رواية شهد الفهد -1
هنا رسيت لاضع اول ماكتبته يداي الصغيرتان واتمنى ان تنال اعجابكم
الكاتبه ::: شهد الحربي
الجزء الأول
الوقت:الساعه السابعه صباحا من يوم الاربعاء
اليوم:يوم أستلام نتايج الأمتحانات الثانويه
المكان:المدرسه الثانويه
مثل كل طالبه بتتخرج من الثانويه ماجاني نوم وانتظرت الصباح لين يطلع ليعلن عن بدا يوم الأربعاء اليوم الحاسم بالنسبه لي ولصديقاتي ولكل الطلاب في هذه المرحله يوم النتايج وماقدرت انام من شدة الخوف إلين طلع الصباح وجت الساعه 7 الصباح قمت وصليت الفجر وقريت قرآن ودعيت ربي انه ينجحني ولبست مريولي كالعاده بسرعه بسرعه ونزلت ومن العجله مامداني افطر سلمت على أبوي وامي وقلتلهم يدعون لي بالنجاح وأمي بعد ماقصرت بالأدعيه المهم وصلت المدرسه وكنت مع صحباتي ننتظر النتيجه على احر من الجمر وكل وحده جالسه على اعصابها ولما طلعت لنا المدرسه وقالت النتايج وجى وقت أسمي إلا وهي تقول :شهد ناجحه وبمتياز.......% يااااااااااااااااي طرت من الفرحه وجلست أناقز مثل الخبلان وباركوا لي صحباتي والحمدلله كلنا نجحنا وبمتياز بعد وماصدقت رجعت البيت طرت عند امي وابوي ابشرهم بالنتيجه ولما درت أمي استانست وباركت لي ولماقلت لابوي فرح كثير لاني بنته ورفعت راسه عالي فوق وعدني بهدية نجاح حلوه مره
الجزء الثاني
الساعه1 الظهر المكان غرفة شهد
شهد وهي ماسكه سماعه الجوال:الووو هلا بخويتي العنود باركي لي نجحت بامتياز
العنود:مبروك حبيبتي هانبي الحلاوه
شهد:افا عليك بس حلاوه لو تبين السوبر ماركت كله اجيبه لك شدعوه مايغلى على الغاليه
العنود: تسلمين ياعمري كلك ذوق عقبال شهادة الدكتوراه
شهد:انشاءالله المهم الحين لازم اقفل بدق على البدور وابشرها مسكينه الحين تلاقيها تحاتيني
العنود: طيب سلمي عليها بعد مع السلامه
شهد:يبلغ مع السلامه
شهد وهي تدور على الرقم في جوالها الين مادقت وكتب الجوال ((جاري الاتصال))
البدور:الوووووو وينك ياخبله ها بشري تراك مقعدتني على اعصابي من الصباح
شهد وهي تبعد الجوال:بلعب فيها شوي بس حرام بوقف دمها
البدور وهي تصارخ:الوووووو شهدوه ردي
شهد وهي مسوي نفسها زعلانه:الوووو البدور النتيجه النتيجه
البدور: خلصي مع وجهك
شهد :نجحت وبمتياز بعد
البدور:يلعن ابو بليسك ياانك وقفتي قلبي يابايخه معليه ارويك
شهد وهي تضحك:شفيك كنت امزح معك
البدور:مزحك الثقيل هذا ماابيه تفهمين
شهد:طيب لاتعصبين ياام خالد شفيك نمزح بس
البدور :لاعاد تعيدنها وها بشريني عن فرس(بنت عمهم وهي وشهد اكثر من خوات)
شهد:لاتخافين عليها مثل بنت عمها دافوره ماتنغلب صح صح قبل لاانسى تسلم عليك العنود
البدور:الله يسلمها من كل شر وباركي للفرس عني
شهد:ياااااااااااااااااي علبالكم ساعي سلامات وانا مدري
البدور وهي تضحك:يلا يلاااااااااا مافي قرقر كلام واجد هاااا سلمي وخلاص
شهد:زين زييييييييييييين مع السلامه
البدور : مع السلامه
وظلت شهد تدقدق من واحد لين واحد لين اتعبت ونامت لانها مانامت من التفكير في النتيجه وبعدين في هدية ابوها الحلوه مره لها ياترى وش تتوقعون تكون الهديه؟؟؟؟؟؟؟؟؟؟؟؟
الجزء الثالث
الساعه 6 مساء المكان :بيت ابو فارس
جت الساعه 6 وبدا المؤذن ياذن لصلاة المغرب ورنه الساعه بغرفة شهد
شهد وهي تعبانه:يااااااااربي ياني تعبانه شكلي بصلي المغرب وارجع انام لين العشاء وبعدين بصحى مع اني اعرف ان خواتي مرح يخلوني انام بس معليه احاول
وقامت وتروشت وصلت المغرب ورجعت نامت مره ثانيه ومامدى تغمض عينها الا واحد يدق الباب غرفتها
شهد وبملل:مييييييييييين؟؟؟؟؟؟؟؟؟!!!!!!!!
فارس(اخو شهد الكبير):أنا فارس انتي للحين نايمه اصحي نبي نبارك لك
شهد وهي تتنهد:ياخي ماعندك ذوووق نبي نام بعدين بارك لي على راحتك
فارس وهو يضحك:تبيني ابارك لك الساعه 1 بالليل اقول اصحي وتعوذي من الشيطان
شهد:اووووووف طيب بجي
فارس:يلا استناك بالصاله وان تاخرتي لاجي ومااخليك تتهنين بنومتك
شهد:اوووووف وش هالاخوان جتكم البلااااااااااوي
وبعدين فارس نزل الصاله وشهد قامت تغسل وجهها علشان بتنزل واكيد رح يكونون هناك خواتها العنود والبدور واخوها الصغير فراس
شهد وهي نازله شافت رجالين جلست تناظر بعدين عرفت منهوا هذولا
شهد وهي تصارخ:واااااااااو ماني مصدقه محمد وعلي ولاد عمي ياااااااااي ماني مصدقه عيوني
(علي ولد عم شهد اكبر منها بسنه ومحمد قدها هي وفرس ومعاهم ولد عم ثالث اسمه فهد كانوا مسافرين برى يكملون الثانويه والجامعه هناك بس شهد ماتعرف الامحمد وعلي وفهد ماتعرفه)
علي ومحمد وقفوا:هلا والله بخيشه النوم
شهد:هلا وغلا الحمدلله على سلامه شخباركم وحشتوني مره
علي ومحمد:الله يسلمك وانتي بعد وحشتينا مره
شهد وهي تمزح:ها شخبار الشقر
علي ومحمد وهم يضحكون:ولله يسلمون عليك
شهد وهي طالع اخوها فارس:وليش ماقلت لي انهم هنا كان قمت بسرعه
فارس:كنت بشوف بتقومين علشاني ولا علشانهم
وبعدين جلسوا يسولفون لين ماستئذنوا محمد وعلي انهم يرجعون بيوتهم علشان هم تعبانين
شهد وهي زعلانه:اجلسوا عندنا الليله لاتروحون
محمد وعلي وهم يضحكون:بالأحلام
علي:ايش تبيهم يقولون من اول ليله مثقلين علينا
محمد:هيه بعدين عندنا بيوت علبالك مطرودين
شهد:زين بس لازم تجون تبيتون عندنا ليله
علي :انشاءالله
محمد وعلي:يلا مع السلامه
شهد وفارس:مع السلامه
الجزء الرابع
الساعه1 فجرا المكان غرفة شهد
بعد ماطلعوا اولاد عم شهد كانت فرحانه واجد لانهم جوا لكنها ماكانت تدري وش رح يصير من ورى هالجيه والعطله هاذي
شهد وهي ماسكه جوالها:بدق على هاذي فرسوه وببشرها أن حبيب القلب رجع
(محمد وفرس من يوم وهم صغار وهم دايم يقولون لهم ان فرس لمحمد ومحمد لفرس علشان كذا حبوا بعض وكانوا صدق على وجه خطوبه بس فكروا ينتظرون الين مايخلصون الدراسه وبعدين يتزوجون)
شهد:الووووو هلا وغلا بفروستي الحلوه
فرس:هلا فيك يالغاليه
شهد:كم تعطيني على الخبر الي بقوله لك
فرس وهي تضحك:ولاشيء
شهد:افا وانا كنت اظنك اهل عشيمه بس معليه مرح اقولك مع ان هذا الشيء مهم بالنسبه لك مو لي
فرس:وشو هذا الشيء المهم؟
شهد:هذا الخبر يسوى مليووووون
فرس:اذا كان يسوى اعشيك واذا كان مايسوى اقفل السماعه بوجهك
شهد :طيب يانحيسه ماني بقايلتلك
فرس :بتقولين ولاشلون؟؟
شهد:اول شيء اعتذري
فرس:طيب اسفه
شهد:هي كذا كويس احزري من كان عندنا اليوم؟؟؟
فرس:مين يعني الملك؟
شهد:بالنسبه لك ملك ويمكن اكثر؟؟
فرس:مين هذا؟
شهد:احم احم محمد
فرس من سمعت الاسم قفزت:محمد حلفي؟
شهد:ولله العظيم
فرس:شلون ماقالي اول امس انا مكلمته
شهد:نعم كلمتيه من دون ماتقولين لي أي نكاره الجميل اشوه كشفتك على حقيقتك
فرس وهي مستحيه:اسفه شهد بس ماقدرت اقولك ماحصلت فرصه اكلمك فيها وحنا وحدنا
شهد:دام كذا سامحتك
فرس وهي متلهفه:متى جاكم وشلونه؟؟ يااااي ياانه واحشني مره
شهد:بل بل بل تبيني اجاوب على هالاسئله مره وحده
فرس:شهد اعذريني ولله من لهفتي عليه
شهد:الله يساعدك
فرس :جئ لوحده ولا معه احد
شهد:جى معاه علي
فرس:صدق ولله وحشني مره هالولد
شهد:ماتصدقين لما شفتهم جلست اصارخ
فرس وهي تضحك:خساره ماشفت شكلك
شهد:ككككككك عقبال مااشوفك لما تشوفين محمد واضحك عليك لين مااشبع
فرس:ياكرهك
شهد:المهم انا الحين بقفل وبكره اشوفك على خير
فرس:تعالي تعالي ماجئ معاهم فهد
شهد:أي فهد هاذا بعد
فرس:فهد ولد عمي سالم الله يرحمه لاتقولين لي ماتعرفينه
شهد:وانا شعرفني فيه اول مره اسمع ان عندي ولد عم اسمه فهد
فرس:بكره اشوفك واسولفلك عنه على راحتنا
شهد:طيب طيب مع السلامه
فرس : مع السلامه
شهد وهي تفكر في ولد عمها هاذا الي اسمه فهد وشلون هي ماتعرفه وهو واحد من ولاد عمها ولله دنيا وبعدين تعبت ونامت
الساعه 9صباحا المكان :بيت ابو فارس
شهد وهي توها صاحيه من النوم
شهد:ياحلوه هاذا الصباح يوم اجازه بقوم اصلي وانزل اشوف مين جالس
وصلت وبدلت ملابسها ونزلت وشافت امها وابوها وسلمت عليهم وراحت بعدين المطبخ تسوي لها شيء تاكله لانها ماتعشت من كثر الوناسه وبعدين رجعت الى ابوها وامها وجلست وافطرت معهم
ابو فارس:هلا وغلا ببنيتي الحلوه الي رافعه راسي
شهد:ياهلا فيك يااحلى واغلى ابو فارس فدنيا
ام فارس: اشوف المدح كله لابو فارس وام فارس مالها نصيب
شهد:افا عليك انت الغلا والحلى كله يااروع ام فارس في هالكون
ابو فارس:الا اقول يابنيتي ماعرفتي هدية نجاحك؟؟؟؟
شهد:يسلم راسك بس انا ماعرفتها
ابو فارس:روحي جيبي شنطة الاوراق وتعالي
شهد:انشاءالله تامر امر انت دقايق واكون عندك
وراحت شهد تجيب الشنطه وعطتها ابوها وفتحها وطلع منها الهديه
ابوفارس وهو ماد يده لبنته: تفضلي يبنتي
شهد:وش هاذي يبه
ابو فارس:هاذي هديه اتفقت انا وعمامك على انك وبنات عمك وولاد عمك تسافرون بريطانيا شهر وتنبسطوا انتوا بمناسبة نجاحكم طبعا معاكم عمك ناصر وعبدالله وحريم اعمامك كلهم
شهد:والله ماني مصدقه يعني كلنا بنسافر ياااااي وناسه
ابوفارس:شعليكم بتروحون للبرد
شهد:وانت يايبه مرح تروح معنا؟؟؟؟
ابوفارس: لايبيه ماني بقد السفر بعدين انا عندي شغل مع باقي اعمامك
شهد:اجل ماني برايحه دامك مابتروح
ابوفارس: يلاعاد استحي على وجهك وبتروحين وصيري مؤدبه تفهمين ماابي اسمع اعمامك يشتكون منك
شهد:طيب ياابوشهد بتشوف بنتك تربيتك
ام فارس:لاعزات الله رجعنا على خير اقول قومي شوفي اخوانك
شهد:طيب تامروني بشيء
ام فارس وابو فارس:سلامتك
وراحت شهد تشوف اخوانها وهي مهي مصدقه انها بتسافر بريطانيا مع عيلتها كلهم
الساااااعه11 صباحا المكان غرفة شهد
شهد:بدق على فرس وبشرها ويمكن هي درت بالموضوع المهم بدق عليها وخلاص
شهد:الووو صباح الخير
فرس:صباح النور شخبارك؟؟
شهد:الحمدلله ياحلو انتي شخبارك؟؟
فرس :الحمدلله
شهد:دريتي عن موضوع الرحله
فرس:هي دريت وماني مصدقه بسافر بريطانيا معاكم وااااااااو بطير من الفرح
شهد:وانا بعد بمووووت من الفرح شرايك نسوي حفلة صغيره انا وانتي وبنات عمي في بيتنا او بيتكم الليله دام حنا بنسافر بكره
فرس:بكره محد قالي ان السفره بكره
شهد:غبيه ماقريتي التذكره
فرس:لا مافكرت اقراها
شهد :وليه انتي متى فكرتي تقرين اصلا
فرس:لاتغلطين
شهد:زين لاتضيعين الموضوع وماقلتي شرايك؟
فرس:ولله فكره حلوه بس خليها العصر لان بالليل بنجلس نجمع اغراضنا انتي ناسيه ان بنجلس شهر هناك يعني رح ناخذ معنا النون ومايعلمون
شهد:اوووووه كشخه صارت فرس تقول امثال
فرس:اقول اقلبي فيسك عني احسن لك
شهد:"طيب انتي دقي على بنات عمي عبدالله وانا بدق على بنت عمي ناصر
فرس:طيب باي
شهد:باي
وبعدين دقت شهد على بنت عمها ناصر وقالت لها ان الحفله في بيت فرس وفرس بعد دقت على بنات عمها عبدالله وقالت لهم ان الحفله عندهم وكلهم قالوا رح يجون يتغدون ويحتفلون لين الساعه4 وبعدين يروحون السوق يتقضون اغراض علشان السفر وبالليل يجلسون يلمون عفشهم
شهد وهي حامله اغراض كثيره للحفله علشان توديهم بيت فرس لانه قريب من بيتهم
شهد:اوووف انا قايله لها بنسويها في بيتنا (شهد تقلد صوت فرس)لاخلينا في بيتنا احسن ياانك ورطيني بالاغراض ماني قادره اشوف يدي ولاالطريق منهم
شهد وهي تكلم نفسها مر ولد وضربها فجأه وطاحوا الاغراض
الولد:اسف اختي ماقصدي مانتبهت
شهد وهي طالع الولد مهي قادره تشيل عيونها من حلاته
الولد:اسف اختي الحين اجمع اغراضك
شهد:لاعادي اخوي حصل خير
الولد:تبيني احملهم لك لين المكان اعتذار مني
شهد:لامشكور البيت قريب
الولد:على راحتك اختي طيب السموحه مره ثانيه
ومشى الولد وظلت شهد منذهله في الي شافته ماتدري اذا هذا الولد من الدنيا ولاملاك من حلاته وباين عليه ولد حلال لانه اعتذر
شهد:انا وشعلي منه ماصار الاتصادم مايهم المهم الحين لازم اوصل بيت فرس علشان يمدينا نرتب للحفله
شهد وهي فاتحه بيت عمها نادت على الخدامه تاخذ الاغراض وتوديهم غرفة فرس فوق وشافت عمها ومرته
شهد وهي تبوس راس عمها:هلا وغلا بعمي الغالي
ابو نواف:هلا وغلا ببنيتي اما يكون عندنا عزيمه ولاماتجين
شهد:لاعمي شدعوه انا اما عند فرس ولافرس عندي
وبعدين راحت تسلم على مرت عمها
شهد:هلا وغلا باحلى خاله في الدنيا
ام نواف:هلافيك يابنيتي هاشخبارك وبشريني عن خويتي ام فارس
شهد:كلهم بخير ويسلمون عليك
ام نواف:عساكم مجهزين للرحله بس
شهد:يعني معظم الاغراض خلصناها
ام نواف:الله يوصلنا على خير
شهد:امين الحين انا استئذن بروح لفرس
ام نواف وابو نواف:اذنك معك
وصعدت شهد غرفة فرس وبدوا يجهزون للحفله
فرس:اقول شهد مانبي نطول علشان يمدينا نروح السوق جميع
شهد:ايوه اكيد لازم لاني محتاجه اشياء كثيره من السوق
فرس:خلاص على الساعه4:30 نطلع علشان نخلص قبل الصلاه
شهد اوكي صار
الجزء الخامس
الساعه1 ظهرا المكان:بيت ابو نواف
شهد وهي تحط الاغراض على الطاوله :واخيرا خلصنا
فرس:أي والله تعبنا
شهد:اهم شيء نستانس ماعلينا
فرس:صدقتي
ومامداهم يخلصوا الابنات عمهم جايين ساره (بنت عمهم ناصر وهي في عمر شهد وفرس)والريم(بنت عمهم عبدالله وهي تكبرهم بسنه)ونجود(هي صغيره عمرها خمس سنين في نفس عمر بنت البدور نور)
الريم وساره ونجود:السلام عليكم.
فرس وشهد:وعليكم السلام هلاوغلا وين هالغيبه
الريم:ولله حنا موجودين
ساره:ولله انا مشغوله بدراستي
فرس ماتحب ساره لانها تحسها مغروره) طالعها بنص عين):ياويلي على الدراسه اخر شيء جايبه لنا ممتاز ياختي لاطالعين الي فوق ترانا امتياز تفهمين...
ساره:ولله كل واحد ينام على الجنب الي يريحه
شهد:فرس ساره وبعدين يعني بتتهاوشون .....خلاص ماصرت هيييييي...
فرس:هي الي بدت المتفشخره.
ساره:هييييييييي انا سكت عنك كثير
فرس:ايش يعني بتضربيني يلاجربي وشوووووفي
شهد:بسسسسس وجع انتوا للحين مثل الاطفال
فرس:زيييييييييييين سكتنا
نجود الصغيره قربت من خالتها شهد:حالتي شهد الاوين نور ابي العب معها
شهد:حبيبتي نور الحين جايه مع خالتك البدور
نجود:طيب انا بروح الصاله استناها
شهد:اوكيه ولو جت قولي للبدور تجي عندنا غرفة الطعام
نجود:اوكيه
شهد:يلابنات خلونا نبدي بالحفله علشان بعدين نتغذا ونطلع نروح السوق
البنات:طيب
واحتفلوا وانبسطوا وبعدين تغدوا وارتاحوا وظلوا يسولفون عن المدرسه والتقديم والرحله بعد
الساعه4 العصر المكان السوق
شهد:بنات لازم نخلص قبل الوقت الاذان علشان يمدينا نخلص تجميع اغراضنا
فرس:اكييييييييييد انا وراي اشياء كثيره اخلصها
البنات:يلااااااااااااا اجل
الريم:انا وساره بنروح نشتري لنا ملابس من المحل الي في الطابق الثاني
شهد:اوكيه وانا وفرس بنشتري الثوب الي عجبني من المحل ذاك
الريم:خلاص اجل نلتقي في المطعم بعد نص ساعه
شهد وفرس:اوكيه صاااااااااااااااااار
ورحت الريم وساره للمحل وشهد وفرس راحوا يشترون الثوب لشهد لماوصلوا قريب المحل
شهد:اوووووووووه.........فرس نسيت جوال الريم عندي روحي عطيها اياه علشان بعدين نقدر نكلمهم وانا باخذ الثوب وبلحقك
فرس:اوكييييييه بس لاتتاخرين
شهد:لامرح اتاخر بس انتي اسرعي
وراحت فرس وشهد دخلت المحل وشرت الثوب الي تبيه وقبل لاتدفع طلت علشان تشوف فرس راحت او لا الا وتصدم بشخص مار وبيده كوب كفي وينكب على عباتها
شهد لا إراديا:عمى انت ماتشوف غبي حول
مامداها ترفع عيونها الا انصدمت الولد هو نفسه الي صدمت فيه الصباح جنب بيت فرس
الولد:اسف اختي ماادري
شهد:حرقتني وتقول ماادري .....وطلعت من المحل بسرعه من دون ماتدفع ولاتاخذ الثوب والبايع لحقها علشان تاخذ الثوب ولكنها ماسمعته من كثر ماهي معصبه
الولد:اخوي هذا حق البنت
البايع:ايوووووه....بس هي لا اخذته ولادفعته
الولد:طيب كم حسابه انا رح ادفع وبعدين لورجعت عطها اياه وقولها دفعه الي كب عليك القهوه ويتاسف مره ثانيه منك
ودفع الثمن وطلع وهو بفكر شلون الصدف تجمعه بالهبنت مرتين ومن هاذي وبنت مين؟؟؟؟؟ ياربي شقد هالبنت حلوه صدق الحلا كله يطلع من حلاها وقطع حبل افكاره صديقه
محمد:فهـــــــــــــــد .....وينك انت يارجال؟؟؟
فهد:اسكت شفت البنت الي قتلك عنها الصباح مره ثانيه ولاصدمت فيها بعد
محمد:ولله .... شسالفتك انت وياها؟؟؟لايكون متواعدين ؟؟؟؟.......معقوله الصدف كذا
فهد:لا أي متواعد وياها انت تعرفني مو تبع هالسوالف ....بس تصدق هالبنت كلمه قمر قليله عليها
محمد:هيييييييي لايكون سويتها وحبيت
فهد:لايشيخ الله لايقولها بس اقولك هالبنت حلووووه.... فيها شيء غريب جذبني
فهد:يمكن الحب من اول صدمه.
فهد:ههههههههههه......نكته يمكن ليش لا؟؟؟؟؟؟
محمد:لا الرجال عليه السلاااااااااااااام
فهد:هههههههه خلاص اسكت خلنا نروح بكره ورانا سفره لبلدنا الثاني ... نااااااااااااسي
محمد:لاتذكرني بس رح تكون حلوه لان بنات عمي وعمامي بيكونون هناك
فهد:إيش إيشششششششش...... من متى هالكلااااااااااااام؟؟؟؟؟؟؟
محمد:لايكون ماتدري انا فرحان حبيبتي فرس بتكون معنا
فهد:هيه شعليييييييييك ...علشان كذا جاي تشتري ثياب الا علشان فرس.... الاوش اخبارها؟؟؟؟؟؟
محمد:الحمدلله تسلم عليك تقول من زمان ماسالت عنها
فهد:الدراسه وماتسوي...... يلا خلنا نروح ترانا طولنا
محمد :على قولتك يلاااااااااااا
وطلعوا من السوق
شهد:الله يغربله وسخ عباتي بقهوته بس شلون يكون نفس الشخص .......سبحان الله ..وتقطع افكارها فرس
فرس:هييييي شفيك كذا متبلله؟؟؟؟؟
شهد:واحد مر وصدمني بقهوته
فرس:وجع يوجعه
شهد:لاتدعين عليه كذا....هو استسمح والظاهر انه كان مستعجل
فرس:طيب..... شريتي الثوب؟؟؟؟
شهد:طلعت بسرعه ومااخذته ولادفعته روحي انتي وادفعيه وجيبيه ...تدلين المحل
فرس:طيب وساره والريم بالمطعم
شهد:طيب
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك