رواية هوى قلبي -4
الجوري: ليه ما نصير كلنا مثل ريان والبنووو كل شي يعرفونه عن بعض وصداقتهم قويه
ريان: اللهم لا حسد
الجوري: ياغبيه أمدحكم
ريان:إحلفي لا إذا تمدحينا أوكي خذي راحتك
الجوري: هههه أوكي .. بليز بنات خلنا نعطي أسرارنا بعض بس حنا ال6 ونتعاهد حتى لو تفارقنا نبقى كاتمين اللي بداخلنا والله حلو الإحساس والصداقه بتقوى .. اللي موافق يحط كفه فوق كفي
((حطت الجوري يدها وبدت كل الايادي تنحط صارو 5 وبقى المزون كانت متردد))
الجوري : مزون وربي حنا ثقه وهذا وعد مني *لو على موتي سركم في بير*
ريان: أوعدكم انا إني ما أخيب ظنكم و أحفظه
البنوو: أعاهدكم قدام ربي وقدام كل وحده منكم لو أتعذب وأبكي دم ولو فرقتنا الأيام ما أفضح سر من أسراركم
الجود:وعد مني وعهد إني احفظ سركم
العنود:هذي يدي ارفعها قدامكم أعاهدكم أمام ربي ونفسي سركم للموت بخبيه هنا (وأشرت على قلبها)
المزون:انا أحبكم و واثقه فيكم بس أخاف كلامي يزعل وحده غاليه على قلبي أحبها موت ومع كذا **وعدٍ قطعته على نفسي لو تفضحون أسراري ببقى كاتمه لأسراركم**
الجوري: أحس عمرنا شي و وناسه كأننا بمحكمه
البنات :هههههههه
قعدو البنات وقررت البندري تشيك مين أون لاين
دخلت على المسنجر ولقت
- ساره *بلوك*
-أحمد *بلوك طبعا*
-سلطان
-تركي
-عبدالله
-مشاعل
-فتون
-وجدان
حطت الاب توب ونادت البنات عشان يستجوبون وجدان عن المعرس * لوازم اللقافه طبعا*
_____بأمريـــــكــــــا____
كان الجو بالنسبه له بارد مع إن جو الغرفه عادي جدا وكانت فيه رجفه تسري بعروقه يحبها ويعشقها بس لوجين مو مخليته بحاله بكل مكان تلحقه لين وصلت لشجون والمشكله عندها كل أخباره حتى وهو بالمستشفى ارسلت له مسج *ماتشوف شر المدام بس ليه هي كذا مزعوجه من الورق لو تزوجنا إيش بيكون الضرر عادي..حبيبتك ^لجونه^..*
سحب الكرسي وقعد جنبها شكلها كان خيال وروعه رقم إنها مغمضه عينها و يحيط عينها السواد بيد مسك يدها و الثانيه بدا يحركها على وجهها كل شي فيها حلو ويجننه بس اللي خلاه ينزل راسه هي دمعتها اللي بطرف عينها تلمع لمعه بسيطه حسسته بالذنب و كره نفسه أكثر
قرر يطلع لانه سمع صوت ناس تتسائل يعني أكيد الدكاتره و الصوت كان عند الباب يعني يتناقشون بالحاله بس اللي جمد كل عرق فيه و نزل دمعاته هي الشي اللي ما كان يخطر في باله والشي اللي سمعه من الدكتور كان خنجر بصدره
زايد:لااااااااا كاااااااانسر ...سرطاااااااان و وين بكل الجسم لااااا ياربي لااااا ..رحمتك يارب ..لااياربي مابي أفقد نظر عيني لااا يارب
_____بالملحق_____
تعب عبدالله من التفكير مين تكون هالبنت و جرب يدق على كل الارقام اللي تدق منها بس كلها مغلقه
وبدا يفكر بريان حبوبه وتجنن وتدخل القلب وطول عمرها تعجبه بس شال الفكره من راسه لانه تذكر إن تركي قالهم ريان تحبني حس بخنجر بصدره
عبدالله:ااااااه منك يا ريان انا أحبك وإنت تحبين تركي وهو ولا سائل عنك
-بدا الجوال يدق وكانت المتصله ريان خاف يرد لانه خايف من إحساسه يخاف يضعف قدامها بس اللي شجعه إنها في بيتهم معناته فيهم شي ورجع له الخوف ..خاف يكون حد فيه شي-
ريان:الو
عبدالله:ريون فيكم شي
ريان إستحت وبدا يرف قلبها: لا أزعجتك
عبدالله نسى نفسه:ليت كل إزعاج كذا
ريان إنصدمت:هاه
عبدالله :أسف نعسان وحسبتك البندري اقول إخلصي علينا شتبين
ريان:عبود باخذ لاب توبك
عبدالله بسرعه:لااا لابتوبي لااا
ريان:اوكي لاتصارخ أسفه
عبدالله:ريان
ريان:خلاص ما نبيه شكرا
عبدالله:أصلا هذاه هنا عندي
ريان:باي
عبدالله:ريان لاتزعلين
ريان بدا يرجف قلبها: شي ما يخصك (وصكت بوجهه)
#هل بترضى البندري بمسفر؟
#ومشعل قرار مسفر ما بيأثر فيه ؟
#هل بيرضخ زايد للوجين ؟؟
#مين هو متعب؟وإيش اللي صدم نواف؟
#ريان بتكمل عذابها مع تركي ولا بتبدا قصه جديده مع عبدالله؟
تحياتـــــــــــــــــــــــــــــــــــــــــــــ ــــــــــــي ...
أنـــــــــــثــــــــــــــــــى الخيــــــــــــــــــــــــــــال
الفصــــــــــــــل الخامــــــــــــــــــــس
___بنفس الوقت بغرفة مشعل___
مشعل: ليش يا مسفر ليش
مسفر يستغبي: وشو اللي ليش إنو البندري عادي بنت خالتي
مشعل بصوت مخنوق:متعب يبيها و مكلم ابوه وعمها خالد وقريب بيكلمون عبدالله لان من يرجع متعب الشهر الجاي بيملك عليها وإنت عارف عمامها 70% بيغصبونها عليه معه شهاده ودكتور وأخلاق وضامن وضيفته
مسفر فيه الضحكه: زين قلتلي عشان أسبقه وتصير معانا هنا بالبيت
مشعل طلعو شياطينه ال 7 يذبح أخوه هو إذا شافها مع غيره يمكن تهون بس تكون حلال أخوه صعبه والله صعبه
قام مشعل ومسك مسفر من ثوبه وعيونه حمراا من التعصيب
مشعل: خلت الدنيا من البنات مافي غير البندري
مسفر ما قدر يمسك عمره :هههههههههههههههههههههههه
سلطان:هههههههههههههههههههههههههههههههه
مشعل ترك مسفر : إطلعو بره
سلطان: أقول يالعاشق كنا نلعب عليك إهدا شوي و روق كل هذا حب البندري لاعب فيك ياخي إنت شخص متيم ومنتهي واليوم فضحت عمرك تغني قهر وإنت إتطالعها تلعب وإتطالعها تبتسم لها كأن الكون كله البندري
ضحك مشعل: ههههه هذي هوى قلبي
مسفر:ههههههه والله إنت مو صاحي طيب ليه تعاملها كذا إذا تبيها بعدين إنت لو سمحت فتح عقلك زين من كل عقلك تقولي متعب يبيها ليه هي لعبه اللي يبيها ياخذها إسمعها مني إما تخطبها ولا تنساها
سلطان: والله والله إنها بنت حلال يالبى قلبها (يصفر--- صوصصوص) تعال يا مشعل شوف النك نيم
مشعل بداخله يبي يركض يعتذر عن الكلام اللي قاله وراح يشوف النك نيم حقها
مشعل بصدمه:معقوله لالا أكيد البندري تكذب انا اشوف الحب بعيونها
أمريكا
بدا جسمه يرجف حس بالعذاب وحس بقهر كبير شجون عمره وشجون قلبه تتعذب قدامه
دخل الدكتور و كانت عينه على اللي كل انواع التعب بانت بوجهه
*بترجم لكم الكلام اللي دار بينهم*
الدكتور:إنت زوجها
زايد بصوت أشبه بالمبحوح :إيه
الدكتور:انا وكل الدكاتره تشاورنا بحالة المدام و ظهر لنــا إنهـــ
زايد يقاطعه:عرفت يا دكتور عرفت بحالتها
الدكتور:هي أكثر شي مأثر عليها الحبوب اللي تاخذها واللي سببت تشوه للجنين و أحنا مضطرين نسوي لها إجهاض و أعتقد الحبوب اللي تاخذهم مخدرات بس من النوع الخفيف
زايد كانت كل صدمه أكبر من الثانيه تجيه (سرطان _مخدرات_بيبي وإجهاض _وحبوب)
طلع زايد بدون ما يسمع لكلام الدكتور ورجع البيت وهو بكامل عصبيته و مقهور
زايد:ليه يا شجوووون ليه
*دخل البيت وشاف صدمته الثانيه*
_____نرجع لغرفة مشعل____
كانو الإخوان الثلاثه عند اللاب توب وإثنين إحساسهم عادي بس الثالث كان يموت من القهر
وفجأه
#إن كان مشعلي خسر غلاه والسبب خطاه-أدم خسر جنته بسبة تفاحهsay:
سليطــــــــــــــــــــــــــــــــــــــــــــــ ــــــن
#*#ســـــــــلـــــــــــطــانــ زمـــــــــانـــــــــــي#*#say:
بنيــــــــــــــــــــــــــــــــــدر
#إن كان مشعلي خسر غلاه والسبب خطاه-أدم خسر جنته بسبة تفاحهsay:
هههههههههههههه يالسخيف لا تقلدني.... أقول سلطاني الغالي شرايك بالموكا يقولك يمدحونها هالوقت
#*#ســـــــــلـــــــــــطــانــ زمـــــــــانـــــــــــي#*#say:
مالت عليك قلت لقيتيلي عروس أو شي كذا طلعتي موكا ما موكا
#إن كان مشعلي خسر غلاه والسبب خطاه-أدم خسر جنته بسبة تفاحهsay:
أبشر تبي العروس على هالراس أفا عليك كم سليطن عندي بس إسمع تراهي الحين بصف خامس إنطرها شوي فرق بينك وبينها 6 سنين ينفع؟ أكيد عرفتها نادييييييييييييييييييين
(سلطان إنقهر لان هو تعجبه نادين بس ما يبيها ولان مسفر ومشعل صارو يعلقون ف حب ينتقم من مشعل والبندري ومره وحده يفشلها قدام البنات عارف إنهم معاها)
#*#ســـــــــلـــــــــــطــانــ زمـــــــــانـــــــــــي#*#say:
إلا ما قلتيلي شخبار إغنية قهر معك إنشاءالله أثرت فيك ؟ وتدرين مشعل ميت وناسه على الأغنيه
((مشعل عصب على سلطان وسكت يشوف ردة فعلها خلاص لازم ينسون بعض يبي يكرها وهي لازم تكرهه .. أما البندري والبنات ف كانت صدمتهم أقوى مستحيل عينه تقول كلام وأفعاله تدل على الحقد والكره))
#إن كان مشعلي خسر غلاه والسبب خطاه-أدم خسر جنته بسبة تفاحهsay:
والله مدري شقولك هي ماأثرت فيني وإنت عارف انا البندري ماتهزني أشياء عاديه بالذات لو كانت من مشعل اللي أكرها كره مش طبعي ..بتسال ليه بس بجاوبك لان البندري محد يردها وشوف النك نيم حقي ((إن كان مشعلي خسر غلاة والسبب خطاه)) فهمت قصدي خسر غلاه للابد
((مشعل عصب معقوله تجامله بضحكتها وشايله بقلبها والبنات نفس الشي مصدومين وساكتين والجود أكثر وحده مصدومه أما مسفر وسلطان إحترمو نفسهم وسكتو .. بس قطع سكوتهم مشعل يوم طلب من سلطان يقولها إن مشعل يقول ريح ضميره بالمسج اللي ارسله لها))
#*#ســـــــــلـــــــــــطــانــ زمـــــــــانـــــــــــي#*#say:
أقول بنوووو حتى لو ماأثر فيك هو عاجبه واللي إمريحه المسج اللي ارسلك إياه ..إلا بنووو إيش هو إعتذار ولا؟
((البندري تذكرت إن كان عندها مسج يوم الجوري جابت الجوال وقالت عن فارس
بنوو:الجوري ناوليني الجوال من جنبك وإقري المسج للكل
قرت المسج الجوري والكل إنصدم وإنزلت دمعات البندري بس قررت إتردله إياها))
#إن كان مشعلي خسر غلاه والسبب خطاه-أدم خسر جنته بسبة تفاحهsay:
والله المسج رائع وفوق الرائع و أخوك المحترم كاتب
&&ايه انتهيتي ولاعدتي تهميني
وحبك اشوفه يموت اليوم بعيوني
ماعاد بك شي يجذبني ويغريني
الله يخليلي كل اللي يحبوني
عزالله انك تغيرتي وخسرتيني
وعزالله انك قتلتي حلم من دوني
الله يااول كنتي كبيره بعيني
لو توقف الناس عنك مايردوني
مدري وش اللي تغير بك وخنتيني
وصارت حياتك غريبه تتعب ظنوني
واليوم والله لاغير كل مافيني
واخون من هم من امثالك يخونوني &&
#*#ســـــــــلـــــــــــطــانــ زمـــــــــانـــــــــــي#*#say:
بجــــــــــــــــــــــــــــــد؟؟!!
#إن كان مشعلي خسر غلاه والسبب خطاه-أدم خسر جنته بسبة تفاحهsay:
أفا عليك ياسلطووون بس أبيك بخدمه وأمانه توصله ذا الكلام قوله البندري تقولك هالكلام وياريت تفهم قصدها
&&اكره اكون بمجلس ٍ فيه انا وانت
اكرهك يامشعل واكره من يجيب طاريك
ذاك امس انا احزن اليا صار مابنت
واليوم ماتطري فوادي ولاابيــــك
ذاك امس لو تعثر انا قلت لاهنت
واليوم لو اتموت ماني بباكيــــك
ذاك امس انا بالحب من شانك امّنت
واليوم مابي جيتك لا ولا اجيك
واكره اكون بمجلس ٍ فيه انا وانت
من باعني مابيه وش عاد طاريك&&&&
#إن كان مشعلي خسر غلاه والسبب خطاه-أدم خسر جنته بسبة تفاحهsay:
أتمنى توصله الكلام اللي قلته أنا بطلع الحين أشوفك على خير يالغالي خلاص مانبي موكا
#*#ســـــــــلـــــــــــطــانــ زمـــــــــانـــــــــــي#*#say:
ماهي بعادتك تطلعين بسرعه يالبندري هذا نصيبكم إنت وياه تحملوو الفرج قريب
#إن كان مشعلي خسر غلاه والسبب خطاه-أدم خسر جنته بسبة تفاحهsay:
هههههه شقاعد تخربط مشعل مجرد أخ وعلى فكره إذا ماخذ مقلب بنفسه قوله تقولك البندري (ايام وتروح الجروح..وماعاد لك بالقلب مكان)
#إن كان مشعلي خسر غلاه والسبب خطاه-أدم خسر جنته بسبة تفاحهsay:
باااااي
(( سكرت البندري الاب توب وحطته على الطاوله وهي تبعد عينها عن البنات بس الحركه اللي كسرت خاطر الكل إن البندري قطت نفسها على السرير وبدت تشهق وتبكي وماعلى لسانها غير *والله أحبه والله العظيم أحبه أنا ماأعيش بدونه بس هو ما يبيني*))
الجوري:لا يالبنووو لا لاتبكين
الجود وهي تبكي: بنوو خلاص الله يخليك كافي
ريان:بنوو حياتي طالعي فيني كلن له همه وإنت عطيتيه الكلام اللي يستاهله سوري جود عشان أخوك بس انا ماتهون علي البنوو .. بنو طالعيني مو حنا أقوى من قلبنا ومو حنا اللي مايهزنا رجال ؟ مو هذا كلامك لاتضعفين قومي إمسحي دموعك الدنيا ماشيه وماوقفت لاعند مشعل ولا عند غيره
المزون: بنوو بليز لا تنكدين الله يخليك
العنود:بنو ترى أكرهك بعدين
*لحظة سكووووت بعدين إسمعو ضحك البندري*
قعدت البندري وصارت تضحك ودموعها تنزل
البندري:وجع يا عنوده حد يراضي الناس كذا
البنات :ههههههههههه
الجوري : نبي قعدة صراحه يعني كل شي في قلبكم إتطلعونه
___ببريطانيا_____
الوليد: هاي بعرفكم على بعض
نوااف بصدمه: متـــــــــعب؟؟؟
متعب: نواااااااااااااااااااااااااف ؟؟
*نواف ناظره نظرة إستهزاء وطاح من عينه الدكتور اللي الكل يضرب فيه المثل*
نواف: من متى نقعد بنات بحضونا يا ولد العم ؟ليه ساكت يادكتور؟ حتى السلام ماتبي تقومها وتسلم على ولد عمك؟
متعب:larisa echiti bia pour favor (لاريسا إبعدي لو سمحتي)
وقف متعب ومد يده هلا ولد العم
وسلمو على بعض ونضرات نواف كلها إستحقار
لاريسا:holla lindo come stace (هاي ياحلو كيف حالك)
متعب:nawaf no capis spaniol ,,, ase me primo (نواف مايعرف إسباني وهو قريبي)
لاريسا: كيفك؟
نواف بجفا:بخير وإنت؟
*متعب راح مع الوليد للغرفه الثانيه يجيبله شي ياكله*
لاريسا: انا اوكي.. ما تتطلع فيي هيك انا اصلي لبناني بس عايشِ بسبانيا
نواف:إنت تدرسين مع متعب؟
لاريسا: لا انا رفيقتوو بس ساكني معوو
نواف:نعم نعم نعم..ليه ماعندك بيت؟
لاريسا:عندي بس بيت جوزي و بيو ل يلي ف بطني (بيت زوجي وأبو اللي في بطني)
نواف: إيش؟؟؟؟؟؟ تستهبلين إنت *بصراخ* متعب ما يسويها
لاريسا: ماتصرخ عليي شووو بيك ؟
((نواف مصدوم أكبر صدمه بحياته معقوله؟ متعب يطلع راعي حركات لا وحامل أكيد هالغبيه تكذب بس شفتها بحضنه بس انا لازم أقول لمتعب يمكن يكون توه متعرف عليها وهي تبي تبلشه بالي فبطنها وراح يدور على متعب عشان يقوله))
______ فتون _____
فتون و هي تتمشى بالغرفه وتكلم
فتون:حبيبي مو اليوم والله ما أقدر
طارق: إسمعي يا فتون قلت لك مشتاقلك إرحمي قلبي شوي
فتون: أحبك والله بس ما أقدر اليوم
طارق:اوكي بكره وبعرفك على إختي دانه
فتون بفرح: بجد ؟ وين بتكون معك بالسياره؟
طارق : لا حياتي بنتمشى انا وياك وبعدين بوصلك عندها بس ما بقعد معكم ولا بدخل ولا ابيك تقولين انا اللي وصلتك لان دانه تعرف إنو بس نكلم بعض مو طلعات وكذا وهي مقدره حبنا وتبي تشوفك بس زوجها مايخليها تطلع لحالها عشان كذا قالتلي اعزمك عندها
فتون بخوف: لا الله يخيلك لا إلقى طريقه غير بس اروحلها لا
طارق: اصلا إنت تحسسيني إني أنا وأهلي ذئاب انا الغلطان اللي حبيت وحده ما تثق فيني لو انا حقير كان باول شهر سويتلك شي سنه وانا صابر على حبك بس للاسف ما عدت ابيك (وصكر بوجها)
*فتون ندمت وقررت تروح صح هو يحبها ويموت فيها وهي غلطت إنها زعلته بس ذبحت عمرها وهي تدق وترسل مسجات ومو راضي يرضا*
أرسلت له **حبيبي خلاص لاتزعل بروح لبيتها بس عطني العنوان**
طارق (والله وجنيتي على نفسك يا فتون بس بطنشك يومين وبعدين تجيني وأسوي اللي أبيه وبنتقم من أخوك فيك خليه هو وناصر ولد عمك يعرفون مين طارق اللي مدو إيدهم عليه بخليهم يموتو قهر هههههه بتندم والله بتندم يا عمر)
____وجدان_____
وجدان: ماما ما ادري أحسه كبير علي
أم وجدان: والله انا ما بضغط عليك يابنتي بس احنا شارين الرجال ابوك يقول ماعليه كلام ونعرف أهله وماهو كبير عليك الفرق بينكم 6 سنين .. يا بنتي ترى أنا وابوك مابندوم لك وأخوانك بيتزوجون وإنت دايم ترفضين اللي يجونك
وجدان: بفكر
ام وجدان خذي راحتك وفكري يالله يمه إستخيري وردي علي بأقرب وقت
((وجدان بداخلها خلاص انا لازم أفكر بجديه صح كلام ماما بس انا أحب عبدالله اخو البنوو بس هو مايدري عن هوى داري وأكيد ما أهمه بشي لازم أفكر بجديه خلاص إنتهى وقت الحب))
___ عند البنات في بيت البنووو____
طبعا عبدالله نام بالملحق ومن الصبح راح عند مشعل عشان البنات ياخذون راحتهم بالبيت وخبر أمه وراح بيت خالته
ام عبدالله: هلا والله بأحلى بنات أخبار سهرتكم البارح
البنات : هههههه وناسه والله
ام عبدالله:خذو راحتكم البيت لكم عبود من 8 الصبح طلع لعند مشعل وقال خذو راحتكم و وصاني أقولك يالجوري عن اللقافه
الجوري:هههههههه الغبي
مشاعل كانت معصبه من أمس: محد غبي غيرك
البنات إسكتو والجوري إنحرجت هي قالتها بعفويه بس مشاعل فيها شي
ام عبدالله:مشاعل شفيك كلهم خواته
مشاعل: سوري الجوري ..انا ماأبي غدا بقعد بغرفتي وأسيل إن خلصتي غداك تعالي
((راحت مشاعل وهي بخاطرها تبي تذبح البندري والجوري لان بندر بين إنه قصدهم بالكلام ... بس ليه ما يطالع فيني ليه كله لاني أرسلتله مسج وقلتله أحبك مافيها شي لو أعبر عن شعوري بس هذا مو سبب يخليه يتغير علي سنتين... مشاعل تذكرت رده عليها
مشاعل:بندر بخاطري شي معذبني
أرسل لها:هلا مشاعل أفا إيش يعذب القمر
مشاعل بخوف إكتبت: إنت
بندر أرسلها وهو حس عليها ومن حركاتها: أنااا لا بالله أذبح عمري شسويت أنا؟
مشاعل أرسلت: أحبـــــــــــــــك
بندر ببرود: أوكي
مشاعل:إيش اوكي
بندر : مشكوره على المشاعر يا مشاعل
مشاعل: أدري إنك ما تفكر فيني بس .....
إتصل بندر على مشاعل وردت
مشاعل بخوف : هلا بندر
بندر:ما بطولها وهي قصيره إنت توك أولى جامعه والحياه قدامك طويله ماأقولك إنسي بندر بس حنا بنبقى عيال عم ولا عاد تعيدينها و تقولين أحبك
مشاعل تكتم شهقاتها:أوكي
بندر حن قلبه:لا يامشاعل والله مع الوقت بتعذريني ..سامحيني يامشاعل))
مشاعل وقفت وقررت تقول للجوري ولل بندري إن اي وحده يتقدملها بندر ما تاخذه بس لو ما خذاهم بياخذ غيرهم
___بغرفة الطعام____
نادين: ماما انا زعلانه
أم عبدالله : ليه يا حبيبتي
نادين:البارح ماخذوني معهم للخيمه وبقيت بالحالي مع لوجين
أم عبدالله: إي قلتيها مع لوجين
أسيل: يالله انا بطلع لشعووول مشكوره خالتي الاكل لذيذ
الجوري: وجع يا ريان إخلصي أكل إنتي والعنود بسرعه بنبتدي الجلسه قبل ما نروح
أم عبدالله: مافي احد بيروح لاني كلمت أهلكم والكل معزوم على العشاء هنا
البنات بدو يصارخووووون : واااااااااااااااااااااااااااااو وناسه .. والبندري تبوس بأمها
الجود: خالتي بسالك خالتي غاده معزومه ؟
البندري: إنشاءالله لاء
أم عبدالله: كلمتهم وقالت هي معزوه بس بترسل ساره وأحمد وقمر وغلا
البنوو:إكملت ... الله يعين
نادين: لا ماما لاتجي قمر انا ماأحبها ولا غلا
أم عبدالله : عيب هالكلام هذولا عيال خالتكم وعيب كلامكم
سكتوو الكل ومافي أحد علق على الموضوع
طلعو البنات لغرفة البندري وقعدو عشان الجوري تبدا جلسة المصارحه اللي من البارح ذابحتهم فيها
الجوري:شوفو السؤال محدد للكل أوكي بس كل وحده تجاوب بالدور والسؤال هو إحم إحم
البنات:هههههههه خطبة الجمعه
الجوري: لا إسمعو (( هل تعيشين قصه حب..مين حبيتي بحياتك...كيف بديتو... وإذا إنتهيتو ليه)) بنبدا بالعنود
العنود:لا مو انا مايصير
الجوري:العنود بلا سخافه
العنود:أوكي إسكتووو بتكلم - أعيش قصة حب بس من طرف واحد , ماحبيت غيره بحياتي من صغري وانا أحبه بس هو مابعمره قال لي شي لا والمشكله ماعنده إخت تقوله إن قلتلها.. بس هو له إخت من الرضاعه يعني راضعه مع أخوه الصغير بس هو وياها قراب كثير من بعض-
الجوري:لا تقولين فارس ههههههههههههههه
البنات:ههههههههههههه
البندري: فارس...؟ قولي يالعنود مين
العنود منحرجه: إيه فارس ولد عمي
البندري:ههههههههههههههههههههههههه ونااااااااااااااااااااااااسه يالزفته
العنود: إيش اللي إمونسك بالموضوع كله عذاب بعذاب
البندري بخبث: الحين أقولك أيش اللي إمونسني بس بشرط تفطريني 3 أيام على حسابك
العنود:اوكي
ريان : بنووو إيش وراك
-مسكت البندري التلفون وإتصلت على *فارس حياتي* إفتحت السبيكر وللحين يرن التلفون والبنات منصدمين بس دقيقه وكانت الصدمه اكبر يوم إسمعو الصوت المخملي
فارس: إرحبوووووو بالغلا كله
البندري:هههههه والله زين إنك أخوي
فارس:هههههههههه وانا أقول نفس الشي أخبار إختي الصغنونه اليوم؟
البندري: متضايقه يا فارس
فارس: أفااااااا ما عاش من ضايقك قوليلي شصاير وانا أذبح اللي مزعلك
البندري: فارس تخيل عنوده أغمى عليها والحين نايمه مسكينه شكلها يكسر الخاطر
((طالعت بالبنات وغمزت والعنود تتحلف فيها من بعيد))
_____ببريطانيا_____
نواف بالمحاضره بس عقله بمكان ثاني يفكر بالمزون ويفكر بمتعب اللي راح وكان يبيه ينكر معرفته بالبنت بس بالعكس وافقها بكلامها وإعترف له بحمل لاريسا منه بس الصدمه مو هنا الصدمه يوم قال متعب..
متعب: خلاص نواف ادري إني غلطان وهي بالشهر الثاني وبخليها تسقطه وأصلا ماتزوجتها وأنا شهر بالكثير وراجع السعوديه وبتزوج وهذي الله معاها
نواف: بنات الناس لعبه .. وبعدين مين سعيدة الحظ؟
متعب: لاريسا هي اللي رمت نفسها علي ... سعيدة الحظ هي البندري بنت عمي يوسف
نواف: إيش لاا مستحيل
متعب: تحمد ربها إني أعجبت فيها وانا الدكتور متعب باخذها
نواف: إحترم كلامك يا متعب وتراهي بنت عمك مو أي بنت
متعب: وخير انشاءالله قايم تدافع عنها لاتكون تحبها؟
نواف مسك متعب ولصقه بالجدار: إسمع كنت بستر على اللي سويته بس وربي لافضحك وشرايك باللي يقولك مابتاخذ البندري لو على رقبتي
متعب: نشووف يا نواف
___نرجع للغرفه_______
البندري: فارس تخيل عنوده أغمى عليها والحين نايمه مسكينه شكلها يكسر الخاطر
((طالعت بالبنات وغمزت والعنود تتحلف فيها من بعيد))
فارس : عنوده مين؟
البندري:حبيبتك
((الكل إنصدم))
فارس: عنودتي عندكم ليه ما قلتيلي بعدين ليه شلي تاعبها أجي اوديها المستشفى ؟
البندري:ههههههههههههههههههههههههههههههههههه كل هذا حب
((البنات ماتو وناسه إذن فارس يحب العنود وهي تقول من طرف واحد وهي بغت تبوس البندري))
فارس: وأكثر إسمعي إنت ايش فايدتك بالحياه بس تتطلبين وتتشكين شرايك تعزميني ف بيتكم وتطلعيني الغرفه اللي هي فيها بس لمحه وحده تكفين
البندري: ياقليل الأدب
فارس:ههههههههههه بس بجد وحشتني
بنوو : شرايك أسألك عنوده عن مشاعرها
فارس: لا انا ما أجي للبنات من الشبابيك أنا أجيهم من الابواب
البندري تصارخ: كــــــــــــــــذاب متى بتخطبها متى
فارس:هههههههه العقل زين حبيبتي بس قريب إنشاءالله
البنوو : أوكي باي
فارس: إنتبهي عليها ... باي
يتبع ,,,,
👇👇👇
اللهم لك الحمد حتى ترضى وإذا رضيت وبعد الرضى ,,, اضف تعليقك