رواية غثيثة مزحة الايام -3
رفع فهد جواله : 3ونص ..سطام:يعني سااعتي مب مخرفه
فهد:ههه .. مستعجل
سطام:ياخي ودي انووم .. ومشعل راعي طويله
رن جوال سطام ..
المتصل>>مشعــــــل
سطام يقوم:هذا هو .. يلله تامر على شي؟
فهد :سلامتك ..
سطام يعدل شماغه:متى بتطلع
فهد:اخلص كم شغله واطلع
طلع سطــــــــام
الاسـم سطـام بن فهد
العمـر 28 سنـه
الجنسيـه سعـودي ، الريـآض >لا ياشيخه ! خخخ
الشهـاده ماكمل البكالوريوس ؛ هنـــــدسه
بـ أعرفكم بنفسي شوي .. اممممم انا موظف عادي بـ راتب عادي .. اصرف على اهلي وفي راتب التقــــاعد حق ابوي .. بس خبركم من بعد غلـى الاسعـار معد يكفي شي .. اممممممممم وش بعد اقولكم عني
ايييه هاوي شعـر .. احبـه مره لي محاولات بس خلها مستوره هههههه
واكبر واحد من اخواني .. عزوبي ههههه كانكم لقيتوا لي حرمه ..
ايه هين
اتجهت لـ سيارة خالي .. لكســـــز الصغيره .. اول مثل مايقولون "كامري الشيـوخ" .. اللي دافع دم قلبـه فيها .. هالانســــــان يموت بس يصير كشخه .. ولا هو وين وفلوس هالسياره ويين
اممممم اكبر مني بـ 3 سنين بس .. وكأننا اخوان ..
الاســــــم مشعل عبدالاله
العمـــــر 31سنــــه
الجنسيـه سعودي ؛ الريــأض
الشهـاده بكالوريوس إدارة اعمال
ركبت معـآه
مشعل مسـوي ذوق: هلا والله حبي
سطام: وش عندي؟.
مشعل:هههههه ماتـأخرت صح ..
ابتسم سطام : شف ياذووق انت .. اذا انت عارف نفسك بتتأخر خلني اجي بسيارتي
مشعل:يحصل لك بس تركب في سيارتي .. المهم وين تبي تروح؟
سطام:والله انا جاايع
مشعل يعدل شماغه ويشوف صورته المنعكسه فالمرايه :مشكله اللي كذا صراحه .."لف له"..وين تبي اعزمك فيه
سطام:انا جااييع نوم ..."وكمل مسوي ذوق"..يالغلا
مشعل:لا تصير باايخ عاد .. يلله قلي وين تبي تروح؟
سطام يتثاوب:اللي تبي
ضحك مشعل:طيب طيب .. ابسمح لك تنوم لين صلاة المغرب ..
سطام:ههههه المغرب .. حلو والله ماأقول لا
مشعل :اجل خـــــلآص ..
الجـ[2]ـزء الاول
كانت ماسكه القلم .. وتشخبط على ملزمتها .. الدكتوره تتكلم وتتكلم .. وتتكلم .. والله لو يسـؤلنها وش جالسه تقول .. بتقول مدري .. تنهدت وهي ترمش اكثر من مره وتناظر في الملزمه حقتها .. رمت اقلم بـ ملل .. ولفت تناظر البنات .. وش عليهم مب شايليـن هم ملكه ..ولا بيتزوجون واحد ماا يبغونه .. الحمدالله على كل حال
أبتسمت وهي تستـرجع ذاكرتها لـ هذاك اليوم .. يوم كانت بسيـارتها ومادرت الا ..
- هييييييه!..وين وصلتي
ارتاعت ولفت تناظر صديقتها : بسم الله علي وش تبيين؟
حطت لجين يدها على فمها تمنع صوت ضحكتها .. : تفكرين بـ.."وتتدلع في صوتها"..فيرااااس
خجل:هههههههه .. وربي انك فاضيه .. يعني لاسرحت معناها افكر بـ فراس .. اقول اسكتي بس الحين تلقيين نفسك راسبه!
رجعت تحط يدها على خدها وتناظر في الدكتوره .. ثواني ورجعت تسـرح من جديد ..يضييق صدرها .. اذا تذكرت انها بـ تملك على واحد ثاني غير الشخص اللي حاطته في راسها..صحيح انها ماشافته الا مره وحده .. بس ماتدري ليه هو بالذاات حست بـ قلبها لااان له .. وانه غيــــر!..
غيـــر عن الكل
الاسـم خجل حمد
العمـر 22 سنه
الشهـاده طالبه جامعيه ,آدب انجليزي
الجــ[3]ــزء
طلعت من الشركه يلعن ابو اللي كذا ..كرف كرف كرف!..محد يقدر يرتااح عنندكم انتوا؟؟.. ركبت سيـارتي مرسيدس .. وآآآآآخر موديل >ياحبك لـ الفشخره انت بعد
ركبت فيها وفي يدي علبة الببسي .. سيـآرتي كشف وسبور .. لمحت واحد يمشـي وطالع من الشركه ابتسمت وانا اضرب له بوووري ..أبتسم يوم شافني
أتجـه لي .. وصل وركب معي ..
- على بالي سحبت علي يانويصر .. بغيت العن والديك >اما عليك اسلوب ههه
ناصر يعدل نظارته الـ الارمني .. وابتسم وبانت غميزته : والله لوك متأخر كان سويتها .. المهم وين تبينا نروح ؟
]طارق: اللي تبي ..
الاسـم نـاصر آل " ......."
العمـر 26 سنـه
الشهاده بكالوريوس حاسب
كان يمشـى وكنه نااصي شي ومستعجـل .. ولا هو ماعنده شي .. مـرت من عنده سياره مســـــرررعه .. وبغت تحك في سيارة نـأصر
ناصر عصب : أبن الذييييين
طارق:أتـركه ماعليك منه ..نويييييصر![
ناصر:والله ما أخلييييه ! ..
كانت السياره تمشي .. وناصر وراها .. وكااان مسـرع .. ويمر من سيارات الناس تسب وتلعن فيه وفي سواقته المتهوره ..
آخر شي وقف راعي السياره .. نزل ناصر بـ كل ثقه .. طبعا واحد مثله مشكلجي ومتعود على الطقاق والهواش .. ونفس الشي صاحب السياره نزل ..
سند ناصر جسمـه على سيارته السبور ..وطقها طقتين وهو مبتسم بـ "نذاله" ..إن صح التعبير![
ناصر:وينا فييه ياابو؟..ليش مستعجل؟؟
الرجال:الحين انت وش تبي ؟ لاحقني وموقفني ومعطلني عشان تسـألني .. وبصفتك مييييين؟؟.." بـ اسلوب غبي".. اخلص علي ماوراي الا انت؟
اتسعت ابتسامة ناصر ونزل نظارته .. بانت عيونه اللي شوي و تاكل الرجال : ليش اذا مافضيت لي تفضـى لـ مين بس
عرف الرجال ان في راس ناصر حـرش: اقول يالاخو تبي تطاق يعني
ضحك ناصر : حلو فاهمني
نزل طارق .. ووقف بينهم .. :اقول يا أخوي معلييش امسحها بـ وجهي ..
الرجال ناظر طارق ورجع نظره لـ ناصر اللي من نزل من سيارته وهو مانزل عينه عن الرجال:لم خويك وخله يحـل عني
ناصر واختفت ابتسامته : شف يـا .....انت!.. لاتحط راسك بـ راسي ..ترا والله منتب قدي
الرجال: تدري!..خفـت .. بـ صفتك ميين بس منيب قدك ..
طارق: نااصر اقصـر الشـر تكفـى .. "ابتسم وهو يسمك لحيته"..عشاني ناصر
طالع ناصر طارق ..ثم رجع ناظر الرجال: عشانه والله ولا كان ودي اني فارشك ![
توه بيروح .. بس استوقفـته سبـه
نـاس (.....)"
لف ناصر ولا مسك نفسـه .. هو بالموت تناازل بس عشان خاطر طارق .. بس هالمره وصلت انه يسب ولا ياليتها سبه قليله .. هذا لو يشتكي عليه .. عقابه يمكن 80 جلـده !
لفـه بقوه ومسك ثوبه ورفعـه بما أنه اطول .. رص اسنانه على بعض .. ووده يذبحـه .. هو خلقه عصبي .. ولااا!.. مخرب عليه المود !
ناصر والشرر يتطااير من عيونه : وش قلت؟؟
الرجال ماسك يد ناصر ..سكت شوي .. ولا يبي يقـلل من رجولته قدام ناصر : قلت ناس مـ.....
ماكملها الا بـ بوكس طااير جااه خلاه يطيح ع الارض .. أبتسم وقال
ناصر:دوااك ..كان ودي اكفخك اكثر والله .. بس اني موااعد خووي اني اترك .. يـ الله مع السـلامه ومره ثانيه لاتهاايط يـآبوو
ركب سيـارته وجنبه طارق
ناصر:ليش ماوقفتي يوم ضربته ..خبري بك مساالم
طارق :بيني وبينك قهرني..انا احاول اهدي الوضع وهو يششب النار زيااده ..وكلمته ميب شويه
ناصر ضحك ضحكته العاليه : ههههههههههههههههههه .. عازمك بـ مناسبة الطقاق .. وفـش الخلق!
الله الله بالردود
الجـ[4]ـزء الاول
تسألنّيْ عن حاليْ .. !
[ وحيـد ] ..
[ وحيـد ] ..
[ وحيـد ] ..
[ وحيـد ] ..
ليـلاً .. !
مشت في اسياب المستشفى .. وصلت لـ الباب اللي انفتـح اتوماتيكيـاً .. وكأنه داري ان اخلااقها في راس خشمها ..ولا لها خلق تفتح الباب..لان خطر تحط حرتها فييه!.. وصلت سيارة السواق اللي تتـعامل معه ..
طالعت فـ مجمـوعة شباب حثـاله..يمكن سميتهم حثاله لـ مستواهم المادي..لان واضح مننوع سيارتهم أيـاً كان نوعها انها كشخه..مدري ليه أكـره هالنوعيـه ..اللي يولدونوابوانهم من اغنـى الرجال..واحنا..خلنا ساكتين بس..الله يرزقنا ويرزقالجميع..ماعطيتهم وجه..بعدوا عني..بس الى الان ماحسيت بـ الراحه..معد صرت اخاف منحركات الشباب لاني تعودت خلااص وكلامهم يروح فـ الهـوا.. لاني مثل الميت الكلامالمعسول والريق الحلوو معد يحركني..فقدت الاحسـاس الحلوو..وعلى قولة اختي اللي بـالثنوي "جـود" ..يمكن الانوثـه فقدتهاا..هـه ومعد يهمني..مافي انثـى ولا ذكر..الحين "الاقـوى" سواء انثى او ذكر..
تكره نوعيتهم .. وطبقتهم !..
اللي ماهمهم بـ دنيتهم غير وناستهم .. والفلووس تجيهم على طبق من ذهب
هذولي هم .. انولودا وبـ فمهم ملعقة ذهب ..
تكـررررهم !.. هذا اللي تعرفه انها تكرررهم .. وتبي تبيدهم من الوجود .. يحسبون نفسهم فووق .. وإحنا تحت !
الاسـم هيله سالم الـ"......"
العمر 22 سنه
الشهـاده طالبه جامعيه ..اول سنه طب ..
كملت طريقها ووصلت لـ بيتها اللي بـ حي هاادي تتفاوت فييه البيوت ..
دخلت وهي ترمي شنطتها .. شافت اختها "جود" منسـدحه ع الكنبه .. ومعها كتاب الادب ..
هيله :السـلام عليكم
اختها:وعليكم السـلام ..
هيله تفصخ عبايتها: الا وين امي؟
جود: فالمجلس مع ابوي .. توكله!
رقت فوق بعد ماقالت لـ أختها تقول لهم انها جت .. لبست لها بيجاما .. وانسدحت ع السرير ..
تقلبت كم مره بس ماجاها النوم مع انها دااااااااايخه .. سمعت الباب
طـق .. طـــق!
هيله : أدخـل
دخلت ام هيله ( ام عبدالله ) ... :مانمتي
هيله : لا..
ام عبدالله : اجل تعالي تعشـي .. نواشف
ابتسمت..ليه احنا عندنا آكل غير النوااشف ..
اعرفكم شوي على حيـاتي بس صبر خل اقول لـ أمي اني ماأبي شي : لا يمـه مب مشتهيه .. بس قولي لـ جود ترقي لي قهـوه !
امممم اول شي يمكن تستغربون ان عمري 22 سنه وانا في اول سنه لي بالجامعه .. انا دخلت معهد تمريض سنتين .. عشـأن كذا تشوفوني طلعت من المشتشفـى توو .. انا اشتغل ممرضه من الساعه 8 ليـلا .. وقبل كذا ادرس .. واتطبخ وارسـل لـ البيوت .. طبعا اسـاعد امي احيانا .. جود اختي تدرس في صف ثاني ثنوي !..
انسـانه متذمره بس طيبه .. واحيانا جد احسها مقدره حالتنا !
اعذرووني ودي اكمـل معاكم بس بتقهوى واشوف دراستـي بما ان مافيني النوم ..
ولا مجلسـكم ماينمل
الجـــ[5]ــزء الاول
في شـوارع باريس .. كنت اتمشـى وزوجي أحمد معـي .. رحنا لـ واحد من المطااعم تدرون ان اكل باريس ماعجبني مره ..هاليومين اللي جلستها.. اكلهم ..أستغفر الله !.. بس وش اسوي .. هذا اللي اقدر اكله .. ولا أبي افشل احمد ..
الاسـم نوره فهد
العمـر 21سنـه
الشهـاده ثالث ثنـوي علمي
احمد مبتسم: وش تبين تاكلين ؟
نوره : امممممم .. "وحطت المنيو وهي تطالعه"..انت وش رايك؟
احمد نزل عيونه ع المنيو حقه وهو يفكر: مدري والله .. خلينا ع السانديتشـات وش رايك؟
نوره تسندت وهي توكله مهمة الاختيار: خـلاص !..
لما طلبـوا ..ربع ساعه الا طلبهم وااصل .. أكلوا وهم يسولفون ..
احمد:عسـى عجبتك باريس في هاليومين؟
نوره تطالع المحلات اللي حولهم .. والناس الرايحه والجايه : حلـوه!.. بسس توني ماصار لي الا يومين .."ناظرته بـ إبتسامه حلوه"..مقدر احكم
احمد : إن شـاء الله بوريك كل شبر فيها .. وبـ تمليييييين منها
أبتسمت نوره .. نفذ وعده .. تذكرت قبل يوم كان يواعدها ان بيوريها كل المدن والدول اللي تبي تشوفهـا .. هذا هو بدا بـ باريس..
الاسـم أحمد الـ"......."
العمر 28سنه
الشهـاده ماكمل جامعه ..ويشتغل مع ابوه
الجـــ[6]ــزء الاول
طلعت من بنك وهي مساكه الملف اللي معها .. عدلت نظارتها وهي تزفـر بـ غضب .. : ششششـت!!
اتجهت لـ سيارتها وركبت وهي ترمي ملفها بـ عصبيه جنبها .. وأتجهت لـ بيتها ..
وصلت لبيتها او بيت ابوها .. دخلت وهي تفصـخ والبالطو .. حقها والحرمه المصريه طلعت من المطبخ في استقبالها ..
ام حسـن : أهـلا جوان .. إيييه الاخبـار
جوان تتـوجه لـ الصاله وترمي نفسها ع الكنبه اللي قبـال شباك يطل على منظر بفتـح النفس .. : ذيـر از نو جووووب (مافي شغل)
ام حسـن : ياخسـاره .. خيرها بغيرها
جوان:طفشششششت!..ذااااتس إإإت!
ام حسـن تروح المطبـخ وتجيب لها كاس ريـلآكس ..وتجي :تفضلي
جوان اخذت العصير .. وترقـى فوق ..
الاسـم جوان عبدالكريم ..
العمـر 23سنه
الشهـأده بكلريوس إدارة اعمالالجـ[7]ــزء الاول
نزلت من سيارتها تاهو .. مسكت ملزمتها وهي تحس ان هالجوو الباايخ بيرفع لها ضغطها .. مشت لـ باب القصر وهي تأفف
"ياليل هالجوو .. ان لبست جاكيتي حر وان فصخته برد.. والله حاله!!!"
دخلت واتجهت لـ غرفتها .. فتحت الباب ورمت شنطتها الـ غوتشي .. وجلست على سريرها الملكي وفصخت جزمتها اللي نفس ماركة شنطتها والساعه بعد
ابتسمت وهي تتذكر كلام صديقاتها يوم يقولون
" ههههه وش عندها كلها صايره غوتشي .. شكله تقليييد "
"ههههه والله اليوم انتي مربحتهم"
ضحكت بينها وبين نفسها .. راحت لـ غرفة الملابس واختارت لها بيجاما دافيه لان غرفتها بـاارده
راحت لـ الشباك اللي كان ماخذ مساحة جدار كاااامل وهذا السبب اللي مخلي غرفتها بارده .. انسدحت وسكرت عينها بسلاااام.. بس سمعت صوت
اسمعك كمل كلامك
بعد احبك ايش قلت
تحسب اني يوم اطالع غيرك مسـ...
ردت بتثااقل لان فيها النوم :هلااا خجيييل
خجل: هلا نجلآ قلبتي .. وينك طلعت من محاظرتي مالقيتك؟؟
نجلآ:إييه قلت لك معد عندي شي الدكتوره اعتذرت .. توك طالعه انتي من محاظرتك؟
خجل:إييه
نجلآ: اهاا .. اجل وش رايك تستحين على وجهك وتقولين مع السلامه ..
خجل:ههههههه ليه ؟
نجلا:ابي انوووووم
خجل:هههههههه .. طيب مشـتاقة لس يختي ..
نجلا:تشـتاق لك العافيه .. بس جد فيني النوم
خجل ابتسمت:اوكي بس اول ماتقومين بليـز .. دقي علي .. ولا اقولك !..تعالي عندنا
نجـلآ:اوكيـه!..أشوف
سكرت من خجل .. وتلحفت زين .. مادريت الا رن جوالي مره ثانيه
يالييييييييل ماأطولك !!
المتصل >ندى
نجلا:هلااا
ندى:هلابك أكثــر
نجـلآ: وش تبين؟
ندى:أفاا !.. وش هالاخلاق
نجلا:وربي رااسي كبر الحمار مره فيني النوم ..
ندى : الله!.. ليه متى قايمه خبري بك فااخه نوم لين 9 .. "وكلمت احد جنبها".. لالا خالد .. مو هنـا
سمعت صوت اللي عند ندى : اقوووول تراني ماأشتغل عندك؟
ندى:يوووووه خلودي بلييييز يعني اشيل هذا الشي؟؟؟؟
خالد : وش علي منك المهم وين احطه؟
ندى: امممممممممم .. هنا .. ولا؟
خالد :مدري عنك
نجـلآ:اقول ندى
ندى:سوري نجووله تـأخرت عليك .. بس تو الدسك توب حقي جااي .. مسويه فورمات
نجلا: هذا خالد؟
ندى بنيره:إيييييه خااااااااااااالد
نجلا:بسم الله علي ليش تكلميني كذا؟
ندى: ابببد .. هههههههه
نجلا:على.... هذااااك الشي
ندى:قلـة ادب ..
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك