رواية أحبك يشهد الله علي -73 البارت الاخير

افتـرقتــوا مو هــذا اللي تبــونـــه ------- ليـه طيـب كل واحـــد فـي ألـــم

ماتـعبتــوا من شعـــور تكتـمونـــه ------- ولا هيـــة مســألة عـــزه بأثـــم

يــامــا قلنـا أتــركوا الكبر وجنونه ------- المحبــه والثــــقه فيـــها أهـــم

والامانـــه فى الــفؤاد ومن يصــونه ------- شـئ طبيـعـى للعــلاقه لو تتــم

ان بغيتــوا أرجعــوا لذكــرى حنونه ------- واستــفيدوا درس من يــوم نــدم

أســال اللي كون الكون بسكونه ------- يـرجـع اللـي طـاح وأتكسـر عدم

اسيل(معصبه) : فهيدووووووووووووه وجع زين
حمد : بسم الله علامك
اسيل : ملاك جيبيه بأذنه الوصخ
حمد : لا بابا مسكي يده
ملاك : حاضر بابا
أسيل : بعطيه كف على وجهه أبو عين زايغه
حمد : ماسوى شيء
أسيل : فهيدوه مو عيب اللي تسوي
فهد : ماما أنا فهودي مو فهيدوه
أسيل : أكفخه شف على هالراس يرد بعد
حمد : هههههههههههههههههههههه فهد بابا شنو سويت
ملاك : بابا يقول للحرمه انتي حلوه
فهد : بابا أوه أوه مله (حلوه حلوه مره)
حمد(يضمه) : فديتك عند نظر
أسيل(تكتف ايديها) : أيه كله نظر طالع لابوك مو جايبه من برا هذا الشبل من هذا الأسد والله لولا بطني اللي قدامي وتوني داخله السابع لأكفخك على وجهك يا فهيدوه أوه اوه مله
حمد(يغمز لفهد) : فهد عيب بابا هذا الكلام
ملاك : بابا ليه تغمز له هاه تكذب على ماما
أسيل : حسبي الله ونعم الوكيل تاخذني على قد عقلي يعني
حمد : الله يسامحك يا ملوكه شنو يراضي ماما أسيل أسيل أسوله
أسيل : ...............
حمد : شنو رايك نروح نتعشى بمطعم بروحنا
ملاك وفهد : أييييييييييييييييييييييه
أسيل : فهد لا يجلس عند دادا
فهد : ماما لا فهودي لا
أسيل : ما تقول كلام وصخ مره ثانيه
حمد : لا ما راح يقول آخر مره صح فهد
فهد(يغمز لأبوه) : صح
أسيل : ما تتعدلون عارفتكم العرق دساس جايبه من أبوك بس ماراح احرم نفسي وأحرم حبيبتي ملوك العشاء بسبب خبالك انت وابوك
حمد : عطيني يدك فضحتيني قدام عيالي
أسيل : أيه كثر عيوبك فاضحتك
حمد : يله قدامي على السياره
أسيل : عشوقي
حمد(شبك يدها بيده وابتسم) : عيونه
أسيل(أبتسمت) : والله احبك يشهد الله علي

أنــــــــــتـــــــــــهــــــــــــــــــــ ت قـــــــــــــصـــــــــــتـــــــــــي
كنت سعيده معكم طوال هذي الفتره بفضل الله ثم بفضل قصتي تعرفت عليكم وعرفت معادن ناس كثير تنشرى بالألماس
ما أحب أقول وداعا صدقوني ماحبيت أنهيها بس لكل شيء نهايه
حبيت أشكر الله وأولا
وأشكر من دفعني اني أضع قصتي بالمنتدى
سلوى _ ايمان _ لطيفه _ حنان _ أمل
أحـــــــــــــــــــبـــــــــــــــــــــــ كــــ ــــــــــــــــم
حبيت أشكر أعز ناسي بالمنتدى ولا يهونون الباقي على عيني وراسي
أحساس صامت
كرامتي أهم من قلبي
أميرة عاصمة الحب
كنتن السند لي ودائم معي بكل خطوه
أشكرجن يا شرطيات القصه ^_*
حبيت اذكر انسانه ماراح انساها
لولا الغلا ياصاحبي
تردين بالسلامه وتنورين المنتدى
أشكركم لصبركم علي طوال الفتره الكلمات لا تعبر عما في قلبي من مشاعر أحملها لكم

هذي أسأله أذا حابين تجاوبين عليها بعرف انطباعاتكم عن القصه

@ شنورأيكم بالقصه بكل صراحه
@ اكثر الشخصيات اعجبتكم
@ شخصيه تتمنون تكونون مكانهم بالقصه
@ مواقف أعجبتكم بالقصه
@ مواقف خلتكم تعصبون وكرهتوها
@ مواقف احزنتكم وبكتكم
@ شنو تتمنون تغيرون بالقصه ومو راضين فيه
@ هل تعتقدون ان القصه عطيتها حقها بالكتابه
@ كلمه توجهينها لي شخصيا ^_^

وانا حاضره لكل أستفسار أو سؤال منكم موجه لي عن القصه

منتديات غرام

بإشراف : غموض بنيه