رواية بقول ولا تقاطعني -6
مستغربه..العنود:وين؟
منال:الله يخليك ترا انا موب ناقصه..بس بطلبك طلب..عطيني عبايه وانا ابمشي من نفسي
العنود:طب وش فيك خفتي..ماراح أكلك
مدري ليه الى الان احس بـ خوف..:انا ادري ان جلستي هنا بتسبب لكم مشااكل..تكفين ابروح بـ كرآآمتي احسن
العنود:اسمعي انا بروح اكلم اخوي..ثمن بشوف وش سالفتك
طلعت العنود تكلم اخوها اللي كان ينتظرها بالصاله..
مدري ليه ماعاارضت وتركتها تروح لـ أخوهاا..بس خفت مررره من هـ السلطان..انا دخلت مكان..ماأعرف وش بيئتهم ابد..
قاام عبدالعزيز وشاف سعد نايم جنبه..وبعدين فراش سلطان اللي كان فااضي..وبعدهم محمد اللي كانت رجوله في بطن عمر..خخخ وهو مسكين ولا حآآس..أبتسم عليهم ورااح يغسل وجهه لان الامكان هذي في مثل هـ الوقت تكون ولا أحلى
- سعوديـه؟؟..الله والبلشـه..ليتني وديتها الزباله وخلصت
العنود:سلطووني مره حبيتهاا..احسها طيووبه وكيووته مره
سلطان بـ سخريه واستهزاء من كلام اخته:وانتي وش درااك ان طلعت بنت شوارع ولا من بنات الليل..ولاتصيرين غبيه وتصدقين كل مايقالك..يمكن هي تتمسكن لحد ماتتمكن
العنود:لا انا مصدقتهاا..بس تتمكن من ايش؟؟
سلطان:وش دراني ماخشيت مخها انا.
من زود لقاافتي رحت اتسمع على العنود واخوهاا..عرفت من الحواار ان اسمه سلطان وانه يدري اني هناا...بس اهلهم بدرون؟؟..بس صدمــتي!..يوم قال يمكن اكون من بنات الليل.طيب ليش يقول عني كذا؟؟..بغي اصييح وربي
سلطان:انا لقيتها عند البحر مرميه..وجبتها هناا
العنود:خلهاا عندنا..خاطري اعرف قصتهاا..وان شفت وش سالفتها نشوف عااد لو نوديهاا لـ أهلهاا..
سلطان:بكفيك..بس انتي اللي قولي لـ اهلي..انا مالي دخل فيها ان طلعت راعية حركاات النص لفه..
العنود:لا ان شالله..انت حط رجولك في مويه باارده
×
×
- لهاا وحشـه أد كداا
ريم تتفرج ع التلفزيون:اللي يسمعك يقول مهتمه لنا..اصبري خل تطلع من برجها العاجي
امل:ههههههه..حاقده؟
ريم:لا..بس ليش لها شاليه خااص وانا مع امي وعبير..اهم شي وافقووا نبدل
امل:ههههههههههههههه
ريم:ايه اضحكي..
امل:خل نرجع لـ محور حديثناا يافتاة..عندل متى ناويه تطلع من شاليهاا..وحشتني
ريم:مدري عنهاا أسأليهاا
×
×
كنت جالسه اهوجس واطالع في الفراغ..والله اني بريئه وماسويت شي..بس ليش يقول عني كذا..
- بـآك
أبتسمت لهاا..ولا قلت شي..سألتني فجأه:جوعاانه
أكذب عليها لو اقول لا:..لا
ابتسمت:ع العموم بعد شوي بيجيبون الاكل..وبتاكلين غصب..بس ابي اعرف قصتك اول..
شبكت اصابعي في بعض سؤالها ماأبي اجاوب عليه..لاني وبـ صرآآحه مب مرتآآحة لها ابد...يعني واضح عليها طيبه بس من هي عشاان اقولها..انا اسمي واحس نفسي متحسفه لاني قلت..
طـق!..طق!..طـــق!
العنود ارتبكت:طيب طيب!!
وراحت فتحت باب الشاليه لهم..سمعتها تقول :خير..وش جايبكم..
انا يوم جيت بطل شفت بنتين واقفات ماقدرت احدد اشكالهم لاني في الغرفه اللي نمت فيهاا والعنود واقفه عند باب الشاليه..شفتها تأشر لي بيدهاا وتقولي اتوزى..دخلت الدولاب وتوزيت..
سمعت وحده منهم تقول:خليناا ندخل
العنود:ريمووه!..وش جايبك؟
ريم:اقول بس انا وامل مشتااقين لك..يلللللللآآآ
دخلوا ريم وامل.والعنود حدها مرتبكهاا..دخلوا لـ الغرفه
ريم جلست ع السرير وانسحدت وهي تلعب بـ خصله من شعرها الاسود..التفت لـ الروايه اللي تقراها العنود:وت از ذس؟؟
العنود:ريموو تبينهاا خذيها بس حلي عني..
طالعت العنود في الدولاب..وهي مرتبكه كثيير..العنود فاضحتها نظراتها..جلست ريم على حافة السرير..وجنبها جلست امل
ريم:اوووو مااي قااااااااااااااد..وش ذا الحتسي؟؟..
امل:ايش؟
ريم تناظر العنود:ويحك يافتاة..وش هـ الروايه؟؟>>اهم شي اللغه لوول
العنود:و..وش فيها؟
امل لاحظت انها مرتبكه بس ماتكلمت..قالت ريم:موواقف وحركاات نص كم..
ضحكت العنود بـ خوف..وكأنها تبي توهمهم انها طبيعيه..طالعت في الدولاب كذا مرره ولاحظوا هم هـ الشي
×
×
عمر:حموودي مالي غيرك ومالك غيري..امش خل نطلع
محمد:ماالي خلق
الوليد:مدري وش عنده محيميد صااير من الزواحف
عمر وعبدالعزيز:ههههههههههههههههههههههه
محمد:انثبر بس..انا من الزوااحف؟؟
الوليد:ايه وفي امك خير اعترض
محمد:من شاابه ولد عمه ماظلم
×
×
يوم طلع سعد من عند منى شافت كم مسكول من صديقتهاا ريهام
منى:آلوو هلارهاام
ريهام:هلابك اكثر..كيفك؟
منى:الحمدالله بخير
ريهام:وينك يابنت..صار لي فتره اتصل ولا في رد
منى تكذب:كنت بالحمام وانتي بكرامه
ريهام:اهاا..لا بس حبيت اسأل عنك..ماجيتي الشغل
منى:نسيتي اني ماخذه اجاازه؟
ريهام وصوت ازعاج عندها:ايه والله معليش اعذريني.."تكلم احد عندها"..بليز رهف روحي سكري الباب
منى:يااحبي لها رهف..اخباارها والامتحانات؟
ريهام:لا الحمدالله مبسوطه تقول حلت زين
منى:يااحبي لها سلمي عليهاا
ريهام:يبلغ ان شالله..طيب انتي بشري عن نواافي
منى:تمام..عند عمته
×
×
-اقول عندل..انتي من الصبح ناظرين في الدولاب..وش عندك؟
العنود:وش عندي مثلا؟؟..قاامت توسوس
قامت ريم:انا اعلمك من اللي يوسوس..ترااه دولاب وبس
فتحت ريم الدولاب وشهههقت..وامل طاارت عيونهاا
ريم:حرآآآآآآآآآآآآآميه!!
العنود:أصصصص!!..اسكتي انتي بعد!!
امل:عندل يامجنونه من هذي؟
طلعت منال وهي قمه بـ الاحراااااج
ريم:من انتي؟؟؟..هو ار يوو؟؟
ضحكت العنود:ههههههههههههه..تكلمي عربي ترا تفهم
منال ابتسمت..قالت امل:العنود من هذي؟..ومن وين جايبتهاا
طالعت في البنت اللي اسمها امل..مدري ليش لمست اهاانه في كلمتها يوم تقول من وين جايبتهاا..بس مابينت أي شي
حطت العنود يدها على كتفي وقربتني لها:اعرفكم على منال!
امل: من وين جايبتهاا..
العنود:وش من وين جايبتها..بلوزه هي؟؟..
منال:لاعادي..انا صلا بروح
ريم:وش قصتها طيب؟؟
العنود:مدري انا كل ماأسألها يجي احد يخرب علي
نزلت رااسي وكأني مابي اقول..
اللي اسمها امل فهمت اما اللي اسمها ريم شكلها مطيحه الميانه من عرفت اسمي
ريم نطت:بليز بليز قوولي..والله بطني بيعورني ولاراح اقدر اناام في الليل..بليز ماي سستر
العنود:لاحول..والله تراها سعوديه
امل:خلاااص البنت ماتبي تقول موب لازم تحرجونهاا
العنود:اسمعوا انا ماأبي احد يدري عنهاا..لين مانشوف لناا حل
مدري ليه حسيت نفسي عاله عليهم..:انا قلت لك..خليني اروح بس ابي عبايه لان مامعي
ريم:وكيف جيتي هناا
طالعت في العنود..شلون اقولها ان اخوها هو اللي جابني..او أياً كان
العنود:أسمعوا يابناات ياحلواات خلوني معها..ثمن تعالوا..
ريم تخوصرت:لاوالله؟..لايكثر بس..انا بعرف وش السالفه
حسيت سالفتي او مأساتي مثل ماهم متصورين مثل قصه يبغون ينتجونها بـ فلم سنمائي
امل مسكت ريم:اوكي..بنروح ومتى ماخلصتي هاتي ألوو
العنود:وعــــد!!
ريم:افففف..ماااااااااابي
العنود:ريمووه..الوقت متأخر..شوفي الساعه 12
ريم:اوكي..بس بنجي بكره
طلعوا امل وريم وتركوا العنود ومنال لحالهم
ياربيه مدري ليه حسيت انها الحين بتسقعد لي أسأله..بس سكت ولا تكلمت
العنود:الاكل تأخر..مشكله الظااهر انك مو متعشيه.."اتجهت لـ التلفون"..ابتصل عليهم
سكت ودي اقول لا..بس مقدر اقاوم رغبتي لاني جوعاانه..يوم سكرت العنود منهم..
العنود:يقولون نص سااعه..تبين تاخذين لك شااور؟
منال:مدري بس مامعي ملابس..مو مهم انا اصلا ابروح
العنود:بليـز خلك هنا اليوم بس..
سكت انا مدري شقول..وان طلعت وين اروح
العنود:ابعطيك من ملابسي..
منال بـ أحراج:اوكي!!
×
×
طلع من الشاليه وجلس ع البحر وش هـ المصيبه اللي طبح نفسه فيها الحين..هو مفروض يوم شافها تركها الحين اكيد اخته باحله بـ عمرها..طول عمرها العنود ماتعرف مصلحة نفسها..على ان عمرها 26..بس في عينه طفله..
- وش مقعدك هنا لحالك؟
التفت شاف سعد وعبدالعزيز..رجع عينه ع البحر:هلا..طيب اجلسوا معي..عشان لاأصير لحالي
جلسـوا جنبه..ودخلوا سوالف وضحك..
سعد :ههههه..والله عمر ومحمد..من جيناا وهم منااقر
عبدالعزيز:ايه والله..اشوى ان ابوانا في شاليه ثااني ولا كان تفلوا العافيه
×
×
يوم خلصت ماخذه شاور فتحت الباب فتحه بسيطه بحيث تطلع يدي واقدر آخذ الفوطه اللي كان ملفوف عليها ملابسي..والله العنود بديت احبها واعتبرها اخت..سكرت الباب وطالعت في اللبس كان عباره عن قميص نوم يوم لبسته وصل لـ نص سااقي..نشفت شعري وطالعت نفسي بـ المرآيه بـ رضا..والله طاال شعري صار يوصل لـ آآخر ظهري..تذكرت الظرف انا حطيته فوق المغسله..اخذته..الحمدالله ماتبلل بالمويه..وزيته في صدري لاني وبصرااحه ماأبي احد يقرا معي
طلعت من الحمام وانتم بكرامه..لقيت العنود تنتظرني ومعها العشا..كانت جابة لي من ماكدونالدز..ابتسمت اتذكر يوم كنت بالثانوي كنت آكل منه لين تواعدوا صديقااتي يجيبون منه..بس ماقد وكلني منه عمي الله يرحمه..
العنود ابتسمت:نعيمااً
منال:الله ينعم عليك
العنود:طلع العشا رز وخرابيط الكباار عاد قلت يمكن ماتبين..جبت لك من مااك
ابتسمت لهاا..وربي حبيتهاا مره:لاعاادي..اي شي
العنود:اوكي ترااني جعت
منال:كان اكلتي؟
العنود:لا..ابنتظرك
منال:اوكي!
جلسـوا ياكلون والعنود شغلت فلم ولما خلص..
العنود وهي تتسند :آآآآآآآآآآآآآه..والله فله احلى شي ان النهايه سعيده
أبستمت عليها:هههههههه..جلسة وحده شبعاانه
ضحكت:هههههههه..من جد..والله شبعت
العنود:الا انتي كم عمرك؟
منال:18..
العنود:يعني خلصتي ثالث زي ريم وامل
منال:ايه
العنود:وش نااويه تدخلين قسم
منال:.....مدري..ماكنت ناويه ادخل الجامعه اساسا
العنود:ليش؟
منال:انا اصلا عايشه في بيت عمي..وعمي راافض فكرة الجامعه
العنود:عمك؟..طب وينه؟
دمعت عيوني..مدري ليه لقيت نفسي اقولها قصتي:انا كنت عاايشه بالريااض..ونقلنا لـ الشرقيه من يومين..
قلت لها قصتي كلهاا..من امي وابوي اللي مدري وش قصتهم بالظبط..ليين وفاة عمي ومرة عمي بالحريق..بس ماعلمتها عن الظرف
العنود:الله يكوون بعونك يامنال.."ابتسمت"..احمدي ربك ترا محد في هـ الدينا مرتاح
ابتسمت لها..:ليش انتي عندك مثل مشكلتي..مالك بيت؟
العنود:لا بس انا احيانا احس مفسي بلا مصير لاني مطلقه
منال:مطلقه؟...ليش؟.
استحيت من سؤالي..بس قالت:انا من الاول ماكان في أي مشااعر اتجاهه..كنت متزوجه زواج تقليدي..بس كنت مستمره معه لان الحب مو لازم يعيشه كل انسان..بس يوم اكتشفت خياانته ماقدرت اتحمل لان كراامتي ماتسمح.."ضحكت"..مدري ليه قلت لك..بس يمكن لاني مأأعرفك قلت لك عنه...ولاترا محد يدري الا سلطان اخوي
ابتسمت شكلها ارتااحت لي بعد..حلوو من اول يوم صارت اختي الكبيره:سرك في بير
قامت من مكانها وقال لي بـ مرح:يللآ ننااام..
قمت:اوكي بروح اغسل
العنود :يللآ
×|الفصل الخ ـآمس|×
"حبر العيون ودمع القلم في دفتري"
يوم قمت من النوم لـ لحظه حسبت نفسي في بيتنا اللي بـ الريااض..بس استوعبت.. يوم لفيت ع الجهه الثانيه شفت العنود نايمه جنبي ابتسمت لهاا..امس كان يوم حلوو على انه عاادي بس مدري ليه ارتحت لهاا..
نزلت من السرير وغسلت وجهي..اخااف اسبب مشكله لـ العنود..والله ماتستااهل..شفت الباب الزجاجي كأنه شباك بس باب..والله ماأعرف لـ الشاليهاات انا ابد..
طلعت من الباب وجذبني منظر المسبح..ماقد سبحت في حيااتي ..امممممم..ولا أعرف حتى..
طالعت في البحر صحيح كان بيني وبينه شجر صغير وحااجر..بس اشوفه بـ وضوح واسمع صوت..بس صوت اللي يلعبون كوره مخرب علي..
- سلطـآآآآآآآآآآآآآآآآآآآن!...ارمهاا لي تكفى
طالعت في هـ الشخص اللي اسمه سلطان..كان جالس ع الرمل..ماأقدر احدد وجهه بس شكله في نهاية العشرينات..ماأهتميت..تدرون ان العين تزني..هههههه..طالعت في الناس اللي معه..كان في 3 رجال..مدري اولاد..والله مدري
كانوا يلعبون متحمسين..واحد لابس تيشيرت سماوي وبرمودا ازرق شكله اصغرهم..وواحد اممم..مدري بس شكله كبير..يعني نهاية الـ 20 مثل سلطان.."شهقت"..هذا مب كأنه عبدالعزيز؟؟...لالا الظاااهر يتهيأ لي..
- قاايمه بدري؟؟
التفت لـ العنود كانت واقفه ومتكتفه ومسنده راسهاا ع الباب او الشباك..لاحوول هذا باب ولا شباك؟؟..:آآسفه..بس ماحبيت ازعجك
العنود:ليش تتأسفين
رجعت لـ ورا:مدري خفت افضحك..ماراح اعيدهاا
ضحكت وقالت:لا عاادي..محد بيشوفك...
تقدمت لـ الحاافه تفرجت ع الاولاد:هذول عياال اخوااني..وهذا اخوي سلطان..
أشرت على عبدالعزيز..او شبيهه:هذا اسمه عبدالعزيز؟؟؟
طالعت فيني:وش عرفك؟.."طالعت فيهم"..سمعتيهم ينادونه
انصدمت:والله...صح علي؟..ابوه ملتحي؟؟
طالعت فيني هي بعد مصدوومه:تعرفينهم؟؟
ابتسمت..يامحاااسن الصدف:ايه.هذول جيراننا
العنود:لااااااااا عاااد!..من جدك؟؟؟
ابتسمت وجلست اضحك:والله العظيم...ههههه..صدفه حلوووه
العنود:والله الدنياا صغيييييره..
منآل:من جد!!.."وطلع صوت من بطني احرجني"..هههههههه
العنود:هههههههه..والله بطنك يقرا افكااري..خل نروح نااكل لناا شي..
أبتسمت بـ احرااج:اووكي..
×
×
"منسدحه وتلعب بـ شعرها"- وش تتوقعين سالفتهاا..احس اني بموت من الفضوول
امل تلعب بـ جوالهاا:علمي علمك..الخبر اليوم بفلوس بكره بـ بلاآآش
ريم قاامت:وانا وش يخليني انتظر لين بكره..لاتنسين اننا بكره راجعين لـ رياض الطفش
امل ابتسمت:انا احب الريااض..عكسك..
ريم:اوكي..بشري الماما..المهم خل نروح
طالعتها..وهزت راسها:مب كأنها لقااااااافه..
ريم قامت من السرير وسحبتها:اقووووول قووومي!!
قامت ريم وسحبت وراها امل اللي لبست عبايتها بـ صعووبه..طلعوا برا الشاليه ..شافوا سلطان والوليد..
سلطان:وين؟
ريم وهي متحجبه بس:بنروح لـ عمتي عندل
سلطان:ماودك تتغطين..تراك كبرتي..شوفي امل!
طالعت ريم بـ امل ثمن رجعت تنااظر عمهاا..:امم..ابوي ماقال لي شي..
سلطان:الله يهيديك..المهم انتي اتصلتي على العنود اول؟؟
ريم:لاا..نبيها مفاجأه
سلطان:اهاا..
امل وريم..يحترمون سلطان عمهم لانه مب معطيهم وجه وااجد..يعني السؤال الروتيني عن الحال وغيره
طلعـوا وسلطان علطووول اتصل علي العنود عشاان يقول لها ان ريم
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك