رواية كيف تريد ان تموت في حبي -4
مشاعل : الحمد لله ..
ام حمد : مين هذي المزيونه الي معاك لا تقولين مرت اخوك .
مشاعل : اي .. ليان اعرفك على مرت عمي .
ام حمد : ياهلا ومسهلا .. والله عرف اخوكي يختار ..
ليان : اهلين خالتي .
علياء بصوت واطي : تخلخلت اضلوعك قولي امين .
مشاعل : قلتي شي .
علياء : تعالي ابغي اكلمك .
مشاعل : ليان جلسي انتي هنا اشوي وارجع لك .
ليان : طيب .
علياء : امشي بس ..
ويروحون في مكان معزول ..
علياء : شنو تسوين انتي ؟؟
مشاعل : شنو اسوي ؟؟
علياء : جايبه الحثاله وجالسه تعرفينها على امي .
مشاعل : هذي الحثاله تصير زوجة اخوي .
علياء : اشوف اكلامك اختلف و ين الي بطفشها ..وين وعدك لي ان جواد لي لحالي وين .
مشاعل : انا كنت غلطانه البيت طيبه مره وماشفت منها اي شي .. وبعدين ماكان لي حق اوعدك في شي ما يخصني .
علياء : يعني بتتخلين عني بكل بساطه .
مشاعل : انتي بنت عمي وحبيبتي مستحيل اتخله عنك لو شنو يصير .
علياء : كلام بس بتشوفيني لاخي اخوك يجي يحب ارجولي علشان ارضى فيه " وتمشي " .
عند ليان ...
ام خالد : مين هذي البنت الي جالسه يمك ؟
ام حمد : عن اللقافه .. ماعليك من البنت الناس .
ام خالد : ما شالله عليه .. تقول للقمر قوم تجلس مكانه .. شنو هالعيون ولا الشعر ..
ام حمد : تبغين تحسدين البنت ؟؟
ام خالد : الا ابغي اخطبها لولدي خالد .
ام حمد : اووووه شفيكم انتوا اليوم هذي ثالث وحده تجي تبغي تخطبها .. اقول شيليها من بالك .
ام خالد : ليش ليكون ناويه تخطبينها لولدك ؟
ام حمد : لا بس البنت متزوجه .
ام خالد : متزوجه ؟؟
ام حمد : اي تصير زوجة جواد ولد عم اعيالي .
ام خالد : جواد ماغيره .. ماسمعنا انه تزوج .. ليكون تمزحين معاي .
ام حمد : لا اصلا هم ماعزموا احد .
ام خالد : ليش ؟؟
ام حمد : ماندري .. بس صراحه البنت تفر عقل العاقل .
ام خالد : اي والله .
شجون : ليان شفيكي جالسه هنا قومي معانا .
ليان : مشاعل قالت لي استناها هنا .
شجون : قومي خليها تولي عنك .
ليان : طيب .
شجون : بصراحه طالع الفستان عليكي رهيب .. انا اول ماشفته ماعجبني حسيته مافيه شي مميز .. بس الحين لما شفته عليك طالع روعه .
ليان : تسلمين .. بسكم مدح فيني ترى استحي .
شجون : مالت تستحي .
ليان : ههههههههههههه .. اي استحي .
بعدها زفوا شيماء الي طالعه روعه .. في البدايه كانت مرتبكه شزي بس وجود خواتها حولها مع امها واهلها هداها شوي بعدها دخل عليها ياسر
شما : بشتاق لها هالدبه .
شجون : وانا بعد .
شما : ماادري كيف بنام اليوم وهي مو في البيت ..
مشاعل : اقول لا تقلبونها مناحه علينا الحين .
شما : مشاعل تعالي نامي بيتنا اليوم .
مشاعل : افكر .
شما : تكفين .
مشاعل : اقول لابوي اذا رضى نمت عندكم .
شجون : وانتي بعد ياليان نامي عندنا .
ليان : اناااااااااااااااا !!!
مشاعل : كان تبغون جواد ينحركم اخذوها .
شما : عادي كلها ليله وحده .
مشاعل : جنيتوا انتوا ؟؟
شجون : خليها تسئله اذا وافق خير وبركه واذا ماوافق خيرها بغيرها .
مشاعل : انتوا تتكلمون جد .
شجون : جد الجد .
مشاعل : اجل انا بدق عليه واقوله .
شجون : وليش مو هي الي تقوله ؟؟
مشاعل : كيفي انا الي بقوله .
شما : خلصينا قولي له .
ودقت عليه
مشاعل : الوووو ..
جواد : نعم شنو تبغين ؟؟
مشاعل : انا ابغي انام في بيت خالي ..
جواد : طيب شنو اسويلك اذا ابوي موافق انا مالي كلمه بعد كلمته .
مشاعل : طيب ليان .
جواد : اشفيها .
مشاعل : بنات خالي يبغونها تنام معانا بعد .
جواد : ليان هي الي قالتلك انك تدقين علي .
مشاعل : لا .. هاا شنو قلت .
جواد : تبغي تنام معاكم ؟؟
مشاعل : اكيد تبغي .
جواد : خلاص خلها تنام .
لا ... ليان كانت مو موافقه وكانت تتمنى ان جواد ما يوافق .. بس هو خيب امالها لما وافق .. وراحوا كلهم بيت بو جراح .
(( بيت بو جراح ))*
شما : مسكوا لبسو ؟؟
مشاعل : شنو هذا ؟؟ لالا انا ماالبس مثل هذي الاشياء .
شما : لبسي وانتي ساكته .. ولا رجعناكي البيت وخلينا ليان ..
مشاعل : لا والله مرت اخوي رجلها على رجلي ..
ليان : وين اقدر اغير ملابسي ؟؟
شجون : امشي معاي .
راحوا دورة المياه
ليان : لاتتحركين من مكانك .
شجون : ليه بعد .
ليان : اخاف اخوك او ابوك يمرون وانا اطلع ويشوفوني .
شجون : طيب بوقف .
وتدخل ليان وتضل شجون واقفه .
ام جراح : شجون تعالي اخذوا شي لكم تاكلونه ..
شجون : بس .
ام جراح : اقول بسرعه لحقيني .
شجون : ان شاالله يمه " وتروح " .
سبحت ليان ولبست البوجامه الي عطتها شما بس طلعت كبيره عليها .. وقامت مشطت شعرها وسوته اثنين نازلين على الجنب .. وطلع شكلها طفولي بالمره .. فتحت الباب ماشافت شجون .. اخافت واحتارت شنو تسوي .. بس
بعدين قررت انها تروح للغفه بنفسها .. بس لما وصلت نص الطريق طلع في وجهها واحد سد الطريق عليها .. نظراته خلتها تتوتر وتسرب الرعب لكل جسمها ..
شجون : جراح شنو تسوي انت ؟؟
جراح : هااا
شجون : هويت في النار قول امين خل البنت تروح موتها خوف .
وخر عنها ورحت ليان تسرع ودموعها ملت عيونها
جراح : هذي الحين حقيقيه ..
شجون تطنز : لا كذبيه اجل ..
جراح : انا اول ما شفتها حسبت اني احلم وانا واقف .. مين هذي ؟؟ لا تقولين بنت عمتي صارت قمر كذا .
شجون : اي يلي ما تستحي على وجهك .. قاعد تخز في البنت ..
جراح : خلصي مين هذي ؟؟
شجون : ليش تسئل ؟؟
جراح : شدخلك يمكن بخطبها .
شجون : اولا ماتصلحلك لانها اكبر منك .
جراح : هذي اكبر مني !! مستحيل .. هذا شكلها عمرها 11 او 12 سنه .
شجون : عمرها 20 سنه .
جراح : بل .
شجون : ومتزوجه .
جراح : بعد .
شجون : متزوجه ولد عمتك جواد .
جراح : حلفي هذي مرت جواد .. اي ماالوم الرجال طول اليوم سرحان ولما جي يطلع كان احد ميت عليه اثاري حبيبت القلب عندنا وتاركته .
شجون : اقول وخر عن وجهي .
جراح / 18 سنه .. الاخو الوحيد بيت ثلاث بنات .. وسيم وطويل واحلى شي فيه شعره الكثيف وعيونه واسعه .
ليان : الحين مو انا قلتلك لا تتحركين من مكان .
شجون : اسفه حبيبتي امي نادتني وماقدرت اقول لها شي .. يلا خلاص مسحي هل الدموع ..
مشاعل بمزح : تدرون ان لو جمعنا دموع ليان كل ماصاحت راح نروي كل سكان الارض ولا بنوفر للاجيال القادمه .
البنات : ههههههههههههههههههههه
شما : عندي سوال صريح جاوبني بصراحه ..
مشاعل : قولي سئلي .
شما : سوال يبغيه جرئه .
شجون : ندري انك ماتستحين على وجهك مو غريبه عليك .
شما : شنو الحب من وجهت نظر كل وحده منكم .
مشاعل : مالت عليك وعلى سوالك فوقك .
شما : تكفون جاوبوا .
مشاعل : انا اقولك الحب بنسبه لي اهم شي في الحياه .. والحب انواع .. حب اخوي .. حب صداقه .. والحب الي الكل يحب فيه حب شريك الحياه .
شجون : الحب مااقدر اوصفه بشي بس من غير الحب مافي معنى لاي شي .
شما : وانتي ياليان ؟؟
ليان : اناااا ؟ .. مثل شروق الشمس بعد الليل الطويل .. الحب اغنيه عجز يغنيه او يلحنه افضل مطربين العالم .. القصيده الي مانكتبت .. الكل يعرف الحب بس القليل الي فهموا هلكلمه ..
مشاعل : بس خلاص كفايه فلسفه .
شجون : خليها تعبر انتي شدخلك .. ليان كملي ماعليكي منها .
مشاعل : طيب انا عندي سوال ؟
شما : تفضلي كلنا اذان صاغيه .
مشاعل : شنو الطريقه الي اذا سواها شريك حياتكم ترفون انه يحبكم من غير ما يقول ؟
شما : انه يشتريلي الي اتمنه من غير مااقول .
شجون : مااقول الا مالت عليك .. مادري مين الي داعيه عليه امه الي بياخذك .
شما : انتي ماعليك مني ..
مشاعل : طيب انتي جاوبي .
شجون : اذا جلست معاه على البحر نطالع شروق الشمس وهو كل فكره معاكي ويمسك ايدي ويجلس يناظر فيني وعيونه هي الي تحكي ..
مشاعل : ياسلام على الرومنسيه ..
شما : وانتي ياليان لازم نعزمك على الكلام .
ليان بخجل: لازم .
البنات : اي لازم .
ليان : لما اكون حزينه ودمعتي في عيني .. يجي لي بكل هدوء ولطف ويحظني من وراي من غير مااحس ويضمني حييييييل لانه يبغي يحميني من العالم كله .. من شدة خوفه علي اسمع نبض قلبه الغير منتظمه المضطربه .. وحس بانفاسه
الخايفه علي .. ويمسك يدي بتوتر علشان مااروح واتركه وبعدها يهمس بكلمات علشان بس يريحني ويخفف حزني .. وبعدها يمسح دموعي ويبوسني بوسه رقيقه وعذبه وهاديه ابها احس اني خلاص طايره وانسى حتى السبب الي بكيت علشانه
.. وبس .
البنات :...............
ليان : شفيكم ؟؟
البنات : ياهوووووو
شجون : كل هذا يسوي لك جواد .
ليان : شنو ؟؟ مالت عليكم وعلي الي يجلس يتكلم معاكم بروح انام احسن لي .
البنات : ههههههههههههههههههههه
(( عند جواد ))*
من رجع البيت وهو مو طبيعي .. حتى لما انبطح على السرير علشان ينام .. طار النوم من عيونه لما شم ريحتها .. صار يتقلب من جنب لجنب يبغير يوقف التفكير فيها بس مافي فايده كل تفكيره ليان ليان ليان ليان ليان .. ضل على هذي
الحاله 3 ساعات لنام راضي يجيله ولا مو قادر يقوم من السرير .. انبط على المكان الي تنبطح فيه وحضن مخدتها وصار يتجيلها .. حس انه مجنون لما وافق على انها تروح مو يصير لها شي .. لو وحده من البنات تزعلها اكيد هي بتصيح
يعرفها ما تقدر تحبس دموعها .. في النهايه قرر يروح يجيبها ..
نهاية البارت
الرصاصة السابعة
(( عند جواد ))*
من رجع البيت وهو مو طبيعي .. حتى لما انبطح على السرير علشان ينام .. طار النوم من عيونه لما شم ريحتها .. صار يتقلب من جنب لجنب يبغي يوقف التفكير فيها بس مافي فايده كل تفكيره ليان ليان ليان ليان ليان .. ضل على هذي الحاله 3 ساعات لنام راضي يجيله ولا مو قادر يقوم من السرير .. انبطح على المكان الي تنبطح فيه وحضن مخدتها وصار يتجيلها .. حس انه مجنون لما وافق على انها تروح مو يصير لها شي .. لو وحده من البنات تزعلها اكيد هي بتصيح يعرفها ما تقدر تحبس دموعها .. في النهايه قرر يروح يجيبها ..
(( بيت بو جراح ))*
ام جراح : مين الي جاي لنا هلوقت ؟؟ سنتيا .. مين الي جاى ..
سنتيا : هذا مستر جواد يقول خلي مدام ليان تطلع .
ام جراح : يووووه تو البنت نايمه .. فشيله نجلسها من النوم .. سنتيا روحي جيبي عباتي خليني اكلمه .
وتلبس عباتها وتطلع ..
ام جراح : شفيك ياوليدي ؟؟
جواد : اذا ماعليكي امر ياخاتي نادي ليان .
ام جراح : بس هي توها نايمه .
جواد : ماعليه جلسيها وتكمل نوم في البيت ..
ام جراح : يوووه .. خلها نايمه واذا جلست اخلي جراح على طول يجيبها .
جواد : لا ياخاتي ناديها الحين الله يخليك .
ام جراح : امري لله اروح اجلسها لك .
جواد : تسلمين ياخالتي .
وتروح وتجلس ليان .
ام جراح : ليان قومي رجلك يبغيكي .
ليان : جواد .
ام جراح : اي .. جى ياخذك البيت .
ليان : ان شااالله خالتي الحين اقوم .
تحت كان جراح واقف مع جواد يتكلمون ..
جراح : ياعمي خلها عندنا اليوم .. مافيها شي .. بعدين اختك موجوده هنا معاها .
جواد : ياخي انا ابغي زوجتي . " الا تطلع ليان " اخيرا شرفتي .. انتي ما تستحين على وجهك تخلين مشاعل تكلمني علشان اوافق ..
ليان تفاجئت وفي نفس الوقت انحرجه لان جراح كان موجود ..
جراح : هدي اعصابك اشوي .. كلت البنت .
جواد : وانت شنو يدخلك بيني وبين زوجي .
هنا بدأ صوت صياح ليان يعلى ..
جراح : البنت تصيح خف عليها .. روحي داخل ارتاحي وانت تعال معاي .
جواد : ياعمي وخر هذا الي ناقصني بس " ويسحب ليان ويركبها السياره .
طول الطريق ماتكلم ولا قال اي كلمه .. صياح ليان هو الشي الوحيد المسموع .. ولما وصلوا البيت راحت ليان الي غرفتها على طول بدون ماتلتفت له او حتى تكلمه .. لحقها شافها منبطحه على السرير وتصيح .. جلس يمها على السرير ومسح على راسها ..
جواد : خلاص لا تصيحين .
ليان : ...........
جواد : اذا سكتي الحين اي شي تلبينه راح اسويه .
ليان : صج
جواد : اي
(( في اليوم الثاني في بيت ليان ))*
طلال : اوووووف .. ليش انا الي اغسل الملابس ؟
مها : لاني مااعرف اغسلهم واهتم بخوانك .
طلال : بس اخواني نايمين .
مها : اقول لا يكثر وكمل شغل .
وليد : جوعان ابغي اكل من طبخ ليان الحلو .
مها : وخر عن وجهي انت بعد اذا تبغي تاكل روح افتح الثلاجه .
الا ينضرب الباب ويروح وليد يفتح الباب .
وليد الا ماشاف الي على الباب صار يناقز ويقول : ليان ليان .
اشي الي طلبته ليان هو انها تروح تزور اخوانها .. وتجمعوا كلهم عليها .. احضنت خوانها كلهم مره وحده من شوقها لهم ..
ليان : اشوف البيت مرتب مو بالعاده ترتبون .
طلال بطنازه : مها ماتجلس من كثر ما ترتب .
مها : اصبر على خلني اقوم عليك وادفنك مكانك .
ريم : ليوني .. احبك انا لا تلوحين عنا مره ثانيه .
ليان : حتى انا احبك .
وليد : انا جايع .
ليان ببتسامه : من اعيوني الحين اطبخلك احلى اكله .
مها : وانتي جايه علشان تطبخين لسيد وليد .
ليان : لا تخافين ماراح اقولك ساعديني صونيا راح تساعدني .
ودخلت المطبخ وبدأت تطبخ ودخلوا كلهم وراها .
ليان : طلعوا براى لاحين احد منكم يحترق او يصيرله شي .
ريم : ماابي .
وليد : انا ابي اشوفك وانتي تطبخين .
طلال : كلنا اشتقنا لك .. شوفي حتى وفهودي ورغودي اشتاقوا لك .
ليان : بلا هذره وروح جهز السفره.
طلال : على امرك .
مها : الا ليش ما جي رجلك معاكي .
ليان توترة : لانه عنده شغل ... يلا حطوا الصحون علشان ناكل .. طلال جيب ملاعق .
طلال : حاضر .
مها : وليد انتبه لا ينكسر الصحن عليك .
وليد : اص انتي ماعليكي مني .
وجلسوا بعد كل الفوضه علشان ياكلون .. وتوهم بياكلون الا دخل عليهم ناصر .
ناصر : تاكلون من غيري ياخونا .
ليان قامت وحضنت ناصر .
ناصر : خلاص لاتسوين فلم هندي الحين .. مها روحي لبسي عباتك .
مها : وليش بعد ؟؟
ناصر : معاي ضيف .. ادخل .
البست مها عباتها على السريع وتوها ليان بتروح تلبس الا تشوف جواد يدخل .
ليان : جواد !!
ناصر : شفته جالس في السياره بروحه .. سحبته ودخلته .
ريم : ليوني مين هذا ؟
ليان : هذا زوجي .
وليد : انتي تزوجتي ؟؟
ليان : اي ... ادخل .
جواد : عسى في ناس يعيشون في هذي الخرابه .
ليان : تعال اكل معانا .
جواد : شنو اكل هذا ازباله .
ليان : اقول احترم نفسك .
طلال : هذا طبخ ليان لا تغلط عليه .
ناصر : اجلس وجربه ترى مافي احلى من طبخها .
ليان عطته صحن وهي متوتره خافت انه ماعجبه ... وهو متوتر يذوقه ولالا
وليد : اذا ما تبغيه عطني اياه .
بس اول ماذاقه جواد بدأ ياكل كل الي في الصحن .
ريم : انا ابغي بعد .
وليد : ماشبعت حطي لي بعد .
بس المفاجئه ان جواد مد صحنه يطلب بالمزيد .
جواد : انا ما كلت شي اليوم .
لذا حطت ليان لجواد فمابقى تعطي وليد شي .. وليد عصب وقام رفس جواد .
وليد : احسن علشان ما تجي بيتنا مره ثانيه .
ليان : وليد غلط الي سويته .
جواد معصب : انا اوريك .. ليان يلا بنرجع البيت .
ريم بصياح: لا اروح معى ليوني .
اول ما خلصت ليان لبس عبايتها جرها جواد علشان يطلع بسرعه . بس حس باحد يمسك رجله .. ونزل راسه يشوف مين ماسكه شاف وليد وهو يصيح .
جواد : اتركني .
وليد وصياحه زاد : لا .. ماراح اسوي شي غلط ماراح اضربك .. بس لا تاخذ اختنا معاك .
ناصر مسك وليد : خلاص وليد ليان لازم تروح الحين .
وليد : لااااااااااااااااااااااااااااااا .
جواد : يلا مشينا .
ليان : مها اهتمي بالكل .
وطلعوا على صراخ ريم وصياح وليد .. ركبت السياره وهي تصيح وتتمني ان الايام ترجع وتعيش معاهم مره ثانيه .. صارت تمسح ادموعها بيدينها ..
ليان : لو اني ماجيت احسن كنت الحين مااحس بهل احساس ..
جواد : مارتحتي لما شفتيهم انهم كلهم بخير .
ليان : معاك حق .. " ورجعت تبتسم " شكراً لك لانك خليتني اشوفهم .
جواد بغرور : والله انك غريبه .
لما وصلوا البيت ..
صونيا : مستر في يحط اكل بعد اشوي .
جواد : طيب .. ليان .
ليان : نعم .
جواد : امممم .. كيف اقولها شوفي اذا تبغين تطبخين .. تقدرين تطبخين على كيفك .
ليان بفراح : يعني اقدر استخدم المطبخ .
جواد : اي .
ليان : شكرا لك ..
مشاعل : جات الخاينه ورجلها .
ليان : مشاعل .
مشاعل : توك تتذكريني الحين مالت عليك تخليني وتمشين ولا حتى تسئلين وارجع البيت اشوفكم طالعين .
ليان : اسفه .. سامحيني .
مشاعل : اخر مره لك .
ليان : ببتسامه خلابه : احاضر .
جواد حط يده على كتف ليان : امشى بس خليها تولي .
مشاعل : لا والله .
ليان : هههههههههههههههههه
(( بعد شهر بدأت المدارس ))*
مشاعل : جواد وصلني المدرسه اليوم .
جواد : وليه ماتروحين مع السواق .
مشاعل : بس اشتهيت انك انت الي توصلني .
جواد : اقول ذلفي عني احسن لك .
ليان : فطري ولا تبغين تروحين المدرسه بدون ماتاكلين شي ..
بو جواد : حتى انتي اكلي .
ليان : انا ماراح اروح مكان اما هي وراها مدرسه .
ملاحظه / بو جواد دائم السفر علشان كذا ماراح نتكلم عنه في الروايه كثير .
بو جواد : الا انتي ليش مادخلتي الجامه ولا ماجبتي مجموع يدخلك جامعه .
ليان : لا انا جبت الاولى على دفعتي بس الظروف ماسمحت اني ادخل .
مشاعل : يلا انا بمشي تاخرت .
ليان : ماكلتي شي .
مشاعل : شكلك تبغيني امتن .. خلاص كلت اكفايتي .
ليان : الله معاكي .
مشاعل : مع السلامه .
بو جواد : انتبهي على نفسك ولا تاخذين السنه لعب بعد .
مشاعل : ان شاء الله اطلع الاول على المدرسه على شان اعيونك.
جواد : لا احنا مانبغي شي خيالي بس انتي نجحي وخلاص .
مشاعل : ياربي على التحطين ولا ويقلون صيري شاطره شلون وهذا اخوي .
بو جواد : اقول ذلفي احسن .
(( بيت ليان ))*
طلال : حتى شنطه ماعندي وتبغوني اروح المدرسه .
ناصر : عن الهذره الزايده .
مها : والحين وين نخلي اخوانكم فيه .
ناصر : عند ام عادل .
مها : وانت تتوقع بترضه .
ناصر : انا كلمتها وقنعتها بعد .
طلال : مافي فطور .
مها : ليكون انا خدامه عندك تبغي روح سولك .
طلال : لو ليان هنا كان مارضت اطلع من غير ماافطر .
مها : انا ماشيه قبل ماارتكب جريمه .
وتلبس عباتها الي تشبه عبايات العجز .. وتطلع تروح المدرسه مشي .. في طريقها مرت على مجمع وحست بالجوع لذا قررت تدخل تشتري لها شي تاكله ..
عبد الله : اليوم بعد المدرسه خلونا نروح المكتبه .
سعد : والحين انت ماخلص اغراض المدرسه .
عبد الله : مين قالك شريت شي للمدرسه .
سعد : وانت كل سنه على هل موال .
عبد الله : جراح اخلص شنو بتشتري ترى بنتاخر وكان فطرت في بيتكم .
سعد : جراحوه شنو طالع .
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك