رواية بين ثنايا الايام -68
قلت بخوف : انت قلت انك تدل وجيت قبلقال : فاضي اجي هنا .. ما اشوف حتى هندي .. انا اجي المزرعه هناك عند المسبح عند الملعب .. اجلس انبسط ما اجي هنا كله شجر وخرابيط
قالت نجود : يعني ضعنا
هز راسه وقال : تقريباً
قلت : خلونا نرجع
قال نايف : يللا .. من أي جهة جينا
قالت نجود : من هذي الجهة
ضربت يدها وقلت : بلا خبال .. حنا جينا من الجهة الثانيه مكان المويه .. ماتذكرين انك رفعتي عبايتك
قالت نجود : الا جينا من جهة الشجر يوم يقول نايف الشجر غطا علينا الشمس
قلت : انا مركزه صدقيني من جهة المويه
اشر نايف بيدينه وقال : بس بس .. لا بنرجع لا من هنا ولا من هناك .. بنرجع من هنا
واشر على جهه غير اللي قلتها وقالتها نجود .. قلت : تصدقون يمكن صحيح من هذي الجهة ..
ماتذكرين جودي يوم نشوف الهندي جينا من هذا الطريق صح
قالت نجود : ايه وانتي الصادقه .. يللا نمشي
شقة محمد .. الساعه :7:00 صباحاً
_________________
** الريم **
صحيت من النوم وتلفتت حولي .. مالقيت محمد .. عدلت جلستي وانا مستغربه
اليوم الخميس ؟ وين راح
اخذت جوالي ودقيت عليه .. جواله كان مغلق .. واليوم انا بروح بيت اهلي من بيوديني !!
قمت تروشت وصليت .. وبدلت ملابسي .. جلست في الصاله انتظر وانتظر مارجع محمد
دقيت عليه مره ثانيه .. بس هالمره ماكان مقفل
شوي ورد محمد بملل : هلا ريوم
قلت : هلا قلبي .. وينك ؟
قال : طالع
ادري انه طالع اجل ليه داقه عليه ؟
قلت : وين طالع من الصبح
قال : ابد متملل من جو البيت .. فطلعت
كلام محمد ضايقني مره .. متملل من جو البيت يعني متملل مني .. لان مافيه في البيت الا انا
قلت وحاولت قد ما اقدر ما ابين ضيقي : طيب
قال : تبين شي
قلت : لا
قال : طيب حبيبتي باي
** محمد **
قفلت من عند الريم وانا اناظر في البحر بحزن .. طفشت مره من البيت .. شكلي بشوف لي شغله ثانيه .. اشتغلها في ايام الاجازه .. اضيع وقت
حتى بيت ابوي ماعدت احب اروح .. من اروح ابوي يسألني هي مابتجيب نهائي ولا فيه امل
اذا قلت له فيه امل يقول لي اصبر واذا قلت له مافيه امل يقول لي تزوج عليها .. مع ان الريم خلاص مافيه امل .. بس انا اقول لابوي فيه امل .. عشان لا يحن على راسي .. وانا اللي فيني كافيني ..
وانا افكر طاحت على راسي كوره .. مسكت الكوره ولفيت اناظر في الولد الصغير اللي ماد يده ويقول : ممكن الكوره
مسكت يده وقربته مني وقلت : وش اسمك
قال : بسام
قلت وانا ابتسم : حلو اسمك
قال مستغرب : طيب ليه عيونك تدمع
قلت وانا للحين مبتسم : لان اسمك على اسم ولدي
قال : واذا اسمي على اسم ولدك تبكي
قلت : لا .. لان ولدي مات
جات بنت صغيره شكلها اصغر منه وقالت : بثام ثاعه تجيب الكوره
قلت لها : وانتي وش اسمك ياحلوه
قالت : اثمي جنا
ابتسمت وقلت : على اسم بنتي
سمعت الولد يقول للبنت بصوت خفيف : هذا شكله مجنون كل الاسامي يقول عنها اسماء عياله .. يللا نشرد
سحب الكوره وراح يركض مع البنت
تنهدت وقمت من على الصخره اللي جالس عليها .. حطيت شماغي على كتفي .. ونظفت ثوبي بيدي ومشيت للسياره
.
.
.
فتحت باب الشقه .. اول مادخلت لقيت الريم جالسه بالصاله .. والظاهر فيها شي بس مدري وشهو
قلت : السلام عليكم
قالت بدون ماترفع راسها : وعليكم السلام
رحت جلست بجنبها ومسكت يدها .. قلت : تبين تروحين بيت اهلك
لفت ناظرتني وقالت : وين كنت
قلت : اتمشى
قالت : لهذي الدرجه مليت مني ؟
قلت : افااا انا امل من حبيبتي وحياتي وعمري وكلي ريوم .. من قال ؟
وقفت وقالت : انا اقول .. تصرفاتك تدل على كذا .. ’’ دمعت عيونها ’’ يعني لاني مابجيب لك عيــ....
قاطعتها وقلت : اوووه ريوم .. لا تطفشيني من الصبح .. في كل سالفه جبتي طاري العيال .. كل شي اسويه .. قلتي لاني مابجيب لك عيال .. وش دخل هذا في هذا الحين
قالت : الا دخل .. انت قلت متملل من جو البيت
تكتفت وقلت : واذا قلت كذا يعني
مشت عني .. مسكتها وقلت بحنان : ماتروحين بيت اهلك
لفت وناظرتني .. بعدين قالت : لا
وراحت الغرفه وقفلت الباب .. لاحول ولا قوة الا بالله
المزرعه .. الساعه :00 صباحاً
__________________
** حنان **
’’ ايه احمد ..لازم اشوفك وحشتني ’’
قال لي احمد : افتحي جهازك وشوفي صورتي
قلت بدلع : احمد اتكلم جد
قال : خلاص ماطلبتي شي .. اختاري مكان وانا بشوفك فيه .. بس مو نفس المكان اللي شفتي فيه خوينا جاسم
وش عرفه هذا اني التقيت بجاسم الاسبوع اللي راح .. قلت واسوي نفسي متفاجأه : أي جاسم
قال : حنان انا اعرفك واعرف مقادير عجينتك .. فلا تستهبلين علي .. بس تدرين انا ليه ما ابي التقي معك في نفس المكان اللي التقيتي فيه مع جاسم
قلت : ليه ؟
قال : لانك معروفه عند اخوياي كلهم وهم يتواجدون هناك بكثره .. فتخيلي يشوفوني معك .. مابيعجبهم اختياري صح ولا لا
قلت بعصبيه : عجبهم او ماعجبهم بالطقاق
قال : وترا اسمك انتشر .. لاتحسبين ان وعد ماشي على الكل .. لا مامشى الا على الخبول ..مو انتي اسمك حنان عبد الله .. واسم عايلتكم بعد اقدر اطلعه كل اخوياي يعرفونه .. بس انا وش علي منك هذي حياتك وانتي حره فيها
قلت : اوف احمد هالكلام انا ما احبه .. ولا تسمعني اياه مره ثانيه .. ولا قسم بالله ماراح اكلمك
قال : لا الا كذا حنا عشرة عمر من زمان
شفت الهنوف جايه .. فقلت : يللا عمري انا بقفل الحين
قال : اوكي قلبي .. باي
قفلت وقلت : هاه خير وش عندك
قالت : ماتدرين وين رهف ونجود ونايف
قلت بأندفاع : لا طبعاً .. ويـــنــهــم
هزت راسها وقالت : ماندري جالسين ندور عليهم
ما احتملت فكرة ان رهف جالسه مع نايف في مكان ماندري عنه
وطلعت برا .. شفت فيصل ومشعل وبندر وسلطان مسويين حوسه يدورون عليهم
وام مشعل تحاتي
ضربت الارض برجلي .. وانا معصبه مره الله ياخذها .. وين راحت مع نيوف.. اكيد حاطه عيونها عليها من زمان .. واستغلت الفرصه الحين .. لكن انا بوريها اذا رجعت
شافتني الهنوف وانا واقفه ومعصبه قالت : الحين انتي خايفه عليهم ولا ميته حره ؟
لفيت عليها وقلت بصراخ : انقلعي عن وجهي هنوفوه لاني مو ناقصتك
قالت : انا بروح بدور عليهم مع اخوي فيصل .. بتجين معنا ؟
قلت بقرف : مستحيل اروح بعيد في المزرعه .. هناك زباله وحشرات هالمكان ماتروح له الا رهف واشكالها
قالت الهنوف : يعني نايف من اشكال رهف .. لانه راح هناك
تلفتت ادور أي شي قدامي عشان اصفقها به .. بس وقفت يوم شفت ام مشعل جايه جهتنا
على طول مسكت الهنوف وقلت : هنوفه لا تكذبين .. نايف ورهف ونجود مختفيين .. وماشفتوهم ما اصدق .. قولي انك تمزحين .. لايكون صار لهم شي .. انا لازم اروح ادور عليهم
مثلت اني ابكي .. قالت لي ام مشعل وهي تضرب على كتفي بشويش : لا تخافين يابنتي وين بيروحون يعني
طلعت امي وجات جهتي وحضنتني .. وقالت : لا تبكين يابنتي ولد خالك مافيه الا الخير
جا فيصل وقال بعصبيه : يمه مالقيناهم
قالت امي : وين بيروحون
قال : مدري مدري .. انشقت الارض وبلعتهم
قالت الهنوف : صح حنا ليه مادقينا على جوالاتهم
قال فيصل وهو يأشر بيده : دقيت على جوال نايف طلع في الغرفه .. ونجود جوالها مو عندها
قلت انا : وش عرفك انه مو عندها
قال : هاااه .. لان لو عندها كان ردت عليه
قالت ام مشعل : دقيت على جوالات الكل لما عجزت
جلس فيصل على الارض وكل هموم الدنيا على راسه .. لهذي الدرجه يحب نايف ؟؟
** نجود **
’’ أحمد – اميره – ارز – ارنب – امريكا ...... حرف ب ’’
قال نايف : بدر – بدريه – بصل – بطه – البحرين ......... هـ
قالت رهف : قلناه
قال : ت
قلت : قلناه بعد
قال : ق
قالت : قلناه
ضحك وقال : ما بقى حرف
انسدحت على ظهري وغنيت اغنية نانسي عجرم اشتكي منو : وانا بين اديك واصاد عينيك مش حاسه غرام مع انو كان بيأول كلام مش أي كلام
قال نايف : اشتكي منو طب ابعد عنو لكاني ولا ماني ماخلصت انا
احن لو تاني اسمعو لو جاني درستو حفظتو فهمتو انا قالت رهف :
كان فيه علبة فاضيه .. يستخدمونها المزارعين في الزراعه
اخذها نايف وجلس يدق عليها
الله الله عايز يرجع لي تاني الله الله عايز من البي ايه كملت انا الاغنيه :
نايف ورهف مع بعض بصوت عالي : الله الله مش ال انو حينساني الله الله بيحن تاني ليه
انا اشتكي منو طب ابعد عنو لكاني ولا ماني ماخلصت انا
قال نايف : امسكي انتي دقي وانا بغني
قالت رهف : نبي اغنيه حافظينها
** مشعل **
وين معقول يروحون .. دورنا المزرعه كلها .. اصلاً متى طلعوا اللي اذكره اني انا ورهف نمنا بدري .. اوووف بجن ان ماطلعوا الحين
جاني بندر يركض .. قلت : بشر .........؟؟؟؟
قال : مشعل نايف واختك وزوجتك مو في المزرعه
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك