رواية امانة برقبتك -21
في الشركه
نواف:وشوو؟؟ اشتغل معك؟؟؟
طلال:مو انت ادارة اعمال تخصصك؟؟
نواف:ايه
طلال:خلاص انا ابغاك تساعدني بلشغل لاني صاير اتعب،، من ابوي ماتقاعد وخلى لي كل شي،،وانا ابغاك تمسك حصة روبي اختي وتخليني اتفرغ للي لنا
نواف:بس انااا ما انفع
طلال:وليش لا؟؟؟ وبعدين انت ماعندك شي وماشاءالله عليك متخرج بشهاده حلوة واي شركه تتمناك
نواف يفكر:..
طلال:انا من عرفت انك رجعت الرياض مره انبسطت وحبيت ان انت الي تمسك حلال زوجتك بنفسك وبعدين انا كنت ناوي اجيب احد يساعدني كذا ولا كذاا لاني ما اقدر اشتغل لحالي الشغل كله وفكرت فيك قلت احسن من اني اجيب الغريب وبعدين يضحك علي
نواف بعد تفكير:ان شاءالله يكون خير بس خلني افكر
طلال:انا اتمنى انك تحط عرضي هذاا بعين الاعتبار وانسى مشاكلك وصدقني ماني لاقي احسن منك يمسك الشركه معي
نواف بأبتسامه:هذاا من طيب اصلك وان شاءالله ارد لك قريب
طلال:اتمنى اشوفك بكره مداوم دوام رسمي
نواف:ههه على طول
طلال:مررررررره ترى انا ماعندي لعب في الشغل مفهوووم
نواف:ماكنها حقتي؟؟
طلال:وش نسوي بركات زوجتك كل ماقلنا لها شي تقول مفهووم مفهووم
نواف الي ابتسم بحزن وسأل:تكلمك؟؟؟
طلال:لا بس قبل يوم كنت اكلمها
نواف هز براسه:ان شاءالله تكون بخير
طلال:ان شاءالله
نواف الي مد يدده بحزن لطلال وابتسم:مشكور وان شاءالله ارد عليك ،،فمان الله
طلا:ان شاءالله،فمان الكريم
في الكفي
نواف:والله مدري احس اني متردد
وافي:والله نصيحه وافق وبعدين صدقني بتندم لو ترفض الكل وقف ضدك الا هوو الي وقف معك وحاول يساندك اقلها رد له جميله وساعده في الشغل وكلام الرجال منطقي وبعدين الحلال حلا زوجتك ومن بيديره غيرك مستقبلاا صح ولالا؟؟
نواف:صح
وافي:وبعدين تقدر تشتغل بحصتك وتضمها لحصتها وبتصير شركتكم اكبر واحسن شركه
نواف:لا هذاا الكلام بدري عليه وبعدين جدي انت ناسي انه مايبي يشوف وجهي الا لين رجعت له روبي
وافي:خلاص اجل ان اشوف انك تلهي نفسك في الشغل بدال ما انت جالس بلا شغله ولا مشغله
نواف:هذاا رايك؟؟؟
وافي:ايه والله وصدقني ان شاءالله ربي بيهونها
نواف: انشاءالله
اليوم الثاني
في الشركه
طلال منهمك في الشغل الا ينطق الباب:تفضل؟؟؟
:السلام عليكم
طلال الي قام من سمع الصوت:هلاا هلا والله نواف تفضل
نواف:زاد فضلك
طلال:هااه ان شاءالله تكون جالي تشتغل
نواف الي ابتسم:ان شاءالله
طلال:زييييييين زييييين يارجال الله يبشرك بلخير
نواف:امين
طلال:اجل تفضل معي اوريك مكتبك ونبداا الشغل واي شي انت ما تعرفه انا موجود
نواف ابتسم:ان شاءالله
في بيت الجد
ابو نواف:يبه والله الولد ندمان
الجد:وش يفيدني ندمه خله يحترق ليييين القى بنتي الي ضيعها
ابو نواف:بس هوو ماله ذنب هي الي طلعت بدون مايدري
الجد:مايهمني انا قلت له انها مانه في رقبته وهوو الي فرط فيها وانا ماني مسامحه لين اشوفها بعيوني
ابونواف:بس لها فتره ضايعه وبعدين هوو سواا الي عليه ودورها في كل مكان ومالقاها لدرجة انه بلغ الشرطعه هناك
الجد:ولووو هوو لييييييييييييييه من الاساس سواا كذاا؟؟ خله وانا اللي بلقاها بعون الله وحسابه معي عسير لايحسب اني قضيت يوم ضربته ذاك اليوم هذي بس البداايه وبيشووف بعدين>>>الله يستر منك
ابو نواف:لاحول ولا قوة االا بالله
في بريطانيا
....روبي الي جالسه وفجئه طرى على بالها نواف...
ياقلب عودنا على طير يالي .. ماقلتلك مليون مره تناساه ماقلتلك ياقلب خله يولي .. لاتلتفت يمه ولاعاد تبغاه...
افففففففف ياربي خلاص نفسي اشيله من افكاري ابي اعيش يووم لو يوم بلا ما افكر فيه:اتمنى اتمنى
العم فادي الي كان يقرا الكتاب ونزله:شوو بتتمني؟؟؟
روبي:اشيل نواف من بالي؟؟؟
العم فادي:مابتأدري بس بدي ألك حكمه؟؟
روبي:حكمه؟؟؟
العم فادي:يمكن ماتكون حكمه بمعنى حكمه بس انا بحب امشي عليا كتير في حياتي
روبي:وشووو؟؟
العم فادي: إذآ أحببت شيئآً بشدهـِ ,, فـِ أترڪهـِ إن ع ـِآد إليڪ فهـِو ملڪ لڪ و إن لم يـِعـِد فهـِو لم يڪن لڪ من آلبدآيه
روبي:........................
العم فادي:فهمتيني
روبي:ايه
العم فادي":انتي طبئيها على نواف انتي تركتيه صح؟؟
روبي:صح
العم فادي:ازا رجع لألك فهووي لألك
روبي بحزن:ان شاءالله
ودي ابكــي لين ما يبقى دمــــوعمن جروحٍ صارت بقلبي تنـــــوعانطفت في دنيتي كل الشمـــــــوعغربتي طالت متى وقت الرجـــوعان شكيت للحال محدٍ لي سمـــوعطال صبري والزمن عيّ يطــــوعودي اشكي لين ما يبقى كـــــــلامومن همومٍ احرمت عيني المنـــاموالهنا ما يوم في دنيـــــــــاي دامكل عام امني احلامي بعـــــــــــاموان سكت الناس زادوني مـــــلاموالرجا باللي عيونه ما تنــــــــــام
في الرياض
في شقة نواف
وافي:نواف والله حرام عليك نفسك نقول الشغل بينسيك بس للاسف ولكنك اشتغلت
نواف الي ماسك النظارة الي روبي اهدته اياها يوم طلعوو ذاك اليوم: لين حبيت وتعودت على انسان وفلحظه يروح شلي يبقى فالقلب؟؟ غير الجروح شلي يبقى؟؟ غيرحيره وحزن وهم يبقى ذكراه فالقلب الم
وافي:والله معك حق اناا حاس فيك
نواف بأنفعال:لاااااااااء محد حاس فيني الكل حوولي يلومني الكل حوولي هجروني تركوني ليش اني ضيعتها اناا استاهل هذاا كله اناا الغبي الي فرطت فيها عشان وحده ماتسوااا اناا اناا
وافي:يانواف حرام عليك خلاص انسى
نواف:كيف انسى؟؟؟ قلي لو اقدر انسى كان ما شفتني بهذي الحاله
وافي:الله يهديك
نواف سكت بعدين قال وهو ماسك النظاره بحزن:هذي الي بقت لي منها
وافي يحاول يمتص حزن نواف بلنقاش:طيب وش بتسوي لين قابلتها؟؟ وهي ماتبيك؟؟؟
نواف:عاادي اهم شي اشوفها ابي اهـمس لها واسـولف لها عن اللي ذقتـه بفـرقــاها وابي اشكـي لهاواغنـي لها واهـدي الفكـر عن طـوره
وافي:الله يجمعك بها قريب قل آمين
نواف من قلب:آآآآآآآآآآمين
انتهى البارت العشرووون
توقعاتكم....
البارت الواحد والعشرون
21
بعـــــــــد 8 اشهر
روبي الى الان مختفيه عندهم لا يوجد لها أي اثر،،نواف تحسنت حالته تقريبااا وطلع من حالت الاكتأب الي جته وصار طول وقته بلشغل وبفضل الله ثم نواف نالت شركتهم ارباح مهووله بمساعة طلال طبعاا ومهارة نواف الي تعلم الشغل بسرعه،،فيصل وزياد تخرجوو ورجعوو الرياض وقدمو على وضيفه في بنك وقبلوهم وفيصل وحدد موعد زواجه برهف بعد شهر تقريبااا،،العنود تدرس وخصوصاا ان باقي لها سنه بس الجديد في حياتها ان زياد تقدم لها رسمي وقريب بتملك عليه،،روبي خلصت هذي السنه وباقي لها سنه دراسه عشان هي ضيعت سنه بلا دراسه يوم وفاة ابوها ولا كان الحين هي مثل العنود آخر سنه...
في بيت ابوو طلال
سليمان:مبروووك مبرووك يانواف والله انك رجال كفوو وتستاهل
نواف:الله تسلم هذاا من طيب اصلك
طلال:يبه الصفقه صحيح نواف الي جابها بس انا ساعدته امدحني شوي
سليمان:وانت بعد ياولدي يعطيك العافيه كلكم والله انكم رجال عيال رجال
نواف وطلال:تسلم
سليمان:يله يا عيال انا استأذن بروح للديوانيه تبوون شي
نواف وطلال:سلامتك
سليمان:الله يسلمكم>>>طلع
طلال التفت على نواف:وش فيك يا اخوي كنك مو مبسووط؟؟
نواف:والله ياطلال اني فاقدها تصدق لو كانت موجوده كانت بتفرح لي،، كنت بشوف الفرحه في عيونها آآآآآآه بس وينها؟؟؟ وينها؟؟؟
طلال الي وده يعلمه بس وش يسوي مايقدر وهو يحط يده على كتفه:خلك قوي يا اخوي ان شاءالله هانت وبتلقاها وبعدين الي مكانك يفرح مو يزعل انت سويت لها الشي الكثير وان اشاءالله انها بتسامحك وبترجع لك
نواف: ان شاءالله ،،فمان الله
طلال الي حاس بحزن نواف بس مافي يده شي:فمان االكريم بس نصيحه خلك صابر وان شاءالله ربي معك
نواف:ان شاءالله
ما بنكسـر صابـر .. لو فرصتي تمضــي
والحظ لـو عاثـر .. بصنــع أنــا حـظــي
لــو تنثـر أحـلامـي .. برجــــع أرتبـــها
ولو تصعب أيامـي .. بعيش وماحسبها
يامسهل الدنيا مهما تعاندنا
عادي التعـب عادي .. والهم هو ملحه
ولو ما الحزن بادي .. مانفهم الفـرحه
بعد كـــــــــــم يـــــــــــوم
وحشتني سواليفك وحشة شوفتك أكثر
كل ليلة مع طيفك حبيب الروح أنا أتحسر
طاير من عيوني النوم على ذا الحال كل يوم
سمّعني حبيبي صوتك وسيرني على كيفك
كلامك فيه نشوة الروح يحرّك فيني الوجدان
يعطيني أمل مفتوح في لقياك مهما كان
ساعة يختفي صوتك أعيش بعالم النسيان
ولا قطعت علي الصوت أنا ما اقدر على الحرمان
في مكتب نواف
نواف:صحححححححح،، طلال ،،وشلون الفتره الي راحت راح عن بالي؟؟؟
على طول نواف اتصل على مكتب طلال : طلااااال تعال مكتبي بسرعه
طلال:اوك
بعد شوي جاا طلال:هلا نواف بغيت شي؟؟؟
نواف:اجلس
طلال:وش فيك؟؟؟
نواف:في ذمتك اذا كذبت طيب
طلال:طيب،،بس قل وش فيك؟؟ خوفتيني
نواف:احلف
طلال:والله منيب مكذب بس قلي وش فيك؟؟؟
نواف:روبي لها أممممم >>>وهو يحسب بعدين قال: اربع شهور في بريطانيا وثمان شهور في السعووديه يعنيييييييي 12 شهر،،و12 شهر يعني سنه كامله مختفيه صح؟؟؟
طلال:صح
نواف:انا شفت الخوف والاهتمام في عيون الكل على روبي الا عيونك ليش؟؟؟؟
طلال وهو يبلع ريقه:وش قصدك؟؟ اني ماخفت ولاهتميت بروبي؟؟؟
نواف:لالالالا موب هذاا قصدي!!
طلال:اجل؟؟؟
نواف:انت تعرف مكانها عشان كذاا ما اهتميت ولا خفت مثل الكل
طلال بأنكار:من قال؟؟ لا انا ماا اعرف
نواف:طلال انت حلفت وانا قلت بذمتك وصدقني لو كنت تكذب علي مراح اسامحك طوول عمري
طلال الي سكت :....................................
نواف:والله اني داري انك تعرف مكانها انا شكيت بس قلت لا يمكن هوو بارد ومايحب يضهر عواطفه بس قلت مافي انسان جامد لهذي الدرجه ما يهتم
طلال:بس هي محلفتني مايدري احد؟؟
نواف:بس انا مانيب احد اناا زوجها
طلال:بس هي منحاشه منك
نواف:ادري ودامها منحاشه مني انا الي مفروض اجيبها لان المشكله مشكلتي مو مشكله احد غيري
طلال:والله روبي لو تدري اني انا الي معلمك ما تجيبها للبر
نواف:اصلاا لا تقولها اني عرفت بشي انا بروح لها مكان ماهي موجوده وبحاول اجيبها
طلال:والله مدر وش اقولك؟؟
نواف:قل تم وعطني العنوان
طلال:............................
نواف:طلال والله حرام عليك قسم تعبت بدونها خلني احاول يمكن ارجعها واوعدك لوما رضت ترجع معي بتركها في حالها بس ابي اشووفها اروي نظري بشوفتها أشتقت لها مايحس بنار الفرقااا الا دايسها طلبتك يا خووي لا تردني
طلال الي كان من اشد المتعاطفين مع نواف وخصوصاا بعد ما الكل تخلى عنه وخصوصاا جده وروبي الي ما تبيه ومعتبرته خاين ومايستاهل انها تشوفه ومع هذاا تحبه :تم واناا اخوك تم
نواف بفرحه مايدري وش يسوي مو مصدق انه بيشوف روبي وراح لطلال وضمه:مشكوور والله ما ادري وش كنت بسووي بدونك
طلال:وش دعووة؟؟يله استعجل عشان تحجز اقرب طياره لبريطانيا
نواف:هي هناك؟؟؟
طلال:ايه في مانشستر
نواف:عند خوالها؟؟؟
طلال:لالالالا عند العم فادي
نواف:هوو في لندن مو مانشستر؟؟؟ وشلون؟؟
طلال:سالفه طويله الحين خلص الدوام تعال معي وانا اسولف لك في الطريق
نواف:يله
في بريطانيا
يمرالليل في وقتي وشوقي كسرالاضلاع وعيني ساهره تبكي وكل الناس هجاعه
الاياشوقي السامرتطوع وارسل الاوجاع الآ من هو برمش العين ساكن الحاله
انا مليت من فرقا حبايب ذكرهم ماضاع وشوفتهم بتشفي قلب ضامي زادة اوجاعه:آآآآآآآآآآآآآآآآآآآآآآآآآآآآآآآآآه يانواف ليتني اقدر انساك
اليوم الثــــــــــــــــــــاني
في الريـــــــاض
في المطار
طلال:نواف خلاص عزمت؟؟
نواف:مابذني مااا بس تكفى لحد يدري اني رايح لها
طلال:ابشر بس انتبه على نفسك وأختي
نواف:ان شاءالله انت خلني اشوفها بس وبعدين يصيير خير
طلال:لا ان شاءالله بتشوفها وبتشبع منها
نواف:ان شاءلله ،،يله سلام اسمع ينادون على الطياره
طلال:يله بالسلامه ان شاءالله
نواف:الله يسلم
في بريطــــــــــانيا
اليوم الثاني
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك