رواية كبرتي بالعشرين فاتنة وتغرين -48
زياد:لاتنسين اني اعتبر مشلـول
مشاعل:مايهمني...انت ماتبيني؟؟
زياد:هـ الشي راجع لك..قراري ماله معنى
مشاعل قامت:اذا انت ماتبيني........انا ابيك!!
ابتسم زيااد..لالاتأنيب الضمير يلعب دور حلوو في قلبهاا..ولـ صالحي:يعني ترجعين لي؟؟
مشاعل:أكيــد..اصلا انا ماعلمت احد عن طلاقناا..ولاراح اعلم لاني مافكرت ابعد عنك..
زياد:بس انتي طلبتيني الطلقتين؟؟
مشاعل:مابيهم..."تجمعت دموعها وقالت بـ خجل".....ابيك انت!!
زياد ابتسم ومد يده لهاا ومسك يدهاا..سحبهاا له..وخلاها تجلس جنبهاا:مــتأكده؟؟
مشاعل تهز راسهاا:ايه..متأكده ولاراح اترااجع...انا قررت بكرس حيااتي لك انت..انت ومي وبسسس
زياد أخذ يدهاا وبأسهم..:الله يخليك لي ياميشوو..ولايحرمني منك
مشاعل ابتسم بس من جوااهاا جالسه تموت..تموت بـ بطئ..لانهاا تحس نفسهاا مع كل ابتسامه من زيااد..او كلمه حلووه..تتعذب..لانهاا ماتستـالهاا..تحس مجرد تشوفه..لو تشوف السعااده او الحزن عليه..ودها تذبح نفسها..تبي تعطيه روحها وكلها وتموت هي وتخلص
>..:..الجزء الثـآني..:..<
كم عااد من صاار بـ أمر الحب هيمااني.
وكم قلب عذره ترك فيه الهوى صدعي
- هههههههههههههههههههههه..صرآآحه انت ياعزاام تححححفه
عزام وهو يحط فوطته على كتفه:ادري..موب لازم تقولين
رغد وهي تسكر باب الغرفه :خذي وخلي ياملاك
ملاك:عزاامووه..الحين انا اقولك تحفه بدال لاتقولي يسلموو تقول ادري؟؟
عزام بـ غرور:أيـه نعم..انا انسـان واثق من نسفي..
ملاك:اهاا..حلوو الواحد يوثق من نسفه
رغد تصلح مايوه لمى:لموو ياقمر!..وش هـ الحلاوه..
عزام:احم!...كح كح
رغد وملاك:ههههههههه
رغد:ماشالله مايهوك..يههههبل
عزام:الله مير يسلمتس..عيونتس اللي تهههبل...ياعسـل!
رغد تضحك:كووووشخه
ملاك تخوصر:لاوالله!...وانا يعني ماتقولي كذا؟
رغد:هههههه
عزام:لاحوول..مشكلة الغيره..كذا البنـات لازم يتذابحون علي
ملاك ورغد:ههههههههه
ملاك بـ دلع:عزااموه..شسوي احبك
عزام بـ لامبالاه:شعور متبادل حبي..بس موب اللي في بالك.."يتسهبل"..قلبي لايتسوعب ان تكون فيه اكثر من فتاة
تركي يأشر على لمى:الحين هذي بتسـبح؟؟
ناصر يلعب لمى:ايه ليش؟؟
تركي:ماتخااف تغرق
ناصر كش جلده:بسم الله عليهاا..لاأنشالله!!
تركي يلكم لمى:بسم الله عليك..
ابتسمت لمى..ثم اتسعت الاببتسـامه لين صارت ضحكه عاليه
ناصر:هههههههههههههههههههه...تحبك!!
عزام:انا كل البنات يحبووني..مسكين انت بس هـ البزر
تركي:هههههههههههههههههههههههه..منهم البنااات
عزام يأشر علي ملاك ورغد:اقرب مثـال عندك هذول البني!!..
ناصر:مصدق عمرك
ملاك:فديته عزام..مصدق عمره
رغد:ههه..من جد
ملاك تناظرها بـ نص عين:وش فيك تسلكين؟؟
رغد تضحك:هههه..لاوالله
رجعت مشاعل لـ البيت بعد ماقالت لـ زياد انها بتروح تغير ملابسها وبتجي.ومره وحده بتجيب له ملابس
اول شي مرة لـ بيتهم عشاان تشوف امهاا
مشاعل تدخل:السـلآم عليكم
كانوا ام فهد وابندر جالسين بـ الصاله:وعليكم السـلآم ورحمة الله وبركاته
مشاعل تتلفت:اجل وين ام حمد ودانه؟؟
ام فهد:دانه رايحه لـ الجامعه..وام حمد فوق ناايمه..تـقول مانامت ما نامت زين اليوم
مشاعل:أهاا.."تبتسم"..شلونكم انتوا؟
ام فهد:الحمدالله بخير
راحت مشاعل جلست جنب ابوها:شلونك ماي فذر
بندر يبتسم لها:الحمدالله تمام..
مشاعل تدعي:دوووووووووم يارب...موب يووم
ام فهد:الا شلون رجلتس؟؟
مشاعل تبتسم بـ نعوومه:حزري فزري
ام فهد ضاقت عيونهاا..والتفت لـ بندر:وش تقول ذي؟؟
بندر:ههه..مشاعل لحستي مخ امي..تكلمي
مشاعل:صحى من الغيبوووبه ....
ام فهد:صدق؟؟؟؟؟؟؟؟
مشاعل تهز راسها بـ فرح..
ام فهد:الله يبشرك بـ الخير..والله انك فرحتيني
زياد:طيب شلوونه الحين؟؟..عسااه احسن
مشاعل:ايه الحمدالله..ماراح يمشي فتره..ومتى ماقرر له الدكتور يمشي بـ عكاازه
بندر بـ ضيقة صدر:لاحوول ولاقوة الا بـ الله..طيب مافي امل في علااجه
مشاعل:والله مدري الى الان مانعرف
بندر:والله انه مايستاهل
مشاعل:الحمدالله علي كل حال..الشلل في رجل وحده بس مو جسمه كلها ولا مثل ماقال بـ البدايه كل رجوله الثنتين
بندر وام فهد:ايه والله الحمدالله
مشاعل تقوم:اوكي..اجل انا بروح لـ البيت بغير وبجيب لـ زياد ملابس..
ام فهد:متى بيطلع؟
مشاعل:ماسألت الدكتور بس ان شالله الاسبوع هذاا
طلعت مشاعل وراحت لـ البيت عشان تجيب ملابس لـ زيااد
وهي في الطريق دقت على ماجد
ماجد بـ صوت يحزن..لانه من النوع الشفاف على طوول يبين عليه انه حزين:آلوو
مشاعل:هلاوالله بـ احسسن عم بـ الكوون
ماجد:هلاميشوو
مشاعل:افاا..وش فيك مكاب؟؟..
ماجد بـ نص ابتسامه:ابد..وش عندك دااقه
مشاعل:عـندي لك بشااره بـ مليووووون ريال
ماجد:وشهي؟
مشاعل:زياد قام..
ماجد موب مستوعب:...........
مشاعل:مجوود!!..وش فيك اقولك صحى
ماجد:والله؟؟..."صوته يتحشرج"
مشاعل:ايه والله..اكذب انا يعني يامجود
ماجد:الله يبشرك بـ الخير يارب..بشارتك عندي ياميشوو
بعد ماطلع ماجد من زيااد رجع البيت
دخل ماجد البيت وشااف ام حمد وام فهد جالسين ومعاهم دانه طبعا ام حمد ودانه متغطياات
ماجد:آلسـلآاام عليكم
الكل:وعليكم السـلآم!!
ماجد يبتسم:ماشالله وش هـ الجلسه الحلووه..قهوه وحلى
ام فهد:يحـق لناا نستاانس..موب صديقك ورجل بنتي قاام بـ السـلاامه
ماجد:ايه والله الحمدالله
ام حمد:والله تستـاهل ياماجد والله يقومه بـ السلآمه
ماجد:الله يسلمك ياخالتي
ام فهد:ماكلمت مشاعل ؟
ماجد:الا هي اللي قالت لي عن زيااد..انا عاازمهاا ع العشـا..قلت لهاا أي مكاان تبين تروحين له انتي بس اشري واناا حاااااظر
طالعته دانه بـ نظرات..كذا كان حمد..يدلعهاا بـ شكل..
ام فهد تناظر دانه:عااد داانه لازم تروح
دانه بـ حيا:لاخالتي..
ماجد قاطعها:لا!..دانه اول المعزومين
دانه بـ نظره حاده:ماراح اروح..انا مالي دخل
ماجد:أفاا..شلون مالك دخل..انتي مثل مشاعل واي شي بسويه لـ مشاعل لازم لك انتي بعد..
ام حمد:الله يحفظك يارب..
دانه بوزت..وجلست تناظره والله لولا الحيـأ كان قالت له انها ماتبي منه أي شي..أففف منه
وهـ الغطا يغطي ملامح وجهها..
همسه شكسبيريه:{الح ـب شمس بعد امطـار الربيع..!
قاام ماجد:اجل انا بروح ارتااح تبون شي
ام فهد وام حمد:سلآمتك
ماجد يبتسم:يسلمكم ربي..يللا اجل
وراح فـوق
طلعت مشـاعل من الحمام وهي متوضيه ومخلصه
زياد:بتصلين؟؟
مشاعل:ان شالله..بغيت شي؟؟
زياد يبتسم:لا
مشاعل ردت له الابتسـأمه وفرشت السجاده ولفت الجلال وبدت تصلي
جلس زياد يطالع التلفزيون اللي كان مكتوم لان مشاعل تصلي..ماتحمس على شي لان مافي صوت..رجع ونااظرهاا..ولا في أي ملامح على وجهه..اللي يسويه صح ولالا؟؟..ولا مثل يوم يطلقهاا..حركه جت بسررعه.."ابتسم بـ خبث"..لا..لازم اعلمهاا اني مو لعبه عندهاا لـ الكره ولا الشفقه..
يوم حبيتك يامشاعل كنت ابيك تبادليني نفس الشعور..اماا انك تشفقين علي ومن ظاهر قلبك تكرهيني هذا اللي انا ماأبيـه..
زياد:تقبل الله
مشاعل تصفط السجاده:منا ومنكم صـآلح الاعمـآل..صليت؟
زياد:يس
مشاعل تناظر ساعتها:مادقوا سحر وامي
زياد ناظر التلفزيون مره ثانيه وعلّى ع الصوت:لا..
مشاعل تجلس ع السرير تناظر معااه كان فلم بس زياد ماكان مركز مع الفلم ابد
طـق!..طــق!!!
زياد:ميـن؟؟
-أروى ياولد العم
زياد لاحوول:تفضلي اروى
دخلت اروى ووراها امها:آلـسلآم عليكم
زياد ومشاعل:وعليكم السـلآم
ام اروى تجلس بعد ماسلمت على مشاعل اما اروى ماسلمت عليهاا...ولاناظرتهاا كأنها موموجوده
ام اروى:شلونك يازيااد؟؟..عساك احسن؟
زياد:الحمد الله ياخالتي..
اروى:اقلقتني عليك يازيااد..طول وقتي وانا بس ادعي لك..وكل ماسمحت لي الفرصه.."وتناظر مشاعل"..أزورك
مشاعل تناظر زياد:ايه والله يازيااد ماقصورا زاروك وانت تعباان
استغربت مشاعل من نفسهاا انهاا قالت كذا..بس حست انهاا قههرت اروى
زياد ابتسم لـ ام اروى:ليش تعبتوا اعماركم
ام اروى:مهناا تعب ولا شي..انت ولدناا
زياد:يسلمك ربي
اروى:الا زيااد اخباارك رجولك
زياد يناظر رجله وكأنهاا قلبت المواجع بس زياد قوي وعمر الحزن ماباان عليه خصوصا قدام مشاعل ولا اروى:الحمدالله
ام اروى:تحس بـ شي
نزل زياد راسه عشان ماتبين تعابير وجهه:الله يهديك ياخاله..من وين احس فيهاا وهي مشلوله
ام اروى بـ اسى:ربك كريم ياولدي
زياد:الا انتوا اخباركم واخباار عمي؟؟
اروى:الحمدالله يسلم عليك
مشاعل استغربت ان اروى ماسألت عن مي ابد
اروى بـ وقاحه:الا يالغلا..اخباارك في حيآتك الجديده
زياد رفع حاجب..الغلا؟؟..
مشاعل مااتت قهر..بس تدرون ليه؟؟..لان اروى تتعمد تقهرها وموب عامله أي حسااب لهاا..يعني مو عشان زيااد؟؟..بس تفـأجأة يوم قال زياد
- الحمدالله..مرتآآح واجد
أبتسمت مشاعل له..أماا اروى لو ماتغطت كان بان احمرار وجهها من القهر..
دخل سعود البيت وجلس على اول كرسي شاافه..
- هلاوالله
أبتسم يوم شااف امه:هلا يمه
ام سعود تتفحص وجهه:وش فيك!!..شكلك تعباان
سعود:مدري..شكل باديني تعب
ام سعود تتحسس حرارته:الا والله حرارتك تسن ودها ترتفع
سعود ابتسم:لو تهون اكون لها شااكر
ام سعود:تبي اجيب لك عصير ولا شي؟؟
سعود يحس بـ خمول..اليوم رجع من العياده بدري لان ماافيه حيل ابد:لالا..مالي نفس آكل شي ابد
ام سعود تضرب على صدرها:هذوول أكيـد الحريـّم اللي عندك صاكينك بـ عين..حسبي الله ونعم الوكيل..حريم آآخر زمن
عقد سعود حواجبه:هاه؟؟
ام سعود:لالا..انت فيك بلا ياولدي..اكيد وحدتن منهم مسوية لك شي عشاان تعرس عليهاا..أناا خابرتن ذا الحريم
سعود من غير شعور قام يضحك:ههههه
ام سعود بـ نظرات حسره:ياحسرتي عليك ياولدي..لالا ولدي وحيدي انهبل وقعد
سعود وهو يضحك:يمه!..وش دخل الحريم؟
ام سعود:يبونك تعرس عليهم خبري بك ولدي وزين
سعود أبتسم:مافيني زيم يمه..شايب!!
ام سعود:لاعااد اسمعك تقول كذا!..."وجت بتطلع"..انا بجيب لك شي تاكله
راحت وثوآني ورجعت وهي شايله عصير برتقـآل ومويه ومعها فطاير وبندول
سعود طارت عيونه:الله!!..كل ذا؟؟
ام سعود:أيـه!!..وانا بايعتن ولدي؟؟
سعود:ههههههههه..يمه احبك
ام سعود:لاتجلس تسوي حركااتك تراني خابزتك وعاجنتك زين..خذ!!
ومدت له الطوفريه..
اخذ سعود فطيرتين وشرب شوي من العصير
ام سعود:سعـود..ورا ماتااكل زيااده
سعود:مالي نفس يمه..والله احس بـ طعم الاكل بيذبحني
ام سعود:طب رح الدختور
سعود:ماله دااعي ابصبر لين بكره..ان ماتحسنت ابروح
طلعت ريما من غرفتهاا الوقت كان متأخر بس هي ماراح تروح لـ مكان غير هـ الفندق اللي هي جالسه فيه
سعود قايل لهاا لازم تجلس بـ الفندق ولا تطلع..يكفي انها من غير محرم..
بس لازم تسـوي شي..اختفـاء عبدالملك وراه شي..و"الحمل" هذا لازم تتخلص منه..
قرت مره في كتآب انوو لو تشيل شي ثقيل بيطيح خصوصا هي في الاشهر الاولى يعني الحمل بيكون خفيف مره وبـ سهوله يطيح
فتحت جوآلهاا علها تقلى مسكول من سعود ولا رسـآله ع الاقل
بس مافي شافت رسـآله من أسيل
تطلب منهاا تزورهاا
ريما:اممممم..وش ورااي
راحت لـ رقم الغرفه المكتوب عندهاا في الرسـآله
دقت الباب وفتحت لها بنت
البنت:yes
ريما ابتسمت :امممم..ممكن أسيل؟؟
البنت:اوكي تفضلي دااخل
دخلت ريما لـ الغرفه حقت اسيل
جلست طالعت في الغرفه كانت شبيهه بـ غرفتهاا..
-هلااوالله وغلا
ناظرتها ريما:هلا بك اسيـل
اسيل:هلاوالله..كيفك؟؟
ريما:الحمدالله بـ خير
جـوا بنات من شلة اسيل وجلسـوا سوالف وضحك وريما متعوده على اجواء زي كذا بس ماقدرت انها تتأقلم معااهم..وخصوا نظرات اسيل الـ غريبه
عند أشواق وروان
اشواق تجلس ع السرير:مابقى شي على ملكتي..كلهاا كم اسبوع
روان:وتصير غرفتك لي..نياهاهاهاااا فلللله
اشواق:اهنيك على طموحااتك..وش دراك يمكن خالد يجي يخطبك.."وقامت تحرك حواجبهاا"
روان:اممممم..مدري!!..اول كانت غاده داايم تلمح لي..ألحين لا..
اشواق:هههههه..يوم شاافك ارتااع مسكين..حرآم عليك خاف الولد
روان ترمي المخده:ووووووجعه مالت عليك..انا احلى منك
اشواق ضحكت اكثر:ههههههههااااي..كثري منهاا ذي عااد..معليش حبي سوري بس اناا احلى..فيس ات
روان ماتدري وش تقول لان صدق اشواق املح:الجمـآل جمـآل الروح
اشواق:هههههههههههههههههههههه..طيب
روان انقهرت:عللللى تبن اسكـتي بس
قامت اشواق وجت بتطلع من الغرفه:الله يهنيك مع.."بـ غنج"..خلوودي
روان رزت لسـآنهاا ولا ردت عليهاا
اشواق:هههههه
وطلعت
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك