رواية شهد الفهد -14

شهد قربت من اخوها الصغير وشريك طفولتها وحياتها وحطت راسه في حضنها وهو ارتمى في حضنها وجلس فيه يبكي بكاء يشبه النحيب وشهد تنزل دموعها على راس اخوها وهي تمسح عليه وتقرا عليه
شهد متأثره بكلام اخوها واجد:فديتك يالغالي افا عليك كلهم معاك وانا معاك.....الله يهديك.....(وتمت تقرا على راسه المعوذات وسور علشان يهدى)
هدأ فراس بس كان يبكي بكاء صامت والكل كان مثل حالته فارس قرب من اخوانه وضمهم اثنينهم في حضنه الابوي والاخوي
شهد ابتسمت لاخوانها:خلاص يلا خلوني اخلص باقي جلسة المصارحه ولا لازم نقلبها فلم هندي
ابتسموا اخوانها غصبا عنهم
وجى وقت اصعب شخص على قلبها وعلى قلبه وكل واحد فيهم تم يناظر الثاني
هو يناظرها بحنان وشوق وحب وهم وحزن والم يعني احاسيس مختلطه بس الي يعرفه انها كلها لها وتقصدها
وهي تطالعه بألم بحنين وشوق لانه يذكرها بالحب الاول وهو حبه صار الحب الازلي لها وفي قلبها:"يافهد انا حبيتك وانا يمكن فاهمه نظراتك بس لاتحط ياعمري آمال على اوهام مستحيل تصير بحاول انك تنساني بس مب الليله مب الليله"

**الجزء 28**

هلي لاتحرموني منه هلي لاتبعدوني عنه

مثل ماهو قطعه مني انا تراني منه قطعه

احبه اموت اذوب اذوخ وميت فيه

وعقلي وقلبي ووروحي ياعلني مابكيه

هلي الله يسامحكم اذا ماكان عاجبكم

هلي تكفون طالبكم احس بشوفه الجنه

هلي تكفون خلوني معاه ولاتلومني

هلي مااريد انا غيره ولايغني احد عنه

حشا ماكنت له جاحد ولا حب من طرف واحد

شكيت الراشد الماجد سبايبكم ياهلي غنا