رواية هوى قلبي -6
نواف:كذا بروح أكلم خطيبتي
جولينا:إنت خاطب
نواف:إيوه
جولينا بقهر: وانا
نواف:إنت مين أصلا يا بابا سلامات إيش يعني (وأنا)
جولينا:وحبي لك .؟
نواف:أرجوك يا جولي انا قلتلك أحب خطيبتي وإنسي سالفة الحب
-جا بهالوقت فيصل وهو مستانس-
فيصل: هههههههه قلت لجنا عن حبي لها
نواف:مالت عليك (شد فيصل من يده) يالله فصوووول ..باي جولي
جولينا:لا إتفقنا نتغدى سوا
نواف:لا حووول
فيصل:شكلها بتتصطر
جولينا:ما معنى تتسنفر
فيصل:هههههههه لا هذي الكلمه غير بس تصدقين طايحه عليك
نواف:إخلص يا رجال صرفها
فيصل:جولي احنا معزومين على الغدا بس إذا على حسابك مو معزومين عند أحد
نواف: الله ياخذ بطنك يالزطي
جولينا:اوكي علي الغدا
ومشو للمطعم وقعدو هم الثلاثه
___ في بيت وجدان___
ام وجدان: ها يمه إستخرتي
وجدان بتردد:إي يمه
أم وجدان:طيب و إيش ردك
وجدان : يمه تو الناس بس أنا أبي افكر بعد
أم وجدان :براحتك يمه
___متعب_____
متعب ...الله ياخذك يا نواف بتخرب علي كل شي لازم انا اسحب على البندري قبل ما يقول الأخ نواف للكل وتسحب علي هي بس وربي مزيوووووووونه بشكل يجنن
لاريسا:حبيبي بشو عم بتفكر؟
متعب:بالبيبي
لاريسا:صح حبيبي إنت شو الحبوب اللي عطيتني إياهن؟
متعب:مقويات و كذا
متعب بداخله..الله يسامحني والله بس ابي أتخلص منك
لاريسا:حبيبي متى رايحين السعوديه؟
متعب:انا بروح قبلك وبعدين بجي أخذك
لاريسا:لا بدي روح معك
متعب عصب: لا مو بكيفك
لاريسا:أوكي خلاص سوري
بالمستشفى
فتحت شجون عيونها وهي تطلب الماي وحمد عيونه كلها حسره على حالها
حمد:وحشتيني يالغاليه -وضمها-
شجون خنقتها العبره و بدت تبكي
حمد:أبشري بعزك يابنت أمي وأبوي والله ما أخليك على ذمته وانا ولد أبوي
شجون وهي تبكي بشكل يقطع القلب
شجون:لاااا حتى لو خاني انا ماأعيش بدونه
حمد:شجون إنسي
شجون:حمد ربي يسلمك لا تقطع قلبي مستعده أكون خدامه له ولها بس على الأقل ألمح نظرته أشوفه وأمسح همه
حمد بعصبيه:شجون إنت بتتطلقين الليله و بترجعين معي
حطت يدها على وجهها و غرقت بدموعها و شهقاتها
تحيـــــــــــــــــــــاتي لكـــــــــــــــــــــــــــــــــــــــــــم
الفصـــــــــــــــــل الســابــــــــــــــــع
بالمستشفى
فتحت شجون عيونها وهي تطلب الماي وحمد عيونه كلها حسره على حالها
حمد:وحشتيني يالغاليه -وضمها-
شجون خنقتها العبره و بدت تبكي
حمد:أبشري بعزك يابنت أمي وأبوي والله ما أخليك على ذمته وانا ولد أبوي
شجون وهي تبكي بشكل يقطع القلب
شجون:لاااا حتى لو خاني انا ماأعيش بدونه
حمد:شجون إنسي
شجون:حمد ربي يسلمك لا تقطع قلبي مستعده أكون خدامه له ولها بس على الأقل ألمح نظرته أشوفه وأمسح همه
حمد بعصبيه:شجون إنت بتتطلقين الليله و بترجعين معي
حطت يدها على وجهها و غرقت بدموعها و شهقاتها
عند البنات
التفتو البنات على الجوري يسمعون الخطه
الجوري:سوي ياريون مثل اللي سوته البنووو
ريان:لا والله
المزون:الله يخليك ريان
ريان تناظر بالبنووو تبي رايها بالموضوع
البنو:ريان تعاونو على البر والتقوى ههههه قومي دقي
البنات ههههههههههه والله تقوى بجد
ريان إتصلت وحطت على السبيكر وهي مو عاجبها الموضوع... رد نواف
نواف:هلا وغلا هلا بحبيبتي هلا
ريان:نوااافووو وحشتني شخبارك ؟
نواف:بخير وإنت شخبارك ؟أخبار ماما وبابا والكل؟
ريان:الكل بخير
نواف:إيش فيه كذا الخط فيه صدى إنت وين
ريان:في بيت عمي يوسف عند البنو وكل البنوتات مجتمعين
نواف بخبث وعرف بوجود المزون: أي بنوتات
ريان:انا والجود أخت مشعل والجوري اللي دايم عندنا بالبيت والمزون والبنو والعنوود
نواف :إفتحي السبيكر أبغى أسلم
ريان:أوكي
والبنات ودهم يذبحونها لانا ماقالت إن المزون تعبانه*
نواف:إرحبووووووووو ياهلا وغلا بأكسل البنات وأكثر وحده تراددني أخبارك يالبندري
البنوو:تمام والله يالغبي وحشتني
نواف:مالت عليك خلني ارجع والاقيك ف بيتنا ياويلك أقتلك
البنوو:أهون عليك
نواف:ههههههه يالنحيسه إسمعي في بنات هنا يهبلووون كل وحده تقول أنا أحلى من البندري تخيلي لو تجين هنا تبينين شغالتهم
البنوو:وجع صحيح إنك ما تستحي أجل إنت البنقالي حقهم يا قبيح
والبنات يضحكون عليهم إلا المزون تسمع صوته وتسرح
عبدالله
عبدالله قاعد بستار بوكس مع مشعل و ناطرين بندر وفارس
عبدالله:مشعل شرايك نسافر
مشعل:حنا الشباب
عبدالله:لا والبنات معنا
مشعل بدا قلبه يدق و إبتسم إبتسامة رضى خلا قلب عبدالله يقرا كل معنى من معانيها
عبدالله: تدري مشعـــ
*جاه مسج و الثنين ناظرو الجوال*
فتح عبدالله المسج وكان من *مأدبتك* إستغرب الإسم لانه هو مو مسمي أحد بجواله بهالإسم وقرا الكلام
-لو تبي تراقبني بكل الطرق لا تتعب نفسك والإتصالات معك الله يخلي مواقع النت و إيه انا اللي مأدبتك-
عبدالله كان ماسك الجوال بيده ويرص عليه و عينه حمرا من التعصيب
مشعل سحب الجوال و عصب أكثر
مشعل:حيوااااااااااااانه والله لو تطيح بيدي أخ أقسم بالله الموت ما يشفي حرتي منها
عبدالله كان مكتفي إنه يهز رجله و القهر باين عليه
نرجع لغرفة البنات
نواف:أخبارك يالجود أخبار عيالك؟
الجود:والله ماتزوجت
نواف:ههههه أدري كيف مشعل و مسفر؟سلميلي عليهم كثير
الجود: الحمدلله وصل سلامك
نواف:هلا يالجوري
الجوري:هلا والله
نواف:إيش أخبارك؟وأخبار بيتنا؟
الجوري:هههههه هذي طرده
نواف:لا امزح وأنا أقدر أزعل الغاليه
الجوري:تسلم
نواف:مو إنت ياحظي أقصد ريان
الجوري:ههه هم بعد تسلم
نواف :أخبارك يالعنود
العنود: بخير وإنت
**نواف بهالحضه فتح دفتره وكتب لفيصل بكلم المزون ابي هذي اللي قدامنا تغازلني شوي **
**راح فيصل وقال لجولينا إن نواف يحب وهو يكلم البنت تقوله أحبك وتزوجني وتتغزل فيه وكل ساعه تقوله تزوجني وماابغى مهر بس ابيك...وصدقت الغبيه**
نواف:إي عنوده أنا تمام بس من شفت وجه ناس خلاص تضايقت
العنود:أي ناس
نواف: ولاشي
**نواف أشر لفيصل إن يخلي جولي تكلمه الحين**
نواف:مين باقي ماسلمت عليه
المزون بخوف:أنا المزون
نواف بداخله *أه يازين صوتك* : أيوه شلونك
المزون فاجئها بروده:تمام وإنت إشلونك (بتردد) وحشتني..نا...وحشتنا
نواف *والله أحبك أه منك يالمزون شناويه عليه* : تسلمون
المزون تبي تتكلم بس اللي صدمها وصدم الكل صوت البنت
جولينا:انا بحبك يا نوافam really loveing u
نواف:وخير يعني
جولينا:انا عارفه إن كل البنات بتحبك والكل بدهوون رضاك بس أنا حبي إلك غير
نواف فيه الضحكه:أسف والله
جولينا:تزوجني والمهر علي انا بس تزوجني وبعيشك أحلى عيشه أنا بحبك
((بدت دموع المزون تنزل وبدت تشهق))
((نواف سمع شهقاتها حس بكرامته رجعت له بس حن قلبه على حبيبته )
نواف:فيصل الله يخليك تصرف معاها يابنت الناس انا خاطب
بأمريكــــــــا
تركها حمد تبكي وطلع وهي كانت منزله راسها وتبكي حست بهموم الدنيا كلها عليها سمعت صوت الباب ينفتح وعرفت إنه زايد لانها شمت ريحة عطره كان ودها تركض وترتمي بحضنه ما تبي تفارقه بس لسانها خانها
شجون:إطلع يا زايد برا
زايد جمد مكانه عرفته وهي ما رفعت عينها ..إبتسم وتقدم ..وهي تشد يدها و تزيد شهقاتها أكثر ..قدم لين وصل لها
زايد وهو يمشي اصابعه بين شعرها : لا ليلي ليل و لا نهاري نهار ولاني قادر أشوف أحد بالدنيا غيرك ..شجون إنت كل شي بدنياي شجون إنت حبي و إنت قلبي واقسم بالذي خلقني إني مظلوم
شجون إكتفت بدموعها و شهقاتها اللي قطعت قلبه
زايد :شجون إنت تعبانه
شجون:تعبانه منك من حبيبي اللي عطيته قلبي ومافكرت باللي عطيته ..زايد لو كنت مظلوم إيش ينكر اللي بالورق إنتو متزوجين يا زايد ولا تحاول السالفه ما تتصلح أبدا والله
زايد وهو يرتجف:تبين الطلاق؟..
شجون بقمة الألم:إيــــــه
زايد:وبناتنا
دخل حمد بهالوقت وهو سمع أخر حديث
حمد:بناتك عندك وبيزورون امهم
زايد:حمد لو سمحت انا وزوجتي بنتفاهم بموضوعنا
حمد:تتفاهم والقصه واضحه
زايد:حمد مظلوم وباللي خلقني مظلوم
حمد:توقيعك اللي بالورق ولا لا؟
زايد بحزن:إلا
حمد:روح يا زايد جيب البنات يسلمون على امهم قبل السفر
شجون شهقت و صارت تبكي بشكل يقطع القلب
شجون:بتذبحني يا حمد والله بتذبحني
حمد رق قلبه عليها
حمد:شجون إنت إيش اللي يريحك بسويه
شجون:أبي أرجع البيت ألحين
زايد:لا قلبي إنت تعبانه ولازم تتابعين أدويتك
حمد:عملية إجهاض وسوها و موضوع الحبوب اللي كنت تشربها إياهم محلوله فلا تسوي نفسك الخايف عليها
زايد:اي حبوب انا ما كنت أعطيها شي تكلمي يا شجون
شجون:إنت كنت تعطيهم ناني وناني كانت تعطيني الحبوب
زايد:والله مالي دخل بس..إيش قلتي؟؟ ناني؟
شجون:إيه ناني
زايد طلع بسرعه من الغرفه و حمد حس باللي يدور بعقل زايد وراح وراه
بمكالمة نواف للبنات
نواف:فيصل الله يخليك تصرف معاها يابنت الناس انا خاطب
رجع نواف:سوري يالمزون إيش أخبارك
((سمعها تشهق وتصيح))
نواف بخبث:ريون إيش فيك تصيحين عشان هذي البنت ترى والله عادي تعودنا يقطون نفسهم علينا بس أخوك شاطر يقولهم خاطب بس حلوات الكلاب ..بس انا ماتجيب راسي إلا .. (وسكت)
المزون:إلا مين؟قول يا نواف إلا مين؟
نواف : مين معي؟
المزون: المغروره
نواف:إيــــــــــــه المزون
المزون:.....(سكوت)
نواف :والله إلا مين هذا شي راجعلي مالكم دخل بس لاتقولون لي بريطانيه ومدري وشو لا هي سعودية الاصل ابً عن جد
المزون رجعت تبكي:ليه...؟
نواف كسرت خاطره:ليه تبكين
المزون:مافيني شي
وحذفت التلفون على ريان
ريان:نواف مع السلامه
نواف: أوكي سلمي على ب
سكت يوم سمع صرخة العنود وهي تقول:المزوووووون إيش فيك
نواف:إيش فيكم
ريان سكرت بوجهه وراحت عند المزون اللي تبكي وترتجف
نواف حزة بخاطره السالفه بس هي ما تحبه!يمكن إندمت؟بس كرامته ما تسمح له يرجع لها ..لازم ينساها!
((بعد إسبوعين))
إتطورت علاقة الهنوف بالبنات وكانت كثير تجلس معهم إلى يوم كانو كل البنات قاعدين
رن جوال الهنوف وقامت كلمت ورجعت بضحكه مالها اي معنى من البرائه كلها خبث وشر
البنو قربت جنب إذن الهنوف وقالت لها
البندري:بسالك يالهنوف إنت ليش اول مره سالتيني عن مشعل؟وأنا إيش دخلني فيه؟
الهنوف:مدري والله إيش اقولك
البندري:تكلمي قولي وما بخبر احد
الهنوف:انا بصراحه اللي سالتها عنك بالعرس كانت ريان ..بس الظاهر هي ماتتذكرني ..بس الله يخليك ماتقولين لها
البندري بصدمه:كذابه مستحيل ريون ما تسويها
الهنوف:انا عارفه ما بتصدقيني بس قالتلي بعد إن ولد خالتك يبيك (أحمد) وإنت ما تبينه وأقولك بس ما تقولين لها بعد ..قالتلي إنفصلتي عن مشعل لانه شافك طالعه مع صديقه..وقالتلي إنها مصادقتك كذا بس لانها تنقهر منك وهي تكرهك لان أبوك ذبح أخوها راشد يوم كان بالسياره وقالت اشياء كثير عن وقاحة أخوك وعن إختك مشاعل
البنوو وقفت بعصبيه وبصراخ: كــــــــــذابه
ريون:بنو حبيبي شفيك إجلسي كل البنات صارو يطالعونك
البندري لفت على ريان:ليه فشلتك؟..إنت أخر وحده تتكلم فاهمه..خسارة قلبي فيك يا ريان خسااارته..*سحبت الإسواره من يدها وحذفتها على ريان لان الإسواره هي إسوارة صداقتهم*
الجوري:البنووو إيش فيك
*طلعت من الكافيتيريا البنو بسرعه وهي تصيح ..معقوله ريون كذا؟...
الجود والعنود ركضو ورى البنو..وريان تضايقت وطالعت بالهنوف*
ريان:إنت إيش قلتي لها
الهنوف:ولاشي
ريان:إلا قلتي شي هذي اول مره البنو تصرخ بوجهي
المزون:خلاص ريون الحين يهدونها البنات وترجع
((الهنوف بداخلها مستانسه وأخيرا صار شي من الخطه))
في بيت وجدان
يرن التليفون
أم وجدان:الو
أم طلال:هلا والله السلام عليكم يا أم محمد إيش أخبارك؟
أم وجدان :وعيكم السلام والرحمه والله بخير الحمدلله
أم طلال: انا ام طلال
أم وجدان:إي عرفتك ياهلا والله
أم طلال:والله هذا أول ولد أطلب له وما أدري كيف بس والله انا متصله أعرف ردكم على الولد وأتمنى تكون وجدان من نصيب طلال
أم وجدان: والله سالنا عن الولد و خذينا رأي البنت
ام طلال: بشري
يتبع ,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك