رواية امانة برقبتك -19
وافي بتأييد لخالد: اكييييد
نواف:خذوو حريمكم مالت عليكم والله اني داري ان مالي الا فيصل
خالد:حتى انت عندك مرتك رح لها واشبع فيها
نواف الي مرره حز في خاطره وبان على وجهه لانه تغير مع ان خالد مايقصد لانه مايدري،،بس وافي وفيصل يدرون فقاموو يصرفون:ماتحسون اننا طولنا؟؟؟
وافي:ايه واللله فيصل صدق نمشي احسن
نواف:احسن بعد
في شقة نواف
الكل كان مجتمع الا فيصل الي راح عشان يخليهم ياخذون راحتهم بعد ما وصى وافي على نواف وقاله عن حالته طول الفترة الي كانت روبي غايبه فيها وكيف انه حاط كل الوم على نفسه...
نوف:وشووو؟؟؟ لا اكييييييييييد تمزحون كيف ضايعه؟؟؟
الهنوف:لا تستهبل يانواف وقل الصدق
نواف الي ساكت ومنزل راسه:...
نوف بأنفعال:تكلللم سمعني صوتك ليييش ساكت؟؟؟ ضيعتها يانواف؟؟؟ الكل حطها امانه برقبتك وضيعتها ليش؟؟؟ فهمني؟؟؟ كلنا وثقنا فيك وفي النهايه كذااا؟؟؟
الهنوف":حسافه فيك يانواف الثقه كلنا كنا نثق فيك واولنا جدي وحطها امانه في رقبتك تقوم تضيعها؟؟؟ لييييييييييييش؟؟ وعشان ايش؟؟؟ عشان وحده ماتسوى؟؟؟
نوف ببكأء وحسره:قالت لي والله قالت لي قبل الزواج هوو عايفني وش ابي في واحد عافني ومراح يهتم فيني؟؟،،قلت لها لا ياروبي نواف غير نواف رحيم وحنون ويعطف ويخاف على الكل فكيف زوجته حتى لو مايحبها آآآآآه وسكتت وهي مو مقتنعه بس سكتت عشاني وعشان هنوف وعشان جدي وكذاا النهايه؟؟ لييييييييييييييييييش؟؟ فهمني؟؟؟
الهنوف:احنا كلنا كنا فرحانين اننا بنشوفها وعلى امل انها تاخذنا بلأحضان وتقول لنا انها مبسووطه ومعك وقول لنا معكم حق نواف غير الكل بسسسسسسسسسسسسس آآآآآآآآآآآآآآآآآآآآآآآآآه
نواف الي خلاص يحس نفسه ضاق ففتح الازرا حقت القميص عشان يتنفس وهو ساكت ماعنده ولا تعليق يكفي انه محمل نفسه هذاا الحمل يجون خواته ويكملون الناقص هوو غلط صح بس تعلم من غلطه>>> بس بعد ايش؟؟؟ بعد ايش يانواف؟؟؟؟
خالد الي شاف ان نواف حالته كذاا ووجه تغير وأسود ضرب وافي من رجله يعيني سكتهم:الهنوف خلاص
الهنوف:خلني خلني ابرد حرتي الي سببها لي اخووي بنت مثثل العسل تنحط على الجرح يبرى بطيبتها بكل شي فيها يجي يسوي فيها كذاا
نوف:والله انك صادقه وين بيلقى مثل روبي؟؟؟ خليه يمووت بحسرته وانا من بكره برجع الرياض وبقول لجدي خله يتفاهم معه ويرسل احد يدورها لازم نلقاها مهما كان لازم
الهنوف :جدي لو يدري بينجن................
نوف تقاطعها مكمله":هذي الي بقت له من ريحة عمي عبدالعزيز الله يرحمه
وافي بعصبيه يعني مصختوها تهددوون بعد:نووووووووووووووووف هنووووووووووووووف
نوف الي للحين في اشد انفعالها:لا مرااح اسكت خل الزفته الي يحبها تنفعه يبيع بنت عمه عشانها وليته بايعها وبس الا مضيعها ليش؟؟ اسكت وهذاا الحق؟؟؟
وافي بعصبيه اكثر لان نواف حالته صارت يرثى لها:كلمه زياده لاتلومين الا نفسك
الهنوف الي مسكت اختها يعني اسكتي :خلاص يا نوف
نوف:انا مالي قعهدة هناا يله نروح
الهنوف:وانا معك
خالد الي شاف ان قعدتهم بزيد حال نواف عشان كذاا قال:امشووو معي ،،وافي انت خلك مع نواف وشوي وجايكم
وافي:يكون احسن ننتظرك
أقاسي الملامه لجلك وماحسبت حسابوقاسيت لجلك قاسي الوقت ياقاسيوهجرتني بروحي وانت ماتعرف الاسبابوانا عارف(ن) كل الذي دار بأحساسيترى الهم مايرحم وجرح الهوى غلابجروحك بقلــبي دايـــــــما تكتم انفاسيولولا الأماني والأمل كان عنكم تابقللبي وعزيتـه مثل ساير الناســـــــــــيولكن احبك وانتظرتك وصبري غابدخيلك من الفرقـــاا شيبت راســـــــياذا كان بك رحمه بقلب(ن) بحبك ذابتذكر حبيبك الي كان ياصاحبي ناسي
بعد فتره من راحوو:نواف خلاص يا اخوي هونها وتهون
نواف ســــــــــــــاكت:......
وافي:يعني انت ماتعرف خواتك تراهم بس كذاا طوالت لسان على الفاضي بس يحبونك وبعدين روبي مع انهم ماعرفوها الا من فتره قصيره بس دخلت قلوبهم بسرعه بطيبتها وروحها الحلوه وانت تعرف خواتك لين حبوو احد ماعندهم استعداد يفقدونه لأي سبب كان
نواف بأنفعال:انا غلطت صح ومعهم حق وكلامهم على عيني وراسي بس خلاص يكفي ملامه تعبت والله تعبت يعني انا الي مو فاقدها؟؟؟ ولا ما ابيها ؟؟؟ولا ما احبها ؟؟؟انا فاقدها وابيها واحبها اكثر منهم بس وش اسوي؟؟؟ ماخليت مكان مادورت تعبت والله تعبت ياوافي خوااتي الي مفروض يقفون معي يضمووني ويقولون شده وتزول،،بس وش لقيت منهم غير التجريح بكلامهم وبعدين قالو مالنا جلسه عندك ماكأني اخوهم ولا اعرفهم ليش؟؟ ولا الثانيه تهدد برجع الرياض وبقول لجدي!! باالله فهمني كيف اتصرف؟؟؟ انا تعبت والله ياوافي اني اتمنى الموت من أختفت من حياتي
وافي:اذكر الله وانا اخوك والله ماينفع الي تسويه
نواف:اناا داري بس ابي اعرف لييييه ليه راحت؟؟؟ ماتبيني عايفتني خلاص بس تضيع ليه؟؟ تخلي الناس الي تحبهم عشان ايش؟؟؟ ودي افهم ؟؟ ويرفع راسه لوافي وعيونه كأنها غرقانه دمووع:أبى اشوفها اانا بلاها ولا شي هي ليه تسوي فيني كذاا؟؟؟ غبيه من قال اني ما ابيها؟؟؟ ولا ما احبها ؟؟؟ ابيها ياوافي!!! ابيها!!
وافي الي يهز راسه بمعنى:لاحول ولا قوة الا بالله ،، اذكر الله واهداا شوي
نواف:لا إله الا الله ،،والله كل يوم ادعي واقول يارب يارب ردها لي
وافي:ان شاءالله ربي ماهو مضيع لك دعااا،،,وربي قال ادعوني استجب لكم وربك كريم وان شاءالله انه بيجمعك فيها
نواف الي هز راسه:ان شاءالله
في الفندق
خالد:وبعدين يعني ؟؟؟ لين متى بتضلون على هذ الحاله؟؟؟
نوف:لين نلقى روبي
خالد:لو الدموع بترجع روبي كان الكل بكى واولهم اخوكم نواف الي ماقصرتوو في الكلام معه
الهنوف:يستاهل هوو السبب
وافي الي دخل بعصبيه:من قال هوو السبب لو اسمع وحده فيكم بس تقول كلمه لاخوها زياده على الي قلتوه اليوم في الشقه لاتلومون الا انفسكم
نوف:الا بنقول يغلط ونسكت ليشش؟؟
وافي:هوو غلط وانتهى الموضوع الملامه عمرها ماكنت سبب في رجوع شخص فقدناه
الهنوف:"بس هووو يستاهل الي جاه منا لان مفروض من زمان نصحي ضميره المييت عشان يحس
وافي:هووو حاس من يوم فقدها خلاص حرام عليكم تزيدون همه هم يكفي الي فيه
نوف:بس نواف ما اهتم بس ساكت
خالد:ومن قالك انه ما اهتم؟؟ تدرين عنه ؟؟ تدرين وش الي بداخله؟؟
نوف:لا
الهنوف":واذا كان اهتم وش عقبه؟؟؟ بدري!!! عقب مافقدناها
وافي:انتوو الكملام معكم ضايع لو احكي لين بكره بس علم يوصلكم ويتعداكم لو وحده عتبت شقة نواف وحاولت انها تتكلم معه بقلة ادب صدقووني بتندم فاهمين
نوف والهنووف حسوو انهم مصخوها ففضلو السكوت:"............
بعد ثلاث اشهر
نواف بدت حالته تتحسن شوي خصوصاا يوم خواته تابوو ورجعو له ووقفوو معه وحاولو يهدونه طبعاا بعد ضغط خالد ووافي عليهم مع انهم عليهم طوالت لسان الله لايوريكم بس يموتون بأرض الي يمشي عليها نواف مو لأنه اخوهم الوحيد بس لكن عشان عمره ماغلط على وحده فيهم بكلمه ولازعلهم بأي شي وكان حنون معهم في كل شي ويموت عليهم >>وين الاخوو الي كذاا في هذاا الزمن؟؟؟؟
نواف بعصبييييييييه سكر الجوال:بنت الــــــــــ..... استغفر الله العظيم
فيصل:خير وش فيه؟؟؟؟
وافي:اقلقتناا وش السالفه؟؟؟؟
نواف:مايا حسبي الله عليها مو اقولكم انها جتني قبل كم يوم طلبت اني اسامحها ومدري ايش وطرتها وهزئتها وحملتها انها سبب الي انا فيه
خالد:ايه؟؟؟
نواف:دقت على جدي محمد وقالت له ان روبي ضايعه
وافي وفيصل وخالد زياد بصوت واحد:ايييشششششششششششششششش؟؟؟
نواف:ايه والله وتقول لو تبيني اكذب الخبر ارجع لي وعطني الجنسيه
زياد:يمكن تكذب؟؟؟
نواف:لا صوتها باين فيه التهديد انها جاده
وافي:بس من وين جابت رقم جدي محمد؟؟؟؟
نواف:مدري بس الي يسأل مايتووه ولاتنسى ان جدي شركاته معروفه ومايحتاج انها تتعب وهي تدور
فيصل:لا هييييين ما اتوقع تسوي شي
نواف:اقولك واثقه وقالت انتظر اتصال منه
خالد:الملعوونه الله يريحنا منها
فيصل:صادقه روبي يوم سمتها عقرب
زياد:ايه والله
نواف:طيب وش السواه؟؟
زياد:ارجع لها على الاقل لين تلقى روبي
فيصل:بس روبي لو درت انه للحين معها عمرها مراح ترجع
زياد:حنا نقول لها انه سواا كذاا عشانك
فيصل:ولووو مراح تصدق انا اعرفها وخصوصاا انها سامعته وهو يقول لها احبك
نواف:اصلاا ماله داعي هذاا كله جدي وخلوه يدري وانا ان شاءالله اني بدورها وبلقاها وهي خلها ،،تحرم علي روبي اذا رجعت لها لو فيها مووتي
وافي:والله انك رجال وانا معك
خالد:وانا بعد ماعليك منها
في الفنـــــــــــــــــــــــدق
الهنوف:وجعععععععععععع عساها تفطس ان دراا جدي
نوف:ياربي والله نواف بيروح فيها لو درااا جدي
الهنوف:تذكرين وش سوى بفهد ولد عمي مسكين بس عشانه طول شعره ويوم قاله جدي احلقه عياا وعلى طول سحبه من شعره لين الحلاق وخلاه يحلق وربطه في الشجره يومين بدون اكل و ما يشرب الا المويه عشان مايموت
نوف:ولا تذكرين يوم ضرب متعب بلعجراا لين حسينا انه مات والدم نزل منه بس عشانه صرخ على اخته وماوداها زواج منيره بنت خال امي لانه متهاوش معها
الهنوف:يمممممممممممممممممممممممه بس عشان ماوداها زواج سواا فيه كذاا وش بيسوي بنواف الي ضيعها وهو مأمنه عليها
نوف:ياويلي والله اخووي بيروح فيها
الهنوف:وش رايك نقول نواف ضاع بعد؟؟ عشان مايسوي له شي
نوف:شكلك ناويه علينا مو بس هووو
الهنوف:اصلاا جدي مايضرب البنات بس يهاوشهم العيال الي يضربهم وعلى قولته عشان يطلعون رجال
نوف:ولو هواشه يخوف
الهنوف:الله واكبر يعني اول مره نتهاوس هذاا وافي من جينا بريطانيا وهوو يهدد ويتوعد
نوف:بس وافي مهما هاوش وعصب اشوف في عيونه الحنان واعرف انه ماوده يسوي كذاا بس اناا الي اجبره
الهنوف:ياعيني والله طلعت الرومنسيه
نوف:ههههههههههههههههه والله انك فاضيه حنا وين؟؟ وانتي وين؟؟؟،،صدق كل على همه سراا وانا على همي سريت
اليوم الثــــــــــــــــــــاني
نواف:ان شاءالله..... يكون الخير.......بنرجع في اقرب طياره بكره.....فمان الكريم
وافي:وش قال جدي؟؟؟؟
نواف:ارجعع الرياض وحسابنا هناك
خالد:تدري انك تنكه كان قلت انها تكذب
نواف:طيب فرضاا قلت وقال عطني اكلمها وش اقوله؟؟؟ ولو ماقال عطني اياها على بالك بتمشي على جدك ترى ماعرفته زين توك
وافي:صادق نواف بكره ماتردي الا هوو طاب علينا يقول وينها؟؟؟
خالد:ههههههههههههه ايه والله
فيصل:رايكم يعني بترجعون؟؟؟
نواف:مالنا حل غير كذاا ولا لو سوينا شي من عندنا شف وش بيسوي؟؟؟
وافي:خلاص اجل بروح انا وخالد للفندق نتجهز ونبلغ البنات وانت تجهز عشان بكره نمشي
نواف:ان شاءالله
اليوم الثاني
في المطار
فيصل:والله ياخوي لو اقدر أرجع كان رجعت معك ووقفت معك في محنتك بس تعرف الجامعه والاختبارات قربت ولازم ادرس بس اوعدك في اجازه نصف السنه بجي ازورك واتطمن عليك ومراح اقطعك من الاتصال وبعدين البركه في وافي وخالد مراح يقصرون معك ان شاءالله
نواف وهو يضم فيصل:وشدعووه تعتذر مابينا اعتذار انت الي سويته مايسويه اخوو وشلون تعتذر؟؟؟
خالد يستهبل:ترى ما احب المشاهد الدراميه الحزينه فراق واشتياق
وافي:هذا اسم مسلسل فراق واشتياق؟؟
خالد:لا بس ان بعون الله بيكون مسلسلي
الكل:ههههههه الحمدلله والشكر
ركبوو الطياره متجهين لأرض الوطن ولكن الكل في حاله والكل له مخوافه تجاه نفسه اولاا وثانياا العائله وثالثاا((الجد))>>المرعب
انتهى البارت التاسع عشر
توقعاتكم...
البارت العشرون
20
عندما نفتقد اغلى الناس،،عندما تتركنا ارواحنا جسد بلا روح....
عندما كان لك طريق في الحياة،،شي تسعى وتجتهد للوصول اليه،،شي يعطي له نفسك وروحك...
وفجاة!!!
وبدون مقدمات،،يتركك وحيدا....
تقف تائه؟؟ام تبكي؟تقف حزين؟أم حائر؟مهموم؟
ان يطعنك احدهم في ظهرك فهذا امر طبيعي،،ولكن ان تلتفت وتجده اقرب الناس اليك>>>>>فتلك هي الكارثة
من المؤسف حقا ان تبحث عن الصدق في عصر الخيانة،،وتبحث عن الحب في قلوب جبانة....
اكثر الناس حقارة هو ذلك الذي يعطيك ظهره وانت في امس الحاجة الى قبضة يده...
لا تسالني عن الخيانة؟؟؟
فـ أنا لا اعتقد ان هناك كلمات قادرة على وصفها.....
كل خائن يختلق لنفسه الف عذر ليقنع نفسه بانه فعل الصواب....
ايهااااا الخائن كنت حبيباا أم صديقااا!!!!!!
لو كانت كل قصة حب تنتهي بالخيانة لاصبح كل الناس مثلك....
الصادقون في عواطفهم لا يبالون بالمظاهر....
من السهل ان تحب الناس،،ولكن من الصعب ان تجبر الناس على حبك...
ليس من الصعب ان تضحي من اجل صديق،،ولكن من الصعب ان تحب صديقا يستحق التضحية....
المتكبر كالواقف على جبل يرى الناس صغاارا....
ويرونه صغيرا....
الصداقة والحب معناها الحقيقي!!!
القرب لا البعد،،الحب لا الكراهية،،،الصدق لا النفاق
ذكرى مؤلمة اذا عرفت ان صديقك وحبيبك خانك
ذكرى مؤلمة اذا عرفت كم من الوقت المبذول للتفكير في هذا الصديق والحبيب الخائن...
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك