رواية كيف تريد ان تموت في حبي -18
سيف يفكر : اي تذكرت اليوم جلست العلاج الطبيعي حقتك ..
مشاعل : هااا بتجي ..
سيف : مااوعدك .. بس احتمال اني اجي ..
مشاعل : لا لازم تجي اليوم ببدأ اوقف على رجلي ..
سيف : والله اليوم مشغول بس قلتلك احاول اني اجي ..
مشاعل : طيب ..
سيف : المهم مشاعل .. انا لازم اسكر الحين .. لان بروح اخذ شور ورحوا اخلص شغلي بسرعه علشان اقدر اجيك ..
مشاعل : طيب .. مع السلامه ..
سيف : لا تزعلي اذا ماقدر اجي .. مع السلامه ..
وسكر .. وخذ نفس عميق مايقدر يتكلم معاها اكثر يحس انه مخنوق اذا كلمها .. بسرعه تعوذ من ابليس وراح يخذ له يسبح .. وبد ماخلص بصدفه شاف الميداليه الي عباره عن نص قلب .. الي نصفه عند ملاك .. صار يتذكرها
وحس ان قلبه انتزع من مكانه ..
صعب ان تحب شخصا بجنون وانت تعلم بانك لن تكون له ..
والاصعب من ذلك ان تستمر بحبه وتتجاهل الحاجز الذي يمنعك من التقرب منه ..
فتتعلق به يوما بعد يوم حتى دون ان تشعر ..
قمة الالم ان تحب شخص وتعشقه بصمت ..
ليصبح الصمت هو الصديق الوحيد لك ..
فيتحول الى جزء من حياتك ..
كلما احسست بالشجاعه والقوه والجرأه لتبوح عما في قلبك يستفزك هذا الصمت
بكل برودة وهدوء ليقول لك : كفى .. اصمت ..
قمة الحزن ان ترى الحب ينتهي شيئا فشيئا وانت تقف عاجزا عن فعل اي شيء ..
كيف لا ؟ !! وانت تعلم منذ البدايه بأنك لم ولن تكون له ..
ولكن استطاع الحب ان يدخل الي قلبك ويرسم ابتسامه امل رغما عنك ..
قمة العذاب ان يبقى الخوف مسيطراً على قلبك ..
ليمنعك ويحرمك من الحب الذي يحلم به كل شخص ..
فتتجنب الحب خوفا من ان تعشق شخص وتعيش الي فترة طويله تحت شعار اسمه الحب ..
والنهايه تكون الفراق بعدما احببته وتعلقت به لدرجة الجنون ..
فتصاب بالكآبه والالم ..
وتعيش بعذاب على ذكرى لم تستطيع نسيانها ..
قمة الالم .. بل الالم بحد ذاته ان تبني في ذهنك مستقبلا لا اساس له ..
ولكن احساسك الصادق وقلبك الطيب وابتسامتك البرئية ..
جلعلتك انسانا متفائلا تنظر الي الحياه ببساطه ..
وحتى لو رأيت حبك ينهار امام عينيك وان النهايه هي الفراق لا محاله ..
تبتسم قائلا : أنا واثق بأن القدر لن يبقى هكذا .. سأنتظر ربما يتغير غدا ..
منقول ..
(( في الصاله ))*
ملاك جالسه مع نجمه يلعبون على البلاستيشن وصقر كان يشجع ملاك ..
صقر : يلا عاد فوزي عليها .. ضربيها لا تخلينها تضربك ..
نجمه : اقول انت اسكت مو مخليني اعرف اركز ..
صقر : انت شدخلك فيني خليني اشجع ملوكتي .. يلا ملاك فوزي عليها وكسري راسها ..
ملاك : هههههههههههههههه ..
ملاك يوم بعد يوم تتعلق بصقر اكثر .. صار وجوده في حياتها شي ضروري .. لانها عوضها عن فقدان حب حياتها ..
وصقر مازال على وعده لها انه راح ينتظرها الي ان تحبه ..
صقر : ملاك اذا فزتي بوديك للمكان لاي مكان انتي تبغينه ..
ملاك بفرح : احلف ..
صقر : انا مره كذبت عليك .
ملاك : اجل يانجومه استعدي للخساره ..
وبعد دقايق فازت ..
ملاك : هيااااااااا .. فوزت .. يلا صقر قوم ..
صقر : وين ؟؟
ملاك : المكان الي وعدتني ..
صقر : الحين .. اقول قعدي بعد اشوي بتصير صلاة الظهر انصلي ونروح ..
نجمه : خذوني معاكم ..
صقر : احنا ماناخذ خاسرات ..
نجمه : يلا عاد خذوني .. ملاك انا احبك خذيني معاكي ..
ملاك : خلاص كسرتي خاطري نباخذك ..
صقر : لا والله روحوا انتوا بروحكم ماني رايك معاكم ..
ملاك : افااا وتخلف بوعدك لي ..
صقر : انا وعدت اخذك انتي مو هي ..
ملاك : علشاني ..
صقر : هذي الكلمه الي مااقدر اقول لها لا .. يلا بسرعه روحوا صلوا وتجهزوا علشان نروح .. بس ماقلتيلي وين تبغين تروحين ؟؟
ملاك : بعدين بتعرف ..
بعد ماصلوا وتجهزوا .. طلعوا .. وراحوا للمكان الي ختارته ملاك ..
صقر : الحين مطلعتنا في هذا الوقت علشان تروحين الكافي ..
نجمه : انت ماتدري ان ملاك تموت على الكافي ..
صقر : طيب خلصوا شنو تبغون ؟؟
ملاك : ابغي شيزكيك .. وموكا ..
وخذا طلاباتهم وجاب لهم .. وجلس يطالعهم وهم ياكلون ..
صقر : انتوا شلون تاكلون هذا ..
ملاك : مو انت ماتعرف روعة الشيز يكيك .. شرايك تجرب ..
صقر : لا شكرا ..
ملاك : يلا عاد افتح فمك ..
صقر فتح فمه بس لان هذي اول مره تحاول تاكله ملاك من يده ..
ملاك : شرايك ؟؟
صقر : حلو .. ويجنن .. ويهبل .. ومافي اروع منه .. بس لانه من يدك ..
نجمه : ههههههههههههه ..
صقر : وليه انتي ضحكين ؟؟
ملاك : ههههههههه .. في شي على انفك ..
نجمه : ملاك وصختك من الشيز ..
صقر : ملاك .. احسنلك نظفيه مثل ماوصختيه ..
ملاك : ههههههههههههههاااااي .. تعال ..
ونظفته وهي تحمد ربها انها اليوم سعيده .. وكل هذا بسبب صقر .. بسبب لطفه وحنيته .. هذا الشي خلاها تبغي تبادله الحب ..
صقر مسك يدها وباسها ..
ملاك : شفيك اترك يدي ..
نجمه : ترى انا موجوده ..
صقر : اووووش .. ترى انا ابغي اصارخ للعالم كله واقول ملاك لي انا ..
نجمه : ياسلام فلم هندي على الهواء مباشرة ..
(( في المستشفى ))*
سيف : ممتاز حالتك في تحسن واضح ..
مشاعل : سيف .. انت جيت ..
سيف : شي طبيعي لازم اجي في هذا اليوم المهم .. بصراحه ان اهنئك على صبرك واصرارك على الشفاء ..
مشاعل : هذا لانك كنت بجاني طول الوقت ..
سيف : اكيد راح بكون بجانبك انا مستحيل اطلع من معروفك انتي انقذتي حياتي .. الا مع مين جيتي ؟؟
مشاعل : مع جواد بس لان زوجته تعبانه اليوم ماقدر يجلس معاي فخلاني وراح وقالي اذا خلصت ادق عليه ..
سيف : دقي عليه وقليله انه مايحتاج يجي وياخذك انا بخذك اليوم لبيتنا ..
مشاعل : صحيح ..
سيف : يس ..
مشاعل : اجل دقيقه ادق عليه ..
وبعد ربع ساعه خذه سيف اول للمطعم ..
مشاعل : سيف ..
سيف : نعم ..
مشاعل : قبل اشوي انت قلت انك مستحيل تطلع من معروفي ..
سيف : صح ..
مشاعل : انت ماتحبني انت تشفق علي صح ..
سيف : ليش تقولين هذا الكلام ..
مشاعل : لاني ادري ان هذي هي الحقيقه .. انت من ملكنا ماقلت لي انك تحبني ..
سيف : ..........
مشاعل : رد علي انت ماتحبني صح .. سيف خلاص ماقدر اتحمل .. ان اعتقد اني اقدر انسيك ايها بس هذا الشي مستحيل مثل مااشوف ..
سيف : مشاعل ..
مشاعل : انا ادري ان قلبك متعلق بملاك .. انا توقعت انك راح تحبني مع الوقت .. صبر وصبرت بس مافي فايده .. خلاص سيف انا صرت اكره هذا الوضع .. انت حتى ماتطالعني ..
سيف : انا ..
مشاعل : بوسني..
سيف : مشااااااعل ..
مشاعل : انت وعدتني في يوم الملكه انك راح تضل معاي الي الابد .. وانك راح تنفذ اي شي اقول لك .. انا الحين اقولك بوسني ..
سيف مسكها وقربها منه وباسها .. بس للاسف هذي البوسه ماوصلت لقلبه .. مع ان مشاعل كانت ترتجف منها بس هو ماحس فيها .. بس فجأه وخرها عنه لما لاح طيف ملاك لمخيلته ..
مشاعل : مثل ماتوقعت .. سيف رجعني البيت ..
سيف : مشاعل .. ارجوك عطيني فرص علشان احبك الحب مايجي بسرعه ..
مشاعل : بس الحين لنا اكثر من شهرين مع بعض والحال ماتغير ..
سيف : صبري تحملي ..
مشاعل : الي متى ؟؟
سيف : .......
(( في بيت بو سيف ))*
ملاك وصقر رجعوا ..
نجمه : انتوا متى ناوين تخلصون الفلم الهندي حقكم ..
صقر : انتي مالك دخل .. ليش ماتروحين تنقلعين .. وتخليني اخذ راحتي مع حبيبت قلبي ..
ملاك : صقر .. خلاص ..
صقر : لا مو خلاص .. خليني اعبر لك عن مافي قلبي .. من اول ماشفتك حبيتك .. احبك ولا اقدر اوصفلك قد ايش احبك .. انا الي سعيد لدرجه ماتتوقعينها ..
ملاك يوم شافت سعادة صقر ابها .. صارت تضحك وهو ضامها لصدره ..
في نفس الوقت دخل عليهم سيف معاه مشاعل وشافهم وجمد في مكانه ..
صقر : خلاص بسك تفكير في الماضي وعيشي في المستقبل معاي وبكذا راح نكون سعداء . .
نجمه : سيف .. انت جيت ..
سيف : اي وجبت مشاعل معاي ..
ملاك فزت من مكانها ..الي الحين شوفت سيف مع مشاعل .. تألم قلبها ..
صقر حس عليها على طول وقف يمها ومسك يدها كانه يقول انا معاكي .. حنان يد صقر هدئها ..
صقر : احنا نستئذن نخليكم على راحتكم ..
وخذ ملاك وصعدوا فوق ..
(( في بيت بو جواد ))*
طلال كان طالع برا لانه مواعد اصدقاء انه بيروحون يلعبون كوره .. بس تفاجئ باخوه ناصر ..
طلال : ناصر انت شنو تسوي هنا ؟؟
ناصر : اشتقتلكم ..
طلال : حتى احنا شتقنالك .. تفضل ادخل حياك ..
ناصر : لا انا جاي اخذك معاي ..
طلال : وين ؟؟
ناصر : ابغيك في شغله مهمه ..
طلال : انا مااقدر اروح معاك الحين انا مواعد ربعي اني اطلع معاهم وبعدين اما مااستئذنت ليان علشان اروح معاك ..
ناصر : الحين انا اقولك ابيك في شعله ضروريه تقولي مااقدر ..
طلال : بس انا قلتلك انا ماقلت لليان ..
ناصر : لا تكثر كلام وتعال معاي ..
طلال : لا وخر عني ماابغي اروح ..
ناصر : الا بتروح غصب عنك ..
وخذه وراح ..
(( في الليل ))*
سيف ودى مشاعل .. ورجع البيت شاف ملاك جالسه لوحدها جى وجلس معاها ..
سيف : من زمان ماجلسنا مع بعض بروحنا .. وين صقر ..
ملاك : طلع يشترى شي ..
سيف كان يطالعها ويفكره انه اناني لانه تركها .. وخلها تروح لواحد ثاني .. ماعاد يستحمل يشوفها بعيده عنه ..
ملاك ماكانت تدري شنو تسوي سيف يمها والي الحين اذا شافته ترتجف ولا تعرف شنو تسوي ..
سيف : انا غبي .. من جد غبي .. لو اني اخذتك وهربنا مع بعض لو اني ماتخليت عنك .. كان كنتي لي انا بس .. بصراحه ياملاك انا الي الحين احبك .. ومااشوفك زوجه لصقر ..
ملاك قام قلبها يالمها وصارت دموعها تنزل : ليش تقول هذا الكلام الحين ؟؟ انت عنك مشاعل الحين .. انا حاولت انساك كثير ولما جيت خلاص بنساك تقولي هذا الكلام .. في الوقت الي قررت اني اسلم نفسي وحب صقر .. علشان كذا
ارجوك لا تقول اي كلام يغير مشاعري اتجاهه ..
سيف : انا ادري اني واحد اناني .. انا توقعت اذا خذت مشاعل راح انسى احبي لك .. بس انا الحين اتعذب كل مره اشوفك مع صقر .. مااقدر اتحكم في نفسي .. مااقدر اكذب على قلبي اكثر انا احبك انتي ياملاك ..
ملاك حست ان الحب الي نام في قلبها قلب اشهور رجع يجلس مره ثانيه وبقوه بعد ..
ملاك : حتى انا حبك ياسيف .. بس
الا تلف وتشوف صقر في وجهها يطالعها بكل الم .. فجأه تقدم لسيف وضربه على وجهه ..
صقر بصراخ : شنو جالس يصير هنا
نهاية البارت ماقبل الاخير
الرصاصة الاخيرة
ملاك حست ان الحب الي نام في قلبها قلب اشهور رجع يجلس مره ثانيه وبقوه بعد ..
ملاك : حتى انا حبك ياسيف .. بس
الا تلف وتشوف صقر في وجهها يطالعها بكل الم .. فجأه تقدم لسيف وضربه على وجهه ..
صقر بصراخ : شنو جالس يصير هنا .. شنو كنت تقول لزوجتي .. كيف تسمح لنفسك انك تخليها تبكي مره ثانيه .. شنو تبغي هل مره ؟؟
سيف : من تخليت عن ملاك وقلبي مات .. اضربني قدر ماتبغي .. ماراح اهتم .. بعد ماعرفت ان ملاك الي الحين تحبني .. قررت اني مابغي بنت ثانيه غيرها ..
صقر : ياحقير ..
وتوه بيضربه مسكت يده ملاك ..
ملاك بصياح : لا تضربه .. اذا تبغي تضربني اضربني .. بس لا تضربه هو ..
صقر : انا كنت ادري انك الي الحين تحبين سيف اكثر مني بس انتي قلتي انك بتعطيني فرصه .. هذا صحيح انتي ولا مره قلتليلي انك تحبيني ..
ومشي عنها ..
ملاك : صقر استنى ...
بس سيف مسكها ..
ملاك : اتركني لازم اروح له ..
سيف : ارجوك لا تروحين .. انا ماابغيكي تروحين مني مره ثانيه .. اتوسل اليك لا تروحين ..
ملاك صارت تبكي .. تبكي حيرتها بين يد سيف الي ترتجف وبين انها تلحق بصقر .. ماعادت تقدر تخار اي واحد هي تبغي ..
(( في اليوم الثاني ))*
في احد الاحياء ..
ناصر : اسمع ابغيك .. تروح توقف هناك بعد تقريب ربع ساعه راح تجي سياره سوده روح وعط السايق هذي الفلوس وقوله ان الباقي راح ايجيبهم له الشهر الجاي ولازم يعطيني هذي المهلى اذا يبغي فلوسه ..
طلال : وبعدين ترجعني للبيت ..
ناصر : اذا سويت الي قلتلك بلحرف الواحد راح ارجعك ..
وراح وقف في المكان الي قاله عليه اخوه .. اما ناصر فراح تخبى .. وصلت السيار مثل ما قال له تقدم منها ..
طلال : ناصر يقول لكم هذي فلوسكم ..
: كامله ؟؟
طلال : لا .. يقول هذي نصها بس .. عطوه مهلى شهر يدبر الباقي ..
: ليش هي المسئله لعبه هو وعد انه يسدد المبلغ اليوم .. وينه هو ؟؟
طلال : مدري .. وصلني وراح ..
: يعني هو الحين يراقب ..
: اجل اتركله رساله علشان يفهم ان الي يقامر وسرق المخدرات هذا هو جزاته ..
طلال : مخدرااات ..
: هو شنو يقربلك ؟؟
طلال : اخوي ..
: اجل قول لاخوك المهلى خلصت وقت السداد اليوم ..
وطلع المسدس وقبل حتى ما يقدر طلال يهرب اطلق عليه .. وطاح طلال غرقان في دمه .. ومشت السياره وسط ذهول ناصر الي جالس يطالع اخوه من بعيد ورجوله مو شايلينه انه يروح له .. كلها دقايق وجاوا الناس ولتموا على طلال ..
وستدعوا الشرطه وسيارت الاسعاف الي شالت طلال ..
(( في بيت بو سيف ))*
ملاك جلست من النوم بتعب لانها طول الليل تحلم بكوابيس .. ونزلت تحت الا انتبهت ان صقر طالع من الصاله راحت له ..
ملاك : صقر ..
بس الي صار ان صقر مر من يمها وطلع ولا حتى لف عليها او كلمها ..
نجمه : ملوكه جلستي تعالي فطري ..
ملاك : مو مشتهي اكل ..
قمر : غريبه .. انتي مستحيل تفوتين وجبه ..
شمس : يمكن تبغي صقر هو الي يسوي لها الفطور كلعاده ..
ملاك : مااعتقد انه راح يسوي لي فطور مره ثانيه ..
صارت تذكره .. كان مره لطيف معاها ويعاملها كأنها اميره .. تذكرت حنانه ولطفه وبتسامته العذبه .. وصبره عليها عسى يوم يحن قلبها عليه .. هي خانت كل هذا .. مستحيل راح يسامحها بعد هذا اليوم ..
وصارت تصيح .. والبنات مستغربيت شنو فيها ..
(( في بيت بو جواد ))*
مشاعل : غريبه جاي اليوم ..
سيف : جاي اقولك .. اني راح ادعمك طول حياتي ولا راح اتخلى عنك .. بس مااقدر انسى ملاك .. انا احبها حيل مستحيل اشلها من قلبي .. سامحيني بس انا انوي اني اتزوج ملاك .. بس لاتخافين ماراح اخليكي ..
مشاعل : انا كنت ادري انه بيجي يوم وتقول هذا الكلام ..
وبسرعه عطته كف .. من قوته عور يدها هي بعد ..
مشاعل : طول الايام الماضيه توقعتك انك في النهايه راح تقدر تحبني .. بس طلعت اني غلطانه .. بس الحين توني فهمت معنى الحب .. انا لو حبيتك صحيح كان تمنيت لك السعاده حتى لو مع وحده غيري .. انا اسفه ياسيف ..
انا كنت بس افكر في نفسي .. انا لو احبك كان خليتك مع ملاك تعيش بسعاده .. انك تحب شخص معناها لازم تحبه يكون سعيد مع الشخص الي يحبه قلبه .. سيف .. راح ترجع لملاك .. الحين ..
سيف ببتسامه : لا .. ماعتقد انها راح ترضى ترجع لي .. لان نصف قلبها الحين لصقر .. ماراح تقدر تختار بينا الشي الوحيد الي راح تقدر تسويه انها تبكي ..
مشاعل : اجل اوعدني انك اذا مارجعت لملاك راح ترجع لي ..
سيف : اكيد انا بضل معاكي العمر كله ..
مشاعل : بس اذا رجعت لها طلقني ..
سيف : هااااا ..
(( بيت بو جواد ))*
ليان التعب كل ماله يزيد وتحس بارهاق مو طبيعي فماقامت من السرير .. الا تحس باحد يفتح الباب .. في البدايه توقعته جواد فمافتحت عيونها .. بس طول الصمت ففتحتهم الا تشوف علياء رافعه سكينه توها بتطعنها ابها الا دخلت صونيا
وشافتها ومسكتها على صراخ ليان ..
علياء : وخري عني خليني اقتلها .. وخري .. خليني اتخلص منكم ثنينكم .. اكرهكم كلكم ..
صونيا : مدام ليان هذا في مجنون انت في ينحاش بسرعه ..
ليان : آآآآآ ه وين جواد ؟؟
علياء : ههههههههههههههه .. لا تعتقدين انه راح يجي في الوقت الي احنا نتكلم فيه هو جالسيشرب القهوه حقته .. الي راح تكون اخر قهوه يشربها في حياته ..
ليان : لا .. شنو سويتي ..
علياء : ههههههههههههههههههه .. بفتك منكم .. انتي بعد بموتك .. وخري عني ..
ليان قامت من السرير بسرعه .. وكل تفكيره هذا مستحيل يكون حقيقه هذا كله كذب .. مستحيل بعد ماحبت جواد وقدرت تفهمه وتحتويه وتخليه يحبها يروح منها .. تجاهلت كل الامها ونزلت بسرعه لصاله .. من توفوا اهلها وهي كرست
كل حياتها لخوانها .. تهتم فيهم وتضحي بحياتها علشانهم .. كل الي كانت تبغيه ان احد يهتم فيها هي .. بس للمره الثانيه راح تفقد هذا الاهتمام وهي ماتقدر تسوي شي ..
ليان : جوااااااااد ..
جواد كان توه بيشرب القهوه سمع صوتها رماها وراح يسرع لها ..
جواد بخوف : شفيك ؟؟ صار لك شي ..
ليان : شربت القهوه ..
جواد : لا .. ليان فيكي شي ..
ليان : علياء .. علياء حاولت تقتلني وسممت القهوه .. علشان .. آآآآه ..
جواد : اهدي .. جلسي ارتاحي وينها اهي الحين ..
ليان : صونيا ماسكتها ..
الا تنزل صونيا بسرعه ..
صونيا : مدام ليان .. مدام ليــ ..
جواد : وين علياء ؟؟
صونيا : انا في يحبس في غرفه هذا واحد مجنون في يقول كلام انا مايفهم شنو .. مدام ليان انتي بخير ..
ليان هزت براسها أي ..
صونيا : مدام ليان في واحد برا يقول يبغي انت ..
جواد : مين هذا ؟؟
صونيا : انا مافي يعرف بس هو يقول اخوا مدام ليان .. مدام ليان انا في شوف دم على يد هو وملابس ..
ليان : ناااصر ..
توها بتقول الا يجلسها جواد ..
جواد : مكانك لا تتحركين .. صونيا خليه يدخل ..
بعد دقايق دخل .. اول ماشافته ليان طاح قلبها كان يرتجف ووجها اختفى اللون منه ويدينه غرقانه دم وعلى ملابسه من تحت كانه جالس على بركه من دم ..
ليان : نااااصر .. شفيك ؟؟ ليش تنزف رد ..
ناصر : م .. مـ ا .. انا .. مـ ا .. انز .. ما ..
ليان : انت شنو تقول ؟؟ منوا الي سوى فيك كذا ..
جواد : ليان اهدي .. ناصر تكلم شفيك ..
ناصر : طـ لا ... طلال .. دم ..
جواد : شفيه طلال ؟؟
ناصر : اقتلوه ..
ليان : انت شنو قاعد تقول طلال في الملحق ..
ناصر : لا ... لا .. انا شفتهم .. هذا دم طلال .. قتلوه .. يبغون يقتلوني بعد .. طلال .. قتلوه ..
ليان : كذاب .. لا انت كذاااااااااااااب .. آآآآآآآآآآآآآآه .. جواد الحق علي .. آآآآآآآآآه ..
واغمى عليها ..
جواد : لياااان ..
(( في بيت بو سيف ))*
ملاك : صقر اسمعني ..
صقر : نعم ..
ملاك : انا اسف .. بس مدري شنو صار لي ..
صقر : ملاك الحين فرصتك الاخيره عليكي تختارين بيني وين سيف ..
ملاك : .............
صقر : صمتك راح يخليني انا الي راح اختار بدالك .. بس لا تخافين انا الحين ماابغي حتى اشوف وجهك .. بس مع هذا ماراح اخليكي تروحين لحبيب قلبك بسهوله راح اعذبكم .. لا تنسين اني اكره سيف .. والحين على يدك اقدر
انتقم منه واضربه في الصميم ..
ملاك كانت تسمع كلامه وهي تصيح وتحس ان قلبها ينطعن مع كل كلمه يقولها بسكين تقتل روحها من داخل ..
صقر تركها ومشى .. وهو يحس بشعور الوحده رجع لقلبه .. مع هذا يبغي ملاك تكرها وتكرها لدرجه انها ماتتمنى تشوف وجهه مره ثانيه .. ولا ماراح يقدر يتخلى عنها ابداً .. وهو الي يعرف ان سعادتها مو معاه .. مع سيف
.. الي الحين وهي تتعذب مايبغي يزيد عذابها وهو يعرف انها مستحيل راح تفكر في سعادتها مستحيل راح ترجع ليسف مع وجوده هو في حياتها .. علشان كذا هو الي راح يرجعها لشخص الي هي تحبه .. وهو متاكد ان سيف راح يعطيها كل
السعاده والحب الي تتمناه .. وتستحقها ..
بعد ربع ساعه .. رجع سيف البيت توه بيدخل الا شاف صقر يستناه في الحوش .. مر من يمه سيف لانه ماحب يتخانق معاه ..
صقر : وقف .. خلنا ننهي الموضوع الحين .. انا احب ملاك .. علشان كذا انا راح ارجعها لك .. بس ..
ويضربه على وجهه ضربه خلت انفه ينزف ..
ويكمل : بس لو تخليها تصيح مره ثانيه راح اخذها ولا راح ارجعها .. والحين انا لازم اروح تاخرت ..
سيف : وين بتروح ؟؟
صقر : راح ارجع فرنسا .. ورقة طلاقها راحت تجيها في خلال اقل من اسبوع ..
وشال شنتطته وطلع ..
في نفس الوقت الي طلعت ملاك من غرفتها .. خلاص هي قررت من تبغي منهم .. اخيرا اعرفت مشاعرها الحين تتجه لمين .. الا تشوف في وجها سيف .. وخافت عليه لما شافته ينزف ..
ملاك : شفيك ؟؟
سيف : صقر ..
ملاك خلته يجلس : يألمك ؟؟
سيف : لا .. صقر قالي شنو قرر .. تبغين تعرفين ..
ملاك انقبض قلبها ..
سيف : ذاك الغبي .. قرر انه يرجعك لي ..
ملاك انزلوا دموعها : هو يبغينا نكون لبعض .. راح يضحي بسعادته علشانا .. هو دايم يقول اني انا الغبيه بس الحقيقه هو الغبي .. غبي .. " وزاد صياحها وحطت يدينها على وجهها تخفي دموعها الحاره " انا اسفه ..
سيف .. انا مااقدر ارجع لك .. انا الي الحين احبك .. والله العظيم احبك .. بس قلبي كلها صار ملك لصقر .. طول الفتره الماضيه كان يدعمني وساعدني بلطفه وحنانه ودفئ قلبه .. مع انه من الداخل طفل يشعر بالوحده ..
بس مع هذا شفى كل جروح قلبي .. بس انا كل الي سويته اني خنته .. وماجبت له غير الالم .. بس الي الحين يفكر بسعادتي .. مع انه ماجرب الحب من احد بس قدر يعطيني حب العالم كله .. هذا الغبي .. علشان كذا انا ماابغي
اخسره .. هو اعز شخص على قلبي .. ابغيه هو ابغي اخليه سعيد .. انا وعدته اني راح اكون جنبه على طول ..
سيف : انا اسف .. صقر انسان رائع .. احسن مني بكثير .. انا تخليت عنك وفكرت الا بنفسي وماهتميت بمشاعر احد غير نفسي .. بس صقر غير كان طول الوقت مايبغيك تصيرين حزينه ولا يبغي يشوف ادموعك .. هو
الشخص الي يهتم لامر اكثر من اي احد .. حتى لو هذا يعني انه يخليكي تروحين لشخص اخر ويدوس على قلبه اهم شي عنده انك تضلين مبتسمى دايما .. انا اسوقع هذا طريقته علشان يقولك انه يحبك .. انا دايم كنت اعتقد ان مافي احد يحبك
كثير .. بس الحين اكتشفت ان اخسر قدام صقر .. ملاك بسرعه روحي لبسي خلينا نلحق عليه قبل مايسافر ..
ملاك كانت تطالع سيف .. لان هذي الحظه هي لحظة انتهاء حبها الاول ..
(( في المستشفى ))*
مها وجراح جاين يسرعون ..
مها : وينهم ؟؟ وين طلال وليان ؟؟
وشافت ناصر ..
مها : شنو سويت بخواني تكلم .. حرام عليك .. وين اخواني ؟؟
جواد : جراح خل زوجتك تهدء .. طلال الحين يسون له عمليه .. لما جينا للمستشفى كان محتاج لتبرع دم لانه نزف كثير بس طمئننا الدكتور ان تعدى مرحلت الخطر وانه لما جابوه المستشفى صحى وتكلم .. الرصاصه مرت قريب قريب
من القلب بس الحمد لله ماسوت ضرر كبير قدروا يسيطرون على الوضع ..
جراح : طيب مين الي اطلق عليه النار ..
جواد : الشرطه تحقق في الموضوع .. وبمساعدة ناصر ان شاء الله يمسكونهم ..
مها : وليان ؟؟
جواد : لسى في غرفة العمليات ..
مها : في خطر عليها ؟؟
جواد : في حتمال كبير ان الجنين مايعيش ..
في المطار
صقر جالس ينتظر الطياره .. الا يسمعهم يعلنون عن الرحله .. جلس يناظر السعوديه لاخر مره الانه مو ناوي يرجع لها مره ثانيه .. ولف وقلبه يتفطر من الالم والوحده .. وهو يفكر ان سيف الحين قال لها .. هذي النهايه الافضل
للكل .. ولاول مره في حياته تنزل دمع من عينه ..
ملاك : صقررر ..
ولف وشافها .. من بين كل الموجودين اكيد لازم يعرفها .. كان تسرع له وتمسكه وترتمي في حظنه ..
صقر : ليش ؟؟
ملاك : انا اسفه .. كنت دايما اجيب لك الالم .. انا ماابغيك تسامحني بس .. انا احبك .. انا احبك ياصقر .. ارجوك لا تخليني وتروح ..
صقر وخرها عنه : مستحيل .. اكيد انا احلم .. مستحيل انتي خترتيني ولا خترتي سيف .. لالا هذا حلم اكيد حلم ..
ملاك : هذا مو حلم .. هذي حقيقه .. صقر انا احبك .. من كل قلبي ..
صقر : ملاك لا تمزحين معاي ترى ان رجعتي لي مستحيل راح اخليكي تروحين .. مستحيل راح اقدر اتخلى نك مره ثانيه .. ملاك انتي متاكده من الي تقولينه ..
ملاك : انا ماابغي اي احد غيرك انت ..
(( في المستشفى ))*
طلع الدكتور من غرفة العمليات ..
جواد : هاا بشر شخبارها ؟؟
الدكتور : بخير الحمد لله تقدر تشوفها اذا صعدوها غرفتها ..
جواد بحزن : والجـ
الكتور ابتسم : والجنين بخير .. مبروك ترى جاك ولد .. طبعا هو ضعيف الحين بس اطمئن قدرنا ننقذهم ثنينهم ..
جواد : الحمد لله الحمد لله ..
بعد ماصعدوا ليان لغرفتها ..
ليان اول ماشفت جواد تجاهلت تعبها : طلال .. وين طلال ؟؟
جواد : اووووش .. لا تتحركين انتي توك طالع من عمليه .. اطمني طلال بخير .. بس احتاج يسون لهم عمليه ..
ليان : عمليه ..
جواد : اووووش شنو قلتلك ولا كلمه .. توني جاي من الطبيب حقه قالي هو بخير والحمد لله .. ومافي اي خوف عليه .. وترى حتى ولدنا بخير ..
ليان توها بتتكل حط جواد يه على فمها ..
جواد : خلاص ارتاحي انتهى كل شي ..
(( بعد سنه ))*
ملاك نايمه على رجول صقر .. وتتكلم وهي نايمه وتنادي صقر .. وصقر يطالعها بكل حب وباسها .. وحط يده على بطنها .. الي بدء يبرز ..
ملاك : صباح الخير ..
صقر ببتسامه : صباح النور .. ملاكي جلس من النوم اخيرا ..
ملاك : تصدق حلمت حلم .. من اروع الاحلام حياتي .. حلمت اني انا وانت وطفلنا .. ثلاثتنا مع بعض عايشن بسعاده .. مو هذا الحلم مره حلوا ..
صقر حضنها : هذا مو حلم هذي حقيقه عن قريب راح نعيشها .. ملاك انا احبك لو تمر سنين ماراح يتغير هذا الحب ..
ملاك : ادري .. ابغي اعيش عمري كله معاك .. واجلس كل صبحيه وانا في حضنك ..
في النهايه ..
ملاك وصقر عاشوا احلى ايام عمره كل يوم حب صقر يكبر .. والحين هم ينتظرون ولادت طفلهم الاول علشان تكمل فرحتهم ..
سيف رجع لمشاعل .. في البدايه واجهتهم عدت صعوبات بس في الاخير .. اقدرت مشاعل تفوز بحبه .. وتعيش بسعاده معاه ..
جراح ومها .. مافي احد يقدر يفرقهم عن بعض لو ثواني .. وجابت مها بنت وهم فرحانين فيها ولا يخلون احد يلمساه من خوفهم عليها ..
ناصر تعالج من ادمانه ولانه ساعد الشرطه في القبض على تجار المخدرات هذا الشي خفف عليه الحكم .. وصار يشتغل مع جواد في الشركه ..
وطلال تعافى من اصابته كلينا وقام منها اقوى من الاول ..
جواد وليان .. ربت ليان بنت علياء كانها بنتها ترضعها وتشربها وتهتم فيها وولدهم جواد مدلله زياده عن الزوم علشان كذا تتخافق معاه ليان .. بس حتى خناقفهم صار ضحك ..
علياء .. احسرت الكل بحقدها وطمعها وحتى اخسرت عقلها .. في البدايه وداها جواد بيت ابوها بس بعدين ماقدروا يسيطرون عليها فودها مصحه للامراض النفسيه والحين حتى ماتذكر هي شنو اسمها ..
تمت ..
رِمْشْ الْغَ‘ـلآ
اللهم لك الحمد حتى ترضى وإذا رضيت وبعد الرضى ,,, اضف تعليقك