رواية مهلا ياقدر -25
: طيب اعصابك ديوم مو حلو تسوين العملية وانتي تبكين
: خالي والله خايفه انعمي وانا الحين مافيني شي
تكلم الدكتور عادل اللي قاعد يشوف الملف حقي وماالتفت لي : العملية نتيجتها مضمونه بإذن الله واذا مانجحت ماراح يضر نظرك شي
حسيته طمني اشوا ..في الليل لبست لبس العملية ودخل علي مهند بالبالطو حقه على اساس بيدخل مع مهند .. شفت وحده دخلت علينا قال مهند : وفاء انتي روحي وازهمي نادية بدالك
قالت معترضه : بس الدكتور عادل طلبني ومو من حقك تفرض علي شي يادكتور مهند ..
دخل الدكتور عادل قال له مهند لو سمحت ياعادل ابغى نادية بدال وفاء
: ليه
: طلبتك بس
: اوكي وفاء روحي ونادي نادية
: دكتور عادل الدكتور مهند ماخذ مني موقف ومو من حقه ..
قاطعها : المريضة زوجته رجاءً لاتسببين للدكتور والمريضه ازعاج
شهقت وفاء كأنها مستغربه لمن شافتني قالت :آسفه وطلعت على طول
شفت مهند يناظرني ويبتسم .. بجد شكله يسحر .. وأكيد اكثر من كذا ممرضة معجبة بمهند ومحد بيلومهن ... قرب مني و قال : ديومتي ليته انا اللي هنا ولا انتي
قلت له وانا منزله راسي : لاتدعي على نفسك
جا خالي عندي بعد ماطلع يكلم قال : حبيبة خالها كيف مزاجها
: اذا انت مرتاح اني اسويها خلاص انا مرتاحه
: اكيد مرتاح عساني ماافقدك والعملية بتطمني عليك اكثر
: اجل توكلنا على الله والله يستر .. خالي اذا صار لي شي سامحني .. ماانتظرت خالي يرد والتفت على مهند قلت بصوت واطي :مهند ..
: هلا ياعمر مهند
: اذا صار لي شي سامحني لاتزعل مني
: حضني مهند قدام خالي قال : صار لك ولا ماصار لك ماعمري زعلت منك لأنك ماتغلطين انتي اللي سامحيني عشان اذا صحيتي بعد شوي اكون رايق
: اذا صحيت افكر .. لكنك اذا ماصحيت تراني مسامحتك ...
: هههههههههههههههههه لا بتصحين وبتفكرين ويتسامحيني قلبك كبير ..
دخل الدكتور عادل قال : يالله يادكتور مهند بننقل زوجتك لغرفة العمليات ..
مسكت يد مهند قلت : من اللي بيسويها انت ولا هذا ؟
ضحك مهند وانا ادري ومتأكدة انه مرتبك بس يبغاني اهدي قال : هذا اسمه الدكتور عادل بعدين انا اللي راح اسويها لأنه تخصصي بس دخلت عادل معاي عشان ممكن استفيد منه في مسألة العيون والنظر .
هزيت راسي وانا محتارة وخايفه من دون ماارد .. بعدها نقلوني لغرفة العمليات وانا مو مستوعبه للحين اللي قاعد يصير لي يارب رحمتك بس
سويت العملية .. كنت اعيش جو رعب وخوف مااقدر اوصفه .. دخل علي مهند وانا قاعده مافيني شي وبعد ساعه الاقيني بالمستشفى وبغرفة العمليات ..الحمد لله عدت العملية على خير ونجحت ..!
مرت عشرة ايام علي وانا بالمستشفى بدايتها كانت خوف وقلق وبعدها دقة في كل حركاتي راسي احركه بشويش الكلام بشويش المشي حبه حبه كل شيء بهدوء وممنوعه من الانفعال والبكا والضحك والكلام الكثير يعني حصار ودقة بكل شي ...
كانت خالتي ام مهند تجلس معاي وأحيانا ريم وغالباً مهند يجلس عندي وخالي طبعا يوميا يطلع من المدرسة يجي عندي الين المغرب ويروح ..احيانا يجيب هدى واحيانا يجي لوحده .. واخوالي ماجد وسامي زاروني كذا مرة وخالتي فادية كمان جات مرة هي ولمى بيوم واحد ..
طلعت من المستشفى لبيت خالي بعد ماطلبت مهند وماوافق الا بعد الحاح مني
صرت انام وافتح عيوني على طول هذا اهم شي ..والحمد لله بديت اتحسن ..
صار مهند اذا يبغى يزورني اروح عنده للمجلس وكل مرة يجي فيها يقول يالله امشي للبيت بس ارجع اقول مااقدر ومااستغني عن هدى وهناك ريم بالجامعه وانا مستحيه من خالتي ماابغاها تخدمني لأنها ماراح تعتمد على الشغالة تخدمني اعرفها ...!
طلبته كمان اجلس عند اهلي لين اخلص امتحانات يعني بعد اسبوعين في البداية زعل وعصب قال: ديمه تراك زودتيها ..!
: بكيفك كنت ابغى اعيش عروس اذا رجعت ماعندي لاكتب تشغلني ولا اختبارات ولا شي بس انت حر .. خلني ارجع لغرفتي و24ساعه اذاكر
ضحك مهند وقال بخبث : ممممم افكر بس ترى بشروط
ابتسمت بخجل قلت : خلاص اللي تبغاه بس تخليني الحين .
مسكني بشويش مع اذني قال : بخليك واضغط على قلبي واصبر .. والاربعاء مو الجاي اللي بعده وانا عندك آخذك نرجع لبيتنا .
: اوكي اتفقنا
مرت اسبوعين وماباقي شي عن مناقشتي للرسالة خلاص اسبوع وأناقشها وارتاح من هم الدراسه كلها وأعيش حياتي مع مهند
مهند تسلل لقلبي ومشاعري واستولى عليهم ..وانا استسلمت له لأانه اقوى مني وانا ضعيفة قدامه ..!
..
كانت نتايجي كلها امتياز وفل مارك .. وآخر يوم بالاختبارات كان مهند عندنا من الساعه 3 العصر قال لي اجهز اغراضي وان اهله مسوين لي عشا الليلة وعازمين جيرانهم وقرايبهم عشاني ...
رحت جهزت اغراضي وورجعت لبيتنا اول مادخلت الجناح حتى مانزلت عبايتي مسكني مهند وسحبني ناحيته وحضني بقوة وحنان ،، خلاص مااقدر اقاومه
قال بصوت وااطي : مشتاق لك ياديمه
رديت عليه تقريباً بنفس الصوت: مهند
: عمر مهند وروحه
: انت ماتحبني
: من قال مااحبك ياديمه .. آآآآآآآآه بس انا ياديمه غرقان لين شعر راسي ..
دق الباب علينا ومهند لسه حاضني على صدره احسه كأنه بيدخلي بين اضلاعه من كثر ماهو لاف يدينه عليّ وحاضني بقوة ...!
: الباب
: اتركيه يعني واحد توه شاف زوجته من شهر ونص وش يبون منه الحين ..
: طيب يمكن امك بتسلم علي
: شوي تنزلين عندهم خليني اشبع منك
دق الباب بقوة وكأن اللي وراه معصب وحيكسر الباب ..
ارتخت يدين مهند ورجع ورى جلس على الكنبه قال : افتحي
فتحت الباب لقيتها تتوقعون من ..؟
نورة عمة مهند .. ماطالعت فيني قالت وين مهند ..!
: هنا وش بغيتي .. كان يتكلم ببرود وهو جالس على الكنبه ..
:مهند ياولدي محد يرضى يشوفك تعيش مع وحده مريضة وتقضي عمرك كله معاها .. ياولدي نبي نفرح بعيالك ونبيك تعيش مع وحده صاحية مو كل يوم بمستشفى
كنت واقفة اتفرج وابتسم لمهند احسني بنفجر من الضحك صدق تفكيرهم سخيف
التفت لي مهند وابتسم قال تعالي ديمه وجيت جلست بجنبه قال : هذي ديومتي ياعمة تسوى بنات الدنيا ليه تفاولين عليها
: مافاولت عليها بسم الله علينا اول اقول امراضها بالجسد واثرها مريضة بعقل زود على جسدها
: هههههههههههههههههههههههههههههههههه استغفري ربك وتكفين عمة اطلعي وسكري تراني ماشفت ديمه من شهر وخربتي علينا الله يسامحك
سمعنا صوت خالتي ام مهند تضحك : هههههههههههههههههههههه مهند يمه لاحق على ديمه
رحت بسرعه لخالتي وسلمت عليها سلمت على راسها ويدها وأخذتني عندها قالت : قوم يامهند ديمه خلاص باخذها معاي وانت انزل للمجلس تحت
: هههههههههههههه يمه الله يرضى لي عليك خذي عمتي وانزلي تحت واحنا نلحقكم بعد شوي ..
: ههههههههههههههههه لاحقين الحين فيه ناس هنا يبونك
: من
: ياسر ويبي يشوفك انت وديمه يقول ادق على جواله مايرد علي
: اوووه جوالي بالسيارة مانزلته والله
التفتت خالتي عليّ وضحكت : اجل احد معه ديمه ويتذكر شي
: ههههههههههههههههههههههه اذكري الله
: لااله الا الله ماشاء الله تبارك الله قوم يمه الرجال لوحده في المجلس
: يالله جاي
خرجت خالتي بعد مااخذت يد نورة اللي كانت ساكته ومفتحه عيونها تبحلق فينا وكأنها معترضة على مهند وحركاته ..
وقف مهند قال : هذا وقت عمك
: ههههههههههههههههههههه على قولة خالتي لاحقين
غمز لي بعينه وقال : لاحقين ياديوم لاحقين ..يالله البسي وانزلي لنا
: استناني انا لابسه اصلاً
: يالله
خرجنا مع بعض وسلمنا على عمي جلسنا معاه الين اذان المغرب خرج مهند يجيب القهوة واستغل عمي الفرصة قال : ها ياديمه كلمتيها ..؟
: عمي والله ماصارت فرصة تعرف اللي صار لي واليوم بس رجعت من بيت خالي وعد اكلمها لك اليوم ..!
: الليلة بعد العشا تردين لي خبر ..
: اوكي ولا يهمك
بعد ماوعدته خرجت لقسم الحريم لأن عندنا جيراننا دوبهم وصلوا .. رحت قابلتهم ومهند طول الليل يشتغل يودي القهوة ولايروح يجيب اغراض من برا لأن السواق ارسله عمي مشوار بعيد ولسه مارجع .
راح مهند وجاب سميرة عندنا اعتذرت مني كثير لأني ماقابلتها من هذيك الليلة بالرغم انها جات كذا مرة بس مانزلت لهم وهي ماحاولت تجيني تقول مالها وجه مني ومن مهند بس عذرتها وحسستها ان ماصار شي وان مهند اعتذر مني وانتهى الموضوع .. بعد شوي نادتني بالمطبخ وجيت انا وريم عندها قالت: ديمه بكرة ابغاك تجين عندي في بيتي تراك مادخلتيه للحين .
: راح ازوك بإذن الله بس ماعليه مو بكرة استني علي كم يوم ولاخليها بعد مااناقش رسالتي عشان ازورك وانا مرتاحه
: اوكي اجل بعد الرسالة عشان نحتفل فيك
: لا لا خالي وعدني يسوي لي حفلة كبيرة
: خالك يسوي واحنا نسوي بس بطلب ابوي ومهند يخلون حفلتك عندي ابي اهل مصعب وجيراني يشوفون زوجة اخوي وبفتخر فيك
: تسلمين لي ياسمورة ..
تدخلت ريم قال : اقول ديمه
: هلا
: تراك مديونه لي
: ليه مااتذكر انك سلفتيني ههههههههههههه
: هههههههههههههه لاحبيبتي عمليتك هذي انا السبب فيها
: اوووه صحيح ذكرتيني كيف قلتي له
: جاني معصب وزعلان ولمن سألته قال ديمه طفشتني اذا صحيتها لازم اقف على راسها ساعه عشان تفتح عيونها واذا قلت قومي قالت اناصاحيه شوي واقوم قلت له زوجتك عندها مشكله بعيونها من بعد العملية ماتشوف بسرعه اذا صحت .. التفتت على سميرة وكملت : ولو شفتيه ياسميرة نط الدرج بخطوتين من كثر ماهو خايف عليها .
ضحكت سميرة :ههههههههههههههههههههههههه الله يسعدكم عاد مهند متعلق بديمه من يوم شافها ببيت خالها قبل يخطبها المرة الأولى لمن رفضته ....تتذكرين ياريم اش قال لنا ..؟
: شو ..؟ شافني ..؟ متى ..؟ ماقد شافني الا بأمريكا وليلة الملكه حرام عليكم
:هههههههههههههههههههههههه الا قال لنا شفتها مع ريم بالمرسم
تدخلت ريم : تتذكرين لمن رحنا للمرسم حقك وسلوى معانا مو شمينا ريحة دخان
:مممم ها اعتقد ايوه ايوه تذكرت ..
: بهذاك الوقت كان واقف بالحديقة يدخن ونكبتي عفش اخوي وحتى لمن رحتي لامريكا كان يكلمنا عن حالتك واش سويتي ومرة قلت له .. الله يستر على حبيبة القلب لايصير لها شي ثم مانشوفك .. قال فاولي خير حسبي الله على ابليسك لو صار لها شي الظاهر اني بلحقها ..
قالت سميرة : من جد ياديمه مهند يحبك بجنون من هذيك الأيام ولمن رفضتيه زعل قال ماني متزوج بس لمن رحتوا عنده بأمريكا اتصل على امي قال والله والله ماياخذها غيري لو كلفتني عمري كله . كانت امي تسأل هدى باستمرارا اذا انخطبتي ولالا خايفه على ولدها ههههههههههههه
: يو يو يو اجل مهند صدق يحبني ماقد قال لي على هالسوالف
قالت ريم : تعرفين الرجل الشرقي لازم يكابر مايحب يعترف بالحب
قامت سميرة تشوف ولدها اللي ماسكته الشغالة برا قلت لريم : ريومه فيه ناس مكلميني عليك ووو
لااااا شفت ريم ابتسمت وتغير لونها.. ضربتها بشويش على يدها قلت : حمااارة تعرفين انه يموت عليك ..
ضحكت بخجل قالت : هههههههههههههههههه .. ها .. ؟ مين ..؟ مو فاهمه عليك .. !
: هههههههههههههههههههه لاوالله ..؟ المهم وش اقول لعمي المسكين اللي طفشني له شهر وهو يقول كلميها آخر شي قبل شوي كان زعلان مني .
: مممممممم ماادري خليني افكر .
اخذت جوالي ودقيت على عمي وبسرعه رد علي بصوت واطي قلت بسرعه : والله ياعمي البنت تبي تفكر بس اتوقع اتوقع انها غرقانه الين راسها ..!
: وشو غرقانه في من ..؟
: هههههههههههههههههههه في واحد اسمه ياسر .. يصير عم ديمه وهو مجنون فيها .
: ههههههههههههههههههههههههههههههههه الله يسعدك ياديمه .. هه هذي بنت اخوي اللي صدق يالله يالله مع السلامه .
: هههههههههههههههههههههههههه اوكي مع السلامه .
قفلت معاه قالت ريم اللي سمعتني : ها اش قال ..؟
ناظرتها وانا مفتحه عيوني قلت : اذا فكرتي وقررتي اقولك مو الحين .. بعدين عيب وغمضت بعيوني وانا اضحك .
: ضربتني ريم على كتفي بشويش وهي تضحك وتقول اوريك ياديمه هذا المعروف اللي بتردينه لي .
قاطعتني خالتي اللي جاتنا وقالت : ديمه تعالي للحريم العشا لك وانتي قاعده بالمطبخ .
طنشت نورة اللي ماكفت عن المرض والمرضى والأورام وكيف الناس تهتم في المريض شفقة ويراعون مشاعره حتى ماينجرح ... كل كلامها موجهته لي وانا صابني برود مريح لأعصابي بشكل محد يتصوره .. جات منيرة عمة مهند الثانية وجلست بجنبي قعدت تسولف معاي وتكلمني عن الجو وكيف جو ابها مقارنة بجو جده هالأيام قالت اذا تخرجتي خلي مهند ياخذ اجازة اسبوع وروحوا لأبها .
: ياليت والله حتى انا اشتقت لخالتي سارة وبناتها وبنات عيالها
: عاد هم يحبونك ومتعلقين فيك
: الله يسعدهم مرة طيبين ويدخلون القلب ...
: ديمه والله مالنا وجه من نورة وبنتها بعد اللي سونه معاك في بيت ساره
: لا حبيبتي لاتشيلين هم نسيت الموضوع كله انا
: قلبك كبير ياديمه وربي بيعطيك على قد نيتك ان شاء الله
: تسلمين والله انتي اللي طيبة ونيتك صافيه .
الغريب ان فاطمة مارمت علي ولا كلمه ولا كلمتني .. بس شفتها تكلم ريم واحنا بالمطبخ وهي برا تقول : ريم المريضة هذي عندك ولا راحت للحريم ابغى اشرب من المطبخ وماابي شوفها .
ضحكت لريم وردت عليها ريم : احترمي نفسك يافاطمه ولاتنسين انك في بيت ديمه واحمدي ربك انها ماطردتك .
سكتت ورجعت وماتكلمت .. الله يستر منها .
كنت اطالع فاطمه لابسة تنورة لونها زيتي وبلوزة تفاحي هالمرة اشيك بكثير من قبل .. يعني صارت تهتم وتلبس شي حلو .. وحاطه مكياج ثقيل مطلع عيونها احلى ..
اشرت لي خالتي ورحت عندها قالت : مهند مصدع بالمرة روحي جيبي له بندول دق علي يقول ابي حبوب .
رحت بسرعه اجيب له البندول وجبت له كاس ماء لقيت فاطمه قدامي كأنها تنتظره ودقيت على قسم الرجال طلع لي مهند على طول قلت تجي تاخذ الدوا ولا ارسله عليك مع ولد منيرة قال لا بجي آخذه
دخل مهند وفاطمة بالصالة قال : اووووووووووووووووف انا ناقص وجع راس
قلت له بدلع : اخس عليك يامهند تشوفني وتقول انا ناقص
طالع فيني وعيونه باين عليها التعب بس ابتسم وقال :مو انتي اقصد البلوة اللي وراك
: طيب الف سلامه عليك وماتشوف شر وياليته فيني ولا فيك
حط يده على فمي قال : الله يسلمك ويخليك لي وابتسم قال بتعافى ولا يهمك وترى لاحقين .. وغمر لي بعينه وهو يضحك .
استحيت انا منه قلت : خلاص ارجع اخاف تتعود على فاطمه بس
: هههههههههههههههههههههههه اخيراً شفتك تغارين علي
: هههههههههههههههههههههههه امسك خذ دواك ولاتتوهم مرة ثانية .
: هههههههههههههه حط يده على راسه قال : طيب اتوهم انا .. قولي لامي ان العشا جا .
: حاضر
رجع مهند وانا رحت عند خالتي اشرت لها وجات عندي قلت لها ان العشا جا
وراحت للمطبخ بتقول للشغالة تحضر السفرة والسلطه والخضار والعصاير واللبن والفاكهه
تعشينا وراحوا الناس الا فاطمة قاعده وكل شوي رايحه جاية من المطبخ للصالة ياربي ماتمل هذي .
دخل مهند وعيونه حمرا وباين انها كثير تعبانه .. قال :بطلع فوق الحقيني
: اوكي بسلم على سميرة واساعدها في اغراضها والحقك ..
: يالله استناك ... قالها وهو ماسك راسه مرة مصدع .... الله يستر اكره الصداع وألمه وكل اللي يذكرني فيه
سلمت على سميرة وقلت لخالتي وريم تصبحون على خير كنت بطلع لمهند حرام اتركه وشكله كذا بس ناداني عمي ورجعت له قال : خذي هديتك مني انا والجوهرة وتراها ذوق الجوهرة وهي بمناسبة خروجك من المستشفى .. كانت علبة مغلفه اخذتها منه وسلمت على راسه .
قلت :الله يخليكم لنا .. صدقني الهدية مولازم اهم شي رضاكم عني وهو اكبر هدية ..
: راضين عنك يابنتي وعسى الله يرضى عليك ويوفقك ويسعدك
: الله يطول بعمرك اسمح لي بطلع عند مهند تعبان ومصدع بروح اشوفه
: ايه شفته مصدع حتى ماتعشى
: طيب عن اذنك ياعمي
: خذي راحتك يابنتي
طلعت لمهند فوق ولقيته حاط يده على راسه ونايم ماحبيت ازعجه تذكرت لمن اصدع زمان انسب حل لي اني اروح انام واذا صحيت يكون خف هذا طبعاً بدايات الصداع قبل يتطور الله لايعيد الشر ...!
دخلت بدلت ملابسي واحترت فين انام عنده ولا بغرفتي ...مممممم لا لا بروح لغرفتي مستحيه من مهند اش بيقول وانا نايمه عنده .. فتحت هدية خالتي وعمي كانت خاتم الماس نعوم ويجنن باين انه غالي وقيمته ماتقل عن سته الاف ..!
صحيت الساعه 6 ودخلت الغرفه باخذ شرشف الصلاة حقي ابغى اصلي وماحبيت اشغل النور على مهند اللي غاط بنومه خفت ازعجه ويصحى بدري .. مشيت بشويش فتحت الدولاب بس دق جوال مهند .. دق دق كنت بروح احطه صامت بس شفته تحرك ومد يده للجوال وفتحه وبالغلط فتح السبيكر
: همممممممممم الو
: هلا دكتور مهند ... كان صوت بنت
: هلا من معاي
: ههههههههههه ( بغنج ) ماعرفتني ..؟
: هممممممم لا ماعرفتك من ..؟
: انا وفــاء ...
: اووه هلا وفاء من اعطاك رقمي
: اخذته من دكتور عادل
: خير ياوفاء فيه شي متصله من بدري كذا
: لا بس حبيت اصالحك واعتذر منك واعزمك على كوفي وفطور اذا ماعندك .. اش رايك نتقابل بالكافتيريا بالمستشفى
: مممممممممم خليها مرة ثانيه احسن
: لاتكسر خاطري من البارحة استنى الصباح يجي عشان اكلمك .. وبصراحه يامهند ممممممم ولا اقولك بلاش ..ههههههههه
: بصراحه شو ..؟ قولي ياوفاء
: زوجتك موجوده
: لااعتقد مو هنا
: ههههههههههههههه حلوة اعتقد ليه موعايش معاها ..؟
: لا مو عايش معاها قولي اللي عندك ..
كنت اسمع وانا ارتعش ابغى اخرج واهرب ومااسمع شي يضايقني .. بنفس الوقت ابغى اعرف نهاية الكلام
: هههههههههههههههههههههههههههههه ياعمري عليك اجل ماعندها ذوق والله
: طيب قولي لي بصراحة شو واتركي زوجتي عنك ..؟
بصوت واطي وقرفني كثيييير : ممممممممممم بصراحة مشتاقة لك .. لأني ممممممممممم
: لأنك شو ..؟
: عاد افهمها انت لاتحرجني هههههههههههههههههههه يلا استناك تجي للكافتيريا اوكي ..
: طيب آخذ شور والبس واجي
: هههههههههههههههههه شور الهنا
قبل مايرد مهند تحركت انا وقلت : مهند اقفل السبيكر تراك فاتحه احسن تسمعها لوحدك
فز مهند من السرير وقفل الجوال بسرعه وانا دخلت الحمام احسني ابغى استفرغ جلست بالحمام نص ساعه واستفرغت .. سمعته يدق الباب علي اكثر من نص ساعه ومارديت عليه ..
خرجت من الحمام ودخلت غرفتي .. شفته وراي بس قفلت الباب قبل يدخل ..!
سمعت باب الجناح تسكر اكيد راح للمستشفى وبيقابل الممرضه التافهه ...
كانت الدنيا بعيني اضيق من ثقب ابرة احسني غبيه وتافهه اني سمحت لنفسي اهتم فيه ولا اغار .. شو اغار انا بس مقهورة عشان كرامتي اللي داسها وماعبر وجودي بحياته هذا وانا خلاص كسرت جميع الحواجز اللي كانت بيني وبينه ولو البارحه مانام كان سلمت له نفسي برضا وطيبة خاطر .. وعشنا حياتنا كأي زوجين ..!
قمت لبست وقررت اخرج عند لمى ولا اروح لبيت خالي .. لالا مااقدر اروح لخالي وانا بحالتي هذي ومع الصباح .. وانا مارجعت من عنده الا البارحه مرة صعب . .
نزلت لقيت خالتي اللي قابلتني قلت لها : صباح الخير يمه كيفك اليوم
: بخير يمه انتي كيفك وفين رايحه واليوم خميس
: لمى صاحبتي اتصلت علي وتعبانه شوي بروح عندها
اتصلت بالطريق على لمى اول ماسمعت صوتها بكيت
: همممممم هلا ديمه
: لمى .... وجلست ابكي واحاول مااخلي السواق يسمعني
: ديمه عمري اش فيك ؟
: الله يخليك انا خرجت من البيت عشان اشوفك الحين زوجك فيه
: ممممم تعالي ماعليك منه بندخل للمجلس وهو الحين نايم
: لمى الله يخليك البسي بمر عليك نروح أي مكان مااقدر اجيك وزوجك فيه
: اوكي البس الحين بس قوليلي اش فيك بالضبط
: لمى تعالي وأقول لك
رحت عندها وعلى طول خرجت لي وانا بحالة ماانحسد عليها ماكنت ادري ايش اقول لها بالضبط اقول كل اللي بقلبي هذي لمى صديقة عمري .. رفيقتي من صغري لليوم .. افتح لها قلبي ولا ابقى على العهد اللي اخذته على نفسي ولااقولها عن اللي بيني وبينه ..
... كنت ابكي وهي تحاول تهديني قالت :ديمه ادري ماتبين تقولين اسرارك انتي ومهند لكن اذا فيه مشكلة لازم تتكلمين .
ماعاد فيني اكبت اكثر من كذا احسني راح انفجر ..
هزيت لها راسي بأيوه ..
حضنتني لمى وانا اطلقت العنان لدموعي وقهري وحزني خليتهم يعبرون بطريقتهم .
ماكنت اقدر اتكلم والسواق يسمعني قلت خلينا نروح أي مكان.. قالت لمى للسواق روح للكورنيش.. جلست مع لمى قدام البحر ماني في حال احد .. كانت لمى كل شوي تتصل على فيصل وتقول له بجلس مع ديمه لأنها تعبانه وطبعاً فيصل يدري اذا الموضوع فيه ديمه لايمكن يقدر يناقش لمى فقال لها خلاص متى مابغيتي تجين كلميني وانا بروح
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك