رواية مجبور اعيش من بعد فرقاك -29
ريناد :ملاهي بعينك
طلال : هههههههه اقول اقلبي وجهك
ريناد : الحين داق على جوال اختي وتهاوشني
طلال :وراده على جوال خطيبتي وتبيني اكتب فيك شعر
ريناد : ترا اختي قبل لاتصير خطيبتك
طلال : وانتي ملقوفه من قبل لااخطب دانه صح ؟
ريناد : هاهاها سخيييييييف
طلال : هههههههههه
ريناد : اقول اقلب وجهك
طلال :روحي قومي دانه واطلعي معنا
ريناد : اوك بس احلف
طلال :والله بخليك تجين معنا
ريناد : خلاص اوك دقيقه ودق
طلال :اوك بااااي
ريناد :دندونه
دانه : خير
ريناد : قومي طلال بيجي
دانه قامت بسرعه : مين قالك ؟
ريناد : دق على جوالك ورديت عليه
دانه : وانتي وش لقفك تردين ؟
ريناد :ولا شي بس قلت له انك نايمه وقال صحيها عشان نطلع
دانه : نطلع ؟
ريناد : ايه بجي معكم
دانه : بكم القطه ؟
ريناد : اسألي طلال
< دقت دانه على طلال >
طلال : هلا
دانه : هلا بك
طلال :دانه ؟
دانه : ايه
طلال : ماافرق بين اصواتكم طقم ؟
دانه : لا بس اسلوبي غير
طلال : ايه طبعا اختك ماعندها اسلوب المهم
دانه : هلاا
طلال :وش رايك نطلع وبجيب خواتي معي ؟
دانه : اوك فله ؛ بس اذا سحبت عليك لاتزعل ياقلبي اوك
طلال : لاياشيخه
دانه : ههههههههههه امزح
طلال : خلاص ساعه وبمرك
دانه : اوكي
طلال : خلاص حياتي تبين شي ؟
دانه : لاسلامتك باااي
طلال : باااااي
< دق طلال على ناصر >
ناصر :الووو
طلال :وينك ؟
ناصر :بالبيت
طلال :الحين بطلع مه دانه وريناد وخواتي تجي ؟
ناصر : خلاص وين بتروحون ؟
طلال : بودي البنات مول وبسحب عليهم وبطلع مع دانه
ناصر :خلاص بجيب وعد معي
طلال : اوك
ناصر :خلاص بروح اكشخ تبي شي ؟
طلال :هههه لابس تروش
ناصر :ههههههههههه بااااي
< دق سعود على رهف >
رهف :هلا والله
سعود : هلابك اخبارك ؟
رهف :تمام انت كيفك ؟
سعود : تمام الحمدلله ؛ وش رايك نطلع ؟
رهف :مااتوقع امي بتوافق
< اهل رهف شوي متشددين اكثر من دانه وريناد >
سعود : حاولي فيها
رهف : خلاص تعال بيتنا
سعود : خلاص اوك الساعه 9 بجي
رهف :اوك لاتتاخر ياقلبي
سعود : اوك حياتي تبين شي ؟
رهف :لاشكرا يالله باي
سعود : باي حبيبتي
< في بيت ابو طلال >
طلال :وش رايكم تطلعون ؟
شذى :غريبه
طلال :اذا ماتبون اقعدوا بالبيت احسن
شذى : لابنطلع
طلالأ :طيب اخلصوا نص ساعه ماكنتوا برا بسحب عليكم
شذى : اوك يااخي الحبيب
< قام طلال من عندهم >
اشجان : اكيد فيه شي ؟
شذى :اكيد مسخن مايبي لها ذكاء
اشجان :وانا اقول كيف عرفتي
شذى : كلي ترااااااااب
< بعد ساعه طلعوا البنات مع طلال ؛ وراحوا ريناد وشذى واشجان الفيصليه ؛ ودانه وطلال سحبوا عليهم >
ريناد :اول شي ابي اكل
اشجان : انتي ماقد شفتك ماتاكلين
ريناد : قولي ماشاالله
اشجان : هب عليكم انتي واختك
شذى :من جد لو اكل زيكم اصير باب
ريناد : مالت عليكم المهم ابي اتعشى
دانه : وين بنروح ؟
طلال :وين تبغين نروح ؟
دانه : الهيئه هههه
طلال :ههههه طيب غطي وجهك
دانه : لا
طلالأ :ليش انشاالله ؟
دانه : انا من الاول مااتغطى
طلال :والحين انتي زوجتي وبتتغطين
دانه : طيب بتلثم
طلال : خليك فاتشه احسن من اللثمه
دانه : ليش ؟
طلال : اقول غطي وجهك
دانه : اوكي
< في بيت ابو فيصل >
سعود : ذاكرتي ؟
رهف : لا
سعود :ليش ان شاالله ؟
رهف : مالي خلق اداوم اصلا
سعود : اقول ذاكري عشان تنجحين ونتزوج
رهف استحت : يصير خير
< عند البنات >
< كانوا قاعدين ياكلون وجت وعد ومعها ناصر >
اشجان : ياهلا والله
ناصر :هلا بك وشخبارك ؟
اشجان : الحمدلله بخير انت كيفك ؟
ناصر :تمااام
شذى : وش جابكم ؟
وعد : ولاشي ابي اتمشى وانتوا وش جابكم ؟
ريناد : طلال وسحب علينا
ناصر :ههههه محد قالكم تلقفوا واطلعوا معهم
اشجان : طيب اجلسوا
ريناد استحت : كح كح
اشجان : لاتسوين مستحيه اجلسوا
< وجلس ناصر قدام ريناد ؛ والفشله كانت طالبه 2 بيج ماك وموكا >
ناصر : تعشيتوا ؟
شذى : ايه
اشجان : شفت المشفوحه اللي قدام
ريناد تطقها من تحت الطاوله برجولها
اشجان :ااااااي وجع
ريناد : بروح الحمام وعد تجين ؟
وعد : اقول اقعدي وخلصي عشا
ريناد : لاخلاص ماابي
ناصر :احد يشرب موكا مع العشاء ؟
ريناد تفشلت : مين تجي بعدل طرحتي ؟
شذى : قومي بلحالك
ريناد : طيب
< قامت ريناد من عندهم >
وعد : هههههههههه احسها تفشلت
شذى :هههههههههه محد قالها تصير مشفوحه
اشجان : ههههههههه من جد واللي يقهرني انهم انحف مني هي ودانه
وعد :ومين قالك انك نحيفه ؟
اشجان : كلي تراااب
< بعد ربع ساعه جت ريناد عندهم >
وعد : ساعه تعدلين الطرحه ؟
شذى :المشكله ليتك متغطيه زين كل شعرك من ورا طالع
اشجان : من جد ياحظكم محد يقولكم تغطوا
ناصر : الحين اهلك يدرون انك ماتغطين وجهك ؟
ريناد : اكيد
اشجان : طيب تغطي ؛ اشكالنا تفشل اذا مشينا معك
ريناد : اصلا من الاول اشكالكم تفشل
شذى : ترى بتتصفقين ؟
وعد : بنات ابي اتعشى اشجان تعالي معي
شذى : وانا بجي معك
ريناد يوم استوعبت ان كلهم بيروحون : بجي معكم
وعد / لا اقعدي عشان الامن مايقولون شي لناصر
ريناد : طيب
< قامو البنات من عندهم >
< رن جوال ريناد >
ريناد : هلا والله وغلا
عهود : هلا بك وحشتيني
ريناد : وانتي اكثر ياقلبي والله مره فقدتك
عهود : انا في الرياض
ريناد : قولي والله ؟
عهود : والله
ريناد :بكره بتجين المدرسه ؟
عهود : لاملفي بجده عند ابوي
ريناد : يووه قهر ابي اشوفك
عهود : تعالي عندي البيت
ريناد : خلاص بكره بجيك من بدري
عهود : اوك حياتي تبين شي ؟
ريناد :لاانتبهي على نفسك اوك
عهود : اوك بااي حبيبتي
ريناد : باااي
ناصر وهو يناظرها : ريناد
ريناد : هلااا
ناصر : كيفك ؟
ريناد : الحمدلله تمام
ناصر : انتي لين الحين زعلانه ؟
ريناد : لامو زعلانه
ناصر :ريناد انا احبك تفهمين وش معناتها احبك ؟
ريناد : بس انت اللي بعت
ناصر : ليش تفكري باللي فات ؛ فكري باللي بيصير ؟
ريناد : مارح يصير شي ؛ بتزعل على شي تافه ؛ وبعدين الحين امك احسها حاقده علي
ناصر : ماعليك من امي
ريناد :طيب تقدر تقولي لو رجعت اكلمك وش بتكون نهاية علاقتنا ؟
ناصر :بتزوجك
ريناد : هههههههه تلعب على نفسك ؟
ناصر : ترا والله من جد انتي اللي بقلبي ومن جد ابيك
< جت اشجان عندهم >
ناصر وده يصفق اشجان وريناد نفس الشي
اشجان : وش فيكم تناظروني كذا ؟
ريناد : معجبه فيك وين وعد ؟
اشجان : الحين بيجون وش رايك نقوم نتمشى ؟
ريناد : اوك بس انتظري يجون البنات
اشجان : مادقت عليك دانه ؟
ريناد : لا انا بدق عليها
< دقت على دانه >
دانه : خير
ريناد : وينك ؟
دانه : في مطعم جزيرة الاحلام
ريناد : اهاا متى بتجون ؟
دانه : بنتعشى وبنجيكم
ريناد : طيب بااااااااااااااي
< جت وعد ومعها شذى >
ريناد : مابغيتوا تجون ؟؟
< وقاموا يتمشون البنات والساعه 10 خلصوا >
ناصر : خلاص قوموا اوصلكم
شذى : خلاص بنستنى طلال
وعد : مصدقين طلال بيجيكم ؟
ريناد : خلاص بدق على السواق
ناصر :قوموا بوصلكم
اشجان : انا بجي
شذى : مي توو
وعد : يعني بتقعدين لحالك ؟
ريناد : لا بجي
< وهم في السياره جتهم الهيئه >
الهيئه : ممكن تنزل شوي ؟
ناصر : اوك
الهيئه : مين اللي معك ؟
ناصر :اختي وبنات خالتي
الهيئه :واللي فاتشه وش تصير لك ؟
ناصر :بنت خالتي
الهيئه : طيب خلها تنزل
ناصر : ليش وشسوت ؟
تاهيئه : انت مو محرم لها
ناصر : اقولك معي اختي
الهيئه : طيب بروح عندهم
ناصر : تفضل
الهيئه : وش يصير لكم هذا
وعد : اخوي
الهيئه : واللي ورا ؟
شذى : ولد خالتنا
الهيئه: وانتي اللي فاتشه ماتستحين على وجهك ؟
ريناد : خير وشسويت ؟
الهيئه : لاترفعين صوتك علي لاسحبك من شعرك
ريناد : برفع صوتي واذا مو عاجبك لاتناظر
وعد :خلاص اسكتي
ريناد : ماسويت شي غلط وانت غض البصر
الهيئه : من جد ماتستحين كم رقم ابوك ؟
ريناد : استحي اكثر منك ؛ على الاقل ماتدخل بشي مايخصني
ناصر : خلاص اسكتي
الهيئه : خلها تنزل ولاتعطيني رقم ابوها
ناصر : خلاص هدي والحين بخليها تتغطى
الهيئه : لاخلها تجيب رقم ولي امرها
ناصر : انا لد خالتها وبكتب تعهد انها مارح تطلع معي ثاني
الهيئه : طيب خلها تتغطى
ناصر : ان شاالله < وراح عند البنات >
ناصر :ريناد تغطي
ريناد : مارح اتغطى
اشجان : خلاص تغطي
ريناد : دايم اطلع كذا هو وش لقفه ؟
ناصر :تبغين تعطينهم رقم ابوك ولاتغطي
ريناد : عادي يدقون على ابوي
وعد : خلاص السالفه ماتسوى لاتكبرينها
ريناد : خلاص بتغطى
< دانه رجعت بيتهم الساعه 11 و نامت >
< سعود راح من عند رهف الساعه 1 >
< دق ناصر على ريناد >
ريناد : الوو
ناصر : هلا
ريناد :اهلين
ناصر :كيفك ؟
ريناد :الحمدلله تمام انت شخبارك ؟
ناصر :الحمدلله بخير
ريناد : غريبه داق تبي شي ؟
ناصر : ايه وش رايك باللي قلته اليوم ؟
ريناد : انت تدري اني احبك بس خلاص وافقت على ياسر
ناصر :وتقدرين تقولين ماابيه
ريناد : انت تدري ان ملكتي بالعيد ؟؟
ناصر انصدم : يعني بعد شهر تقريبا ؟
ريناد : ايه
ناصر : خلاص الله يوفقك واتمنى لك الخير
ريناد قاطعته : ناصر انا احبك
ناصر : يعني افهم من اللي قلتيه انك بتكلميني ؟
ريناد : ايه بس وش اسوي مع ياسر ؟
ناصر : قولي لابوك ماابي اتزوج وانا توني صغيره
ريناد : خلاص ماعلينا منه انت وش مسوي ؛ وش عندك شي جديد ؟
ناصر : ولاشي تدرين ماكنت اطلع
ريناد : اهااا
ناصر : مره رحت التميمي مع تركي ؛ وشفت بنات من مدرستكم
ريناد : بقولك شي بس لاتعصب
ناصر : قولي ؟
ريناد : حنا اللي شفتنا
ناصر : جد ؟
ريناد : ايه والله
ناصر : وعد كانت معكم صح ؟
ريناد : بس لاتسوي لها شي
ناصر : لا مارح اسويلها ؛ بس لاتسوون الحركه هذي ثاني
ريناد : ايه ان شاالله
< وقفلت منه الساعه 3 وقامت تنام >
< في المدرسه >
< في فصل ثالث ثنوي >
الابله : ماهي وسيلة مكافحة الحشرات ؟
دانه : الشبشب
الابله : هههههههههههه اطلعي براا
دانه : فصل اختي من عندهم ؟
الابله : الاداره ماعندهمش حد < مصريه >
دانه : طيب روحي عندهم ؛ مالي خلق اروح اتقهوى
الابله : اعدي واسكتي
دانه : طيب بروح اقعد عند هيفاء كلهم غايبين
الابله : ماتتكلميش ولاروحي اعدي عند الاداره
< في فصل ثاني ثنوي >
< كان عندهم فيزياء والابله تجيب النوم >
ريناد تستهبل وتغني مصري : مين ال انا ميت عليك اصلا انا ماابيش تبغاني خاتم باصبعك حبيبي لابدري عليك ماتخلط اوراء الهوا كلن ترا ليه مستوى
رهف :وجع انطمي
غاده : من جد عليك صوت
ريناد : احمدوا ربكم < وقلبت سوداني > الحكايه ااااي يازووول بغتزرها اااااااااي بكلمتين
غاده : ريناد وجع اسكتي
ريناد : يئولون السئل صنعه وانا اقول السئل بعدين
نغم : ابله قولي لريناد تسكت
ريناد : لك شو بنا
البنات : هههههههههههههه
الابله : ريناد اطلعي عند الاداره قولي قاعده استهبل بالحصه وازعجت البنات
ريناد :هههههههههههه وش قالوا لك غبيه بعلم عن نفسي
الابله : اقولك اطلعي
ريناد : هههههههههههه خلاص اخر هههههههه مره
الابله : خليني اسمع صوتك
ريناد : ههههههههههههههههههههه طيب
ريناد : الابله من حبها لي تبي تسمع سكوتي ههههههههههه
سحر :هههههههههههههههههههه< بعد اسبوع من الاحداث السابقه ؛ وريناد رجعت لناصر ؛ اول يوم في رمضان >
< اول يوم في رمضان >
< في المدرسه >
ريناد : بنات مين صايمه ؟
دانه : انا
هيفاء :كلنا تخيلي فاطرين من اول يوم
رهف :حشى كلاب
وعد : هههههههه من جد
ريناد : وش رايكم اليوم نروح نصلي التراويح ؟
هيفاء :صلي تافروض بعدين تكلمي
ريناد : الحين رمضان لازم اصلي
وعد : جد ماتصلون ؟
رهف :انا اصلي
هيفاء :وانا بعد
ريناد : نصاااابين
دانه : كلهم صلاة ايه و 10 لا
وعد : يووه حرام
ريناد : لانمزح بس احيانا مانصلي
وعد : اول مابديت اصلي ؛ صحيت اصلي العصر وجاني نوم في نص الصلاة ونمت
رهف :ههههههههههههههههههههههههه من جد مهبوله
< في بيت ابو فيصل بعد المغرب >
< ارسلت رهف رساله لاشجان >
حنا بنروح منتزه الجامع اذا تبغون تجون تصلون تعالوا
ويمنع اصطحاب الاطفال والجوالات والمغاتير
اشجان : ههههههههههه تروحين المسجد
طلال :لامافي تروحون تلعبون
شذى : وشسوي بالمسجد طفش ؟
طلال :اسمعي اغاني وارقصي ؛ روحي صلي
شذى : ايه صح اليوم في صلاة
طلال : بس اليوم في صلاة
شذى : ايه حرام اول يوم يعني
اشجان : ياشيخه اقول قومي نروحج البنات بيروحون
طلال : تراه مسجد مو سوق
شذى : لا منتزه
اشجان : اقول اخلص وقوم وصلنا
طلال : تاخذون اجر اذا رحتوا مشي
اشجان : نكسر رجولنا عشان اجر
طلال :انتي من وين من السودان ؟
اشجان : اسأل امي
< في بيت ابو ناصر >
وعد : ابي اروح المسجد
ناصر :روحي مشي مالي خلقك
وعد : طيب ابي اروح عند ريناد
ناصر : يالله قومي اوصلك وانا بوديكم المسجد
وعد : ماقد شفت وحده تروح المسجد مع خويها
ناصر : اخلصي ولابغير رأيي
وعد :لاخلاص يالله قوم
< دق طلال على دانه >
طلال : هلاا
دانه : هاي ازيك ياراقل ؟
طلال :كويس قدا يانعمه
دانه : نعمه بعينك وينك ؟
طلال: عند العم مصطفى
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك