رواية بعلمك درس -41
ريم :اى ومو هذا اللى حارنى احس نغير على
امها لاتغير ولا شى بس احنا بنروح وبتحملين هذى لحد الحين ما احملت شوفى جم شهر وهو معها وما احملت وما
تدرين يمكن ان شالله اتكون عقيم وما اتجيب اعيال
ريم :اامين
حس خالد باحراج ملاك مره ثانيه وقامت اتنزل نفنوفها بطريقه طفوليه اتبين انها منحرجه ومو عارفه شتسوى
وقف خالد ومسك ملاك من ايدها ورفعها لين وقفت
خالد: قلبى ابى تجين اتزهبين لى الحمام
(0ملاك حست وكانها مسجون واطلقول سراحه )... ....ان شالله دقايق وتعدته وراحت للغرفه
راح خالد وراها للغرفه وسكر الباب
اطلعت ملاك واتلاقيه قاعد علا الكرسى
خالد :ملاك تعالى اقعدى جمبى ...... لكرسى كان نفر واحد وين اقعد
قربت ملاك ووقفت جدامه وبتسمت وميلت راسها وين اقعد .......
خالد وهو اياشر علا ركبته اهنيه
ملاك اللى تغير لون وجهها ......خالد رجاء .....ما اقدر لاتحرجنى
وقف خالد .....ورجعت ملاك ابسرعه وحطت ايدها علا وجهها وكانها كانت متوقعه انه يضربها
خالد :حس ان قلبه بيوقف من هالحركه اللى شافها ....لاء لاء لاءملاك حبيبتى ليش خايفه
ملاك :وحست ان العبره خانقتها .....خالد لاتاذينى
(خالد: معقوله اتخاف منى لهالدرجه ومتوقعه انى بقوم اضربها عشان ارفضت انها تقعد جمبى لهالدرجه انا
وحش بنضرها وما عندى قلب بس والله ما تنلامين....فينى)
خالد :وهو يقرب بحنان واضح علا وجهه ملاك حبيبتى لاتخافين منى ومسك ايدينها وبعدها من وجهها ملاك يا
قلبى انا عمرى ما راح ااذيج وهذا وعد منى ......ملاك ما ابى اشوف نظرت الخوف فى اعيونج .....ملاك انا زوجج
مو عدوج ومهما صار بيننا من سوء تفاهم اعتقد انه الحين الوضع احسن وانا قلت لج انا ماراح ااذيج ولا راح
ابعد عنج
ملاك:وهى مو قادره اتحدد انفعالتها شنو الحين اللى اتعرفه انها من كلام خالد حاسه با شويت راحه اشويه بس
لاانه ماله امان ........خالد خلنى اطلع ابصراحه انا خايفه منك
حضنها خالد بقوه لصدره ملاك انا اسف عن كل شى اذيتج فيه وخليتج اتخافين منى لهالدرجه
حست ملاك براحه ........راحه من زمان ما حست فيها .....( معقوله معقوله خالد يتاسف منى معقوله ااااه يا خالد
ودى اصدقك بس ما خليت مجال للثقه)
ابعدت ملاك نفسها من خالد ....وقالت استغل الموقف بصالحى وانفذ من هالموقف اللى شكله ما راح يعدى علا خير
خالد ممكن اطلب منك طلب
خالد : وهو ينزل راسه لمستوى وجهها انتى تامرين ما تطلبين
ملاك : ما يامر عليك ظالم و بلعت ريقها .....خالد خلنى اروح غرفتى احس انى مانى قادره اتحمل الموقف
خالد : انتى علا راحتج بس ليش اتروحين خليج عندى وانا اوعدج ما راح اسوى شى انتى ما تبينه ولا راح اضايقج
ملاك :انححححرجه منه اكثر (اف اشقصده ) لاء خالد بس انت تذكر يوم قلت لى انك ما اتحب احد ينام وياك وانا ما
ابيك تظغط علا عمرك علا شانى
خالد(ااااو شهالوهقه كله من السانك تحمل ) ضحك خالد لاء عادى انسى كلامى اللى قبل
ملاك: (والله وهقه ماكو فكه يعنى 9 خالد ابصراحه انا ما اقدر بالوقت الحالى خلنى وانا من نفسى راح اجى وانام
بالغرفه
رفع خالد اليدينه فوق وهو يصارخ اااااااااه متى يجى هاليوم
ملاك.. اتربكت اكثر من على صوته
خالد :خلاص تتنظر هاليوم بس ياليت ما يطول علينا
ابتسمت ملاك ....باحراج ورجعت خصله من شعرها ورى اذنها ......ان شالله ما راح ايطول (بس انت خلنى اطلع )
انزين ممكن ومسك ايهدها وباس بطن كفها بوسه يمكن عشر دقايق ملاك (الله يستر )
وهدها
خالد :والله يا ملاك هذا عذاب مانى قادر اصبر
ملاك : انتىوعدتنى وخلنى علا راحتى
خالد :خلاص علا راحتج .....ودخل الحمام
وضرب بقبضت ايده علا الجدار بكل قوته والله مانى قادر اصبر
اما ملاك فما صدقت انها اطلعت من الغرفه علا خييييييييييييييير وعلا طووول راحت لغرفتها وسكرت الباب بالمفتاح
((((((((((الجزء الثلاثين))))))))
دخلت ملاك الغرفه وصكرت الباب بالمفتاح
وهى اتهف علا وجهاها بيدينها ...........ااااف يمه ما بغيت اسلم منه ......يمه يخرع .....وراحت الحمام وغسلت
وجهاه ابماى بارد وشافت نفسها بالمرايه .........معقوله خالد تغير ....احس وكانه واحد ثانى مو اللى اعرفه
الله يستر اشلون بتعامل معها ..............وبتسمت ابتسامه خفيفه ....بس والله وناسه لو يكون جذيه علا طول
حنون وطيب .....مع انى متاكده انه ما راح يصبر او علا الاقل لين يوصل للى يبيه ويرد مثل اول
............................ااااااااااه ياراسى ذبحنى التفكيير ....لو ما تزوج يمكن كنت اقدر اسامحه لاكن بعد ما
اعرس ينسى .......
فى اليوم الثانى راحت ريم من الصبح للطبيبه
الدكتوره :بعد الكشف امبين ان ما فيه شى يعوق الحمل انى من متى متزوجه
ريم :من اسبو
ولا امها اتقاطعها ...من كم شهر
الدكتوره ترى عادى تو الناس وامر طبيعى التاخير
ام سعود : لا يادكتوره احنا نبى منشطات عشان اتحمل هالشهر
الكتوره ابصراحه اهى ما تحتاج منشطات واذا تبى اكتبلها مومشكله
وكتبت لها الدكتوره الدواء وطلعوا
ريم يمه مو تو الناس ترى ما صارلى اسبوعين
امها :لاء مو تو الناس انا ابيج اتحملين علا طول وقبل الثانيه ......لانه راح يترتب عليها اشياء كثيره واهمها
رضى ابوه ......................................وغصب عنه راح يقتنع ولا شاف حفيده خلاص راح يطخ وتدخلين
وتطلعين علا راحتج وغصب عن الكل
ريم :اى والله يمه .....والحين بمر الصالون بسوى شعرى ومكياجى لاانه راح يجى يتغدى عندى
امها :يالله اجل قطينى علا بيتى بالاول وروحى وهاه ما اوصيج عاد بالدلع والاسلوب الحلو ولا تعارضينه علا
شى بهالفتره كلش وكل شى بوقته حلو ...............
ريم :ماشى يا حلو
اقعدت ملاك امبجر وزهبت له الريوق وكا نت لابسه قميص نوم ابيض وفوقه روب ابيض ولامه شعرها كله فوق وحاطه شريطه بيضاء
شكلها كان ناعم وحلوه ومو حاطه الا قلوس وردى فاتح
طلع خالد من غرفته وكان لابس لبسه العسكرى اليوم اول يوم بيداوم بعد ايجازت العرس
شاف ملاك .........وراحلها قريب منها وهى ابتعدت بطريقه هاديه يعنى ابعد عنى
فهم قصدها وما حب يعلق او يقول شى بس بين عليه انه تضايق (بخليج علا راحتج وبشوف
شنواخرتها...........بس يارب اصبر وما اخربها )
خافت ملاك من ملامحه اللى امبين انه متضايق اشوى ......وحبت اتغير الجوى
ملاك:خالد بتتغدى عندنا اليوم
خالد :ومن دون نفس لاء
ملاك: (لاء غز الله زعل ) انزين بتعشى عندنا
التفت خالد وبنظرته الحاده ....ليش انتى ما تدرين ان اليوم لريم
ملاك: اسفه عبالى تو ما بدى الجدول
خالد :لاء بدى وباجر علا الغدى اكون اهنيه........ ونشوف
ملاك(شتشوف) مسرع ما تغير مزاجه مالك امان يا خالد......تجرات ملاك وقالت كلمتها
راح اشتاق لك
خالد : (اعجبت خالد الكلمه وحس انه بيطير بس ما بغى يبين لها )........واضح حييل عليج الشوق
ملاك :خالد لاتفهمنى غلط انا قلت لك خلنى علا راحتى
خالد :مومشكله بس لاتقعدين اتقولين انا بشتاق وما ادرى شنو وهومو صحيح (كان يبى يستفزها عشان اتقوله كلام حلوه )
قربت منه ملاك ومسكت كتفه وباست كتفه يعنى اقرب شى ومغطى باللبس وعشان ترضيه اشوى
حس خالد وكان قشعريره سرت من مكان اللى باسته ونتشرت بسرعه رهيبه لجميع اجزاء جسمه
وحاول يمسك انفعاله ....ويكمل اكله
ملاك: هذا خالد اللى اعرفه مو اللى امس صج مالك امان الحين ولا كانه اللى امس حنون وطيب وجنتل .....صج لى قالوا ابو طبيع ما يجوز عن طبعه
الله لو يرد الحنون اللى امس علا الاقل التعامل معه مريح مو هذا اللى مانى قادره حتى اطالع بوجهه من الخوف
لالالالاء غز الله مهو صاحى ولا فيه انفصام بالشخصيه
خالد وقف يالله تبين شى
ملاك :خالد بغيت اروح اتغدى عند جدتى اليوم
خالد :مو مشكله بس اتردين قبل المغرب
وقبل لايطلع كان وده يبوس خدها بس تردد
ملاك :حست انه كان يبى شى وتردد...............خالد تبى شى
خالد :بتوتر باين عليه مع انه يحاول يخفيه .....لاء لاء سلامتج وطلع
وهو بسيارته صج انى غبى بوسها وما عليك منها انت قلت منت مسوى معها شى الا ابرضاها بس ما قلت مانى
بايسها ....بس ما ادرى ماودى ازعلها منى ......
باجر باجر مانى مخليها ..........
بالدوام الكل سلم عليه وبارك له
فايز :اشعليك ثنتين مره وحده
خالد(قل اعوذ برب الفلق من شر ما خالق) اذكر الله يا رجال
فايز:لااله الا الله ..
خالد: ويومك ودك ليش ما تتزوج انت بعد
فايز :لايمعود انا وحده ومو قادر عليها ولا علا اعيالها هالمره ثنتين ...لايحوشك
عبدالله: قرب من خالد مبروك.................. الدوام من دونك مو شى
خالد :الله يسلمك
عبدالله ترى الليله عازمينك علا العشى انت والشباب كلهم
خالد:لايا عبدالله ماله داعى وعزيمتك اوصلت
عبد الله اليوم اخذ لك بريك منهم وتعال استانس والله ولهان علا سوالفك
خالد:خلاص ان شالله وين
عبدالله :بالشاليه بعد وين
ماشى
طلع من دوامه وراح البيت عند ريم ولا تستقبله بالاحضان والقبلات الحاره والكلام المعسول
ريم : وهى اتفج زراير جيبه ......حرام عليك امس ما قدرت انام خلاص تعودت عليك .....اخر شى اخذت المخده
وحضنتها
قط خالد قميصه وحضنها ياقلبى انتى..... اليوم كله عندج اشبعى منى علا كيفج
ريم :اشبع انا عمرى ما راح اشبع منك
خالد :ياقلبى وباسها من جبهتها .....ريم حبيبتى يالله حطى الغدى ترى حدى جوعان
ريم :وهى تسحب عمرها خالد يا قلبى انا ما سويت غدى
خالد :عقد حواجبه ليش باللله
ريم :خالد ابصراحه انا ما اعرف
خالد : يعنى شنو ما اعرف!!!!!!!
ريم :يعنى ما اعرف .....ونطت ومسكت اذراعه اشرايك اخلى سايق اهلى يدز لنا غدى
التفت خالد فجاه ومسكها من اذراعها ....والله ان سويتيها ليكون اخر يوم لج انتى فاهمه اخرتى اخذ اكلى من
ابيوت الناس ليش بالله شقالولج .....المطبخ هذا عندج وبتعلمين يعنى يتعلمين ....انتى فاهمه
ريم :انزين انتزين هد ايدى حرام عليك ......لاتاذى اللى بطنى
خالد :شنو ........ورد مسكها شنو اللى بطنج
ريم : ابدلع وهى تبعد عنه .........خلود اصغنون
خالد :والله والله انتى متاكده
ريم :لاء مو متاكده بس الدكتوره اليوم اتقول موامبين بس احتمال ايكون فيه حمل ولا اتعبين نفسج
خالد:انزين ارتاحى ارتاحى الله يهديج ليش ما قلتيلى
ريم |:كنت بفاجاك بس انت خرعتنى قلت هذا اللى بيذبحه قبل لا يدرى
خالد:يا قلبى والله ما كنت ادرى وقام علا طول ومسك التلفون
ريم :وين وين
خالد: بدق ابشر امى وابوى
ريم :ارتعبت اكيد بيعرفون انها تكذب ما صار لهم اسبوعين وحامل .........لالالالالالالاء خالد لاتقول لحد
خالد: ليش
ريم: خالد نا مومتاكده بس اخاف مو حامل ويصير موقفى مو حلو انت شيضرك اصبر جم يوم وانتاكد
خالد :والله مانى قادر اصبر ودى ابشرهم واخليهم يفرحون
ريم :خالد لهالدرجه اتحب الاطفال
خالد :ابشكل ما ينوصف اموت علا الجهال
ريم :انزين اشلون علا الطبخ
خالد:"لاءلاء مالج شغل من باجر بجيب لج طباخه اتساعدج
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك