد حاول يضيع الموضوع : مو وقته الحين ود جدي هناك وتعال
ماجد : وش السالفه فهموني
محمد : ماجد فيصل اول ماصار لك الحادث سافر .. وماكان يبي ابوي يشوفه
ماجد : معقول وش الي رده عني
محمد :كان مدمن وكنا خايفين ابوي يدري وكان جالس عند سعد يعالجه وماكان يدري انك تعبان
بالمره
ماجد : وشوووو
محمد : مانبيه يحس اننا تغيرنا عليه .. فيصل ماورى حد وجهه من رجع من اسبانيا
ماجد : وليييه كل هذا ... هالغبي مايعرف غلاته
محمد : هو عارف غلاته .. بس انت عارف ابوي
ماجد : يعني ابوي زعلان عليه
تركي : ولايبي يكلمه
ماجد : لاحووول .. طيب اسمع انت وياه ترى بقولكم شي
تركي ومحمد بجديه : قول
ماجد : ترى سالم خطب هنوف مني .. ويحس انها ماتبيه فقلت له يكلمها بنفسه
تركي وجهه حمر وحس انه يبي يصفق ماجد : نععععم ... وش يعني يكلمها مجنووون انت
ماجد : تركي الولد جد يبيها بس مايبي ينحرج .. خله يكلمها اذا رفضت ماصار شي وانت
عارف اختك .. واذا وافقت هذي بتصير زوجته
محمد : انا اشوف انك خير ماسويت بدل الولد مايضيع منظره
تركي : لاحووول مو مشكله انا مشغول بموضوع عليا ورغد وبنشوف ان شاء الله
ماجد : عليا هذي من جدها بتخلي عمتي والله حرام عليها
تركي : والله سعد ياهو مرتفع ضغطه منها .. بس خلها الله يهديها
طلع ماجد من المستشفى بعد معاناه طويله.. عادتهم ريم له باليوم وبالساعه وبالدقيقه .. وتوفي بوعدها انها تخليه للي يحبها ( وليتها تدري من الي فعلا ماجد يحبها )
ماجد : آآآآآآآه ظهري ريم مقدر اتحمل
ريم : بسم الله وش فيك
ماجد يتألم : آآآآآآآآآآآآآآآآآآآآه اتصلي بتركي خله يجيني
تركي : الووو .. هلا ماجد
ريم :تركي هذا انا ريم
تركي : هلا ريم وش السالفه
ريم : ماجد حيل تعببااااان
تركي : وشوووو وش فييييه
ريم : مادري مادري ...قالي ادق عليك
تركي : طيب الحين جاي
بالمستشفى
تركي : وش السالفه دكتور
الدكتور : مافيه شي ألم طبيعي
تركي : يعني ظهره مافيه شي
الدكتور : لا مافيه شي بس الظاهر مسوي مجهود
ماجد : لا والله دكتور ماسويت شي
الدكتور : انت حاولت ترفع نفسك
ماجد يتذكر : لا بس طاحت عصاتي وجبتها
الدكتور : حاول ماتسوي اي حركه العظم بدأ يتجمع والكسر بينجبر بس انت لاتتحامل عليه
ماجد بألم : حاضر دكتور
تركي : الحمدلله الدكتور طمنا عليك
ماجد : ...........
تركي : ماجد ..
ماجد : معك تركي
تركي : وش فيك
ماجد : اذا قمت على رجلي بتخليني ريم .. اول مره احس اني مابي امشي
تركي : هالبنت من ذهب .. تقدر انت تكسبها
ماجد : شلووون بس .. انا خنتها قداااامها
تركي : خلاص طلقها ونزوجك غيرها
ماجد سكت .. خلاااص ريم صارت جزء مني .. صارت امي وابوي وعيلتي .. ماينفع اطلقها ..معاد ينفع
تركي بقلبه .. والله لو تدري بحنان هالبنت ماخليتها .. يكفي ان عمي متعلق حده فيها .. ويكفي انها اخت الغاليه .. الله يرحمك يانور
ماجد : وش صار على موضوع رغد
تركي : مارضى يطلقها
ماجد : وش بتسوون
تركي : سعد قال بيشوف هالموضوع بنفسه واحد من اصحابه محامي وبيوقف بالقضيه
ماجد : اخاف البنت تبيه
تركي : اقولك ضربها واهانها ومابقى شي لها
ماجد : لاحول ولاقوة الا بالله
تركي : يالله وصلنا خلني انزلك
ببيت ابو محمد
فيصل : يبه ابي اكلمك بموضوع
ابو محمد بدون مايطالعه : وش تبي بعد
فيصل : يبه ابي اتزوج
ابو محمد والنظره الحاده ملت وجهه : ومن هالمره
فيصل : يبه ابي عفرآ بنت عمي
ابو محمد وجهه استبشر وفرح : وشوووو والله هذي الساعه المباركه ياوليدي ايه كذا فرحني
فيصل بفرحه : يعني انت موافق يبه
ابو محمد : وين القى لك احسن منها
فيصل : طيب يبه متى نكلم عمي
ابو محمد : خير البر عاجله وانا ابوك يصير زواجك انت وعمتك سما بيوم واحد
فيصل : وعمتي بتتزوج
او محمد : ايه خطبها مني دكتور زميلها .. وانا وافقت بس باقي اخذ شورها .. وهي ان شاء الله بتوافق
فيصل ابتسم : الف مبروك يبه خلاص بخلي امي تكلمهم
ام محمد : يعني ياتركي ماالقيت استراحه الا بهالمنطقه
تركي : يمه والله موقعها ممتاز وبعيد عن الزحمه وبعدين انا ابيها للعيال تدرين يمه وين وين نلتقي
ام محمد : قول عشان البر تبيها
محمد : وانتي الصادقه يمه عشان البر والصيد ولاولدك هذا انا عارفه
تركي : يازينك ساكت
ام محمد : ياوليدي والله اني اخاف عليكم شووف ماجد يالله قام وريحني
تركي : يمه وش بيصير يعني ماراح يصير فيني شي
محمد : افااا بالله مابيصير فيك شي خساره ياخي
ام محمد : اعوذ بالله منك بدل ماتقول الله يحفظك ياخوي
محمد : هذا وليدك جني مايجيه شي
تركي : ايه وان صار فيني شي قمت تصيح
محمد : افا جيتني ع الوجيعه ..الله لايفجعني عليك ياخوي
تركي ابتسم وحب راس اخوه الكبير .. الاخو الي عمره ماخلاه يحس انه لحاله ... حتى بالوقت الي ماحد يحس فيه
فيصل : سلاام وش عندكم كذا جالسين
تركي : جالسين نقنع امي بالاستراحه
فيصل : وش قالت الغاليه
ام محمد : وش بقول امريي لله موافقه
تركي فرح : اجل الحمدلله يممممه
فيصل : انا بعد عندي خبر حلو
محمد : انت وخبر حلو ماتجتمعون
فيصل : وليييه
محمد : خبري تخصص اخبار طوارئ بس
تركي : ايه وانت الصادق تخصص كوارث
ام محمد : وش فيكم على وليدي وووجع كلتوه
فيصل : شفتي يمه دايم انا مظلوم
محمد : هات الخبر وش عندك
فيصل : قررت اتزوج وفاتحت ابوي ووافق
تركي : الحلىىى حركااااات مبرووووك
محمد : مبرووك من تعيسة الحظ
فيصل : عفرآ بنت عمي
تركي وسط ذهوله وسمعه الي يخونه ووسط كل الضحكات والتبريكات والمزوح ووسط زغاريد امه ووسط كل هذا .. خانته ضحكته .. خانته دمعته .. ماعرف وش يسوي .. هذي المره الثانيه يادينا .. هذي المره الثانيه الي تسوينها فيني
تركي : وهي وافقت
فيصل : ايه اكيد وين تلاقي احسن مني
تركي : الف الف الف مبروك .. والله وعرفت تختار .. يمه انا بروح اشوف صاحب الاستراحه توصوني شي
ام محمد : لايمه الله معك ..
محمد : تركي خذني معك ابي اروح بيتي رجتني ملاك
تركي : يالله امش
نرجع ثاني للهنوف وسالم
بالسياره هنوف نزلت قبل مريم .. ومريم تأخرت وشوي دقت على جوال الهنوف
هنوف : هلا مريووم وينك
مريم : معليه هنوفه .. امي قالت هي بتروح بعد شوي وتبيني اجهز اغراض معها خلاص انتي روحي
هنوف : من جد ك انتي الحين سالم بيعصب
سالم بقلبه والله انه احسن شي سوته
هنوف : خلاص خلاص بقوله يالله باي
سالم : هنوف مو مشكله اوديك وارجع لهم
هنوف : ............
سالم : هنوف
الهنوف : مشكور والله بنتعبك
سالم : تعبك راحه ..
فتره صمت انحرق فيها قلب سالم
سالم : ممكن اسألك سؤال
هنوف انتي ليه كنتي تكلميني عادي وفجأه قلبتي علي
هنوف : شلون قلبت عليك ..؟
سالم : من المزرعه
هنوف : لاني دريت
سالم استغرب : وش دريتي
هنوف : انك تحب وحده
سالم زاد استغرابه : وحده ...؟
هنوف : ايه ولاتستهبل
سالم : تكلمي معي بأدب هذا اول شي ثاني شي وين حبيبتي هذي الي تقولين عنها
هنوف ارتبكت : انا سمعتك تكلمها بالجوال وتقولها بجيك اليوم او بكره حبيبتي
سالم وسط استغرابه اطلق ضحكه قووويه خلت الهنوف تعصصب من قلب
سالم :هههههههههه
هنوف : ممكن افهم ليش تضحك
سالم انا اقولك السالفه
هالبنت كانت اختي نور الله يرحمها تربيها وهي من ملجئ ايتام وهي عمرها مايتجاوز 5 سنوات ترى
وانا اعتنيت فيها بعد موت اختي فتعلقت البنت فيني وصارت تبيني عندها كل يوم
الهنوف تفشلت وصار وجهها الوان الطيف
سالم لاحظ هالشي وبسرعه سألها : هنوف انا خطبتك من ماجد توافقين
الهنوف : نزلت راسها ياااربي وش هالفشله كل شي يجي ورى بعضه
سالم : هاه وش قلتي
الهنوف بقلبها والله موافقه اصلا لو ماسويتها كنت انا بسويها ياااربي بمووووت فرح بروح اشوف مريوووم عشان اقولها
سالم : افهم من سكوتك انك موافقه
الهنوف بدون شعور : ايه
سالم : ههههههههه بنات تموتون ع الزواج
الهنوف استحت بالمره ونزلت راسها ولاعاد تكلمت ولابحرف لين وصلت بيت ماجد
ببيت ماجد
دق جوال ريم .. مسج مسج .اووووه. جالك مسج
فتحت ريم الرساله
ريم انا تركي ولد عمك .. بتصل عليك وابيك تردين علي .. ابيك بموضوع ضروري
ريم استغربت وماقدرت تفهم الموضوع
دق جوال ريم وردت عليه ..
تركي : السلام عليكم
ريم : هلا وعليكم السلام .. وش فيك تركي خير عسى ماشر
تركي : ريم ابي اقولك شي بس ابيك تفهميني .. وخليك معي للأخر
ريم : تكلم تركي انا اسمعك
تركي : حد جنبك
ريم : الهنوف وامي وخالتي بره .. وانا جالسه اضبط اشياء هنا بالغرفه
تركي : خلاص اول مايروحون كلهم وتكونين لحالك كلميني طيب
ريم: تركي وش السالفه
تركي : لما تكلميني تعرفي بس كل الي بقولك ياه لاتخافي
ريم : طيب طيب زينه اكلمك بعدين
تركي : اووكيه اخليك الحين .. مع السلامه
ريم : مع السلامه
هنوف : من كنتي تكلمي
ريم : شوووف البنت الملقوووفه
الهنوف : فيه خبر حلوووو
ريم : وشوو
الهنوف : سالم اخوك خطبني
ريم : الله متىى ..؟؟؟
الهنوف : اليوم بالسياره قالي وقالي انه طلب يدي من ماجد
ريم : تصدقي لازوجي ولااخوي قالي
الهنوف : وش رايك
ريم : انتي تبينه
الهنوف نزلت رااسها : مدري
ريم : عيني بعييينك
الهنوف : اقووول ترى امي تقول جيبي القهوه الناس قربوا يجوا
ريم : هههههههههههههه ياعيني ع المكسوووفين
الهنوف : سخيييييفه
بالمستشفى
الدكتور بحزن : خلاص اليوم اخر يوم تدريب عندنا
سما : ايه الحمدلله بنرتاح
الدكتور : بترتاحين مني
سما : وشو
الكتور : سما ممكن تعطيني رقم ابوك
سما : وخيير
الدكتور : ابي اتعرف عليكم بس
سما بستغراب : خذ ...0506730
الدكتور ببتسامه : مشكوره
بالسياره
محمد : تركي
تركي : لبيه
محمد : وش فيك
تركي : وش فيني مافيني شي
محمد : انا مو من اليوم اعرفك
تركي وجواله يدق ..يناظر للرقم بمتنان ... مافيه غيرك الي ينقذني
تركي : هلاا والله بولد العمه
سعد : هلا بك تروووك
تركي : هلا بالمعرس
سعد : ووينك الرجال له ساعه ينتظرنا
تركي : بس بوصل محمد بيته واجيكم
سعد : سلم عليه ولاتتأخر
تركي : يوصل مع السلآمه
تركي : يسلم عليك
محمد : الله يسلمه من زمان عليه هالدب
تركي : هذا انا رايح له
محمد : بجي معك
تركي : طيب
تركي بغى يقفل كل آمآل محمد في الكلام .. ويقفل كل باب ممكن يسأل محمد فيه فقرر يشغل الراديوا عشان يسكته
اول مافتح سمع موسيقى حزينه كانت اغنيه عبد الله السالم اذا ناوي تروح
اذا ناوي تروح ..
ابفهم وين اروح
تخليني اعيش بعدك بألم وجروح
واذا عني مشيت
واذا غيري لقيت
منو غيرك انا بلقى ياروح الروح
يعني ترضاها علي
تترك يدينك ايدي
وتنسى من عايش عشانك
ان كان ميت ولاحي
واذا نويت
تعشق تحب ثاني
امانه لاتنساني
اني احبك مووت
طمني عليك اذا
حسيت باي اذى
بتلقاني مع قلبك اذا بكى
منو يحس فيني انا
اذا ذقت العنا
منو يداري قلبي في يوم اذا شكى
يعني ماشوفك بعد
ولااسمع صوتك ابد
واذا ضاقت علي دنياي
مالي غيرك اي احد
تذكر هالمكان
انا وانت بزمان
تذكر يوم تسقيني حب وحنان
واذا ناوي الغياب
ابرضى بالعذاب
ابرضى وانا في قلبي ألم واحزان
خلاص روح الله معاك
وبخليك انا بهواك
واذا خايف انا انساك
انسى روحي ماانساك
اذا نويت
تعشق تحب ثاني
امانه لاتنساني
اني احبك موت
تركي دمعت عيونه .. بس مالقى لها اي مبرر .. والي زاد خوفه ان محمد ينتبه له .. ويسأله ومايعرف يصرف نفسه
الدكتور : لا مشاء الله علييك الحين تقدر تمشي مثل اول واحسن العلاج الطبيعي تحسن كثير
محمد بفرحه: ايه والله احس انه طبيعي
الدكتور : هذا بفضل الله ثم العلاجات
محمد : يعني الحين معاد يحتاج جلسات
الدكتور : لا اليوم اخر جلسه
محمد : الحمدلله اجل
ماجد : يعني خلاص معاد بجي
الدكتور : لا ان شاء الله ماتحتاج
ماجد بضيق : يالله امش
محمد استغرب ماجد المغروض يكون مبسوط وفرحان لييه زعل لما عرف انه تعافى
محمد : ماجد فيك شي
ماجد : مافيني شي .. وين بتروح
محمد : رايح الاستراحه
ماجد بضيق : ودني بيتي
جالس بالغرفه لحاله .. وحاس ان صدره ضايق ومو قادر يتكلم .. دخل على النت منتدى قديييييييم اشترك فيه
أهلا بك معنا مجددا يا (( شتات الورق ))
اذا كان متصفحك لايدعم الانتقال التلقائي اضغط هنا ..!
تركي اول مادخل المنتدى لقى رسايل كثير من شخص ارسله قبل لايترك هالمنتدى
مجنون ليلى
هلا بك يااخ شتات والله مافيه مشكله لااحراج ولاشي خلاص الي تبي بسأل عنه ولايصير عندك فكره
تركي : وش الي بسأل عنه .. عن وش يتكلم هذا .. خلني ارسله اشوف وش كان يقصد
بس وش يضمني يرد شكله من زمان مادخل
خلني افرفر شووي
شات الورق لديك رساله خاصه جديده
مجنون ليلى
هلااا والله شتات وينك وووش اخبارك ..
شتات الورق
هلا فيك زود ياخوي انا موجود وبخير .. انا وش كنت ابي منك اول .. مذكر رسالتك كانت عن ايش
مجنون ليلى هاك ايميلي وافهمك
تمت اضافه مجنون ليلى
ابو خالد ببتسامه
ام خالد نادي عفرآ
ام خالد وهي حاسه بفرحه كبيره .. لانها من زمان تبي عفرآ لعيال ابو محمد
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك