رواية غثيثة مزحة الايام -49
بـرآيفت / لكل من يسـأل عن هيله ..ترا هي مجرد شخصيه ثآنويه لا أكثر
وانا ماأظهرها كثيـر عمداً .. مو اني ناسيتها ولا شي ..
حتى فهد .. وجوان وفيصل وحسين ..ومرام وبندر وخجل
لأن هـ البارتات .. فـ الغالب تخص سطـام (محمد) ..
فـ بتصير أحداث هالنـآس قليلـه حبتـين
حتى اللي يسـألون عن محمد من بيتزوج .. هههه خله يتـأقلم اول مع اهله ثمن يفكـر يتزوج ولالا
◙◙◙
الجزء الواحد و الثـــلآثون
◙◙◙
- نمــت زين امس ؟
جلس معهم على طآولة الاكـل :الحمدالله ريحت جسمي عالاقل
نآصر يتثآوب :و مخلـيني اسهر
محمد :مدري من اللي قآيل امس انه يسهر .. خلني سآكت بس
ابو محمد :ههههههههههههه نويصـير اعرفه ماينـوم الا لين شآف الشمس طالعه ولا يوجعه قلبه ان نام فالليل زي الناس
ناصر يستهبل :دجــآجه انا وش قالوا لك ..فشيله يآبوي انوم فالليل و تبي يقولون عني الناس؟
ام محمد :منـتب صآحي انت ابد
محمد يطالع ناصر ويبتـسم يعني تهـزآءت..رد له ناصر الابتـسامه وقال :أتضـح ان اخوي الكبير..أللي مفروض انه قدوتي ..صآر مثلي امس لقيته قاعد فالجلسه اللي عند المسبح ويتعشـى مدري يتسحر ..مدري وشي الوجبه اللي قبل صلآة الفجر بربع ساعه .."طالع صحن محمد ثم طالع ابوه"..شكله كان نآوي يصوم بس غير رآيه .. "يحاكي محمد ويعطيه كوع" .. علــمهم علمــهم يامحـيميد لآ يكون عليك قضى بس
محمد طالعه وفي فمه اللقمـه ..بعلقها وقال بسرعه :انا قآيم من الجوع مب زيك أسهـر لين يأذن الظهر .."وقال يكذب "..بسم الله علي من يقول الله اكبر العشـآ تلقاني نايم
ناصر يحجر عليه :يعني ماتصلي العشـاء؟ هههههههه
ام محمد : عسـأك كلت لك شي؟
ناصر شهـق :شـــــف!! ..تقوله كلت شي ؟..لوه انا كان توطيتي في حوض بطنـي وقلتـي .."ويغير نبرته"..العشا كان محطوط ورآك ماكلت .. وهو تقولين له كذا
ابو محمد وهو مبسـوط بالوضع ..ويحمد ربه كل دقيقه 60 مره انه جالس مع عياله الـ 2 وزوجته وربي جمعــهم ..سعادته ماتنوصف بالكلمات ..
ابو محمد : إيه هو معـذور تلقآه ماكل شي اما انت متعشي مع ربعك
ام محمـد : المهم عن الخرط الفآضي ..عندي لكم اثنـينكم خبر
طالعوهـآ .. وقالت :عمانكم نآوين يطلعون للبر بكره الصبح ..منها يتعرفون على محمد ..ومثل العيد لأن الكل مسـآفر ولا فيه الا قليل اللي ماسـآفروا
ابو محمد يطالع ناصر :ترا ابو فراس بـ يجي ياناصر
ناصر ميل شفته .. :طيب؟
ابو محمد :اتمنــى اششوفه رآضي هالمره ..تراك صرت رجال ولا ناقصك شي ابد .. ولازم تتحرك
ناصر :لا تخاف كلمت نجــلا ..اكيد انه قال له
ام محمد :تكلم نجلا ؟
ناصر أبتـسم :مره وحده بس .. ابوها قـآلي كلمها فترة خطبه لين تملك عليها
ابو محمد :زيـن الله يوفقكم
ناصر التفت لـ محمد :وش رآيك اليوم نروح للسوق ونشتري ملابس
محمد :حلـو .. بس بيدخلونا ؟
ناصر :ليه مايدخلونا ..غصبن عنهم .. رح قله انا محمد بن عبدالرحمن آل"......." ويقولك تفضل هههه
محمد :هههه .. بـآز بـ نفسك
◙◙◙◙◙
- بتـرجعي للسعوديه
جوان وهي تطلع ملابسها من الدولاب :يــس !!
ام حسـن : عمك رآضي ؟
جوان : he should
(يجب عليه ذلك(
ام حسـن بخليجيـتها الممزوحه باللهجه المصريه :انتي متُـأكده باللي بتعمليييه ؟
جوان :... متـــأكده
◙◙◙◙◙
- بعد كل اللي مسـويه جآي تقـول بآخذها؟ ليه مالها اهل؟
احمد :اعتقـد مالي كلام معك ..لو سمحت نـآد لي نوره بسرعه انا احتريها
معتب عصب منه وقـآم : صح عليك ..مالنا كلام انا وانت ..فـ انت اللي لو سمحت أطلــع برآآ
احمد قآم بـ نبره غريبه : متعب اصحـى انا زوج اختك ولا أظنك تبي اختك تصير "مطلـقه" !
متعـب بـ نرفزه بس بصوت وآطي : عندي أهـون تصير ملقطـه ولا تصير زوجـة سكير !!
احمد : احترم اللي اكبر منك يامتعب .. وين سطام انا بتفـآهم معه ..هو اعقل منك يالبـزر
متعب بسخريه :شفت انك ماتدري وين ربي حاطك ..بالله هذا سـؤال ؟..وين سطام ..انت الحين اثبت انك الـزوج المثالي..المهم لو سمحت أطلع بــرآ مالك شي عندنا
احمـد : انا جـآي آكلم نوره .. زي ماقلت لك كلامي مب معك
متعــب : نوره ماتبـيك .. اكيد انك دآق عليها ولا ترد
احمد يرص على اسنانه :انا عشان كذا جآي
متعب :وانا منيب مخليك تشوف اختي ولو سمحت اطلـع
احمد ببتسـامه :انا بطلع ..واختك بتجي بيتـي .. طال الزمن ولا قصر .. لاتنـسى يامتعب انا مين .. وانتوا ميــن !!!
◙◙◙◙◙
فــي سوق الفيصلـيه
وقف ناصر بسيـآرته اللمبـرغيني .. وكان فيه 2 يلحقونهم من العماله اللي يشتغلون عند ابو محمد .. رآكبين همـر ..
فتح له واحد منهم ونزل هو ومحمد وطـآرق
نـآصر : أعشق هالسوق
محمد : الحين من هنا بشتـري ملابسي؟في محلات عالشارع كلها ملابس رجاليه حلوه
ناصر يطالعه وشك في نفسـه :ليه مايبيعـون ؟ تراني مدري جيت وبس
طـارق :هههههههههههههههههههههههههههههه
محمد :هههههههههههههههههههههههههه
نـآصر :وش فيكم تراه سوق ..يعني بقـر اذا مايبعـون
محمد :الله يقطـع بليسك ..خلني البس من ملابسي وبس يـآخي
نـاصر :إيه صح ..بس خلني انعش ذآكرتك ..ملابسك كانت عباره عن 4 ثياب .. وبدلـتين ..
وأبتسمت إبتسامه غيبه ممزوجه بسخريه
طـارق :محمد صدقنـي ترا ناصر ان حط شي في بـآله لازم يسويه
نـآصر بصوت عالي كل السواويق التفـتوا : يـآآآآآآرب كل اللي في بآلي اخذه مدري اســويه ..يـــــآرب
طارق :تراك فشلتنا
طالع السـواويق :وجع حتى ماقالوا آمين ..
محمد :هههههههههه
اول مادخلـوا ..مشى ناصر لحاله ومعاه واحد من العماله .. ومحمـد وطارق معاهم واحد .. ناصر كان لحاله لآنه منـدفع ويطلع ويدخل فالمحـلات
اما محمد وطارق يدورون بـ روآقه وعلى مهـل
طـارق : ناصر اليوم مبسوط مررره
محمد مبتسـم : ههه بـآين عليه .. جعله دوم
طارق :كان دآيم يقول ..ياليتنـا نلقـى محمد .. ماتتصور يامحمد وش كثر كان مبسوط . يوم دق ابوك من الشرقيه
محمـد :وانا بعد والله ..مبسـوط ان عندي اخو مثله .. تصدق كنت خآيف من فكرة ان محد يتقبـلني ..
طـارق : مع اني ماعرفتك الا من يومين ..بس احس في إختــلاف كبير بين شخصيتك وشخصية نـآصر
محمد :من آي نـآحيه
دخلـوا محل .. وكان محمد يتفـرج .. رد له طارق : ناصر عنيـد .. عصبي ومتسرع ..طيب بس "بإستهبال مسوي يمون" ..تحسه احيانا غبي مايعرف يعبر
محمـد :هههههههههههههههه غبي هاه ؟
طـارق :هههه لا تسوي نفسك الاخو اللي مايرضى على اخوه ..قد قلتها له في وجهه كثير ..
محـمد يطلع بلوزه بس ماجازت له:وأكيد ماخلاك ..
طارق :ايه اكيييد .. مايضيع له حق هو
محمد ماعجبه شي وطلعـوا : طيب انا وش تعطيني .. وش تحس شخصيـتي؟
طـارق : امممممممممم ..هـآدي ..حيآوي .. مجامل درجه اولـى
محمد :انا اجامل ؟
طارق :مدري اقولك وش احس
محـمد :اممممممم ..تبي الصدق .. كل اللي قلته صح ..
طارق :يعني انت يمــين وناصر شمال .. ناصر وجهه مغسول بمرق لو في قلبه شي عليك ينطلـه مايهمه هههه
محمد :لا انا اتفـق مع ناصر في كم شي
طارق عجبه ان محمد تكلم ..لأنه طول الوقت مسـتمع :إيش ؟
محمد :انا فيني صفه شينه ..احسها في ناصر ..لما اعصب ماأشوف اللي قدامي هههه ماأتحكم بإعصـآبي ..احيانا اضرب
طـارق مافهم سبب ضحكة محمد .. بس اكيد اللي مثل نوعية محمد مايحبـون يتكلمون عن نفسهم .. :ههههههههه اوف ماأتخليك ابد .."يكمل"..اممممممم احسك حـساس .. تنجرح بسرعه
محـمد :إيه بس ماأبين
طارق :زي ناصر ..بس ناصر لما ينجرح يبـين عليه .. ولا يخليك لازم يجرحك نفس الجرح
جـآهم ناصر اللي شايل كم كيـس ..شكله ضف السوق
نـآصر يستهبل :هــآي شباب
طارق : اهني الحانب الخكري فيك
نـآصر :الخكـري جابته امك ..
طـارق : انا خكري بس انت عربجي
ناصر :شف النـذل .. يعني انا قـيّ
محمد :ليه هي قاعده يعني ؟
نـآصر :هههههه لا ..المهم شف وش جبت لك
يـوم شـآف الاشيـاء طارت عيونه .. كان تركيز ناصر عـ الكماليات ..يعني نظارات شمسيه , أبواك , جزم , احزمه .كبكـات (كبك مدري وش الجمع حقها)
محمد :الحين انت وش تبي؟! وش هالاكيـآس؟
طارق :ترا هذا ناصر كانك ماتعرفه !!
محمد طالع نـاصر :ناصر بالله كم طلع حسـابك ؟!
ناصر يعطي الكيسه للسواق اللي كان معاهم بس بسياره ثـآنيه : وش دخلك يـآخي .. شريت لك 4 نظارات ..وحزام من بربري حلو كانك ماتبيه هاته .. وشريت لك يمكن 7 ابـواك
محمد طارت عيـونه :سسسسسسسبعه ؟؟؟!!
طارق يعيد بـ نفس النبره :هذا ناصر ترا اذا ماتعرفه !!
محمد :نـآصر منتب صـآحي رجع اللي معك
ناصر يطنشه :امش في ملابس حلوه سبور وهيك شي ..والله أشياء حلوه من جد
محمد التفت على طارق :بيتـصفق ذا شكله
طارق يعيد بـ نفس النبـره :هذا نـآصر اذا ماتعرفـه
محمد ونـآصر في نغس الوقت :تــراك اقلقـت امنـآ !!!!
طارق مات ضحك :ههههههههههههههههههههههههههههههه
◙◙◙◙◙
- ويــنه فيه ذآ؟ رحت له بـ غرفته مب موجود .. وهو ماعنده سياره الحين
ابتسـم على قلقهـأ ..نزل الجريده وطالعه من ورآ نظارته الطبيـه..والضوء الساقط عليها مغطي جزء من عيونه : طالع مع نـآصر وطارق
طالعت في زوجها بإرتيـآح .. قال وهو يصفط الجريده جنبـه :تـرآه رجال .. وبعدين لا تعتقـدين انه مرآح يغيب عن عينك ولا لحظه وحده .. لازم بيطلع .. ويوروح ويجي ..
مضـآوي جلست .. لين الحين فيه بقآيآ من حزنها ماراح .. ردة فعل محمد البـآرده ماعجبتها : 28 سنـه ميب شويـة علي ابد
ابو محمد مبتسـم لها :احس ان الولد حبنّـا .. وهذا شي حلوو ..
مضـآوي تطالعه :متى تخـليه يدآوم في الشركه ..أبيك تعطيه مكتب زين زي ناصر ..
ابو محمد رآحت إبتسـأمته :بدري على هالكلام ..
مضـآوي :ليه ؟
ابو محمد : منيب مخليه يمسك شي بالشركـه ..حاليـاً !!
◙◙◙◙◙
وقفـت قدام المـرايه ..تشيك على لبسها ..صدق من عآشر قوم صار منهم .صار شكلها يهمها .. وتحب تعرف آخر صيحآت الموضه عاتلفزيون والانترنت ..
كان لبسها عبـآره عن بنطلون جينز سكنـي وبلوزه سودا مع فتحت صـدر على سبعـ7ـه وكـت ..وكعب أحمـر عآلي حبتـين أما شعرها كان ويفي ..
- جــــــآهزه مآي ليدي !
التفت له :أيه
مشعـل :آآآآآلله وش هالحـلآوه ..لوني دآري كان وديتك لبنـأن برسم الخدمه
الجـازي :ههههههههه يالله خل نسـآفر اجل
مشعل :جازت لك لبنان؟ بس تراها فيهـآ بنات .. يـآهم ضوآآآريخ ..يـآهم ييييـ
قاطعته:لآ ..بنروح مكـه ناخذ عمره
مشعـل :هههههههههههههههههههههههههههه انتي منـآفقه .. تو تقول لبنان والحين تقول مكه ..
الجـازي :اصلا ماحبيت لبنان ..
◙◙◙◙◙
على آخـر الليل
- وش فيك ؟! ضآيق صدرك من شي
رفعت مضآوي عينها تناظر زوجها :مدري .. أحس ان الولد مب متأقلم معانا ..يتكلم معي بإحتـرام مبالغ فيه ..كأنه يكلم ملكه ولا شي
ابو محمد فصخ شماغه ورمـآه عالمعلاق : تلــومينه؟
ام محمد بحزن:لا .. بس كنت متوقعه شي اكبر ..يعني .. يبيـّن شوقه لنا شوي
ابـو محمد :اصبري عليه شوي ..مسـألة وقت
ام محمد :متى؟ مايكفى صبر هالسنين ..أصبر زياده؟؟
ابـو محمد : كبري عقلك .. واحمدي ربك انه الحين معنا فالبيت .. انا بصراحه كنت حاط احتمالات اسـواء من كذا
ام محمد :زي ايش؟
ابو محمد :يعنـي ..نلقاه خريج سجون ..ولا رآعي مخدارت وبلآوي .. ولا يصير طمعان بالفلوس .. بس انا ارتحت له مرره
ام محمد :قصدك تصير لعبـه ولا يصير ولدنا ؟
ابو محمد :كل هذا فكرت فيه ..
ام محمد :بس الفحـوصات كلها اثبتت انه ولدنا
ابو محمد :أدري ..وانا متـأكد انه ولدي ..بس انا لين الحين اتعـآمل معه بحذر انا مدري هو من أي بيـئه جآي .. ولا أدري وش تفكيره ولا اعرف عنه ولا شي ..أنا رسلت ناس اعرفهم وثقه يسـألون عنه فالحاره اللي كان عايش فيها .. ومكان شغله اول ..حتى حياته فالشـرقيه ارسلت ناس هناك عشان يسـألون ..وطبعـاً مب من ورآه انا بقوله عن كل اللي افكـر فيه ..خل نكون وآضحين من الاول
ام محمد ماعجبـتها الحركه لانها حبت محمد وارتـآحت له .. بس ماتقدر تقول انت غلطان لأنه من حقه .. والحرص والاحتـيآط لازم ..
كمـل ابو محمد :وانتي شايله هم انه مب مـرتاح عندنا ..يعني انا وين وانتي وين
قام هو ووقف عند الشباك ..شافه واقف ويكلم ..
قـرر انه ينزل له ..أخذ معه فـروه
ام محمد :وين ؟
ابو محمد :بروح له شوي
/
وهـو يتمشـى فالحوش حق القصر آخر الليل ..لقى هوآيه يحبها وقت الزهق اللي يعآني منه فـ هالحياة الجديده
كان يكلم مشـعل
محمد : المهم يكفي جالسين طول الوقت تحتـتسي عني جآ دورك قللي وش اخبارك
مشعـل :لا والله جد بسـألك ..شلونك مع اهلك الجديديـن
محمد : توني مكلمك امس وقايل ..ماأظن الاجابه بتختلف
مشعـل :شآيل همك يـآخي
محمد : لا تشيل هم .. احس مع الوقت بتـأقلم معاهم مره
مشعل :إييه الله يوفقك .. "سكت شوي كأن احد يكلمه "..طيب سطام ..تآمر على شي؟
محمد :لا سلامتك ..بس بقولك كانك بكره بتدق علي ترآ يمكن ماتحصلني لأننا بنروح البر ويمكن مافييه شبكه ..اقولك احتبـآط
مشعـل :يـآهوووووو يـا بر ..ماأمدااك يـآخي
ممحمد :هههههههههههههه تلآيط بس يالله فمان الله
مشعل:فمان الله
سكـر ..توه بيـستدير بيروح للغرفته ..تفآجأ بـ أبوه واقف
محمد :يبـه
ابو محمد :ودي اتكلم معك
كنتْ. . {هآإديّ*
وٍمنْ هدوٍوٍئكُ|كنتْ خآإيفٌ!
كنتْ. . {عآإديّ*
لآشعوٍرٍ وٍلآ عوٍآطفٌ. ، .
وهــم جالسين قدام النـآفوره
- انت مـرتاح معنا
محمد يطالع تحت وقال ببتسامه وتكلم من غير قيود:بدري على هالسـؤال .."بس قال اللي في قلبه"..بس مرتاح لكم
ابو محمد :سـآمحني ..لأني سألت عنك في كل مكان .."طالعه "..كان ودي اعرف عنك كل شي
محمد :من حقك
ابو محمد :وقلت لك لأني حبيت اكون معك وآضح من البـدايه ..
مـآرد محمد ..لأنه اصلا مايدري ابو محمد وش يـبي .. هذا اذا كان ابو محمد يدري اصلا هو نفـسه وش يبي
بعد فترة صمت قال ابو محمد : أنـا آسف ياولدي اذا انت مب مرتـاح معنا .. عالاقل مـآ
قاطعه محمد وهو مبتسم :ميب غلطتك هذي ..ومن قال اني مب مرتـأح بالعكس بس زي ماانت عارف محتـآج وقت شوي ..لأنه بصراحه شي غريب ..يعني انتوا كنتـوا تعرفون كل شي ..ويمكنكم مهـيئين نفسكم لـ هاليوم ..بس انا طول عمري عشت مع عآئله وحبيتهم مثل اهلي ولا أكتشفت هذا كله الا قبل شهرين ..والحين أتفـآجأ ان عندي آهل ..وان هذي قصتي ..وكل شي كان جنـوني بالنسبه لي .. انا الحين احس اني بحلم وممكن اصحـى ..وكل يوم اقوم من النوم عشان أتـأكد ان كل هذا صدق .. اطالع في وجيهـكم عشان احس ان جد انتوا اهلي ..بس عجـزت استوعب لين الحين .. احس اني ..ماأعرف بس ساعات احس ماأعرف انا وين
ابو محمد مسك يد "ولــده " .. : فآهمك ..وانا مستـعد انتظرك .."أبتسم "..انتظرتك 28 سنه ومسـتعد احتري ..بس هالمره انت جنبـي
محمد أبتسم ولا تكلم
ابو محمد وهو يقوم :بس اتمنـى انك تجلس مع امك ..تتكلم معها .. تعلمها بكل شي ..لأن هي الحين ضآيق صدرها
محمد يبـتسم:الطـريق طويل بكره من هنا لين البر
ابو محمد :بتروح معك؟
محمد :إلا اذا كانت بتركب معك اساسا
ابو محمد :لا اصلا انا منيب جاي من الصبح .. بطلع من الشركه وبلحقكم
محمد :اوكي .."وتذكر"..سيــآرتي فالشرقيه
ابو محمد :تحت فالبـاركنق ..طب وتنـق ..في المرسيدس حقت ناصر كانك تبي تاخذها لين تشتري لك سياره ..
محمد :مشــكور يبه
ابو محمد : هذا شي يسويه آي ابو ..
◙◙◙◙◙
رفعت جوآلها .. اللي كان يـرن
المتـصل > حيآة الروح
عصبت من نفسهـآ عالاسم .. عطته بـيزي
جوالها اتمتلـى رسآيل ولا قرتها لأنها لو بتقراها بتضعف ..
نزلت تحت الصـأله لقت امها جالسه وقبالها القهوه ومعاها أحـلام
أحـلام :أشـوى نزلتي .. مامليتي من غرفتك
نوره تجلس : لأ .. مامليت
احلام :نوره حيـآتي لاتضيقين صدرك ..انتي احمدي ربك اللي فـكك منه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك