رواية اسم على مسمى -26

رواية اسم على مسمى -26

الجوري: الحمد لله بس أحس بألم بظهري..
د: طبيعي يألمك.. والحين راح يألمك زياده لأن لازم نغير الضماد..
فهد: طيب حنا بنطلع إذا بغيتي شي نادينا..
الجوري: جنان خليك معي..
جنان خايفه بس ما تبي تكسر خاطرها: طيب..
طلعوا كل اللي في الغرفة بقى "جنان و"د" و "ممرضتين""
بدوا الممرضتين يشيلوا الضماد.. وصلوا لمنطقة الحرق..
الجوري تبكي وتصارخ: آآآه يألم.. مابي مابي لا تغيرونه..

جنان مسكت أياديها: هدي حبيبتي.. هدي..

د: خلاص يالجوري مابقى إلا القليل..

كان الحرق في الجزء الأيسر أعلى ظهرها..

شافته جنان وتأثرت مرره بس ما بينت قدام الجوري..

الجوري: يألم صكوه بالضماد ماقدر أتحمل..

لفوه بأسرع شي عندهم..

عطوها أبرة تخدير..

د يكلم جنان: راح نعمل العملية بكره الصباح..

جنان هزت راسها بمعنى طيب..

طلع الدكتور..

فهد: كيفها يادكتور..؟

د: طيبه.. بس راح نعمل لها العملية بكره الصباح عشان تفتك من الآلام في أقرب وقت ممكن..

فهد: على بركة الله..

دخل فهد عليهم..

فهد بهدوء: شخبارها..؟

جنان: الحمد لله.. فهد..

فهد: نعم..

جنان: شفت الحرق..

فهد: كبير..؟

جنان: شوي..

فهد: سمعت صراخها..

جنان: ايه المسكينه جلست تصارخ من الألم..

فهد بتعب: أهااا.. جنان خلينا نرجع البيت نرتاح وبكره من الصباح نجي..

جنان كانت بتقول لا بس بعدين حست أن فهد تعبان..: طيب..

باست الجوري على راسها..

ورجعت مع فهد إلى الفله..

وصلوا جناحهم.. فهد أخذ له شاور وحاول ينام بس مانام.. أما جنان خذت لها شاور.. وسرحت شعرها.. وراحت نامت على السرير وحطت راسها على كتف فهد.. حط فهد يده على ظهرها..

جنان: حبيبي ما نمت..؟

فهد: مو بقادر أنام..

جنان: حتى أنا أحس نفسي ما راح أناام..

فهد: بس أهم شي نريح شوي بعدين نرجع..

جنان سكتت وفهد سكت

جنان بعد فتره: تصبح على خير

فهد: وأنتي من هله..

بعد فتره فهد حس بدموعها على صدره رفع راسها له: جنان ليش تبكين..؟

جنان مسحت دموعها: لا ما فيني شي.. أنت نام ولا عليك..

فهد: كيف ما علي منك..؟

جنان نزلت راسها وسكتت..

فهد: شوفي حبيبتي.. أنشاء الله طلال بيرد لنا ساالم.. والجوري بعد أنشاء الله بكره تنجح العملية.. وأنتي لازم تتفائلين..

جنان: أنشاء الله..

قامت من السرير..

فهد: وين..؟

جنان: ما فيني نوم وأصلا أنا بزعجك إذا جلست معك..

فهد: بالعكس تعالي..

جنان هزت راسها بمعنى لا..

فهد دار الجهة الثانيه: أحسن..

جنان رفعت حاجبها وتقول في نفسها يعني زعل..

جنان ما لها خلق أبدا أنها تراضيه.. وزهقانه وتفكر في طلال والجوري والحين فهد..

جنان راحت له وحطت يدها على كتفه: حبيبي زعلت..؟

فهد سااكت عنها..

فرته لها: تزعل من جنو..؟

فهد بعد ساااكت..

جنان: فهد والله الموضوع ما يستاهل أنك تزعل..

فهد: عندك ما يستاهل..

جنان باسته: آسفه..

فهد ما توقعها منها.. ضمها له..

في اليوم الثاني..

الجوري دخلوها غرفة العمليات..

وطلال حاله ما تغير..

شوق درت بالسالفه من صاحبتها أهي اللي قالت لها وتصلت على فهد على طول

فهد اللي كان رايح المستشفى: الووو..

شوق وصوتها كله بكي: فهد صحيح اللي سمعته..؟

فهد: أيش اللي سمعتيه..؟

شوق: طلال والجوري صابهم حادث..

فهد: ايه...وقال لها التفاصيل..

شوق: الحين ثنينهم يدخلون العمليات ولا تقولون لي..؟!

فهد: كنا خايفين عليك..

شوق: حتى ولو.. أدري من الغريب ولا أدري منكم..

فهد: حقك علي.. والحين أنا رايح المستشفى أطمن عليهم وبعدين أكلمك عشان أقول لك التفاصيل.. طيب..؟

شوق: طيب.. مع السلامه..

فهد: الله يسلمك..

جنان: أكيد درت..؟

فهد: أيه درت..

أم فهد: أنا كنت خايفه أقول لها بس الناس الله يهداهم لازم يعكرون مزاج الواحد..

فهد: أيه والله..

وصلوا المستشفى.. نزلوا..

راحوا على طول يسألون عن حالة الجوري وطلال

خبروهم أن الجوري خلصت عمليتها ونجحت ونزال الحرق تماما.. وطلال على حاله..

أم فهد: الحمد لله ياربي..

: الحمد لله..

فهد: عقبال طلال أنشاء الله..

: أنشاء الله..

راحوا إلى طلال سلموا عليه وظلت جنان معه وراحوا البقيه إلى الجوري..

بعد يومين في المستشفى

جنان حاولت فيه يمكن يجلس.. مسكت يده: طلال.. قوم يا خوي.. قوم وكمل لنا فرحتنا..

طلال:....

جنان: طلال نهون عليك تخلينا بروحنا..

طلال:.....

جنان: نسيت وعودك لي أنك مستحيل تتركني أنت سندي بعد الوالد..

سمعته يتكلم بس ما فهمت

جنان: طلال تسمعني..؟

طلال:....ما...ي..

جنان ما أستوعبت..

طلال فتح عينه: ماا...ي..

جنان نزلوا دموعها..: طلال أنت جلست.. طلال كلمني.. أنا يتهيئ لي صح..

طلال: الجو...ري..

جنان بطير من الونااسه بكت: بخيير.. بس أنت لا تعب نفسك.. لحظه بروح أكلم فهد..

طلعت بره وكلمت فهد..

فهد اللي كان مع أمه وخواته عند أخته : هلا..

جنان: فهد.. طلال صحى..

فهد: أيش..؟ هذا أنا جاي لك..

صكت جنان الجوال ورجعت إلى طلال..

جنان تبكي: الحمد لله أنك رجعت لنا..

طلال أبتسم بتعب..: لا.. تبكين..

جنان مسحت دموعها..: أنشاء الله..

طلال: أبي... مااي..

جنان: طيب بنادي الدكتور.. وأشوف أيش يقول..

جاء فهد وتفاجئ شافه فاتح عينه وسوالف: كيفك يا أبو فهد..؟

طلال دار له وأبتسم: بخير..

فهد سلم عليه وباسه على راسه..: الحمد لله على سلامتك..

طلال: الله... يسلمك..

فهد: خوفتنا يا رجال..

طلال: أشوف.. غلاتي.. عند..كم

فهد: غالي لا تخاف..

طلال دار إلى جنان وقال: أبي.. ماي.. حلقي..نشف

جنان: سوري حبيبي نسيت.. فهد شوف الدكتور وقول له أن طلال عادي يشرب ماي..

فهد: لحظات بس..

راح إلى الدكتور وقال له عن طلال وجاء معه

د: الحمد لله على سلامتك..

طلال: الله... يسلمك..

د: تحس بآلام..

طلال: في.. جسمي كله..

د: معليش.. هذا شي طبيعي..

فحص عليه وقال: عادي يشرب مويه بس شوي لا يكثر..

فهد: طيب..

طلع الدكتور وفهد طلع معه..

جنان جابت له مويه وشربته: بالعافيه..

طلال: الله يعافيك.. جنان.. وين أمي..؟

جنان: بالطريق جايه..

طلال: والجوري..؟

جنان: شفيها..؟

طلال: ليش ماجات لي..؟

جنان: جات لك البارح بالليل..

طلال: كثرت.. والله..

جنان ما حبت أنه يلوم الجوري فقالت له كل شي..

طلال: أحترقت..؟؟؟؟؟

جنان: في ظهرها بس قبل يومين عملت لها العمليه ونجحت..

طلال أرتاح: الحمد لله..

جنان: مره ثانيه لا تلومها أنت ما تدري بشي.. ماشفتها أول يوم كيف قلبت المستشفى فوق تحت لما درت عنك.. صارخت وبكت وجات لك هنا وأهي مو بس تعبانه إلا كانت بتموت من التعب.. تخيل أنها كانت محترقه وجات لك.. وأهي تتألم وتبكي من الألم.. أسمعني لا تفكر بيوم من الأيام تلومها.. سمعت..؟

طلال ساااكت.. بس نزلت دمعه من عيونه على الجوري..

جنان مسحت دمعته..: خلاص ما نبي نشوف دموع بكينا بما فيه الكفايه.. أنا راح أزور الجوري لأني ما رحت لها اليوم طيب..؟

طلال أبتسم: طيب.. وبوسيها.. عني..

جنان أشرت على عينها وراحت..

طقت باب غرفة الجوري

أم فهد: تفضل..

دخلت جنان سلمت على الجوري وباستها..: شخبارها..؟

أم فهد: من شوي نامت..

جنان أبتسمت: خاله.. طلال صحى..

أم فهد بفرحه: صحيح..؟

جنان: أيه..

أم فهد: الشكر لك يارب.. أنا بروح له أشوفه..

جنان: طيب..

راحت أم فهد..

أذن العصر توضت جنان وصلت..

وراحت جلست على الكنب اللي جنب الجوري..

دخل فهد..: حبيبتي ما تعبتي..؟

جنان: لا عادي..

فهد: إذا تعبتي برجعك الفله..

جنان: لا ما تعبت..فهد..

فهد: هلا..

جنان: متى تطلع الجوري..؟

فهد: والله ما سألت..

جنان: عاد أسأل..

فهد: حفظوا شكلي من كثر ما روح لهم..

جنان: هههههه..

فهد: أيه أضحكي أضحكي.. بس أتوقع ما راح يطلعونها الحين..بطلعونها لما تتشافئ عدل..

جنان: أهااا..

الجوري: جنان..

جنان دارت لها على طول..:أزعجتك حبيبتي..

الجوري: لا عادي..

فهد: شخبارك..؟

الجوري: بخير..وأنت..

فهد: الحمدلله.. أنا عندي مشوار بروح أخلصه وأرجع وباخذ أمي وخواتي معي..

جنان: طيب.. أمي راحت البيت..؟

فهد: يس..باااي..

جنان: باي..

طلع فهد..

الجوري: طلال ما صحى صح..؟

جنان أبتسمت: لا..

الجوري: توقعت..

جنان باستها: يسلم عليك وهذي البوسه من عنده..

الجوري: تستهبلين..

جنان: صحى من زمان..

الجوري: لا تلعبين بعصابي.. صحى ولا لا..

جنان ضحكت: لا..ولا أقولك.. أيه ولا..

الجوري: جنااااان..

جنان: ههههههههههه..

الجوري: أوووووف..

جنان: خلاص خلاص صحى..

الجوري: تتكلمين من جدك..؟

جنان: وجد جدي بعد..

الجوري ماصدقت: هاتي لي التلفون..

جنان عطتها التلفون..

الجوري كلمت الرسبشن وقالت لهم يحولونها لغرفة طلال..

رن التلفوون.. وقلبها يدق مع التلفون..

جاها صوته..

طلال: الوو..

الجوري مهي مصدقه:.....

طلال: الووو.. الوو.. ماراح تردون.. بكيفكم..

الجوري: حبيبي وحشتني..

طلال ما أستوعب للحين: الجوري..؟! سمع صوتها تبكي.. حبيبتي أنتي بعد.. مره وحشتيني.. مو تبكين.. أنا جنبك..

الجوري: أنت بخير..؟

طلال: من سمعت صوتك صرت بخير.. وأنتي كيفك..؟

الجوري: إذا أنت بخير أنا بخير..

جنان: لا تاخذين راحتك أنا هنا..

طلال اللي سمعها: ههههه ..هذي ما راحت..؟

الجوري: لا

طلال: وخلتني بروحي طول.. هالوقت أوريها..

الجوري: مسكينه أهي تجلس معي لو معك..؟

طلال: لا اجل خليها معك عشان تونسك..

الجوري: ايش رايك أجي لك..؟

طلال: لااا..

الجوري: ههههه

طلال: خليك مرتاحه أن قمتي إلا بتشوفين شي عمرك ما شفتيه.. مع أني أبي أشوفك بس راحتك أهم حبيبتي..

الجوري: طيب.. ما نمت..؟

طلال: لا ملان شوي واحس نفسي نمت كثير..

الجوري: أهاا..

طلال: تحسين بألم..؟

الجوري: قليل..

طلال: آسف بس والله ما أنتبهت إلى الشاحنه..

الجوري: طلاال لا تقول هالكلام وبعدين مني أنا.. أنا خليتك تطلع معي..

طلال: ياقلبي وأنتي بعد لا تقولين هالكلام..

الجوري وطلال سكتووا..

طلال: أيش فيك ساكته..؟

الجوري: بس كذا.. أهم شي أني أحس بوجودك معي..

طلال أبتسم..: أحبك..

الجوري: وأنا بعد.. ومن حبي لك مترقده معك بنفس المستشفى..

طلال: هههههه..الجور..؟

الجوري: هلا..

طلال: خلي جنان تصورك وتجيب صورتك..

الجوري: لا لا لا حالتي حاله..

طلال: طلبتك..

الجوري: طيب إذا رضت..

طلال: قولي لها

الجوري: حبيبتي جنان..

جنان: هلا..

الجوري: يقول لك طلال صوريني وودي له صورتي..

جنان: لأنكم توكم صاحيين راح أنفذ لكم.. يعني من طيب أصلي..

الجوري: شكرا يا أحلى حماه..

جنان صورت الجوري بجوالها

الجوري: على الأقل رتبي شعري..

طلال: لا أبيك كذا..

جنان: أقرع ومتشيرط..

الجوري: مالي شغل أن تخرعت..

طلال: في أحد يتخرع من حبيبته..

جنان ودت الصوره له..

جنان: كيفك يا أخوي..؟

طلال: طيب..

عطته جنان الجوال..

طلال: تجننين..

الجوري: أيه العب علي بكلمتين..

طلال: أفااا.. أنا ألعب عليك بكلمتين..

جنان حست بدوخه مره وحده وجلست على الكرسي..

طلال: جنان أيش فيك..؟

جنان: ولا شي..

الجوري: أيش فيها..؟

طلال: مادري.. شوي وأكلمك.. صك السماعه..

طلال: جنان تكلمي أيش فيك..؟

جنان: ولا شي.. يمكن لأني البارح ما نمت كويس..

طلال: ليش ما رحتي مع فهد.؟

جنان: كنت مو تعبانه..

طلال عطاها الجوال: كلمي السواق وخليه يجي لك.. لأن فهد مشغول..

جنان أخذت الجوال: طيب..

كلمت السواق وجاء أخذها وراحت الفله..

دخلت.. كانت أم فهد وفاطمه بالصاله..

جنان: السلام عليكم..

أم فهد: وعليكم السلام حياك يابنتي..

جنان: لا ياخاله تعبانه وأبي أرتاح فوق..

أم فهد: روحي يا بنتي وجهك أصفر..

جنان: طيب..

دارت بتركب الدرج.. جاتها الدوخه مره ثانيه.. جلست على الدرج..

جاتها أم فهد

أم فهد: أيش فيك ياجنان..؟

جنان: مادري.. دوخه..

مسكتها أم فهد وساعدتها تركب الدرج..

جنان: خلاص ياخالتي.. أقدر أروح الغرفه بروحي..

أم فهد: متأكده..؟

جنان: ايوه ياخاله مشكوره..

كملت لين ما وصلت لدارها.. بدلت ملابسها ورسلت إلى فهد مسج(( حبي أنا رجعت الفله ))

ونااامت...

الساعه 9 بالليل.. جاء فهد..

فهد: السلام عليكم..

: وعليكم السلام..

فهد باس راس أمه: شخبارك يالغاليه

أم فهد: بخير.. شخبار مرتك..؟

فهد: هذاكي فوق..

أم فهد: أدري بس من شوي لما جات داخت علينا..

فهد: داخت..؟

أم فهد: أيه وكان وجهها أصفر..

فهد خاف عليها: ما دري عنها.. أهي الله يهداها البارح ما نامت واليوم راحت المستشفى ولا رضت ترجع معي.. وقف.. أنا بقوم أشوفها..

أم فهد: طيب..

ركب فهد ودخل جناحهم راح غرفة النوم لقاها ناايمه..

راح لها وجلس بجنبها على السرير ولعب بشعرها: حبيبتي.. أصحي..

جنان: هلا.. رجعت..؟

فهد باسها على جبينها: أيه.. سمعت أنك تعبانه..

جنان: أرهاق بسيط.. عادي..

فهد: أكيد..؟

جنان: أيه..

فهد: أجل قومي تعشي معي..؟

جنان مالها خلق بس: طيب..

فهد: أنا اللي بجهز لك الأكل..

جنان أبتسمت: بنشوف أيش بتسوي؟

فهد: بسوي لك أبداعاتي..

جنان: نشووفك..

فهد: بعمل لك بيض..

جنان: هههههههههه..

فهد: أضحكي أضحكي.. تستهينين بقدراتي..

جنان: لا.. ههههههه

فهد: تدرين هونت ما بطبخ..

جنان: ههههه ليش..؟

كلم أمه وقال لها تخلي وحده من الخدم تجيب لهم عشاء..

جنان أبتسمت: ليش..؟

فهد: كذا..

جنان: لا يكون زعلت..

فهد: قلت لك من قبل أني ما أزعل منك..

جنان أبتسمت له.. تقربت له نطق باب جناحهم..

فهد: أووووووف منهم..

جنان: ههههه حبيبي قوم أفتح الباب..

فهد بملل: طيب..

فتح الباب وكانوا الخدم.. دخلوا العشاء.. وقال لهم يرتبونه على الطاوله.. رتبوه وطلعوا..

فهد: جناان.. قومي تعشي..

جنان: طيب..

جات جنان وتعشت مع فهد..

في اليوم الثاني

شوق زارت الجوري

شوق: صرتي أحسن..؟

الجوري: ايه.. وكيف خلودي..؟

شوق: تمام مع أبوه عند طلال..

الجوري: لااااا روحي هاتيه أبي أشوفه..

شوق: ههههه مستحيل وليد بخليني أخذه لأن من شوي طلعناه من الحضانه..

الجوري: أوووف..

شوق: تحسين بآلام..؟

الجوري: لا.. وقال الدكتور خلاص يمديني أطلع.. وراح أخلي فهد يطلعني لأني صراحه مليت..

شوق: تطلعين بس ترتاحين في البيت مو تتنقزين..

الجوري: ههههه طيب..

شوق: أنا راح أمشي طيب لأني للحين أحس بتعب..

الجوري: طيب حبيبتي..

شوق باستها: مع السلامة..

الجوري: الله يسلمك..

طلعت شوق وراحت بيت أهلها..

الجوري كانت ملاانه مرره.. نادت النيرس..وقالت لها تجيب كرسي متحرك عشان تروح تشوف طلال..

جابته لها وركبته بمساعدة النيرس..

دفتها النيرس لعند باب غرفة طلال وراحت عنها..

طقت الباب..

طلال: تفضل..

الجوري فتحت الباب: تسمح لي أدخل..

طلال أبتسم: طبعا..

دخلت الجوري وراحت له..: كيفك..؟

طلال: من شفتك صرت بخير..

مسكت يده..

طلال: وأنتي شخبارك..؟

الجوري: بخير..

طلال: وحشتيني..

الجوري: وأنت بعد وحشتني..

طلال: جيتي بروحك..؟

الجوري: لا وصلتني النيرس لعند الباب..

طلال: ومتى بتطلعين..؟

الجوري: اليوم..

طلال: أحس وجهك شاحب ليش ما تجلسين أكثر..؟

الجوري: حبيبي مليت وأنا هنا..

طلال: وتخليني بروحي..؟

الجوري: لا طبعا يوميا أنا جايه لك..

يتبع ,,,,

👇👇👇