رواية مااحبك ومااعيش بدونك -11
عهود: خير خير ان شاءالله
تركي:ههههه ولا شئ
عهود بعدت عنه: عطني العبايه
تركي وهو يعطيها: حطي ببالك انه اخر مرة تلبسين كذا
عهود: نعم
تركي : الي سمعتي ولبس مثل هذا ماتلبسينه لغيري
عهود: والله مالبسته لك هذا الي ناقص
تركي متكتف: وليه هذا الي ناقص يعني للحريم الغرب اوكي وزوجك لا
عهود تغير الموضوع : يلا مشينا تاخرنا على رغد
تركي : ضيعي الموضوع بس ماانتهينا
عهود: تركي لا تطول السالفه وهي قصيره
تركي: يعني عاجبك الناس تشوفك كذا ويجلسون يطالعون مفاتنك
عهود: عادي حريم قالو لك رجال هم يقزون مثلكم
تركي: لوانهم رجال ماخليتك تروحين لاي عرس
عهود: يلا يلا تأخرنا
تركي : يلا لا اتهور الحين
عهود سمعته قول كذا وطلعت طيران من الغرفه وتركي ضحك عليها وطلعو وراحوا
الصالة وانبسطوا وعهود ماقصرت بالرقص ومبسوطة على الاخر مع رغد وانتهى
العرس بسلام وراحت عهود مع تركي لبيت اهله
وتروشت ولبست بيجامتها ونامو لانهم تعبوا تركي بتوجيبه للرجال وعهود
بالرقص
اليوم الثاني الكل مجتمعين وهم مجلسين مع اهل تركي يتقهوون
ام عبدالرحمن : ههههههه أي والله مو مصدقين
ام خلود: أي والله اقولهم متزوجة مو مصدقين
تركي بلقافة: منهي الي متزوجه
سعاد مرت اخوه الكبير : الله يسلمك خطاب جايين وبالهبل بعد
تركي : حلو لمين للرغد ولا بدور وسمر
ليلى "ام عادل"اخت تركي : لا مو للرغد ولابدور وسمر
تركي : لمين اجل
ام خلود وهي تضحك : لمرتك
تركي وهو يشرق بالشاهي : نععععععععم
ام خلود بضحكة : هههههه الي سمعته
ام عبد الرحمن : اذبحوني لاحقيني وين ماروح نبي بنتكم نبيها
نقول لهم متزوجة مو مصدقين
ليلى : أي والله لحد اليوم يدقون نبي بنتكم الي لابسه احمر
تركي معصب: وليه ماقلتوا لهم يتوكلون يعني هم ماحضروا عرسي عشان يعرفون انها زوجتي
ام عبد الرحمن : هذولي من اهل مرت ولد اختك ماحضرو زواجك
عهود مع رغد ميتين ضحك على تركي ولف عليهم: وانت مع
وجهك مبسوطة
عهود ماسكة ضحكتها : وانا ايش دخلني هم الي جاو
تركي : وليه ماقلتي لهم انك متزوجة
عهود: هم ماسألوني الي سالوني عنه اسمي وقلت لهم
تركي: ويعني مالقوا الا مرتي قلوا البنات الي بالعرس
سعاد: مرتك خبلت فيهم عليها رقص يطير العقل ولا حلاها طالعة بمكياجها كانها بنوتة
تركي فور:خلاص مافي روحه للعروس
عهود: ليه
تركي : بتروحين تروحين متغتره
رغد حبت تخبل فيه: وحتى يوم تغترت ياخالي اخوان العروس تخبلوا عليها كل واحد ياشر
عليها ويكلم امه
تركي: نعم انت " ياشر على عهود"عروس شيليها من بالك ولو رحتي بغطا زي امي
عهود: كله منك يالسوسه
رغد:ههههه والله ان خالي استخف شسويتي فيه عهيد ماكان كذا قبل
عهود: انطمي بس
سعاد:طيب ياتركي شنسوي بالخطاب اذا دقوا
تركي : يمة اذا دقوا سكري السماعة بوجيهم مرتي وحاطين عينهم عليها وجع مابعد اتهنى فيها وحطين
عيونهم عليها بخريها يمه عن العين بكرة تتحرول علي
ام عبدالرحمن : وانت من صدقك اكيد احنا نصرفهم والا برايك نعطيهم اياها
تركي: هئ هئ يحلمممممممممون
الكل : ههههههههههههههههههههههههههههه
رغد: من قدك ياعهود طيرت عقله وهذا هو الثقيل
تركي لاف على عهود: وانت مرة ثانية مافي روحة للعروس مافي يعني مافي
عهود عصبت: وليه مو ذنبي انهم يبوني
تركي: احل ان كنت بتروحي ماتروحين الا عروس الاهل بس غيره مافي
ورقص مافي سامعه " قالها وهو معصب" وقام وطلع
ليلى: هههههههه تركيه عنك
عهود: والله هو عنيد
ليلى : تقدرين تقنعينه بطريقتك الخاصه" وتغمز لها "
عهود انحرجت: وهذا الي بيصير
سعاد: من صدقه تركي يعصب على كذا والله ماتوقعت
ام خلود: والله منتي سهلة ياعهود علقتي الرجال
عهود" وهذا الي مابيه مابيه يتعلق فيني لان اذا جا وقت الطلاق بيعند"
واكتفت ببتسامة الكل ظن انه حيا
ولانهم بيمشون اليوم دقت على تركي عشان يوديها بيت اهلها بس مارد عليها وبعد مادقت اربع مرت
رد عليها: خير في خطاب بعد
عهود: والله عقليتك عقلية مراهق وهذا انت وشوي تسك الخمسين
تركي: من قال ياقلبي انا توني شباب
عهود: ايه صدق المهم متى توديني بيت اهلي
تركي: شقصدك قصدك اني شايب
عهود: انت الي قلت مو انا وبعدين لاتضيع الموضوع
تركي: يعني انا شايب ها
عهود: بتمرني ولا ادق على اخوي
تركي: لا تدقين ولا اني مارك مافي روحه
عهود بضيق: ليه
تركي: خلك تتأدبين قبل
عهود: وانا ايش سويت
تركي: لا سلامتك ماسويتي شئ ..ياماما عدلي اسلوبك وهالمره حرمتك اليوم
مره ثانيه قلي ادبك شهر كامل ماتشوفينهم
عهود: ماتقدر
تركي: جربي وشوفي اقدر ولا لا
عهود: طيب ابي اروح بيت اهلي حتى لو دقيقه
تركي: قلت لا وجهزي بعد نص ساعة بنمشي الدمام
عهود: افففففف
تركي: لبكره يلا باي
وسكر السماعةوبعد صلاة العشاء رجعوا الدمام
مشكورين حبايبي على الدعم وهذا البارت الجديد منشانكم
جزء الثامن
واليوم الثاني على المغرب جلس تركي على الكنبة مقابل عهود:
عهود اممم
عهود: في شئ
تركي : لا بس بغيت اسأل انت تخافين تجلسين لحالك
عهود عاقد حواجبها : ليه هالسؤال
تركي: ابد بس انا اليوم معزوم على العشاء بمناسبة زواجي الربع مسوينها لي
عهود: اها ... طيب بطول
تركي: والله ماعرف عشان كذا انا سألتك اذا تخافين تجلسين لحالك
عهود: اذا بطول الصراحة اخاف
تركي : امممممم .. اوديك بيت خالك شرايك
عهود بعد تفكير: لا ماابي انا بقول لنجود تجي عندي احسن
تركي : براحتك بس تأكدي منها اذا كانت تقدر تجي
عهود راحت جابت الجوال ودقت على تؤام روحي الرنة الرابعة ارفعت وهي تلهث:
مالت عليك قال تؤام روحك قال شهر يالظلامة ماتدقين ولا ترسلين حتى
عهود وهي تضحك: بسسسسسسسسسسس كلتيني خليني اتكلم
نجود: وحشتيييييييييييييني
عهود: وانت اكثر ياقلبي شلونك وشلون خالي وامك
نجود: كلنا تمام وانت
عهود: يمشي الحال المهم خلي السوالف اذا جيتي
نجود باستغراب : وين اجي
عهود: عندي
نجود: من قال
عهود: انا بس انت تخلين احد يتكلم بالعة مسجل
نجود: والله الشراهة على اشتاق لوحدة مثلك خوانة بس شافت الرجل طار عقلها
عهود: نجود اظنك تعرفين انه مستحيل يصير كذا
نجود: امزح معاك
عهود: خلينا من هالكلام تعالي عندي اليوم لانه معزوم عند ربعه واخاف اجلس لحالي
نجود تستعبط: منهو المعزوم
عهود: نجييد ووجع
نجود: هههههههه لهدرجة اسمه ثقيل على لسانك اجل بالليل شتسوين
عهود: نجيييييييد بتجين ولا لا
نجود: موجود جنبك
عهود: أي
نجود: وانا اقول وين لسانك
عهود: الزبدة روحي قولي لخالي ولا تقومين من عنده الا مخليته يوافق
نجود: خالك مقدور عليه بس من بيوديني ويجيبني
عهود: نواف
نجود: انت قولي له
عهود : خلاص روحي تجهزي وانا ادق عليه
نجود: اوكي باي
عهود: باي
تركي : بتجي
عهود: أي
تركي : وكل هالهثرة بس عشان تقولين لها تعالي
عهود عطته نظرة ودقت على نواف: هلا وغلا بالي نساني
نواف : شلون انسى هواي الي اتنفسه قولي شلون
عهود: اذا كنت هواك مااشوفك تدق ولا ترسل ياقلبي
نواف : ودي بس انت ناسية انك متزوجة اخاف ازعجك ولاشئ بعدين وش يفكنا من تركي
عهود: مالت عليك انت مافي شئ يزعجني منك واي وقت اشتقت وحبيت تسمع صوتي
دق والوقت الي مارد عليك عذرك معاك
تركي كان يطالع عهود بغيض وهي ولا معبرته"شف مع وجهها شلون تكلمه يس ولا اشتقت مادري ايش "
عهود: عمري بطلب منك طلب
نواف :انت تامرين موتطلبين
عهود: تسلم حياتي انت
تركي دز عهود وهو رافع حاجبه وياشر لها بايده
عهود"شيبي ذا خير ان شاءلله" :نواف لحظة شوي وهي تلف على تركي: نعم شفيك
تركي: مو نواف ذا
عهود: عن العباطة يعني ماسمعتني اقول نواف
تركي : ونواف ولد خالك صح
عهود"الله يطولك ياروح والنهاية مع هالمليق":أي واخوي من الرضاعة بعد
تركي :وانت متعودة تكلمينه كذا
عهود: وشلون تبيني اكلمه بعد
تركي: كلميه عادي مو لازم هالكلام وعلى مااظن الكلام هذا ينقال لزوجك وحبيبك
عهود: هذا لو كنت اعتبرك زوجي وحبيبي كان ممكن بس انت مجرد اممم صيق لا اكثر ولا اقل
تركي انجرح من ردها " اذبحها هذي يالله انك تصبرني ولا اقوم اكوفنها هنا لاني
عارف ان هالتصرف بيزيد الطين بلة افففف وانا كل ماقول ان هالبنت بدت تتقبلني
تجي وتسد الباب بوجهي اخخخخخخخخخ بس اخ":كملي بس كلمي الرجال الي على التلفون
عهود وهي لوية بوزها:هلا قلببببببببي انت اسفه تأخرت عليك
كانت متعمدة عشان تنرفز تركي ونجحت لانه قام وهد المكان ودخل الحجرة
نواف: ولا يهمك بس ماقلتي ايش الطلب
عهود: ابيك تجيب نجود عندي
نواف:لا عهودة شيقول رجلك الحين انت ناسية انكم لسة عرسان جداد
عهود: ماعليك منه هو بيطلع عنده عزومة وانا اخاف اجلس لحالي
نواف : اذا كان كذا اوكي
عهود: وانت الي بترجعها
نواف: ان شاءالله أي اوامر ثانية
عهود: وتأخر اذا جيت تأخذها لاني ولهانة عليها
نواف: وانا
عهود: وانت بعد وادخل اذا جبتها طيب
نواف :بس مش متأخر لاني مواعد ربعي
عهود: المهم اشوفك يلا لا تتأخر بسرعة تعالوا
نواف: اوكي البوا باي
عهود: باي
وسكرت منه ودقت على نجود تتجهز وراحت هي تلبس
تركي : بتجي
عهود: أي هي ونواف
تركي وهو مكتف ايديه: على ماأظن قلت بس النجود ماقلت نواف
عهود: ياسلام يعني اقوله لاتجي
تركي: لا مو كذا بس انت عارفه اني ماراح اكون موجود
عهود: وهذا المطلوب تبي الصراحة مليت من مقابل وجهك
تركي : عهيد عدلي لسانك
عهود: وذا ماعدلته شبتسوي
تركي: عهود ظبطي نفسك مادم النفس عليك طيبة
عهود وهي متخصرة : اكيد بتصير طيبة لانك ماخذت الي تبيه لازم تسايريني لحد ماتوصل
وبعدين تطلع على حقيقتك
تركي وصل حده وهو يصر على اسنان: والي هو
عهود: اظنك عارف
تركي : لا مو عارف
عهود: السبب الي يخلي الرجال يتزوجون هو في غيره
تركي: ويعني تعتقدين هذا بس الي يخلي الرجال يتزوج
عهود بثقه: أي نعم
يتبع ,,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك