رواية احضنيني بقوة اخاف منك اضيع -10
الجده حلفت ماتدخل فلة بورائد وطلال مو فيها عافت كل شي كل يوم تقعد على الفطور تطالع في كرسيه فاضي وتقعد تبكي
ملاك طلعت من المستشفى بعد اسبوع من العلاجات والمهدءات
طول يومها ساكته ماتكلم احد ولا تسمع احد بس مقابله صورة طلال والدموع خذت لمجراها بوجه ملاك مكان
يجيبون لها الاكل ويأكلونها وتاخذ العلاج وهذي حالتها ماتحب تقعد مع احد ولا تتحمل تسمع اي احد عاشت بوحد وكأبه
تركي وهو جالس لحاله ع البحر يتذكر ايامه مع طلال
تركي: والله ياطلال قاهرني
طلال: افاا ماعاش من يقهرك ووانا موجود
تركي:انا اشهد انك كفو ياطلييييل
طلال:والله ياتركي ماحب اشوفك وانت متضايق
تركي: عااادي ياخوك الضيق له بقلبي مكان
طلال: يابن الحلال هونها والله الدنيا ماتسوى تزعل عشانها
تركي: والله ياطلال مااتخيل حياتي من دونك
طلال:ولا انا والله ان حياتي من دونك سلطه
تركي:هههههه يقطع شرك سلطه عااد
طلال:واخيرا" ضحكت الدنيا ماتستاهل نقضي فيها لحظة حزن
,,,,,
تركي:طليييييييييل انقلع برا ابي انام
طلال وهو ينطط على سرير تركي: مافي نوم بعد اليوم وانا جاي انتقم منك
تركي: انا اشهد انك بعير ماتنسى
طلال:لابس انت ماانساها لك
تركي: طلييييل انقلع وطف النور اللي انت فاتحه وسكر الباب
طلال:تذكر وش قلت لي يوم قلت لك كذا؟
تركي:لا مااذكر ولا ابي اذكر
طلال: انا اذكرك قلت ان ماقمت ابكب على راسك كاس الماي
تركي: انا اوريك ياطلييييل
وقام تركي وخذ كاس الماي يلحق طلال إلى ماطلعه من الغرفه وطلال ميت ضحك عليه
تركي في نفسه:اااااه ياطلال ارجع وانتقم وكب كاس الماي وسو اللي تبي بس ارجع
لاتخلينا
,,,,,
تركي بصوت واطي:طلال خلنا نمر ناخذ ريما تتمشى ويانا
طلال بصوت عالي:لاااا والله تبينا نمر ر
تركي يحط يده على فم طلال:اسكت فضحتنا
البنات وهشام :هههههه
طلال:هههه تراك مفضوح من زمان
,,,,,,
طلال:آآآآآآهـ ياتركي قلبي مليااان هموم
تركي:يوووه طلال اللي عمره ماهتم من شي ومعطي الدنيا اشكل الحين مليان هموم
طلال:اللي بقلبي كبيير
تركي:لا وهمه من بنت
طلال:تركي
تركي:هلا
طلال:تتوقع لمى اموت ملاك تبكي؟
تركي:طلال شهالحكي؟
طلال:احسها ماراح تبكي
تركي بضيق:طلال تدري لو انت تنتهي من حياتي مدري شلون بعيش
طلال يضحك بضيق:آآآآهـ ياتركي ماحد بيبقى فيها
تركي:خلاص ياطلال
طلال:تركي لو مت ملاك بتتزوج غيري؟
تركي بيغير المود:انت اهبل؟ لا مت انا اللي باخذها
طلال ينط على تركي يضربه:تاخذها ها انا اوريك
,,,,,,,
تركي وهو يبكي:أآآآآه ياطلال والله فضت الدنيا من دونك تعال وشوف حالنا من بعدك كييف
آآآآه ياخوي تعال يتقطع قلبي الف مرره وانا اذكر تفاصيلك ومواقفك
مكانك فاضي ياطلال فالبيت والشركه والقهوه والديوانيه وكل مكان كل مكان
تعال شوف ملاك من بعدك كيف حالتها تعال ياطلال
وبصوت عاااالي ومبحوح تركي وهو يرمي حجر بالبحر:طلااااااااال
أم محمد:أسمحيلي ياأم زياد الظاهر مابينا نصيب بنتك شكلها تحب ولد عمها
أم زياد:بس ولد عمها مات الله يرحمه
أم محمد:بس انفعال بنتك بعزا ولد عمها خلاني اغير رايي يعني شبيقوولون الناس مرت ولدهم تحب غيره
أم زياد:خلاص ياام محمد بكيفكم ماتشوفون شر بنتنا بطريق وولدكم بطريق وزين اللي ماملكنا
ام محمد:مع السلامه
سكرت ام زياد وراحت قالت لبنتها
ملاك:هههههه على باله اني ابيه انا ماراح اتزوج غير طلال
ام زياد:بس طلال مات
ملاك:انتم ماتفهمون مامات
ام زياد:لأ مات ياملاك مات متى بفهمين متى
ملاك: طيب ليييه معصبه مدامه مات اجل ماراح اتزوج
ام زياد:لاحول ولاقوة الابالله
البارت الرابع عشر قبل الاخير
مرت سنه على الاحداث المره اللي صارت
فواز ولينا تزوجوا
وجابوا بنت سموها جواهر
,,,
رائد وهبه
جابوا ولد اسمه احمد وبنت اسمها لولو
,,,
هشام ورغد
تزوجوا وجابوا بنت سموها جود
,,,
معتز ولمى سافروا مع زياد وشوق لان معتز رافض يخلي زياد لحاله بالشركه في بريطانيا
وجابوا بنت سموها مي
,,,
ريما تزوجت تركي
وعندهم ولد سموه طلال
,,,
شوق تزوجت زياد وسافرت معاه لانه يشتغل ببريطانيا رفض يرجع للسعوديه مايبي يقعد فيها وطلال مو موجود ولايقدر يشوف اخته بهالحاله وهو مو قادر يسوي لها شي
وعندهم ولد اسمه مروان
,,,
هديل وغيدا خطبوهم اثنين اخوان من ربع رائد وفواز
هديل عندها بنت اسمها غدير,,,وغيدا ولد اسمه نايف
,,,
ملاك خذت عهد على نفسها تبقى على ذكرا طلال وماتاخذ غييره
مسكينه ملاك حالتها حاله من بعد طلال كل شي فيها تغير وكأنها كبرت 10 سنين
,
,
,
,
طبعا" الكل متوقع انها النهايه بس فالحقيقه لا الاحداث ماخلصت
البارت الخامس عشر والاخير
اليوم الكل متجمع فالبيت الكبير فلة الجده طبعا"بأستثناء معتز وزياد وشوق ولمى لانهم ببريطانيا
هبه:لينا جيبي لي معك عصير
رغد:اقول بنات وين ملاك؟
ريما :والله حالها مو عاجبني مر سنه على اللي صار ولاهي قادره تنسى
رغد:وين تنسى وهي تعشقه
لينا وهي تمد العصير لهبه:المشكله انها تنخطب ولاهي موافقه على احد
هبه:ياليت نقدر نطلعها من اللي هي فيه
جوجو بنت لينا وفواز وهي تبكي: ثوفي تلال احد مني الكوله(شوفي طلال اخذ مني الكره)ء
لينا: والله ياريما ولدك ذا معذب بنتي
ريما: خليه يعيش طفولته
لينا:وعلى حساب بنتي
الا طلال داخل:ماما لاتثدقينها هادي كدابه(ماما لاتصدقينها هذي كذابه)ء
هبه: عيب ياطلال تسوي كذا بجوجو هذي بنت وانتي ياجوجو روحي اللعبي مع لولو وجود وغدير مو مع الاولاد
جوجو وموعاجبها الكلام:تيييب
بعد العشا الكل متجمع فالصاله الكبيره البنات والعيال والكبار الا البزارين يلعبون بالحوش
والكل لاهي اللي يسولف بالاقتصاد والتجاره و اللي يسولف عن المكياج والاشياء الجديده اللي نازله السوق والكل يسولف
ملاك بغرفتها مقابله صورت طلال هذا حالها من مات طلال
شوي الا يرن الجرس
ابو رائد: من جاينا هالوقت غريبه
ابوزياد: واحد يقوم يشوف من ع الباب
هشام:انابقوم
تركي: لاخلك انا بروح
وراح تركي فتح الباب
تركي وهو مصدوم:بسم الله الرحمن الرحيم
......:تركي شفيك شايف جني
تركي يفرك عيونه:لااا مااصدق
.......: تركي انا طلال
تركي: ط..ط..طلال وبصوت عالي طلااااااااال ويحضنه ويبكي باعلى صوت
الكل قام يركض وهو خايف على بالهم طلال ولد تركي صار له شي
وطلعوا وشافوا طلال الصغير والبزارين واقفين يشوفون تركي شفيه
الكل تنهد الراحه على بالهم حتى طلال الصغير بيروح مثل ماراح الكبير
ابوزياد:تركي يابوك من عند الباب وعلامك تصارخ
تركي:تعال ياخالي تعال
تعالوا كلكم شوفوا اللي اشوفه
الكل قرب وهو مو مصدق الكل يبكي ويحمد ربه على رجعة طلال وبراسهم الف فكره كيف رجع
الجده وهي حاضنه طلال وتبكي:اااااه ياطلال ردت لي الروح بشوفتك حياتي مالها طعم من دونك
طلال وهو حاضنها:اشتقت لك ياجده واشتقت لحظنك ودفاه
طلال سلم عليهم كلهم وقام يناظر بعيونه يدور حبيبته اللي باع الدنيا عشانها
طلال لتركي: تزوجت محمد صح؟
تركي: لوتدري بحالها بعدك
طلال وهو موفاهم شي:شلون يعني؟
تركي حكى لطلال اللي صار
طلال مايدري يفرح يحزن يبكي يضحك مو عارف شيسوي:وهي وينها
تركي: داخل
طلال: عمي تسمحلي اشوف ملاك؟
ابوزياد:روح لها ياولدي دامك شفى جروحها
ملاك في غرفتها ولاهي داريه عن شي
طلال يفتح الباب بشويش
وقعد يتأملها وهي معطته وراها والكل ورا طلال بيشوف شبيصير
طلال:ملاك
ملاك وهي متفاجئه من الصوت:ط..ط..طلال؟
وتناظر بابوها وامها وعمانها وعماتها والبنات وجدتها اللي واقفين ورى طلال
وقامت تضحك تضحك بأعلى صوت والدموع بوجهها وهي تقول :ههههههههه انا خلاص انجنيت انا صرت اشوف طلال اتخيله قدامي الحين
طلال يبكي على حال بنت عمه وحبيبته:لا يابعد قلب طلال انتي مانجنيتي انا حقيقه
ملاك:بابا طلال قاعد يكلمني
ابوزياد :هذا طلال ياملاك طلال رجع رجعلك
الكل يبكي من المنظر
ملاك جات تركض وحضنت طلال حضنته بكل مااعطاها ربي من قوه
وطلال نفس الشي
طلال وهو يبكي: احضنيني بقوه أخاف منك أضيع
ملاك من بين دموعها:لاتروح وتخليني شوف من بعدك شصار فيني
طلال: ان خليتك اعرفي اني مت
ملاك تحط يدها على فم طلال:لاتقول كذا اللي يكرهونك ان شالله
ابورائد:هاعاد جازت لكم السالفه اشوف
الكل قام يضحك وملاك وطلال بعد
ابوزياد:يلا قوموا نقعد بالصاله عشان طلال يقولنا وش صار
وقعدوا الكل بالصاله وهم متشوقين يسمعون سالفة طلال
رغد:هاياطلال قول
طلال:اليوم اللي كنت بسافر فيه كنت ناوي اروح بسيارتي ماابي احد يجي معي لاني ماحب لحظات الوداع الاخيره وتركت سبير من المفتاح عن رائد وقلت له يعطيه تركي وهشام يجيبون السياره من المطار لما امشي
لينا:طييب
طلال يكمل:حطيت الاغراض وكل شي بالسياره وتوني بركب الا هشام وتركي جاوو ياخذوني رفضت اركب معهم بالاول بعدين اصروا علي
تركي:ايييه صح اذكر حتى قلت بشرط انكم ماتنزلون تودعوني حدكم انزل من السياره وتمشون قبل ماادخل المطار
هشام:ايه حتى مادخل الا يوم تأكد ان مشينا
طلال:بالضبط هذا اللي صار
ام رائد:طيب ياوليدي ياطلال وبعدين شصار شلون انت مادروا عنك انك موجود
ام زياد:صح وهم قالوا ان كل اللي بالطياره محد نجى منهم
طلال:بكل بساطه لاني ماركبت الطياره
الكل وعلامات التعجب بوجههم:نـــــــــــــعـــــــــــم؟؟
هشام وتركي :شلووووون وحنا موصلينك المطار بنفسنا
طلال:زي ماقلت لكم اني كنت حاط اغراضي بسيارتي ويوم نزلت الاغراض في سيارة تركي نسيت اخذ الجواز
لينا وهي تضحك:اماا بتسافر بدون جواز يابن الخال
طلال:شفتي كيف
ويكمل:عااد قلت مانيب داق على تركي وهشام يرجعون احسن اخذ تكسي
واخذت تاكسي ورجعت البيت طبعا"مادخلت بس بالحوش عند السياره اخذت الجواز بسرعه وطلعت للتاكسي يوديني المطار
وعلى ماوصلت المطار
ملاك تقاطعه:الا الطياره طارت
طلال:بالضبط وضاق صدري وقتها وسألتهم متى اقرب رحله لبريطانيا قالوا بكرا قلت لايمكن ارجع البيت
ريما:اجل شسويت؟
طلال:سألت عن اقرب سفره قالي للبنان بعد نص ساعه ومن حظك في كرسيين فاضين
قلت خلاص انا ماابي الا كرسي
ورحت للبنان وقعدت فيها اسبوع ولا اقرا جرايد ولا اشوف تلفزيون وكلا فحالي الى مارحت بريطانيا
وقضيت وقتي كله بالشغل ماارجع البيت الا وقت النوم انام واقوم ع الشغل على طووول
رائد:طييب مادريت ان الطياره اللي المفروض انت مسافر فيها طاحت
طلال:الا بس مدري انها نفسها لان كان فيه طيارتين ذاك اليوم الصباح والعصر فماتوقعت انها هي اللي كنت بسافرفيها
فواز:اجل شلون عرفت وقررت ترجع
طلال:وانا فالمطعم اتعشى شفت زياد ومعتز رحت اسلم عليهم وماشفت الا الدموع والبكي والحاله هم وشوق ولينا
هبه:يعني شفتهم هناك؟
طلال: ايه وقعدت معهم وقالوا لي عن كل شي من يوم سافرت الى اليوم اللي هم سافروا فيه بس ماحكلوا لي اي شي عن ملاك عشان كذا اول مادخلت وماشفتها ضاق صدري وقلت اكيد ببيت زوجها مع عيالها
ام رائد:والله ردت لي الروح يوم شفتك ياوليدي
طلال وهو يحب على راس امه:تسلمين لي يالغاليه
رائد:اجل بعد كل اللي صار اسمحلي ياعمي بعد اذن ابوي نخطب ملاك لطلال مره ثانيه
طلال: اصلا" بدون ماتقول
بو زياد:والله احنا نتشرف بك ياطلال وهذي البنت قدامك اسألها بنفسك هالمره
طلال: ها ياملاك موافقه
ريما بحماااس:بعد اللي صار لها من بعدك اذبحها لو رفضت
الكل قام يضحك على انفعال ريما وحماسها للسالفه
طلال:الا وين سميي يقولون صار عندكم طلال ثاني
تركي:لو ادري انك بترجع ماسميته طلال
طلال الصغير داخل:بااااااباااااا
تركي:نعم؟
طلال الصغير:لييييه قبل سوي تبتي وعييييب الردال يبتي(ليه قبل شوي تبكي وعيب الرجال يبكي
تركي:ها يامستر طلال مااخذ منك الا طوالة اللسان والهبال
طلال:تعال يابعدي ماعليك من ابوك
طلال الصغير:وانت اثلا" منو؟
طلال:انا طلال
طلال الصغير يأشر ع الصوره الكبيره اللي معلقه بالصاله:انت نفثك هدا؟
طلال:أيييه نفثي
طلال الصغير ينط بحظنه:حبيييييييتك
الكل قام يضحك على طلال وطلال
بعد اسبوع الكل درا برجعة طلال وبارك لهم وتحمد لهم بالسلامه على رجعته
اليوم مسوين عزيمه كبيره فالمزرعه حقتهم على رجعة طلال بالسلامه
عند الرجال
طلال قاعد عند رجول عمه بوزياد:تكفى ياعمي طلبتك ابملك عليها اليوم
بوزياد:ياوليدي شعليه مستعجل كلها اسبوع وبتملك عليها
طلال:يووووه شيصبرني اسبوع
بورائد:طلال قوم فشلتنا عند عمك
تركي وهشام ورائد وفواز وزياد ومعتز ميتين من الضحك على شكله وهو يترجى عمه
طلال:عمي اذا تبي اقوم وافق
تركي:شكله ياخالي بيطلع حرة السنه فيك اليوم
هشام وهو ميت ضحك:وافق ياخالي وافق
بوزياد:لاحول ولاقوة الا بالله اصبر خلني اشاور امها
طلال:تيك يور تايم
رائد يكلم اخوه:طلال سوينا لك خوش مقطع فيديوا انا وفواز
طلال: ماهميتوني
بو زياد لطلال:خلاص وافقت
طلال وهو يرقص: نص ساعه والشيخ موجود
تركي:الله لايحرمنا نعمة العقل
عند الحريم
ام رائد:استخف وليدي وقعد
الجده:والله ماتردونه اليوم يملك عليها زي مايبي لاتخلون بخاطره يكفي اللي راح من عمرهم وهم بعاد عن بعض
ام زياد:ايه وانتي صادقه ياخالتي خلني اقوم اقول لملاك
عند البنات
ام زياد:ملااااااك
ملاك من بعيد: هلا ماما
ام زياد:ترى طلال بيملك عليك اليوم وراح يجيب الشيخ
ملاك وهي مستحيه:نعم لا مايصير
ام زياد:والله ولد عمك مطيور شتسوين عااد
ملاك:طيييب انا مو مستعده
ريما:بالعكس فستانك حلوا ومكياجك ناعم والناس اليوم بيجون للعزيمه يعني كل شي جاهز
(ملاك كانت لابسه فستان على ألوان الطاووس فوق الركبه بشوي وعريان من فوق وفاتحه شعرها وحاطه فيونكه زرقا على الطرف )
ملاك محتاره:بس
رغد: لابس ولاشي وبعدين حرام عليك لاتعذبين اخوي
ملاك مستحيه:اللي تشوفونه
بعد ساعه عند الرجال
طلال:وهذا الشيخ وصل لا ورحت جبت الشبكه والدبلات
بورائد:امداك؟
طلال:افاا عليك يبه من امس شاريهم
بوزياد:ماشاالله عليك ياطليييل مخطط لكل شي
طلال:أعجبك ياعمي
وملك طلال على ملاك وطلب يشوفها
وقعدوا بغرفه من غرف المزرعه
طلال:مبروك حبيبتي
ملاك مستحيه:الله يبارك فيك
طلال وهو يغمز لها:حلوه عليك اللوان الطاووس تناسب كبرياءك وغرورك
ملاك:.......
طلال:ملاك حرااام علييك لييه لابسه كذا تبين تعذبيني؟
ملاك:لييييه مو حلو؟
طلال وهو يحط يده على ظهر ملاك العريان ويهمس باذنها:عذبتيني كذا انتي احلى بألف مررره دوختيني
ملاك:طلال اقعد زين ترا والله اطلع
طلال وهو ينزل وجهه من عند اذنها ويبوس رقبتها:يعني انتي لك عين تتكلمي بعد اللي سويتيه فيني
ملاك وهي تبعد عنه شوي لانه صار بحظنها:لااااا والله هذا كله منك انت
طلال:طيب طالعي بوجهي
ملاك تطالع بوجه طلال وشهقت:ههئئئئئئئ
طلال:شفتي كيييف
ملاك وتأشر على خد طلال:هذا من ذاك الكف؟
طلال:وكفك كان شوي
ملاك:طلال تصدق زايدك وسامه
طلال:أأاااخخخ نفس كلام اخوك
ملاك:عجب زياد
طلال:يقول انه زادني وسامه وتذكار منك لي
ملاك مستغربه:شلون زياد يدري؟
طلال:انا قايل لزياد عن كل شي يعني زياااد كاااشفك
ملاك:ليييه تقوله مااقدر اطالع بوجهه الحين
طلال:عاااادي حياتي انسي
وقرب من عند ملاك إلى ماصار لاصق فيها مره ثانيه
طلال:وأخيرا" ياملاك بعد كل اللي صار الحين انتي لي وانا لك ملاك وربي اللي خلق فيني الروح مااتركك لو ايش ماصار
ملاك:عهد علي ياطلال مااتركك لو ايش ماصار
طلال:ملاك
ملاك:نعم؟
طلال:اااااه ياملاك لوتدرين انتي شسويتي فيني خليتيني واحد ثاااني قلبتيني 180 درجه
ملاك:طلال اسفه على جرائتي فالكلام معاك بس اللي صار غصب يخليني ماافوت ولالحظه وياك
طلال:حبيبتي ملاك قووولي اللي تبين هذي مو جرائه هذا حقك وانا زوجك
ملاك :لايمكن اخلي كبرياء جرحي مر اشربه طول عمري
طلال بهدوءه وبصوته المبحوح:احبكـ
ملاك طالعت بعيونه وقامت تبكي
طلال يمسح دموعها:افاا ياملاك تبكين وانا معك ماعاد في حياتنا مكان للدموع كفايه اللي راح
ملاك من بين دموعها:تذكر يوم قلت لي احبك اخر مره رحت وفقدتك
طلال:خايفه اضيع منك؟
ملاك وصوتها باليالله يطلع من البكي:اييه
طلال:طيب احضنيني بقوه أخاف منكـ أضيع
وقف طلال ملاك ولف ايدينه على خصرها وايدينها حول رقبته وحضنها بكل احساسه ومشاعره
ملاك حست بالحب وهي راسها على صدر طلال
ملاك تغني من بين دموع الفرح والخوف انها تفقد طلال مره ثانيه
عسى ربي يخليك لعيوني
وعسى ربي يخليني لعيونك
حبيبي دنيتك صعبه بدوني
ولا شي دنيتي تسوى بدونك
طلال وهو يلعب بشعر ملاك اللي على صدره
تدري يالقلب الحنون انت بالنسبه لي ايش
وانا بعدك كيف اكون ليه احس وليه اعيش
ياللي شفت احلامي فيك والتقيت بأحلى جنه
أدعي ربي وارتجيه ربي لا تحرمني منه
بعد اسبوعين
فالسوق يجهزون لملاك
رغد:يالله تقطعت رجولي من المشي من صباح الله واحنا ندوج بهالاسواق
شوق:والله كلا من اخوك ماادري شعليه مستعجل؟
لينا:خلوووه مسكين ماصدق
ريما:لا عااد اليوم السهره صباحي بالاسواق مابقى غير بكرا وبعده العرس
لمى:ياربييييه والمشكله ماخلصنا
ريما تكلم ملاك:ها يالشيخه ملاك وين سرحانه
ملاك:..........
شوق:شقاعده تناظر ذي؟
لمى: وخري راسك رغيد خليني اشوف
لينا تشهق:ههئئئئئئئئ هذا طلال ومعاه تركي وهشام
رغد:الله يفشلك ياطلييييل لاحق البنت الى هنا
من بعيد شوي
تركي:الله يرجك ياطلال حريمنا شافونا
طلال:مايهم اهم شي ملوكتي
هشام:الحمد لله والشكر ياخي اثقل كلها يومين وهي عندك
طلال:اسكتوا بس
وراح للبنات
رغد: يقطع شرك وش جابك؟
طلال ومارفع عينه عن ملاك:وانتي شعليك
رغد وهي معصبه:شووووووف اللي مايستحي ماكني اخته
البنات ميتين ضحك على شكل طلال ورغد
طلال:اقول حبيبتي قومي نتمشى وهم بكيفهم
ملاك:لااا مايصير
طلال:وش اللي مايصير؟انتي زوجتي
رغد:هييييي وين ماخذها
شوق:اسكتي لايهزئك مره ثانيه
طلال اخذ ملاك وراحوا يتمشون
طلال وهو مشبك اصابعه باصابع ملاك:هاحبيبتي خلصتي؟
ملاك وهي حدها مستحيه:لا لسه باقي شوي
طلال:عااد يلا انا مستعجل
ملاك:.........
واخيرا" اليوم يوم فرحة ملاك وطلال
اليوم يوم زواجهم
دخل طلال على زفه ملكيه وشكله له هيبه ودخلوا معاه الشعب كلهم تركي طبعا" توأم روحه وهشام ورائد وفواز وزياد ومعتز وبوزياد وبورائد وبو معتز وطلال الصغيرون واقف جمب طلال الكبير والباقي كلهم وراه
واول ماوصلوا ع الستيج قاموا الشباب وفلوها رقص ووناسه
وبعد اغنيتين طلعوا كلهم ماعدا بوزياد وبورائد وبو معتز ومعتز وزياد اللي مدخل اخته
دخلت ملاك وهي ماسكه بيد زياد على موسيقى هاديه اجنبيه مو مثل زفة طلال
وكانت مثل القمر ليلتها الانوار كلها مطفيه والموسيقى كلاسك والشموع ماليه القاعه كانت فعلا" ملاك
طلال خلاااااص خق موقادر يصبر دقيقه
واول ماوصلت عنده ملاك زياد حط يد ملاك اللي ماسكها بيد طلال وقاله: تراها غاليه حافظ عليها
طلال:ملاك بعيوني وبقلبي مااحتاج احد يوصيني عليها
زياد:كفوو يابن العم
طلال وهو خاق عند ملاك
وباس جبينها وخدها وكل شي بوجهها >>نسى نفسه الاخ
وماسمع الا صراخ البنات وتصفيقهم وتصفيرهم
طلال استحى شوي من اللي سواه
وجلس وجلس ملاك جمبه
الكل قام يسلم عليهم ويبارك لهم
رغد واقفه ورى ملاك وطلال
طلال:رغد اخلصوا عاااد ابي اطلع
رغد تستهبل:طيب اطلع من ماسكك؟
طلال:احلفي بس اقول اخلصي
رغد وهي تضحك على اخوها:طيب لحظه اقولهم يجهزون زفة الطلعه
وقام طلال وبيده ملاك وراحوا ع الفندق
في الفندق
طلال قاعد في الصاله ينتظر ملاك
ملاك واقفه عند المرايا وطالع شكلها خياااااال
كانت لابسه قميص إلى نص فخذها لونه فووووشي وفيه تحت الصدر فيونكه تفاحيه والظهر كله عريااان
ورافعه شعرها وطالع شكلها جد ملاااااك
طلال في نفسه:ياربييييه طولت مو قادر اصبر خلني اروح لها
دخل طلال وملاك سرحانه عند المرايا وتناظر شكلها وماانتبهت لطلال
طلال يضمها من ورا ويقرب خشمه من رقبتها
طلال:ياليييت اكون انا اللي سرحانه فيه
ملاك وهي مستحيه ومنزله راسها
طلال طبع بوسه على رقبة ملاك ولفها لجهته وقالها
طلال ببحة صوته اللي تعشقها ملاك:ضميني اخاف منك اضيع
ملاك لا إراديا" ضمة طلال بكل قوه وطلال بعد
اليوم الثاني
طلال فتح عيونه وشاف ملاك جمبه نايمه قرب من عندها وقام يلعب بشعرها ويمرر اصابعه بين عيونها
ملاك فتحت عيونها بكسل وتناظر فيه وهي مبتسمه
طلال:أحلى صباااااح في عمري يابعد عمري
ملاك وهي مستحيه:صباحك سكر
طلال:فديييييت الذوق وربي ماغيرك سكر هنا
ملاك تقوم للحمام وهي وجهها احمر من كلام طلال
تحممت ملاك وطلعت وطلال بعد اخذ له دوش وطلعوا ع المطار سيييده بعد ما سلموا على اهلهم
في الطياره
طلال:ملاك
ملاك:هلا؟
طلال:شمعنى طلبتي تروحين بس ايطاليا؟ ليه ماتبين تروحين رحله حول اوروبا كلها
ملاك:طول عمري احب ايطاليا وبابا كان كل سنه يعرض علي يودين لها وباقي اوروبا كلها زرتها كثيير
طلال:اجل ليييه عمرك مارحتي؟ وانتي ماتعرفينها الا بالصور
ملاك:كنت اتخيل أجواءها وكنت اقول في نفسي لايمكن اروح لها الا مع طلال
طلال:ويلوموني يوم اترك المملكه لأجلك؟
ملاك اكتفت ببتسامه
بعد فتره صغيره
ملاك:طلال
طلال:عيووونه
ملاك:تسلم لي عيونك كم باقي ع الرحله
طلال:اممم تقريبا"4 ساعات ونوصل
ملاك:يوووه باقي واجد
طلال:ليييه تبين تنامين؟
ملاك وعيونها بدت تغفي:اييييييه امس مانمت زيين
طلال:طيب نامي
ملاك: ماارتاح بنومة الطياره
طلال:حطي راسك على صدري ونامي واوعدك بترتاحين
ملاك حطت راسها على صدر طلال وراحت بساااابع نووومه إلى ماوصلوا
طلال:ملوكه حبيبتي يلا قومي وصلنا
ملاك قامت وهي مبتسمه
طلال: هارتحتي
ملاك:كثييييير
ملاك وطلال عاشوا احلى حياه مع بعض قضوا شهر العسل بإيطاليا على حسب رغبت ملاك وهو ماكان شهر الا شهرين
بعد مارجعوا للسعوديه قعدوا فيها اسبوع وطاروا لبريطانيا عشان شغل طلال
وقضوا حياتهم مابين بريطاني والسعوديه مثل شوق وزياد ولمى ومعتز
ملاك وطلال صار عندهم توأم أولاد تركي و فيصل عمرهم 7 سنوات
وتوأم بنات ذوق و قمر عمرهم 6 سنوات
فالسعوديه
اليوم الكل متجمع فالمزرعه
ملاك:طلال شوف عيالك بيجننوني كلنا خلصنا وحظرتهم يلعبون بلاي ستيشن ومالبسوا
طلال:هي انت وياه من اللي مجنن ملاكي بعد قلبي
تركي اللي عمره 7 سنوات :يابابا شنو ملاكي وبعد قلبي على الاقل قدامنا بس قول ملاك
فيصل :جد بابا عيب
طلال:شووووووف قلال الخاتمه شلون يكلمون ابوهم قوووووموا قبل اكفخكم
شهد:ههههه تستاهلون
تركي:انطمي
ملاك:عيب تقول لاختك كذا
عهد وهي توها داخله وتدور وهي لابسه شورت وبلوزه كت حمرا وحاطه ورده على شعرها
عهد:بابا شراااايك
طلال:وانا موذابحني غيرك نسخة ملاك فديييتها
ملاك وهي تجي تضم طلال:وربي انا اللي فديتك
تركي وهو يطفي البلاي ستيشن:استغفر الله العظيم قوم يافيصل قوم محد محترم وجودنا هنا
شهد:بابا حلو شكلكم وانتوا كذا
عهد:هههه ايه صح لاتتحركون واخذت جوال امها اللي كان ع الطاوله واخذت لهم احلى صوره
فالمزرعه
طلال يكلم طلال الصغير اللي صارعمره 9 سنوات
طلال الكبير:اسمع ابيك لاكبرت وحبيت ماتترك حبيبتك بسهوله اسمع كلامي وانا عمك
ترا ان تركتها بتندم
تركي وهو داخل:هي طلييييل مو عشانه نفس اسمك تسمم افكاره
طلال الصغير:يبه اسكت بيقولي عن حبيبته
طلال الكبير وهو يضحك:هههه تبي اقولك عنها روح شوفها قاعده مع الحريم
تركي:هيييي طلييل اذلف العب ويا العيال كوره ماعليك منه بيخربكك ترا
عند الحريم
ملاك:يوووووه يابنات تذكرون قبل 8 سنوات الى اليوم كيف كانت الاحداث
ريما:والله ايام غريييبه من كان يتوققع بذاك الوقت ان اليوم هذا حالنا
شوق:الحمدلله اللي مافرقنا مع كل اللي صار
عاش الكل احلى حياه
تركي وريما وطلال الصغير وجابوا له خوات قمر وذوق
//
شوق وزياد وعيالهم مروان ومهند والعنود
\\
لمى ومعتز جود وأسامه وجوري
//
لينا وفواز وعيالهم جوجو و منذر وريان
\\
رغد وهشام وعيالهم مي وتوأم بنت وولد مشعل ومشاعل
//
رائد وهبه وعيالهم أحمد ولولو والهنوف ورناد
\\
ملاك وطلال وعيالهم تركي وفيصل التوأم ووشهد وعهد التوأم
//
هديل وعيالها غدير وأثير
\\
وغيدا:نايف ونواف
-
-
-
-
لكل بدايه نهايه ولكل نهايه بدايه
لكل سفينه مرسى ولكل شاطئ سفينه
وهاهي سفن أبطالنا تصل لمرساها
بعد انا قاسوا وعانوا من مر الحيــاهـ
كل الشكر لابطال روايتي الحقيقيين
نبض قلمي
أسير الروح
*تــــمـــــت
27\3\2009
رِمْشْ الْغَ‘ـلآ
اللهم لك الحمد حتى ترضى وإذا رضيت وبعد الرضى ,,, اضف تعليقك