رواية قلوب عميقة -15
رامي:يااااااربي ايش يفكني من غبائه داا يااااااااخي قووم احنا في السعوديه
تامر الي لساته مو مستوعب:شو في السعوديه؟
رامي:اوففففف تبغاني احكيك الحكايه من الاول طيب انا اخدتك من يدك ودخلتك الطياره وجينا السعوديه واحنا دحين في الفندق قوم ياالله عاااد زودتها ابغا اسلم على اهلي
تامر الي دوبه افتكر:هيه صح نسييييييت سوري رامي هههههه والله اني مفكره حلم
رامي:لا والله
تامر:هيه شفت كيف هههههههه
رامي:المهم قوم بدل ملابسك والحقني انا تحت في السياره
تامر:ماشاء الله ومن وين لك السياره؟!
رامي:استأجرت
تامر:اها
رامي:ايش الي اها ياخي قوم بتفقع لي مرارتي انتا
تامر:ياااااربي انت شو تبي فيني مو ييت وياك السعوديه روح انت عند اهلك وخلني انا اكمل نومي وبعدين انا شو ايي وياك اسوي كلهم اهلك ومابياخدو راحتهم وياي
رامي..........يفكر في كلامه صح مابياخد راحته مع اهله لو كان تامر معاه بس هوا محتاجه معاه يبغي يوريه بيته واهله وناسه ويبغا يوريهم صديقه المقرب والغالي والي رافقه كل هالسنين عشان يفخر فيه بس فكر رامي انه الافضل يروح لوحده بس مستحي يسيب تامر لوحده في بلد مايعرف فيها شي...لاحظ تامر الحيره الي على وجهه رامي وفهمها......
تامر:رامي لاتشيل همي انا اعرف ادبر حالي وبعدين مو مشكله انا بنتظرك تعالي بعد المغرب ايي اسلم على اهلك انت الحين روح لحالك ولاتتأخر علي اوكي
رامي فكر فيها لقاه حل منطقي بيسلم على اهله ويجيه بعدين...
رامي:ايه كدا تمام بجيك بعد المغرب اوكي الحين مع السلامه
تامر وهوا يتاااوب:فماااان الله.....ويكمل نومته
ويروح رامي لبيت اهله ويستغرب لمن يلاقيه فاااااااضي...
رامي:وي فين اهل البيت اختفوو غررريبه فين راحوو اممممم خليني اتصل على جوال خالد هوا الوحيد الي يعرف بموعد وصولي....
رامي:الوووووووو
خالد:ياااااااااهلاااااااا ااا والله هلاااااااااااااااا هلا الف هلا مليوون هلا مليار بالغالي هلا
رامي:هههههههههههههههه يسلمك ربي بشرني اخبارك
خالد:تسرررك انتي قلي فينك الحين
رامي:تستهبل عليا وبعدين زعلان منك كدا ماتجي تستقبلني
خالد:يؤ يؤ يعني انتا في السعوديه ياااامرحباا والله بس تعال هنا متى وصلت؟!
رامي:شوف الرجال مو كلمتك قبل يومين وقلتلك على موعد وصولي!!!
خالد:يوووووووه صح والله نسيت بس تدري انا اتأخرت رحلتي وماوصلت الا امس
رامي:من جد؟!
خالد:ايه والله يعني انا وياك في نفس اليوم وما مداني صراحه اضرب مشوار مره تانيه للمطار وبعدين انا جيت في الصبح و انت جي اظن في الليل مو كدا
رامي:ايوه تدري رحلات امريكا كلها متأخره للسعوديه
خالد:المهم حمدلله على سلامتك وفينك انتا دحين؟
رامي:الله يسلمك اي والله نسيتني ليش متصل
خالد:افااااا يعني في سبب مو عشاني وانا اقول متصل عشاني ويسأل عني اثرك طالع مصلحجي هالايام ههههههههه
رامي:لااااا حراام عليك فاهم خطأ بس انا امس وصلت متأخر في الليل ورحت نمت في فندق وقلت اليوم اسلم على اهلي بس لمن وصلت البيت قبل شويه لقيته فااااضي يصفق ههههههه مافيه احد
خالد انفجر من الضحك:ههههههههههههههههههه هههههههههه
رامي:بسم الله عليك ايش بك!!!
خالد:لا ولاشي بس اهلك هنا عندنا
رامي:وي مين انتو؟
خالد:في بيتنا العيله كلها مجتمعه اليوم
رامي:اهااااااا وليه متجتمعين عندكم ايش المناسبه يعني؟؟؟
خالد:احم احم بمناسبة وصولي طبعا في مناسبه احلى من كذا ههههههه
رامي:ههههههههه لا مافي احلى المهم اوكي انا دحين حجيكم بس لاتقول لاحد الله يخليك خليها سبرايز للجميع
خالد:اووووكي على امرك بس لاتتأخر ترى بيحطو الغدى تعال اللحق عمرك على التبوله والفتوش هههههههههههههههههه
رامي:اي والله زماااان عن اكل امك الرهيب يالله كلها مسافة الطريق واجي وزي ماقلتلك خليها سبرايز
خالد:اوكي ان شاء الله
رامي:باي
خالد:بايات
رامي برغم لهفته انه يروح يسلم على اهله الا انه طلع لغرفته وراح يغير لبسه ويلبس توب وشماخ ويتكشخ عشان تصير المفاجئه احلى......
وبعد ماخلص صار يطالع نفسه في المرايه ويقول:ااااالللللللللللللل له عليك ياشيخ تجنن الله يحفظني بس هههههههههههههههه...وبعدين لمح صوره قديمه على المكتب فيها العيله كلها ايام ماكنو مسافرين لبنان وهوا قاعد في الطرف مع لمى ورندا حاضن لمى وماسك رندا من يدها وشكلها كدا محرجه.....
***نقطه للتوضيح***( رامي ماهو اخو لمى شقيقها رامي اخو لمى بالرضاعه وهيا تعتبر اخته الوحيده سواء بالرضاعه او غيره لان ام رامي ولدت بنت زمان بس توفت بعد سنه من ولادتها وقيدها رضعت مع لمى فصارت لمى اخت رامي لانكم لو تفتكرو انه ابو وام رامي ماعندهم غير رامي وبما ان العيله بكبرها متكاتفه ومتعاونه فلمى ورامي علاقتهم ببعض قويه كأنهم اخوان من ام وابو واحد فعشان كدا ما اتهاون رامي فأنه يجي ملكتها))
رامي لمح لمى وقال:والله وكبرتي يالمى وحتتزوجي وانا لسه....ولاشعوريا اتجه نظره لرندا واتمعن وهوا يطالع فيها...
رامي:آآآآآه بس على ايام زماااااان ريتها ترجع ياترى هالبنت كبرت ولا لساتها مفعوصه ههههههههههههههههه انا خليني اروح اللحق افاجئهم قبل الغدا وبعد كدا اروح لتامر
ووصل رامي لبيت ابو خالد وشاف تجمع السيارات احتار ادخل على الرجال اول ولا اروح اسلم على امي اول فطلع من السياره ووقف في الحوش محتاااار في هالوقت
لمى ورندا كانو في المطبخ.......
رندا انتبهت من الطاقه لأحد في الحوش فطالعت مظبوط وانصدمت لمن دققت في الملامح رندا في نفسها مو مقعوووووووووول مو معقووول والله ما اصدق راااااميييي.... لمى استغربت وقوف رندا وتغير ملامحها والرجفه الي في يدها هادي قربت منها ومسكت يدها......
لمى:ايش بك يارندا؟!!!!!!!!
رندا ماقدرت تتكلم بس انقذت نفسها وبعدت من عند الطاقه عشان لاتنبه لمى انها شافت احد.....
رندا:ها لا ولاشي
لمى:طيب ايش بك ليه صار وجهك كدا من يوم ماطالعتي في الطاقه...ولفت لمى راسها عشان تشوف ايش في وتنصــــــــــدم لمن تشوف رامي فتفك باب المطبخ الي يطلع على الحوش وتخرج تجري رندا في البدايه انصدمت كيف تطلع لمى لرامي كدا بدون ماتغطي شعرها ولا شي وفي الاخر افتكرت انه يصير اخواها ورجعت للطاقه وقعدت تشوف لمى وهيا تسلم على رامي......
لمى:راااااااامـــــــــــ ي
رامي لف راسه وشاف وحده بتجري عليه ما انتبه غير لشي جا ورما نفسه على حضن رامي......
رامي بعدها عنه شويه وطالع في وجهها وابتسم:هادا انتي فجعتيني ياهبله احد كدا ينط على الناس
لمى:ههههههههههههههههه والله شفتك وماصدقت نفسي مالقيت غير اني ارمي نفسي عليك واشوف اذا صح انتا قدامي ولا خيالك هاهاها
رامي:ههههههههههههه المهم كيفك وايش اخبارك
لمى:بخييررر بشوفتك وانت ايش اخبارك وايوه صح حمدلله على سلامتك نورت السعوديه متى جييت؟؟؟
رامي:بشويش بشويش كل دا وتبيني ارد عليه مااا اقدر
لمى:ههههههههههههههههههه
رامي:المهم اول شي ان شاء الله دوووم انك بخير وانا عال العال زي ما انتي شايفتني وثالثاً الله يسلمك ومنوره بوجودكم وراااابعاً آآآآآه بس تعبتيني اسئله خلاص بطلت ما ابغا اكمل
لمى:لاااا اخر شي هوا اهم شي قولي متى جيييت؟؟؟؟؟
رامي:ههههههههههههه امس في الليل
لمى:وي وسلمت على امك وابوك ولالا
رامي:صراحه لاء
لمى:وليه مانمت في بيتك؟؟
رامي:نمت في الفندق لاني جيت مع صاحبي وبعدين انا جيت في اخر الليل فما ينفع اروح البيت وازعجهم وافجعهم في داك الليل المهم بلا كترة تحقيقات ادخلي ازهميلي امي بس لاتقوليلها شي خليها تتفاجئ اوكي
لمى:اهاااااا اوكي بزهملك هيا بس انتا ليش واقف هنا
رامي:اااا اممممم صراحه كنت حاير اسلم على امي اول ولا ادخل لمجلس الرجال قبل بس انتي جيتي وانقذتيني من هالورطه ههههههههه
لمى:هههههههههههه شفت كيف عشان تعرف قيمتي بس
رامي:عارفها من قبل ماتقولي بس تعالي هنا كيف عرفتي اني واقف برا
لمى دوبها افتكرت رندا ونسيت انها كانت معاها فقالت:اممممم اظن رندا شافتك من الطاقه وو........ومالحقت لمى تكمل كلامها الا رامي رفع راسه للطاقة المطبخ وصار يطالع فيه بنظرات تمعن وتفحص ولهفه.....لمى حست كدا من نظراته ومن تعابير وجهه لمن قالت رندا ومن الي صار في رندا انه هالاتنين اكييييد في بينهم شي بس ماحبت تعلق وسكتت ودا الشي خلا رامي يستغرب.......في هالوقت انفجعت رندا لمن رفع رامي راسه وصار يطالع عليها فعلى طول اتخبت وقلبها صار يدقدق ماهي مصدقه اخيراً رجع حبيب قلبها اخيييراً.....وفي الحوش.....
رامي:ايش بك سكتي؟؟!!!!!!!
لمى:قلت اخليك تكمل نظرات
رامي استحى منها وحب يغير الموضوع:اقول بلا بياخه قومي روحي ازهمي امي ابغا ادخل اسلم على عماني والشباب
لمى:ايوه ايوه غير الموضوع
رامي بنبرة غضب:لمـــــــــــــــــــ ى
لمى:وي طيب بشويش اكلتنا دا وماليك خمس دقايق شايفني اجل لو عشره كان قتلتني
رامي وهوا يروح من عندها:اووووفففففففف انتي مامنك فايده انا ادخل للرجال احسن لي
لمى وهيا تمسكه من يده:لالا خلاص بروح ازهمها
رامي: طيب بس بسررررعه لو سمحتي
وتروح لمى ويجلس رامي واقف في محله يتأمل ديك الطاقه رندا كانت هناك وشافتني يالله معقوووله الاقدار هادي تخلي رندا اول وحده من اهلي تشوفني ياخساااره لو كان انا لو شفتها كان احسن....رامي يفكر في كل دا وهوا ماشال عينه من على الطاقه وفي نفس الوقت رندا وهيا متخبيه جنب الطاقه عشان مايشوفها بس هيا تقدر تشوفه كانت مستغربه منه بيطالع في ايش هادا لايكون عارف اني هنا معقوله لالا ما اعتقد بس يالله على عيووووونه عذااااااب آآآه بس لو كان يحس فيا دا الحجر المتحرك ويقطع عليها تفكيرها لمى.......
لمى وهيا تحط يدينها على خصرها:هاااااا ماخلصتي نظرات انتي كمان؟!!!!
رندا انتبهت لي كلمت انتي كمان؟؟؟؟؟؟!!!!!!!!
لمى:هههههههههههههه ايش بك يابنتي امشي تعالي سلمي على رامي
رندا:اسلم على مين!!؟؟؟؟؟
لمى:بلا بياخه سمعتيني رااااااااااااامي
رندا كل ماينذكر هالاسم قدامها تجيها مغصه في بطنها.....
رندا:خلاص طيب فهمت امشي يالله
لمى:استني استني حتطلعي كدا
رندا:ليه شو فيا؟؟؟؟
لمى:شعررررك
رندا:ايوه صح نسيت....وغطت رندا شعرها وطلعت لبره شافت رامي في حضن امه ومافي غير امها وام محمد ومافي لامنى ولامي اترددت تدخل ومافي اخواتها بس لمن شافت لمى تجرها سمت بالله ودخلت.......
رامي الي دخل قبل ثواني وسلم على امه وحريم عمانه:وحشتووني والله وحشتوني
ام خالد:كيفك يارامي؟
رامي وهوا راخي راسه:بخير ياخاله كيفك انتي
ام خالد:منيحه الحمدلله
رامي:هااااا اخبااااار التبوله والفتووش
ام خالد:بيستناااااك
رامي:هههههههههه طيب كويس
ام محمد:متى وصلت يارامي؟
رامي:امس في الليل
ام رامي:وي ياولدي وفينك من امس لليوم ليه ماجيت سلمت علينا!!!!!!
رامي:انا وصلت امس متأخر في الليل وبعدين معايا صاحبي وخفنا نزعجكم والوقت متاخر وبتنا في فندق واهوه انا اليوم قدامكم صاخ سليم وبس تترااااااا خلصت الحكايه ههههههههههههه
الكل:هههههههههههههههههههه ههههههه
ام رامي:يااااااربي ان شاء الله ما انحرم من هالوجه ولا دي الضحكه
لمى تنغز رندا بأصباعها وتقولها بصوت واطي:سلمي
رندا بصوت اوطى:طيب بس اسكتي انتي
ام خالد انتبهت على رندا ولمى الي واقفين عند الباب واستغربت وقفتهم فقالت:رندا لمى ادخلو سلمووو على رامي!!
رامي انتفض لمن سمع اسم رندا...رامي في نفسه معقوله حتدخل تسلم عليا وه ياربي ساعدوني حمووت من الفرحه من متى ماشفتها هالبنت من زمااااااااااااااان......و يقطع عليه تفكيره رندا...
رندا وهيا تدخل بطلتها الحلوه كالعاده:احم احم ا... السلام عليكم
الكل الا رامي الي ما استوعب الين دحين:وعليكم السلاااااام
رندا بصوت دافي:كيفك يارامي؟
رامي في هاللحظه ماقدر يمنع نفسه يرفع عينه ويشوف صاحبة هالصوت الملائكي ولمن رفع عينه شاف ملااااك نازل من السما ملاك متحجب ومو باين منه غير وجهه الابيض الطويل ذو الملامح الحلوه والناعمه وملابسها الساتره طولها وجسمها الحلوو...
رامي والشووق في عيونه:بخيررر كيفك انتي يا رندا<<<واتعمد يقوول اسمها اشتاق للفظه على لسانه.....
رندا حست انها بتطيح على الارض وتدوخ لمن قال اسمها بس اتماسكت ومسكت كتف لمى وقالت بصوت مرتجف:الحمدلله.....ويالله عن اذنكم انا طالعه تامروني بشي
رامي وهوا مانزل عينه من عليها للان قال:سلااااامتك
نغزت رندا لمى وقالت لها بصوت واطي:امشي قدامي يالله
ومشيت لمى ورندا برضها ماسكها كتفها ومرتكزه عليه لمى وهيا مستغربه من رندا ومن تصرفها اتقصدت تمر من جنب رامي ونغزته في يده بأصباعها وقالت له بصوت واطي مايسمعه وغير رندا ورامي:نززل عينك اكلت البنت..........ودا الشي خلا رندا ورامي يموووتوووو من الكسوووف والحياااااا
رامي على طووووول نزل راسه وهوا خجلان وخايف انه احد انتبه له غير لمى الشيطانه هادي اما رندا فطلعت من الغرفه وهيا تجري خايفه لاتطيح في اي لحظه ماتقدر تتسحمل كل دا......طلعت لمى ورا رندا وهيا مبسوطه انها احرجتهم <<<مصيبه هالبنت بس محد يدري عنها.....
لمى:رندا ايش بك ايش صار فيكي؟؟!!!!!
رندا وهيا جالسه على وحده من عتبات الدرج:ولاشي
لمى وهيا تحط يدها على كتفها:آآآآه كسرتيلي كتفي ايش بك اتكيتي عليا كدا عورتيني
رندا:هاااا لا بس حسيت بدوخه شويه وخفت اطيح فقمت مسكتك
لمى وهيا تطالع فيها بنظرة خبث:اهااااااااااااا قلتيلي بس دوخه من ايش دوبك قبل شويه ماكان فيكي شي؟!
رندا:لمى بطلي حركاتك البايخه هادي
لمى ببرأه:ايت حركااات؟؟!!
رندا:انتي فاهمتني مايحتاج اقول
لمى:ههههههههههههههههههههه هه طيب بشويش لاتنفجري علينا شوفي كيف وجهك احمررررر كأنك جاريه نص ميل وجيتنا ههههههههههههه
رندا.........
وتجيهم ام خالد:رندا قومي حطي اكل الحريم والرجال وانتي يالمى ساعديها واشرفي على اكل الرجال اهم شي
لمى:ان شااااء الله خالتي
رندا تقوم وهيا ساكته وتروح للمطبخ تجهز الاكل وفي اثناء ماهيا بتجهز وتشتغل لمى ماشالت عينها من عليها تطالع فيها وفي كل حركه تسويها ولاحظت ارتجاف يدها وتعرقها الشديد استغربت منها اول مره رندا يصير فيها كدا غررريبه......
وفي مجلس الرجال دخل رامي عليهم وسلم على الكل وقعد معاهم مبسوط على الاخر لانه لقا اهتمام كبير من الجميع وخصوصاً المدح على وسامته وجماله......
ابو خالد:هاااا يارامي كيف امريكا حلوه؟؟؟
رامي:لااا اعوذ بالله بالعكس تجيييب المرض
خالد:هههههههههههههه خليه يستاهل هوا الي قال يبغا يسافر وهلكنا على هالسفر
رامي وهوا يقرص خالد في يده:اسكت انتا بس محد طلب رأيك
خالد:اااااي عورتنيييي
ابو رامي:هههههههههههه وانتو يالشباب ماتعقلووو خلاص كبرتووو ياهوووو اعقلووو
ابو خالد:هههههههههههههه خليهم ياجمال ينبسطووو
رائد والي دخل في نص الحوار:هااا يابو الشباب الحنجره الذهبيه موجوده ولا راحت مع امريكا وهمها؟؟
رامي:افااااا عليك موجوده انت بس امر<<<الحنجره الذهبيه هادي لقب قاله رائد على رامي لانه صوته حلو لمن يغني فسماه ابو الحنجره الذهبيه من كتر ما صوته يجننننننن
امجد:طيب يالله سمعناااا حاجه
ابو محمد:اي والله يارامي زمااان على صوتك الرهيب
رامي:احم احم اخجتلم تواضعنا ههههههههههههه
الكل:هههههههههههههههههههه ه
خالد:بما ان العزيمه مسوايه اصلاً ليا فا انا الي اختار الاغنيه
رامي:اوووووووكي انت تامر يالله اختار الاغنيه
خالد:اممممممممممممم اغنية يسئلوني ليه احبك لراشد الماجد
رامي:لاااااا غيرها ماابغاها هادي صعبه شوي
خالد:لا مافي انا ابغاها ولا ايش رايكم ياشباب
رائد وامجد:ايوووه مانبغا الا هيا ورينا فلاحتك
رامي:اوففف خلاص طيب مدام اتفقتوو عليناا
رامي:احم احم اممممم
امجد:لحظه لحظه يا ابو الشباب بتغني كدا؟؟؟؟؟؟؟؟؟!!!!!!!
رامي:اجل كيف تباني اغني يعني؟؟
امجد:دقيقه.....وراح امجد يجري ورجع ومعاه عود..........
امجد وهوا يعطي العود لرامي:خد وغني عدل ولا بلاش
رامي الي انحرج بقووه خايف يكون نسي العزف المظبوط ويتفشل قدامهم بس الاصرار والتحدي الي في عيون امجد والشباب خلاه ياخد العود ويقرر يغني.....
رامي:هدوووء احم احم ححح احممم
رامي بدء بصوت دافي ورهيييييييييييييييب:يسئلو ني ليه احبك حب ماحبه بشر
وليه انتي في حياتي شمسها وانتي القمر
وليه صوتك لي وصل صحراي يملاها الزهر
علميهم يالحبيبه اه اه يا اغلى حبيبه.....
يسئلوني ليتهم مثلي يعيشون الهوى
الاصابع في الايدين الواحده ماهي سوى
عندهم حبك طبيبعي وعندي فوق المستوى
فهميهم يالحبيه اه اه يا اغلى حبيبه....
يسئلوني وفي شفاتك يرتعش حر الجواب
مادرو انتي بحياتي راحتي وانت العذاب
وانتي الحلم الي عشقته وطار بي فوق السحاب
خبيرهم يالحبيبه اه اه والله حبيبه...
يسئلوني وانتي اكبر من سؤالهم جميع
وانتي اجمل ما خلق ربي بي هالكون الوسيع
واني اتلاشى بدون عيونك الخجلى اضيع اضيع
اعذريهم يالحبيبه اه اه يا اغلى حبيبه....
علميني ليه احبك حب ما حبه بشر
وليه انتي في حياتي شمسها وانتي القمر
فهميني ليه احبك حب ما حبه بشر
وليه انتي في حياتي شمسها وانتي القمر
وليه صوتك لي وصل صحراي يملاها الزهر
اعذريني يالحبيبه اه اه والله حبيبه....
وفي هالوقت كانو رندا ولمى واقفين عند الباب يسمعووو رامي اتقن الاغنيه وغناها بأسلوب روعه فرندا كاااانت هاااااايمه في هالصوت يجننها صوته لمن يغني ويخليها زي السكرانه اما لمى فكانت مابتسمع للصوت كانت بتشوف رندا وتعابيبر وجهها رندا انتبهت للمى الي من يوم ما جا رامي وهيا طول الوقت تتطالع عليها وتتفحص تعابير وجهها فقررت توريها شغلها مسكتها من يدها بعصبيه وجرتها لبعيد....
رندا:تعااااالي هنا قوليلي شو عندك من يوم ماجا الاخ دا الي اسمه رامي وانتي تتفرجي عليا شايفتني تلفزيون عندك انا هاااا
لمى:ههههههههههههههههههههه ههههه لا والله مو قصدي بس اممم عندي سؤال
رندا شكت وحست انه بتسألها شي يحرجها فغيرت الموضوع بسرعه
رندا:ويييييي امشي نسينا ندق الباب والاكل عند الباب تروح تجي عليه الحشرات امشي دقي الباب
لمى فهمت عليها بس قالت تمشيها لانها شايفه امجد جي عليهم لمى على طول عدلت من طرحتها وناويه تروح......امجد لاحظ انه كل مايجي هيا تروح فعصب ونوا يوريها شغلها.......
امجد:لحظه لحظه لمى
لمى اتفاجئت اول مره يزهمها امجد دا فرجعت على ورا شويه وطالعت فيه وقالت:نعم خير
امجد:لابس حبيت اسأل هوا اذا حضرت الشياطين ذهبت الملائكه ولاكيف؟؟
لمى انحرجت بقوه من كلامه هادا بس رندا شافت الجو متكهرب وقررت تنقذ الوضع...
رندا:لا مو كدا يا امجد بس انا قلتلها تروح تحط الاكل للحريم
امجد:اها مو مشكله طيب بس انا ولد عمها قبل ما اكون اكون...ووقف امجد مو حاب ينطق الكلمه بس لمن شافت الابتسامه الخبيثه الي انرسمت على وجه لمى قال وبحزم:قبل ما اكون زوجها المستقبلي.......اصلاً امجد يقول في نفسه لا ان شاء الله ما اكون
لمى لمن قال هالكلام اعتفس وجهها فوق تحت وبان انها انزعجت ودا الشي خلا الاستغراب والشكك يدخل في نفس امجد ومنى......لمى لاحظت كدا بس ماحبت تخليهم يشكو فقالت:ولايهمك حبيبي انا اعتذر<<<بالعنيه قالت كلمة حبيبي عشان تقهره
امجد انصدم منها ومن طريقة كلاماها وكان نفسه يعطيها كف بس مسك نفسه وقال:طيب اوكي المهم حطوو الاكل جعنا
رندا:الاكل عند الباب نسينا ندق الباب ودحين الشغاله تجيب لكم الباقي....وراح امجد ولمى قعدت تطالع فيه وقالت في نفسها من جد وسيم وحلووو بس متكبر وقليل ادب يوووه منه اكرهه يا نااااااااس ما ابغا اتزوجه خساره محد يفهمني....
وكمان جزء
*&* الجزء العشرين*&*
وفي بيت ابو خالد ادن العصر وراحو الرجال يصلوو في المسجد وبعد مارجعو اتفاجئوا بوجود اهل ابو جابر الي كانو طالعين من سياراتهم.....
ابو خالد:ياااااهلا والله هلاااااا توه نور البيت
ابو جابر وهوا يسلم على ابو خالد:هلاااا فيك يالغالي اخبارك؟
ابو خالد:تمام التمام انت كيفك وايش اخبارك؟
ابو جابر:الحمدلله بخير ونعمه
ابو خالد:ان شاء الله دوم وياهلا والله شرفتونا اتفضلوو على المجلس اتفضلوو
وسلم الجميع على بعض ودخلو الحريم البيت ودخلو ابو جابر وجابر مجلس الرجال الخلفي.....
وفي البيت وبعد ماسلمو الحريم على بعض قعدت منال مع البنات وقعدو الحريم مع بعض في نفس الغرفه....
رندا:يااااهلا والله كيفك منال اخبارك وحشتينا يالقاطعه فينك ماصرتي تجينا ولا تتصلي ولا حاجه؟؟
منال:بخيييير ياقلبي ووالله انتو اكثر بس تدري اختباراتي بدأت وحاااله ومابلقا فرصه عشان اطلع من السكن
رندا:اهاااا مو مشكله المهم شفناكي
منى:وها بشري كيف سويتي في اختباراتك ان شاء الله تمام
منال وهيا تتتنهد:اهوه الحمدلله ماشي الحال
مي وهيا تنط وتجي تقعد جنب منال وتبوسها على خدهاا:امممممموووووااااااا حححح وحشتينااا منوووله كيييييييفك؟؟؟
منال والي تمسح البوسه الي على خدها:وعععععع ما احب احد يبوسني لو سمحتي بعدي شويه
الكل ضحك على منال الي بجد تتضايق لمن احد يبوسها:هههههههههههههههههه هههههههه
منال:لاتضحكو عليا بس والله من جد ما احب احد يبوسني اتزجع
مي:طيب خلاص ولاتزعلي وهادي بوسه تاانيه.....وتبوسها على خدها ودا الشي زاد من تعصيب منال وخلى وجهها يحمررر.......مي ما اهتمت وقالت لها: المهم طمنينا اخبارك وعلومك وشو عامله في دراستك.؟؟
منال بعصبيه من الي سوته قبل شويه:كل دي اسئله!!
مي:ايوه عشان اريحك ويصير الجواب واحد ههههههههههههههه
منال:ههههههههههه والله كلش تمام
مي:دوووم مو يووووووووم
لمى هنا قررت تدخل بالحوار لانها طفشت من المستحى وشافت ماله داعي تستحي من منال مدام هيا اخده كدا على بنات عمها فقالت لنفسها خليني اندمج معاها مدام احنا اهل وجات فرصه يصير نتعارف اكثر وقالت:الا يامنال انتي ايش تخصصك بالظبط؟
منال بفرح لانه لمى اخيراً قررت تتكلم معاها وتعطيها وجه لانه كم مره شافتها وماكانت تتكلم معاها:اممم شريعه اسلاميه
لمى:واااااو بس مو لايق عليكي صراحه
منال:هههههههههههههه ايه ادري الكل يقولي كدا
لمى:ماشاء الله عليكي
منال:بس ماقولتيلي ليه مو لايق اكييد عشني مرجوجه شويه ههههههههههههه
لمى الي ماعرفت ايش تقول اتحرجت:امممم يعني شي زي كدا وعشان يعني انا اعرف اغلب الي يدرسو شريعه كدا هااديين ومايتكلمو وينكتو كتير بس انتي ماشاء الله غيرر
منال:احم احم ادري اصلاً انا كلي على بعضي غيرررررر
رندا:الله يهديكي يالمى دحين تخليها تكبر راسها على الفاضي
منال:افاااااااا بس افاااا دا وانتي بنت خالتي وتقولي عني كدا اجل الغُرب شو يقولو؟
لمى:ههههههههههههه حتى انتي عندك ال( شو) هادي زيهم
منال:ايه عاد شو نعمل انتقلت العدوى لنا هاهاها
لمى:هههههههههههههههههههاا ي
منى:هههههههههههه ايوه وكمان ابوها زي الماي ماذر
لمى:كيف يعني؟!!!؟؟؟؟
رندا:ياهبله يعني فيهم عرق لبناني
لمى:اهااااااا صح نسيت
منال:وانتي لمى ماقولتيلي في اي تخصص؟
لمى:ااممممم قسم حاسب الي
منال:وااااااو حلووو بس كيف ان شاء الله مبسوطه فيه
لمى:والله تمام ماعليه ماشيه فيه وانا اصلاً احب الكمبيوتر والنت وهالاشياء من زمان فلقيتها فرصه ادخل شي احبه
منال:طيب حلوه كويس يالله الله يوفقك يارب
لمى والي ارتاحت لمنال:امين التوفيق للجميع يارب
رندا:والله حااااااله كلكم تخصصات وشي مابقي الا انا مفروسه مع هالمدرسه
منال:ههههههههههههههه يالله هانت كلها كم شهر وتتخرجي من هالثنويه وتفتكي
رندا:اي والله شهر ونص وافتكككك
منى:ياختي مو اهم شي تفتكي اهم شي تجيبي نسبه حلوووه
لمى:اي والله صح لازم تشدي حيلك عشان تدخلي القسم الي تبغيه
رندا:انا اممممم ابغا ادخل طب
مي:ماااشاء الله والله وطلعتي شي يارندا طب وحركات بس والله يكفينا دكتور واحد في العيله الدكتور امجد مانبغا تاني
منال لمن سمعت اسم امجد افتكرت موضوع خطبته للمى فقالت:ايييييييييه صح نسييييييت سوووري الف الف مبروووووك يالمى مقدماً
لمى عرفت انها تبارك لها على الملكه واعتفس وجهها لمن افتكرت ودا الشي خلا رندا ــــ بما انها شديدة الملاحظه ـــ من بعد حركاتها لمن شافت امجد ودحين تتأكد انه لمى مغصوبه على هالزواج وماهو برضاها<<<تدرو عنها رندا ساحره تقدر تعرف كل شي بدون محد يتكلم...بس اتداركت لمى نفسها بسرعه ورسمت بسمه على وجهها لمن شافت نظرات رندا الساااحره وقالت لها:الله يبارك فيك وبعمرك وعقبااالك ان شاء الله
منال والي رفعت يدها للسما وتقول:اااااااامييييييين
الكل ضحك على حركتها وخفة دمها ولانها حبوبه وتدخل القلب بسرعه......
منى:الا يامنال ماقولتيلي حتنامو عندنا اليوم؟
منال:ايوه ان شاء الله بس ليه السؤال لايكون ماتبينا
منى:لالا والله مو القصد بس عشان نرتب لكم الوضع يعني
منال:اهااااااا مو مشكله بس خلي في بالك انا بنام معاكي في الغرفه
وقعدو البنات يسولفوو مع بعض الين ادن المغرب وراحو بيت ابو محمد وابو رامي
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك