رواية اسم على مسمى -29

((جنان كانت لابسه فستان قصير لفوق الركبه وممسوك تحت الصدر وعند البطن واسع وكان فتحة الصدر ٧ لونه ذهبي وفيه فيونكا تحت الصدر تركوازيه وكان فوقه زي الوشاح الملكي والكم واسع والوشاح طوويل لونه ذهبي وفيه تركواز والكم أطرافه تركواز وبالذيل كرستالات تركواز))
سلمت على أبوها..: مبرووك يبه..
أبو طلال: الله يبارك فيك..
جنان سلمت على فهد بالأيد: مبروك..
فهد مد يده وبثقل: الله يبارك فيك..

دخلوا.. طلال في المقدمه.. بعدين أبوطلال وأم طلال.. فهد وشوق.. جنان وأم فهد.. وفاطمه والريم..

شوق تكلم جنان: أخذت محلك..

جنان أبتسمت: لا عادي..

شوق رجعت وسحبت جنان وخلتها بجنب فهد..

جنان: ترى عادي..

شوق: خليك مكانك..

__في وحده ما تكلمت عنها.. الجوري.. كانت تشوفهم جايين وقلبها ما وقف من الدق.. كاان شكلها..نااااااعم بس أنيق..__

وصلوا عندها..

طلال شال الطرحه وأهو مو مصدق باس جبينها: مبرووك ياقلبي..

الجوري بخجل: الله يبارك فيك..

طلال وأهو مازال واقف قبالها: تدرين أنك طالعه قمر..

الجوري نزلت راسها..

طلال ضمها.. تفاجئت وخجلت وفرحت وكل الأحاسيس جاتها..

طلال بعد عنها وأبتسم ووقف بجنبها..

جاء أبوطلال وسلم على الجوري: مبرووك يابنتي..

الجوري ضمته وتذكرت أبوها: الله يبارك فيك يايبه..

لبسها عمها خاتم الماس..

الجوري: شكرا..

أبوطلال: واجبي حبيبتي.. سلم على ولده وقال له: هالله هالله ببنتي ياولدي..

طلال: الجور في عيوني..

بعدين أم طلال سلمت عليهم..

فهد سلم على أخته وضمها: مبروووك يالجوري..

الجوري نزلوا دموعها: الله يبارك فيك..

بعد عنها ومسح دموعها وأبتسم لها..

سلم على طلال: مبرووك ياعريس..

طلال: الله يبارك فيك..

فهد: وأخيرا تحققت أمنيتك..

طلال: هههههههههههه..

جات جنان وسلمت على الجوري: مبروك يالجور..

الجوري: الله يبارك فيك..

جنان بعدت عنها وراحت لطلال وضمته: أخوك أيش هالحركات..؟ تضمها وكذا..

طلال: هههههههه.. أعجبك..

جنان بعدت عنه وراحت وقفت بجنب فهد.. وجاو البقيه يسلمون عليهم..

_فهد كان يطالع في جنان اللي ما شافها من شهرين وكانت بطنها كبر بس مو كثير وكان شكلها أنيقه وجميله كالعاده..

_ طلال والجوري جلسوا..

طلال: حبيبتي ترى أنا مو مصدق..

الجوري: ههههه أنت مجنون..

طلال: فيك أكيد..

شوي طلع أبوطلال ووصلته أم طلال..

فهد كان بيطلع..

شوق وقفته وكلمت جنان: جنان روحي وصلي فهد..

فهد طالع في شوق: ما يحتاج..

شوق: إلا يحتاج..

جنان: قال لك أنه ما يحتاج..

شوق: عشان خاطري..

جنان مشت مع فهد لين ماوصلته للباب.. وطلع وحتى مع السلامه ما قال لها..

جنان أنقهرت منه..

خلص الزواج وكل واحد توجه لبيته.. وطلال والجوري راحوا ناموا في فندق..

في اليوم الثاني..

طلال جلس من النوم وكانت الجوري بجنبه باسها على جبينها.. وقاام.. شاف الساعه كانت ١٢ الظهر..

طلال: تأخرنا.. دخل الحمام أخذ له شاور وطلع.. لبس ملابسه ومشط شعره وأهي مازالت نايمه.. راح لها وجلس بجنبها على السرير ولعب بشعرها: حبيبة طلال.. حبيبتي قومي..

الجوري أوتعت: طلال بس خمس دقايق..

طلال: ولا ثانيه.. قومي الساعه ١٢ ونص..

الجوري فزعت: تتكلم من جدك..؟

طلال: هههههه والله..

الجوري: تأخرنا على بيتكم..

طلال: قومي أخلصي عشان نروح..

الجوري بتقوم..

طلال مسكها وقرب خده: وين بوست الصباح..؟

الجوري: قصدك الظهر..

طلال: ههههههه إلا هي..

الجوري ضحكت وباسته..

طلال: ويلي ويلي..

الجوري: هههههه والحين ممكن تتركني..؟

طلال: لا باقي خدي الثاني..

الجوري: الطمع شين..

طلال: بس منك زين..

الجوري: حبيبي أتركني بقوم أخلص وبعدين بعمل لك إلا تبي..

طلال: وعد..؟

الجوري: وعد..

طلال تركها.. وراحت ركض.. تاخذ لها شاور..

طلال ضحك عليها..

خلصت وعملت شعرها كيرلي بالجلي لأنه أسرع شي.. بس شكلها كان كيووت..

لبست فستان قصير لتحت الركبه لونه أسوود يتسكر عند الصدر والرقبه بكلاب خلف الرقبه وكان أنيق ولبست الطقم الألماس اللي طلال هداها أياه البارح.. وصندل فضي.. حطت لها مكياج خفيف.. أساس وكحله وبلاشر وروج أحمر..

طلال لما شافها صفر: أيش هالجمال..؟

الجوري: هههههه لا جاملني..

طلال: أفاا عليك وأنتي مرتي..

الجوري: حبيبي مالبست شماغك..

طلال: أنا أكره ما علي لبس الثوب أيش رايك أغيره..

الجوري: لا مستحيل أخليك تغيره..

طلال: طيب.. جيبي شماغي البيج..

الجوري: طيب.. جابته له.. وكانت بتلبسه بس ما توصل..

طلال: ههههههه يالقصيره..

الجوري: أنا مو قصيره أنت الطويل..

الجوري كانت توصل طلال إلى كتفه..

الجوري عطته أياه: خذ خذ خلاص غيرت رايي..

طلال: خلاص بجلس على الكنبه ولبسيني..

الجوري: لا مابي..

طلال: براحتك..

طلال لبس وتعطر.. والجوري لبست عباتها وخلاها تتغطى عشان روجها..

ركبوا السياره..

طلال: تصدقين مو متعود على هذي السياره..

الجوري فتشت وجهها: معليش.. قريب تتعود عليها..

طلال توجه إلى بيتهم..

وصلوا..

أم طلال أول ماشافتهم راحت لهم وباركت لهم..

طلال: وينهم..؟

أم طلال: ماحد جاء..

جلسوا بالصاله..

طلال: وحنا نقول متأخرين..

أم طلال: لا بالله ألا أول الناس..

الجوري: خالتي وين جنان..؟

أم طلال: فوق..

الجوري: حبيبي أنا بركب لها..

طلال: طيب حبيبتي..

ركبت الجوري لجنان..

الجوري: هاااي..

جنان باستها: هاياات.. كيفك..؟

الجوري: الحمدلله وأنتي..؟

جنان: تعبانه شوي..

الجوري: سلاماات..

جنان: من الحمل ماعليك شو أخبارك كمان..؟

الجوري نزعت عباتها: كتير منيحه..

جنان: دووم.. هههههههه..

الجوري: أيش فيك..؟

جنان: عامله شعرك كيرلي..

الجوري: مافي وقت..

جنان: هههههه

الجوري: مو حلو..؟

جنان: يجنن بس أمزح معك.. أهم شي عجب طلال..

الجوري: لما شافني جلس يصفر..

جنان: ههههههههه

الجوري: المهم أخلصي عشان ننزل..

جنان: طيب..

خلصت جنان ونزلوا..

سلمت جنان على طلال وجلسوا يسولفون..

شوي وأنطق الجرس..

جات الخدامه وفتحت الباب كانوا فهد وأمه وخواته..

: السلام

: وعليكم السلام..

طلال قام إلى فهد: هلا فهوودي..

فهد: هلا طلولي..مبروك

سلم عليه وبعدين الجوري سلمت عليهم وجنان قامت سلمت عليهم وطنشت فهد وأم طلال قامت وسلمت عليهم.. وجلسوا كلهم يسولفون..

من ضمن السوالف

أم فهد: كيفك يابنتي..؟

جنان: بخير يالغاليه..

أم فهد: كيف ولي العهد..؟

: هههههههه..

جنان: بخير وواحشته..

أم فهد: حتى أهو واحشنا أهو وأمه ومفتقدينها في البيت..

جنان: تسلمين يا خالتي..

أم فهد: ما بترجعين ياجنان..؟

جنان نزلت راسها وسكتت..

فهد: يمممه..

أم فهد: تراني مليت وأنا ساكته مو حاله هذي أنت بمكان وأهي بمكان..

فهد: يمه مو وقته الحين..

أم فهد: من قال مو وقته ..لازم تحاولون تنهون الخلاف اللي بينكم..

جنان قامت.. وقامت الجوري وراها..

جنان وأهي راكبه الدرج تعرقلت وطاحت من فوق الدرج إلى تحت..

الجوري صرخت: جناااان..

الكل قاام ركض يشوف أيش صاير..: جناااان..

فهد راح ركض لها وحط راسها في حضنه ومسك يدها وبخوف: حبيبتي.. تعورتي..؟ في وين يألمك..؟

جنان كانت تنزف ضغطت على يده: البيبي يافهد البيبي.. وغمضت عينها

فهد حاول يوعيها: جنان.. جناان..

جنان بتعب وبكت: أسمعك بس البيبي يافهد لا يروح..

فهد: أنشاء الله ما يروح.. جيبو لي عبايه بسرعه..

ركبت الجوري ركض غرفة جنان تجيب عباية جنان..

طلال: فهد خليها تكون واعيه..

فهد: حبيبتي خليك جالسه..

جنان هزت راسها بطيب..

الكل كاان يبكي..

جابت الجوري العباه ولفتها على جنان.. حملها فهد وطلع طلال معه..

فتح باب السياره وحطها بالكرسي الخلفي..

طلال جلس مكان السواق..

كان فهد بسكر باب السياره..

جنان: فهد خليك جنبي..

فهد: أكيد..

دار الجهه الثانيه وجلس وحط راسها بحضنه..

مشى طلال..

جنان بكت: إذا صار إلى البيبي شي..

فهد: أشش أنشاء الله مايصير لا لك ولا له شي وترجعون لي سالمين..

جنان مسكت يده..: يألم يافهد..

فهد: أصبري حبيبتي قريب نوصل..

بعد شوي ووصلوا..

طلال نزل يجيب سرير لأخته..

جنان تضغط على يد فهد أكثر وتبكي وتصارخ: آآآآآآه.. آآه..

فهد: بس حبيبتي الحين ننزل.. باسها على جبينها..

جاء طلال وأخيرا..

حملوها على السرير.. ودخلوها داخل..

طلال وفهد جلسوا على كراسي الأنتظار وكل واحد حالته أسوى من الثاني..

بعد نصف ساعه طلع الدكتور..

قاموا له: بشر يادكتور..

د: الأم بخير بس الجنين أنا آسف.. حاولت أنقذه بس الجنين ماات ونزل مع النزيف اللي صابها.. أنا آسف..

وراح عنهم

فهد أنهااار على الكرسي.. بكى على ولده اللي مانولد..

طلال تأثر بس كان أهدئ منه.. حط يده على كتفه: بس يافهد بيتعوض أنشاء الله..

فهد منزل راسه: طلال ولدي راح قبل لا ينولد راااح.. كيف أقول لجنان كيف..؟

طلال: قوم روح لها أهي محتاجه لك..

فهد مسح دموعه: طيب..

قام وراح غرفة جنان.. دخل شافها نااايمه.. جلس بجنبها على السرير.. باسها على جبينها.. أوتعت..

شافت فهد جلست وقالت: بشرني كيف البيبي..؟

فهد نزلت دمعه من عينه وهز راسه بمعنى لا..

شهقت وحطت يدها على فمها: لا تقول...

فهد: حبيبتي الله يعوضنا..

جنان: ولدي راح.. بكت.. فهد لا تكذب علي.. فهد قول لي أنك تكذب علي.. فهد قول غير هالكلام.. فهد ولدي ما راح.. ضربت خدها.. ماراح.. ماراح..

فهد ضمها له: جنان خلاااص.. حبيبتي ربي بيعوضنا..

جنان وأهي ضامته بكت وضربته على صدره: البيبي ما رااح.. ما راااح.. كل مني يافهد كل مني.. تمسكت فيه أكثر.. لو أنا راجعه معك من ذاك اليوم كان ما راح ولدي.. كان ما تركني وراح..

فهد: حبيبتي خلاص هذا قضاء وقدر..

جنان: آآآآآآآه يافهد آآآآآآه..

فهد: حياتي هدي.. ريحي أعصابك..

جنان: فهد أبي البيبي كنت أنتظره..

فهد: أنتي هدي ووقفي بكى..

فهد باعدها عنه ومسح دموعها: حبيبي أهدي لازم ترتاحين..

جنان: أبي أطلع من هنا.. مابي أجلس هنا..

فهد: أنتي تآمرين أمر.. دقايق بس بشوف الطبيب..

جنان: مو طول..

فهد: دقايق بس..

طلع فهد وكان طلال ينتظره..

طلال: كيفها..؟

فهد: حالتها حاله.. تبي تطلع..

طلال: أنا بروح لدكتور باخذ أذن وأنت أرجع لها..

فهد: شكرا طلال..

طلال: فهد هذي أختي ولا نسيت..

فهد أبتسم له..

فهد رجع داخل الغرفه..

جنان: أيش قال الدكتور..؟

فهد: راح طلال له..

جنان غمضت عينها: تعباااانه..

فهد: أنادي لك الدكتور..

جنان: لا... فهد..

فهد: عيون فهد..

جنان فتحت عينها: شكرا..

فهد: جنان لا تخليني أزعل منك.. ما بينا شكر..

أنطق الباب..

فهد: تفضل..

طلال دخل وباس راسها: ما تشوفين شر..

جنان: الشر مايجيك..وبكت.. شفت يا خوي راح ولد أختك إلا تنتظره راح..

طلال: بيتعوض أنشاء الله.. وتترسين بيتك درزنين أطفال..

فهد: هههههههه..

جنان مسحت دموعها: لا لا لا أي درزنين الله يهداك.. حدي أثنين..

فهد: نعم نعم.. لا حبيبتي درزنين..

جنان: لاااا.. مو أنت اللي بتحمل وبتولد..

فهد: ما تشوفيني أتشرط..

فهد وطلال: ههههههههههه..

جنان أبتسمت بحزن..

طلال: يالله قومي لبسي عباتك عشان ترجعين البيت على كفالتي..

جنان: طيب..

رن جوال طلال: هلا حبيبتي..

الجوري: هلا .. شخبار جنان..؟

طلال: بخير.. حنا جايين..

الجوري: أنتظرك حبيبي..

طلال: مع السلامه..

جنان وقفت بمساعدة فهد

فهد: شويشوي..

نزلوا وركبوا السياره..

ورجعوا بيت أبوطلال..

أول ماشافوهم الكل جاء..: كيفك..؟

جنان: الحمدلله..

أم طلال: شصار لها..

فهد: فقدنا الجنين..

الكل شهق واللي بكى واللي واللي..

فهد: خالتي بركبها فوق ترتاح..

أم طلال: طيب روح للمصعد..

فهد: طيب..

فهد ركبها فوق بمساعدة الجوري..

لما وصلوها غرفتها

جنان للجوري: الجور خربت فرحتك..

الجوري: لا تقولين هالكلام..

جنان: عن جد آسفه..

الجوري: جنااان لا تخليني أزعل منك..

جنان سكتت..

نامت على السرير..

الجوري: أنا بنزل بخليك ترتاحين..

جنان: طيب..

نزلت الجوري تحت..

جنان تحسست بطنها تذكرت أنها كانت تتحسس الطفل بس الحين تتحسس الفراغ.. بكت على الطفل اللي ما نولد.. بكت من كل قلبها عليه..

فهد شافها تبكي.. خلاها تبكي لأن من حقها تبكي على ضناها.. بس بعد شوي ماتحمل يشوفها تبكي.. راح جلس بجنبها وضمها له: خلاص حبيبتي يكفي بكى.. ما أقدر أشوفك تبكين يا عمري.. زادت بكى ومسكت قميصه.. أهدي ياحياتي..

جنان: فهد أنا مو مصدقه..

فهد: أنسي الموضوع خلاص..

جنان: ما أقدر.. ما أقدر

أنطق الباب..

جنان مسحت دموعها وفهد عدل جلسته.: تفضل..

دخلت أم طلال بغذاء بنتها..

جنان: يمه ما أبي..

أم طلال: لازم تاكلين..

جنان: يمه صار المغرب..

فهد: جنان أكلي أنتي تعبانه ولازم تاكلين..

جنان: صدقني مالي نفس رز..

فهد: طيب بس فاكهه وسلطه وباكل معك..

جنان بعدم أقتناع: طيب..

أم طلال: تبيني أساعدك..؟

جنان: لا يمه لا تعبين نفسك..

أم طلال: تعبك راحه يابنتي..

جنان تذكرت الطفل من كلمة يابنتي..

أم طلال: يالله أنا بتركم..

فهد: خليك ياخاله..

أم طلال: لا بنزل إلى أمك بجلس معاها..

فهد: على راحتك..

أم طلال نزلت..

فهد: يالله أنا بأكلك..

جنان: بنشوف..

فهد: تتحدين..

جنان: لا تجرح نفسك بالسكين..

فهد: أنا فنان أصلا..

جنان: أنجرب..

فهد: نبدي بأيش..؟

جنان تحمست: أمممم التفاح الأخضر..

فهد أستانس لأنه خلاها تسهي: طيب..

فهد أخذ التفاحه وقصها ورتبها بالصحن وأهم مندمجين في التفاحة..

فهد: خلصت..

جنان صفقت: برافووو.. جاات سليمه..

فهد: ههههههههه..

فهد حط التفاحه في الشوكه.. وعطاها أياها..

جنان: أمممم لذيذ..

فهد أكلها التفاحه كلها..

جنان: وأنت ما أكلت معي..؟

فهد: أيش أعمل ما عزمتيني..

جنان: طيب.. أنت بتاكل السلطه..

فهد: وأنتي بتاكلين سلة الفاكهه كلها..

جنان: لاااا.. نو واااي..

فهد: يالله أيش تبين بسرعه..؟

جنان: فراوله..

فهد قصها وعطاها..

جنان أكلت نص وعطت فهد النص الثاني..

فهد: أممم لذيذه..

جنان: هههه بالعافيه..

فهد: الله يعافيك..

جنان: فهد خلاص مابي..

فهد: لا بتاكلين..

جنان: صدقني مالي نفس..

فهد: طيب كلي السلطه..

جنان: مابي..

فهد قام غسل ورجع جلس بجنبها: أنتي دلووعه..

جنان: حراام عليك..

فهد: صدقيني أنك أحلى دلوعه شفتها بحياتي..

جنان: وأنت بعد أحلى دلوع شفته بحياتي..

فهد: أنا دلوووع..؟

جنان: وااجد..

فهد: في أيش أتدلع..؟

جنان: علي..

فهد: لا أنتي أسبشل.. إذا ما أدلع على مرتي أتدلع على منو..؟

جنان: شفت أنك دلووع..

فهد: ههههه..

جنان: فهد..

فهد: عيونه..

جنان أبتسمت: تدري الفتره اللي طافت أفتقدتك..

فهد حط يده ورى كتفها: وأنا بعد مرره أفتقدتك.. تدرين..

جنان: أيش..؟

فهد: كنت بلعب عليك لعبه عشان ترجعين لي..

جنان: أيش اللعبه..؟

فهد كان يطالع فيها: هههههه كنت بعمل نفسي بروح أخطب وبتزوج...

جنان باعدت وجهه الجهه الثانيه: سخيف..

فهد: ههههههههه.. وكنت بنشر الخبر بعد عرس الجوري وطلال.. هههههههههه..

جنان: تدري لو عملتها كان ذبحتك بإيديني الثنتين..

فهد: هههههههههههه.. تغارين حبيبتي..؟

جنان: لا مو أغار.. رفع حاجبه.. حطت يدها على خده.. يالمجنون لأني أحبك ولا أبي أحد يمتلكك غيري لأنك من ممتلكاتي الشخصيه وممتلكاتي الشخصيه حتى الهواء ما يقرب لها..

فهد: يعني تغارين..؟

جنان شالت يدها: أوووف منك..

فهد: ههههههههه.. مسك يدها اللي باعدتها وباسها وقال: وأنا بعد أحبك وأمووت عليك..وأبتسم.. ولا تخافين ماحد بيمتلكني غيرك..

جنان أبتسمت له..

فهد: أفهم من أبتسامتك أنك رضيتي علي..

جنان: لا طبعا..

فهد: أجل..

جنان: مارضيت بعدي..

فهد: يعني مابترجعين معي الفله..؟

جنان: لا..

فهد: تمزحين..؟

جنان: لا ما أمزح.. بجلس في بيت هلي شهر قابل لزياده..

فهد: لااااا حبيبتي..

جنان: أييه حبيبي..

فهد: وكيف الحياه بتصير..؟

جنان: كل يوم تجي تزورني وهكذا الحياه..

فهد: لاااا ما في جلسه هنا.. ترجعين الفله بكره..

جنان: مابي..

فهد: إلا تبين.. شهرين وأسبوعين ويوم طالعه من الفله..

جنان: ههههههه.. حاسبها

فهد: طبعا.. بكره الظهر راح أجي آخذك وتكونين جاهزه..

جنان: بس أنا تعبانه..

فهد: حبيبتي هناك ما راح أخليك تقومين من السرير..

جنان رفعت عينها: طيب..

يتبع ,,,,

👇👇👇