رواية احضنيني بقوة اخاف منك اضيع -3
شوق:ان شالله عمتي
لينا:ايييه اليوم العيال هم اللي بيجون ياخذونا من الجامعه
ريما: ومن وين طالعه الشمس؟
رغد:من كنا بأول ابتدائي ولاأحد فيهم تكرم ياخذنا
لينا:يقولون يبون يتغدون بالمول اليوم وقت البريك ومايقدرون يدخلون لانه عوائل
ملاك:انا قايله من اول انهم مايسوون شي لوجه الله هالثلاثه
شوق:طيب البريك حقهم الساعه 11 صح؟
لينا:أيييه
لمى:يعني مابقى غير ربع ساعه وانا بعد نص ساعه عندي محاضره
ملاك:عادي لاتحظرينها وبعدين خذي نوت وحده من البنات
عاليه:امممم اقول ريما
ريما بقرف:قولي عاليه
عاليه:عاد انا اليوم كنت ابيك توصليني لان سواقي الخاص مسافر ايجازه
ملاك:يوووه كان بودنا بس مثل ماسمعتي بنطلع مع العيال يعني مانقدر نوصلك
رغد:اذا تحبين نرسلك واحد من سواقينا يوديك
عاليه:لالالالا انا مااركب مع واحد غريب لحالي
ريما:اجل شوفي وحده من صديقاتك
عاليه:بس ماما ماترضى اركب مع اي وحده يعني انتوا عشان تقربون لنا
ملاك:عاد والله شنسوي يعني احنا بودنا بس للأسف
عاليه:طيب عادي وصلوني وروحوا المول
ريما:بس كذا نتأخر على العيال لان وقت البريك حقهم قصير مايمديهم يوصلونك وبعدين نروح نتغدا
لينا:وزي ماشفتي حتى لمى ماراح تحضر المحاضره
عاليه:طيب عادي انا مو مستعجله على البيت انتوا خذوني معكم وانزلوا تغدوا وانا انتظركم بالسياره يعني ماودي انزل معكم اتغدا اخاف اضايقكم
ملاك بأذن ريما:وانتي لسى ماضايقتينا
ريما:مايشوفها تركي والعيال غير يذبحونها
لينا:هذا تركي يتصل
لينا:هلا تركي....يلا طالعين الحين....سيارتين؟.....اهاااوكي كويس...يلا سلام
رغد:سيارتين؟
لينا:لا جايين بالكاديلاك اسكالد
ملاك:أحسن احب لما نكون بسياره وحده اكثر
قاموا البنات يلبسون عباياتهم وماشافوا الا اللي لابسه عبايتها وجاهزه
عاليه:انا خلصت عشان مااعطلكم
ملاك:يخرررررب بيتها هذي كل الطرد اللي طردناها ومافيها فايده
لمى:مو ذابحني غير هاللثمه
دخلوا البنات السياره
البنات:السلااااام عليكم
العيال:وعليييكم السلام
تركي:كن زايد عددكم
ريما بقرف:أيييه هذي عاليه معنا
تركي وبان عليه العصبيه لانه يكرهها:بس احنا ماعندنا وقت نوصلها
عاليه:عادي بتغدا معكم وبعدين وصلوني ماني مستعجله عالبيت
ملاك بصوت واطي:يخرررررب بيتها عزمت نفسها
وصلوا المول ونزلوا والجو كان مره متوتر محد قادر ياخذ راحته بوجود هالعله على قلوبهم
هشام:هاشتبون تاكلون؟
الكل عدا ملاك وطلال وعاليا:طبعععععا" تشاينييييز
هشام ومتجاهل عاليه:وطلال وملاك؟
طلال وملاك مع بعض:أيطالي
طلال لف يطالع ملاك وملاك لفت بعد تطالع فيه
طلال في نفسه:لااااايمكن اكل زيك ياملاكوو أكرهك بس اكره هالغبيه اللي جالسه قدامي وتقزز فيني اكثر
ملاك في نفسها:ماببين لك اني احبك على عمايلك السوده معي لازم اغير ومااكل زيك
هشام:خلاص كلنا تشاينيز وملاك وطلال ايطالي
ملاك وطلال مع بعض مره ثايه:لا ابي سي فود
لفوا يطالعون بعض بنضرات تحدي>>شدعوا عليكم في حرب
عاليه بقهر واضح ومياعه:عاااد معقول كل هذا صدفه
طلال يطالع فيها عرف قصدها انها مقهوره من ملاك>>خبره بالبنات
طلال:لالالالا هذا يسمونه توارد خواطر وانا وملاك نحب ناكل زي بعض
هشام:تركي قوم معي نطلب
ويقول في اذن طلال:خلك مع البنات مااثق في هالغبيه الحين تسوي مصيبه
طلال يضحك:أبشر
عاليه:انا ابي زي طلال
تركي:طلال مايحب احد ياكل زيه غير ملاك
عاليه بقهر:بس انا ابي زيه احب السي فود
طلال:اطلب لها ياخي سي فود حرام عليك هي تحبه وبعدين انا وملاك بناكل ايطالي ولا ملاك وش قلتي؟
ملاك :اللي تشوفه
ملاك اللي جمب طلال قربت منه اكثر وهمست باذنه:وش هالرضى ووش توارد الافكار اللي تقول عنه
طلال:لاتصدقين نفسك بعدي مااحبك بس اكره هالغبيه اكثر منك وابي اقهرها
ملاك بعدت منه وودها تكفخه
جا الطلب والكل ياكل وهو موطايق هاللي قدامهم
اليوم اخر يوم بالجامعات عند البنات ملاك وريما يدرسون 2 سنه هندسه ولمى أول سنه هندسه
ولينا حاسب ونظم وشوق ورغد أدب انجليزي
بو رائد لاخوانه اللي جمبه:أقول وش رايكم نطلع للمزرعه نقضي فيها يومين تغيير جو
بوزياد:والله خوش راي بس والشركه نتركها احنا والعيال؟
بو معتز:ياخوي الشركه ماهي بطايره يومين مايأثر والموظفين فيهم الخير
بوزياد:شوركم وهداية الله
ألا دخل هشام
هشام:السلاااااااااام عليكم
الكل:وعلييييكم السلام
بو رائد:ها وين الباقي عنك ياهشام؟
هشام توه بيرد ودخلوا تركي وطلال
تركي:كأني أحس احد يسأل عني
طلال:وانا بعد عندي نفس الأحساس
بو زياد:سلموا بالاول
طلال وتركي:السلاااااام عليكم
الكل:وعليكم السلام
بوزياد:اقول ياعيال ترا انا وخوالكم اتفقنا ننزل للمزرعه يومين
هشام:والله خوووش راي
تركي:بصراحه كنا في حاجه للراحه يومين من الشركه
بو رائد:وانت ياولدي ياطلال ماسمعنا رايك
طلال:انا اسمحوا لي مااقدر اخلي شركتي
بو رائد:انت ماعندك مدير عام؟
طلال:الا
بورائد:خلاص اجل ليه الأعتراض؟
طلال واللي ماوده يروح مايبي يقابل ملاك:بس يبه
هشام وفاهم طلال:لا بس ولا شي
تركي:ياخي بلا مصاخه ماتحلى الطلعه الا اذا كنا كلنا فيها
بو رائد:أصلا" خلاص انا قررت ان الكل بيروح وفرصه بماانها اجازه صيفيه
طلال وشاف مافي مبرر للرفض:اللي تشوفونه
طبعا"الكل درا واستعد واليوم راحوا
في بريطانيا
زياد:معتز قط الاوراق اللي بيدك خلنا نطلع ناكل لنا شي ونرجع
معتز:طيب دقايق بس
خلص معتز وطلعوا تغدوا
معتز:اقول زياد خلنا نمر المصنع والله اني حاس هالثنين مو موجودين
زياد:طيب يلا ومره وحده نقولهم على تغيير نضام السفر للسعوديه
راحوا المصنع وبالفعل رائد وفواز مو موجودين
معتز:والله اني قايل من اول
زياد:يمكن راحوا يتغدون
معتز:دق عليهم شوف وينهم
الا دخلوا رائد وفواز
رائد:اوووووه من زايرنا اليوم وانا اقول المصنع منور
فواز:لا لا لاتقولون اليوم جايين تداومون هنا
زياد:احلف انت وياه وين نداوم ان شالله مكانكم؟
معتز:اقول ماكأنكم استانستوا تمسكونا الشغل وتروحون
رائد:شدعوه معصبين عااد احنا متفقين ان كل اسبوعين انتوا تمسكون المصنع والشركه واحنا ننزل للسعوديه
زياد:لاااااااا والله اقول انا جايي اقولكم ان بنقلب الوضع ويصير كل شهر احنا ننزل وانتوا تمسكون الاثنين
فواز:لا زياد شدعوه
معتز:اقول بلا حركات بزران ماتتحملون مسؤلية شي
رائد:خلاص خلاص والله يحق لهم يعصبون احنا بصراحه مصخناها
زياد:لاشدعوه مو القصد يابن العم بس انت عارف صار لنا فتره ماننزل الا مرتين بالسنه
فواز:خلاص زيود احنا راضين
معتز:يعني نهاية هذا الشهر احنا ننزل للسعوديه
رائد:ايييه ولكم مني بدل اسبوعين اقعدوا شهرين ولا تحاتون احنا بنمسك كل شي
زياد:تسلم والله خلاص بعد اسبوع احنا فالسعوديه
فالسعوديـــهـ
وصلوا للمزرعه اللي هي ملكهم
كانت المزرعه مره كبيره وفي وسطها فيلا
اول ماوصلوا فطروا وناموا وقاموا على الظهر
الحريم قاعدين بالمجلس اللي بالفيلا ويتقهون
والرجال قاعدين بالخيمه اللي برا وسوالف عن الشغل والصفقات
والبنات بالمسبح والعيال يلعبون كره
بعد الغدا
تركي:من يباريني؟
هشام:في ايش بالضبط؟بلياردوا ولا تنس؟
تركي:لا لا لا انا اقصد من يتسابق معي ؟
هشام:بالدبابات؟
تركي:لا
طلال: اجل بالخيل
تركي:انا قايل محد يفهمني غيرك
هشام:احلف ياشيخ لأن مابقى شي غير الخيول ماقلته
تركي:اخلصوا الحين من يباريني؟
طلال:انا
وراحوا عند الخيل وكل واحد اخذ خيله والبنات يناظرونهم ويشجعون الا ملاك اللي واقفه بعيد
عشان ماينتبه لها طلال
تركي وقف:طلاااااال
طلال طايح بالارض الخيل طاح وطاح طلال من فوقه
طلال خيال ويعرف للخيل بس الخيل طاح في حجر كبير
طلال:آآآه يارجلي
تركي وهو ماسكه:سلامات ياخوي وش طيحك؟
طلال:ماادري عن هالخيل الاحول
هشام وتركي حول طلال وعمانه وابوه بعد طلعوا يوم سمعوا الطيحه والبنات يشوفونهم من بعيد شوي وملاك عيونها غرقانه دموع من خوفها على طلال
طهروا الجرح لطلال وصار يعرج من الم رجله
طلال وهو ماشي بروحه:اعنبوك من خيل ماتشووف
ملاك وهي تبكي:طلال
طلال لف عليها ومستغرب من الدموع اللي بعيونها
البارت الرابع
ملاك:سلامتك ماتشوف شر
طلال بدون نفس:الله يسلمك
ملاك:عسى ماتعورت؟
طلال:زي ماانتي شايفه
ملاك:اقدر اشوف الجرح؟
طلال:كأنك زهقتيني مسويه نفسك خايفه علي
ملاك:طلال
طلال:لايكثر اقول وابعدي عن وجهي
ومشى وخلاها
ملاك في نفسها :الشرهه مو عليك على اللي يسأل عنك
ريما:ملاااااااك
ملاك:ها نعم وجع وش تبين؟
ريما:يوجعك وش سرحانه فيه انتي ووجهك؟
ملاك:سرحانه فيك
ريما:لا والله ؟وشاللي موقفك لحالك هنا؟
ملاك اللي ماتخبي شي عن توام روحها ريما:مولحالي
ريما:بس انا مااشوف احد هنا
ملاك:رااح
ريما:مييين؟
ملاك:طلال
ريما:نعم نعم نعم؟ وش يبي بعداللي سواه جد مايستحي
ملاك:حيلك حيلك مايبي شي انا كنت اساله عن جرحه
ريما بعصبيه:انتي هبله؟
ملاك بغباء:ليييه؟
ريما بنفس العصبيه:ملاك نسيتي شسوا نسيتي؟
ملاك:كل قلب يحب ينسى
ريما:مدري شاخرتها معكم
فجر اليوم الثاني طبعا" البنات والعيال مواصلين
البنات يتمشون والعيال يلعبون بالدبابات
شوق:ملاك
ملاك:هلا؟
شوق: انتي جد تعرفين للخيول؟
ملاك:يقولون عني
رغد:ايه صح انا مره شفتها راكبه خيل
لينا تغمز لملاك:حركااااات بنت خالوا
ملاك:أعجبكم انا
لمى:اجل ورينا مواهبك
ريما:اييه تكفييين ملوكه خلينا نستانس
ملاك:اووووكي ماطلبتوا
شوق:اركبي خيل هشام ولا فواز
رغد: لا لا تركبين خيل هشام
ملاك:اعنبوك تغارين حتى على خيله
رغد مستحيه وتهز راسها بأيه
لينا:اركبي خيل طلال عشان تطيحين
ملاك: ماشاالله بزياده حبك لي
البنات يضحكون
وصولوا عند الخيل
لمى: ها ملووكه اي خيل بتركبين؟
ملاك: خيل حبيبي زياااد فديته من سافر محد ركب خيله
شوق اللي تحب زياد ولد خالها:الله يرجعه بالسلامه
ركبت ملاك الخيل وكانت عن جد خياااله
فتحت شعرها البني الناعم وقامت تسرع وشعرها يتطاير وشكلها يقطع القلب
طلال كان يكلم خويه ويمشي بعيد عن الدبابات وازعاج العيال وولما سكر وجا يرجع للعيال شاف ملاك
طلال في نفسه:ماشالله من هالمزيونه اللي راكبه خيل زياد ماتبين ملامحها من بعيد
معقول ملاك ملاك بهالحلا كله هذي تقطع القلب معقول هي جد ملاك
البنات ماانتبهوا لطلال وطايحين تصفيق وتصفير وتشجيع للأخر
وملاك تضحك على حمااسهم
طلال في نفسه:انا لازم اتأكد من هاللي راكبه خيل زياد؟
بعد ساعتين الكل قام والعيال والبنات ناموا وقاموا ع المغرب
طلال يكلم رغد:انتوا رحتوا عند الخيل الفجر؟
رغد واللي خايفه اخوها شاف ملاك لانه عيب يشوفها من دون حجاب وبهاللبس لانها كانت لابسه شورت جينز وبدي اسود
رغد:اييه بس انت شدراك؟
طلال: لا بس يوم قمت من النوم رحت اشوف الخيل وشفت خيل زياد كأنه متغير من مكانه
رغد ارتاحت يوم تذكرت ان ملاك قالت بتحطه بمكان ثاني تغير له جو على قولها
رغد: اهااا
طلال: طيب انتوا ليه مطلعين خيل زياد من مكانه؟
رغد:ابد بس ملاك كانت تلعب فيه ويوم خلصت غسلته وقالت بتغير مكانه
طلال سكر من رغد وكان افكاره الشريره رجعت له
طلال في نفسه:معقول الحجاب يغطي كل هالجمال بس جمالك مايشفع لك عندي يا ملاك
تركي واقف جمب طلال وهو سرحان:طلال
طلال:...........
تركي:طلااااااال
طلال:نععععم
تركي:انا قررت قرار وماني بمتراجع عنه
طلال:عساه خير
تركي:انا لازم اقول لريما اني احبها ياخي خلاص انا اتعذب وهي مو حاسه
طلال:الله يساعدك
الفجروطبعا" البنات والعيال لسى ماناموا مثل العاده بس هالمره العيال بالمسبح والبنات عند الدبابات
هشام:طلال جيب الكوره خلنا نلعب فيها واحنا بالمسبح
طلال:طيب وينها؟
هشام:اتوقع عند الدبابات من امس
طلال وهو الوحيد اللي يدري ان البنات عند الدبابات:لا ماني برايح خل تركي يجيبها
تركي:طلال وش ذا النذاله روح انت جيبها
طلال:تراها فرصة العمر دامك لسه كاشخ ومالبست الشورت
تركي بشك:وش تقصد؟
طلال:روح وتعرف
راح تركي وهو تقريبا" فاهم بس يبي يتأكد
هشام:وش فرصته ذي؟
طلال:لاتستعجل الحين يجي تركي ويقولنا عن الاخبار
عند البنات
كانوا يلعبون بالدبابات الا ريما >>من حظ تركي
ريما وهي تصارخ عشان يسمعونها البنات:بنات بروح اجيبلي عصير من يبي
ملاك:كلنا بعد حماس الدبابات محتاجين شي بارد نشربه
ريما:من عيوووني
راحت ريما وهي ماشيه صقعت بتركي
ريما وهي منحرجه:اسفه ماانتبهت
تركي:عااادي ماصار شي
ريما:عن اذنك
تركي:ريما ممكن شوي بس
ريما:تفضل
تركي:بصراحه مو عارف شقول ماينفع نجلس
ريما:لحالنا؟
تركي:لا مع الجيران
ريما:تركي شفيك
تركي:انتي بصراحه ماتساعدين الواحد يتكلم اقولك ممكن نجلس تقولين لحالنا
ريما:طيب ليه معصب اجلس
تركي:وين تحبين نجلس؟
ريما:هنا
تركي: ع الارض؟
ريما:لا بالسما
تركي:شفيك؟
ريما:يعني اذا مو ع الارض وين بنجلس؟
تركي:بالكراسي اللي ورا
ريما:لا اسفه هنا احسن ع الاقل مو كأن احنا متخبين
تركي وهو يجلس ويجلس ريما:احترم رايك
ريما:خير تركي فيك شي
تركي:بصراحه ياريما وبدون مقدمات انا احبك
ريما مصدومه عمرها ماحست مجرد احساس بأن تركي يبادلها احساسها
تركي:ليييه ساكته؟
ريما ووجهها احمر:يعني ماادري انت فاجئتني
تركي:والله ياريما انتي شاغله تفكيري وكياني ومحركه مشاعري وربي ان القلب مادق لغيرك
ريما في قمة الاحراج
تركي يكمل:والله اني ماانام الا وخيالك يزورني اشوفك بكل مكان حتى بالشركه تكفين ريما ريحيني
ريما:........
تركي:ماابي منك غير كلمه تريحني او تقضي علي ولاتترددين مهما كانت مشاعرك تجاهي
ريما:...........
تركي:ريما انا مااعترفت لك بمشاعري الا عشان اعرف شعورك تجاهي قولي
ريما:..........
تركي بأسى:خلاص ريما عرفت أشكرك انسي اللي سمعتيه دامه ضايقك والله يوفقك مع شاغل افكارك
وقف تركي بيمشي ووقفت معه ريما
تركي:وعد مني ياريما مااخذ غيرك حليله لي حتى لو تزوجتي غيري
لف تركي عطاها وراه وجا بيمشي بس وقفه يد ريما على يده
لف تركي عليها
تركي:اسف اذا جرائتي زادت
ريما:تركي ابي اقولك شي واحد قبل تروح
تركي والحزن بعيونه:تفضلي
ريما:عمر القلب ماعشق غيرك
تركي:ريما افهم من كلامك انك تبادليني نفس المشاعر؟
ريما:أسعدني بوحك بمشاعرك
تركي:واسعدتني عيونك اللي اعترفت بحبك قبل ينطق لسانك
ريما:عن اذنك
تركي:تفضلي
راحت ريما للبنات ونست العصير
ورجع تركي للعيال ونط بالمسبح بملابسه من الوناسه
طلال:خيييير يابوالشباب ناط بملابسك
هشام:من اول وانا قايل لكم انه اهبل بس محد صدقني
تركي:ماعلي فيكم انا مستانس قولوا اللي تقولونه
طلال:افهم من كلامك انك قلتلها؟
تركي وهو ينطط داخل الموي ومسوي زحمه:قالت احبك ياتركي قلت من قدي
طلال:ههههههه والله انها خذت عقلك مو بس قلبك
تركي:يحق لها تاخذني كلي
هشام وهو لسى مو فاهم شي:الحين انتوا وش سالفتكم وبعدين انت لايكون قلت لريما انك تحبها؟
طلال:يااخي استيعابك بطيئ ماتشوفه من اول ينطط وفرحان ويقولك قالت احبك ياتركي
هشام:اوعدنا يارب
عند البنات لاهين بالدبابات محد نزل منها غيرملاك اللي حست بتغيير ريما من جات
ملاك:ريوم شفيك؟
ريما:قال احبك ياريما واشغلتي تفكيري قلت القلب مايعشق سواك
ملاك:ريووووم وش السالفه تركي قالك انه يحبك؟
ريما:اييييه ياملاك اعترف لي واعترفت له
ملاك وهي حاضنه ريما:وأخيييييرا" اوعدنا يارببعد اسبوع
ملاك تكلم زياد ع الماسنجر وتشوفه من الكام
طعـــ السيف ــــن ولا طعـــ الكلام ـــــن
زيووووود حبيبي حدي مشتاقتلك تدري انا نايمه بيت خوالي من اول مارجعنا من المزرعه ذاك اليوم
اشتــــ لترابكـ يالوطن ــــقت
وانا اكثر يابعدهم والله بس غريبه مو بالعاده تطولين عندهم انتي ماتستغنين عن بنات عماني وعماتي
طعـــ السيف ــــن ولا طعـــ الكلام ـــــن
بكرا برجع لهم بس متى بترجع؟ مو حلوا من دونك
اشتــــ لترابكـ يالوطن ــــقت
ان شالله قريب
طعـــ السيف ــــن ولا طعـــ الكلام ـــــن
صار لك سنه وكل يوم تقول ان شالله قريب
اشتــــ لترابكـ يالوطن ــــقت
شسوي الشغل على راسي
طعـــ السيف ــــن ولا طعـــ الكلام ـــــن
اووووووف صرت اغار من شغلك
اشتــــ لترابكـ يالوطن ــــقت
هههه الله يقطع شرك تغارين من شغلي؟
طعـــ السيف ــــن ولا طعـــ الكلام ـــــن
حيييييييييييل
اشتــــ لترابكـ يالوطن ــــقت
ياااااحبي لك والله تدرين محضر لك مفاجئه بس بكرا ادخلي هالوقت المسن واقولك اياها
طعـــ السيف ــــن ولا طعـــ الكلام ـــــن
يووووه تحمست لبكرا ماينفع تقول الحين
اشتــــ لترابكـ يالوطن ــــقت
لا ماينفع وياقرب اليوم لبكرا اصبري
طعـــ السيف ــــن ولا طعـــ الكلام ـــــن
طيييييب امري لله
اشتــــ لترابكـ يالوطن ــــقت
اوووكي ياقلبي وسلمي لي على امي وابوي وكل اللي يسأل عني وشوق
طعـــ السيف ــــن ولا طعـــ الكلام ـــــن
ياعيني ع السلام الخاص بس يبلغ ان شالله
عند البنات
ريما:اوووووووف حده طفش بدون ملاك
لمى:ياااااحبي لها عن جد لها وحشه
الا شوق داخله
شوق:ملاك مادقت؟
ريما:لأ
شوق :ماقالت متى بترجع؟
لمى:لأ
الا يرن جوال ريما
ريما:الوووو
ملاك:أحلى الو
ريما:كيفك حبيبتي وحشتيني
ملاك:يالعياره كلها اسبوع
ريما:لو تغيبين عني ساعه اشتاقلك
ملاك:يااااابعد عمري والله
ريما:ها متى بترجعين؟
ملاك:امممم خليها مفاجئه احسن
ريما:يوووه ياشينك بس يالله انا احب المفاجئات بس عساك ماتقعدين هناك اسبوع ثاني
ملاك:هههه لامولدرجة اسبوع ثاني يالله حبيبتي سلمي لي ع البنات كلهم برووح بيذبحوني بنات خوالي
ريما:ليييه يذبحونك المكالمه ماخذت ولا دقيقتين
ملاك:لا بس كنت اكلم زياد ع المسن ويسلم عليكم صح قولي لشوق يوصل لها سلام خاااص
ريما:ههههه ياعيني ياعيني يوصل حبيبتي وانتبهي ع نفسك
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك