رواية امانة برقبتك -38
الجد:يعني؟؟؟
طلال:لازم جراحه
الجد الي زادت صدمته:لاحول ولا قوة الا بالله،، وش بقول لهله؟؟؟
طلال:لا تخاف انا قبلك بلغت ابووه وهوو عند الدكتور الحين يفهم منه ويحدد معه لموعد العمليه
الجد اكتفى بهز راسه:.....
عند روبي
فتحت عيونها بصعووبه ولقت حولها رهف العنود نوف الهنوف ام طلال وام نواف الي كانت تبكي بصوت مسمووع والكل يحاول يهديها...
روبي:ابييييي نواااف
الكل من سمع صوتها تجمهر حولها:الحمدلله على السلامه
روبي:الله يسلمكم,, وين نواف؟؟ لاتقولون مات ،،خالتي ليه تبكين؟؟؟ نواف وينه؟؟؟
العنود:روبي حياتي هدي الحين نواف مامات الحمدلله
روبي بفرحه ودموعها في عيونها متجمعه":صددددق؟؟،،اجل ليش خالتي تبكي؟؟ ونوف والهنوف عيونهم مليانه دموع؟؟؟
رهف:نواف بخير بس شوي تعبان
روبي:وش فيه؟؟ قولو لي؟؟
نوف:انا بقولك...........الخ
عندالدكتور
ابو نواف:خلاص ان شاءالله بعد بكره
الدكتور:يكون افضل كل ماكان اسرع وفي نفس الوقت تكون غرفة العمليات جاهزه
ابو نواف:يكون خير
بعد يومـــــــــــــــين
يوم العمليه
روبي طلعت من المستشفى ولله الحمد بس للحين متأثرة بحالة نواف الي طيلة اليومين كان نايم ولا حاس في شي وهي ابد ما تخليه ححتى راحه ما تروح ترتاح تقول امووت لو اتركه بعد اليوم...
جهزوو الاطباء نواف للعمليه ودخلووه غرفة العمليات بدت العمليه.....
بعد ساعه من العمليه
في غرفة الانتظار
نوف:روبي
روبي الي كانت توها مخلصه صلاة وجالسه تدعي ربها ان يرجع نواف لها بالسلامه:هلا
نوف:وافي براا يبيك
روبي:جاب الي طلبته؟؟؟
نوف:ايه جابه
روبي:جايه
بعد شوي...
وافي:هذي الاوراق الي طلبتيها جبتها من المستشفى
روبي:زين،، جدي وينه؟؟؟
وافي:راح البيت يبدل وبيرجع
روبي:تقدر تاخذني له؟؟؟
وافي:يله
عند الجد في بيته
الجد:جايه برجليك وانتي منحاشه بهم من هنا قبل كم يوم؟؟؟
روبي:ايه جايه احط النقط على الحروف ياجدي
الجد:وش تبين؟؟ تقولين اخلصي؟؟
روبي وهي تمد له الورقه:تفضل اقرى
الجد وهو ياخذ الورقه وتزيد صدمته عن قبل:موب ولده؟؟؟
روبي:زين اعترفت،، حرام عليك ياجدي نواف بين الحياة والموت وانت ظالمه منعته وحرمته من كل شي مع هذاا كله عمممممره ماسوى شي غير انه اعترض عن طلاقنا وهذاا ابسط حقووقه،،نواف الي انت ظلمته مثل ماظلمت ابوي قبل عشرين سنه وطردته وتبريت منه كان يقدر ياخذني بلمحاكم بس كان يقول جدي الي رباني وله حق الاحترام،،كل شي سويته له ظلمته قهرته طرتده تبريت منه مافي شي ماسويته وفي النهايه صدقت الغريبه عليه وهذاا الحق طلع والورقه الي قدامك تثبت كل شي وتثبت بعد ان الطفل الي في بطن مايا موب ولده،،جدي حراام عليك المجرم وهوو المجرم مايصير مجرم الا اذا ثبتت ادانته وانت وهوو ولد ولدك وولدك الي ربيته على قولتك سويت فيه كذاا مووب حراام؟؟؟
الجد ماهمه الي قالته صحيح متحسف بس ماصدق للحين:ووش يضمن لي انه ماعدل على كيفه؟؟؟؟
روبي الي شوي وتنجن من جدها:جدييي بعد كل هذاا ومنت مصدق اقولك الورقه تووه وافي جايبها من المستشفى كيف يعدل فيها؟؟؟
الجد:هذاا انا وكيفي ماصدقت
روبي:خلاص انا اعلمك كيف تصدق واثبت لك ان نواف صادق وعمره ماكذب عليك
الجد:..................................
روبي:هذاا عنوان مايا الي عطيته نواف قبل اذا ممو مصدقني رح لها واعرض عليها الجنسيه السعوديه بشرط تعترف منهوو ابوو الولد
الجد:......................................
روبي يأست من ان جدها يتكلم حطت العنوان وطلعت تشووف نواف وش صار عليه؟؟؟
في المستشفى
بعد ساعات من الانتظار طلع الدكتوور ليبشر الجميع بنجاح العمليه ولله الحمد بس تعبان عقب العمليه وياله بكره يصحى من تأثير البنج...
عند مايا
مايا:ايييييه نوااف مو ابوو الولد بس انااا قلت لك كذاا عشان يظطر نواف يعطيني الجنسيه السعوديه بشرط اني اعترف لك بلحقيقه
الجد الي خلاص رجووله من قووة الصدمه ماهي قادرة تشيله ظلمه طرده تبرى منه كان بيطلقه من زوجته كل شي سوااه له ومع هذاا كان يحترمني حسبي الله على من كان السبب>>>بدري ياالحبيب هع
مايا تقاطع تفكيره:اعترفت لك بتعطيني الجنسيه؟؟؟
الجد ناظرها نظرات اشمازاز وقهر وحقرة كل النظرات الي تتوقعونها في هذي الحظه الجد سواها >>طلع وتركها
مايا:يووووووه لاترووح مو قلت لي انك بتعطيني الجنسيه حسبي الله عليك شايب والله ما اتركك في حالك،، مو مايا الي يلعب عليها
اليوم الثـــــــــــــــــــــــاني
روبي:الحمدلله على سلامتك نواافي
نواف وهوو يبتسم:الله يسلمك حبيبتي
الهنوف:لو سمحتوو انا ونوف معنا اطفال صغار وماله داعي الغراميات الزايده
نوف:ايه والله ووخيتي صادقه
نواف:وأحنا قلنا شي؟؟؟ تونا بسم الله قلنا بس حبيبتي
الهنوف:ولا بعد ناوي تكمل اشوفك
نوف:ايه والله فالها اخونا
ام نواف:اقول اسكتي انتي واختك وخلووه على راحته
نوف:ياعيني يانواف من قدك الحين الوالده تدلع وبكره الوالد يدلع وبعده الكل ماشاءالله
نواف تعبان شوي بس فضل الابتسامه:...........................
عبدالله:هااه ياولدي اخبارك الحين؟؟
نواف:زين الحمدلله
روبي:نواف تبي موويه؟؟؟ شكلك عطشان
نواف:ايه والله عطشان
الهنوف:ياويلي على الي يحسوون ارووح ملح
روبي الي استحت وصرخت صرختها الشهيره بدلع:نوااااااااااااااااااااااااااااااااااااف شفها
الكل:ههههههههه
بس انفتح الباب اختفت الابتسامه من وجوه الكل الا نواف وحاول يتعدل بلجلسه :خلك ارتاح
نواف:وش دعوه ياجدي اذا ما احترمتك وتعدلت لك احترم واتعدل لمين؟؟؟
الجد وكنها سكاكين تغرز في صدره ضايق صدره ليه يانواف تزيدها علي انا ما استاهل الي انت تسويه غيرك يطردني مو يبتسم لي ويتعدل في جلسته بعد:......................................
نواف:تفضل يبه
الجد يبه لطالما حب يسمعها من نواف بذات هذي الكلمه الي حسها وصلت لقلبه وقطعت شراايينه:زاد فضلك،، ممكن تتركونا
الكل>>>>طلع بدون نقاش
الجد: الحمدلله على السلامه
نواف وأبتسامته مرسومه على وجهه:الله يسلمك،، كنت انتظرك يا ابووي
الجد حس دمعه في عينه مايدري ليه خنقته العبره:تنتظرني؟؟؟
نواف:كنت ادري انك بتجي لاني اذكرلين صرت مريض يوم كنت صغير اول من يكون موجود هوو انت
الجد:سامحني يانواف انا ظلمتك و.................................
نواف:جدي اذا كنت تحبني لانتكلم في الماضي اناا مسامحك واطلب منك تسامحني بعد على كل شي سويته لك قاصد ولا موب قاصد وانا بعد غلطان ضيعت روبي وخنت الامانه الي انت وصيتني عليها وانا عارف انك كنت خايف عليها ولا كان ما امنتني فيها
الجد:مسامحك لين يوم الدين ياولدي،، والماضي بعد انساه،،بس انا متضايق عشان رووبي
نواف بأستغراب:رووبي؟؟!! ليش؟؟؟
الجد:انا يوم خذتها عندي ومنعتها من الدراسه في البدايه وزوجتها غصب وحرمتها منك وكنت بعد ناوي اطلقها،، كان كللللله بضني اني احميها واحافظ عليها وما اضيعها مثل ما ضيعت ابوها بس غلطت وماعرفت احافظ عليها،،والي ابيه منك هوو انك انت تحافظ عليها وتحاول تعوضها عن كل الايام الي شافتها بسببي وابيك تتحللني انت وياها
نواف ابتسم ابتسامه رضاا لجده:انا مسامحك ياجدي وصدقني روبي بتسامحك لانها تحبك كلنا ياجدي نحبك ومسامحينك
الجد بادل نواف ابتسامته:الله يرضى عنك وترى انا رديت لك كل شي خذته منك والاهم فلووس الصفقه الي كانت المفروض لك وانا خذتها عشان اقهرك ترى كلها بحسابك،، الله يوفقك ياوليدي ويرزقك الذريه الصالحه وحافظ على مركزك وعلى عيالك وزوجتك وبعدها ابتسم الجد لنواف وقال:رووبي أمانه في رقبتك يانواف
نواف الي بادل جده نفس الابتسامه:واناا ان شاءالله قد الامانه
انهى الجد حديثه مع نواف وطلع وهو طالع لقى روبي واقفه تنتظر براا:سامحيني يابنتي
روبي:انا مسامحتك ياجدي اهم شي انك صدقت
الجد:صدقت وانا فعلاا كنت غلطان واعترف حلليني يابنتي
روبي:انا محللتك ياجدي >>طبعت قبله على راس جدها
الجد:الله يرضى عنك
طلع الجد من المستشفى بعد ما اعتذر من الكل والجميع عن كل الاخطاء والآلام الي سببها لهم في حياتهم وهوو مرتاح،،ووقف براا ينتظر السواق يجيه عشان يجيب السياره بس في الاثناء الي الجد واقف فيها عند المشتشفى شاف رجال ينادي عليه قطع الجد الشارع عشان يوصل للرجال الي كان ينادي عليه بس كانت السيارة الي قاطعه الطريق الي الجد يمشي فيه اسرع من انها توقف له......
عند مايا
مايا:هااه هيثم وش صاار؟؟
هيثم:افاا عليييك شكلهم بيصلون العشى عليه
مايا:تسلم والله انك قدها
هيثم:افاا عليك اهم شي المعلووم
مايا:لا تخاف عشر آلف جهزينا لف ينطح الف بس اسمع خبر موته اول
هيثم:خلاص بعد العشى اكوون عندك عشان آخذ حقي
مايا:اووك
في المستشفى
طبعاا على طول نقل الجد لغرفة العمليات عشان يقدرون يسيطرون على حالته ويوقفوون النزيف الي فيه بس طال الوقت والدكتوور ماطلع...
عبدالله:طول الدكتوور يا عبدالمحسن
عبدالمحسن اذكر الله ياعبداللله ان شاءالله ابووي بيكون بخير
عبدالله:ان شاءالله
عبدالرحمن:وامي درت؟؟؟
عبدالله:ايه روحت لها ام نواف مع خالد عشان يهدونها ويكونون جنبها تخبر عندها سكر
وافي:لاحوول ولا قوة الا بالله،،والبنات وينهم؟؟
عبدالرحمن:عند نواف مسيكين والله مدري وين؟؟ يلقاها منه من مرته ولا خوااته ولا نفسه وهو مريض
وافي:اناا بروح لنووف احاول اهديها وهوو الله يعينه على روبي والهنوف
عند نواف
ياقليبي يرحم مايدري يلقاها من مين من روبي؟؟ ولا نوف ولا الهنووف؟؟؟ كل وحده تعبر عن مشاعر حزنها بطريقتها الي تبكي والي تتذكر كيف كان والي كابته حزنها في نفسها ويله....
نواف:روبي الله يخليك موب وقت الذكريات الحين ادعي له يقوم بلسلامه
روبي وهي تبكي وتتذكر:ما اقدر والله يا نواف مقدر جدي صورته في خيالي توه من شوي مسلم علي وقايل لي سامحيني>>>وتبداا المناحه
نواف :لاحول ولاقوة الا بالله،، نوف باللله عليك تهدين
نوف:لا نوااف هذا جدي مهمى قسى علينا يضل جدنا
نواف:ان ماقلت لا تحزنوون عليه بس موو بهلطريقه والله الي يشوفكم يقوول مات
الهنوف:بس شكله بيمووت انت ماسمعته يقول لرووبي حلليني والله ما انسى شكله
>>هي قالت كلامها ولا ماقالته والبنات وراها فاتحينها مناحه ونواف الي بينهم ضايق صدره على جده وفي نفس الوقت مايبي يضعف وخليهم يتعبوون اكثر يكفي الي هم فيه....
عند غرفة العمليات
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك