رواية قلوب عميقة -29
منى:صليت ركعتين امس واليوم بس ماحسيت بشي ولاحلمت بشي
رندا:طيب اصبري كمان كم يوم ولو برضك حاسه بضيق ارفضيه واللي يصير يصير
منى وهيا تفتح عينها بصدمه:ومازن؟؟؟
رندا بإستغراب:ايش ومازن؟؟
منى:يكون لغيري لااااااا مستحيل
رندا احتارت في اختها دوبها تقول حرفضه ودحين ماتبغاه لغيرها وبعدين يعني..!!
بعد خمسه دقايق من الصمت..
رندا:طيب اقولك اقري الفاتحه واية الكرسي والمعوذات وهدي ونامي انتي دحين
منى:خاااايفه يارندا خاااايفه
رندا وهيا تضم منى بقوه:لاتخافي حبيبتي لاتخافي مافي شي يخوف
منى وهيا تبعد نفسها عن رندا وتطالع في عيون رندا بتوسل:رندا نامي عندي اليوم
رندا بدهشه:وي انام عندك!!
منى:ايوه
رندا:بس ما اضايقك في السرير؟؟؟
منى:شوفي السرير قد ايش كبره ويشيل اربعه اشخاص مو اتنين
رندا وهيا تبتسم:خلاص اوكي من هالعين قبل هالعين
وقضت رندا ليلتها مع منى وهدتها وخلتها ترتاح...
منى ابتسمت وهيا تتفحص وجه اختها..وتشوف جمالها وملامحها الحلوه...وقررت تنزل الصاله تقعد مع ابوها وامها وبالمره تقولهم ردها على موضوع مازن..
في الليل..الساعه 9.00...
في بيت رهــف...
دخل وشافها قاعده حزينه وحالتها حاله وتكلم بالتلفون..
رهف:طيب ليه ليه حرام عليكي...خلاص طيب طيب..مع السلامه
مازن انقبض قلبه لمن سمع كلام اخته ودخل وهوا خايف..
مازن:رهف
رهف....كانت تطالع في الارض بحزن وقلق...وماردت عليه..
مازن خاف اكثر وقرب منها وحط يده على كتفها...
مازن:كنتي ترمسي مين يارهف؟
رهف واللي طالعت في وجهه بشفقه:ماكنت ارمس احد
مازن:لا تكذبي انا سامعج بأذني وانتي ترمسي احد
رهف وبتردد:هيه كنت ارمس منى ارتحت
وفي مكان تاني من جده..كان امجد قاعد على البحر ويكلم لمى..وكانت مكالمتهم من ساعتين وللحين ماخلصو كلام..لمى كانت تحكيه كل شي في حياتها..وامجد بالمثل..يفتكرو اشياء تضحك واشياء تحزن مرت على كل واحد فيهم..وكانو يحكو بعض كل شي ولأول مره حسو الاتنين..بأنهم نسختين متطابقه لبعض..لأنه كل الاشياء اللي تحبها لمى يحبها امجد..والعكس..
امجد..كان يغني مقاطع من اغنية بنت النور للفنان محمد عبدو..
امجد:انا عيـــونــي على سورك يابنت النووووورر..
انا عيـــونــي على سورك يابنت النووووورر..
ياعطرر الليــل وهمس الليــل..آآه ياعطرر الليـل وهمـس الليل..
انااا فيني..فيني الاماااني..ساييي سايي
ياعطرر الليــل وهمس الليــل..آآه ياعطرر الليـل وهمـس الليـــل..
انا فيــني .. فيني الاماااني ساي ساي ساي
ابيك تعذرين احساسي اذا قصرت..وابيك تعذرين لو قصرت في حقك..
ابيك تعذرين احساسي اذا قصرت..وابيك تعذرين لو قصرت في حقك..
اوقصر كلامي كلامي..كلامي وماوصفت شعوور..
او قصر كلامي كلامي وماوصفت شعور..
يابنت النوور يابنت النوور..ياعقد من الوله منثووور..
يادانه بعين بحاري..ترى الاحساس رباني...
وانا ربان هالمركب..انا رباان هالمركب..
وابني رحلتي عندك وحطيت الامل عندك..
وابني رحلتي عندك وحطيت الامل عندك..
يادانه بعين بحاري..ترى الاحساس رباني...
وانا ربان هالمركب..انا رباان هالمركب..
وابني رحلتي عندك وحطيت الامل عندك..
بس الموج ما يساعد ولا الاقدار بتساعد...
بس الموج ما يساعد ولا الاقدار بتساعد...
وللخطوه قربت مني..وانا هدت احس انها قرييييييبه قرررررررريبه...ووقف امجد لانه حس نفسه تعب والاغنيه طويله..
لمى:اللللللله خطييييييييييييير اول مره اعرف انك تحب محمد عبدو
امجد وهوا يحاول يخلي صوته عادي لانه تعب:اكيد احبه دا فنان العرب كيف تبيني ما احبه وبعدين اغانيه اصلاً رهيبه
لمى:اكيد دا محمد عبدو مايبغاله كلام...طيب ماقولتلي عندك ايميل؟
امجد ارتبك وقتها وافتكر انه ايميله لمى تعرف بيه بأسم خالد وقال بسرعه:لا ماعندي ليه تسألي؟؟
لمى بإستغراب:معقوله واحد زيك دكتور ويستخدم النت كتير ماعنده ايميل
امجد بإرتباك:الا عندي..اقصد كاااااااان عندي بس انسرق قبل شهر وماسويت غيره لاني مافضيت
لمى:اهااا خلاص اجل انا بسوي لك ايميل؟
امجد وهوا مبسوط:خلاص اوكي واختاريه على ذوقك انتي
لمى:اووووووووكي من عيوني
امجد:تسلملي عيونك
لمى.........لمى افتكرت فجئه انه سفر امجد قرب ومابقيله الا كم يوم وحزنت اكثر وقالت..
لمى:امجد لازم تسافر؟
امجد افتكر موضوع سفره ورجع له الاكتئاب والحزن وقال بصوت مخنوق:لازم بشكل ااكبر من ماتتصوري
لمى واللي الخوف بدا يدخل قلبها:ليه يا امجد شو صاير ليه ماتقولي على اللي فيك انا خطيبتك ومرتك وبنت عمك ليه تخبي عني ليه؟
امجد اللي ماعرف ايش يقول قالها:لمى عن اذنك بقفل ورايا شغل فكرتيني بيه
لمى بحزن:اها شغل طيب طيب روح لشغلك باي...وقفلت الخط بوجهه...
امجد:يوووووووووه ياربي لازم كدا كل مره نختمها بزعله ياربي منك يالمى الله يهديكي بس
وفي بيت رهف..
مازن بصوت عالي:لالالا ماني مصدق قووولي والله انك مابتكذبي............
*&*الجزء السادس والثلاثون*&*
رهف:ايش اسوي يامازن رفضت البنت ما اقدر ارغمها
مازن:ايش على كيفها هيا ترفضني والله لأوريها
رهف بخوف:ليه ايش بتسوي؟
مازن وهوا بيروح:مالج خص
رهف بصــوت عـالي:مااااازن اسمعني بس
مازن وهوا يمشي ولا عليه منها:اسكتي قلت لج مالج خص
رهف بصوت اعلى من اول:واااااااااااااااااااا فقـــت
مازن اللتف بسرعه وطالع في رهف بصدمه:ايش قلتي؟
رهف والبسمه ارتسمت على وجهها:منى وافقت واااافقت
مازن وهوا مو عارف يتكلم:بس دوبك قلتي انه لالالا كيف انا سمعتك بأذني وانتي تقوليلها حرام ومدري ايش يووووووووه حرام عليكي فهميني ايش الصح؟؟
رهف:هههههههههههه حبيت العب في اعصابك شوي منى اتصلت عليا من زماااان وقالتلي على ردها وانها موافقه وانا لمن شفتك داخل البيت سويت نفسي ارمس في التليفون..عشان تصدقني هههههههههههههههه
مازن وهوا معصب:صدق انج متفيجه
رهف:ههههههههههههه سوري مزون
مازن وهوا يروح غرفته:قلبي ويهج
رهف راحت تجري ورى مازن عشان تراضيه بس لمن وصلت عند الباب قفل مازن الباب في وجهها...وقعدت رهف تضحك عند الباب..ومازن سند ظهره للباب وابتسم ونزلت دمعه من عينه....ويقول في نفسه..وافقت منى وافقت مناي واااااااااااافقت ابقتل نفسي من الفرحه مو مصدق برمسها على كيفي بشوفها على كيفي بتكون لي لييييييي انا وحدي مب مصدق..
منى كانت في البيت جالسه تتفرج تليفزيون ومبسوطه ومروقه..
رندا وهيا تشوف اختها بإستغراب:منوي!!
منى وهيا تطالع فيها وتبتسم لها احلى ابتسامه:هلا
رندا:اوه اوه شو هالطيبه وهالابتسامات شو فيكي اليوم ؟؟
منىبدون مقدمات:وافقت
رندا وهيا تبقق عيونها:شووووووو قولي والله؟
منى:والله
رندا وهيا تجلس جمب منى:كيف وليه وايش اللي غير رأيك؟
منى:امس حلمت حلم ريحني..حلمت اني انا ومازن نمشي في طريق كله نور..وفي اخر الطريق قطف مازن ورده حلوه واعطاني هيا..
رندا وهيا من جد فرحانه لاختها:الحمدلله يارب ان شاء الله ربي يجمع بينكم على خير
منى:امين
امجد لمن سمع بموافقة منى جا عشان يبارك لها..ودخل الصاله شافها تتكلم مع رندا..
امجد:احم احم
رندا:هلا مجود
منى:هلا ابو الامجاد
امجد بتريقه:كيفكم يا اخواتي العزيزات؟
رندا:انا عن نفسي زفت ولله الحمد
منى:وانا بخير الحمدلله
امجد بإستغراب:ليه ايش بك انتي يارندا؟
رندا:بكره عندي اختبار كيمياااااااااا اففففففففففف
امجد:هههههههههههههه الله يعينك تتذكري لمن كنا انا ومنى نذاكر ونتهلك وانتي تضحكي علينا وتتريقي
منى:هههههههههههههه ايوه الله صح تستاهلي اجل كنتي تبهدلينا وربي
رندا واللي مدت بوزها شبرين:حرام عليكم كنت امزح بسسسسسس
منى وامجد:بسسسسسسس
الكل:هههههههههههههههههههه هه
وفجئه دخلت عليهم ام خالد ومعاها كاكي شايله تبسي فيه كيك وشاهي..
ام خالد:حطيه هنا<<<وتأشر لكاكي على طاوله صغيره...
وبعد ماقعدت ام خالد..
امجد:ايوه يامنى صح سمعت انك موافقه على مازن مبرووك
منى واللي احمرت خدودها:الله يبارك فيك يارب
ام خالد وهيا تصب الشاهي:ايه بنتي ياحليلها الله يوفقها ويسعدها سعاده مابعدها شقا
الكل:امين
رندا وهيا تاخذ كاسة الشاهي من امها:اتفضل يا امجد
امجد وهوا ياخدها:شكراً
ام خالد:تبغا كيك يا امجد؟؟
امجد:لا ما ابا
منى:هاتي عنك ياماما خليني انا اللي اصب
ام خالد:لالا خليني انا اللي اصب خدي انتي بس قطعي الكيك لرندا ولنفسك لو تبغي
منى:طيب
رندا:انا ما ابا شي
امجد وهوا يقاطعهم:طيب ومتى حتسوو الملكه؟؟
ام خالد وهيا تعطي منى كاسة الشاهي:والله اهل العريس هما اللي حيقررو مو احنا
منى لمن قالت امها كلمة عريس احمرت خدودها بزياده وحست بالاحراج...عريس...عريس يعني مازن اخيراً صار لها..صار زوجها عريسها..حبيبها..وكل شي في دنيتها...
امجد وهوا يرشف رشفه من الشاهي:المهم قبل يوم الجمعه؟
رندا:وليه يعني قبل يوم الجمعه؟
منى واللي دوبها تستوعب اللي قاله امجد وحطت كاسة الشاهي اللي في يدها على الطاوله اللي قدامها بعصبيه:نعم نعم شووو قبل يوم الجمعه هادي حرام عليك مجود اليوم تلوت((الثلاثاء)) متى يمديني افصل ولا اشتري فستان مرررررره مايمدي
امجد واللي ماعرف ايش يقول اقحموه رندا ومنى:هااا
ام خالد بحيره:ليه ياولدي تبا الملكه قريبه كدا؟
امجد واللي حس انه مو وقت هالموضوع بس لازم يفتحه بما انهم احرجوه قال:لاني بسافرر
ام خالد وهيا تشهق:تسافرررر
رندا:ليه تسافر وفين؟
منى:ليييه تسافر؟
امجد وهوا يحاول يخلي نفسه طبيعي عشان مايشكو بالموضوع:هههه ايش بكم ياهو عادي بسافر اغير جو وارجع
منى:حبك السفر دحين أجله
امجد:ما اقدر خلاص حجزت مع اصحابي واتقرر الموضوع
رندا:وفين بتسافر؟
امجد:امريكا
ام خالد:وي ياولدي مالها داعي هالسفره أجلها شوي خلنا نخلص من سالفة فرح اختك بعدين سوي اللي تبيه
امجد:ما اقدر والله يا امي
رندا شكت بموضوع امجد لو الموضوع موضوع تغيير جو كان ما اصرر على السفر كدا وحست انه وراه سر ولازم تكتشفه..
رندا:طيب والجامعه ماوراك محاضرات ماوراك دراسه؟
امجد:انا مدبر نفسي مايحتاج تقوليلي
رندا:لا والله
امجد:ايه خلاص لاتناقشوني الموضوع مقرر عندي انا من اول كنت ابغا اخبركم ونسيت وخلاص دحين عرفتو
ام خالد:بس ياولدي لازم تقول لأبوك
امجد:اكييد ان شاء الله اليوم بقوله
رندا:طيب وايت بلده بتروح؟
امجد:نيويورك
رندا:يعني عند رامي؟
امجد:وانتي ايش دراكي انه رامي فيها؟؟!!
رندا بإرتباك:ها لا بس لاني مره سمعت خالتي غاده تقول انه رامي في نيويورك
امجد:اهااا
منى:وكم بتغيب في سفرتك هادي؟
امجد:امممم اسبوعين او اكثرر ويمكن شهرر حسب الشباب مايقررو
ام خالد:وي شهررر كثيررر ياولدي مانقدر نأخر الناس شهر كامل وخصوصاً انهم مستعجلين
امجد:ايش فيها يا امي عادي سوو الملكه واذا ماحضرتها مو مشكله في الزواج وانشاء الله بحضره ولا مو كدا يامنى<<<ويغمز لها..
بس منى كانت معصبه والدموع تخرج من عينها بغزاره ووقفت فجئه وقالت بصوت عالي:لا مو كدا اذا انتا اخويا ماتحضر ملكتي مين يحضر يعني
امجد وهوا يوقف:هدي نفسك يامنى ماله داعي كل هالانفعال
منى:لا والله ماله داعي والله كنت احسبك تعزني واهمك طلعت في حياتك ولاشي ولا كأني اختك بس همك نفسك وانك تغير جو وماتهمك اختك
امجد بضيق:لاتظلميني يامنى حرام عليكي والله مو بيدي
منى:ماراح اظلمك ولاتظلمني ويكون في علمكم ماراح ارضا احضر ملكه ولا ارضا اتزوج مازن اذا ماكنت موجود فاهمني يا امجد يلي يسموك اخويا...وراحت تجري لغرفتها..
امجد قعد بأحباط وقال:يووه ياربي ايش بها هادي كدا؟
رندا كانت تطالع في كل حركه يسويها امجد وتطالع في عيونه وفي العذاب اللي باين فيها..الموضوع شكله كبيرر وامجد مايقدر يسيطر عليه لااازم اعرف ايش فيه امجد لازم..
ام خالد:هدي يا امجد منى حساسه وتزعل بسرعه بس بترضا بعد شويه وان شاء الله ابوك او خالد بيقنعوها وبترضا هيا تسمع كلامهم
امجد بدل مايريحه كلام امه بالعكس حس بالحزن والضيق اكثر..منى اخته توأمه اقرب انسانه له في الدنيا..يكون خالد ولا ابوه اقرب لها منه..مستحيل يصير في حاجز بيني وبين اختي..ومستحيل ادمر مستقبلها عشان سفري..بس في نفس الوقت ما اقدر ما اقدر أأجل سفري آآه ياربي ساعدني..ساعدنيييي ارجووووك..وفجئه امجد قام وراح لغرفته والهموم والمرض هادين حيله هد..
رندا لقتها فرصه ولحقته لغرفته...
طق طق..
امجد.......
رندا:امجد فك الباب ابغا اكلمك شويه
امجد:الباب مفتوح
رندا دخلت وشافت كيف الغرفه مضلمه وبرد وامجد قاعد في الارض جمب السرير وضام رجلينه لصدره بيده وشكله حزيين..ورندا تعرفه مايقعد هالقعده الا لمن يكون متضايق مررره ومحتار ومايعرف ايش يسوي..وسبحان الله في عادات في الانسان مايقدر يغيرها مهما صار وهالعاده في امجد من وهوا صغير من يوم ماعمره خمسه سنين...
رندا وهيا تقرب من امجد:امجد شو فيك؟
امجد بضيق:مافيا شي
رندا:لاتزعل من منى وترى هيا ماقالت كدا الا لانها تعزك وماتتخيل انها ممكن تفرح بدون ماتكون معاها
امجد:ماني زعلان من منى انا زعلان من نفسي لاني سويت فيها كدا وزعلتها
رندا:ولا يهمك انا بتفاهم معاها
امجد.......
رندا........سكتت محاوله انها تخليه يتكلم ويفتح لها قلبه ويقولها على اللي فيه..
بس امجد ما اتكلم ولا قال شي وكل اللي صار له انه صار يكح ويكح...وكحته قويه..وخلت رندا تخاف عليه..
رندا:امجد فيك شي اجيب لك مويه امجد امجد
امجد:اُهه اُهه لا اُهه لاتجيبي اُهه شي...وحط يده على فمه ويده التانيه على الارض عشان يوقف...بس رندا مسكت يده عشان تساعده يوقف..ولمن مسكت يده شافت فيها دم وانصدمت..وخافت على اخوها مره..
رندا بخوف وصدمه:امجد شووووووووووو دااااااااا؟
امجد وهوا يروح على الحمام:اسكتي يارندا اُهه ولاتخرجي من الغرفه اُهه الين اجيكي اُهه
رندا قعدت على السرير بصدمه وحيره وخوف..اخوها فيه شي زي ما اتوقعت امجد مريض مريض مريــض...
في مكان تاني بجده في سكن البنات حق جامعة الملك عبد العزيز..
كانت مسدوحه على سريرها تسمع كلمات اغنية انت الغلا للفنانه فاطمه
انـت انـت انـت الغلا كله انت الغلا كله...انـت الغلا كله انت الغلا كله...قلبي نسى الدنيا بس مانساك انت ...شاغل بالي والله والوقت لك كله...ماكنه في الدنيا غيرك ابد انت...انـت الغلا كله انت الغلا كله...قلبي نسى الدنيا بس مانساك انت ...شاغل بالي والله والوقت لك كله...ماكنه في الدنيا غيرك ابد انت...ياساحر افكاري ولا انت داري...لا ليلي مثل الناس منك ولا نهاري...ياساحر افكاري ولا انت داري...لا ليلي مثل الناس منك ولا نهاري...قلبي وطن وانت بالحب تحتله...قلبي وطن وانت بالحب تحتله...انت الغلا كله انت الغلا كله...انت الغلا كله انت الغلا كله...قلبي نسى الدنيا بس مانساك انت...شاغل بالي والله والوقت لك كله ...ماكنه في الدنيا غيرك ابد انت...مدري انت فاهمني او منت فاهمني...ولا انت فاهم بس قصدك تجنني...او يعجبك يعني اهواك وتتغلى...انت الغلا كله انت الغلا كله...انت الغلا كله انت الغلا كله...قلبي نسى الدنيا بس مانساك انت...شاغل بالي والله والوقت لك كله ...ماكنه في الدنيا غيرك ابد انتا...
و تفكر..تفكيرها هالايام كتير يتجه لـ هالانسان الغريب..انسان ماعمرها شافت زيه..بس المهم والاهم انه بدا يستحل تفكيرها بقوه...ويستحل لو جزء صغير من قلبها..
مرام:منال مناااااااااااااال
منال وهيا مفجوعه:ها خير خير وش صار؟
مرام:ولا شي بس ليا ساعه اقول منال ومنال وماتردي وين وصلتي؟
منال وهيا تطالع في سقف الغرفه:وصلت وصلت وصلت لي الـ ولا شي وصلت بس للأوهام والضياع
مرام بحيره:والله بتخليني اتجنن من تفكيرك ذا ايش وصلتي لي الـ ولا شي هاذي بعد؟
منال وهيا تقعد وتطالع في مرام زميلتها بالغرفه والانسانه اللي ماتخبي عليها شي:والله يامرام ماني عارفه بفكر في ايش ولا ادري وين بتوديني افكاري الغريبه هاذي
مرام وهيا تقعد جمب منال وتحط يدها على كتفها:خير يامنال في شي مضايقك انا ضايقتك بشي؟
منال:لالا ماضايقتيني ياقلبي بالعكس انتي الانسانه الوحيده في العالم اللي مستحيل تضايقني
مرام:اجل؟
منال:والله مدري يامرام استحل تفكيري وعقلي وكلي مدري ايش اللي يخليني افكر فيه بس مدري والله مدري عيونه نظراته كلامه صوته كل شي يشغلني كل شي
مرام فهمت منال تتكلمم عن مين وقالت:بس يامنال اخاف انك تدخلي نفسك في دوامه تضيعي في نهايتها حسب مافهمت منك انه خالد كان يحب زوجته وعلى ما اعقتد انه مابيتزوج او يحب من بعدها...لمن قالت مرام هالكلمات انصعقت منال خالد يتزوجها يحبها اهي لالالا مستحيل تخون صحبتها حبيبة قلبها..تغدر بها بعد ماراحت وغابت عن هالدنيا..مستحيــل...
مرام كانت عارفه افكار منال واتعمدت تقول هالكلام عشان تخليها تعرف وترجع للواقع..
مرام:انا عارفه انك ماتبي هالشي وعشان كدا ما ابغاكي تقحمي نفسك في هالموضوع وانتي عارفه نهايته
منال والدموع تنذرف من عينها لاشعورياً:ما اقدر يامرام ما اقدر مدري وش اللي جاني احس طيفه كل شوي يمر من قدام عيني احسه معايا احسه موجود بكياني مدري وش اللي صار فيا صرت افكر فيه دوم وبدون سبب
مرام:مين قلك انه بدون سبب؟
منال وهيا تطالع في عيون مرام بإستغراب وخوف:وش تقصدي؟
مرام وهيا توقف:ها ولا شي يلا عن اذنك بروح للبنات
منال وهيا تمسك يد مرام:مرام معقول يكون تفكيرك صح معقول معقول؟؟!!
مرام:ياقلبي يامنال اخاف اوعيكي لشي يكون سبب آلمك بعد كدا يامنال طريق خالد كله شقى وعتبات وانا ما ابغاكي ابداً تتعذبي
منال وهيا تسيب يد مرام وترخي راسها لتحت:خلاص طيب فهمتك روحي
مرام وهيا تقعد تاني وتحضن منال:ياقلبي يامنال الله يعينك يارب الله يعينك
منال رمت نفسها في حضن مرام وقعدت تبكي..تبكي بكا وحده متعذبه تبكي بكا غريب...عميــق..بكا..بكا في نظرها ماله سبب..بكا شوق..وحب...والـم..بكا شي لسه ما اُكتشف بنسبالها وبنسبى لخالد...
في مكان تاني بجده....
.....:قلتلك تعالي هناااااااا تعالي هاتيهااا
.....:مافي ماني جيه سيبني في حالي حرام عليك
.....:بالطيب بتكلم انا هاااتيهااا
.....:ههههههه تحلـــم...ويقطع عليهم حوارهم دخول احد الغرفه...
احمد:بابا ماما ايث بتثوو ثوتكم مره عالي؟؟
مي:هههههههههههههههههههه الله يفشلك يا رائد فشلتنا
رائد كان قاعد يلحق مي لانه معاها صوره لرائد وهوا صغير ويبغا يشقها لانها مو عاجبته بس مي اخدتها وهربت منه ورائد قاعد يجري وراها عشان ياخدها..
رائد استحى من ولده وقال له:احمد بابا روح نـام بكره وراك مدرسه
احمد واللي يفرك عينه بيده:انا كنت ابا انام بث انتو مره صوتكم عالي
مي طالعت في رائد ومسكة ضحكتها..ورائد طالع فيها بقلة حيله وسكت..
احمد:بابااااااااااا
رائد:خيررررررررررررر
احمد:ليه كنتو بتضحكو ايث ثار؟
رائد وهوا يرفع واحد حاجب:وانتا اشلك اقول روح غرفتك فارق يلا فارق
احمد وهوا يروح يمسك يد امه ويتخبا وراها:ما ابا ابغا انام عندكم
رائد وهوا معصب:مي شيلي ولدك هادا وروحي نوميه
مي وهيا تطالع في ولدها:حبيبي احمد ليه ماتروح تنام في غرفتك مع فهد حرام عليك تسيبه ينام لوحده مسكين يخاف
احمد:لااااا ما يحاف هادا الولد روحي ثوفيه نايم من اول ويطلع ثوت كمااان
مي وهيا تخبي الصوره بدون ماينتبه لها رائد:هههههههههههههههههه والله انك تحفه حمودي اقول تعال معايا انا حنام معاك في الغرفه ونسيب هادي الغرفه لبابا ايش رايك؟<<<وتطالع في رائد وتبتسم بخبث..
احمد وهوا مبسوط:ثحححح نثيبه هنا لوحده كاكاكا يلا يلا
رائد وهوا مو مصدق اللي بيقوله ولده:احمد ولد احد يقول عن بابا كدا انتا ماتحب بابا؟؟!!
احمد واللي انحرج من ابوه ماعرف ايش يقول:هاا لالالا احبك والله والله..بثثث عثان انتا ماتباني انام عندكم عثان كدا انا وماما نروح ننام في عرفتي هاهاها
مي انفجرت من الضحك:ههههههههههههههههههه هههههااااااي
رائد انقهر ومسك احمد وشاله وراح يجري بيه...
احمد:بابااااااااااااا لااااااااااااااا نزلني نزلني
مي وهيا تجري وراه:رااااااااااائد رااااائد سيب ولدي حراااااام عليك نزله سيبه في حاله راااااائد رائد
رائد وهوا يضحك:ههههههههههههههه مافي مافي مالك دخل بوريه شغله هالمفطوس تسبوني لحالي هااااا اوريييييكم
احمد بصراخ:بابا اثف اثف والله بث ثيبني
مي وهيا تضحك:ههههههههههههه رودي((رودي دا الاسم اللي تدلع بيه مي رائد))حرام عليك عاد ولد صغير تاخد على كلامه
رائد وهوا يوقف جري ويطالع فيها بخبث:اهاااااا ولد صغير طيب نمشيها دا ولد صغير بس انتي حرمه كبيره تاخدي صورتي وماتديني هيا لييييه ليييييه؟؟؟؟ظ
مي:والله حلووه يا رائد حرام عليك مايصير تشقها
رائد:والله صورتي وانا حرررر مووو عاجبتني انتي ايش لك
مي وهيا تقرب منه:رووووووودي قلبي حياتي خلاص خلي الولد يروح ينااام بعدين نتفاهم
رائد وهوا يبعد عنها:بعــدي عنــي تبي تاخدي الولد ههههههههههههههه والله خلاص صرت كاشفك ماتمشي حيلك عليا
مي وهيا تمد بوزها شبرين:ويعني ايش اسويلك طيب عشان تسيب الولد؟؟!!
احمد وهوا يدخل في نص الحوار:ايوه ايث تثويلك عثان تثيبني ايث دا؟
وانفجرو رائد ومي من الضحك:ههههههههههههههههههه هههههههههههههه
رائد وهوا يبوس احمد على خده ويقلد طريقته في الكلام:ولاثي بث روح نام وفكنا
احمد بفرح:تيب تيب والله اروح انام والله
رائد وهوا ينزله على الارض:يلا تصبح على خير
احمد وهوا يبوس ابوه على خده:وانت من اهله
مي:ههههههههههههههههه والله حركات حمودي صرت تعرف تقول وانت من اهله
احمد وهوا يطالع في امه بحيره:ايوه مو فهد يقولك كدا لمن تقوليله تثبح على خير
مي:ايوه صح شطوور يلا روح نام حبيبي
احمد:تيــــب...وراااح احمد غرفته ينام وبقيت مي مع رائد في الصاله...
رائد كان يطالع في مي بخبث ويقول في نفسه والله لجننها زي ماجننتني...وقعد على وحده من الكنبات الموجوده..
مي قعدت على اقرب كنبه جمبها وقعدت تطالع في رائد بحيره..غريبه قاعد ساكت ولا كأنه صار شي...
مي:رودي
رائد.....
مي بدلع:روووووودي
رائد......
مي وهيا تقوم وتقعد جمبه:رائد حبيبي ايش بك؟
رائد وهوا يطالع فيها بغضب مصتنع:نعممم خير ايش تبغي؟
مي انصدمت من ردة فعله بس بعدين حست من عيونه انه بيلعب عليها فقالت في نفسها ههههه تبا تلعب عليا يارائد طيب انا بقلب الموضوع واخليك تلعب على نفسك..
مي طالعت فيه بنظره وقالت:ولاشي بس خليك هنا...وقامت بطريقه تبين انها زعلانه وراحت على غرفة نومهم وقفلت الباب..وتركت رائد لوحده بالصاله..
رائد:وييي ايش دا هههههههههههههه قلبتها عليا الدبه سابتني لحالي طيب يامي طييييب...وراح لغرفة نومهم...وجا يفتح الباب لقاه مقفوووول...
رائد بصدمه:ميييي مييييييي فكي الباب
مي من ورى الباب وهيا تحاول ماتضحك:نعممم خيررر ايش تبغاا؟؟
رائد:ههههههههههههههه تقلديني اوريكــي فكي البااااااب
مي بدلع:ليـــه؟
رائد بإستغراب:ايش ليه ابا ادخل غرفتي ابغا انااام
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك