رواية في صمتي كلام -12
بدر .. اصلا الكلام الحلو ما جاء الا لكِ بس ..
هند .. بدر حياتي خلاص ..
بدر .. وش تحبي تاكلي ..
هند .. ما ابغى شي ..
بدر .. ترى ازعل ..
هند .. جد والله ما ابغى اتعبك معي ..
بدر ..وش قلتي ترى..؟ تتعبيني ..ترى والله ازعل جد ..
هند .. كل شي الا زعلك ياروحي ..خلاص ابغى عصيركوكتيل ..
بدر .. لا عصير كوكتيل خليه اخر شي .. انا اقصد وش تحبي تاكلي ..
هند .. صدقني ماني مشتهيه اكل شي ..
بدر .. تصدقي مثلي بس ابغى اشوف عيونك ليه اقول بس ..
هند .. بس عاد نزل عيونك حبيبي انا خجلانه ..
بدر .. يؤيؤ تخجلي من عيوني .. اصلا انا اذووب لمى اشووفها .. ما تدرين اش كثر اليوم انا فرحان .. تكفين
ياهنووده لا تحرميني من هاللحظه (وهو يقرب يده منها )
هند بخوف .. ها لا ياقلبي .. خلاص اطلب اللي يعجبك ..
بدر .. انا اطلب كل اللي في لسته عشاان عيونك الحلوه ..
هند بضحكه .. ياقلبي ما ابغى غيرالي تحبه انت..! انا راضيه اكله ..
بدر .. يمكن ما تحبين الي اكله ..
هند .. داامك تحبه راح احبه ..
بدر .. ياقلبي خلاص راح اطلب كبسة برياني .. ولحم ..واسبكتي ..
هند .. حلو ..
بدر .. الحلو جد اللي جالس اقبالي ...
هند بخجل .. جد والله ..
بدر .. انتي ملكتي قلبي من غير احم ولا دستور ..هند انا احبك جد ..
هند .. جد انت تحبني ,,,..!!
بدربصوت عالي .. انا جد احبك يا هند .. احبـــــــــــــــك احبــــــــــــــــك ..
هند برتباك .. بس بس صوتك صار عالي ..
بدر .. خلي الناس والعالم تدري اني احبك ..
هند بهمس .. وانا بعد احبك ..
بدر .. جد ..!!
هند ..هههههه والله جـــــد ..
بدر .. أحب حبك..وأحب قلبك ..
وتحضني بدفى عيونك..وأبي قربك ..
وأنا عقبك..أذوق الهم من دونك..
تعال خلك بقربي..وحط قلبك على قلبي..
وخلنا نعيش هاللحظة جنوني يعشق جنونك..
هند .. الله الله ..يا شاعرنا ..
بدر .. انا بدون اشعور قلت هالابيات ياقلبي .. هند ممكن يكون لقانا كل اسبوع .. !!
هند .. لا ياقلبي انا الحين جد خايفه.. الاني اول مره اطلع مع حد غريب ..
بدر .. انا الحين صرت حد غريب ..
هند .. ياقلبي انت عمري بس انا اخاف من اهلي ..
بدر .. اهلك .. مثل ما كذبتي عليهم الحين اكذبي مره تانيه عشان اقدر اشوفك صدقيني انا احبك ..
وما اقدر يمر يوم من غير ما اشوفك يا هنوده ..
هند .. بحااول ..
بدر .. اوعديني ..
هند .. ما اقدر اوعدك ..
بدر .. خلاص بزعل ..
هند .. لا كل شي الا زعلك ياقلبي ..
بدر .. اجل اوعديني اني اشوفك ثاني مره ..
هند .. صدقني ما اقدر اوعدك .. الانه على حسب الظروف ..
بدر .. هند خلينا نشوف بعض كل اسبوع مثل هاليوم .؟؟ ايش رايج ..؟؟
هند بتفكير .. اممم نشوف ..
بدر بتوتر .. وشهو تشوفين انتي مو بزر عشان تفكري انتي كبيره ياهند .. والا ما تبغين تشوفينا مره ثانيه ..؟؟
هند .. لا يا بدر حبيبي صدقني ودي اشوفك كل يوم مو كل اسبوع بس انت تعرف ظروفي وما اظن اهلي
راح يوافقوا اني اطلع كل اسبوع ..
بدر .. اجل قولي لهم صديقتي انجود هي اللي راح تاخذني كل يوم وكذا اقدر اشوفك ..
هند .. وشهووووو انت مجنون اذا احد شافني معك وش يقولون لي ..
بدر .. ابغى افهم انتي وش تبغين .. انا احبك ولا انتي تلعبي معي ...!!
هند .. صدقني يا بدر مو العب وصدقني انا هم احبك ..
بدر .. تحبيني اثبتي لي ..!!
هند .. وشلون اثبت لك ..؟
بدر .. انك تروحي معي كل اسبوع ..؟
هند ........................
بدر .. وشفيك سااكته ..؟
هند .. ولا شي بس قاعده افكر ..
بدر بعصبيه .. ردينا على التفكير ..!!
هند .. خلاص خلاص يا قلبي .. اتفقنا كل اسبوع تاخذني مثل هاليوم ..؟ وش رايك ..!!
بدر بغمزه .. اي كذا تعجبيني يا هنوده ..
هند ببتسامة الخوف .. هع اوكيه ياقلبي المهم تكون مبسووووط ..
بدر .. انا مبسوط دامني معك يا حياتي ..
في بيت غانم .. الساعه 4 العصر .. طارق واخته غاليه ..جالسين في الصاله يشوفوا الدي في فلم
هندي اسمه " دفي داس "
لكن طارق كان باله مشغوول في سالفة سلمان اللي قالها....
طاارق في قلبه .... يعني معقوله ابوه كذا ..؟ واذا جد السالفه ليه يعمل كذا .؟؟ وليه مخبي عنا الموضوع ..؟؟
لكن انا ما سئلة ابوي او عرفة السالفه حقيقيه او كذبه ..؟ يمكن تشابه اسماء ..؟ واذا جد عندي اخت اسمها
انجود ليه ابوي متبري منها .. وما خاف عليها ..؟ يؤؤه فكري متشتت ..!!
غاليه .. طارق وش فيك سرحاان !!.. فيك شي ..؟
طارق .. لا بس شويه صدااع ..
غاليه .. انت ما تغديت ليه ما تتغدى ..
طارق .. لا مشكوره ماني مشتهي ..
غاليه .. اجيب لك حبة بنتدول ؟؟
طارق .. اي والله جزاك الله خير لو جبتي لي وحده ..
غاليه .. تامر امر كم طاارق عندي ..وتروح تجيب كاسة مويه مع حبة بندول ..
طارق .. تسلمين يا غلاوي ..
غاليه .. العفوو .. يالغالي ..
طارق .. غاليه بغيت اسالك ..
غاليه .. تفضل ..
طارق .. في موضوع محيرني كثير .. والصراحه مسبب لي هالصداع ..
غاليه .. ليه ياطارق عسى الموضوع خير ..
طارق .. هو خير .. انشااءالله بس جد محيرني ..
غاليه .. من اي ناحيه مثلا ..؟
طارق .. انا بقولك السالفه وابغااج تساعديني ..
غاليه .. ابشر اذا قدرت ..
طارق .. صديقي سلمان تعرفينه ..
غاليه .. اي اسمع دايم تروح معه ..
طارق .. اي سلمان صديقي جاء له واحد من ربعه ذاك اليوم وقال له يا سلمان عندك اخت اسمها انجود ..
سلمان قال لا والله ما عندي.. قال صديقه بلا عندك وابوك يعرفها بس هو متبري منها ومن امها وكل شي
له دليل بالبطاقه انها اختك .. سلمان حينها قال ابوي ما تزوج ولا قال لنا انه متزوج .. ليه يخبي الامر عنا ..
بعدها قال ربيعه .. ابوك متزوجها بس ما حب يخرب علاقة امك معه .. والحين اختك يا سلمان صديقة اختي
بالكليه والصراحه يا غاليه هالموضوع شاغلني ..
غاليه .. وش دخلك انت به الموضوع للسلمان وش له توجع راسك ..!!
طارق .. سلمان صديقي ولازم اساعده .. ولو هالموضع صار في بيتنا ..؟ تصدقينه ..؟
غاليه .. هههههه لا وبقوى بعد ..
طارق بتعجب .. ليه ..
غاليه .. الانه ابوي مستحيل يتزوج على امي ..؟
طارق .. هههههه وليه كل هالثقه ...
غاليه .. ما ابغى اجرحك في كلمتي وانتي تعرفها ..
طارق .. قوليها ليه تجرحيني ..؟
غاليه .. لا ياطارق ما ابغى اجرحك ولا اجرح ابوي ..
طارق بهدوء وبنظره عفويه.. قصدك انه امك هي سر هالحلال اللي عيشين منه ..
غاليه .. كا انت تعرف هالسر ...!!
طارق .. ولا تنسين يا حلوه انه امك بلا ابوي ما تسوى شي .. وانه هالحلال اللي امك عاشت فيه كله من فكر
ابوي وتخطيطه ..!!
غاليه .. ههههههه الكل اصلا ما يستغني عن الثاني ووكل سر هالحلال ..؟
طارق .. وش فيك غيرتي الموضوع وخليتيه بتساوي مع انك رفعتي امك بالعالي يا غاليه ونزلتي ابوك ..؟
غاليه بخوف .. مو قصدي يا طارق ..
طارق بعصبيه .. الا قصدك ياغاليه ..ابنك تهيني ابوك عشان فلوس لا يا غاليه الدنيا ما تنقاس بالفلوس .. ولافي املاك
وعقارات .. الدنيا تنقاس على الطيبه والاخلاق .. والاخلاص .. وابوي لمى اشتغل عند جدك كان جدك بنفسه
عرف يختار منو يعطيه حلاله واول حلاله هي بنته امك مو فلوسه ..
غاليه وهي منزله راسها .. اسفه وكلامك كله صح ..
طارق .. ابغااك تعرفين شي واحد ياغاليه ..اللي هو انك تعيشي حياتك بطبيعتك مو بتكبر ولا غرور وفخر ..
الدنيا كلها نفس الشي حتى البشر متسااوين .. غاليه .. تكبرك وغرورك راح تخلي الناس تكرهك .. خليك
عاديه وترى العمر مره وحده لا تعيشينه بتصنع .. وهو طالع ..
غاليه .. طاااارق .. طاارق ..
طااارق قبل لا يطلع ..
غاليه ...قلت لك اسفه ..
طارق .. وليه تتاسفين انا جالس اعطيك درس بالحياة وياليت تتعلمين منه يا غاليه ..
غاليه .. مشكور يا طارق بس ممكن طلب ..
طارق بتنهد .. سمي ..
غاليه .. ابغاك تجلس لا ترووح تكفى ..
طارق .. عندي شغل ..
غاليه .. اجلس لا تحسسني بذنب .. توك تقول انك فاضي ..
طارق .. قاضي بس ابغى اجلس مع ابوي بموضوع خااص ..
غاليه .. منت طالع برى ..؟؟
طارق .. لا انا رايح لغرفة ابوي ..
غاليه .. اووكيه استناك لمى تخلص نكمل الفلم سويه ..
طارق ببتسامه .. اووكيه ..
ويطلع طارق لغرفة ابوه وهو صاعد للدرج خطوه بخطوه جالس يفكر ويرتب
افكااره ..وش راح يقول ووش راح تكون ردت فعل ابوه لين وصل لغرفة ابوه وهو يدق البااب ..
الا ذاك الصوت الرجولي يقول له ادخل .. دخل طارق غرفة ابوه وهو كله ثقه ولكن لابد من خوف القليل من
الحقيقه اللي راح تصدمه ..
غانم .. هلا والله بطارق ..
طارق .. هلا فيك يايبه ..
غانم .. ها وشلون الشغل ..؟؟
طارق .. والله الشغل تماام يا يبه ..
غانم .. ها وش عندك ..
طارق .. الصراحه يا طويل العمر عندي موضوع .. والصراحه هالموضوع شاغل هالبال ..
غانم .. عسى ماشر يا طارق .. محتاج فلوس يابوك ؟؟
طارق .. تسلم يا يبه خيرك سابق .. لكن هالموضع ما يلزمه فلوس يلزمه انك تسمعني وانا اسمعك ..
غانم .. كيف يعني ..
طارق بخوف .. الحقيقه يا يبه اني ما ادري كيف ادخل بالموضوع..
غانم .. تراك خوفتني يا طارق .. ادخل بالموضوع سيدا ..
طارق .. الحقيقه يا يبه اني سمعت شي والصراحه هالشي ماصدقته .. مع انه غيري اكدوا هالخبر ..
غانم .. اللي هو ..!!
طارق .. انجود ..!!
غانم .. منو انجود ..!! يا طارق ..؟
طارق .. يعني انت ما تعرف انجود ..؟
غانم .. وش عرفني فيها يا طارق ؟؟ ومن انجود اللي تسال عنها..؟
طارق .. انجود اختي ..؟
غانم بسكوت ....................
طارق .. وش فيك ساكت يا يبه ..
غانم منزل راسه.. انت ذكرتني بشي كنت ماسحه من حياتي من بـ19 سنه ..
طارق .. يعني الخبر اللي سمعته جد مو كذبه ..
غانم .. من قال لك . ياطارق .,.؟؟
طارق .. مو مهم من قالي .. المهم انه قالي وانتهاء ..
غانم .. قل لي هي انجود بنفسها ؟؟
طارق .. لا مو هي ....يعني تعرف انه عندك بنت ليه ما خبرتني يا يبه ..
غانم .. السالفه طوويله يا طارق ..
طارق .. يبه في بالي مية سؤال وسؤال ابغاك تجاوب عليه بامانه ..يبه انا ولدك اللي ما تخبي عنه شي .. ليه بذات
هالشي خبيته عني .. مع اني اقول للبشر ابوي صادق معي وبالاخير انصدم بالخبر ذا ..؟؟
غانم .. قل وش اللي محيرك ..
طارق .. راح ابتدي من اول سؤال بس ابغى منك الصرااحه ..
غانم .راح اقولك بس في اشياء ما احب اذكرها .. وابغاك تحفظ هالسر .. ولا تدور عنها ..
طارق .. هذا اول سؤال راح اسالك .. ليه ما تبغاها تعيش معنا او ما تبغني ادور عليها ؟؟
غانم .. الانها راح تدمر حياتي وحياتك معي ..
طارق .. بس هي بنتك ..؟
غانم .. ادري انها بنتي.. بس امها عاندتني ..
طارق .. وعشان كذا قتلتها امها ..
غانم بعصبيه .. من قال لك اني قتلتها هي ماتت في حادث سياره ..
طارق .. بس اللي عرفته انك قاتلها ..
غانم .. يعني تكذب ابوك يا طارق ..؟
طارق..انا مصدقك بس كلام الناس تقول انك انت اللي قتلتها ..الانك خفت من الفضيحه جدام فوزيه .. وعشان
ما تاخذ منك الوكاله العامه للحلال اللي تعبت وانت تبنيه ..
غانم بعصبيه .. صحيح اني خفت على حلالي لكن مو انا اللي قتلتها .. طارق انا تزوجة عنود ام انجود
بعد ما تزوجة فوزيه .. كنت احب عنود لكن فيها عناد مو عناد طبيعي الانها صغيره يوم تزوجتها وتبغى تتدلع
بس اول ما تزوجتها قلت لها خلي زواجنا بين اهلك بس وقلت لها ما ابغى بزران في هالوقت لين اثبت نفسي
بهالمكان ..
وهي بعد مرور شهر واحد من زواجنا اكتشفت انها حامل ..مع اني متفق معها ما تحمل ..
وعنادتني وقالت لا ما تبي تسقطه .. وانا قلت لها يا انا يا اللي في بطنك وهي اختارت اللي في بطنها وكذا
خليتها وبعدها بمدة اكتشفت انها تقول انها سقطت الطفل وبهذي الحاله طلقتها ولمى طلقتها
اكتشفت انها كانت تكذب علي .. وانها بعدها حامل .. وانصدمت بالخبر اللي قاله لي خالها راشد انها اولدت وجابة
بنت .. وبهذي الحاله قلت انها مو بنتي .. الاني كنت مطلقها وهي مو حامل.. بس اكد لي راشد اخوها انها حامل
وعقد الزواج والتقرير الطبي يثبت كل شي .. مع اني لليوم ما شفت انجود اختك يا طاارق ..
طارق .. معقووله يا يبه ولا مره شفتها ؟؟
غانم منزل راسه.. اي والله ولا مره ..
طارق .. كمل يا يبه ..
غانم .. وبعدها ارفعت عنود قضيه علي وما كان يعرف بامر القضيه غير انا وعمك عايد ..وطبعاهي اربحت
القضيه ..
طارق يقاطعه .. وانت مصدقها او بس تعاندها ..
غانم .. لا مصدقها ..
طارق .. كمل ..
غانم .. وبعد القضه بخمس اسنين ..جاءت لي عنود بالبيت عند فوزيه بس قالت لفوزيه انها وحده تبني
اتوسط لها بشغل.. مع انه عنود ما قالت لها انها زوجتي ..ولمى شفتها انصرعت وخفت انها بلغت فوزيه
بزواجي لها ..وبعدها سالتها ليه جاايه هنا ..؟.؟ قالت لي انها تبي تتاسف وانها تبيني اشوف انجود بنتي
الانه انجود تسال وين بابا .. في ذاك السنه عمر انجود خمس اسنين ..وانا قالت له ما ابغى اشوفها وقولي
لها بابا ماات وما عندها باابا .. ومن ذاك اليوم اطلعت عنود من بيتي وهي تبكي من الكلام اللي قلته لها ..
طارق .. عمتي فوزيه كانت عندك لمى كلمتها .؟؟
غانم .. لا كنت مع عنود بروحنا في المكتب ..
طارق .. وللحين ما تدري ..؟
غانم .. اي لحد الحين وما همني الحين درت او ما درت كله واحد ..خلني اكمل لك ..
طارق .. ايوه كمل ..
غانم .. بعد ما طلعت مني وهي منهااره ساقة سيارتها بسرعه جنونيه لين صار الحادث ..والكل
اتهمني باني قاتلها الانه عنود قبل لا تموت كانت تردد اسمي .. وعشان كذا ضنوا اني انا القاتل ..
طارق ..طيب يا يبه ليه ما تروح لها الحين ..
غانم .. ما اظن انها تعرفني او تبغاني بهالدنيا ..
طارق .. بس هي تعرف انك عايش ..
غانم .. وش راح انفعها هالحين ..بس انت لحد الحين ما خبرتني مين خبرك عمك عايد ..؟
طارق .. لا مو عمي عايد ..
غانم .. اجل من ..؟
طارق .. صديقي سلمان اخته رهف صديقة انجود ..
غانم .. سولفلي عنها ..؟
طارق .. كيف اقولك وانا ما اعرف غير اسمها وانها في الكليه مع اخت سلمان .؟
غانم .. طارق لا تقرب من انجود ..
طارق بعصبيه.. ليه يايبه تحرم انجود منا وتحرمنا منهااااا ..
غانم .. انا قلت كلمه لا تعاندني ..
طارق .. يبه انت ضيعتها وهي صغيره لا تضيعها وهي كبيره يبه انجود يتيمه كيف يخليك قلبك انك تخليها لحالها ..
غانم .. انجود مو لحالها .. انجود عندها جدتها وهي اللي حارصه عليها .. وعندها خوال راشد وسعد .. واهم
اكثر مني حرص عليها ..
طارق .. ليه ما تشوفها لو لحظه .. يمكن قلبك يشفق لها .. يبه انجود مالها ذنب باللي سوته امها ..
غانم .. عاررف ..
طارق .. يبه ليه تكرها فيك..!! داامك انت تعرف انها مالها ذنب ..
غانم .. لا تسالني الاني بنفسي ما اعرف الجواب ...
طارق بحيره.. كيف يعني ..
غانم .. يعني تسكر الموضوع وتخليه مثل ما كان ..
طارق .. يبه هذا خوف ولا هروب من الواقع ..
غانم .. احسبها مثل ما تحب .. ويعطيه ظهره ..
طارق .. اذا انت خليتها وتخليت عنها انا ماراح اخليها يا يبه ,,
غانم بعصبيه .. بلاك ما تفهم ..
طارق بصوت عالي .. وضح لي وخلني افهم وش تقصد في كلامك اللي يحيرني من دخلولي ..؟
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك