رواية الهوى غلاب وامر الله غالب -1
للكاتبه :العازفه الحزينهبسم الله الرحمن الرحيم
اليوم بنزل لكم روايه سعوديه انا الفتها وهي الحقيقه اول روايه انا اكتبها من تأليفي
وبهالروايه راح نشوف ابطال وراح نعيش معهم.. وقصص حب وقصص عائليه كثيره ..
وهالروايه تنفع بكل الاعمار يعني مافيها اي شي خارج النص وتنفع للكبار وللصغار
وبهالروايه احب اشكر الاخ سكوربيون ومن الروايه راح تعرفون السبب
واحب اشكر اختي ح ـزينه ويائسه على بعض الافكار الي دعمتني فيها
وراح انزلكم اليوم اول بارتين تعريف بالشخصيات واول بارت بالروايه
وان شاء الله تعجبكم
عوآآفي عليكم
بسم الله الرحمن الرحيم
بعرفكم على الشخصيات
الجد حامد والجده نوره عندهم ثلاث اولاد مزوجينهم وجايبين عيال وبنتين وحده متزوجه والثانيه مابعد تزوجت واسمها سما عمره (24)تدرس طب اسنان واخر سنه وتتخرج
عائله ابو محمد .. ابو محمد ( صالح ) رجال كبير وغني ومحترم هو كبير العائله وماحد يقدر يكسر له كلمه عنده خمس اولاد وبنت وحده ام محمد ام طيبه وحنونه وتحب عيالها وتحب ام زوجها وتهتم فيها
محمد (30) سنه متزوج وعنده ولدين (صالح وخالد) .. ماجد (27)سنه متزوج بنت عمه بس ابوه غاصبه عليها تركي (25) سنه رافض الزواج نهائيا ولاهو راضي يقول السبب اقرب واحد لابوه مايرفض له طلب بس مايفرق بينه وبين باقي عياله
فيصل (23 ) سنه يحب السفر والطلعات اصحباه كثار بس مايرتاح الا لولد عمه
الهنوف (19) سنه احسن وحده بدراستها دلوووعه وتتمنى لو كان لها اخت تجلس معها وتسولف
رامي (17) سنه اخر العنقوود مدلع وراعي قصات وحركات دايم يهاوشه تركي بس الي براسه يسويه يحب يهتم بلبسه وشكله ومايهمه راي احد الا امه يحبها ويموت عليها ومايرد لها كلمه
عائله ابو خالد (سامي) رجال طيب ويشتغل مع اخوه بالشركه مايكسر له كلمه والي يقوله يمشي على الكل عياله
ام خالد مره طيبه وحنونه بس شديده على عيالها وزوجها وتحب كل شي بترتيب ومواعيد
ملاك (28)سنه متزوجه بمحمد ولد عمها ومبسوطه معه
رغد(25)سنه متزوجه وعايشه مع زوجها خارج المملكه
عفراء (21) سنه تدرس بالجامعه وباقي لها كم سنه وتتخرج متفوقه وتحب دراستها الي هي علم النفس تحب تحلل الشخصيات وتحب القراءه والكل يحترمها لهدوئها وحبها للكل
مريم (19)سنه بعد بالجماعه بس شايله يدها من الدراسه ومالها فيها صديقه الهنوف الروح بالروح ومعها بنفس المجامعه ونفس التخصص
خالد (17) ولد مرتب ونظيف حبوب يحب بنت عمته بس ماتحس فيه يتكلم مع رامي كثير حاول يقنعه يقولها لكنه رافض لانه مايحب المشاكل
عائله ابوحمد (عبد الرحمن)بعد يشتغل مع اخوانه هو اصغر واحد فيهم واكثر واحد قريب من الشباب زوجته وبنته الصغيره متوفين يحب يلم على عياله ومايبين لهم حزنه عنده ثلاث عيال
حمد (25)سنه صديق فيصل الروح بالروح دايم يسافرون مع بعض ماخلوا دوله مازاروها
ريم (23)سنه متزوجه ولد عمها ماجد
سالم(22)سنه اصغر اخوانه بعد وفاة نور اخته شخصيته قويه ومايتكلم كثير واذا تكلم الكل يسمع له يحب جلسه الشياب ويرفض الي يسويه اخوه حمد وفيصل ولد عمه في سفرياتهم يلبس نظارات عاكسه دايم ومايفكها ابد باقي له سنه ويتخرج من الجامعه ووظيفته تنتظره بالشركه رغم انه رافضها ويبي يعتمد على نفسه
واخر عائله هي عائله العمه فاطمه
اختهم الصغيره متزوجه ولد عمها دايم مسافر بتجارته ومخلي زوجته وعياله عندها بنتين وولد واحد
سعد(24)سنه طالب بكليه الطب متفوق بدراسته مسافر للخارج يدرس ويحب امه ووده يخلص بسرعه ويرجع لها
علياء(21) بنت مغروره ومتكبره ودايم بهواش مع الهنوف ومريم بنات خوالها
ساره(14)سنه دايم لها نظره مختلفه عن الباقين عقلها كبير ولسانها طويل بس بحدود الادب تحب ابوها وتحب اهل امها ومالها بالهواش ماتدخل نفسها بهواشات اختها بس تنقهر منها وتزعل عليها ودايم تنصحها لما تشوف تصرفاتها
الجزء الاول
الساعه 12 الظهر ام محمد بالبيت تجهز الغدا لعيالها دق عليها محمد وقالها انه بيجي هو وعياله بيتغدون عندهم وهي مبسوطه لانها اشتاقت لصالح وخالد وودها تشوفهم
على الغدآ
محمد:يبه شفت وش صار بالشركه اليوم
ابومحمد : ايه يابوك والله مدري وش اخرتها شكلي بصكهم انذار
محمد :الا يبه فصل وش له تسامحهم هذول بيشوهون صورة الشركه
ابومحمد:لايبه الواحد لازم يكون عاقل في قراره
رامي بلقافه :يبه وش صاير عندكم
محمد : وش لك يالدلوع خليك بشعرك
صالح الصغير بدلع : يبه ابي مثل شعر عمي رامي
رامي :تخسي قال تبي مثل شعري
الهنوف تضربه :من زينك انت وشعرك لاتزعل ولد اخوي
رامي : هي انتي انا محد يضربني الا الحلوه امي ..وبعدين كل هذا غيره من شعري
ام محمد : وانتم ماتبطلون هواش طول اليوم صكيتوا راسي
تركي وهو يقلب الجريده : الا يبه ماتبي تصدر قرار بحق شعر رامي
رامي بخوف : افا .. تدخل فيها تروك اجل راح فيها شعري
تركي وهو ميت ضحك وبثقه قال:لاتخاف بخلي الحلاق يرفق فيك على اربع بخليه يشيله
رامي : امي تبين شي من المطبخ
محمد :ههههههههههههههههههههههههههههههه عاش مصرف
ابو محمد وهو ميت ضحك على عياله : يبه تركي جيب لي بكره الاوراق حقت المشروع
تركي: ابشر يبه
شوي الا ويدخل عليهم فيصل توه راجع من السفر كان جالس ثلاث ايام هو وحمد في اسبانيا
فيصل : السسسسسلام عليكم
الكل : وعليكم السلام
ام محمد : هلا يمه هلا والله تعال كلك لقمه
فيصل يطالع ابوه:مشكوره يمه والله جيعان بمووت
ابومحمد ساكت ويطالعه ووده يقوم يصفقه
فيصل: مشتاق لك يبه
رامي يغني: مشتاق لك موت يلي طول غيابك
ابومحمد :ياشين هالصوت كل وانت ساكت .. وطالع فيصل : والشركه بعد يابوك
فيصل تغيرت ملامح وجهه ورامي فقع ضحك عليه
الهنوف: يبه متى بنروح بيت عمي
ابومحمد : بعد المغرب يبه تجهزوا بدري مانبي نتأخر
الكل : ان شاء الله
محمد يهمس لفيصل: شفت وش صار بالرشركه اليوم
فيصل متحمس : وش صار
محمد: اليوم اثنين من الموظفين يتطاقون ووصل صوتهم لمكتب ابوي والسبب ان واحد موقع بينهم
فيصل : اووف والوالد وش سوى
محمد : قال بيعطيهم انذار مع ان ودي يطردهم
فيصل : الله يعين
ام محمد : يمه فيصل متى بتبطل انت وحمدوه هالسفر ترى مصختوها
محمد بخبث : خله يمه يمكن يركد لاتزوج
فيصل بحقد : كان ردكت انت
ملاك بحركه بيدها يعني وعدك بالبيت
فيصل ماااات ضحك عليهم
الجزء الثاني
الساعه 5 العصر الكل جالس يتجهز عشان يروحون بيت العم ابو خالد يباركون له بمناسبه رجعه بنته رغد من امريكا هي وزوجها
في بيت ابو محمد
الهنوف:يمه وين مجفف الشعر
ام محمد :والله مدريه يمه دوريه
رامي وهو طالع ع الدرج :وش فيك تصارخين
الهنوف : مجفف الشعر مدري وييينه
رامي: هاه .. ايه ايه .. مدري
الهنوف بحقد :رامي هاته وين وديته
رامي: وانا وش دراني
الهنوف تسوي انها تبكي : رامي حرام عليك ابي اخلص
رامي حزن عليها : خلاص خلاص شوفيه بغرفتي
الهنوف ضحكت وباست اخوها :مشكووووور بس شغلك معاي
ام محمد بحقد والشرار طالع من عينها : وانت وش تسوي بمجفف الشعر
رامي بابتسامه خبث: العب معه يمه
ام محمد تصفقه ذاك الكف : مره ثانيه لاتعلب مع اشياء البنات فاهم
رامي يتألم : هو يبيني العب معه
ام محمد بصبر نافذ : قوله امي تقول لاتلعب
رامي مات ضحك : ابشري ولايهمك
الجزء الثاني
الكل تجهز وراحوا بيت العم خالد
عند الحريم
ساره تنادي ريم
ريم :هلا سارونه حبيبتي وش فيك
ساره باستغراب : لي ساعه اناديك
ريم : ماسمعتك والله حبيبتي
ساره :ممممم طيب كم سكر تبين بالشاي
ريم بابتسامه ساحره ونظره حنوونه : ملعقتين حبيبتي سااارونه
ساره بحيا : طيب ..
ورجعت ريم لكيانها ولتفكيرها بزوجها الشخص الي انجبرت عليه وحست بانه مجبور عليها يعاملها كانها غريبه مو كانها زوجته يرجع متأخر يتغدى مع اصحابه طول الوقت جالسه بالبيت لحالها حتى ابوها واخوانها ماتشوفهم ولاتسمع صوتهم سالم اخوها الي دايم يحس فيها التهى عنها وزوجها الي تحاول تقرب منه كل شوي يبعد اكثر
ساره تنادي ريم مره ثانيه
ريم :هلا حبيبتي
ساره : ريومه انا صح تشوفوني صغيره بس لو عندك مشكله انا اساعدك
ريم بابتسامه حنونه : اكيد ومن قال انك صغيره انتي عقلك كبير حبيبتي
ساره فرحت وعطت ريم شايها وتمت جالسه معها
الهنوف ومريم كالعاده يدورون شي يصكون فيه راس البيت
الهنوف : سما عفرا ملوكه ورغد ريم وعليا كلكم تعالو
ملاك : هاه خير وش عندك
رغد : انتي ماترتاحين لما تطقنا امي نوره
مريم : اصلا امي نوره تحبني ولاعمرها طقتني
الكل : ههههههههههههههههههههههههههههه
الهنوف :هاه اقول نسيتي المغامرات يوم تركضين وهي وراك
مريم : كنا نلعب
عليا : هالحين مناديني على مصاختكم
مريم :اقول لو موعاجبك تقدري تفارقي
عليا : ايه بفارق على بالك جالسه معك .. مسكين حالك
الهنوف :مريوم خلك منها .. وين الجلوس الي شريناه ذاك اليوم
مريم : بغرفتي
الهنوف :روحي جيبيه بوريه رغوده
مريم : طيب الحين اجيبه
مريم وهي على الدرج بعد ماجابت الجلوس :هنوفه هذا هو
الهنوف :مريم ابي اشوف مسلسلي
مريم : هنوفوه وووجع الحين تلقاها الحلقه 5988 كل هذا ماخلص
الهنوف : وجع اليوم الحلقه الاخيره
مريم :اخيرا
الهنوف : هيا مريوم ابي اشوفه
مريم : اطلعي غرفه خالد مااخبرك تتغطين عليه
الهنوف :مابتجين معي يعني
مريم : لا روحي لحالك
الهنوف : سخيييييفه
بمجلس الرجال
الشياب جالسين مع بعضهم وجالس معهم سالم .. يصب القهوه ويدخل بالسوالف الشركه
الشباب جالسين بركن لحالهم ويضحكون عليه
محمد :الله يشفيه هالسالم انا عندي ولدين وهذا كبري ولااحب اجلس مع الشياب
ماجد يعلق : لاويصب قهوه بعد
نواف صديق سالم : الحين عازمني عشان يجلس مع الشياب وش يحس فيه هالولد
خالد ورامي فاقعين ضحك ويلعبون بجوالتهم
محمد :انا شاك فيكم انتم الاثنين
خالد ورامي : خير وش فيه شاك
محمد مدري وش وراكم بس مصيري اعرف
ابو محمد : الا يابو خالد وين صور هواش الموظفين
ابوخالد : ايه ذكرتني الله يذكرك بالشهاده الصور بغرفه خالد الحين اناديه يجيبها
ابو خالد : خالد .. خالد
سالم : عمي وش بغيت خالد مع العيال وماراح يسمعك
ابو خالد : الله يهديه وانا عمك .. المهم بغيتك تروح لغرفه خالد وتجيب لي صور هواش الموظفين تلقاها على مكتبه
سالم : ابشر عمي ماطلبت شي
الهنوف تتابع المسلسل والحلقه كانت حزينه وجلست تبكي وعيونها غرقانه دومووع
فتح سالم الباب الا ويشوف وحده جالسه تبكي وتكلم نفسها .. تم يطالع فيها
الهنوف : ليييه حرآآآم يقتلونه حرآآآآم
سالم خاف ومو فاهم وش السالفه وتم يطالع ويحاول يفهم .. الاولاحظ انا تتابع التلفزيون مات عليها من الضحك
ياربيه من هذي معقوله تكون مريم بنت عمي سآمي والله مزيونه وعيونها تهبل مشاء الله عليها بس
الهنوف انتبهت ان فيه حد واقف عند الباب
الهنوف : مريوم تعالي شوووفي اقتلوووه
سالم سآآكت وماتكلم
الهنوف : مريووووم ووووووجع تعالي
سالم بقلبه : يعني هذي مو مريم ياااربيه من تكون .. اخاف وحده من صديقاتهم وانا راز خشتي هنا
الهنوف قامت تبي تهاوش مريم الا وتشوف سالم عند الباب انصدمت وخافت وتمت تطالع بعيونه ..ياربيه من هذا وش جابه غرفه خالد وووش يبي
سالم والله حلوه ولبسها يجنن وجسمها احلى واحلى
مريم من تحت تنادي : هنووووفووووه وووووجع ماخلص مسلسلك
سالم انتبه وحس على نفسه اهاه يعني هذي بنت العم صالح يااربيييه انا كيف ماعرفتها اصلا حدها حلوه وتشبه اخوها تركي
بسرعه حط راسه على الارض ولف وجهه : لو سمحتي باخذ اغراض من مكتب خالد وبطلع
الهنوف ياااربييييه لايكون سمع مريووووم وربي لو قال لتركي لايذبحني : الهنوف طيب انا بنزل عند البنات
سالم بقلبه ياحلو صووتها : طيب اطلعي
نزلت الهنوف عند البنات ووجهها كله حيا
مريم : هنووفهوه خلص مسلسلك
الهنوف : ............
مريم : هنوووفووه ووووجع اكلمك
الهنوف : هاه وش قلتي
مريم : وين رحتي
الهنوف : وش وين رحت هذا انا معك
مريم : ايه ايه صدقتك
الهنوف : سسسسخييفه
بمجلس الرجآل
سالم عطى عمه الصور وراح جلس عند صديقه نواف
نواف : هاه تو ماتذكرت وين كنت ..؟
سالم : كنت بالجنه
نواف : لاحوووول ياخي انا من شفتك جالس مع الشياب وانا غاسل يدي منك
سالم : اقول انثبر لااسمرك هنا
نواف : هذاني منثبر
خالد ورامي يلعبون وشوي الا وتجيهم ساره
خالد : ساره تعالي تمشي معي
ساره : طيب بس مابي رامي
رامي : افاااا ولييه
ساره : لانك مسوي نفس تسريحتي ومدري متى بتستحي على وجهك انت وشعرك
خالد مات ضحك عليه
رامي : اقول انت وحبيبتك الصمخه هذي
ساره : من حبيبته
خالد : هاه لالالالالالا للمخدارات
ساره : وش مافهمت
خالد : اقول خلنا نروح نتمشى وانتي ساكته
ساره : يالله مشينا
فيصل وحمد متفقين يطلعون سفريه لاسبانيا بعد اسبوع
سالم : وانتم هذي حياتكم ماتبون تبطلون
فيصل : ياخي وش عليك منا ماتبطل لقافه انت
حمد : ايه والله ماتبطل لقافه
فيصل : احنا بنسافر فتره نقاهه واذا تبي تجي حياك
حمد : ايه صح فتره نقاهه واذا تبي تجي حياك
فيصل : اقول وش فيك انت كانك صدى مخرف
حمد :ههههههههههههههههههههههه
سالم : انا مصيري اعرف وش تسوون بس مو الحين لان عندي امتحانات وماني فاضي مثلكم
حمد : اجل مالت عليك انت وكتبك الي شوي وتتبرى منك
وتمو يسولفون ولابطلوا هواش
وبعدها الكل رجع بيته وكل واحد يفكر بحاله
حمد يفكر بسفرتهم والي لاول مره مايبي يروحها
سالم يفكر بالبنت الي خذت عقله بنظره وحده وخلته يفكر فيها طول الوقت
الهنوف تفكر بسالم وخايفه يقول لاخوانها انها كانت جالسه بغرفه خالد وتصير سالفه
وخالد يفكر بساره وكيف يتعرف لها ويكلم اهله عشان يحيرونه لها
الجزء الثالث
الكل بالشركه موظفين رايحين وموظفين رادين
فيصل : استاذ حمد
حمد : نعم استاذ فيصل
فيصل : وش رايك نطلع نفطر
حمد : والله ماعندي مانع بروح استاذن واطلع
فيصل : يالله وانا بعد
استاذنوا وطلعوا وقرروا يروحون الفيصليه
فيصل : حمد ماراح يدخلونا
حمد : ماعليك بيدخلونا ونص
فيصل : بتورطنا انت
حمد : امش انت ومالك دخل
فيصل : والله شكلك مفهي وراح نكمل دوامنا بالتوقيف
حمد : هههههههههه وربي انك خواف ترجل اقول
حمد وفيصل عند البوابه ورجل الامن يطلع صاحب حمد دخلهم بشرط انهم مايتأخرون بفطرون ويطلعون
فيصل : منت هين
حمد : وش سويت كلها سلام والله معك وبعدين هذا خوينا الي كان معنا بالجامعه
فيصل : ايه اذكر الله يذكر العيال كلهم بالخير
حمد : فيصل شوووف هناك .. مو هذا نواف صاحب سالم
فيصل : ايه والله هو بس وش فيه مسوي بنفسه كذا
حمد : خلنا نروح نشوفه
فيصل وحمد قربو من عند شحاد قريب من محل يبيع ملابس وماسك كيس بيده والناس يعطونه فلوس
فيصل : نواف
نواف بحقد : فيصل وش جابك هنا
حمد فقع ضحك : هههههههههههههههههههههههههههههههههه وش مسوي فيك كذا الله يرج ابليسك
نواف : هذول اولاد عمي تحدوني وخسرت وحكمو علي هالحكم
فيصل حط يده بجيبه وطلع ريال وحطه بجيب نواف
حمد حط يده بجيب نواف واخذ الريال وهم ميتين ضحك
فيصل : لحظه لحظه خلني اصورك
نواف بحقد : فيصلووه فكني
من بعيييد بنت مزيونه عيونها تجنن وبعباتها المخصره ومكياجها قربت منهم وعطت نواف عشر ريال
حمد وفيصل : هههههههههههههههههههههههههههههههههههههههههههههههههه ههه
نواف حقد عليهم وعلى اولاد عمه وبغى يصفقهم بوسط المول
ثواني وانتشر بلوتوث نواف ولد الحمايل الي مسوي طرار بالسوق
ببيت ابو محمد عند العيال بالمجلس الخارجي
محمد : هههههههههههههههههه يلعن ام الفشيله
رامي وخالد فاقعين ضحك : ههههههههههههههههههههه مقطع يمووووت ضحك
نواف والشرار بيطلع منه : هييين بوووريه سلماااانووووه
ماجد ميت ضحك : بالله نواف اعزمهم عندنا هنا نبي نجلس معهم
نواف ابشر الحين ادق عليهم
نواف : مرحبا سلمان
سلمان : الله يعطينا ويعطيك
نواف : اقول يامال المغص الشباب ببيت ابو صالح عازمينكم بتجون ولالا
سلمان : والله يبشرون بس انا معاي العيال
نواف : اجل جيبهم وتعالوا ننتظركم
سلمان : ابشر يالله بنمركم
نواف : مع السلامه
سلمان: مع السلامه
محمد راح عند ابوه وقاله ان عيال عم نواف جايين
ابو محمد : مشاء الله وهم كم يابوك
محمد : اربع يبه
ابو محمد : حياهم والله روح للطباخ خله يسوي ذبيحه للضيوف
محمد : ابشر يبه
ريم تتصل على ماجد
ماجد يشوف جواله .. اووووه هذي وش تبي
محمد : وش السالفه وش فيك متذمر
ماجد : هذي ريم متصله علي
محمد : طيب وخير
ماجد : مانيب راد
محمد : وليه
ماجد : ...........
محمد : ماجد وانا اخوك .. البنت مالها ذنب كلنا قبل لانتزوج كنا نحب .. والدنيا ماتعطيك كل الي تبيه .. احمد ربك ان هذي زوجتك .. طيبه وحنونه ومافي مثلها
ماجد : مانيب قادر يامحمد .. ياخوي ماحبيتها ابد ... واعصابها باارده ماتثور ماتعصب ماتسوي شي
محمد : هدي نفسك شوف يمكن فيها شي كلمها عشان خاطري ياخوي
ماجد : طيب شوي بدق عليها
سلمان(27) سنه ولد عم نواف الكبير الولد الي كل البنات ميتين عليه وهو مايعطي اي وحده وجه خلوق ومؤدب ويحب شغله واهله رغم ان امه تبيه يتزوج وهو رافض لانه يحب حياته ومايبي يغيرها وشايف انه يبي يخلص عزوبيه مع اولاد عمه احسن
فهد(26) دايم مع سلمان بس هو مو رافض الزواج ينتظر لين يتحسن حاله ويلقى وظيفه
مروان(23) ولد عمهم يحب البنات ومايخلي وحده بحالها
فارس(17) ثاني ثنوي ومتفوق بدراسته
سلمان : نواف المره الجايه لاتحديت بنخليك تسوي ثلاجه ببسي عند بيتنا
الكل : هههههههههههههههههههههههههههههههههههه
نواف : لا مشكور اخر مره تاااايب انا منكم
فهد : عاد نواف يوم لبسناه هههههههههههههههههههههه شكله يضحك
مروان : الحين بالله نواف كم مطلع بس ذاك اليوم
نواف : والله ماتصدقون مطلع فوق 1000 ريال
مروان : الله هذي بس كم ساعه .. اجل والله لو بتشتغل يوم بطوله كم بطلع
نواف : بطلع روحك .. ضف وجهك قال يوم بالكامل انا يالله يالله خايف حد يشوفني
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك