رواية محد مرتاح بدنياه -50

بهدوء:تعبان يا دانه...أبي أنام يمكن أنسى اللي شفته...
دانه قعدت يمه و بخوف:سعود فيه شي...؟
تركي كشر:لا تنطقين أسمه...اللي شفته مو سعود هذا إنسان ثاني...
تصوري طلب مني أنهي علاقتي فيه ببساطة ... ليه يقول لي كذا وش سويت له أنا؟؟
دانه قطبت حواجبه:تركي يا قلبي لا تفكر كثير...أكيد عنده ظروف و لما تتيسر ظروفه راح يرجع لك...
تركي هز راسه:ما أظن...أنتي ما شفتي شكله...كان يدخن و حالته لله...و يكلمني باستهبال و يتمسخر علي...
دانه:طيب أنت قوم نام...أكيد راح يرجع لك بيوم...بس أنت لا تسوي بنفسك كذا...

أرجوك .. كل الحكي معروف .. من بدري

ما فيه داعي تعيده .. شـوف لـك غيـره

تدري ..! أبآشاركك .. باللي شغل فكـري

وخل السوالف .. ( رحى ).. وقلوبنا تديره

سنتين مرت وأشـوف الرابعة .. تجـري

وحنـا نجامـل .. وكـل ٍ بـان تقصيـره

قد قلت لك من زمان .. إن غبت من عذري

ما قوى علـى الهـم والغربـال والغيرة

و شلـون أبقـوى .. ودم فراقنـا يسـري

بعروق الأيام .. من كان الصدر .. ( ديره )

لين أثقل الهـم كتفـي .. وإنحنـا ظهـري

و دنقّت .. والبال .. طـاح بكفـة الحيـرة

و ما شفت . بعيونك النعّاس .. مـن قـدري

غير إني اللـي كِسـر خَاطـر مشاويـره

تذكر .. قبل كم سنة يوم الجفـا يطـري !

وتقول لي : بس عـاد .. وفضهـا سيـرة

كنت أنت ..؟ ولا أظن إني أنـا آهـذري ؟

أو هو حلم .. يشتكي من كِـذب تفسيـره

بالحالتين .. الحبر جَف ْ.. بـورق عمـري

ولا عاد ينفع نعيد ..اللـي قِضـى خيـره

يا أعز من ب..أتركه للبُعـد .. وأستَـذري

تحت ( إني الطهر .. وإنه درب ما أسيره )

خلاص .. كل ٍ يدور له طريـق .. أدري .!

منيب أبشكي .. جعـل بفراقنـا خيـرة !

من كم سنة كنت أعز إحساس في صـدري

واليوم دار الزمان .. و ( فضهـا سيـرة )